အထူးတပ်ဖွဲ့များက အမျိုးသားလွှတ်တော် အဆောက်အအုံကို ပိတ်ဆို့ထားခြင်းကြောင့် လွှတ်တော်ကိုယ်စားလှယ်များအနေဖြင့် စစ်အုပ်ချုပ်ရေးကို ကန့်ကွက်ရန်အတွက် မဲခွဲဆုံးဖြတ်ရန် ကြန့်ကြာနေကြောင်း သိရှိရသည်။
ကိုးကား - ဒေသတွင်းမီဒီယာ
သမ္မတကတော်၏ stock လိမ်လည်မှုကို အထူး စုံစမ်းစစ်ဆေးနိုင်ရေး အမိန့်ထုတ်ရန် လွှတ်တော်က ပြင်ဆင်နေချိန်တွင် ယခုလို Martial Law ကြေညာခြင်းဖြစ်ကြောင်း၊ စစ်အုပ်ချုပ်ရေးကြေညာအပြီး ကိုရီးယားငွေကြေးဖြစ်သည့် “ဝမ်” စျေးကျဆင်းသွားပြီး ကိုရီးယား စတော့ရှယ်ယာဈေးများလည်း ကျဆင်းသွားကြောင်း၊ ကိုရီးယား ငွေကြေး “ဝမ်” သည် ဒေါ်လာနှင့် နှိုင်းယှဥ်ပါက ၂နှစ် အတွင်း အနိမ့်ဆုံးစျေးသို့ ရောက်ခဲ့ကြောင်းသိရှိရသည်။
ကိုးကား - ဒေသတွင်းမီဒီယာ
ဘိုင်ဒင်အစိုးရအဖွဲ့သည် တောင်ကိုရီးယားအစိုးရနှင့် ဆက်သွယ်နေပြီး လက်ရှိအခြေအနေကို အနီးကပ် စောင့်ကြည့်နေကြောင်း အိမ်ဖြူတော်က ပြောကြား ခဲ့သည်။
ကိုးကား - The White House
အတိုက်အခံခေါင်းဆောင် Lee Jae Myung က သမ္မတ Yun Seok Yul ကိုသမ္မတအဖြစ် ဆက်လက်မခန့်အပ်နိုင်ကြောင်းကြေညာခဲ့ပြီး လွှတ်တော်သို့ လာရောက်ရန် ပြည်သူများကို တိုက်တွန်းခဲ့ကြောင်း သိရှိရသည်။
တောင်ကိုရီးယားလွှတ်တော်အမတ်များနှင့် သတင်းထောက်များသည် ဆိုးလ်မြို့ရှိ အမျိုးသားလွှတ်တော် အဆောက်အအုံအတွင်းသို့ အထူးတပ်ဖွဲ့များ ဝင်ရောက်ခြင်းမှတားမြစ်ရန် ကြိုးပမ်းခဲ့ကြသည်။
ကိုးကား- ဒေသတွင်းမီဒီယာ