ဂန္တဝင်အဆိုတော်ကြီး ခင်ညွန့်ရီ ကင်ဆာရောဂါဖြင့် ကွယ်လွန်

saceditor

News Image

  • ဂန္တဝင်အဆိုတော်ကြီး ခင်ညွန့်ရီ ကင်ဆာရောဂါဖြင့် ကွယ်လွန်

နာမည်ကျော် ဂန္တဝင်အဆိုတော်ကြီး ခင်ညွန့်ရီ ကင်ဆာရောဂါဖြင့် ကွယ်လွန်ခဲ့ကြောင်း မြန်မာနိုင်ငံဂီတအစည်းအရုံးထံမှ သိရသည်။

အသက်(၇၅)နှစ်ရှိပြီဖြစ်သည့် တေးသံရှင် ဒေါ်ခင်ညွန့်ရီသည် ဖေဖော်ဝါရီ ၂၀ ရက်၊ ည ၁၁ နာရီ ၅ မိနစ်တွင် ရန်ကုန်ပြည်သူ့ဆေးရုံကြီး ကင်ဆာကုသဆောင်တွင် တက်ရောက်ကုသနေစဥ် ကွယ်လွန်ခဲ့ခြင်း ဖြစ်ကြောင်း သိရသည်။

၎င်းသေဆုံးမှုနှင့်ပတ်သက်၍ “အမေ (အညာသူကြီး) (၂၀.၂.၂၀၂၅) ည ၁၁:၅ မိနစ်မှာ သူချစ်တဲ့အနုပညာ ၊ သူချစ်တဲ့ပရိတ်သတ်များကို ထာဝရ စွန့်ခွာသွားပါပြီ" ဟု သမီးဖြစ်သူ အိုပြည့်ရှင်က ၎င်း၏လူမှုကွန်ယက် စာမျက်နှာတွင် ရေးသားထားသည်။

အဆုတ်ကင်ဆာဝေဒနာခံစားနေရသည့် အဆိုတော်ကြီး ခင်ညွန့်ရီသည် ပြီးခဲ့သည့် ဇန်နဝါရီ (၃၀) ရက်မှ စတင်ကာ ရန်ကုန်ပြည်သူ့ဆေးရုံကြီး ကင်ဆာဌာနတွင် တက်ရောက်ကုသမှု ခံယူနေခြင်းဖြစ်ကြောင်း သိရသည်။

“ခင်ညွန့်ရီက ဝါသနာအရမ်းကြီးတာ။ မြန်မာမှုဂီတမှာတော့ သူ့မှတ်တိုင် တစ်ခုတော့ရှိတာပေါ့။ ဘယ်လောက်ပဲဘဝ‌တွေ ကုန်လွန်သွားပါစေ သူ့အနုပညာကတော့ မြန်မာနိုင်ငံမှာ ရှင်သန်နေမှာပဲလေ။ မြန်မာမှု ဂီတသမားတွေ အခုလို အင်အားနည်းနေတဲ့အချိန်မှာ တန်ဖိုးရှိတဲ့ ဂီတသမား ဆုံးရှုံးသွားတာကတော့ ဂီတလောကအတွက်ရော၊ တိုင်းပြည်အတွက်ရော၊ မြန်မာမှုအတွက်ပါ အများကြီးဆုံးရှုံးမှုဖြစ်ပါတယ်။ ဘယ်လိုပဲပြောပြော သူကတိုင်းပြည်အတွက်ရော၊ ဂီတလောကအတွက်ရော ထင်ရှားတဲ့ ပုဂ္ဂိုလ်ဖြစ်တဲ့အတွက် သူ့မိသားစုနဲ့ ထပ်တူထပ်မျှ ဝမ်းနည်းပါတယ်" ဟု မြန်မာနိုင်ငံဂီတအစည်းအရုံးဥက္ကဋ္ဌ ဦးလွင်မြင့်က NP News ကို ပြောသည်။

ဒေါ်ခင်ညွန့်ရီသီဆိုခဲ့သည့် “လွမ်းငွေ့ဝေဝေ”၊ “သောကသူဋ္ဌေးမလေး”၊ “မလွမ်းဘယ်သူနေပါ့မယ်”နှင့် “နှင်းဆီမလေး ချစ်ပုံပြင်” ဆိုသည့် သီချင်းများသည် ယနေ့ထိ လူကြိုက်များ ထင်ရှားနေဆဲဖြစ်သည်။

