နောင်ချိုမြို့၊ အမှတ် (၁) နှင့် အမှတ် (၂) အခြေခံပညာ အထက်တန်း ကျောင်းတို့တွင် ကျောင်းသား၊ ကျောင်းသူ ၁၁၀၀ ကျော် တက်ရောက် ပညာသင်ယူလျက်ရှိ

sacadmin

News Image

  • နောင်ချိုမြို့၊ အမှတ် (၁) နှင့် အမှတ် (၂) အခြေခံပညာ အထက်တန်း ကျောင်းတို့တွင် ကျောင်းသား၊ ကျောင်းသူ ၁၁၀၀ ကျော် တက်ရောက် ပညာသင်ယူလျက်ရှိ

အကြမ်းဖက်သမားများကြောင့် တစ်နှစ်နီးပါး ပိတ်ထားခဲ့ရသည့် ရှမ်းပြည်နယ်(မြောက်ပိုင်း)၊ နောင်ချိုမြို့ရှိ အခြေခံပညာကျောင်းများကို ဇူလိုင်လ ၂၅ ရက်နေ့မှစ၍ ပြန်လည်ဖွင့်လှစ်ပြီး ကျောင်းသား၊ ကျောင်းသူ များအား စာပေပညာရပ်များ သင်ကြားပေးလျက်ရှိသည့်အပြင် ကျောင်း အပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိကြောင်း သိရသည်။

ထိုသို့ ဆောင်ရွက်ပေးလျက်ရှိရာ ဇူလိုင် ၂၉ ရက်တွင် ကျောင်းသား/ ကျောင်းသူ ၁၁၁၀ ဦး အေးချမ်းပျော်ရွှင်စွာ တက်ရောက် ပညာသင်ကြား လျက်ရှိသည့်အပြင် ထပ်မံလာရောက် ကျောင်းအပ်နှံသူ ကျောင်းသား/ ကျောင်းသူများကိုလည်း ကျောင်းအပ်လက်ခံခြင်းများကို ဆက်လက် ဆောင်ရွက်ပေးလျက်ရှိသလို ကျောင်းလာရောက်အပ်နှံသည့် ကျောင်းသား/ ကျောင်းသူများအား ပညာရေးဝန်ကြီးဌာနက အခမဲ့ပေးအပ်သည့် ကျောင်းသုံးစာအုပ်များ၊ စာရေးကိရိယာများနှင့် ကျောင်းဝတ်စုံများကိုပါ ပေးအပ်ခဲ့သည်။

ထို့အပြင် တပ်မတော်မှ ဆရာဝန်များက ကျန်းမာရေးဝန်ကြီးဌာနမှ ဆရာဝန်များ၊ ကျန်းမာရေးဝန်ထမ်းများနှင့် ပူးပေါင်း၍ ဒေသခံတိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေ ချောမွေ့စေရေးအတွက် မြနန်းတော်ဝင် မင်္ဂလာခန်းမ၌ ယာယီ ဆေးရုံ ဖွင့်လှစ်ပြီး ဆေးကုသပေးခြင်းများ ဆောင်ရွက်ပေးလျက်ရှိရာ ဇူလိုင် ၃၀ တွင် ဒေသခံတိုင်းရင်းသားပြည်သူ ၂၀၁ ဦးတို့ကို လိုအပ်သည့် ကျန်းမာရေး စောင့်ရှောက်မှုများ ဆောင်ရွက်ပေးခဲ့ကြသည်။

၎င်းအပြင် နောင်ချိုမြို့ပေါ်ရှိ ပြည်သူ့ဆေးရုံကြီး အချိန်မီပြန်လည် ဖွင့်လှစ် နိုင်ရေးအတွက် ဌာနဆိုင်ရာဝန်ထမ်းများက ဆေးရုံ ပတ်ဝန်းကျင်ရှိချုံနွယ် ပေါင်းမြက်များအား ခုတ်ထွင်ရှင်းလင်းခြင်း၊ ရေစီးရေလာ ကောင်းမွန် စေရေးအတွက် ရေမြောင်းများတူးဖော်ဆယ်တင်ပေးခြင်းနှင့် သန့်ရှင်းရေး ပြုလုပ်ခြင်းများ ဆောင်ရွက်ပေးခဲ့ကြကြောင်း သိရသည်။

ကိုးကား- MHT

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

ပြည်ထောင်စုဝန်ကြီး Jeng Phang နော်တောင် တရုတ်ပြည်သူ့သမ္မတနိုင်ငံ ပေကျင်းမြို့၌ ကျင်းပသည့် လူငယ်ခေါင်းဆောင်ငြိမ်းချမ်းရေး စကားဝိုင်းဆွေးနွေးပွဲနှင့် ကမ္ဘာ့ငြိမ်းချမ်းရေးလူငယ်ညီလာခံများသို့ တက်ရောက်
