DeepSeek ကို တောင်ကိုရီးယားက ယာယီပိတ်ပင်

တောင်ကိုရီးယားအစိုးရသည် နိုင်ငံအတွင်း တရုတ်ပိုင် chatbot တစ်ခု ဖြစ်သည့် DeepSeek အသုံးပြုမှုကို ယာယီ ပိတ်ပင်ရန် ဆုံးဖြတ်လိုက်ကြောင်း ကိုယ်ရေးအချက်အလက် ကာကွယ်ရေးကော်မရှင်က ဖေဖော်ဝါရီ ၁၇ ရက်တွင် သတင်းထုတ်ပြန်လိုက်ပါသည်။

 chatbot ဖန်တီးသူများအနေဖြင့် DeepSeek ကို တောင်ကိုရီးယား ဥပဒေနှင့်အညီ လုပ်ဆောင်ချက်ကို အပြောင်းအလဲများပြုလုပ်ပြီးမှသာ အဆိုပါပိတ်ပင်မှုကို ရုတ်သိမ်းသွားမည်ဖြစ်ကြောင်း ပြောကြားထား ပါသည်။

တောင်ကိုရီးယားအာဏာပိုင်များသည် ပြီးခဲ့သည့်လက တရုတ်ဘက်သို့ DeepSeekနှင့်ပတ်သက်၍ တရားဝင်တောင်းဆိုမှုတစ်ခု ကမ်းလှမ်းထားပြီး ကိုယ်ရေးကိုယ်တာ အချက်အလက်များ စုဆောင်းခြင်းအပါအဝင် chatbot ၏ လုပ်ဆောင်ချက်အသေးစိတ်များကို ရှင်းပြရန် တောင်းဆိုခဲ့ခြင်းဖြစ်ကြောင်း ကော်မရှင်က ထောက်ပြထားပါသည်။

တောင်ကိုရီးယား၏ ထိပ်တန်းစွမ်းအင်ကုမ္ပဏီ Korea Hydro & Nuclear Power (KHNP) နှင့် KEPCO KPS တို့မှ ဝန်ထမ်းများ DeepSeek အသုံးပြုခြင်းကို ယခင်ကတည်းက တားမြစ်ခဲ့ပါသည်။

ကိုးကား- TASS