တောင်တရုတ်ပင်လယ်ရှိ ဖိလစ်ပိုင်နိုင်ငံ သီးသန့် စီးပွားရေးဇုန်(EEZ)တွင် ရုရှားတိုက်ခိုက်ရေး ရေငုပ်သင်္ဘောတစ်စင်း ရောက်ရှိနေခြင်းသည် လွန်စွာစိုးရိမ် ဖွယ်ရာဖြစ်ကြောင်း ဖိလစ်ပိုင်သမ္မတ ဖာဒီနန်မားကို့စ် ဂျူနီယာက ဒီဇင်ဘာ ၂ ရက်တွင် ပြောကြားလိုက် ပါသည်။
၂၀၂၄ ခုနှစ် အိုက်စလန်ရွေးကောက်ပွဲတွင် ဆိုရှယ် ဒီမိုကရက်တစ်ပါတီ အနိုင်ရကြောင်း တနင်္လာနေ့တွင် နိုင်ငံပိုင်ရုပ်သံက ထုတ်ပြန်ကြေညာလိုက်ပါသည်။ဆိုရှယ်ဒီမိုကရက်ပါတီက မဲအများဆုံး ရရှိသော်လည်း ညွှန့်ပေါင်းအစိုးရဖွဲ့ရန် လိုအပ်မည်ဖြစ်ပါသည်။
သားဖြစ်သူ ဟန်တာဘိုင်ဒန် တရားစွဲဆိုခံနေရသည့် ရာဇဝတ်မှု ၂ ခုကို အမေရိကန်သမ္မတ ဂျိုးဘိုင်ဒန်က လွတ်ငြိမ်းချမ်းသာခွင့်ပြုလိုက်ပါသည်။ ဘိုင်ဒန်အနေဖြင့် သားဖြစ်သူ သေနတ်ဝယ်ယူမှုနှင့် အခွန်တိမ်းရှောင်မှုစသည့် ရာဇဝတ်မှုနှစ်ခုဖြင့် တရားစွဲဆိုခံထားသည့်အပေါ် လွတ်ငြိမ်းချမ်းသာခွင့်ပြုမည့် အစီအစဉ် မရှိဟု ယခင်က အကြိမ်ကြိမ်ပြောဆိုခဲ့ဖူးသည်။
ဂျာမနီ ဝန်ကြီးချုပ် Olaf Scholz သည် လွန်ခဲ့သည် ၂ နှစ်ခွဲအတွင်း ပထမဆုံးအကြိမ်အဖြစ် ယူကရိန်းသို့ ရောက်ရှိခဲ့ကြောင်း Reuters သတင်းဌာနက ဖော်ပြထားသည်။
၎င်းသည် ယူကရိန်းခေါင်းဆောင် ဇယ်လင်စကီးနှင့် တွေ့ဆုံမည်ဖြစ်ပြီး ယူရို သန်း ၆၅၀ တန်ဖိုးရှိ လက်နက်များကို ဒီဇင်ဘာလတွင် ယူကရိန်းသို့ ထပ်မံပေးပို့မည်ဟု ကြေညာခဲ့ကြောင်း ဖော်ပြထားသည်။
ကိုးကား - Reuters