ပြည်ထောင်စုဝန်ကြီး Jeng Phang နော်တောင် တရုတ်ပြည်သူ့သမ္မတနိုင်ငံ ပေကျင်းမြို့၌ ကျင်းပသည့် လူငယ်ခေါင်းဆောင်ငြိမ်းချမ်းရေး စကားဝိုင်းဆွေးနွေးပွဲနှင့် ကမ္ဘာ့ငြိမ်းချမ်းရေးလူငယ်ညီလာခံများသို့ တက်ရောက်
ရန်ကုန် ဇူလိုင် ၃၁မြန်မာနိုင်ငံအိုလံပစ်ကော်မတီဥက္ကဋ္ဌ ပြည်ထောင်စုဝန်ကြီး Jeng Phang နော်တောင်သည် မြန်မာနိုင်ငံ လူငယ်ရေးရာလုပ်ငန်းကော်မတီအတွင်းရေးမှူး အားကစားနှင့်လူငယ်ရေးရာဝန်ကြီးဌာန လူငယ်ရေးရာဦးစီးဌာန ညွှန်ကြားရေးမှူးချုပ်နှင့်အတူ ဇူလိုင် ၂၇ ရက်မှ ၂၉ ရက်အထိ တရုတ်ပြည်သူ့သမ္မတနိုင်ငံ ပေကျင်းမြို့၌ ကျင်းပခဲ့သည့် လူငယ်ခေါင်းဆောင်ငြိမ်းချမ်းရေးစကားဝိုင်းဆွေးနွေးပွဲနှင့် ကမ္ဘာ့ငြိမ်းချမ်းရေးလူငယ်ညီလာခံ (Young Leaders Peace Dialouge and The World Youth Conference for Peace) များသို့ တက်ရောက်ခဲ့သည်။ပြည်ထောင်စုဝန်ကြီးနှင့် အဖွဲ့သည် ဇူလိုင် ၂၈ ရက် နံနက်ပိုင်းတွင် CPAFFC(Youth Leaders Peace Dialouge Chinese People's Association for Friend- ship with Foreign Countries National Art Museum of China)အတွင်းရှိ Auditiorium ခန်းမတွင် ကျင်းပသည့် လူငယ်ခေါင်းဆောင်ငြိမ်းချမ်းရေးစကားဝိုင်းဆွေးနွေးပွဲနှင့် ကမ္ဘာ့ငြိမ်းချမ်းရေးလူငယ်ညီလာခံသို့ တက်ရောက်အဖွင့်အမှာစကားပြောကြားခဲ့ပြီး ဆက်လက်ကျင်းပသည့် တစ်စိတ်တစ်ဝမ်းတည်းဖြစ်သော ငြိမ်းချမ်းရေး Consensus for Peace: Voices of Justice from The Global South Amid Escalating and Prolonged Geopolitical Conflicts (ငြိမ်းချမ်းရေးအတွက် သဘောတူညီချက်များ၊ ပထဝီနိုင်ငံရေးပဋိပက္ခများကြောင့် ကမ္ဘာလုံးဆိုင်ရာ တောင်ပိုင်းဒေသရှိ လူငယ်များ၏ တရားမျှတမှုအတွက် စကားသံများ) ခေါင်းစဉ်နှင့် တာဝန်ယူမှုရှိသော လူငယ်ခေါင်းဆောင်များ၏ ငြိမ်းချမ်းရေး Responsibility for Peace: A Shared Approach to Misinfor-mation Government in Era of AI (AI ခေတ်တွင် မှားယွင်းသော သတင်းအချက်အလက်နှင့် ပတ်သက်၍ စီမံခန့်ခွဲပုံအဆင့်ဆင့်) စသည့် ခေါင်းစဉ်များဖြင့် ဆွေးနွေးသည့် စကားဝိုင်းဆွေးနွေးပွဲအခမ်းအနားများသို့ တက်ရောက်ခဲ့သည်။အခမ်းအနားတွင် နိုင်ငံပေါင်း ၂၅ နိုင်ငံကျော်မှ လူငယ်ကိုယ်စား လှယ် ၁၈၀ ခန့် တက်ရောက်ပါဝင်ဆွေးနွေးကြသည်။ဇူလိုင် ၂၉ ရက် နံနက်ပိုင်းတွင် ပြည်ထောင်စုဝန်ကြီးနှင့် အဖွဲ့သည် တရုတ်ပြည်သူ့သမ္မတနိုင်ငံ အားကစားဝန်ကြီးဌာန ဒုတိယဝန်ကြီး H.E. Mr. Li Jing ၊ အပြည်ပြည်ဆိုင်ရာ ဝူရှူးအားကစားအဖွဲ့ချုပ် အတွင်းရေးမှူး၊ တရုတ်နိုင်ငံဝူရှူးအားကစားအဖွဲ့ချုပ်ဥက္ကဋ္ဌ Mrs. Zhang Yu Ping တို့နှင့် တွေ့ဆုံ၍ (၃၃) ကြိမ်မြောက် အရှေ့တောင်အာရှအားကစားပြိုင်ပွဲအတွက် မြန်မာ့အားကစားသမားများ ကြိုတင်ပြင်ဆင်ဆောင်ရွက်နေမှုနှင့် မြန်မာ့အားကစားအဆင့်အတန်း ဖွံ့ဖြိုးတိုးတက်မြင့်မားစေရေးအတွက် အားကစားနည်းပြများ ထောက်ပံ့ကူညီပေးနိုင်ရေးကိစ္စတို့ကို အပြန်အလှန်ဆွေးနွေးကြသည်။ဆက်လက်၍ ပြည်ထောင်စုဝန်ကြီးသည် တာဝန်ရှိသူများနှင့်အတူ Peking University အတွင်းရှိ Khao Teck Paut အားကစားရုံတွင် ကျင်းပပြုလုပ်သည့် ကမ္ဘာလုံးဆိုင်ရာငြိမ်းချမ်းရေးလူငယ်ညီလာခံ (World Youth Confer-ence) သို့ တက်ရောက်ဆွေးနွေးခဲ့သည်။အဆိုပါအခမ်းအနားသို့ လက်တင်အမေရိကတိုက်၊ မြောက်အမေရိကတိုက်၊ အာဖရိကတိုက်၊ အာရှအလယ်ပိုင်း၊ အရှေ့အာရှ၊ တောင်အာရှ၊ အရှေ့တောင်အာရှ၊ ဥရောပတိုက်တို့မှ နိုင်ငံပေါင်း ၁၃၀ ကျော်၏ လူငယ်ကိုယ်စားလှယ် ၃၀၀၀ ခန့် တက်ရောက်ကြသည်။ဇူလိုင် ၃၀ ရက် နံနက်ပိုင်းတွင် မြန်မာနိုင်ငံအိုလံပစ်ကော်မတီဥက္ကဋ္ဌ ပြည်ထောင်စုဝန်ကြီး Jeng Phang နော်တောင်နှင့် အဖွဲ့သည် တရုတ်ပြည်သူ့သမ္မတနိုင်ငံ ပေကျင်းမြို့မှ ရန်ကုန်မြို့သို့ လေကြောင်းခရီးဖြင့် ပြန်လည်ရောက်ရှိခဲ့ကြောင်း သိရသည်။MOI
Fri, 1-Aug-2025
ရုရှားဆရာဝန်များက ပြင်းထန်သောငလျင်လှုပ်ခတ်နေချိန်တွင် ခွဲစိတ်မှု ဆက်လက်ပြုလုပ်
ရုရှားဆရာဝန်များက ပြင်းထန်သောငလျင်လှုပ်ခတ်နေချိန်တွင် ခွဲစိတ်မှု ဆက်လက်ပြုလုပ်
ရုရှား အရှေ့ဖျားဒေသရှိ ဆေးရုံတစ်ခုတွင် ခွဲစိတ်ဆရာဝန်များသည် ရစ်ချက်စတာစကေး ၈.၈ ပြင်းအားရှိ ငလျင်ကြီးလှုပ်ခတ်နေစဉ်တွင် အရေးပေါ်ခွဲစိတ်မှုတစ်ခုကို မရပ်မနား ဆက်လက် လုပ်ဆောင်ခဲ့ကြသည်။ ဇူလိုင်လ ၃၀ ရက်နေ့ ဒေသစံတော်ချိန် နံနက် ၁၁:၃၀ ခန့်တွင် Kamchatka ကျွန်းဆွယ်ကမ်းရိုးတန်းအနီး၌ ဖြစ်ပွားခဲ့သော အဆိုပါ ငလျင်သည် ၁၉၅၂ ခုနှစ်နောက်ပိုင်း ဒေသတွင်းမှတ်တမ်းတင်ခဲ့ရသည့် အပြင်းထန်ဆုံးငလျင်ဖြစ်ကြောင်း ရုရှားသိပ္ပံအကယ်ဒမီ၏ ဘူမိရူပဗေဒ ဆိုင်ရာ ဝန်ဆောင်မှုဌာနက ထုတ်ပြန်ခဲ့သည်။ ဆေးရုံ CCTV မှတ်တမ်းတွင် ခွဲစိတ်ခန်းအတွင်း ဆရာဝန်များသည် ပြင်းထန်သော ငလျင်လှုပ်ခတ်နေစဉ်အချိန်အတွင်း ခွဲစိတ်ကုသနေဆဲ လူနာကို တည်ငြိမ်စေရန် ထိန်းထားပြီး အရေးပေါ်အခြေအနေဖြင့် ကိုင်တွယ် နေပုံကို ရှင်းလင်းစွာမြင်တွေ့ရသည်။ "အဆိုပါအခြေအနေတွင် ရပ်တန့်ခြင်း သည် ရွေးချယ်စရာမဟုတ်ပါ" ဟု ခွဲစိတ်အထူးကုဆရာဝန် Lyubov Tsyplakova နှင့် ၎င်း၏လုပ်ဖော်ကိုင်ဖက် Yana Gvozdeva တို့က ရုရှား