တောင်တရုတ်ပင်လယ်၌ ဩစတေးလျ စပိုင်ဂျက်ကို တရုတ်တိုက်လေယာဉ်က မီးပန်းနှင့်ကျဲချ

တောင်တရုတ်ပင်လယ်၌ နိုင်ငံတကာလေပိုင်နက်တွင် ပျံသန်းနေသော ဩစတေးလျ စပိုင်လေယာဉ်တစ်စင်းကို တရုတ်တိုက်လေယာဉ်ကမီးပန်းများနှင့်ကျဲချလိုက်သည့်အတွက် ဩစတေးလျနိုင်ငံသားများ မကျေမနပ်ဖြစ်ကာ ပေါက်ကွဲနေကြောင်း သိရှိရပါသည်။ 

တရုတ် J-16 တိုက်လေယာဉ်က မီးပန်းများကို ကျဲချလိုက်သော်လည်း P-8 ဩစတေးလျှ စပိုင်ဂျက်ကို ထိခိုက်ခဲ့ခြင်းမရှိသောကြောင့် လေယာဉ်ပေါ်ပါသူ ၉ ဦးလုံး ဘေးအန္တရာယ်မှလွတ်ကင်းသွားခဲ့ပါသည်။ 

တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဂေါင်ကျီကန် က သြစတြေးလျ စစ်လေယာဉ်သည် အငြင်းပွားနေသော ပါရာဆယ်ကျွန်းများပေါ်ရှိ ဝေဟင်ပိုင်နက်အတွင်းသို့ တမင်တကာ ကျူးကျော်ဝင်ရောက်ခဲ့ကြောင်းစွပ်စွဲခဲ့ပြီး လေယာဉ်ကိုမောင်းထုတ်ရန် တရုတ်၏ လုပ်ဆောင်မှုသည် တရားဝင်ဥပဒေနှင့်အညီ ထိန်းသိမ်းလုပ်ဆောင်ခြင်းဖြစ်ကြောင်း ၎င်းက ပြောဆိုခဲ့ပါသည်။

ဩစတေးလျနိုင်ငံသားများက အဆိုပါဖြစ်ရပ်နှင့်ပတ်သက်၍ ၎င်း၏ မြို့တော် ကင်ဘာရာနှင့် တရုတ်မြို့တော် ပေကျင်းတို့၌ ဖေဖော်ဝါရီ ၁၂ ရက် နှင့် ၁၃ ရက်နေ့များတွင် ဆန္ဒပြခဲ့ကြောင်းသိရှိရပြီး ၎င်းတို့က တရုတ်လေယာဉ်မှူးနှစ်ဦးသည် လေယာဉ်နှင့်ဝန်ထမ်းများကို အန္တရာယ် ဖြစ်စေသည့် လုပ်ရပ်များလုပ်ခဲ့ပြီး ပရော်ဖက်ရှင်နယ်မဆန်သော လုပ်ရပ် ဟု စွပ်စွဲပြောဆိုခဲ့ပါသည်။ 

ကိုးကား-Myanmar National Post