တံတားဦးမြို့နယ်တွင် မိုးရာသီ၌ စိမ်းလန်း စိုပြည်သန့်ရှင်းသာယာလုပ်ငန်းများ စဉ်ဆက်မပြတ်ဆောင်ရွက်

saceditor

News Image

  • တံတားဦးမြို့နယ်တွင် မိုးရာသီ၌ စိမ်းလန်း စိုပြည်သန့်ရှင်းသာယာလုပ်ငန်းများ စဉ်ဆက်မပြတ်ဆောင်ရွက်

တံတားဦး ၊ ဇွန် - ၁၇

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် မြို့နယ်စည်ပင်သာယာရေးအဖွဲ့မှ ကြီးကြပ်၍ မြို့အဝင်အထွက်နှင့် မြို့တွင်းသန့်ရှင်းသာယာလှပစေရေးအတွက် လုပ်ငန်းများကို စဉ်ဆက်မပြတ် ဆောင်ရွက် ပေးလျက်ရှိကြောင်းသိရသည်။

တံတားဦးမြို့နယ်တွင် တံတားဦး-မြို့သာ ကားလမ်းဘေးဝဲယာရှိ အရိပ်ရအပင်များ၊ ပန်းအလှပင်များ ရှင်သန် ဖွံ့ဖြိုးရေးအတွက် မြေပြုပြင်ခြင်းလုပ်ငန်းများ ဆောင်ရွက်ခြင်း ၊ ပန်းအလှပင်များစိုက်ပျိုးခြင်းနှင့် မြက်ဖြတ်ခြင်း၊ ပေါင်းမြက်နှုတ်ခြင်းလုပ်ငန်းများဆောင်ရွက်ခြင်း ၊ မြို့တွင်းလမ်းများ၏ လမ်းဘေးဝဲယာရှိ ရေမြှောင်းများ သန့်ရှင်းခြင်း၊ မြို့တွင်းလမ်းတစ်လျှောက် လမ်းသွားလမ်းလာများ၏ စွန့်ပစ်အမှိုက်များ သိမ်းဆည်းခြင်းလုပ်ငန်း များ၊ မိုးရာသီတွင် မြို့စိမ်းလန်းစိုပြည်သာယာလှပရေးလုပ်ငန်းများ ဆောင်ရွက်လျက်ရှိကြောင်း မြို့နယ် စည်ပင် သာယာရေးအဖွဲ့မှ သိရသည် ။

ပေးပို့သူ- ဦးရဲတင့်(ပြန်/ဆက်)

 

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

၂၉-၆-၂၀၂၅ (တနင်္ဂနွေနေ့) တွင် MOTC ရှိ Server များ ပြောင်းရွှေ့မည်ဖြစ်ပါသဖြင့် သတင်းများ လွှင့်တင်ဖော်ပြမှု ၁ ရက်ခန့် ယာယီ ရပ်နားသွားမည်ဖြစ်ပါကြောင်း အသိပေးတင်ပြခြင်း
၂၉-၆-၂၀၂၅ (တနင်္ဂနွေနေ့) တွင် MOTC ရှိ Server များ ပြောင်းရွှေ့မည်ဖြစ်ပါသဖြင့် သတင်းများ လွှင့်တင်ဖော်ပြမှု ၁ ရက်ခန့် ယာယီ ရပ်နားသွားမည်ဖြစ်ပါကြောင်း အသိပေးတင်ပြခြင်း
၂၀၂၅ ခုနှစ်၊ ဇွန်လ ၂၉ ရက် (တနင်္ဂနွေနေ့) တွင် ပို့ဆောင်ရေးနှင့် ဆက်သွယ်ရေးဝန်ကြီးဌာန (MOTC) ရှိ Server များ ပြောင်းရွှေ့မည်ဖြစ်ပါသဖြင့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာနများ Website တွင် သတင်းများ လွှင့်တင်ဖော်ပြမှုအား ၁ ရက်ခန့် ယာယီ ရပ်နားသွားမည် ဖြစ်ပါကြောင်း လေးစားစွာ အသိပေးတင်ပြအပ်ပါသည်။
Sat, 28-Jun-2025
weather forecast , weather forecast
အထူးမိုးလေဝသသတင်း (၂၀၂၅ ခုနှစ်၊ ဇွန်လ ၂၆ ရက်နေ့၊ မြန်မာစံတော်ချိန် ၁၈:၀၀ နာရီအချိန် ထုတ်ပြန်ချက်)
၁။        ယနေ့မြန်မာစံတော်ချိန် ၁၆:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေ အားကောင်းလာနိုင်ခြင်းကြောင့်လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း၊ အနောက်ဘက်မှ ရွေ့လျား လာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညနေမှ ၃၀-၆-၂၀၂၅ ရက်နေ့ အတွင်း မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် ကယား ပြည်နယ်တို့တွင် နေရာကျဲကျဲနှင့် နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင်ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်းရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီး မည်။ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင် တို့တွင် ၁၁ ပေမှ ၁၃ ပေခန့် ရှိနိုင်ပါသည်။အကြုံပြုချက်၂။       သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေး၊ လေကြောင်းပျံသန်းရေးနှင့် ဆည်မြောင်းတာတမံများအနေဖြင့် လိုအပ်သည်များ ကြိုတင်ပြင်ဆင်ဆောင်ရွက် ထားနိုင်ပါရန် သတိပေးနှိုးဆော်အပ်ပါသည်။မိုး/ဇလ
Fri, 27-Jun-2025
ကိုရီ-၁ နျူကလီးယားစက်ရုံကိုဖျက်သိမ်းရန် တောင်ကိုရီးယားစီစဉ်
ကိုရီ-၁ နျူကလီးယားစက်ရုံကိုဖျက်သိမ်းရန် တောင်ကိုရီးယားစီစဉ်
