ဖျာပုံမြို့နယ်မှ ရန်ကုန်ဈေးကွက်သို့ ဧပြီလအတွင်း ကကတစ်ငါး ပိဿာချိန်အများအပြား တင်ပို့ရောင်းချနိုင်ခဲ့

saceditor

News Image

  • ဖျာပုံမြို့နယ်မှ ရန်ကုန်ဈေးကွက်သို့ ဧပြီလအတွင်း ကကတစ်ငါး ပိဿာချိန်အများအပြား တင်ပို့ရောင်းချနိုင်ခဲ့

ဖျာပုံ   မေ ၂၅

ဧရာဝတီတိုင်းဒေသကြီး ဖျာပုံမြို့နယ်မှ ရန်ကုန်ဈေးကွက်သို့ ဧပြီလအတွင်း ကကတစ်ငါး ပိဿာချိန် အများအပြား တင်ပို့ရောင်းချနိုင်ခဲ့ကြောင်း ဖျာပုံမြို့နယ် ရေထွက်ကုန်ပစ္စည်းရောင်းဝယ်ရေးပွဲရုံပိုင်ရှင် ဒေါ်ကေခိုင်က ပြောပြ၍ သိရသည်။

ဖျာပုံမြို့နယ်မှ ရန်ကုန်ဈေးကွက်သို့ မတ်လက ကကတစ်ငါး ပိဿာချိန် ၄၀၀၀၀ သာ တင်ပို့ရောင်းချနိုင်ခဲ့ပြီး ဧပြီ ၁ ရက်မှ ၃၀ ရက်ထိ ကကတစ်ငါး ပိဿာချိန် ၆၅၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။

“ပြီးခဲ့တဲ့ တစ်လထဲမှာ ကကတစ်ငါးပိဿာချိန် ၆၅၀၀၀ ထိ တင်ပို့ရောင်းချခဲ့ရပါတယ်။ ရန်ကုန်‌ဈေးကွက်က ဝယ်ယူမှုများနေလို့ တင်ပို့ရောင်းချမှုတက်ခဲ့တာပါ။ ကကတစ်ငါးက အကြမ်းခံတဲ့ငါး အမျိုးအစားထဲမှာ ပါပါတယ်။ ကကတစ်ငါးအပါအဝင် အခြားရေထွက်ကုန်တွေလဲ အရောင်းအဝယ် ပုံမှန်ဖြစ်နေပါတယ်” ဟု ဖျာပုံမြို့နယ် ရေထွက်ကုန်ပစ္စည်းရောင်းဝယ်ရေး ပွဲရုံပိုင်ရှင် ဒေါ်ကေခိုင်က ပြောပြသည်။

ဖျာပုံမြို့နယ်မှ ရန်ကုန်ဈေးကွက်သို့ တင်ပို့ရောင်းချခဲ့သည့် ကကတစ်ငါး တစ်ပိဿာလျှင် ငွေကျပ် ၁၈၅၀၀ မှ ၂၂၀၀၀ ထိ ပေါက်ဈေးရှိကြောင်း၊ အဆိုပါ ဒေသမှ ကကတစ်ငါးများအပါအဝင် ရေထွက်ကုန်များ ရန်ကုန်ဈေးကွက်သို့ တင်ပို့ရောင်းချနေရခြင်းကြောင့် ရေလုပ်သားများ၊ ပွဲရုံပိုင်ရှင်များ၊ ကုန်တင်ယာဉ်အငှားလိုက်သူများ၊ ကုန်တင်ကုန်ချလုပ်သားများ အဆင်ပြေလျက်ရှိကြောင်း ဖျာပုံမြို့နယ် ရေထွက်ကုန်ပစ္စည်းရောင်းဝယ်ရေးပွဲရုံပိုင်ရှင် ဒေါ်ကေခိုင်က ပြောပြ၍ သိရသည်။

ကျော်ကျော်လင်း

Source: ရတနာပုံသတင်းစာ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ကမ္ဘောဒီးယားနိုင်ငံ အန်ကောဥယျာဉ်တွင် ဇန်နဝါရီလမှ ဇူလိုင်လ အတွင်း လက်မှတ်ရောင်းအား ဝင်ငွေ အမေရိကန်ဒေါ်လာ ၂၈.၆ သန်း ရရှိ
ကမ္ဘောဒီးယားနိုင်ငံ အန်ကောဥယျာဉ်တွင် ဇန်နဝါရီလမှ ဇူလိုင်လ အတွင်း လက်မှတ်ရောင်းအား ဝင်ငွေ အမေရိကန်ဒေါ်လာ ၂၈.၆ သန်း ရရှိ
