ရုရှားလုံခြုံရေးကောင်စီအတွင်းရေးမှူး ဆာဂေးရှိုးဂူ သည် မြန်မာနိုင်ငံ ရွေးကောက်ပွဲအတွက် လေ့လာရေးအဖွဲ့ စေလွှတ်ရန် အဆိုပြု

saceditor

News Image

  • ရုရှားလုံခြုံရေးကောင်စီအတွင်းရေးမှူး ဆာဂေးရှိုးဂူ သည် မြန်မာနိုင်ငံ ရွေးကောက်ပွဲအတွက် လေ့လာရေးအဖွဲ့ စေလွှတ်ရန် အဆိုပြု

ရုရှားဖက်ဒရေးရှင်း လုံခြုံရေးကောင်စီအတွင်းရေးမှူး ဆာဂေးရှိုးဂူသည် မြန်မာနိုင်ငံ၏ လာမည့်ရွေးကောက်ပွဲများတွင် နိုင်ငံတကာ လေ့လာသူများအဖြစ် ရုရှားကိုယ်စားလှယ်အဖွဲ့တစ်ဖွဲ့ စေလွှတ်ရန် ဖြစ်နိုင်ကြောင်း ထုတ်ဖော် ပြောကြားခဲ့ပါသည်။

ဆာဂေးရှိုးဂူသည် ပြည်ထောင်စုသမ္မတမြန်မာနိုင်ငံတော်၊ နိုင်ငံတော်စီမံအုပ်ချုပ်ရေးကောင်စီ၏ အမျိုးသားလုံခြုံရေးအကြံပေးပုဂ္ဂိုလ်ဗိုလ်ချုပ်ကြီး မိုးအောင်နှင့် တွေ့ဆုံပွဲတွင် “မြန်မာနိုင်ငံရွေးကောက်ပွဲများတွင် အပြည်ပြည်ဆိုင်ရာ လေ့လာသူများအဖြစ် ပါဝင်ရန်အတွက် ရုရှား ပါလီမန်အမတ်များ၊ ပါတီများနှင့် လူမှုအဖွဲ့အစည်းများမှ ကိုယ်စားလှယ်များ ပါဝင်သော အဖွဲ့တစ်ခု ကိုစေလွှတ်ရန် အလားအလာရှိသည်ဟု မိမိ ယူဆပါသည်” ဟု ပြောကြားခဲ့ပါသည်။

ရုရှားလုံခြုံရေးကောင်စီအတွင်းရေးမှူးက “လာမည့်ပါလီမန် ရွေးကောက်ပွဲများအား အောင်မြင်စွာ ပြင်ဆင်နိုင်ပါစေကြောင်းနှင့် ငြိမ်းချမ်း တည်ငြိမ်သော အခြေအနေများအောက်တွင် ရွေးကောက်ပွဲလုပ်ငန်းစဉ်များ ဆောင်ရွက်နိုင်ပါစေကြောင်း မိမိတို့ ဆန္ဒပြုပါသည်” ဟု အလေးထား ပြောကြား ခဲ့ပါသည်။

ရုရှားအနေဖြင့် မြန်မာနိုင်ငံနှင့် ဆက်ဆံရေးကဏ္ဍအသီးသီးတွင် တိုးတက်မှုများ ဆက်လက်ရရှိရန် မျှော်လင့်ကြောင်း ဆာဂေးရှိုးဂူက ထပ်လောင်းပြောကြားခဲ့ပါသည်။

“မတ်လ ၄ ရက်နေ့တွင် မော်စကိုမြို့၌ ရုရှားဖက်ဒရေးရှင်းသမ္မတ ဗလာဒီမာ ပူတင်နှင့် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်တို့အကြား ဆွေးနွေးပွဲများမှ ရရှိခဲ့သော သဘောတူညီချက်များကို အကောင်အထည်ဖော်ခြင်းကို မိမိတို့ ဦးစားပေးဆောင်ရွက်လျက် ရှိပါကြောင်း၊ လိုအပ်သော ညွှန်ကြားချက်များအားလုံးကိုလည်း ပေးထားပြီးဖြစ်ပါကြောင်း၊ စတင်အကောင်အထည်ဖော်နေပြီဖြစ်ပါကြောင်း ရုရှားလုံခြုံရေးကောင်စီအတွင်းရေးမှူး ဆာဂေးရှိုဂူ က ပြောကြားခဲ့ ပါသည်။

