နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂)၊ ပြည်ထောင်စုဝန်ကြီး ဦးကိုကိုလှိုင် ICRC ၏ မြန်မာနိုင်ငံဆိုင်ရာ ဌာနေကိုယ်စားလှယ် Mr. Arnaud de Baecque အား လက်ခံတွေ့ဆုံ

sacadmin

News Image

  • ICRC Call

နေပြည်တော်၊ မတ် ၂ဝ 

နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂)၊ ပြည်ထောင်စုဝန်ကြီး ဦးကိုကိုလှိုင်သည် အပြည်ပြည်ဆိုင်ရာကြက်ခြေနီကော်မတီ (ICRC) ၏ မြန်မာနိုင်ငံဆိုင်ရာ ဌာနေကိုယ်စားလှယ် Mr. Arnaud de Baecque အား ယနေ့ နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီရုံး ဧည့်ခန်းမ၌ လက်ခံတွေ့ဆုံသည်။ ထိုသို့တွေ့ဆုံစဉ် လူသားချင်းစာနာထောက်ထားမှုဆိုင်ရာ အကူအညီပေးရေးကိစ္စရပ်များ၊ မြန်မာနိုင်ငံ၌ ICRC က ဆောင်ရွက်လျက်ရှိသည့်လုပ်ငန်းများနှင့် ဆက်လက်ဆောင်ရွက်မည့်လုပ်ငန်းများအပေါ် အမြင်ချင်းဖလှယ်ဆွေးနွေးခဲ့ကြသည်။ တွေ့ဆုံပွဲသို့ နိုင်ငံတော်စီမံအုပ်ချုပ်ရေးကောင်စီရုံးမှ တာဝန်ရှိသူများ တက်ရောက်ခဲ့ကြကြောင်း သိရသည်။

ကိုးကား- နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂)

MM-News-Category
အထွေထွေသတင်း
အထွေထွေ-ပြည်တွင်းသတင်း

ဆက်စပ်သတင်းများ

တရုတ်ခရီးသည်များကို ဗီဇာကင်းလွတ်ခွင့်ပေးရန် တောင်ကိုရီးယားအစိုးရ စီစဉ်ထား
တရုတ်ခရီးသည်များကို ဗီဇာကင်းလွတ်ခွင့်ပေးရန် တောင်ကိုရီးယားအစိုးရ စီစဉ်ထား
ဆိုးလ်   မတ် ၂၀ခရီးသွားလုပ်ငန်းမြှင့်တင်ရေးအတွက် ယခုနှစ် တတိယသုံးလပတ်အတွင်း တရုတ်ခရီးသွားဧည့်သည်များကို ဗီဇာကင်းလွတ်ခွင့်ပေးရန် တောင်ကိုရီးယားနိုင်ငံက စီစဉ်ထားကြောင်း ယနေ့သတင်းများတွင် ဖော်ပြထားသည်။ တောင်ကိုရီးယားနိုင်ငံခြားခရီးသွားဧည့်သည်များကို ဗီဇာမဲ့ပြည်ဝင်ခွင့်ပေးထားမှုကို တရုတ်အစိုးရက သက်တမ်းထပ်တိုးပေးခဲ့ပြီးနောက် တရုတ်ခရီးသွားဧည့်သည်များကို ဗီဇာကင်းလွတ်ခွင့်ပေးရန် တောင်ကိုရီးယားအစိုးရက စီစဉ်ထားခြင်းဖြစ်သည်။တောင်ကိုရီးယားနိုင်ငံသို့ တရုတ်ခရီးသွားဧည့်သည်များ ဝင်ရောက်မှုကို မြှင့်တင်ရေးအတွက် တရုတ်ခရီးသွားဧည်သည်များကို