ဆိုးလ် ဇွန် ၂၆တောင်ကိုရီးယား နျူကလီးယားစွမ်းအင်သုံးလျှပ်စစ်ဓာတ်အား ပေးစက်ရုံတစ်ရုံအား ပထမဆုံး အကြိမ်အဖြစ် ဖျက်သိမ်းခွင့်ပေးရန် တောင်ကိုရီးယားအစိုးရ နျူကလီးယားဘေးကင်းလုံခြုံရေးကော်မရှင်က ယနေ့တွင် အတည်ပြုချက်ပေး ခဲ့ကြောင်း သိရသည်။တောင်ကိုရီးယားနိုင်ငံသည် ကိုရီ ၁ အမည်ရှိ နျူကလီးယားစွမ်းအင်သုံးလျှပ်စစ်ဓာတ်အားပေး စက်ရုံကိုဖျက်သိမ်းရန် စီစဉ်ထားသည်။တောင်ကိုရီးယား နိုင်ငံသည် ကိုရီ-၁ နျူကလီးယားစွမ်းအင်သုံး လျှပ်စစ်ဓာတ်အားပေး စက်ရုံကို ၃၉ နှစ်ကြာ လုပ်ငန်းလည်ပတ်ခဲ့ပြီး နောက် ၂၀၁၇ ခုနှစ်တွင် လုပ်ငန်း လည်ပတ်မှုအမြဲတမ်းရပ်နားထား ခဲ့ပြီးဖြစ်သည်။လက်ရှိအချိန်တွင် အဆိုပါစက်ရုံကို အပြီးတိုင် ဖျက်သိမ်းခွင့်ပေးရန် တောင်ကိုရီးယားအစိုးရ နျူကလီးယား ဘေးကင်းလုံခြုံမှုကော်မရှင်က အတည်ပြုချက်ပေး ခဲ့ပြီးဖြစ်ကြောင်းတောင်ကိုရီးယား မီဒီယာများက သတင်းထုတ်ပြန် ထားသည်။ကိုရီ-၁ နျူကလီးယားစွမ်းအင်သုံး လျှပ်စစ်ဓာတ်အားပေးစက်ရုံ သည်ဖျက်သိမ်းခံရသည့် ပထမဆုံး တောင်ကိုရီးယား နျူကလီးယားအဆောက်အအုံဖြစ်လာလိမ့်မည် ဖြစ်သည်။ကိုရီ- ၁နျူကလီးယားစွမ်းအင် သုံး လျှပ်စစ်ဓာတ်အားပေးစက်ရုံဟောင်းကို ဖျက်သိမ်းရေးအတွက် အချိန် ၁၂ နှစ် ကြာမြင့်မည်ဖြစ်ပြီး ကုန်ကျစရိတ် ဝမ်ငွေ ၁ ဒသမ ၁ ထရီလီယံ (အမေရိကန်ဒေါ်လာ သန်း ၈၁၀)ထိ ကုန်ကျမည်ဖြစ် ကြောင်း သိရသည်။Ref : Xinhua YDNB NewspaperPhoto - Korea Herald
Fri, 27-Jun-2025
N Korea
အရှေ့ဘက်ကမ်းရိုးတန်းဒေသ၌ ခရီးသွားနယ်မြေသစ် တည်ဆောက်မှုလုပ်ငန်း မြောက်ကိုရီးယားအပြီးသတ်
ပြုံယမ်း ဇွန် ၂၆အရှေ့ဘက်ကမ်းရိုးတန်းဒေသ၌ ခရီးသွားနယ်မြေသစ်တည်ဆောက်ရေးလုပ်ငန်းပြီးဆုံးခဲ့ပြီဖြစ်ကြောင်း မြောက်ကိုရီးယားအစိုးရပိုင် ကေစီအင်န်သတင်းဌာနက ယနေ့တွင် သတင်းထုတ်ပြန်ထားသည်။ဝန်ဆန်ကယ်လ်မာကမ်းခြေ ခရီးသွားနယ်မြေအမည်ရှိ အဆိုပါ ခရီးသွား နယ်မြေသစ်ဖွင့်ပွဲကို ဇွန် ၂၅ ရက်တွင် ကျင်းပခဲ့ရာ မြောက်ကိုရီးယား ခေါင်းဆောင် ကင်ဂျုံအန်က ကိုယ်တိုင်တက်ရောက်ခဲ့သည်။မြောက်ကိုရီးယားနိုင်ငံအနေဖြင့် အရွယ်အစားကြီးမားသော ခရီးသွားနယ်မြေများ ဆက်လက်တည်ဆောက်မည် ဖြစ်ကြောင်း မြောက်ကိုရီးယား ခေါင်းဆောင် ကင်ဂျုံအန်က ဝန်ဆန်ကယ်လ်မာ ကမ်းခြေခရီးသွားနယ်မြေဖွင့်ပွဲ၌ ပြောကြားခဲ့သည်။ဝန်ဆန်ကယ်လ်မာကမ်းခြေ ခရီးသွားနယ်မြေသည် ခရီးသွား ဧည့်သည်၂၀၀၀၀ခန့်ကို ဝန်ဆောင် မှုပေးနိုင်ကြောင်း သိရသည်။ဝန်ဆန်ကယ်လ်မာကမ်းခြေ အပန်းဖြေစခန်းကို ပြည်တွင်းခရီးသွားဧည့်သည်များအတွက် ဇူလိုင် ၁ရက်တွင်စဖွင့်ပေးမည်ဖြစ်ကြောင်း ကေစီအင်န်အေ သတင်းဌာနက သတင်းထုတ်ပြန်ထားသည်။ မြောက်ကိုရီးယားနိုင်ငံသည် အရှေ့ဘက် ကမ်းရိုးတန်းဒေသမြို့တော်ဖြစ်သည့် ဝန်ဆန်မြို့ကို ကမ္ဘာလှည့် ခရီးသွားနယ်မြေ အဖြစ် ပြောင်းလဲတည်ဆောက်လျက်ရှိကြောင်း သိရသည်။Ref: RTTrs: KKOYDNB Newspaper
