တံတားဦးမြို့နယ် စိုက်ပျိုးရေးဦးစီးဌာနမှ နွေသီးနှံများ စိုက်ပျိုးထုတ်လုပ်မှု တိုးတက်မြင့်မားရေးနှင့် ပန်းတိုင်အထွက်နှုန်းရရှိရေး တောင်သူနည်းပညာပေးသင်တန်းဖွင့်လှစ်

saceditor

News Image

  • တံတားဦးမြို့နယ် စိုက်ပျိုးရေးဦးစီးဌာနမှ နွေသီးနှံများ စိုက်ပျိုးထုတ်လုပ်မှု တိုးတက်မြင့်မားရေးနှင့် ပန်းတိုင်အထွက်နှုန်းရရှိရေး တောင်သူနည်းပညာပေးသင်တန်းဖွင့်လှစ်

တံတားဦး ၊ မတ် - ၁၁

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် စိုက်ပျိုးရေးဦးစီးဌာနမှ တောင်သူများ နွေသီးနှံများစိုက်ပျိုးထုတ်လုပ်မှု တိုးတက်မြင့်မားရေးနှင့် ပန်းတိုင်အထွက်နှုန်းရရှိရေး တောင်သူနည်းပညာပေးသင်တန်း ကို မတ်လ ၁၁ ရက်၊ နံနက် (၉) နာရီက မြို့နယ်စိုက်ပျိုးရေးဦးစီးဌာနရုံးတွင် ကျင်းပကြောင်းသိရသည် ။

သင်တန်းဖွင့်ပွဲတွင် မြို့နယ်စိုက်ပျိုးရေးဦးစီးဌာန ဦးစီးအရာရှိ ဦးကနေဒီထွန်းက တောင်သူများအနေဖြင့် နွေသီးနှံများကို စိုက်ပျိုးရာတွင် မျိုး ၊ မြေ ၊ ရေများကို စနစ်တကျ ဆောင်ရွက်မှသာ သီးနှံများ အောင်မြင်မည် ဖြစ်ကြောင်း၊ ထို့အပြင် မိမိတို့ စိုက်ပျိုးထားသော သီးနှံများအောင်မြင်ဖြစ်ထွန်း နိုင်ရေးအတွက် မြေပြုပြင်ခြင်း လုပ်ငန်းများ ၊ ပိုးမွှားအန္တရာယ်ကင်းရှင်းရေးလုပ်ငန်းများ ၊ ရိတ်သိမ်းခြွေလှေ့ရာတွင် အလေ့အလွင့်မရှိရေးနှင့် စနစ်တကျ သိုလှောင်ရေးလုပ်ငန်းစသည်တို့သည်လည်း အလွန်ပင် အရေးကြီးပါကြောင်း၊ မြို့နယ်စိုက်ပျိုးရေး ဦးစီးဌာနမှဝန်ထမ်းများမှ တောင်သူနည်းပညာပေးလုပ်ငန်းများကို ကျေးရွာများအရောက် ကွင်းဆင်း ဆောင်ရွက် လျက်ရှိပါကြောင်း အကျယ်တဝင့်ရှင်းလင်းပြောကြားသည်။

ထို့နောက်မြို့နယ်စိုက်ပျိုးရေးဦးစီးဌာန သီးနှံများစိုက်ပျိုးရန် မျိုး ၊ မြေ ၊ ပိုး လုပ်ငန်းများကို တာဝန်ယူဆောင်ရွက်သည့် ဝန်ထမ်းများက အလှည့်ကြသင်ကြားပေးကြ၍ တက်ရောက်လာကြသည့် တောင်သူများက မရှင်းလင်းသည်များကို အသီးသီးဆွေးနွေးတင်ပြကြရာ တာဝန်ရှိသူများက အသီးသီးပြန်လည် ရှင်းလင်း ဖြေကြား ပေးပြီး တောင်သူနည်းပညာပေး လက်ကမ်းစာစောင်များကိုဖြန့်ဝေပေးကြသည် ။