ယခုနှစ် တတိယသုံးလပတ်ကာလအတွင်း ဗီဇာကင်းလွတ်ခွင့်ပေးမည်ဖြစ်ကြောင်း တောင်ကိုရီးယား ယာယီသမ္မတ ချွိုင်ဆန်မော့ခ် က ပြောကြားထားသည်။တောင်ကိုရီးယားနိုင်ငံသည် ယခုနှစ် စတုတ္ထ သုံးလပတ်အတွင်း အာရှ-ပစိဖိတ် စီးပွားရေးပူးပေါင်းဆောင်ရွက်မှုအဖွဲ့ (အေပက်) ထိပ်သီးညီလာခံကို လက်ခံကျင်းပရန် စီစဉ်ထားသည်။အဆိုပါ အေပက်ထိပ်သီးညီလာခံကို ယဉ်ကျေးမှုအမွေအနှစ်ခရီးသွားမြို့တော်အဖြစ် ထင်ရှားသော ဂျောင်ဂျူမြို့၌ ကျင်းပရန် စီစဉ်ထားသည်။ပြီးခဲ့သည့်နှစ်အတွင်း တောင်ကိုရီးယားနိုင်ငံသို့ ခရီးသွားဧည့်သည် ၁၆ ဒသမ ၄ သန်း ဝင်ရောက်ခဲ့ရာ ၂၈ ရာခိုင်နှုန်းမှာ တရုတ်နိုင်ငံသားများဖြစ်ကြောင်း သိရသည်။Source: ရတနာပုံသတင်းစာ   
တရားမဝင် ဓာတ်အားခိုးယူသုံးစွဲမှုမှ ဒဏ်ကြေးငွေကျပ် (၄) ဘီလီယံ နီးပါးရရှိခဲ့ရာ စက်မှုလုပ်ငန်းများက အများဆုံးဖြစ်
တရားမဝင် ဓာတ်အားခိုးယူသုံးစွဲမှုမှ ဒဏ်ကြေးငွေကျပ် (၄) ဘီလီယံ နီးပါးရရှိခဲ့ရာ စက်မှုလုပ်ငန်းများက အများဆုံးဖြစ်
ယခုဘဏ္ဍာနှစ်(၂၀၂၄-၂၀၂၅) အတွင်း တရားမဝင်ဓာတ်အားခိုးယူသုံးစွဲမှုမှ ဒဏ်ကြေးငွေကျပ်(၄) ဘီလီယံနီးပါးရရှိခဲ့ရာ စက်မှုလုပ်ငန်းများက အများဆုံးဖြစ်ကြောင်း လျှပ်စစ်စွမ်းအားဝန်ကြီးဌာန၏ NP News ထံ ဖြေကြားချက်အရ သိရသည်။ဝန်ကြီးဌာနအနေဖြင့် တရားမဝင်ဓာတ်အားခိုးယူသုံးစွဲမှုများ မဖြစ်ပေါ်စေရေးအတွက် အဖွဲ့များ ဖွဲ့စည်း၍ ရှောင်တခင် စစ်ဆေးခြင်းများကို ပုံမှန်ပြုလုပ်ဆောင်ရွက်ခဲ့ပြီး ယခုကာလတွင် တရားမဝင်သုံးစွဲမှုများ လျော့နည်းပပျောက်စေရေးအတွက် စီမံချက်များ ထပ်မံရေးဆွဲကာ မြေပြင်ကွင်းဆင်း စစ်ဆေးခြင်းများကို ဆောင်ရွက်နေကြောင်း သိရသည်။ထိုသို့စစ်ဆေးရာတွင် Spot/ Surprise Check အဖွဲ့များဖွဲ့စည်း၍ ထရန်စဖော်မာများ၊ မီတာများမှ တရားမဝင် ဓာတ်အားခိုးယူသုံးစွဲမှု ရှိ/မရှိ၊ ဓာတ်အားလိုင်းမှ တိုက်ရိုက်ခိုးယူသုံးစွဲခြင်း ရှိ/မရှိ၊ ဆင့်ပွားမီးသွယ်တန်းခြင်း ရှိ/မရှိ၊ အိမ်တွင်းသုံးပါဝါမီတာဖြင့် တရားမဝင်လုပ်ငန်းလုပ်ကိုင်ခြင်းရှိ/မရှိ၊ မီတာဖတ်ရှုမှု မှန်ကန်ခြင်းရှိ/မရှိ၊ သုံးစွဲပမာဏနှင့် ပေးသွင်းပမာဏ ကိုက်ညီမှု ရှိ/မရှိတို့အား လစဉ်မြေပြင်ကွင်းဆင်း၍ ရှောင်တခင်စစ်ဆေးခြင်းများကို ဆောင်ရွက် နေကြောင်း သိရသည်။လျှပ်စစ်စွမ်းအားဝန်ကြီးဌာနအနေဖြင့် (၂၀၂၄ -၂၀၂၅) ဘဏ္ဍာနှစ်အတွင်း တရားမဝင်ဓာတ်အား ခိုးယူသုံးစွဲမှု (၁၁၃၇)မှု ဖော်ထုတ်အရေးယူနိုင်ခဲ့ကြောင်း သိရသည်။ “(၂၀၂၄-၂၀၂၅) ဘဏ္ဍာနှစ်အတွင်း တရားမဝင်ဓာတ်အား ခိုးယူသုံးစွဲမှု (၁၁၃၇)မှု ဖော်ထုတ်အရေးယူနိုင်ခဲ့ပြီး ဒဏ်ကြေးငွေကျပ် (၃ ဒသမ ၉၅၉) ဘီလီယံရရှိခဲ့ပါတယ်။ စစ်ဆေးမှုများအရ ရန်ကုန်တိုင်းဒေသကြီးတွင် တရားမဝင်ဓာတ်အားခိုးယူသုံးစွဲမှု (၅၅၈)မှု ဒဏ်ကြေးငွေကျပ် (၁ ဒသမ ၂၆၈) ဘီလီယံ ရရှိခဲ့ပြီး၊ မန္တလေးတိုင်းတွင် (၂၉၂) မှု ဒဏ်ကြေးငွေကျပ် (၁ ဒသမ ၉၀၂ ) ဘီလီယံနှင့် ကျန်တိုင်းဒေသကြီးနှင့် ပြည်နယ်များတွင် (၂၈၇) မှု၊ ဒဏ်ကြေးငွေကျပ် (ဝ ဒသမ ၇၈၈) ဘီလီယံရရှိခဲ့ပါသည်” ဟု လျှပ်စစ်စွမ်းအားဝန်ကြီး ဌာနမှတာဝန်ရှိသူတစ်ဦးက NP News ကိုပြောသည်။အဆိုပါ တရားမဝင်ဓာတ်အားခိုးယူသုံးစွဲမှုများအား သုံးစွဲမှုပုံသဏ္ဌာန်အလိုက် စိစစ်ရာတွင် စက်မှုလုပ်ငန်းသုံးမှ တရားမဝင်သုံးစွဲမှု အများဆုံးတွေ့ရှိရကြောင်း သိရသည်။ တရားမဝင်ဓာတ်အားခိုးယူ သုံးစွဲမှုများအား ဌာနမှ ဝန်ထမ်း ဟောင်းများနှင့် Disloyalty Civil Servant(DSC) များမှ ပါဝင်ဆောင်ရွက်ခဲ့သည်ကို အများစုတွေ့ရပြီး အမှုဖွင့် အပြစ်ပေး အရေးယူမှုများ‌ဆောင်ရွက်ခဲ့ကြောင်း ဝန်ကြီးဌာနမှ ဆိုထားသည်။ ထို့ပြင် သက်ဆိုင်ရာဌာနတွင်းမှ ဝန်ထမ်း များကိုလည်း အပြစ်ပေးအရေးယူမှုများ၊ ဌာနမှထုတ်ပယ်အရေးယူခြင်းများဆောင်ရွက်ခဲ့ကြောင်း လျှပ်စစ်စွမ်းအား ဝန်ကြီးဌာနမှ အသိပေးထားသည်။ကိုးကား-NP News 
အသက် ၆၀ ကျော် တရုတ်အမျိုးသမီးကြီး စက်ဘီးဖြင့် ကမ္ဘာပတ်
အသက် ၆၀ ကျော် တရုတ်အမျိုးသမီးကြီး စက်ဘီးဖြင့် ကမ္ဘာပတ်
တရုတ်အမျိုးသမီးကြီး Li Dongju သည် အသက် ၅၉ နှစ်တွင် သူမ အသက်၏ သုံးပုံတစ်ပုံသာရှိသည့် လူငယ်များနည်းတူ စက်ဘီးတစ်စီးဖြင့် တစ်ကိုယ်တော် ကမ္ဘာလှည့်ခရီးထွက်ကာ လွတ်လပ်မှုအရသာကို ခံစားနေရကြောင်း သူမကဆိုသည်။တစ်ကိုယ်တော်စက်ဘီးခရီးစဉ်စတင်ချိန်သည် အသက်အရွယ်အားဖြင့် နောက်ကျနေသော်လည်း ယခုအခါတွင် သူမသည် တိုက်ကြီးသုံးတိုက်မှ နိုင်ငံပေါင်း ၁၂ နိုင်ငံကို စက်ဘီးဖြင့် တစ်ကိုယ်တော် ဖြတ်သန်းနိုင်ခဲ့ပြီ ဖြစ်သည်။တရုတ်နိုင်ငံ Henan ပြည်နယ်အလယ်ပိုင်း Zhengzhou မြို့မှ အဆိုပါ အဘွားငယ် Li Dongju (၆၆ နှစ်) သည် အရှေ့တောင်အာရှ၊ ဥရောပနှင့် သြစတြေးလျတိုက်တို့ကို စက်ဘီးဖြင့် လှည့်လည်ခဲ့ပြီး ကမ္ဘောဒီးယား၊ ပြင်သစ်နှင့် သြစတြေးလျနိုင်ငံတို့ကိုလည်း သွားရောက်ခဲ့ပါသည်။မန်ဒရင်း တရုတ်စကားကိုသာ ပြောဆိုတတ်သည့်သူမသည် ဒေသခံများ နှင့်ဆက်သွယ်ရန် ဘာသာပြန်အက်ပ်များကိုသာ အပြည့်အဝ အသုံးပြုခဲ့ ရသည်။ ငွေကြေးအခက်အခဲရှိခြင်းကြောင့် သူမသည် ပန်းခြံများ၊ ဓာတ်ဆီဆိုင်များနှင့် သင်္ချိုင်းများ၌ တဲထိုးနေထိုင်ခဲ့သော်လည်း ကြင်နာ တတ်သည့်ဒေသခံများက သူမကိုအိမ်များသို့ဖိတ်ခေါ်ကာ လက်ခံ ကျွေးမွေးခဲ့ကြသည်ဟုဆိုပါသည်။Li ၏ စွန့်စားခန်းသည် ၂၀၂၂ ခုနှစ် အစောပိုင်းက Covid-19 ကပ်ရောဂါကြောင့် ရပ်တန့်ခဲ့ရသော်လည်း သူမ၏စက်ဘီးစီးခရီးစဉ်များသည် ဘဝကိုပြောင်းလဲစေခဲ့သည်ဟု ဆိုပါသည်။ ၂၀၀၅ ခုနှစ်က အိမ်ထောင်ကွဲပြီးနောက် ဆယ်စုနှစ်တစ်ခုကြာ စိတ်ဓာတ်ကျနေမှုကို ပျောက်ကင်းစေခြင်းသည် ခရီးထွက်ခြင်းပင်ဖြစ်သည်ဟု Li က ယုံကြည်လျက်ရှိသည်။“စက်ဘီးမစီးခင်က သူမအနေဖြင့် တခြားသူများအပေါ်အများကြီး မှီခို နေရပြီး တွင်းထဲက ဖားတစ်ကောင်လိုခံစားခဲ့ရသည်” ဟု သူမက ပြောပါသည်။ “ယခုတွင် သူမသည်လွတ်လပ်ပြီး ဘာကိုမျှမကြောက်သည့်၊ ကိုယ်ပိုင်လွတ်လပ်သော ဝံပုလွေတစ်ကောင်ပါ။” ဟု သူမ၏ ခံစားချက်ကို ဖွင့်ဟခဲ့သည်။ကိုးကား-CNNဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
ICRC Call
နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂)၊ ပြည်ထောင်စုဝန်ကြီး ဦးကိုကိုလှိုင် ICRC ၏ မြန်မာနိုင်ငံဆိုင်ရာ ဌာနေကိုယ်စားလှယ် Mr. Arnaud de Baecque အား လက်ခံတွေ့ဆုံ
