ဩစတြေးလျဓာတ်ခွဲခန်းမှ ဗိုင်းရပ်စ်များထည့်ထားသည့် ဓာတ်ခွဲခန်းသုံးပြွန်များ ပျောက်ဆုံးနေ

ထိုင်းနိုင်ငံရှိ အထင်ကရ ဦးနှောက်နှင့် အာရုံကြောပါရဂူ ဒေါက်တာ သီရာဗတ်ဟီမာချတ်ဟာက ဩစတြေးလျ ဓာတ်ခွဲခန်းတစ်ခုမှ လူများကိုသေစေနိုင်သော ဗိုင်းရပ်စ်များ ပါဝင်သည့် ဓာတ်ခွဲခန်းသုံးပြွန်အခု ၃၀၀ ကျော် ပျောက်ဆုံးနေမှုအပေါ် စိုးရိမ်ကြောင်း သတိပေးပြောကြား ခဲ့သည်။

Hendra ဗိုင်းရပ်စ်၊ Lyssa ဗိုင်းရပ်စ်နှင့် Hanta ဗိုင်းရပ်စ်တို့အပါအဝင် ပျောက်ဆုံးနေသော ဗိုင်းရပ်စ်များသည် ဇီဝလုံခြုံမှုကန့်သတ်ချက် အမြင့်ဆုံးအဆင့် ချမှတ်ရန် လိုအပ်သော ဗိုင်းရပ်စ်များဖြစ်သည်။

သီရာဗတ်၏လူမှုမီဒီယာကွန်ယက်တွင် ယင်းကူးစက်မြန် ဗိုင်းရပ်စ်များ ပျောက်ဆုံးမှုနှင့်ဆက်နွှယ်သည့်အန္တရာယ်ကို ဖော်ပြထားသည်။

သီရာဗတ်က ယင်းဗိုင်းရပ်စ်များ မသမာသူများ၏လက်ဝယ်သို့ရောက်ရှိသွားနိုင်ခြင်းသို့မဟုတ်မကောင်းသောရည်ရွယ်ချက်များဖြင့်အသုံးပြုနိုင်ခြင်း စသည့်အခြေအနေများအပေါ် စိုးရိမ်ကြောင်း ပြောကြားခဲ့သည်။

ကျွမ်းကျင်သူများက ယင်းကိစ္စရပ်နှင့်ပတ်သက်၍ စုံစမ်းစစ်ဆေးမှုများ ပြုလုပ်ပေးရန် တောင်းဆိုထားကြကာ ဖြစ်ပေါ်လာနိုင်မည့်အန္တရာယ်ကို ကြိုတင်ကာကွယ်ရန်အတွက် ချက်ချင်း အရေးယူဆောင်ရွက်ပေးနိုင်ပါရန် အာဏာပိုင်များကို တိုက်တွန်းထားကြောင်း သိရှိရသည်။

ကိုးကား -  The Nation

Photo- The Australian