ကမ္ဘောဒီးယားနိုင်ငံ၏ နာမည်ကျော် အန်ကော ရှေးဟောင်းသုတေသန ဥယျာဉ်က ၂၀၂၅ ခုနှစ် ပထမခုနစ်လအတွင်း လက်မှတ်ရောင်းအားမှ ဝင်ငွေ အမေရိကန်ဒေါ်လာ ၂၈.၆ သန်း ရရှိခဲ့ရာ ယခင်နှစ် အလားတူ ကာလထက် ၅.၃ ရာခိုင်နှုန်း မြင့်တက်လာခဲ့ကြောင်း ဩဂုတ် ၁ ရက်၌ ထုတ်ပြန်သည့် တရားဝင်အစီရင်ခံစာအရ သိရသည်။ယူနက်စကို (UNESCO) စာရင်းဝင် အန်ကောဥယျာဉ်သို့ ယခုနှစ် ဇန်နဝါရီလမှ ဇူလိုင်လအတွင်း နိုင်ငံတကာခရီးသွားဧည့်သည် ၆၁၈,၇၇၁ ဦး ဝင်ရောက်ခဲ့ရာ ယခင်နှစ် ကာလတူထက် ၅.၈ ရာခိုင်နှုန်း တိုးတက် လာခဲ့ကြောင်း နိုင်ငံပိုင် Angkor Enterprise လုပ်ငန်း အစီရင်ခံစာအရ သိရသည်။ ယခုနှစ် ဇူလိုင်လအတွင်း အဆိုပါ ရှေးဟောင်းဥယျာဉ်သို့ ပြည်ပခရီးသွားဧည့်သည် ၅၁,၀၉၈ ဦးဝန်းကျင် ဝင်ရောက်ခဲ့ရာ ယမန်နှစ် ကာလတူနှင့် နှိုင်းယှဉ်ပါက ၁၈ ရာခိုင်နှုန်း ကျဆင်းသွားခဲ့ကြောင်း၊ ယခုနှစ် ဇူလိုင်လအတွင်း လက်မှတ်ရောင်းရငွေမှ အမေရိကန်ဒေါ်လာ ၂.၂၃ သန်း ရရှိခဲ့ပြီး ယခင်နှစ် အလားတူကာလကထက် ၁၇ ရာခိုင်နှုန်း လျော့နည်းသွားခဲ့ကြောင်း ၎င်းအစီရင်ခံစာ၌ ဖော်ပြထားသည်။ဆီရမ်ရိ(ပ်)ပြည်နယ် အနောက်မြောက်ပိုင်းတွင် တည်ရှိ၍ ဧရိယာ ၄၀၁ စတုရန်းကီလိုမီတာ ကျယ်ဝန်းသော အန်ကော ရှေးဟောင်းဥယျာဉ်သည် ကမ္ဘောဒီးယားနိုင်ငံ၏ ခရီးသွားဧည့်သည်များ လာရောက်လည်ပတ်ရာ အကျော်ကြားဆုံးနေရာတစ်ခုဖြစ်ပြီး ၉ ရာစုမှ ၁၃ ရာစုကြား တည်ဆောက် ခဲ့သည့် ရှေးဟောင်းဘုရားကျောင်း ၉၁ ကျောင်း တည်ရှိကြောင်း သိရ သည်။ Royal University of Phnom Penh ၏ နိုင်ငံတကာ လေ့လာရေး နှင့် ပြည်သူ့မူဝါဒအင်စတီကျု၊ ကထိက Thong Mengdavid က ၂၀၂၅ ခုနှစ် ကမ္ဘောဒီးယား-တရုတ် ခရီးသွားနှစ်က အန်ကောသို့ တရုတ် ခရီးသွား ဧည့်သည်များ ပိုမိုဆွဲဆောင်နိုင်မည်ဟု ယုံကြည်ကြောင်း ပြောကြား ခဲ့သည်။“၂၀၂၅ ခုနှစ်ကို ကမ္ဘောဒီးယား-တရုတ် ခရီးသွားနှစ်အဖြစ် သတ်မှတ် ထားသောကြောင့် အန်ကော ရှေးဟောင်းသုတေသနဥယျာဉ်ကို တရုတ် ခရီးသွားဧည့်သည်များ လာရောက်မှု သိသိသာသာမြင့်တက်လာမည် ဖြစ်ကြောင်း မိမိတို့ မျှော်မှန်းနိုင်ပါသည်” ဟု ၎င်းက ဆင်ဟွာကို ပြောခဲ့ သည်။ ထိုသို့ ခရီးသွားဧည့်သည်ဝင်ရောက်မှု မြင့်တက်လာမည့် အခြေအနေ သည် နှစ်နိုင်ငံ ပူးပေါင်းဆောင်ရွက်မှု မြှင့်တင်ခြင်း၊ ခရီးသွားလုပ်ငန်း မြှင့်တင်ရေးဆိုင်ရာ ကမ်ပိန်းများ၊ တိုက်ရိုက်လေကြောင်းခရီးစဉ်များနှင့် အဖွဲ့လိုက်ခရီးသွားအစီအစဉ်များမှတစ်ဆင့် ပိုမို ကျယ်ကျယ်ပြန့်ပြန့် ဝင်ရောက်ခွင့်ရှိခြင်းတို့ကြောင့်လည်း ဖြစ်နိုင်ဖွယ်ရှိကြောင်း ၎င်းက ဆိုသည်။ ကိုးကား- Xinhua