အဆိုပါသန်းသို့ တံတားဦးမြို့နယ်မှ နွေသီးနှံများစိုက်ပျိုးကြမည့် မီးသွေးတိုက်ကျေးရွာ၊ ပြူကန်ကျေးရွာ၊ ထန်းပေါက်ကုန်းကျေးရွာနှင့် မိုးနှံခြုံကျေးရွာတို့မှ တောင်သူများနှင့် မြို့နယ်စိုက်ပျိုးရေးဦးစီးဌာနမှ ဝန်ထမ်းများ တက်ရောက်ကြကြောင်းသိရသည် ။

ပေးပို့သူ- ဦးရဲတင့် (ပြန်/ဆက်)၊ ၀၉-၇၉၇၄၃၈၃၀၅

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

ကြယ်အုပ်စုများနှင့် နေတို့မှ အချက်အလက်များကို စုဆောင်းရန်အတွက် ဒုံးပျံတစ်စင်းတည်းဖြင့် အာကာသမစ်ရှင်နှစ်ခုကို နာဆာနှင့် SpaceX ကုမ္ပဏီတို့က လွှတ်တင်
ကြယ်အုပ်စုများနှင့် နေတို့မှ အချက်အလက်များကို စုဆောင်းရန်အတွက် ဒုံးပျံတစ်စင်းတည်းဖြင့် အာကာသမစ်ရှင်နှစ်ခုကို နာဆာနှင့် SpaceX ကုမ္ပဏီတို့က လွှတ်တင်
နာဆာနှင့် SpaceX  ကုမ္ပဏီတို့သည် ကြယ်အုပ်စုများနှင့် နေတို့မှ အချက်အလက်များကို    ရယူစုဆောင်းနိုင်ရန်အတွက်   လွှတ်တင်ရေးဒုံးပျံ တစ်စင်းတည်းဖြင့် အာကာသမစ်ရှင်နှစ်ခုကို လွှတ်တင်ခဲ့သည်။အဆိုပါအာကာသမစ်ရှင်များကို SPHEREx နှင့် PUNCH ဟူ၍ အမည်ပေးထားပြီး ၎င်းတို့အား ကယ်လီဖိုးနီးယားပြည်နယ်ရှိ ဗန်ဒါဘာ့ အာကာသလွှတ်တင်ရေးစခန်းမှ မတ်လ ၁၁ ရက် ဒေသစံတော်ချိန် ည ၈ နာရီ ၃၀ မိနစ်ခန့်တွင် SpaceX Falcon 9 ဒုံးပျံဖြင့် လွှတ်တင်ခဲ့ခြင်းဖြစ်သည်။ဒုံးပျံအားလွှတ်တင်ပြီးနောက်တွင် အာကာသလွှတ်တင်မှုအားလုံး အောင်မြင်ကြောင်း နာဆာအဖွဲ့က အတည်ပြုထားသည်။SPHEREx မစ်ရှင်အနေဖြင့် ကြယ်အုပ်စုပေါင်း သန်း ၄၅၀ နှင့် ကြယ်အုပ်စုအတွင်းရှိ ကြယ်အလုံးပေါင်း သန်း ၁၀၀ ကျော်၏ အချက်အလက်များကို စုဆောင်းသွားမည်ဖြစ်ပြီး PUNCH မစ်ရှင်အနေဖြင့်လည်း ဂြိုဟ်တုလေးစင်းကိုအသုံးပြု၍ နေနှင့် ၎င်း၏ပတ်ဝန်းကျင်ကို စူးစမ်းလေ့လာမည် ဖြစ်သည်။အဆိုပါဂြိုဟ်တုများသည် ပတ်လမ်း၏ အောက်ဘက်မှနေ၍ လည်ပတ်ကာ 3D ပုံရိပ်များဆိုင်ရာ လေ့လာမှုများ လုပ်ဆောင်မည်ဖြစ်သည်။Source: https://myawady.net.mm/ 