နေပြည်တော်၊ မတ် ၂ဝ နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန (၂)၊ ပြည်ထောင်စုဝန်ကြီး ဦးကိုကိုလှိုင်သည် အပြည်ပြည်ဆိုင်ရာကြက်ခြေနီကော်မတီ (ICRC) ၏ မြန်မာနိုင်ငံဆိုင်ရာ ဌာနေကိုယ်စားလှယ် Mr. Arnaud de Baecque အား ယနေ့ နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေးကောင်စီရုံး ဧည့်ခန်းမ၌ လက်ခံတွေ့ဆုံသည်။ ထိုသို့တွေ့ဆုံစဉ် လူသားချင်းစာနာထောက်ထားမှုဆိုင်ရာ အကူအညီပေးရေးကိစ္စရပ်များ၊ မြန်မာနိုင်ငံ၌ ICRC က ဆောင်ရွက်လျက်ရှိသည့်လုပ်ငန်းများနှင့် ဆက်လက်ဆောင်ရွက်မည့်လုပ်ငန်းများအပေါ် အမြင်ချင်းဖလှယ်ဆွေးနွေးခဲ့ကြသည်။ တွေ့ဆုံပွဲသို့ နိုင်ငံတော်စီမံအုပ်ချုပ်ရေးကောင်စီရုံးမှ တာဝန်ရှိသူများ တက်ရောက်ခဲ့ကြကြောင်း သိရသည်။ကိုးကား- နိုင်ငံတော်စီမံအုပ်ချုပ်ရေးကောင်စီဥက္ကဋ္ဌရုံးဝန်ကြီးဌာန(၂)
တောင်အာဖရိကနိုင်ငံ၌ တစ်ရက်အတွင်း သစ်ပင် တစ်သန်း စိုက်ပျိုးမည်
တောင်အာဖရိကနိုင်ငံ၌ တစ်ရက်အတွင်း သစ်ပင် တစ်သန်း စိုက်ပျိုးမည်
ဂျိုဟန်နစ္စဘတ်  မတ် ၁၉တောင်အာဖရိကနိုင်ငံသည် ၂၀၂၅ ခုနှစ် စက်တင်ဘာ ၂၄ ရက်ကို အမျိုးသားသစ်ပင်စိုက်ပျိုးရေးနေ့အဖြစ် သတ်မှတ်ပြီး ရာသီဥတုဖောက်ပြန်ပြောင်းလဲမှုကို တိုက်ဖျက်ရန် တစ်ရက်အတွင်း သစ်ပင်တစ်သန်း စိုက်ပျိုးသွားရန် ရည်မှန်းလုပ်ဆောင်လျက်ရှိကြောင်း တောင်အာဖရိက အကြီးတန်း အရာရှိတစ်ဦးက မတ် ၁၈ ရက်တွင် ပြောသည်။ တောင်အာဖရိကနိုင်ငံ၏ အကြီးမားဆုံးမြို့နှင့် စီးပွားရေးအချက်အချာမြို့ဖြစ်သော ဂျိုဟန်နစ္စဘတ်မြို့တွင် ကျင်းပသည့် ဒုတိယအကြိမ် အာဖရိကမြို့ပြသစ်တောဆိုင်ရာ ဖိုရမ်တွင် သစ်တော၊ ငါးလုပ်ငန်းနှင့် သဘာဝပတ်ဝန်းကျင်ရေးရာ ဒုတိယဝန်ကြီး ဘာနိုက်စ်ဆဝတ်စ်က မတ် ၁၈ ရက်တွင် ကြေညာခဲ့သည်။ အဆိုပါဖိုရမ်ကို ဂျိုဟန်နစ္စဘတ်မြို့တော်နှင့် ကုလသမဂ္ဂစားရေရိက္ခာနှင့် စိုက်ပျိုးရေးအဖွဲ့ (အက်ဖ်အေအို) တို့ ပူးပေါင်းကျင်းပခဲ့ခြင်းဖြစ်သည်။တောင်အာဖရိကနိုင်ငံသည် သဘာဝပတ်ဝန်းကျင်ထိန်းသိမ်းရေး လှုပ်ရှားမှုမှတစ်ဆင့် ကင်ညာနိုင်ငံတစ်ဝန်း သစ်ပင်ပေါင်း ၅၁ သန်းကျော်စိုက်ပျိုးကာ နိုဘယ်ငြိမ်းချမ်းရေးဆုရရှိခဲ့သော ဝန်ဂါနီမာသာရီထံမှ ထိုကဲ့သို့ လုပ်ဆောင်ရန် စိတ်ကူးစိတ်သန်းများကို ရရှိခဲ့ကြောင်း ၎င်းက ရှင်းပြခဲ့သည်။ ကိုးကား : မြန်မာ့အလင်းသတင်းစာPhoto: News24