မြန်မာနိုင်ငံသည် အာရှ-ပစိဖိတ်ဒေသနှင့် နိုင်ငံတကာစင်မြင့်တွင် ရုရှား၏ ယုံကြည်စိတ်ချရသော မိတ်ဖက်ဖြစ်ကြောင်း ရုရှားလုံခြုံရေးကောင်စီ အတွင်းရေးမှူးက ပြောကြားခဲ့ပါသည်။

“နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် သည် မော်စကိုမြို့၊ ရင်ပြင်နီတွင် ကျင်းပသော မျိုးချစ်စစ်ပွဲကြီး (ဒုတိယ ကမ္ဘာစစ်) အောင်ပွဲ ၈၀ နှစ် ပြည့် အခမ်းအနားတွင် ပါဝင်ဆင်နွှဲနိုင်ခဲ့ခြင်းကို မိမိတို့ အလွန်တန်ဖိုးထားလေးစားပါသည်” ဟု ဆာဂေးရှိုဂူက ပြောကြားခဲ့ပါသည်။

ကိုးကား - Tass

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

နှစ်(၂၅၀)ပြည့် အမေရိကန်တပ်မတော်နေ့ စစ်ရေးပြ အခမ်းအနားကို ထရမ့်၏အသက် ၇၉ နှစ်ပြည့်မွေးနေ့တွင် ကျင်းပ
နှစ်(၂၅၀)ပြည့် အမေရိကန်တပ်မတော်နေ့ စစ်ရေးပြ အခမ်းအနားကို ထရမ့်၏အသက် ၇၉ နှစ်ပြည့်မွေးနေ့တွင် ကျင်းပ
နှစ်(၂၅၀)ပြည့် အမေရိကန်တပ်မတော်နေ့ အထိမ်းအမှတ်စစ်ရေးပြ အခမ်းအနားကို အမေရိကန်သမ္မတ ဒေါ်နယ်ထရမ့်၏ အသက် ၇၉ နှစ်ပြည့် မွေးနေ့ဖြစ်သည့် ဇွန် လ ၁၄ ရက်တွင် ကျင်းပကြောင်း သိရသည်။အဆိုပါစစ်ရေးပြ အခမ်းအနားကို ကွန်စတီကျူးရှင်း ရိပ်သာလမ်းတွင်ပြုလုပ်ခြင်း ဖြစ်ပြီး စစ်ရေးပြစစ်သည် ၇၀၀၀ ခန့်၊ အေဘရမ်တင့် ၂၅ စီးကျော်၊ စထရိုက်ကာ သံချပ်ကာယာဉ် ၂၈ စီး၊ ပလာဒင်ယာဉ်တင် အမြောက်လေးစီးအပါအဝင် စစ်ယာဉ်စုစုပေါင်း ၁၅၀ တို့က ပါဝင်စစ်ရေးပြခြင်းဖြစ် သည်။အမေရိကန်နိုင်ငံအနေဖြင့် ယခုကဲ့သို့ စစ်အင်အားပြသမှုသည် ရှားပါးသည့်ဖြစ်စဉ်တစ်ခုဖြစ်ပြီး အခြားသောနိုင်ငံများက ၎င်းတို့၏အောင်ပွဲနေ့များကို အထိမ်းအမှတ်များအဖြစ် ကျင်းပလျက်ရှိကြောင်း၊ ယခုအခါ အမေရိကန်၏ အလှည့်ကျလာပြီဖြစ်ကြောင်း ထရမ့်ကပြောသည်။အမေရိကန်နိုင်ငံက နောက်ဆုံးအနေဖြင့် စစ်ရေးပြအခမ်းအနား ကျင်းပခဲ့သည်မှာ ၁၉၉၁ ခုနှစ်တွင်ဖြစ်ပြီး ပင်လယ်ကွေ့စစ်ပွဲအပြီးတွင် အောင်ပွဲအထိမ်းအမှတ်အဖြစ် ကျင်းပခြင်းဖြစ်သည်။ထရမ့်သည် ၎င်း၏ ပထမဆုံးအကြိမ် သမ္မတသက်တမ်းကတည်းက ထိုကဲ့သို့ သော စစ်ရေးပြအခမ်းအနားကို