Maxar Technologies က ယူကရိန်းအား ဂြိုဟ်တုပုံရိပ်ဖမ်းယူရေး ဝန်ဆောင်မှုများ ရယူအသုံးပြုနေခြင်းကို ရပ်ဆိုင်း
Maxar Technologies က ယူကရိန်းအား ဂြိုဟ်တုပုံရိပ်ဖမ်းယူရေး ဝန်ဆောင်မှုများ ရယူအသုံးပြုနေခြင်းကို ရပ်ဆိုင်း
အမေရိကန်ဂြိုဟ်တုပုံရိပ် ဖမ်းယူရေးကုမ္ပဏီ Maxar Technologies သည် ယူကရိန်းနိုင်ငံအား ၎င်းကုမ္ပဏီ၏ ဝန်ဆောင်မှုများ ရယူအသုံးပြုနေခြင်းကို ရပ်ဆိုင်းလိုက်ပြီဖြစ်သည်။Maxar Technologies ၏အဆိုပါ လုပ်ဆောင်ချက်သည် အမေရိကန်အစိုးရက ယူကရိန်းအပေါ် ပေးအပ်နေသည့် စစ်ရေး အကူအညီများနှင့် ထောက်လှမ်းရေး အချက်အလက်ဖလှယ်မှုအား ပြီးခဲ့သည့် ရက်သတ္တနှစ်ပတ်အတွင်းက ရပ်ဆိုင်းလိုက်ပြီးနောက် ထွက်ပေါ်လာခြင်းဖြစ်သည်။Maxar Technologies ကုမ္ပဏီ၏ အဆိုပါ လုပ်ဆောင်ချက်အရ ယူကရိန်းနိုင်ငံအနေဖြင့် အမေရိကန်ဂြိုဟ်တုစနစ်မှ ထောက်လှမ်းရေး အချက်အလက်များကို ရယူအသုံးပြု၍ စစ်ဆင်ရေးများ၌ အသုံးချနိုင်မည်မဟုတ်ပေ။Maxar Technologies ကုမ္ပဏီသည် ယူကရိန်း တပ်မတော်အတွက် ဂြိုဟ်တုမှတစ်ဆင့် ဖမ်းယူရရှိသည့် မြင်ကွင်းရှင်းပုံရိပ်များကို ထောက်ပံ့ပေးနေသည့် ကုမ္ပဏီတစ်ခုဖြစ်သည်။ ယူကရိန်း တပ်မတော်သည် အဆိုပါကုမ္ပဏီမှ ပေးပို့သည့် အချက်အလက်များအပေါ် အခြေခံ၍ ရုရှားတပ်ဖွဲ့ဝင်များ၏  လှုပ်ရှားမှုများကို ခြေရာခံကာ စစ်မြေပြင် အခြေအနေနှင့် အခြေခံအဆောက်အဦများ၏ ပျက်စီးမှုစသည်တို့ကို ကြည့်ရှုထောက်လှမ်းနေခြင်းဖြစ်သည်။သို့ရာတွင် အဆိုပါ ဝန်ဆောင်မှုများကို ကန့်သတ်ခြင်းရှိ၊မရှိအား Maxar Technologies ကုမ္ပဏီက အတိအကျထုတ်ပြန်ထားခြင်း မရှိသေးပေ။ယူကရိန်းနိုင်ငံသို့ ပေးအပ်နေသည့် စစ်ရေးအကူအညီများကို အမေရိကန်က ရပ်ဆိုင်းလိုက်ခြင်းအပေါ် ရုရှားနိုင်ငံက ကြိုဆိုထားပြီး ယင်းလုပ်ဆောင်ချက်သည် ယူကရိန်းအစိုးရအား လက်နက်ကိုင်ပဋိပက္ခကို ငြိမ်းချမ်းစွာ ဖြေရှင်းနိုင်ရေးအတွက် အားပေးအားမြှောက်ပြုနိုင်မည်ဟု ရုရှား အစိုးရက ပြောကြားထားသည်။Source: https://myawady.net.mm/ 
SpaceX ကုမ္ပဏီက လွှတ်တင်လိုက်သည့် Starship အာကာသလွှတ်တင်ရေး ဒုံးပျံ လွှတ်တင်ပြီးနောက် မကြာမီပေါက်ကွဲ
SpaceX ကုမ္ပဏီက လွှတ်တင်လိုက်သည့် Starship အာကာသလွှတ်တင်ရေး ဒုံးပျံ လွှတ်တင်ပြီးနောက် မကြာမီပေါက်ကွဲ
SpaceX အမေရိကန် အာကာသနည်းပညာ ကုမ္ပဏီက လွှတ်တင်လိုက်သည့် Starship အာကာသ လွှတ်တင်ရေးဒုံးပျံသည်  လွှတ်တင်ပြီးနောက်မကြာမီ လေထုတွင်း၌ ပေါက်ကွဲသွားရာ ထွက်ပေါ်လာသည့် အပျက်အစီးများကြောင့် အမေရိကန်ပြည်ထောင်စုအတွင်း လေကြောင်းခရီးစဉ် ၂၄၀ ခန့်အပေါ် သက်ရောက်စေခဲ့ရသည်ဟု အမေရိကန်ပြည်ထောင်စု လေကြောင်းပျံသန်းမှု စီမံခန့်ခွဲရေးအဖွဲ့ (FAA) ကထုတ်ပြန်သည်။အပျက်အစီးများကြောင့် အာဏာပိုင်အဖွဲ့က လေကြောင်းခရီးစဉ် အများအပြားကို လေကြောင်း ပြောင်းလဲ၍ ပျံသန်းစေခဲ့ရပြီး လေကြောင်းခရီးစဉ် ၁၇၁ ခုမှာလည်း ခန့်မှန်းခြေအားဖြင့် ၂၈ မိနစ်ခန့် နှောင့်နှေးကြန့်ကြာခဲ့ကြောင်း FAA က ဆက်လက် ထုတ်ပြန်ထားသည်။ထို့ပြင် SpaceX ကုမ္ပဏီက လွှတ်တင်လိုက်သည့် Starship အာကာသလွှတ်တင်ရေးဒုံးပျံ ပေါက်ကွဲမှုနှင့် စပ်လျဉ်း၍ စုံစမ်းစစ်ဆေးမှုများပြုလုပ်ရန်   FAA  က တောင်းဆိုထားသည်။SpaceX  ကုမ္ပဏီသည် Starship အာကာသ လွှတ်တင်ရေးဒုံးပျံကို တက္ကဆက်ပြည်နယ်ရှိ spaceport မှ ပြီးခဲ့သည့်ရက်သတ္တပတ်အတွင်း၌ စမ်းသပ်လွှတ်တင်ခဲ့ခြင်းဖြစ်ပြီး ယင်းသို့ လွှတ်တင်စဉ် ဒုံးပျံ၏အထက်ပိုင်း၌ ချွတ်ယွင်းမှုဖြစ်ပွားခြင်းကြောင့်  လွှတ်တင်ပြီး   ၁၀ မိနစ် အတွင်းမှာပင် ထိန်းချုပ်နိုင်ခြင်းမရှိဘဲ ပေါက်ကွဲသွားခြင်းဖြစ်ကြောင်း အဆိုပါကုမ္ပဏီက ထုတ်ပြန်ထားသည်။ယခုဖြစ်ပွားသည့်   ဖြစ်စဉ်သည် Starship အာကာသလွှတ်တင်ရေးဒုံးပျံ၏ ဒုတိယအကြိမ်မြောက်  မအောင်မြင်မှုဖြစ်ပြီး ဇန်နဝါရီလအတွင်းက လုပ်ဆောင်သည့်  စမ်းသပ်မှုအတွင်း၌လည်း  ပေါက်ကွဲမှုဖြစ်ပွားပြီးနောက် အပျက်အစီးများသည် တက်နှင့် ကိုင်ကိုကျွန်းစုများ အပေါ်သို့ ကျရောက်ခဲ့သည်။Source: https://myawady.net.mm/ 
ကမ္ဘာပေါ်တွင် ကားပျံအများအပြား ထုတ်လုပ်သည့် ပထမဆုံးသော ကုမ္ပဏီဖြစ်လာမည့် Xpeng
ကမ္ဘာပေါ်တွင် ကားပျံအများအပြား ထုတ်လုပ်သည့် ပထမဆုံးသော ကုမ္ပဏီဖြစ်လာမည့် Xpeng