တံတားဦးမြို့နယ် မီးသတ်ဦးစီးဌာနမှ ၂၀၂၄-၂၀၂၅ ပညာသင်နှစ် တက္ကသိုလ်ဝင်တန်း စာမေးပွဲဖြေဆိုနေစဉ်အတွင်း စာစစ်ဌာနအနီးရှိ နေအိမ်များအား မီးဘေးလုံခြုံရေးလုပ်ငန်းကွင်းဆင်းစစ်ဆေး
တံတားဦးမြို့နယ် မီးသတ်ဦးစီးဌာနမှ ၂၀၂၄-၂၀၂၅ ပညာသင်နှစ် တက္ကသိုလ်ဝင်တန်း စာမေးပွဲဖြေဆိုနေစဉ်အတွင်း စာစစ်ဌာနအနီးရှိ နေအိမ်များအား မီးဘေးလုံခြုံရေးလုပ်ငန်းကွင်းဆင်းစစ်ဆေး
မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ် မီးသတ်ဦးစီးဌာနမှ ပြည်သူများ ပွင့်လင်းရာသီ ရောက်ရှိပြီဖြစ်၍ မီးဘေးအန္တရာယ်ကင်းဝေးရေးနှင့် မီးလောင်ကျွမ်းမှုမဖြစ်ပေါ်စေရေး၊ မီးဘေး သတိရှိရေး စသည်တို့ကို ရည်ရွယ်ပြီးမီးဘေးအန္တရာကြိုတင်ကာကွယ်ရေးအတွက် မတ်လ ၁၈ ရက်၊ နံနက် (၁၀) နာရီ အချိန်က ၂၀၂၄-၂၀၂၅ပညာသင်နှစ် တက္ကသိုလ်ဝင်တန်း စာမေးပွဲဖြေဆိုနေစဉ်အတွင်း စာစစ်ဌာနအနီးရှိ နေအိမ် များအား မီးဘေးလုံခြုံရေးလုပ်ငန်းကွင်းဆင်းစစ်ဆေးဆောင်ရွက်ကြကြောင်းသိရသည် ။ထိုသို့အသိပေးနှိုးဆော်ဆောင်ရွက်ရာတွင် မြို့နယ်မီးသတ်ဦးစီးဌာန၊ မြို့နယ်ဦးစီးမှူး ဦးကျော်သူအောင် ဦးဆောင်ပြီး တပ်ဖွဲ့ဝင်များနှင့်အတူ မီးဘေးအန္တရာယ်ကြိုတင်ကာကွယ်ရေးအတွက် မီးဖိုများကို သတ်မှတ်ချိန်အတွင်းသာ မီးကို အသုံးပြုကြစေလိုကြောင်း၊ ထို့အပြင် နေအိမ်များတွင် မီးလောင်လွယ်သော လောင်စာများမထားရှိရေး၊ မီးချိတ် ၊ မီးကတ် ၊ သဲ ၊ ရေ ၊ လှေကားနှင့် မီးသတ်ဆေးဘူးများ ပြည့်စုံစွာထားရှိရေး တို့ကို အကြံပြုဆွေးနွေး စစ်ဆေးခဲ့ကြောင်းသိရသည်။မြို့နယ်မီးသတ်ဦးစီးဌာနအနေဖြင့် ပြည်သူများမီးဘေးလုံခြုံရေးအတွက် ရပ်ကွက်ကျေးရွာများသို့ တစ်အိမ်တက် တစ်အိမ်ဆင်းစစ်ဆေးခြင်း၊ မြို့မဈေးစစ်ဆေးခြင်း၊ စက်သုံးဆီဆိုင်များစစ်ဆေးခြင်း၊ ဌာနဆိုင်ရာများ မီးဘေး အန္တရာယ်သရုပ်ပြခြင်း ၊ ပြည်သူလူထုအတွင်းမီးဘေးလုံခြုံရေး စိမ့်ဝင်ပျံ့နှံ့စေရန် အသိပညာပေးခြင်းများ၊ လက်ကမ်းစာစောင်ဖြန့်ဝေခြင်းများ အကောင်အထည်ဖော်ဆောင်ရွက်လျက်ရှိကြောင်းသိရသည်။ဦးရဲတင့် (ပြန် / ဆက်)၀၉-၇၉၇၄၃၈၃၀၅ 
© Copyright 2024 SAC All Rights Reserved.