Sun, 3-Aug-2025
ကျောက်ဆည်မြို့နယ်ရှိ ကျေးရွာအုပ်စု(၃၄)အုပ်စု၌ မိုးနှမ်း(၃၂၃၄)ဧကစိုက်ပျိုး
ကျောက်ဆည်မြို့နယ်ရှိ ကျေးရွာအုပ်စု(၃၄)အုပ်စု၌ မိုးနှမ်း(၃၂၃၄)ဧကစိုက်ပျိုး
ကျောက်ဆည်၊ဩဂုတ်-၂မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်တွင် ဒေသတွင်းစားသုံးဆီဖူလုံရေး ဆီထွက် သီးနှံမျိုးစုံ စိုက်ပျိုးလျက်ရှိရာ ကျေးရွာအုပ်(၃၄)အုပ်စု၌ ၂၀၂၅-၂၀၂၆ ခုနှစ် မိုးနှမ်း(၃၂၃၄)ဧက စိုက်ပျိုးကြောင်း သိရသည်။ မိုးနှမ်းသီးနှံများစိုက်ပျိုးရာ၌ ပန်းခွာကျေးရွာအုပ်စုတွင်(၂၆)ဧက၊ ကျီးပြကျေးရွာအုပ်စုတွင်(၆၉)ဧက၊ သင်ပျို ကျေးရွာအုပ်စုတွင်(၁၀၇)ဧက၊ ကျီးအိပ်ကျေးရွာအုပ်စုတွင်(၁၃၅)ဧက၊ ဒွေးလှကျေးရွာအုပ်စုတွင် (၃၅)ဧက၊ အနောက် ငါးဆူကျေးရွာအုပ်စုတွင်(၁၄၀)ဧက၊ ရှားပင်ကျေးရွာအုပ်စုတွင်(၁၀၃)ဧက၊ ဒါန်းတိုင်ကျေးရွာအုပ်စုတွင် (၈၅) ဧက၊ ရန်ဘက်လိုကျေးရွာအုပ်စုတွင်(၂၆)ဧက၊ ပေတောကြီးကျေးရွာအုပ်စုတွင် (၁၆၅)ဧက၊ ဘုံကွင်းကျေးရွာအုပ်စုတွင် (၁၃)ဧက၊ စင်းကွန်းကျေးရွာအုပ်စုတွင်(၆၀)ဧက၊ အရှေ့ငယ်တိုးကျေးရွာ အုပ်စုတွင်(၁၃၅)ဧက၊ ရဲဘော်ကြီးကျေးရွာအုပ်စုတွင် (၁၂၀၉)ဧက၊ ဖျောက်ဆိပ်ပင်ကျေးရွာအုပ်စုတွင်(၅၀)ဧက၊ ရွာသစ်ကျေးရွာအုပ်စုတွင်(၁၅)ဧက၊ ရေသရောက် ကျေးရွာအုပ်စုတွင်(၁၅)ဧက၊ ချောင်းဆုံကျေးရွာအုပ်စုတွင် (၁၅)ဧက၊ သရက်ပင်ကျေးရွာအုပ်စုတွင်(၂၅)ဧက၊ ရဲကျေးရွာအုပ်စုတွင်(၁၅)ဧက၊ ကြက်သားဟင်းကျေးရွာ အုပ်စုတွင်(၅၄)ဧက၊ သင်ကတုံကျေးရွာအုပ်စုတွင် (၂၆) ဧက၊ အရှေ့သာဂရကျေးရွာအုပ်စုတွင်(၃)ဧက၊ ကလေးကျေးရွာအုပ်စုတွင်(၁၂၄)ဧက၊ မှိုင်းပန်ကျေးရွာအုပ်စုတွင် (၁၃၂)ဧက၊ ပြည်တော်သာကျေးရွာအုပ်စုတွင်(၂၀)ဧက၊ ရှမ်းတောင်ဦးကျေးရွာအုပ်စုတွင်(၇၄)ဧက၊ သံရွာကျေးရွာ အုပ်စုတွင်(၁၅၅)ဧက၊ ခါးတ္ကုန်းကျေးရွာအုပ်စုတွင် (၃၀)ဧက၊ ဆူလေကုန်းကျေးရွာအုပ်စုတွင်(၉)ဧက၊ မြေစိုမိုး ကျေးရွာအုပ်စုတွင်(၁၅)ဧက၊ ပေါင်လောင်ကျေးရွာ အုပ်စုတွင်(၄၅)ဧက၊ တောင်တော် ကျေးရွာအုပ်စု တွင် (၇၁) ဧက၊ ကင်းကျေးရွာအုပ်စုတွင်(၁၅)ဧက စုစုပေါင်း ကျေးရွာအုပ်စု(၃၄)အုပ်စု၌ မိုးနှမ်း(၃၂၃၄)ဧက စိုက်ပျိုးကြောင်း သိရသည်။မိုးနှမ်းသီးနှံများစိုက်ပျိုးရာတွင် အထွက်နှုန်းကောင်းမွန်ရေး