ရုရှားသမ္မတပူတင်၏ ဖိတ်ကြားမှုအရ Great Patriotic War နှစ် ၈၀ ပြည့် အခမ်းအနား သို့ ထရမ့် တက်ရောက်နိုင်ပါသလား
ထရမ့်အနေဖြင့် ၂၀၂၅ခုနှစ်၊ ဇန်နဝါရီ ၂၀ ရက်နေ့တွင် ကျင်းပခဲ့သည့် ၎င်း၏ ဒုတိယအကြိမ်မြောက် ပြန်လည်ရွေးကောက်ခံခဲ့ရသည့် ၄၇ ဦးမြောက် အမေရိကန်သမ္မတအဖြစ် ကျမ်းသစ္စာ ကျိန်ဆိုပွဲသို့ တက်ရောက်ရန်အတွက် တရုတ်သမ္မတ ရှီ ကိုဖိတ်ကြားခဲ့သော်လည်း ရှီက ဒုတိယသမ္မတ ဟန်ရှန် (Han Zheng) ကိုသာ စေလွှတ်ခဲ့ပါသည်။ ယခု ရုရှားနိုင်ငံ၏ အရေးပါသည့် Great Patriotic War နှစ် ၈၀ ပြည့် အခမ်းအနားသို့ တက်ရောက်ရန် ရုရှားသမ္မတပူတင်၏ ဖိတ်ကြားမှုအပေါ် ထရမ့်အနေဖြင့် အဆိုပါ အခမ်းအနားသို့ ပုံမှန်အားဖြင့် ဒုတိယသမ္မတ ဂျေဒီဗန့်စ် (JD Vance) ကိုသာ စေလွှတ်နိုင်ခြေရှိပါသည်။ သို့သော် မကြာမီက ထရမ့်နှင့် ပူတင်၏ အချိန်ကြာမြင့်စွာ ဖုန်းပြောဆိုခဲ့မှုနှင့် ယူကရိန်းငြိမ်းချမ်းရေးကိစ္စ နှင့်ပတ်သက်၍ ပူတင်ကို ဆွဲဆောင်ရန်အတွက်ဆိုပါက ထရမ့် ကိုယ်တိုင်တက်ရောက်မည်ဆိုလျှင် သမိုင်းဝင် အရွေ့( Historic move) တစ်ခု ဖြစ်သွားနိုင်ပါသည်။
ဖြေကြားသူ - ဦးကိုကိုလှိုင်၊ ပြည်ထောင်စုဝန်ကြီး၊ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂)