ဟင်္သာတမြို့နယ်တွင် စားတော်ပဲများ အရောင်းအဝယ် ကောင်းမွန်နေ

saceditor

News Image

  • ဟင်္သာတမြို့နယ်တွင် စားတော်ပဲများ အရောင်းအဝယ်ကောင်းမွန်နေ

ဟင်္သာတ   မေ ၂၈

ဧရာဝတီတိုင်းဒေသကြီး ဟင်္သာတခရိုင် ဟင်္သာတမြို့နယ်တွင် စားတော်ပဲများ အရောင်းအဝယ်ကောင်းမွန်နေကြောင်း ဟင်္သာတမြို့နယ်မှ ပဲမျိုးစုံရောင်းဝယ်ရေးပွဲရုံပိုင်ရှင် ဒေါ်အိအိခိုင်က ပြောပြ၍ သိရသည်။

ဟင်္သာတမြို့နယ်တွင် ယခုနှစ် မေလ ပထမပတ်မှစတင်၍ ယနေ့ထိ စားတော်ပဲများ အဝယ်လိုက်လာပြီး အရောင်းအဝယ်ကောင်းမွန်လျက်ရှိကြောင်း၊ အဆိုပါ စားတော်ပဲများ တစ်ပတ်လျှင် ၁၆ ပြည်ဝင်အိတ်ရေ ၂၅၀၀၀ မှ ၃၅၀၀၀ ထိ အရောင်းအဝယ်ဖြစ်နေကြောင်း သိရသည်။

“စားတော်ပဲက အရင်ထက် တော်တော်လေး အရောင်းအဝယ်ဖြစ်လာပါတယ်။ ပြည်တွင်းစားသုံးမှု အားကောင်းလာတာကြောင့် အခုလို အရောင်းအဝယ် ကောင်းလာတာပါ။ လက်ရှိအရောင်းအဝယ်လုပ်နေတဲ့ စားတော်ပဲတွေက ဆောင်းကာလကျန်တဲ့ ပဲအဟောင်းတွေပါ။ အရောင်းအဝယ်ကောင်းလာတော့ ပဲလုပ်ငန်းနဲ့ ဆက်စပ်တဲ့သူတွေ အလုပ်အကိုင်အခွင့်အလမ်း  ရရှိလာတာတွေ့ရပါတယ်။ လက်ရှိဒေသထွက်ပဲတွေကို ဒေသဈေးကွက်အပြင် ရန်ကုန်ဈေးကွက်ကပါ ဝယ်ယူအားကောင်းလာတာပါ” ဟု ဟင်္သာတမြို့နယ်မှ ပဲမျိုးစုံရောင်းဝယ်ရေးပွဲရုံပိုင်ရှင် ဒေါ်အိအိခိုင်က ပြောပြသည်။

ဟင်္သာတမြို့နယ်တွင် စားတော်ပဲများအပါအဝင် အခြားပဲများကို စနစ်တကျသန့်စင်ပြီး ဝယ်ယူသည့်ဒေသများကို တင်ပို့ရောင်းချလျက်ရှိကြောင်း၊ အဆိုပါ စားတော်ပဲ ၁၆ ပြည်ဝင် တစ်အိတ်လျှင် ငွေကျပ် ၁၆၂၀၀၀ ထိ ပေါက်ဈေးရှိနေကြောင်း သိရသည်။

စားတော်ပဲများ အရောင်းအဝယ်ကောင်းလာသည့်အတွက် စားတော်ပဲစိုက်တောင်သူများ၊ ကုန်သည်များ၊ မော်တော်ယာဉ် အငှားလိုက်သူများ၊ ကုန်တင်ကုန်ချလုပ်သားများ အလုပ်အကိုင် အဆင်ပြေနေကြောင်း သိရသည်။

ကျော်ကျော်လင်း

Source: ရတနာပုံသတင်းစာ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ခင်ဦးမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ကြံ ၄၁၁၁ ဧကထိ စိုက်ပျိုးပြီးစီးပြီဖြစ်
ခင်ဦးမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ကြံ ၄၁၁၁ ဧကထိ စိုက်ပျိုးပြီးစီးပြီဖြစ်
ခင်ဦး   ဇွန် ၁၆စစ်ကိုင်းတိုင်းဒေသကြီး ရွှေဘိုခရိုင် ခင်ဦးမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ ကြံ ၄၁၁၁ ဧကထိ စိုက်ပျိုးပြီးစီးပြီဖြစ်ကြောင်း ခင်ဦးမြို့နယ်စိုက်ပျိုးရေးဦးစီးဌာန မြို့နယ်ဦးစီးမှူး ဦးနေဝင်းနိုင် က ပြောပြ၍ သိရသည်။ယခုနှစ် မိုးသီးနှံစိုက်ပျိုးရာသီ၌ ခင်ဦးမြို့နယ်တွင် ကြံ ၄၅၅၁ ဧက စိုက်ပျိုးရန် လျာထားပြီး မေလမှစတင်စိုက်ပျိုးခဲ့ရာ ယနေ့တွင် ၄၁၁၁ ဧကထိစိုက်ပျိုးပြီးစီးပြီးဖြစ်ကြောင်း သိရသည်။“ဒီနှစ် မိုးသီးနှံစိုက်ပျိုးရာသီမှာ ခင်ဦးမြို့နယ်အတွင်း ကြံ ၄၅၅၁ ဧက စိုက်ပျိုးဖို့လျာထားပါတယ်။ ဒီနေ့ထိ ၄၁၁၁ ဧက စိုက်ပျိုးပြီးစီးပြီးဖြစ်ပါတယ်။ လျာထားဧကပြည့်မီအောင် စိုက်ပျိုးနိုင်ဖို့အတွက် ဆောင်ရွက်နေပါတယ်။ ဒေသခံတောင်သူတွေက ကြံကိုပုံမှန်စိုက်ပျိုးကြပါတယ်”ဟု ခင်ဦးမြို့နယ် စိုက်ပျိုးရေးဦးစီးဌာန မြို့နယ်ဦးစီးမှူး ဦးနေဝင်းနိုင်က ပြောပြသည်။ စစ်ကိုင်းတိုင်းဒေသကြီးတွင် ကြံစိုက်ပျိုးမှုအနေဖြင့် ရွှေဘိုခရိုင်၊ ကန့်ဘလူခရိုင်နှင့် ကသာခရိုင်တို့တွင် စိုက်ပျိုးကြပြီး ကသာခရိုင်နှင့် ကန့်ဘလူခရိုင်၌ ကြံစိုက်ပျိုးမှုအများဆုံးဖြစ်ကြောင်း သိရသည်။ ခင်ဦးမြို့နယ်တွင် ကြံစိုက်ပျိုးရာ၌ ကုန်ကျစရိတ်အနေဖြင့် တစ်ဧကလျှင် ငွေကျပ် ခြောက်သိန်းနှင့် ခုနစ်သိန်းကြား ကုန်ကျပြီး ကြံတစ်ဧကလျှင် တန်ချိန် ၃၀ ထွက်ရှိကြောင်း သိရသည်။စစ်ကိုင်းတိုင်းဒေသကြီး၌ ကြံစိုက်ပျိုးရာတွင် အထွက်ကောင်းမျိုးဖြစ်သည့် K-95/84၊ နဝဒေး-၄၊ ဖော်မိုဇာ၊ ဆင်းရွှေလီမျိုးများကို စိုက်ပျိုးကြကြောင်း သိရသည်။ကြံကို အထွက်နှုန်းတိုးတက်ကောင်းမွန်အောင် စိုက်ပျိုးနိုင်ပါက ဒေသတွင်း စားသုံးမှုဖူလုံစေသည့်အပြင် ပိုလျှံမှုကို ရောင်းချနိုင်သဖြင့် လူမှုစီးပွားဘဝများ ဖွံ့ဖြိုးတိုးတက်လာမည်ဖြစ်သောကြောင့် ကြံကို တိုးချဲ့စိုက်ပျိုးနိုင်ရေး ဒေသမရွေး ကြိုးပမ်းသင့်ကြောင်း ခင်ဦးမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာန မြို့နယ်ဦးစီးမှူး ဦးနေဝင်းနိုင် က ပြောပြ၍ သိရသည်။Source: ရတနာပုံသတင်းစာ