တန်းဆွဲစနစ်၊ ဘောက်ကြီးတင်စနစ်များဖြင့် ပြောင်းလဲ စိုက်ပျိုးလာကြပြီး မြို့နယ်စိုက်ပျိုးရေးညှိနှိုင်းမှုအဖွဲ့မှ တာဝန်ရှိသူများမှလည်း ဒေသနှင့်ကိုက်ညီသည့် နှမ်းမျိုးများ ဖြန့်ဝေခြင်း၊ အပင်ပြုစုရိတ်သိမ်းခြင်းနည်းပညာများ ဆောင်ရွက်လျက်ရှိကြောင်း သိရသည်။  သက်မောင် (ကျောက်ဆည်) 
Sat, 2-Aug-2025
ယူနွတ်က အမေရိကန်နှင့် အကောက်ခွန်ဆိုင်ရာ သဘောတူညီမှု ရယူခဲ့သည့် ကုန်သွယ်ရေး အဖွဲ့ကို ချီးကျူးစကားပြောကြား
ယူနွတ်က အမေရိကန်နှင့် အကောက်ခွန်ဆိုင်ရာ သဘောတူညီမှု ရယူခဲ့သည့် ကုန်သွယ်ရေး အဖွဲ့ကို ချီးကျူးစကားပြောကြား
သောကြာနေ့ (ဩဂုတ် ၁) က အကြံပေးအကြီးအကဲ ပရောဖက်ဆာ မူဟာမက် ယူနွတ်ကအမေရိကန် ပြည်ထောင်စုနှင့် ကုန်သွယ်ရေး သဘောတူညီချက်ရရှိစေရန် ဆောင်ရွက်ခဲ့သည့် ဘင်္ဂလားဒေ့ရှ် အကောက်အခွန် ညှိနှိုင်းပေးခဲ့သည့် သံတမန်အောင်ပွဲဖြစ်ခံယူ၍ ချီးကျူးပြောကြား ခဲ့ပါကြောင်း ဩဂုတ်လ ၁ ရက်နေ့ထုတ် ဒါကာထရီဗျူးသတင်းစာတွင် ဖော်ပြပါရှိပါသည်။“ဘင်္ဂလားဒေ့ရှ်၏ အနာဂတ်တောက်ပနေမည်ဆိုသည်မှာ ငြင်း၍မရပါ၊ ယနေ့ အောင်မြင်သည့် ရပ်တည်မှုသည် နိုင်ငံ၏ တုန့်ပြန်နိုင်စွမ်းအားအပေါ် မှတ်ကျောက်တင်နိုင်ခဲ့ပါကြောင်း၊ ယင်းသည် အနာဂတ် စီးပွားရေးအင်အား တိုးတက်လာစေရေးအတွက် အထောက်အကူ ဖြစ်စေပါကြောင်း” အမေရိကန်ပြည်ထောင်စုနှင့် အကောက်အခွန်ဆိုင်ရာ အောင်မြင်မှုရရှိသည်အထိ စေ့စပ်ညှိနှိုင်းခဲ့ကြ သူများကို သတင်းစကား ပြောကြားခဲ့ပါသည်။မျှော်မှန်းထားသည်ထက် ၁၇ ပွိုင့် လျော့နည်း၍ အကောက်အခွန် ၂၀%အထိ လျော့ခဲ့ပါကြောင်း၊ စေ့စပ်ဆွေးနွေးခဲ့ကြသူများသည် ဗျူဟာမြောက် ကျွမ်းကျင်ကြပါကြောင်း၊ ယင်းတို့သည် ဘင်္ဂလားဒေ့ရှ် နိုင်ငံ၏ စီးပွားရေးအကျိုးအမြတ်ကို ကာကွယ်စောင့်ရှောက်ကြသူများ ဖြစ်ပါကြောင်း ၎င်းက ပြောကြားပါသည်။၎င်းတို့သည် ဖေဖော်ဝါရီလကတည်းက မဆုတ်မနစ် လုပ်ဆောင်ခဲ့ကြပြီး အကောက်ခွန်နှင့်အကောက်ခွန်မဟုတ်သော အမျိုးသားလုံခြုံရေးဆိုင်ရာကိစ္စရပ်များပါ စေ့စပ်ညှိနှိုင်းခြင်းတို့ကို အောင်မြင်စွာ ဆောင်ရွက်နိုင်ခဲ့ကြောင်း ယူနွတ်ကပြောကြားခဲ့သည်။ “၎င်းတို့ ညှိနှိုင်းထားသည့် သဘောတူညီချက်သည် မိမိတို့၏ အားသာချက်ကို ထိန်းသိမ်းထားပြီး ကမ္ဘာ့အကြီးဆုံး ဈေးကွက်ရရှိမှုကို မြှင့်တင်ပေးကာ မိမိတို့၏ အဓိက အမျိုးသားအကျိုးစီးပွားကို