ကိုးကား-NP News

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

၁၀ နှစ်ကြာ အသံမထွက်နိုင်တဲ့ မသန်စွမ်း ဖခင်တစ်ဦးက သမီးအတွက်သီချင်းကို AI ကြောင့် ရေးသားနိုင်
၁၀ နှစ်ကြာ အသံမထွက်နိုင်တဲ့ မသန်စွမ်း ဖခင်တစ်ဦးက သမီးအတွက်သီချင်းကို AI ကြောင့် ရေးသားနိုင်
ဒန်နီယယ်လာလာရာဆိုသူဟာ လွန်ခဲ့တဲ့ ၁၀ နှစ်လောက်က အလွန်ရှားပါးတဲ့ ကြွက်သားပျော့ပြီး ခန္ဓာကိုယ်မသန်စွမ်း ရောဂါကို ခံစားလာရသူပါ။ သူ့မှာလည်း သူ့လိုရောဂါ ခံစားနေရတဲ့ သမီးလေးတစ်ဦးရှိပါတယ်။ သူက သူ့သမီးလေးအတွက် သီချင်းတစ်ပုဒ်ကို အမြဲတမ်းစိတ်ကူးနဲ့ ရေးသားခဲ့ရတာပါ။ ဒါပေမဲ့ အရာမထင်ခဲ့ပါဘူး။အခုတော့ စိတ်ပညာရှင် ဒါမီယံဟောင်းဝါ့က AI ရဲ့ အကူအညီကိုရယူပြီး လာလာရာရဲ့ စိတ်ကူးထဲကသီချင်းကို သံစဉ်အဖြစ် ပြောင်းလဲပေးနိုင်ခဲ့တာပါ။ ဒါမီယံဟောင်း ဝါ့က လာလာရာဆီကနေ အမူအရာနဲ့ပေးတဲ့ အကြောင်းအရာတွေကို AI မှာ ထည့်ပြီး စာသားနဲ့ သံစဉ်တွေကို ဖော်ကျူးနိုင်ခဲ့တာဖြစ်ပါတယ်။ နောက်ဆုံးထွက် ပေါ်လာတဲ့ ရလဒ်ကတော့ သူ့ရဲ့သမီးလေး အတွက် ၃ မိနစ်ခွဲကြာတဲ့သီချင်းတစ်ပုဒ် ပဲဖြစ်ပါတယ်။  Source: https://myawady.net.mm/ 
Tue, 13-မေလ-2025
နေရာကွက်၍ မိုးကြီးနိုင်
နေရာကွက်၍ မိုးကြီးနိုင်
စစ်ကိုင်းတိုင်းဒေသကြီး၊ ကယားပြည်နယ်၊ ရခိုင်ပြည်နယ်နှင့်ရှမ်းပြည်နယ်(မြောက်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး နေပြည်တော်၊ ရန်ကုန် တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး အောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာကွက်၍ မိုးကြီးနိုင်သည်။ ရွာရန်ရာနှုန်းပြည့်ဖြစ်သည်။(မိုး/ဇလ)
Tue, 13-မေလ-2025
တံတားဦးမြို့နယ် နေ့ကလေးထိန်း(မူကြို)ကျောင်းဝန်းအတွင်း သန့်ရှင်း သာယာလှပရေးအတွက် စုပေါင်းသန့်ရှင်းရေးပြုလုပ် , တံတားဦးမြို့နယ် နေ့ကလေးထိန်း(မူကြို)ကျောင်းဝန်းအတွင်း သန့်ရှင်း သာယာလှပရေးအတွက် စုပေါင်းသန့်ရှင်းရေးပြုလုပ်
တံတားဦးမြို့နယ် နေ့ကလေးထိန်း(မူကြို)ကျောင်းဝန်းအတွင်း သန့်ရှင်း သာယာလှပရေးအတွက် စုပေါင်းသန့်ရှင်းရေးပြုလုပ်
မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ် နေ့ကလေးထိန်း(မူကြို)‌ ကျောင်းဝန်းအတွင်း သန့်ရှင်းသာယာလှပရေးအတွက် တံတားဦးခရိုင်မှ စီမံအုပ်ချုပ်ရေးအဖွဲ့၏ ဦးဆောင်မှုဖြင့် ခရိုင်အဆင့် ဌာနဆိုင်ရာများ၊ တံတားဦးမြို့ စီမံအုပ်ရေးအဖွဲ့တာဝန်ရှိသူများ၊ မြို့နယ်အဆင့်ဌာနဆိုင်ရာများ၊ ဝန်ထမ်းများ ပူးပေါင်းပြီး ပြည်သူ့ အကျိုးပြု စုပေါင်းသန့်ရှင်းရေးကို မေလ ၉ ရက်နေ့၊နံနက် (၇) နာရီက အဆိုပါကျောင်း၌ ဆောင်ရွက်ကြကြောင်း သိရသည် ။အဆိုပါ စုပေါင်းသန့်ရှင်းရေးပြုလုပ်ရာသို့ တံတားဦးခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်ငြိမ်းနှင့် တာဝန်ရှိ သူများ၊ မြို့နယ်စီမံအုပ်ချုပ်ရေးအဖွဲ့ဥက္ကဋ္ဌ ဦးဖြိုးဇော်ကိုကိုနှင့်တာဝန်ရှိသူများ၊ မြို့နယ်အဆင့်ဌာနဆိုင်ရာများ၊ ဝန်ထမ်းများ၊ မြို့မရဲစခန်းမှ ရဲတပ်ဖွဲ့ဝင်များ၊ မြို့နယ်ပြည်သူ့ဆေးရုံမှဝန်ထမ်းများနှင့်အတူ  ပြည်သူ့ဆေးရုံကြီးဝန်း အတွင်းရှိ ချုံနွယ်များ၊ ပေါင်းပင်၊ မြက်ပင်များခုတ်ထွင်ရှင်းလင်းခြင်း၊ အမှိုက်သရိုက်များရှင်းလင်းခြင်းတို့ကို စုပေါင်းဆောင်ရွက်ကြပြီး ထွက်ရှိလာသော အမှိုက်သရိုက်များနှင့် ချုံနွယ်များကို မြို့နယ်စည်ပင်သာယာရေးအဖွဲ့ပိုင် အမှိုက်သိမ်းယာဉ်ဖြင့် စနစ်တကျစွန့်ပစ်ကြသည်။ စုစုပေါင်းသန့်ရှင်းဆောင်ရွက်ရာသို့ ခရိုင်စီမံအုပ်ချုပ်ရေး အဖွဲ့ ဥက္ကဋ္ဌ ဦးကျော်ငြိမ်းနှင့် တာဝန်ရှိသူများက လိုက်လံကြည့်ရှုအားပေးကြပြီး လိုအပ်သည်များကို သက်ဆိုင်ရာ ဌာနဆိုင်ရာများ ပေါင်းစပ်ညှိနှိုင်းဆောင်ရွက်ပေးသည်။ အဆိုပါ သန့်ရှင်းရေးပြုလုပ်ခြင်းကို မြို့နယ်အဆင့်ဝန်ထမ်း များနှင့် လူမှုရေးအဖွဲ့ဝင်များ စုစုပေါင်းအင်အား(၁၈၀)ဦး တက်ရောက်ဆောင်ရွက်ကြကြောင်းသိရသည်။ပေးပို့သူ- ဦးရဲတင့် (ပြန်/ဆက်)
Mon, 12-မေလ-2025
အမေရိကပင်လယ်ကွေ့ ဟု ပြောင်းလဲဖော်ပြနေသော Google ကို မက္ကဆီကို တရားစွဲ
အမေရိကပင်လယ်ကွေ့ ဟု ပြောင်းလဲဖော်ပြနေသော Google ကို မက္ကဆီကို တရားစွဲ
မက္ကဆီကိုပင်လယ်ကွေ့ အစား အမေရိကပင်လယ်ကွေ့ ဟု ပြောင်းလဲဖော်ပြနေသော Google ကို မက္ကဆီကိုက တရားစွဲဆိုလိုက်ကြောင်း မက္ကဆီကိုသမ္မတ Claudia Sheinbaum က မေ ၉ (သောကြာနေ့)မှာ ပြောကြားထားပါသည်။“ပင်လယ်ကွေ့ရေပြင်ကို အမေရိကန်နှင့် မက္ကဆီကိုတို့အကြား နယ်နိမိတ် မျှဝေအသုံးပြုနေကြပါသည်။ ဒေါ်နယ်ထရမ့်၏အမိန့်က ၎င်း၏နိုင်ငံ အမေရိကန်မှာသာ အကျုံးဝင်ပါသည်။ မက္ကဆီကို အပါအဝင် အခြားနိုင်ငံများနှင့် အပြည်ပြည်ဆိုင်ရာအဖွဲ့အစည်းများက ထိုနာမည်ကို ပြောင်းလဲ အသိအမှတ်ပြုရန် မလိုအပ်ပါ။ အမေရိကပင်လယ်ကွေ့နာမည်ကိုအမေရိကန် ကုန်းမြေစွန်းပေါ်ရှိ ပင်လယ်ကွေ့အပိုင်းအတွက်သာ အသုံးပြုသင့်ပါသည်” ဟု မက္ကဆီကို သမ္မတက တုံ့ပြန်ပြောကြားထားပါသည်။ဖေဖော်ဝါရီလက သမ္မတ Sheinbaum က Google ကုမ္ပဏီ၏ အစိုးရရေးရာနှင့် ပြည်သူ့မူဝါဒဒုတိယဥက္ကဋ္ဌ Cris Turner ထံ ဒေါ်နယ် ထရမ့်၏ ပင်လယ်ကွေ့နာမည် ပြောင်းလဲဖော်ပြသည့်ကိစ္စနှင့်ပတ်သက်ပြီး ကန့်ကွက်စာတစ်စောင်ပေးပို့ခဲ့ပါသည်။ လက်ရှိအခြေအနေမှာ Google Maps တွင် ပင်လယ်ကွေ့ကို အမေရိကန်အတွင်း၌ “အမေရိက ပင်လယ်ကွေ့” ၊ မက္ကဆီကိုအတွင်း၌ “မက္ကဆီကို ပင်လယ်ကွေ့” နှင့် အခြားနေရာများတွင် “မက္ကဆီကိုပင်လယ်ကွေ့ (အမေရိကပင်လယ်ကွေ့)” ဟု ဖော်ပြထား ပါသည်။ မက္ကဆီကိုပင်လယ်ကွေ့အမည် ခေါ်ဝေါ်လာခြင်းမှာ နှစ်ပေါင်း ၄၀၀ ကျော်လာပြီ ဖြစ်ပါသည်။ နာမည်ကြီး သတင်းဌာနတစ်ခုဖြစ်သည့် Associated Press (AP) သတင်းဌာနက ထရမ့်ရွေးချယ်ထားသည့် အမည်သစ်ကို အသိအမှတ်ပြုထားသော်လည်း မူလနာမည်ကိုသာ အသုံးပြုဆဲ ဖြစ်ပါသည်။ ထိုအချက်ကြောင့် ဖေဖော်ဝါရီလတွင် အမေရိကန်အစိုးရက အိမ်ဖြူတော် Oval Office အစည်းအဝေး သို့မဟုတ် Air Force One လေယာဉ်ပေါ်တွင် ထရမ့်နှင့်အတူ သွားရောက်မည့်ခရီးစဉ်တွေမှာ AP သတင်းထောက်အုပ်စု လိုက်ပါသတင်းယူခွင့်ကို ကန့်သတ်ပိတ်ပင်ထားပါသည်။ ကိုးကား- The HinduPhoto: Fortuneဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 12-မေလ-2025
ထရမ့်တစ်ယောက် Air Force One အစား ကာတာဘုရင်လက်ဆောင် ဇိမ်ခံလေယာဉ်ကိုသာ စီးမည်ဟု ပြော
ထရမ့်တစ်ယောက် Air Force One အစား ကာတာဘုရင်လက်ဆောင် ဇိမ်ခံလေယာဉ်ကိုသာ စီးမည်ဟု ပြော
ကာတာဘုရင်မိသားစုသည် အမေရိကန်သမ္မတများသာ စီးနင်းအသုံးပြုသည့် Air Force One နေရာတွင် အစားထိုး အသုံးပြုရန် Boeing 747-8 လေယာဉ်တစ်စီး မေတ္တာလက်ဆောင်ပေးရန် ရှိကြောင်း အမေရိကန် သမ္မတဒေါ်နယ်ထရမ့်က မေ ၁၁ (တနင်္ဂနွေနေ့) ညနေချမ်းမှာ ပြောကြား လိုက်ပါသည်။အမေရိကန်ကာကွယ်ရေးဌာနကလည်း