Tue, 17-Jun-2025
ဝါးခယ်မမြို့နယ်တွင် မိုးသီးနှံစိုက်ပျိုးရာသီ၌ စားဖိုဆောင်သီးနှံစုံ ၁၀၅၅ ဧက စိုက်ပျိုးသွားမည်
ဝါးခယ်မမြို့နယ်တွင် မိုးသီးနှံစိုက်ပျိုးရာသီ၌ စားဖိုဆောင်သီးနှံစုံ ၁၀၅၅ ဧက စိုက်ပျိုးသွားမည်
မြောင်းမြ ဇွန် ၁၆ဧရာဝတီတိုင်းဒေသကြီး မြောင်းမြခရိုင် ဝါးခယ်မမြို့နယ်တွင် မိုးသီးနှံစိုက်ပျိုးရာသီ၌ စားဖို ဆောင်သီးနှံစုံ ၁ဝ၅၅ ဧက စိုက်ပျိုးသွားမည်ဖြစ်ကြောင်း မြောင်းမြခရိုင် စိုက်ပျိုးရေးဦးစီးဌာနမှ သိရသည်။ဝါးခယ်မမြို့နယ်တွင် မိုးသီးနှံ စိုက်ပျိုးရာသီ၌ စားဖိုဆောင်သီးနှံ လျာထား ၁ဝ၅၅ ဧကကို ယခုနှစ် ဇွန်လစတုတ္ထပတ်တွင်စတင်စိုက်ပျိုးသွားမည်ဖြစ်ကြောင်း၊ အဆိုပါ မိုးသီးနှံများ စိုက်ပျိုးနိုင်ရန်အတွက် စိုက်ပျိုးရေးဦးစီးဌာနက စိုက်ပျိုးရေးနည်းပညာပေးလုပ်ငန်းများကို ကွင်းဆင်းဆောင်ရွက်ပေးနေကြောင်း သိရသည်။ “မိုးသီးနှံစိုက်တဲ့ကာလမှာ စားဖိုဆောင်သီးနှံတွေ လျာထား ဧကပြည့်မီအောင် စိုက်ပျိုးမှာဖြစ် ပါတယ်။ စိုက်ပျိုးထားတဲ့ သီးနှံတွေမှာ ပိုးမွှားအန္တရာယ်ကင်းရှင်းစေဖို့နဲ့ စားဖိုဆောင်သီးနှံတွေ အရည်အသွေးကောင်းပြီး အထွက်နှုန်းတိုးဖို့၊ ဈေးကွက်ဝင်သီးနှံဖြစ်ဖို့အတွက် မျိုးကောင်းမျိုးသန့်တွေ၊ နည်းပညာတွေနဲ့ အခြားပံ့ပိုးမှုတွေကို သီးနှံမစိုက်မီ စိုက်ပျိုးရေးဦးစီး ဌာနက ဆောင်ရွက်ပေးနေပါတယ်။ ဒီနှစ် စားဖိုဆောင်သီးနှံကို အစုံစိုက်ပျိုးသွားမှာ ဖြစ်ပါတယ်" ဟု မြောင်းမြခရိုင် စိုက်ပျိုးရေးဦးစီးဌာန ခရိုင်ဦးစီးမှူး ဒေါ်ခင်ဌေးမြင့် က ပြောပြသည်။ဝါးခယ်မမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ စားဖိုဆောင်သီးနှံများ စိုက်ပျိုးရာတွင် ပန်းဂေါ်ဖီ၊ ကြက်သွန်၊ နံနံ၊ မုန်လာထုပ်၊ တိုင်ထောင်ပဲ၊ ခရမ်း၊ ဘူး၊ ကန်စွန်း၊ ရုံးပတီ၊ ကြက်ဟင်းခါး၊ ပဲပုစွန် စသည့်သီးနှံများကို စိုက်ပျိုးသွားမည်ဖြစ်ကြောင်း သိရသည်။စားဖိုဆောင်သီးနှံကို အထွက်နှုန်းတိုးတက်ကောင်းမွန်အောင် စိုက်ပျိုးနိုင်ပါက ဒေသတွင်း စားသုံးမှုဖူလုံစေမည့်အပြင် ပိုလျှံမှုကို ရောင်းချနိုင်သဖြင့် လူမှုစီးပွားဘဝများ ဖွံ့ဖြိုးတိုးတက်လာမည်ဖြစ်သောကြောင့် စားဖိုဆောင်သီးနှံကို ပိုမိုတိုးချဲ့စိုက်ပျိုးနိုင်ရေး ဒေသမရွေးကြိုးပမ်းသင့်ကြောင်း မြောင်းမြခရိုင် စိုက်ပျိုးရေးဦးစီးဌာန ခရိုင်ဦးစီးမှူး ဒေါ်ခင်ဌေးမြင့် က ပြောပြ၍ သိရသည်။ကျော်ကျော်လင်းSource: ရတနာပုံသတင်းစာ
Tue, 17-Jun-2025
ပွင့်ဖြူမြို့နယ်၌ ယခုနှစ် မိုးသီးနှံ စိုက်ပျိုးရာသီတွင် နှမ်း ၃၁၁၆ ဧကစိုက်ပျိုးပြီးစီး
ပွင့်ဖြူမြို့နယ်၌ ယခုနှစ် မိုးသီးနှံ စိုက်ပျိုးရာသီတွင် နှမ်း ၃၁၁၆ ဧကစိုက်ပျိုးပြီးစီး
ပွင့်ဖြူ   ဇွန်   ၁၆မကွေးတိုင်းဒေသကြီး ပွင့်ဖြူမြို့နယ်၌ ယခုနှစ်မိုးသီးနှံ စိုက်ပျိုးရာသီတွင် နှမ်း ၃၁၁၆   ဧကအထိ စိုက်ပျိုးပြီးစီးပြီဖြစ်ပြီး လျာထားဧကပြည့်မီအောင် စိုက်ပျိုးနိုင်ရေး ကြိုးပမ်းဆောင်ရွက်လျက်ရှိကြောင်း  ပွင့်ဖြူမြို့နယ် စိုက်ပျိုးရေး ဦးစီးဌာနမှ သိရသည်။ပွင့်ဖြူမြို့နယ်၌ ယခုနှစ်မိုးသီးနှံ စိုက်ပျိုးရာသီတွင် နှမ်းဧက ၂၄၇၂၀ စိုက်ပျိုးရန် လျာထားပြီး ဇွန်လပထမပတ်က  စတင်စိုက်ပျိုးခဲ့ရာ လက်ရှိတွင် ၃၁၁၆ ဧကအထိ စိုက်ပျိုးပြီးစီးပြီဖြစ်သည်။"ဒီနှစ် မိုးသီးနှံစိုက်ပျိုးရာသီမှာ ပွင့်ဖြူ မြို့နယ်အတွင်း နှမ်းဧက ၂၄၇၂၀ စိုက်ပျိုးဖို့ လျာထားဆောင်ရွက်ခဲ့တာ လက်ရှိအချိန် ထိ ၃၁၁၆  ဧက  စိုက်ပျိုးပြီးစီးပြီဖြစ်ပါတယ်။ လျာထားဧက ပြည့်မီအောင် စိုက်ပျိုးနိုင်ဖို့ ဆောင်ရွက်နေတဲ့အပြင် အထွက်နှုန်းကောင်းမွန်ဖို့နဲ့ အရည်အသွေးကောင်းမွန်ဖို့အတွက်    တောင်သူတွေနဲ့    ပူးပေါင်းဆောင်ရွက်နေပါတယ်"ဟု ပွင့်ဖြူမြို့နယ်စိုက်ပျိုးရေးဦးစီးဌာန