တရုတ်နိုင်ငံမှ XPeng ကုမ္ပဏီသည် ကားပျံများအား လာမည့် ၂၀၂၆ခုနှစ်တွင် အများအပြား ထုတ်လုပ်မည်ဖြစ်ကြောင်း တရုတ်ပြည်သူ့ကွန်ဂရက်၏ ကုမ္ပဏီများ စီမံခန့်ခွဲရေး ဥက္ကဋ္ဌဖြစ်သူ ရှောင်ပန်းက ပြောကြားလိုက်သည်။XPeng ကုမ္ပဏီသည် လျှပ်စစ်ကားများကို ထုတ်လုပ်နေသည့် ကုမ္ပဏီတစ်ခုဖြစ်ပြီး မောင်းနှင်ပျံသန်းနိုင်သည့် ကားအများအပြားကို ၂၀၂၆ ခုနှစ်တွင် အစင်းရေအများအပြား ထုတ်လုပ်ရန် စီစဉ်လျက်ရှိသည်။ ထုတ်လုပ်မှု၏ ပထမအဆင့်အဖြစ် XPeng ကုမ္ပဏီက ကားပျံများကို တစ်နှစ်လျှင် အစင်းရေ ၁၀၀၀၀ ခန့်ထုတ်လုပ်မည်ဖြစ်သည်။အဆိုပါ XPeng ကုမ္ပဏီသည် ၎င်းတို့၏ ကားပျံ ရှေ့ပြေးပုံစံတစ်ခုကို တရုတ်နိုင်ငံတွင် ပြီးခဲ့သည့် ၂၀၂၄ခုနှစ်၊ နိုဝင်ဘာလ ၁၂ ရက်မှ ၁၇ ရက်အထိ ကျင်းပခဲ့သည့် ကျူဟိုင်လေကြောင်းပြပွဲ၌ ထုတ်ဖော်ပြသခဲ့ပြီးဖြစ်သည်။ ၎င်းပြပွဲတွင် XPeng ကုမ္ပဏီ၏ ကားပျံသည် ပြပွဲသို့ တက်ရောက် လာသူများ၏ ရှေ့မှောက်တွင် ပထမဆုံးအကြိမ် မောင်းနှင်ပျံသန်းပြသခဲ့သည်။XPeng ကုမ္ပဏီသည် ကားပျံများ ထုတ်လုပ်ရန်အတွက် ကွမ်ကျို့ပြည်နယ်တွင် မော်တော်ကား စက်ရုံတစ်ရုံကို ၂၀၂၄ခုနှစ်၊ အောက်တိုဘာလ  ၂၈ ရက်တွင် စတင်တည်ဆောက်ခဲ့ပြီး အဆိုပါ ကုမ္ပဏီသည် ကမ္ဘာပေါ်တွင်   ကားပျံများကို အများအပြား ထုတ်လုပ်သည့် ပထမဆုံးသော ကုမ္ပဏီဖြစ်လာမည်ဖြစ်သည်။Source: https://myawady.net.mm/ 
Starlink ဝန်ဆောင်မှုများ အိန္ဒိယတွင်စတင်မည်
Starlink ဝန်ဆောင်မှုများ အိန္ဒိယတွင်စတင်မည်
Elon Musk ၏ Starlink အင်တာနက်ဝန်ဆောင်မှုများကို အိန္ဒိယနိုင်ငံတွင် စတင်မိတ်ဆက်သွားမည်ဖြစ်ပြီး ထိုသို့စတင်ရာတွင် အိန္ဒိယ၏ ဒုတိယ အကြီးဆုံး ဆက်သွယ်ရေးလုပ်ငန်းဖြစ်သည့် Bharti Airtel နှင့် ပူးပေါင်း ဆောင်ရွက်သွားမည်ဖြစ်ကြောင်း မတ်လ ၁၁ ရက်နေ့က ကုမ္ပဏီ၏ စတော့အိတ်ချိန်းအချက်အလက်များတွင် ဖော်ပြခဲ့သည်။SpaceX နှင့် Airtel တို့အကြား သဘောတူညီချက်အရ SpaceX သည် အိန္ဒိယတွင် Starlink ဝန်ဆောင်မှုများကို ရောင်းချရန်လိုအပ်သော