ကာတာဘုရင်တို့ ပေးအပ်လာမည့် အဆိုပါ အထူးလေယာဉ်ကို လွှဲပြောင်းလက်ခံဆောင်ရွက်ရန် စီစဉ်နေကြောင်းပြောကြားထားပါသည်။ CNN သတင်းဌာန ဖော်ပြချက်အရ ဒေါ်နယ်ထရမ့် သည် ကာတာဘုရင် မိသားစုက လက်ဆောင်ပေးအပ်လာသည့် အဆိုပါ ဇိမ်ခံလေယာဉ်ကို လက်ခံမည်ဖြစ်ကာ ပြန်လည်မွမ်းမံပြီး ၎င်း၏ ဒုတိယ သက်တမ်းအတွင်း Air Force One အဖြစ် အသုံးပြုမည်ဟု နီးစပ်သူ နှစ်ဦး က ပြောကြားထားပါသည်။ထရမ့်ကိုယ်တိုင်ကလည်း ယခုလို ဒေါ်လာသန်းချီတန်သည့် လေယာဉ်ကို အများပြည်သူရှေ့မှောက်တွင် ပွင့်လင်းမြင်သာစွာ လက်ခံပြီး အသုံးပြုသွားမည်ဟု ၎င်း၏ Truth Social ပေါ်က ပို့စ်တစ်ခုတွင် အတည်ပြု ပြောကြားထားပါသည်။ရင်းနှီးသူတစ်ဦး၏ အဆိုအရ အဆိုပါလေယာဉ်ကို နောက်ဆုံး ဒေါ်နယ် ထရမ့် ရာထူးက နုတ်ထွက်ပြီးသည့်အခါ ၎င်း၏ သမ္မတစာကြည့်တိုက်ကို လှူဒါန်းသွားမည်ဖြစ်ပြီး ၎င်းဆက်လက်အသုံးပြုနိုင်ရန် စီစဉ်ထားသည် ဟု သိရှိရပါသည်။ကိုးကား- CNNPhoto: Yahooဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 12-မေလ-2025
အဝေးထိန်းအာရုံခံဂြိုဟ်တုအုပ်စု Yaogan-40 02 အား တရုတ်နိုင်ငံက အောင်မြင်စွာ လွှတ်တင်နိုင်ခဲ့
အဝေးထိန်းအာရုံခံဂြိုဟ်တုအုပ်စု Yaogan-40 02 အား တရုတ်နိုင်ငံက အောင်မြင်စွာ လွှတ်တင်နိုင်ခဲ့
တရုတ်နိုင်ငံ ထိုက်ယွမ်ဂြိုဟ်တုလွှတ်တင်ရေးစင်တာက ပြုပြင်ပြောင်းလဲထားသော Long March-6 သယ်ဆောင်ရေးဒုံးပျံကိုအသုံးပြုပြီး အဝေးထိန်း အာရုံခံဂြိုဟ်တုအုပ်စု Yaogan-40 02 ကို ဒေသစံတော်ချိန် မေ ၁၂ ရက် ည ၉ နာရီ ၂၇ မိနစ်တွင် အောင်မြင်စွာ လွှတ်တင်ခဲ့ရာ ဂြိုဟ်တုမှာ သတ်မှတ်ဂြိုဟ်ပတ်လမ်းသို့ အဆင်ပြေချောမွေ့စွာ ရောက်ရှိသွားပြီး လွှတ်တင်ရေး မစ်ရှင် အပြည့်အဝ အောင်မြင်ခဲ့ကြောင်း သိရသည်။ Yaogan-40 02 ဂြိုဟ်တု အုပ်စုကို အဓိကအားဖြင့် လျှပ်စစ်သံလိုက်ဝန်းကျင် စူးစမ်းရှာဖွေရေးလုပ်ငန်းများနှင့် သက်ဆိုင်သော နည်းပညာစမ်းသပ်မှုများ ပြုလုပ်ရန်အတွက် အသုံးပြုခြင်းဖြစ်ကြောင်း သိရသည်။ယခုအကြိမ်မစ်ရှင်သည် Long March စီးရီး သယ်ဆောင်ရေးဒုံးပျံ၏ ၅၇၄ ကြိမ်မြောက် ပျံသန်းမှုဖြစ်ကြောင်း သိရသည်။ ကိုးကား- Xinhua
Mon, 12-မေလ-2025
© Copyright 2024 SAC All Rights Reserved.