မီဒီယာများအား ပြောကြားခဲ့သည်။Gvozdeva က မေ့ဆေးပေး ခွဲစိတ်ကုသမှုဖြစ်သောကြောင့် ငလျင် လှုပ်ခတ် နေသည့် ၅-၆ မိနစ်အတွင်း လူနာသတိပြန်လည်မရမီ လုပ်ဆောင်ရန် အရေးကြီးကြောင်း ရှင်းပြခဲ့ပြီး ခွဲစိတ်မှု အောင်မြင်စွာ ပြီးမြောက်ခဲ့ကြောင်း အတည်ပြုခဲ့သည်။အဆိုပါ ခွဲစိတ်ဆရာဝန်အဖွဲ့၏ ကျွမ်းကျင်မှုနှင့် ဇွဲလုံ့လကို အသိအမှတ် ပြုသောအားဖြင့် Kamchatka ဒေသအုပ်ချုပ်ရေးမှူး Vladimir Solodov က ၎င်းတို့အား ရုရှားနိုင်ငံတော်အဆင့် ဂုဏ်ပြုဆုတံဆိပ်အတွက် အဆိုပြု သွားမည်ဟု ကြေညာခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 31-Jul-2025
နောင်ချိုမြို့၊ အမှတ် (၁) နှင့် အမှတ် (၂) အခြေခံပညာအထက်တန်းကျောင်း ဖွင့်လှစ်သင်ကြား၊ ယာယီဆေးရုံ၌ ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက် , နောင်ချိုမြို့၊ အမှတ် (၁) နှင့် အမှတ် (၂) အခြေခံပညာအထက်တန်းကျောင်း ဖွင့်လှစ်သင်ကြား၊ ယာယီဆေးရုံ၌ ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်
နောင်ချိုမြို့၊ အမှတ် (၁) နှင့် အမှတ် (၂) အခြေခံပညာအထက်တန်းကျောင်း ဖွင့်လှစ်သင်ကြား၊ ယာယီဆေးရုံ၌ ကျန်းမာရေးစောင့်ရှောက်မှုလုပ်ငန်းများ ဆက်လက်ဆောင်ရွက်
နေပြည်တော် ဇူလိုင် ၃၁ရှမ်းပြည်နယ် (မြောက်ပိုင်း)၊ နောင်ချိုမြို့၌ အကြမ်းဖက်သောင်းကျန်းသူများကြောင့် အခြေခံပညာကျောင်းများအား တစ်နှစ်နီးပါးပိတ်ထားခဲ့ရပြီး ဇူလိုင်လ ၂၅ ရက်နေ့မှစ၍ အခြေခံပညာကျောင်းများကို ပြန်လည်ဖွင့်လှစ်ပြီး ကျောင်းသား၊ ကျောင်းသူများအား စာပေပညာရပ်များကို သင်ကြားပေးလျက်ရှိသည့်အပြင် ကျောင်းအပ်လက်ခံခြင်းကိုလည်း ဆက်လက်ဆောင်ရွက်ပေးလျက်ရှိသည်။ထိုသို့ ကျောင်းနေအရွယ်ကလေးများအား တန်းစဉ်အလိုက် ပညာသင်ကြားနိုင်ရေးအတွက် အခြေခံပညာကျောင်းများကို ဖွင့်လှစ်ပညာသင်ကြားပေးလျက်ရှိရာ ယနေ့တွင်လည်း ကျောင်းသား/ကျောင်းသူ ၁၈၁၉ ဦး အေးချမ်းပျော်ရွှင်စွာ တက်ရောက်ပညာသင်ကြားလျက်ရှိသည့်အပြင် ထပ်မံလာရောက်ကျောင်းအပ်နှံသူ ကျောင်းသား/ကျောင်းသူများကိုလည်း ကျောင်းအပ်လက်ခံခြင်းများကို ဆက်လက်ဆောင်ရွက်ပေးလျက်ရှိပြီး ကျောင်းလာရောက်အပ်နှံသည့် ကျောင်းသား/ကျောင်းသူများအား ပညာရေးဝန်ကြီးဌာနက အခမဲ့ပေးအပ်သည့် ကျောင်းသုံးစာအုပ်များ၊ စာရေးကိရိယာများနှင့် ကျောင်းဝတ်စုံများကို ဆက်လက်ပေးအပ်သွားမည်ဖြစ်ကြောင်း သိရှိရသည်။ထို့အပြင် တပ်မတော်မှ ဆရာဝန်များက ကျန်းမာရေးဝန်ကြီးဌာနမှ ဆရာဝန်များ၊ ကျန်းမာရေးဝန်ထမ်းများနှင့် ပူးပေါင်း၍ ဒေသခံတိုင်းရင်းသားပြည်သူများ၏ ကျန်းမာရေးစောင့်ရှောက်မှုလုပ်ငန်းများ အဆင်ပြေချောမွေ့စေရေးအတွက် မြနန်းတော်ဝင်မင်္ဂလာခန်းမ၌ ယာယီဆေးရုံဖွင့်လှစ်ပြီး ဆေးကုသပေးခြင်းများ ဆောင်ရွက်ပေးလျက်ရှိရာ ယနေ့တွင် ဒေသခံတိုင်းရင်းသားပြည်သူ ၁၄၄ ဦးတို့ကို လိုအပ်သည့် ကျန်းမာရေးစောင့်ရှောက်မှုများ ဆောင်ရွက်ပေးခဲ့ကြကြောင်း သတင်းရရှိသည်။ MOI