ဦးစီးမှူး ဒေါ်မိုးမိုးဝေကပြောသည်။ပွင့်ဖြူမြို့နယ် စိုက်ပျိုးရေးဦးစီးဌာနအနေဖြင့် ယခုနှစ် မိုးသီးနှံစိုက်ပျိုးရာသီတွင်  ဒေသတွင်းရှိ  နှမ်းစိုက်တောင်သူများ လျာထားဧကပြည့်မီအောင် စိုက်ပျိုး နိုင်ရေး၊ အထွက်နှုန်းကောင်းမွန်စေရေး၊ ဒေသနှင့်ကိုက်ညီသော မျိုးကောင်းမျိုးသန့်များရွေးချယ်စိုက်ပျိုးရေး၊ စိုက်နည်းစနစ်များမှန်ကန်ရေး၊ ပိုးမွှားရောဂါ ကင်းရှင်းရေးစသည့် စိုက်ပျိုးရေးဆိုင်ရာ အသိပညာပေးလုပ်ငန်းများကို တောင်သူများနှင့်  ပူးပေါင်းဆောင်ရွက်လျက်ရှိကြောင်း သိရသည်။နှမ်းကိုအထွက်နှုန်းတိုးတက်ကောင်းမွန်အောင် စိုက်ပျိုးနိုင်ပါက  ဒေသတွင်း ဆီစားသုံးမှုဖူလုံစေမည့်အပြင် ပိုလျှံမှုကိုရောင်းချနိုင်သဖြင့် လူမှုစီးပွားဘဝများ ဖွံ့ဖြိုးတိုးတက်လာမည်ဖြစ်သောကြောင့် တိုးချဲ့စိုက်ပျိုးနိုင်ရေး ဒေသမရွေး ကြိုးပမ်းသင့်ကြောင်း သိရသည်။  MWD Web Portal
Tue, 17-Jun-2025
အစ္စရေး-အီရန်ပဋိပက္ခကြောင့် ရေနံစျေးများ မြင့်တက်
အစ္စရေး-အီရန်ပဋိပက္ခကြောင့် ရေနံစျေးများ မြင့်တက်
ဇွန်လ ၁၅ ရက် (တနင်္ဂနွေနေ့) တွင် အစ္စရေးနှင့် အီရန်တို့အကြား ပစ်ခတ် တိုက်ခိုက်မှုများ ထပ်မံပြုလုပ်ခဲ့ခြင်းကြောင့် ဇွန်လ ၁၆ ရက် (တနင်္လာနေ့) တွင် အာရှစျေးကွက်အတွင်း ရေနံစျေးများ မြင့်တက်လာခဲ့သည်။ ထိုကဲ့သို့ အစ္စရေး-အီရန်စစ်ပွဲ အရှိန်မြင့်တက်လာခြင်းသည် ဒေသတွင်း နိုင်ငံများကို သက်ရောက်မှုရှိစေရုံသာမက အရှေ့အလယ်ပိုင်းမှ ရေနံတင်ပို့မှုများကို ပိုမိုနှောင့်နှေးစေနိုင်သည်ဟူသော စိုးရိမ်ပူပန်မှုများ ပိုမိုမြင့်တက်လာသည်။ အစ္စရေးနှင့် အီရန်တို့အကြား ပစ်ခတ်တိုက်ခိုက်မှုများ အရှိန်မြင့်တက်လာခြင်းကြောင့် အရှေ့အလယ်ပိုင်းမှ ရေနံသယ်ယူပို့ဆောင်ရာတွင် အဓိက အရေးပါသည့် Hormuz ရေလက်ကြားမှ ရေနံသယ်ယူပို့ဆောင်ရေးအား ထိခိုက်စေမည်ကို စိုးရိမ်မှုများ ပိုမိုမြင့်တက်လာသည်။ ကမ္ဘာ့ရေနံ စုစုပေါင်းသုံးစွဲမှု၏ ၅ ပုံ ၁ ပုံခန့် (တစ်နေ့လျှင် ရေနံဆီ၊ လေဆီ နှင့် လောင်စာဆီ ၁၈ မှ ၁၉ မီလီယံ) သည် Hormuz ရေလက်ကြားမှ တစ်ဆင့် သယ်ယူပို့ဆောင်လေ့ရှိသည်။အမေရိကန်သမ္မတ ဒေါ်နယ်ထရမ့်က ဇွန်လ ၁၅ ရက် (တနင်္ဂနွေနေ့)တွင် အစ္စရေးနှင့် အီရန်တို့ အပစ်အခတ်ရပ်စဲရေး ညှိနှိုင်းနိုင်မည်ဟု မျှော်လင့်ကြောင်း ပြောကြားခဲ့သော်လည်း နိုင်ငံတစ်ချို့သည် တစ်ခါတရံ အပြန်အလှန်တိုက်ခိုက်ရန် လိုအပ်ကြောင်း ထည့်သွင်းပြောဆိုခဲ့သည်။ ထို့ပြင် အမေရိကန်နိုင်ငံအနေဖြင့် အစ္စရေးအား ဆက်လက် ထောက်ပံ့ မည်ဟုလည်း ထရမ့်က ပြောကြားခဲ့သည်။ကနေဒါနိုင်ငံ၌ ဇွန်လ ၁၅ ရက် (တနင်္ဂနွေနေ့)တွင် စတင်ကျင်းပမည့် G7 ခေါင်းဆောင်များ၏ အစည်းအဝေးတွင် အဆိုပါပဋိပက္ခကို ဖြေရှင်း နိုင်ရန်နှင့် နှစ်နိုင်ငံတင်းမာမှုအခြေအနေ ပိုမိုမြင့်တက်မလာစေရန် သဘောတူညီမှုရရှိမည်ဟု မျှော်လင့်ကြောင်း ဂျာမနီ၏ ဝန်ကြီးချုပ် Friedrich Merz က ပြောကြားခဲ့သည်။ OPEC အဖွဲ့ဝင်နိုင်ငံတစ်ခုဖြစ်သည့် အီရန်နိုင်ငံသည် လက်ရှိတွင် တစ်နေ့လျှင် ရေနံနှင့် လောင်စာဆီ စည်ပေါင်း ၃.၃ သန်းဝန်းကျင် ထုတ်လုပ်လျက်ရှိပြီး ၂ သန်းကျော်အား တင်ပို့လျက်ရှိသည်။ OPEC နှင့် ရုရှားအပါအဝင် ၎င်း၏မဟာမိတ်နိုင်ငံများသည် အစ္စရေး-အီရန် ပဋိပက္ခကြောင့် ရေနံတင်ပို့မှုအား ထိခိုက်လာမည်ကို စိုးရိမ်သည့်အတွက် အကြမ်းအားဖြင့် အီရန်၏ ရေနံထုတ်လုပ်မှုပမာဏနှင့် ညီမျှသည့် ရေနံအား ပိုမိုထုတ်လုပ်ရန် ရည်ရွယ်ထားကြောင်း လေ့လာသူများနှင့် OPEC အား စောင့်ကြည့် လေ့လာသူများ၏ ပြောကြားချက်အရ သိရှိရသည်။ကိုးကား - CAN Photo: Business Recorderဘာသာပြန်ဆိုသူ- ဒေါ်မေသူခိုင်၊လက်ထောက်ညွှန်ကြားရေးမှူး၊ နစက-၃
Mon, 16-Jun-2025
၂၀၂၅-၂၀၂၆ ဘဏ္ဍာနှစ် နှစ်လတာ ကာလအတွင်း ပြည်ပသို့ ရေထွက်ကုန်ငါးမက်ထရစ်တန် လေးသောင်းကျော် တင်ပို့နိုင်
၂၀၂၅-၂၀၂၆ ဘဏ္ဍာနှစ် နှစ်လတာ ကာလအတွင်း ပြည်ပသို့ ရေထွက်ကုန်ငါးမက်ထရစ်တန် လေးသောင်းကျော် တင်ပို့နိုင်