အကာအကွယ်ပေးခြင်း ဖြစ်ပါသည်"ဟု ၎င်းက ပြောကြားကြောင်း ဒုတိယ သတင်းထုတ်ပြန်ရေး အဖွဲ့ခေါင်းဆောင် အာဇက် မာဂျမ်ဒါက သတင်းစကား မျှဝေထားပါသည်။ယင်းအောင်မြင်မှုသည် ကမ္ဘာ့စင်မြင့်ထက်တွင် ဘင်္ဂလားဒေ့ရှ်၏ အင်အားကို ပြသရုံမျှမကပဲ ကြီးမားသည့် အခွင့်အလမ်းများအတွက် တံခါးဖွင့်လှစ်လိုက်ခြင်း ဖြစ်သည့်အပြင် တိုးတက်မှု အရှိန် မြှင့်တင်၍ ရေရှည်တည်တံ့သည့် ကျွယ်ဝမှုများကို ဖန်တီးလိုက်ခြင်းဖြစ်ကြောင်း ယူနွတ်က ပြောပါသည်။ ကိုးကား- ဒါကာထရီဗျူးဘာသာပြန်ဆိုသူ - ဦးခိုင်ထွဋ်လှ၊ ဝန်ကြီးဌာန-၂
Fri, 1-Aug-2025
ထရမ့်အစိုးရသည် သတ်မှတ်ချိန်ကုန်ဆုံးရန် နာရီပိုင်းအလိုတွင် အကောက်ခွန် မူဝါဒများကို ပြောင်းလဲသတ်မှတ်
ထရမ့်အစိုးရသည် သတ်မှတ်ချိန်ကုန်ဆုံးရန် နာရီပိုင်းအလိုတွင် အကောက်ခွန် မူဝါဒများကို ပြောင်းလဲသတ်မှတ်
အမေရိကန်သမ္မတ ဒေါ်နယ်ထရမ့်က ပြည်ပကုန်သွယ်ရေးတွင် ပြုပြင် ပြောင်းလဲမှုများ ပြုလုပ်သည့် အုပ်ချုပ်ရေးအမိန့်တစ်ရပ်ကို လက်မှတ် ရေးထိုးလိုက်ပြီး သြဂုတ်လ ၁ ရက်နေ့တွင် သက်တမ်းကုန်ဆုံးမည့် သတ်မှတ်ရက်ကို တစ်ပတ်ထပ်မံဆွဲဆန့်လိုက်သည်။ဇူလိုင် ၃၁ ရက်နေ့ညက ထုတ်ပြန်ချက်တွင် အိမ်ဖြူတော်က အဆိုပါ ဆုံးဖြတ်ချက်သည် နိုင်ငံများက "အရေးပါသော ကုန်သွယ်ရေးနှင့် လုံခြုံရေးဆိုင်ရာ ကတိကဝတ်များကို သဘောတူညီပြီးဖြစ်ခြင်း (သို့မဟုတ်) သဘောတူရန် အလားအလာရှိခြင်း" ကို ထင်ဟပ်သည်ဟု ဖော်ပြခဲ့သည်။ သြဂုတ် ၇ ရက်တွင် ဆွေးနွေးမှုမပြုလုပ်သော (သို့) "ကုန်သွယ်မှု မညီမျှမှု များကို လုံလောက်စွာ ဖြေရှင်းမပေးသော" နိုင်ငံများအား ပိုမို မြင့်မားသည့် အကောက်ခွန်များ စည်းကြပ်မည်ဖြစ်သည်။ထရမ့်က ရုရှားနှင့် ဆက်လက်ကုန်သွယ်နေမှုကြောင့် အိန္ဒိယအပေါ် အပို ဒဏ်ခတ်မှုများ ဇူလိုင် ၃၀ ရက်နေ့က ကြေညာခဲ့သည်။ ၎င်းက အဆိုပါ အကောက်ခွန်များကို အိန္ဒိယ၏ BRICS အဖွဲ့ဝင်ဖြစ်မှုနှင့် နယူးဒေလီနှင့် အမေရိကန်အကြား အလွန်ကြီးမားသော ကုန်သွယ်ရေးလိုငွေပြမှု တို့ကြောင့် တစ်စိတ်တစ်ပိုင်း စည်းကြပ်ခဲ့ခြင်းဖြစ်သည်ဟု ပြောကြား ခဲ့သည်။ယခင်ကဘရာဇီးကို ၁၀% အကောက်ခွန်သတ်မှတ်ထားသော်လည်း ယမန်နေ့ (ဇူလိုင် ၃၁) က ထရမ့်က အမေရိကန်၏ အမျိုးသားလုံခြုံရေး၊ နိုင်ငံခြားရေးမူဝါဒနှင့် စီးပွားရေးအတွက် ခြိမ်းခြောက်မှုဟုဆိုကာ ၅၀% အထိ တိုးမြှင့်ခဲ့သည်။ BRICS