Thu, 31-Jul-2025
အင်ဂျင်နီယာပညာရေး အရည်အသွေးအတည်ပြုခြင်းဆိုင်ရာ နိုင်ငံတကာညီလာခံ-၂၀၂၅ ကျင်းပ
အင်ဂျင်နီယာပညာရေး အရည်အသွေးအတည်ပြုခြင်းဆိုင်ရာ နိုင်ငံတကာညီလာခံ-၂၀၂၅ ကျင်းပ
နေပြည်တော် ဇူလိုင် ၃၀မြန်မာနိုင်ငံအင်ဂျင်နီယာကောင်စီနှင့် ကမ္ဘာ့အင်ဂျင် နီယာအဖွဲ့ချုပ်(WFEO)၏ အင်ဂျင်နီယာပညာရေးဆိုင်ရာ အမြဲတမ်းအင်ဂျင်နီယာအဖွဲ့ (CEIE)တို့ ပူးပေါင်း၍ မြန်မာနိုင်ငံက အိမ်ရှင်အဖြစ် လက်ခံကျင်းပသည့် အင်ဂျင်နီယာပညာရေး အရည်အသွေးအတည်ပြုခြင်းဆိုင်ရာ နိုင်ငံတကာညီလာခံ ICEEA 2025 ကို ယနေ့မွန်းလွဲပိုင်းတွင် ရန်ကုန်တိုင်းဒေသကြီး လမ်းမတော်မြို့နယ်ရှိ မြန်မာနိုင်ငံအင်ဂျင်နီယာ ကောင်စီအစည်းအဝေးခန်းမ၌ကျင်းပရာ မြန်မာနိုင်ငံ အင်ဂျင်နီယာကောင်စီနာယက စက်မှုဝန်ကြီးဌာန ပြည်ထောင်စုဝန်ကြီး ဒေါက်တာချာလီသန်း Virtual စနစ်ဖြင့် တက်ရောက်သည်။ညီလာခံသို့ မြန်မာနိုင်ငံအင်ဂျင်နီယာကောင်စီ နာယကများ၊ ဥက္ကဋ္ဌနှင့် ဒုတိယဥက္ကဋ္ဌများ၊ အင်ဂျင်နီယာအထူးပြုဘာသာရပ်အလိုက် လုပ်ငန်းအဖွဲ့ဥက္ကဋ္ဌများနှင့် မြန်မာနိုင်ငံအင်ဂျင်နီယာ ကောင်စီဝင်များ တက်ရောက်ကြပြီး နိုင်ငံပေါင်း ၂၀ ကျော်မှ အင်ဂျင်နီယာအဖွဲ့အစည်းမှ တာဝန်ရှိသူများနှင့် အင်ဂျင်နီယာပညာရှင်များက အွန်လိုင်းဖြင့်တက်ရောက်ကြသည်။ညီလာခံတွင် ပြည်ထောင်စုဝန်ကြီးက နိုင်ငံတကာညီလာခံ - ၂၀၂၅ အား “အင်ဂျင်နီယာပညာဖြင့် ရေရှည်တည်တံ့သော အနာဂတ်ကိုပုံဖော်ခြင်း” ခေါင်းစဉ်ဖြင့် ဒေသတွင်းနှင့် နိုင်ငံတကာမှ အင်ဂျင်နီယာပညာရေးနှင့် ပတ်သက်သည့် ဘာသာရပ်အလိုက် ကျွမ်းကျင်မှုဆိုင်ရာမြှင့်တင်ရန်နှင့် ရေရှည်တည်တံ့သော ဖွံ့ဖြိုးတိုးတက်မှုဖြစ်စေရန်၊ အင်ဂျင်နီယာပညာရေးသည် နည်းပညာပိုင်းအရ ခိုင်မာစွာရပ်တည်နိုင်ရုံသာမက ကိုယ်ကျင့်တရားပိုင်းဆိုင်ရာ အခြေခံသဘောတရားများ၊ လူမှုအသိုက်အဝန်း၏ တုံ့ပြန်မှုနှင့်တစ်ကမ္ဘာလုံးနှင့် သက်ဆိုင်မှုရှိကြောင်းတို့ကို ပါဝင်တက်ရောက်သူများအကြား အဓိပ္ပာယ်ပြည့်ဝသော ဆွေးနွေးမှုများ၊ သင်ယူမျှဝေခြင်းနှင့် နည်းဗျူဟာကျသည့် ပူးပေါင်းဆောင်ရွက်မှုများကို အားပေးသည့် ပတ်ဝန်းကျင်တစ်ရပ်ဖန်တီးရန် ရည်ရွယ်ကျင်းပရခြင်းဖြစ်ကြောင်း။အင်ဂျင်နီယာ ဆန်းသစ်တီထွင်မှုများသည် ရေရှည်တည်တံ့သော ဖွံ့ဖြိုးရေးပန်းတိုင်များကို အားဖြည့်ပေးနိုင်ရေး၊ ၂၁ ရာစု စွမ်းရည်များမြှင့်တင်ခြင်းနှင့် အသိအမှတ်ပြုခြင်းတို့အတွက် အရည်အချင်း စစ်ဆေးရေးစနစ်များ ပိုမိုကောင်းမွန်အောင် ပြောင်းလဲဆောင်ရွက်နိုင်ရေး၊ ဒေသတွင်းနှင့် ကမ္ဘာလုံးဆိုင်ရာ ပူးပေါင်းဆောင်ရွက်မှုများမှ အင်ဂျင်နီယာ ဘွဲ့ရများ၏ ယုံကြည်စိတ်ချရမှုနှင့် အလုပ်အကိုင်နယ်ပယ်ပြောင်းရွှေ့နိုင်မှုတို့ကို မြှင့်တင်နိုင်ရေး၊ စီးပွားရေးစွမ်းဆောင်နိုင်မှုနှင့် ကိုယ်ကျင့်တရားအခြေခံသော ခေါင်းဆောင်မှုစွမ်းရည်များ ဖွံ့ဖြိုးစေရန် ပညာရေးသင်ရိုးညွှန်းတမ်းများကို ပြန်လည် ရေးဆွဲနိုင်ရေးတို့အတွက် ဆွေးနွေးမှုများ ပြုလုပ်သွား ရန်ပြောကြားသည်။ထို့နောက် ကမ္ဘာ့အင်ဂျင်နီယာအဖွဲ့ချုပ် (WFEO) ဥက္ကဋ္ဌ၊ နိုင်ငံတကာအင်ဂျင်နီယာအဖွဲ့ချုပ် (IEA)ဥက္ကဋ္ဌ၊ ထိုင်ဝမ်အင်ဂျင်နီယာပညာရေးအဖွဲ့အစည်း (IEET) အမှုဆောင်အရာရှိချုပ်နှင့် အာရှနှင့် ပစိဖိတ်ဒေသ အင်ဂျင်နီယာအဖွဲ့အစည်းများ ဖက်ဒရေးရှင်း (FEIAP) ဥက္ကဋ္ဌတို့က အမှာစကား ပြောကြားကြသည်။အင်ဂျင်နီယာပညာရေးအရည်အသွေးအတည် ပြုခြင်းဆိုင်ရာ နိုင်ငံတကာညီလာခံ ICEEA ကို နှစ်ရက်ကြာ ကျင်းပသွားမည်ဖြစ်ပြီး ကမ္ဘာ့အင်ဂျင်နီယာအဖွဲ့ချုပ်(WFEO)၊ နိုင်ငံတကာ အင်ဂျင်နီယာ အဖွဲ့ချုပ်(IEA)၊ ထိုင်ဝမ်အင်ဂျင်နီယာပညာရေးအဖွဲ့ အစည်း (IEET)၊ ဩစတြေးလျအင်ဂျင်နီယာအဖွဲ့ အစည်း(EA)၊ အာရှနှင့်ပစိဖိတ်ဒေသအင်ဂျင်နီယာ အဖွဲ့အစည်းများဖက်ဒရေးရှင်း (FEIAP)၊ ပါကစ္စတန် အင်ဂျင်နီယာကောင်စီ၊ မလေးရှားအင်ဂျင်နီယာများအဖွဲ့အစည်း (IEM)၊ အာဆီယံအင်ဂျင်နီယာအဖွဲ့ အစည်းများဖက်ဒရေးရှင်း (AFEO)၊ အိန္ဒိယနိုင်ငံ အရည်အသွေးအာမခံအဖွဲ့၊ နိုင်ငံတကာအဖွဲ့အစည်းများနှင့် မြန်မာနိုင်ငံရှိ အဆင့်မြင့်ပညာရေးအဖွဲ့အစည်းများမှ အင်ဂျင်နီယာပညာရှင်များက အင်ဂျင်နီယာပညာရေးဖြင့် ရေရှည်တည်တံ့သော အနာဂတ်ကိုပုံဖော်ခြင်း၊ WFEO Academy ၏ အခန်းကဏ္ဍ၊ ရေရှည်တည်တံ့သောကမ္ဘာအတွက် အနာဂတ်အင်ဂျင်နီယာများ လေ့ကျင့်ပျိုးထောင်ခြင်း၊ အင်ဂျင်နီယာပညာ အတည်ပြုခြင်းတွင် AI ၏ အခန်းကဏ္ဍ၊ ရေရှည်တည်တံ့သော ဖွံ့ဖြိုးရေးရည်မှန်းချက်များ (SDG)၊ စွမ်းအင်သုံးသုညသို့ ခရီးလမ်းနှင့် ရေရှည်တည်တံ့သော ဒေတာစင်တာများစသည့် ခေါင်းစဉ်များဖြင့် ဟောပြောဆွေးနွေးကြမည်ဖြစ်ကြောင်း သတင်းရရှိသည်။MOI
Thu, 31-Jul-2025
ခုတင်-၅၅၀ ဆံ့ ကလေးဆေးရုံကြီး(ရန်ကုန်)၌ ဗီယက်နမ်နိုင်ငံမှ ကလေးနှလုံးအထူးကု ဆရာဝန်နှင့်ပူးပေါင်း၍ မွေးရာပါနှလုံးရောဂါ ကလေးလူနာများအား ကုသမှုဆောင်ရွက်