ပြည်ပသို့ ရေထွက်ကုန်ပစ္စည်းများ တင်ပို့လျက်ရှိရာ ၂၀၂၅-၂၀၂၆ ဘဏ္ဍာနှစ် နှစ်လတာကာလအတွင်း ရေထွက်ကုန် ငါးမက်ထရစ်တန် လေးသောင်းကျော် တင်ပို့နိုင်ခဲ့ကြောင်း ငါးလုပ်ငန်းဦးစီးဌာနမှ တာဝန်ရှိသူတစ်ဦး၏ ပြောကြားချက်အရ သိရသည်။"၂၀၂၅-၂၀၂၆ ဘဏ္ဍာနှစ်ဧပြီလ ၁ ရက်ကနေမေလ ၃၁ ရက်အထိ နှစ်လတာကာလအတွင်း ငါးမက်ထရစ်တန် ၄၃၆၆၅ ဒသမ ၈၅၈ တန် တင်ပို့နိုင်ပြီး အမေရိကန်ဒေါ်လာ ၄၇ ဒသမ ၄၇၆ သန်း ရရှိခဲ့ပါတယ်"ဟု ၎င်းကပြောသည်။၂၀၂၅-၂၀၂၆ ဘဏ္ဍာနှစ် ဧပြီလ ၁ ရက်မှ မေလ ၃၁ ရက်အထိ နှစ်လတာကာလအတွင်း ပုံမှန်ကုန်သွယ်မှုမှ ငါးမက်ထရစ်တန် ၂၁၀၉၂ ဒသမ ၁၂၇ တန်တင်ပို့ပြီး အမေရိကန်ဒေါ်လာ ၂၉ ဒသမ ၁၉၂ သန်းရရှိပြီး နယ်စပ်ကုန်သွယ်မှုမှ ငါးမက်ထရစ်တန် ၂၂၅၇၃ ဒသမ ၇၃၁ တန်တင်ပို့ပြီး အမေရိကန်ဒေါ်လာ ၁၈ ဒသမ၂၈၄ သန်းရရှိသည့်အတွက်  ပြည်ပသို့ ငါးစုစုပေါင်းမက်ထရစ်တန် ၄၃၆၆၅ ဒသမ ၈၅၈ တန်တင်ပို့ပြီး အမေရိကန်ဒေါ်လာ ၄၇ ဒသမ ၄၇၆ သန်း ရရှိကြောင်း သိရသည်။၂၀၂၄-၂၀၂၅ ဘဏ္ဍာနှစ်    ကာလတူအချိန်က ပြည်ပသို့ ငါးမက်ထရစ်တန် ၄၇၇၁၉ ဒသမ ၅၂၃ တန်တင်ပို့ပြီး အမေရိကန်ဒေါ်လာ ၅၁ ဒသမ ၆၀၁ သန်းရရှိခဲ့ကြောင်း သိရသည်။ပြည်ပသို့ ရေထွက်ကုန်ပစ္စည်းများ တင်ပို့ရာတွင် တရုတ်နိုင်ငံ၊ ထိုင်းနိုင်ငံ၊ ဘင်္ဂလားဒေ့ရှ်နိုင်ငံ၊ ဂျပန်နိုင်ငံ စသည့်နိုင်ငံပေါင်း  ၄၀ ကျော်သို့ တင်ပို့လျက်ရှိပြီး ရန်ကုန်မြို့မှတစ်ဆင့် ပုံမှန်တင်ပို့လျက်ရှိသည့် အပြင်    နယ်စပ်ကုန်သွယ်ရေး စခန်းများမှလည်း  တိုက်ရိုက် တင်ပို့လျက် ရှိကြောင်း သိရသည်။MWD Web Portal
Sat, 14-Jun-2025
ဒေါ်နယ်ထရမ့်၏ အခွန်ရိုက်ချက် ဂျပန် ကားလောက အကြီးအကျယ် ထိနိုင်
ဒေါ်နယ်ထရမ့်၏ အခွန်ရိုက်ချက် ဂျပန် ကားလောက အကြီးအကျယ် ထိနိုင်
အမေရိကန်သမ္မတဒေါ်နယ်ထရမ့်၏ အမေရိကန်သို့ တင်သွင်းလာသည့် မော်တော်ကား အစိတ်အပိုင်းများအပေါ် အခွန် ၂၅ ရာခိုင်နှုန်း တိုးမြှင့်ကောက်ခံမှု အခွန်မူဝါဒသစ်မှာ ဂျပန်နိုင်ငံ၏ အဓိက မော်တော်ကား ထုတ်လုပ်ရေးကုမ္ပဏီများဖြစ်သည့် Toyota၊ Honda နှင့် Subaru တို့ကို