လိုင်စင်များရရှိပါက Airtel ၏ နိုင်ငံတစ်ဝှမ်းရှိ ရောင်းချမှု ကွန်ရက်များကို အသုံးပြု၍ ဝန်ဆောင်မှုများနှင့် ပစ္စည်းကိရိယာများကို စျေးကွက်တင် ရောင်းချနိုင်မည်ဖြစ်သည်။ ထုတ်ပြန်ချက်တွင် “ဤသဘောတူညီချက်သည် အိန္ဒိယတွင် ပထမဆုံး ချုပ်ဆိုသည့် သဘောတူညီချက်ဖြစ်ပြီး SpaceX အနေဖြင့် အိန္ဒိယတွင် Starlink ဝန်ဆောင်မှုများ ရောင်းချနိုင်ရန် လိုအပ်သော ခွင့်ပြုချက်များ ကိုရရှိရန် လိုအပ်ပါသည်” ဟု ဖော်ပြထားသည်။ကိုးကား-RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
မလေးရှားနိုင်ငံတွင် ရက် ၃၀ ဗီဇာကင်းလွတ်ခွင့်မူဝါဒ ကျင့်သုံးပြီးနောက် တရုတ်နှင့် အိန္ဒိယမှ ခရီးသွား သန်းပေါင်းများစွာ ရောက်ရှိ
မလေးရှားနိုင်ငံတွင် ရက် ၃၀ ဗီဇာကင်းလွတ်ခွင့်မူဝါဒ ကျင့်သုံးပြီးနောက် တရုတ်နှင့် အိန္ဒိယမှ ခရီးသွား သန်းပေါင်းများစွာ ရောက်ရှိ
အရှေ့တောင်အာရှနိုင်ငံဖြစ်သည့် မလေးရှားနိုင်ငံသည် ရက် ၃၀ ဗီဇာ ကင်းလွတ်ခွင့်မူဝါဒကို ပထမဆုံးအကြိမ်ကျင့်သုံးပြီးနောက် တရုတ်နိုင်ငံမှ ခရီးသွား ၄ သန်းကျော်နှင့် အိန္ဒိယနိုင်ငံမှ ခရီးသွား ၁ သန်းကျော် လာရောက် လည်ပတ်ခဲ့သည်။The Star သတင်းဌာန၏ဖော်ပြချက်အရ ၂၀၂၃ ခုနှစ်၊ ဒီဇင်ဘာလမှ ၂၀၂၄ ခုနှစ်၊ ဒီဇင်ဘာလအထိ တရုတ်နိုင်ငံသား ၄.၁ သန်း မလေးရှား နိုင်ငံသို့ဝင်ရောက်ခဲ့သည်။ ထိုကာလအတွင်း အိန္ဒိယနိုင်ငံမှ ခရီးသွား ၁.၄ သန်း ရောက်ရှိခဲ့သည်။မလေးရှားနှင့် ထိုင်းနိုင်ငံတို့သည် တရုတ်နှင့် အိန္ဒိယခရီးသွားများအတွက် ဗီဇာကင်းလွတ်ခွင့်မူဝါဒကိုကျင့်သုံးသည့် အရှေ့တောင်အာရှနိုင်ငံ နှစ်နိုင်ငံ ဖြစ်သည်။မလေးရှားနိုင်ငံ၏ ခရီးသွားရေး၊အနုပညာနှင့်ယဉ်ကျေးမှုဝန်ကြီးဌာနက မတ်လ ၅ ရက်နေ့တွင် ပါလီမန်သို့ ပေးပို့ခဲ့သည့်တင်ပြချက်၌ “အဆိုပါ မူဝါဒသည် နိုင်ငံအတွက် ဝင်ငွေများ ရရှိစေပြီး မလေးရှားနိုင်ငံအားနိုင်ငံတကာမြင်ကွင်းတွင် ရင်းနှီးမြှုပ်နှံမှု၊ ကုန်သွယ်မှုနှင့် ခရီးသွားလုပ်ငန်း ကဲ့သို့သော ကဏ္ဍများတွင် အဓိကပါဝင်သူအဖြစ် ဆက်လက်တည်ရှိ စေရန် သေချာစေသည်” ဟု