ခုတင်-၅၅၀ ဆံ့ ကလေးဆေးရုံကြီး(ရန်ကုန်)၌ ဗီယက်နမ်နိုင်ငံမှ ကလေးနှလုံးအထူးကု ဆရာဝန်နှင့်ပူးပေါင်း၍ မွေးရာပါနှလုံးရောဂါ ကလေးလူနာများအား ကုသမှုဆောင်ရွက်
နေပြည်တော် ဇူလိုင် ၃၀ခုတင်-၅၅၀ ဆံ့ ကလေးဆေးရုံကြီး (ရန်ကုန်)၌ ကလေးနှလုံးအထူးကု ဆရာဝန်ကြီးများသည် မွေးရာပါ နှလုံးရောဂါများကို ရင်ခေါင်းဖွင့်၍ ဆောင်ရွက်သော ခက်ခဲသည့် ခွဲစိတ်ကုသမှုများနှင့် ခွဲစိတ်ရန်မလိုဘဲ နှလုံးနှင့်သွေးကြောအထူး ကုသစက် (Cardiac Catheteri-zation Lab) အသုံးပြု၍ ကုသမှုများကို ဆောင်ရွက်ပေးလျက်ရှိသည့်အပြင် နိုင်ငံတကာမှ ကျွမ်းကျင်သူ ကလေးနှလုံးအထူးကု ဆရာဝန်ကြီးများ၊ အထူးကုအဖွဲ့များနှင့် ပူးပေါင်း၍ ကုသမှုများဆောင်ရွက်လျက်ရှိသည်။ထိုသို့ ဆောင်ရွက်ရာတွင် ခုတင်-၅၅၀ ဆံ့ ကလေးဆေးရုံကြီး (ရန်ကုန်)၌ ၂၀၂၅ ခုနှစ် ဇူလိုင် ၃ ရက်မှ ၄ ရက်အထိ ဗီယက်နမ်နိုင်ငံ ဟိုချီမင်းမြို့ Children’s Hospital No. 1 မှ ကလေးနှလုံးအထူးကု ဆရာဝန် Dr. Do Nguyen Tin သည် မြန်မာနိုင်ငံမှ ပါမောက္ခ ဒေါက်တာခင်မောင်ဦး၊ ပါမောက္ခ (ကလေးနှလုံးဆေးကု) ခေါင်းဆောင်သော ကလေးနှလုံးအထူးကု ဆရာဝန်ကြီးများနှင့်အတူ မွေးရာပါ နှလုံးရောဂါ ကလေးလူနာ ၁၇ ဦးအား ခွဲစိတ်စရာမလိုဘဲ နှလုံးနှင့် သွေးကြောအထူးကုသစက် (Cardiac Catheterization Lab) ၌ ကျန်းမာရေးဝန်ကြီးဌာနမှ ထောက်ပံ့သော အဆို့(Device)များ၊ ဆေးနှင့် ဆေးပစ္စည်းများ အသုံးပြု၍ ကုသခြင်းနှင့် ဘောလုံးဖြင့်ချဲ့၍ ကုသခြင်းများကို ပူးပေါင်းဆောင်ရွက်ခဲ့သည်။အဆိုပါ ကလေးလူနာများအား ၂၀၂၅ ခုနှစ် ဇူလိုင် ၂၂ ရက်မှ ၂၃ ရက်အထိ ပြန်လည်ခေါ်ယူပြီး Follow up ကြည့်ရှုခြင်းနှင့် နှလုံးစမ်းသပ်စက် (Echo) ရိုက်၍ စမ်းသပ်စစ်ဆေးမှုများ ပြုလုပ်ပေး ခဲ့ရာ စမ်းသပ်စစ်ဆေးမှုများအရ ကလေးလူနာများ၏ အခြေအနေသည် ကောင်းမွန်လျက်ရှိကြောင်း သိရသည်။အဆိုပါ ခုတင်-၅၅၀ ဆံ့ ကလေးဆေးရုံကြီး(ရန်ကုန်) ၌ ၂၀၂၁ ခုနှစ် ဖေဖော်ဝါရီမှ ၂၀၂၅ ခုနှစ် ဇူလိုင် ၂၄ ရက်အထိ ကလေး နှလုံးရောဂါဝေဒနာရှင် ၄၉၆ ဦးအား မခွဲစိတ်ရဘဲ နှလုံးနှင့် သွေးကြော အထူးကုသစက်များ အသုံးပြု၍ လည်းကောင်း၊ ကလေးနှလုံးရောဂါဝေဒနာရှင် ၄၈၈ ဦးအား ခွဲစိတ်ကုသမှုများဆောင်ရွက်၍ လည်းကောင်း အောင်မြင်စွာ ကုသမှုများပေးနိုင်ခဲ့ကြောင်း သိရှိရသည်။
Thu, 31-Jul-2025
“မူးယစ်ဆေးဝါးနှင့် စိတ်ပညာအကြောင်း သိကောင်းစရာ” လူငယ်ရေးရာအသိပညာပေးဟောပြောပွဲကျင်းပ
“မူးယစ်ဆေးဝါးနှင့် စိတ်ပညာအကြောင်း သိကောင်းစရာ” လူငယ်ရေးရာအသိပညာပေးဟောပြောပွဲကျင်းပ
