သွေးကျဲဆေးသုံးစွဲမှုရပ်ခဲ့သော သက်ကြီးပိုင်းများ၌ လေဖြတ်နိုင်ခြေနှင့် နှလုံးဖောက်နိုင်ခြေ မြင့်တက်နိုင်
News Image
လန်ဒန် မတ် ၁
သွေးကျဲဆေးသုံးစွဲမှု ရပ်တန့်ခဲ့သော သက်ကြီးပိုင်းလူနာများ၌ လေဖြတ်နိုင်ခြေနှင့် နှလုံးဖောက်နိုင်ခြေ မြင့်တက်လာနိုင်ကြောင်း သုတေသနပညာရှင်များက ဖေဖော်ဝါရီ ၂၈ ရက်တွင် ပြောကြားသည်။
Anticoagulants ခေါ် သွေးကျဲဆေးများသည် သွေးကြောများအတွင်း သွေးခဲများပေါ်ထွက်မှုကို တားဆီးပေးသည့်ဆေးများဖြစ်ကြကြောင်းသိရသည်။
သို့ရာတွင် Anticoagulants ဆေးများကြောင့် သက်ကြီးပိုင်းများအနေဖြင့် ထိခိုက်ဒဏ်ရာရခဲ့ပါက သွေးထွက်လွန်မှုပြဿနာရှိလာနိုင်သည်ဟူသော စိုးရိမ်စိတ်ကြောင့် ဆရာဝန်များက အသက် ၇၅ နှစ်အထက်ရှိသူများ ၎င်းဆေးများ သောက်သုံးရမည့်အချိန်ကာလကို ကန့်သတ်ပေးထားကြောင်း သိရသည်။
ပုံမှန်အားဖြင့် သက်ကြီးပိုင်းလူနာများအနေဖြင့် Anticoagulants ဆေးများကို သုံးလမှ ခြောက်လထိ သုံးစွဲပြီးပါက ဆေးသုံးစွဲမှုရပ်ထားရန် ဆရာဝန်များက ညွှန်ကြားလေ့ရှိကြောင်း သိရသည်။
သို့ရာတွင် ဗြိတိန်သုတေသနပညာရှင်များ၏ လေ့လာတွေ့ရှိချက်အရ သက်ကြီးပိုင်းလူနာများအနေဖြင့် သွေးကျဲဆေးများ သောက်သုံးမှုကို ရပ်ခဲ့ပါက အကျိုးထက် အဆိုးပိုများပြီး အသက်အန္တရာယ်ရှိသည့် လေဖြတ်နိုင်ခြေနှင့် နှလုံးဖောက်နိုင်ခြေ မြင့်တက်လာနိုင်ကြောင်း သိရသည်။
Source: ရတနာပုံသတင်းစာ