အဖွဲ့ဝင်နိုင်ငံများအားလုံးကို အပို ၁၀% အကောက်ခွန် ထပ်မံစည်းကြပ်မည်ဟု ခြိမ်းခြောက်ခဲ့ပြီး၊ ဒေါ်လာကို ကမ္ဘာ့စံအဖြစ်မှ "ဖျက်ဆီးရန်" ကြိုးပမ်းနေသည်ဟု စွပ်စွဲခဲ့သည်။ကနေဒါပေါ်မှ အကောက်ခွန်ကို ၂၅% မှ ၃၅% အထိ ရုတ်တရက် တိုးမြှင့်လိုက်ပြီး အကြောင်းပြချက်မှာ အမေရိကန်သို့ fentanyl မူးယစ်ဆေးဝါး တရားမဝင်စီးဆင်းမှုကို အော့တဝါအစိုးရက အရေးယူမှု မပြုခြင်းကြောင့် ဟုဆိုသည်။ ပါလက်စတိုင်းနိုင်ငံအဖြစ် အသိအမှတ် ပြုရန် ကနေဒါ၏ထောက်ခံမှုကို ထရမ့်က ပြင်းပြင်းထန်ထန်ဝေဖန်ခဲ့ပြီး ၎င်းတို့နှင့် ကုန်သွယ်ရေးသဘောတူညီချက် ပြုလုပ်ရန် အလွန်ခက်ခဲစေမည်ဟု ခြိမ်းခြောက်ခဲ့သည်။ ယခုအခါ ဝါရှင်တန်နှင့် အော့တဝါ အကြား ဆက်ဆံရေးမှာ ပိုမိုတင်းမာလာနေသည်။မက္ကဆီကိုသည် ဇူလိုင် ၃၁ ရက်နေ့အစောပိုင်းက ဝါရှင်တန်နှင့် သဘော တူညီမှုရရှိပြီးနောက် အကောက်ခွန်တိုးမြှင့်မှုမှ လွတ်မြောက်သွားခဲ့သည်။ အိမ်ဖြူတော်က မက္ကဆီကိုထုတ်ကုန်အချို့အတွက် ၂၅% အကောက်ခွန် နှုန်းထားကို နောက်ထပ် ၉၀ ရက်ကြာ ဆက်လက်ကျင့်သုံးမည်ဖြစ်ပြီး ၃၀% အထိ တိုးမြှင့်ရန် အစီအစဉ်ကို ရွှေ့ဆိုင်းလိုက်ကြောင်း အတည် ပြုခဲ့သည်။ယခုရက်သတ္တပတ်အတွင်း ဝါရှင်တန်နှင့် ကုန်သွယ်ရေး သဘောတူညီ ချက်များ ရရှိထားသော ဥရောပသမဂ္ဂ (EU)၊ တောင်ကိုရီးယားနှင့် ဂျပန်နိုင်ငံတို့အတွက် အကောက်ခွန်နှုန်းထားကို ၁၅% အဖြစ် သတ်မှတ် ထားသည်။အမေရိကန်၏ အမြင့်ဆုံးအကောက်ခွန်နှုန်းထားများကို ရင်ဆိုင်နေရသည့် နိုင်ငံများမှာ ဆီးရီးယား (၄၁%) ၊ လာအိုနှင့် မြန်မာ (၄၀%) ၊ ဆွစ်ဇာလန် (၃၉%) ၊ အီရတ်နှင့် ဆားဘီးယား (၃၅%) ၊ အယ်လ်ဂျီးရီးယား၊ လစ်ဗျား နှင့် တောင်အာဖရိက (၃၀%) တို့ဖြစ်သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ဝန်ကြီး-၂
Fri, 1-Aug-2025
အိန္ဒိယနှင့် ရုရှား စီးပွားရေး ဆက်ဆံမှုကို ဂရုမစိုက်ကြောင်း ထရမ့်ပြော
အိန္ဒိယနှင့် ရုရှား စီးပွားရေး ဆက်ဆံမှုကို ဂရုမစိုက်ကြောင်း ထရမ့်ပြော
အိန္ဒိယနှင့် ရုရှားတို့၏ ကုန်သွယ်ရေးနှင့် စီးပွားရေး ဆက်ဆံမှုကို ဂရုမစိုက်ကြောင်း အမေရိကန်သမ္မတ ဒေါ်နယ်ထရမ့်က ပြောကြားလိုက် ပါသည်။“အိန္ဒိယက ရုရှားနှင့် မည်သို့ပင်ဆောင်ရွက်နေစေကာမူ ဂရုမစိုက်ပါ။ ၎င်းတို့နှစ်နိုင်ငံလုံး စီးပွားပျက်နေတာ အတူတူပဲ ပျက်သွားပါစေ။ အိန္ဒိယ နှင့် အမေရိကန်တို့ ကုန်သွယ်မှု အလွန်နည်းပါးပါသည်။ ၎င်းတို့ ကုန်သွယ်ခွန် က ကမ္ဘာ့အမြင့်ဆုံးထဲမှာ ပါဝင်နေပါသည်။ ရုရှားနှင့် အမေရိကန် ကလည်း ကုန်သွယ်မှု လုံးဝနီးပါး မရှိသလောက်ပါပဲ" ဟု ထရမ့်က ၎င်း၏ Truth Social စာမျက်နှာတွင် ရေးသားဖော်ပြထားပါသည်။ထရမ့်က ယခင်က အမေရိကန်သည် ဩဂုတ်လ ၁ ရက်မှ စတင်၍ အိန္ဒိယ သို့ တင်ပို့သည့် ကုန်စည်များအား ၂၅% ကုန်သွယ်ခွန် စည်းကြပ်မည်ဟု ဖော်ပြခဲ့ပါသည်။ နှစ်နိုင်ငံကြား ဆက်ဆံရေး ကောင်းမွန်သော်လည်းအိန္ဒိယ၏ ကုန်သွယ်ခွန် အလွန်မြင့်မားခြင်း၊ ငွေကြေးမဟုတ်သော အခြား အခက်အခဲဆိုင်ရာ အတားအဆီးများ ရှိခြင်းတို့ကြောင့် အမေရိကန်နှင့် အိန္ဒိယကြား ကုန်သွယ်မှု အလွန်နည်းပါးကြောင်း ၎င်းက ဖြည့်စွက် ပြောကြားခဲ့သည်။အိန္ဒိယသည် တပ်မတော်ဆိုင်ရာ ပစ္စည်းအများစုကို ရုရှားထံမှ အမြဲ ဝယ်ယူလျက်ရှိပြီး တရုတ်နှင့်အတူ ရုရှား စွမ်းအင်အရင်းအမြစ်များ၏ အကြီးဆုံး ဝယ်လက်များဖြစ်ကြောင်း ၊ ထို့အတွက် ဩဂုတ် ၁ ရက်မှ စတင်၍ အိန္ဒိယအနေဖြင့် ၂၅% ကုန်သွယ်ခွန်အပြင် အပိုဒဏ်ငွေပါ ပေးဆောင်ရမည်ဟု ထရမ့်က ဆိုထားပါသည်။ကိုးကား- Tassဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ ဝန်ကြီး-၃
Thu, 31-Jul-2025
ထရမ့်က တောင်ကိုရီးယားနှင့် ကုန်သွယ်ရေးသဘောတူညီချက်ကို ကြေညာ
ထရမ့်က တောင်ကိုရီးယားနှင့် ကုန်သွယ်ရေးသဘောတူညီချက်ကို ကြေညာ
သမ္မတ ဒေါ်နယ်ထရမ့်က အမေရိကန်နှင့် တောင်ကိုရီးယားတို့အကြား ကုန်သွယ်ရေးသဘောတူညီချက် ညှိနှိုင်းမှုပြီးဆုံးကြောင်း ကြေညာခဲ့ပြီး ယင်းသဘောတူညီချက်တွင် တောင်ကိုရီးယားမှ တင်သွင်းကုန်များ အပေါ် အကောက်ခွန် ၁၅% ကောက်ခံမည်ဖြစ်သည်။ ထို့အပြင် တောင် ကိုရီးယားဘက်မှ အမေရိကန်ထိန်းချုပ်သည့် ရင်းနှီးမြှုပ်နှံမှုများအတွက် ဒေါ်လာ ၃၅၀ ဘီလီယံ နှင့် အမေရိကန် စွမ်းအင်ထုတ်ကုန်များ ဝယ်ယူရန် ဒေါ်လာ ၁၀၀ ဘီလီယံ ကတိပြုထားသည်။ဇူလိုင်လ ၃၀ ရက်နေ့တွင် Truth Social ၌ ထရမ့်က အမေရိကန် ကုန်ပစ္စည်းများအပေါ် ပြန်လည်ကောက်ခံမည့် အကောက်ခွန်မရှိဟု ဂုဏ်ယူစွာဖော်ပြခဲ့ပြီး၊ ယင်းကို အာရှရှိ အဓိက မဟာမိတ်နိုင်ငံနှင့် စီးပွားရေး ဆက်ဆံရေး တည်ငြိမ်စေရန်ရည်ရွယ်သည့် ပြီးပြည့်စုံသော ကုန်သွယ်ရေးသဘောတူညီချက်အဖြစ် ရည်ညွှန်းခဲ့သည်။တောင်ကိုရီးယားသမ္မတ Lee Jae‑myung က အဆိုပါရလဒ်သည် ဂရု တစိုက် ပြင်ဆင်မှု၏ ရလဒ်ဖြစ်ကြောင်း ဖေ့စ်ဘွတ်ပို့စ်တွင် ဖော်ပြခဲ့ပြီး သဘောတူညီချက်ရရှိရန် "မတူညီသော အမြင်များကို စုစည်းကာ မဟာ ဗျူဟာများကို ပြုပြင်ခဲ့ကြောင်း" ပြောကြားခဲ့သည်။ Lee Jae‑myung က အမေရိကန်စီးပွားရေးတွင် ဒေါ်လာ ၃၅၀ ဘီလီယံ ရင်းနှီး မြှုပ်နှံမှု သည် သင်္ဘောတည်ဆောက်ရေး၊ တစ်ပိုင်းလျှပ်ကူးပစ္စည်း၊ ဘက်ထရီ၊ ဇီဝ နည်းပညာနှင့် စွမ်းအင်ကဏ္ဍများတွင် ကိုရီးယားစက်မှုလုပ်ငန်းများ အမေရိကန်ဈေးကွက်သို့ ဝင်ရောက်နိုင်ရန် အထောက်အကူဖြစ်စေမည် ဟု ဆိုသည်။ကူးသန်းရောင်းဝယ်ရေးဌာန၏ အချက်အလက်များအရ ၂၀၂၄ ခုနှစ်တွင် တောင်ကိုရီးယားသည် အမေရိကန်သို့ ဒေါ်လာ ၁၃၂ ဘီလီယံ တန်ဖိုးရှိ မော်တော်ကား၊ တစ်ပိုင်းလျှပ်ကူးပစ္စည်းနှင့် အီလက်ထရောနစ်ပစ္စည်း များတင်ပို့ခဲ့ပြီး၊ အမေရိကန်ဘက်မှ တောင်ကိုရီးယားသို့ ဒေါ်လာ ၆၆ ဘီလီယံ တန်ဖိုးရှိ စက်မှုလုပ်ငန်းသုံး စက်ယန္တရားများ၊ ရေနံနှင့် သဘာဝ ဓာတ်ငွေ့များ တင်ပို့ခဲ့သည်။ ဤသည်မှာ ဝန်ဆောင်မှုမပါဘဲ အမေရိကန် ၏ ကုန်သွယ်ရေးလိုငွေ ဒေါ်လာ ၆၆ ဘီလီယံ ဖြစ်စေခဲ့သော်လည်း ဝန်ဆောင်မှုများပါဝင်ပါက အဆိုပါကွာဟချက်မှာ ပိုမို ကျဉ်းမြောင်းသွားမည် ဖြစ်သည်။ဝါရှင်တန်-ဆိုးလ် သဘောတူညီချက်သည် ထရမ့်၏ သီးသန့် သတ်မှတ် ထားသော ဩဂုတ် ၁ ရက် အကောက်ခွန်နောက်ဆုံးရက်စွဲမတိုင်မီယူကေ၊ ဂျပန်၊ ဥရောပသမဂ္ဂနှင့် အခြားနိုင်ငံများနှင့် ရရှိထားသည့် အလားတူ သဘောတူညီချက်များပါဝင်သော ကျယ်ပြန့်သည့် မဟာဗျူဟာ၏ အစိတ်အပိုင်းတစ်ခု ဖြစ်သည်။ ဧပြီလတွင် တောင်ကိုရီးယားသည် ၂၅% "ပြန်လည်ကောက်ခံသော" အကောက်ခွန် ကို ခဏတာ ရင်ဆိုင်ခဲ့ရ သော်လည်း နောက်ဆုံး ၁၅% နှုန်းထားသည် အခြားနိုင်ငံများတွင် ယခု အသုံးပြု နေသော ၁၀% အခြေခံနှုန်းထက် ပိုမိုမြင့်မားနေဆဲဖြစ်သည်။ဥရောပသမဂ္ဂသည်လည်း လွန်ခဲ့သည့်သီတင်းပတ်က ညှိနှိုင်းခဲ့သော သဘောတူညီချက်အရ အလားတူ အကောက်ခွန်နှုန်းထားကို ရင်ဆိုင် ရမည်ဖြစ်သည်။ အဆိုပါသဘောတူညီချက်ကို အမေရိကန်၏ တစ်ဖက်သတ် တောင်းဆိုမှုများကို အညံ့ခံခြင်းဟု ဝေဖန်သူများက သုံးသပ်ခဲ့ကြသည်။ အိမ်ဖြူတော်အကြံပေးတစ်ဦးကပင် "ထရမ့်ရှေ့တွင် ဒူးထောက်လိုက်ခြင်း" ဟု ခိုင်းနှိုင်းပြောဆိုခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ ဝန်ကြီး-၂
Thu, 31-Jul-2025
© Copyright 2024 SAC All Rights Reserved.