ဖော်ပြခဲ့သည်။“ဤအချက်က ဖြစ်နိုင်ခြေရှိသော နိုင်ငံများအတွက် ဗီဇာကင်းလွတ်ခွင့် မူဝါဒသည် မလေးရှားသို့ ခရီးသွားများ လာရောက်မှုကိုမြှင့်တင်ရာ၌ အထောက်အကူပြုကြောင်းပြသနေသည်” ဟု တင်ပြချက်တွင် ဖြည့်စွက် ဖော်ပြခဲ့သည်။ဗီဇာကင်းလွတ်ခွင့်မူဝါဒ၏ အပြုသဘောဆောင်သော သက်ရောက်မှု များကြောင့် မလေးရှားနိုင်ငံသည် တရုတ်နှင့် အိန္ဒိယခရီးသွားများ အတွက် ဗီဇာကင်းလွတ်ခွင့်ကို ၂၀၂၆ ခုနှစ်အထိတိုးမြှင့်ရန် ဆုံးဖြတ်ခဲ့သည်။အမေရိကန်ငွေကြေးဝက်ဘ်ဆိုဒ် Insider Monkey က ၂၀၂၄ ခုနှစ်တွင် အာရှ၏ “အချစ်ဆုံး” နိုင်ငံအဖြစ် သတ်မှတ်ခံထားရသော မလေးရှားနိုင်ငံ သို့ ၂၀၂၄ ခုနှစ်အတွင်း ခရီးသွား ၃၈ သန်း ရောက်ရှိခဲ့ပြီး ယင်းတွင် တစ်နေ့တာခရီးသွား ၁၃ သန်း ပါဝင်ကာ ယခင်နှစ်ထက် ၃၁.၁% တိုးတက်မှု ရှိကြောင်း ခရီးသွားဝန်ကြီး Datuk Seri Tiong King Sing က ပြောကြား ခဲ့သည်။ဗီဇာကင်းလွတ်ခွင့်မူဝါဒမူဝါဒသည် နိုင်ငံတကာခရီးသွားများအား ဗီဇာလိုအပ်ချက်များကို လျှော့ချပေးခြင်းဖြင့် ခရီးသွားလုပ်ငန်းကိုမြှင့်တင်ရန် ရည်ရွယ်ခဲ့ခြင်းဖြစ်သည်။ဤမူဝါဒသည် နိုင်ငံ၏ ခရီးသွားလုပ်ငန်းကို သိသိသာသာ တိုးတက်စေ ခဲ့ပြီး စီးပွားရေးအပေါ် အပြုသဘောဆောင်သော သက်ရောက်မှုများ ရှိခဲ့သည်။ ခရီးသွားများသည် နိုင်ငံ၏ ယဉ်ကျေးမှု၊ သဘာဝ အလှတရား များနှင့် ဒေသခံများ၏ ကြင်နာဖော်ရွေသော ဆက်ဆံမှုတို့ကိုခံစားရန် လာရောက်လည်ပတ်ကြပြီး ခရီးသွားလုပ်ငန်းကို မြှင့်တင်ရုံသာမက နိုင်ငံတကာနှင့် ဆက်ဆံရေးကိုလည်း ပိုမိုကောင်းမွန်စေခဲ့သည်။ခရီးသွားလုပ်ငန်းတွင် ဤကဲ့သို့သောအောင်မြင်မှုများသည် နိုင်ငံ၏ စီးပွားရေးကို အားကောင်းစေပြီး ဒေသခံများ၏ လူနေမှုဘဝ အရည်အသွေးကိုမြှင့်တင်ပေးနိုင်ခဲ့သည်။ နိုင်ငံတကာခရီးသွားများအတွက် ဗီဇာ လိုအပ်ချက် များလျှော့ချပေးခြင်းသည် ကမ္ဘာလှည့်ခရီးသွားလုပ်ငန်းကို ပိုမိုဖွံ့ဖြိုးစေရန် ကူညီပေးနိုင်သည့် မူဝါဒတစ်ခုဖြစ်ကြောင်း ဤအောင်မြင်မှုက သက်သေပြခဲ့သည်။ကိုးကား-VN Expressဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.