အကြီးအကျယ် ဒုက္ခပေးလျက်ရှိနေပါသည်။ ထိုအခွန်သစ်များမှာ ဂျပန် နိုင်ငံ၏ ရေရှည်တည်တံ့သော စီးပွားရေးပြန်လည်ထူထောင်ရေးတွင် ကြီးစွာ အဟန့်အတားတစ်ခုနိုင်ဖွယ်ရှိကြောင်း သတင်းစာများအရ သိရ ပါသည်။အမေရိကန်သည် ဂျပန်၏ အကြီးဆုံးကားဈေးကွက်ဖြစ်ပါသည်။ ဂျပန် ကားထုတ်လုပ်ငန်း၏ ၃၀ ရာခိုင်နှုန်းမှာ အမေရိကန်သို့ တင်ပို့နေရပါသည်။ ယခုကဲ့သို့ ဒေါ်နယ်ထရမ့်၏ အခွန်သစ် ၂၅ ရာခိုင်နှုန်းကြောင့် Toyota Motor Corp., Honda Motor Co., Mazda Motor Corp. နှင့် Subaru Corp. ကုမ္ပဏီများအပါအဝင် အဓိက ကားကုမ္ပဏီကြီးများ အနေဖြင့် နှစ်စဉ် အမေရိကန်ဒေါ်လာ ၁၉ ဘီလီယံကျော် ဆုံးရှုံးနိုင်ဖွယ် ရှိပါသည်။ ထို့ပြင် မော်တော်ကားထုတ်လုပ်ရေးသည် ဂျပန်နိုင်ငံ၏ GDP ၃ ရာခိုင်နှုန်းခန့်ကို ကိုယ်စားပြုနေပြီး ထိုအခွန်မူသစ်ကြောင့် နိုင်ငံ့ စီးပွားရေးကို ပြန်လည်ကျဆင်းစေနိုင်ပါသည်။ UBS ခန့်မှန်းချက်အရ ဂျပန်ကားလုပ်ငန်း စုစုပေါင်းသည် နှစ်စဉ် အမေရိကန်ဒေါ်လာ ၂၅ ဘီလီယံ (ယန်း ၃.၆ ထရီလီယံ) ဆုံးရှုံးနိုင်ပါသည်။ တိုယိုတာနှင့် ဟွန်ဒါတို့သည် အမေရိကန်ဈေးကွက်တွင် ကားဈေးနှုန်းများကို ယခုအချိန်တွင် တိုးမြှင့်ရန် မဆုံးဖြတ်ရသေးသော်လည်း အနာဂတ် တွင် ကုန်ကျစရိတ်များ မြင့်တက်လာပါက ဈေးနှုန်းများ တိုးမြှင့်ရန် ဖြစ်နိုင်သည်။ ငွေကြေးအရ ပိုမိုအားနည်းသော အစိတ်အပိုင်း ထုတ်လုပ် သည့် ကုမ္ပဏီများမှာ ပိုမိုကြီးမားသော စိန်ခေါ်မှုများနှင့် ရင်ဆိုင်ရဖွယ် ရှိပါသည်။ ယခုဒေါ်နယ်ထရမ့်၏ အခွန်မူသစ်မှာ ဂျပန်သာမက တောင်ကိုရီးယား၊ ဂျာမနီနှင့် အခြားနိုင်ငံများရှိ ကားထုတ်လုပ်သူများကိုပါ အကြီးအကျယ် ထိခိုက်စေနိုင်ဖွယ်ရှိပါသည်။ ထို့ပြင် IMF ၏ အဆိုအရ အဆိုပါ အကောက်ခွန် များသည် ကနေဒါနှင့် မက္ကဆီကိုတို့၏ စီးပွားရေးကိုပါ ဆိုးရွားစွာ ထိခိုက်စေနိုင်ပါသည်။ကိုးကား- Bloombergဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 13-Jun-2025
© Copyright 2024 SAC All Rights Reserved.