Fri, 27-Jun-2025
ကမ္ဘာ့ကိုကင်းဈေးကွက် စံချိန်တင်မြင့်မားလာဟု ကုလသမဂ္ဂ ထုတ်ပြန်
ကမ္ဘာ့ကိုကင်းဈေးကွက် စံချိန်တင်မြင့်မားလာဟု ကုလသမဂ္ဂ ထုတ်ပြန်
ကမ္ဘာပေါ်တွင် ကိုကင်းဈေးကွက်သည် စံချိန်တင်မြင့်မားလာကြောင်း၊ ကိုကင်းထုတ်လုပ်မှု၊ ဖမ်းဆီးရမိမှုနှင့် အသုံးပြုမှု တို့သည်လည်း အလွန်မြင့်မားလာကြောင်း ကုလသမဂ္ဂက ဇွန်လ   ၂၆    ရက်တွင် ထုတ်ပြန်ထားသည်။၂၀၂၃ ခုနှစ်တွင် ကိုကင်းထုတ်လုပ်မှုသည် ၃၇၀၈ တန်ရှိသောကြောင့် ၂၀၂၂ ခုနှစ်အတွင်း ထုတ်လုပ်မှုထက် ၃၄ ရာခိုင်နှုန်းနီးပါး မြင့်တက်လာကြောင်း ကုလသမဂ္ဂ၏ မူးယစ်ဆေးဝါးနှင့်ရာဇဝတ်မှုရုံးက ထုတ်ပြန်သော နှစ်ပတ်လည်အစီရင်ခံစာ တွင်ဖော်ပြထားသည်။ယခုကဲ့သို့ ကိုကင်းထုတ်လုပ်မှုများ မြင့်မားလာခြင်းသည် ကိုလံဘီယာနိုင်ငံ၌ ကိုကာပင်များ တိုးချဲ့စိုက်ပျိုးသည့်ဧရိယာမြင့်တက်လာခြင်းကြောင့် ဖြစ်ကြောင်း ထုတ်ပြန်ချက်တွင် ဆက်လက်ဖော်ပြထားသည်။ထို့အတူ ၂၀၂၃ ခုနှစ်အတွင်း ကိုကင်းသိမ်းဆည်း ရမိမှုပမာဏသည် ၂၂၇၅ တန်အထိရှိသောကြောင့် ယမန်နှစ်ကထက် ၆၈ ရာခိုင်နှုန်းမြင့်တက်လာကာ ကိုကင်း အသုံးပြုသူ အရေအတွက်မှာလည်း ၂၀၁၃ ခုနှစ်တွင် ၁၇ သန်းသာရှိရာမှ ၂၀၂၃ ခုနှစ် တွင် ၂၅ သန်းအထိ မြင့်တက်လာကြောင်း သိရသည်။MWD Web Portal
Fri, 27-Jun-2025
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဘယ်လာရုစ်သမ္မတနိုင်ငံ၊ မင့်စ်မြို့ရှိ Belmedpreparaty ဆေးဝါးစက်ရုံသို့ သွားရောက်လေ့လာ
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဘယ်လာရုစ်သမ္မတနိုင်ငံ၊ မင့်စ်မြို့ရှိ Belmedpreparaty ဆေးဝါးစက်ရုံသို့ သွားရောက်လေ့လာ
နေပြည်တော် ဇွန် ၂၆ဘယ်လာရုစ်သမ္မတနိုင်ငံသို့ ရောက်ရှိနေသည့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် ဦးဆောင်သည့် မြန်မာအဆင့်မြင့်ကိုယ်စားလှယ်အဖွဲ့သည် ယနေ့နံနက်ပိုင်းတွင် မင့်စ်မြို့ရှိ Belmedpreparaty ဆေးဝါးစက်ရုံသို့ သွားရောက်လေ့လာသည်။ဦးစွာ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် အဖွဲ့ဝင်များသည် Belmedpreparaty