နေပြည်တော် ဇူလိုင် ၃၀မြန်မာနိုင်ငံလူငယ်ရေးရာဗဟိုကော်မတီနှင့် နေပြည်တော်ကောင်စီလူငယ်ရေးရာကော်မတီတို့ ပူးပေါင်းကျင်းပသည့် “မူးယစ်ဆေးဝါးနှင့် စိတ်ပညာအကြောင်း သိကောင်းစရာ” လူငယ်ရေးရာ အသိပညာပေးဟောပြောပွဲကို ယနေ့မွန်းလွဲပိုင်းတွင် အစိုးရစက်မှုလက်မှုသိပ္ပံ (နေပြည်တော်)၌ ကျင်းပသည်။ဦးစွာ ကျောင်းသားကျောင်း သူများက “လှမ်းလို့ဖိတ်ခေါ် GTI နေပြည်တော်” သီချင်းဖြင့် သီဆိုဖျော်ဖြေကြပြီး မြန်မာနိုင်ငံလူငယ်ရေးရာဗဟိုကော်မတီအတွင်းရေးမှူး၊ အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီး ဦးဇင်မင်းထက်က မူးယစ်ဆေးဝါးသည် လူငယ်များ၏ အိပ်မက်များ၊ စွမ်းရည်များနှင့် အနာဂတ်ကိုဖျက်ဆီးနိုင်သည့်အတွက် ဆရာ ဆရာမများအနေဖြင့် ကျောင်းသား ကျောင်းသူများကို ကျောင်းသင်ဘာသာရပ်များအပြင် ဘဝတွင် ကြုံတွေ့လာရမည့် ပြောဆိုဆက်သွယ်မှု၊ စီမံခန့်ခွဲမှု၊ လူမှုဆက်ဆံရေး ကောင်းမွန်မှု၊ ပူးပေါင်းဆောင်ရွက်တတ်မှု၊ ပြဿနာများကို ဖြေရှင်းတတ်မှု၊ မှန်ကန်စွာဆုံးဖြတ်ချက်ချမှတ်နိုင်မှု၊ တီထွင်ဖန်တီးနိုင်မှုတို့အပြင် မူးယစ်ဆေးဝါးကင်းစင်သည့် လူ့ဘောင်သစ်တစ်ခုကို တည်ဆောက်ပေးနိုင်ပြီး ဘဝကိုအောင်မြင်စွာ တည်ဆောက်နိုင်သည့် လူငယ်များဖြစ်အောင် ပြုစုပျိုးထောင် သင်ကြားပေးသွားရန်လိုကြောင်း တိုက်တွန်းပြောကြားသည်။ထို့နောက် သိပ္ပံနှင့်နည်းပညာဝန်ကြီးဌာန ဒုတိယဝန်ကြီး ဒေါက်တာအောင်ဇေယျက လူငယ်ကဏ္ဍ ဖွံ့ဖြိုးတိုးတက်စေရေးအတွက် မိမိတို့ဝန်ကြီးဌာနအနေဖြင့် ဒေသလိုအပ်ချက်နှင့်ကိုက်ညီသည့် အသိပညာပေးသင်တန်းများနှင့် သက်မွေးပညာသင်တန်းများကို ဖွင့်လှစ်သင်ကြားပေးလျက်ရှိကြောင်း ပြောကြားသည်။ယင်းနောက် ဒုတိယဝန်ကြီး ဦးဇင်မင်းထက်က အစိုးရစက်မှုလက်မှုသိပ္ပံ(နေပြည်တော်) ကျောင်းအုပ်ဆရာကြီးထံအား ကစားပစ္စည်းများကို ထောက်ပံ့ပေးအပ်သည်။ဆက်လက်၍ ဒုတိယဝန်ကြီး ဒေါက်တာအောင်ဇေယျနှင့် နေပြည်တော်ကောင်စီ လူငယ်ရေးရာကော်မတီ ဒုတိယဥက္ကဋ္ဌ နေပြည်တော်ကောင်စီဝင် ဦးမြင့်စိုးတို့က အသိပညာပေးဟောပြောမည့် ဇမ္ဗူသီရိမြို့နယ် ကျန်းမာရေးမှူး ဒေါက်တာလင်းပြည့်သိမ်းကို အမှတ်တရ ဂုဏ်ပြုလက်ဆောင် များကို ပေးအပ်ပြီး ဇမ္ဗူသီရိ မြို့နယ်ကျန်းမာရေးမှူးက “မူးယစ်နှင့် စိတ်ပညာအကြောင်း သိကောင်းစရာ” ခေါင်းစဉ်ဖြင့် အသိပညာပေးဟောပြောကာ လူငယ်ရေးရာဦးစီးဌာနမှ တာဝန်ရှိသူကဉာဏ်စမ်းပဟေဠိ မေးခွန်းမေးမြန်းခြင်းနှင့် ဖြေဆိုနိုင်သူများကို အမှတ်တရ ဆုလက်ဆောင်များပေးအပ်ခြင်းတို့ကို ဆောင်ရွက်ခဲ့ကြောင်း သိရသည်။MOI
Thu, 31-Jul-2025
© Copyright 2024 SAC All Rights Reserved.