ယခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲကို လာမည့် ဖေဖော်ဝါရီ ၉ ရက်တွင် ကျင်းပမည်
News Image
ယခုနှစ်အတွက် မြန်မာ့ရုပ်ရှင်ထူးချွန်ဆုပေးပွဲကို လာမည့် ဖေဖော်ဝါရီ(၉)ရက်တွင် ကျင်းပမည် ဖြစ်ကြောင်း သိရသည်။
ပြန်ကြားရေးဝန်ကြီးဌာန၊ ပြည်ထောင်စုဝန်ကြီး ဦးမောင်မောင်အုန်းက ဒီဇင်ဘာ၂၇ရက်တွင် ဗဟန်း မြို့နယ်ရှိ ပြန်ကြားရေးနှင့်ပြည်သူ့ဆက်ဆံရေးဦးစီးဌာန ရုပ်ရှင်မြှင့်တင်ရေးဌာနခွဲ အစည်းအဝေးခန်းမ၌ ကျင်းပသည့်အစည်းအဝေးတွင် အထက်ပါကဲ့သို့ ပြောခဲ့ ခြင်းဖြစ်သည်။
၂၀၂၄ ခုနှစ်အတွက် မြန်မာ့ရုပ်ရှင်ထူးချွန် ဆုချီးမြှင့်ပွဲ အခမ်းအနားကို ၂၀၂၅ ခုနှစ်၊ ဖေဖော်ဝါရီ ၉ ရက်တွင် ကျင်းပမည်ဖြစ်သည့်အတွက် အချိန်အနည်းငယ်သာ ကျန်ရှိကြောင်း ပြည်ထောင်စုဝန်ကြီးက အသိပေး ပြောကြားထားသည်။
ထို့ပြင် အခမ်းအနားကို ယခင်နှစ်ထက် ပိုမို ကောင်းမွန် စေရန် စီမံဆောင်ရွက်ရန်နှင့် မြန်မာ့ရုပ်ရှင်ထူးချွန်ဆု ရွေးချယ်ရေးအကဲဖြတ်အဖွဲ့အနေဖြင့် ဆုများရွေးချယ် ရာတွင် စနစ်တကျရွေးချယ်၍ ရသင့်ရထိုက်သူများ ရရှိ စေရေး ဆောင်ရွက်ရန် ထည့်သွင်းပြောကြားထားသည်။
အလားတူ ရွှေကြိုရွေးချယ်ရေးနှင့်ပတ်သက်၍ အချက်အလက်များကို ဘက်ပေါင်းစုံမှကြည့်ပြီး ရွေးချယ်ကြရန် ပြည်ထောင်စုဝန်ကြီးက တိုက်တွန်း ထားသည်။
မြန်မာ့ရုပ်ရှင်ထူးချွန်ဆုရွေးချယ်ရေး အကဲဖြတ်အဖွဲ့ အနေဖြင့် မြန်မာ့ရုပ်ရှင်ထူးချွန်ဆု ရွေးချယ်ရာတွင် ပြည်သူများ၏ သဘောထားအမြင်ကိုလည်း လေ့လာ သုံးသပ်၍ သတ်မှတ်စည်းမျဥ်းစည်းကမ်းများနှင့်အညီ ရွေးချယ်ဆောင်ရွက်ရေးကိုလည်း အသိပေးပြောကြား ထားသည်။
ကိုးကား-NP News