ဆေးဝါးစက်ရုံသို့ ရောက်ရှိကြရာ ဘယ်လာရုစ်သမ္မတနိုင်ငံ၊ ကျန်းမာရေးဝန်ကြီးဌာနဝန်ကြီး Mr. Aliaksandr Khajayeu နှင့် စက်ရုံမှ တာဝန်ရှိသူများက ကြိုဆိုနှုတ်ဆက်ကြသည်။ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် အဖွဲ့ဝင်များသည် စက်ရုံရှေ့၌ ပြသထားသည့် ဆေးကုသရေးအထောက်အကူပြု မော်တော်ယာဉ်များအား လိုက်လံကြည့်ရှုလေ့လာကြပြီး ရှင်းလင်းတင်ပြမှုများအပေါ် သိရှိလိုသည်များ ပြန်လည်မေးမြန်းဆွေးနွေးပြောကြားသည်။ယင်းနောက် ဘယ်လာရုစ်နိုင်ငံမှ ထုတ်လုပ်ထားသည့် ဆေးဝါးများပြခန်း၊ ဆေးကုသမှုများ ဆောင်ရွက်ရာတွင် အသုံးပြုသည့် စက်ကိရိယာများပြခန်းတို့အတွင်း ခင်းကျင်းပြသထားရှိမှုများအား ကြည့်ရှုလေ့လာကြပြီး ရှင်းလင်းတင်ပြမှုများအပေါ် သိရှိလိုသည်များ ပြန်လည်မေးမြန်းဆွေးနွေးသည်။ယင်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် အဖွဲ့ဝင်များ၊ ဘယ်လာရုစ်သမ္မတနိုင်ငံ၊ ကျန်းမာရေးဝန်ကြီးဌာနဝန်ကြီးနှင့် အဖွဲ့ဝင်များသည် ဆေးဝါးစက်ရုံအစည်းအဝေးခန်းမအတွင်း တွေ့ဆုံ၍ နှစ်နိုင်ငံအကြား ကျန်းမာရေးကဏ္ဍတွင် ပူးပေါင်းဆောင်ရွက်နိုင်မည့် အခြေအနေများ၊ ဘယ်လာရုစ်နိုင်ငံမှထုတ်လုပ်သည့် ဆေးနှင့် ဆေးပစ္စည်းဆိုင်ရာများအား မြန်မာနိုင်ငံကျန်းမာရေးကဏ္ဍတွင် အသုံးပြုသွားနိုင်မည့် အခြေအနေများ၊ Belmedpreparaty ဆေးဝါးစက်ရုံမှ တာဝန်ရှိသူများနှင့် မြန်မာနိုင်ငံမှ ကျန်းမာရေးဆိုင်ရာတာဝန်ရှိသူတို့ အသေးစိတ်ဆက်လက်ဆွေးနွေးဆောင်ရွက်သွားမည့် အခြေအနေများနှင့် ပတ်သက်၍ အမြင်ချင်းဖလှယ်ဆွေးနွေးခဲ့ကြသည်။၎င်းနောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် ဘယ်လာရုစ်သမ္မတနိုင်ငံ၊ ကျန်းမာရေးဝန်ကြီးဌာနဝန်ကြီးတို့သည် လက်ဆောင်ပစ္စည်းများ အပြန်အလှန်လဲလှယ်ခဲ့ကြသည်။ထို့နောက် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် အဖွဲ့ဝင်များသည် Belmedpreparaty ဆေးဝါးစက်ရုံအတွင်း လှည့်လည်၍ ဆေးဝါးထုတ်လုပ်နေမှုအဆင့်ဆင့်အား ကြည့်ရှုလေ့လာခဲ့ကြပြီး တာဝန်ရှိသူများ၏ ရှင်းလင်းတင်ပြမှုများအပေါ် သိရှိလိုသည်များ ပြန်လည်မေးမြန်းဆွေးနွေးခဲ့ကြသည်။အဆိုပါ Belmedpreparaty ဆေးဝါးစက်ရုံသည် Minsk မြို့တွင်တည်ရှိပြီး ဝန်ထမ်းပေါင်း ၂,၁၀၀ ကျော်ရှိသည့် ဘယ်လာရုစ်နိုင်ငံ၏ အကြီးဆုံးဆေးဝါးထုတ်လုပ်သည့် စက်ရုံတစ်ခုဖြစ်ကြောင်း သတင်းရရှိသည်။MOI
Fri, 27-Jun-2025
© Copyright 2024 SAC All Rights Reserved.