ဂရင်းလန်းကို ရက် ၁၀၀ အတွင်း ဝယ်ယူရန် ဒေါ်နယ်ထရမ့် ကြိုးစားလာနိုင်ကြောင်း ကျွမ်းကျင်သူ ပြော
News Image
အမေရိကန်သမ္မတဒေါ်နယ်ထရမ့်၏ ဒုတိယသမ္မတသက်တမ်းရက် ၁၀၀ အတွင်း ဂရင်းလန်းကို ဝယ်ယူရန် စတင်လုပ်ဆောင်လာနိုင်ဖွယ်ရှိပြီး အောင်မြင်ပါက ထိုလုပ်ငန်းစဉ်ကို တစ်ခါတည်း လုပ်ဆောင်မည်မဟုတ်ဘဲ နောက်ပိုင်းတွင် ရေရှည်အကောင်အထည်ဖော် လုပ်ဆောင်သွားမည်ဖြစ်ကြောင်း စိန့်ပီတာစ်ဘာ့ဂ်မြို့ရှိ အာတိတ်ရေးရာကော်မတီ၏ ပြည်သူ့ကောင်စီဒုတိယဥက္ကဋ္ဌနှင့် စီးပွားရေးပညာရှင် ဒေါက်တာ အလက်ဆီဖာဒေးဗ်က TASS သတင်းဌာနကို ပြောကြားလိုက်ပါသည်။
အမေရိကန်သမ္မတများသည် ပထမ ရက် ၁၀၀ အတွင်း ၎င်းတို့၏ အားထုတ်မှုကို အစွမ်းကုန်ပြသကြသည့် ယှဉ်ပြိုင်မှုတစ်ခုရှိပါကြောင်း၊ လက်ရှိဒေါ်နယ်ထရမ့်၏ ဒုတိယသက်တမ်း အစကာလသည် ၎င်းအတွက်အစွမ်းကုန် လုပ်ဆောင်ပြသည့် အချိန်ကာလရောက်ရှိနေသည်ကို အားလုံး မျက်မြင်ပင် ဖြစ်ကြောင်း ၊ ဂရင်းလန်းသည် ထရမ့်၏ ဦးစားပေးကိစ္စတွင် ပါဝင်နေကြောင်း ၎င်းက ပြောကြားထားပါသည်။
ကိုးကား-TASS
MM-News-Category