ကုန်သွယ်မှု၊ ရင်းနှီးမြှုပ်နှံမှုများကို ပိုမိုနက်ရှိုင်းလာစေရေးလုပ်ဆောင်ရန် တရုတ်နှင့် ပါကစ္စတန်တို့ သဘောတူ

တရုတ်နှင့်ပါကစ္စတန်နိုင်ငံတို့သည် နှစ်နိုင်ငံကြား ကုန်သွယ်မှုနှင့် ရင်းနှီး မြှုပ်နှံမှုများကို ပိုမိုနက်ရှိုင်းလာစေရေးလုပ်ဆောင်ရန် သဘောတူညီခဲ့ ကြကြောင်း ပါကစ္စတန်အစိုးရကပြောကြားခဲ့ပါသည်။ အမေရိကန်က ကြားဝင်စေ့စပ်ပေးမှုနှင့်အတူ အိန္ဒိယနှင့်ပါကစ္စတန်ကြား အပစ်အခတ် ရပ်စဲရေးသဘောတူညီချက်ရရှိခဲ့ပြီးနောက် ရက်ပိုင်းအကြာ၌ ယခုကဲ့သို့ သဘောတူညီချက်ထွက်ပေါ်လာခြင်းဖြစ်ပါသည်။

လွန်ခဲ့သည့်ဧပြီလ (၂၂) ရက်နေ့က ကက်ရှ်မီးယားပြည်နယ်တွင် လူ (၂၆) ဦး ကိုသေဆုံးစေခဲ့သည့် အကြမ်းဖက်မှုတစ်ခုဖြစ်ပွားခဲ့ပြီးနောက် အိန္ဒိယ နှင့်ပါကစ္စတန်ကြား တင်းမာမှုများ မြင့်တက်လာခဲ့ခြင်းလည်းဖြစ်ပါသည်။အဆိုပါအကြမ်းဖက်တိုက်ခိုက်မှုကို ပါကစ္စတန်က ပံ့ပိုးပေးမှုများ လုပ်ဆောင် ခဲ့သည်ဟု အိန္ဒိယဘက်ကစွပ်စွဲပြောဆိုခဲ့သော်လည်း ပါကစ္စတန် အစိုးရ ဘက်က အိန္ဒိယ၏ပြောဆိုချက်များကို ငြင်းဆန်ပယ်ချခဲ့ကြောင်းလည်း သိရပါသည်။

ထို့အပြင် ပါကစ္စတန်နိုင်ငံခြားရေးဝန်ကြီး Ishaq Dar သည် တရုတ် နိုင်ငံခြားရေးဝန်ကြီးဝမ်ယိနှင့် တရုတ်နိုင်ငံ ပေကျင်းမြို့၌ တွေ့ဆုံခဲ့ကြောင်းလည်းသိရပါသည်။ တွေ့ဆုံဆွေးနွေးမှုများမှတစ်ဆင့် ကွဲပြားခြားနားမှု များကို ကိုင်တွယ်ဖြေရှင်းရန်နှင့် ကျယ်ပြန့်ပြီး ရေရှည်တည်တံ့သော အပစ် အခတ်ရပ်စဲရေးရရှိရန်အတွက် ပါကစ္စတန်နှင့် အိန္ဒိယတို့၏ ကြိုးပမ်း အားထုတ်မှုများကို တရုတ်နိုင်ငံကထောက်ခံကြောင်းလည်း ဝမ်ယိက ပြောကြားခဲ့ပါသည်။

ကိုးကား- NP News