ကျင်းပရန် စိတ်ဝင်စားခဲ့သူဖြစ်ပြီး ယခုမှသာ စစ်ရေး ပြအခမ်းအနားကို ကျင်းပခြင်းဖြစ်သည်။စစ်ရေးပြအခမ်းအနား ကျင်းပနေစဉ်အတွင်း အမေရိကန်နိုင်ငံ တစ်ဝန်းတွင် အစိုးရဆန့်ကျင်သည့် ဆန္ဒပြမှုများစွာ ဖြစ်ပွားလျက်ရှိကြောင်း၊ လော့အိန်ဂျလိမြို့ ၌ဖြစ်ပွားသည့် ဆူပူဆန္ဒပြမှုများမှအစပြု ၍   ယခုကဲ့သို့စစ်ရေးပြ အခမ်းအနားကျင်းပမှုအပေါ် အထူးသဖြင့် ဒီမိုကရက်တစ်ကို လိုလားသော ပြည်သူအချို့က ဆန့်ကျင် ဆန္ဒပြနေခြင်း ဖြစ်ကြောင်း သိရသည်။MWD Web Portal
Mon, 16-Jun-2025
မြောက်ကိုရီးယား ဆန့်ကျင်ရေးစာစောင်များ လွှတ်တင်မှု လီဂျေးမြောင် တားမြစ်
မြောက်ကိုရီးယား ဆန့်ကျင်ရေးစာစောင်များ လွှတ်တင်မှု လီဂျေးမြောင် တားမြစ်
တောင်ကိုရီးယားနိုင်ငံ သမ္မတလီဂျေး မြောင်က မြောက်ကိုရီးယားနိုင်ငံနှင့် ဆက်ဆံရေး   ပြန်လည်သင့်မြတ်စေရန် ရည်ရွယ်၍ တောင်ကိုရီးယားနိုင်ငံ အတွင်းမှ မြောက်ကိုရီးယားနိုင်ငံကို  ဆန့်ကျင်သည့် လက်ကမ်းစာစောင်များ လွှတ်တင်မှုကို တားမြစ်လိုက်ကြောင်းနှင့် ထိုတားမြစ်ချက် ဖောက်ဖျက်သူကို အပြစ်ပေးသွားမည်ဖြစ်ကြောင်း  တောင်ကိုရီးယား သမ္မတရုံးက ဇွန်လ ၁၄ ရက်တွင် ဖော်ပြထားသည်။တောင်ကိုရီးယားနိုင်ငံမှ အရပ်ဘက်အဖွဲ့အစည်း တစ်ခုက နှစ်နိုင်ငံနယ်စပ်မှနေ၍ မြောက်ကိုရီးယားကို ဆန့်ကျင်သည့် လက်ကမ်းစာစောင်များကို ဇွန်လ ၁၄ ရက် နံနက်ပိုင်းတွင် မြောက်ကိုရီးယားဘက်သို့ လွှတ်တင် လိုက်ပြီးနောက် သမ္မတကယခု ကဲ့သို့အမိန့်ကို ထုတ်ပြန်လိုက်ခြင်းဖြစ်ကြောင်း တောင်ကိုရီးယား သမ္မတရုံးမှ ပြောရေးဆိုခွင့်ရှိသူက ပြောသည်။တောင်ကိုရီးယားအနေဖြင့် ထိုကဲ့သို့ လက်ကမ်းစာစောင်များ လွှတ်တင်ကြဲချမှုများကို ရပ်တန့်သင့်ကြောင်း၊ ထိုကဲ့သို့ လွှတ်တင်နေမှုများသည် နှစ်နိုင်ငံနယ်စပ်ရှိ ပြည်သူများ၏ နေ့စဉ်ဘဝများကို ဘေးသင့်ထိခိုက်စေနိုင်ကြောင်း၊ ထို့ပြင် ကိုရီးယားကျွန်းဆွယ်၌   စစ်ရေးအရတင်းမာမှုများကိုလည်း    ပိုမိုမြင့်တက်စေနိုင်ကြောင်း သမ္မတရုံးမှ ပြောရေးဆိုခွင့်ရှိသူ ကန်ယူ ဂျန်းကပုံမှန် သတင်းစာရှင်းလင်းပွဲတွင် ပြောထားသည်။ထို့ကြောင့် သက်ဆိုင်ရာဝန်ကြီးဌာနများအနေဖြင့် အဆိုပါကိစ္စရပ်များကို တားဆီးနိုင်ရေးနှင့် အပြစ်ပေးအရေးယူနိုင်ရေး မည်ကဲ့သို့လုပ်ဆောင်ရမည်နှင့် ပတ်သက်၍ လာမည့်သီတင်းပတ် အစည်းအဝေး၌ တင်ပြရမည် ဖြစ်ကြောင်း ၎င်းကဆက် ပြောထားသည်။  MWD Web Portal
Sun, 15-Jun-2025
ရုရှားနှင့်ယူကရိန်းတို့က နောက်တစ်ကြိမ်အဖြစ် အကျဉ်းသားများကိုအပြန်အလှန်လဲလှယ်
ရုရှားနှင့်ယူကရိန်းတို့က နောက်တစ်ကြိမ်အဖြစ် အကျဉ်းသားများကိုအပြန်အလှန်လဲလှယ်
မော်စကို၊ ငြိမ်းချမ်းရေးရုရှားနှင့်ယူကရိန်းနိုင်ငံတို့က ဇွန်လ ၁၄ ရက်တွင် နောက်တစ်ကြိမ်အဖြစ် အကျဉ်းသားများကို အပြန်အလှန်လဲလှယ်မှု ပြုလုပ်ကြောင်း ရုရှားကာကွယ်ရေးဝန်ကြီး ဌာနကထုတ်ပြန်ထားသည်။ယခုကဲ့သို့အကျဉ်းသားများလဲလှယ်မှု သည် အစ္စတန်ဘူမြို့၌ ဇွန်လ ၂ ရက်တွင် လုပ်ဆောင်သော ရုရှား-ယူကရိန်းမျက်နှာ ချင်းဆိုင်ဆွေးနွေးမှု၏ ရလဒ်တစ်ခုဖြစ် သည်။ အဆိုပါဆွေးနွေးပွဲတွင် ဒဏ်ရာ အပြင်းအထန်ရရှိထားသူများ၊ ကျန်းမာ ရေးမကောင်းသူများနှင့် လူငယ်များကို အဓိကထား၍ အပြန်အလှန်လဲလှယ်ရန်သဘောတူညီမှုရရှိခဲ့ခြင်းဖြစ်သည်။ထိုသဘောတူညီမှုအပြင်  ကရုရှားနိုင်ငံလူသားချင်းစာနာထောက်ထားမှုကို အကြောင်းပြု၍ ကျဆုံးသွားသောယူကရိန်း  စစ်သည် ၆၀၀၀ ကျော်၏ရုပ်အလောင်း များကိုပါ လွှဲပြောင်းပေးမည်ဖြစ်သည်။ယခုအကျဉ်းသားများလဲလှယ်မှုကို ဇွန်လ ၁၄ ရက်နံနက်အစောပိုင်းတွင်လုပ် ဆောင်ခြင်းဖြစ်ကြောင်း၊ ယူကရိန်းထိန်း ချုပ်ထားသောနယ်မြေအတွင်းမှ ရုရှား စစ်သည်နောက်တစ်သုတ်သည် အိမ်သို့ ပြန်လာပြီဖြစ်ကြောင်းနှင့် အရေအတွက် ဖော်ပြထားခြင်းမရှိကြောင်း သိရသည်။Ref: RTPhoto - Sky News
Sun, 15-Jun-2025
ထိုင်းနိုင်ငံမှ ရွှေ့ပြောင်းလုပ်သားများကို ပြန်ခေါ်နိုင်ရေးအတွက် ကမ္ဘောဒီးယားက အသင့်ပြင်ဆင်ထား
ထိုင်းနိုင်ငံမှ ရွှေ့ပြောင်းလုပ်သားများကို ပြန်ခေါ်နိုင်ရေးအတွက် ကမ္ဘောဒီးယားက အသင့်ပြင်ဆင်ထား
ဖနွမ်းပင်၊ ဆက်ဆံရေးထိုင်းနိုင်ငံနှင့်ကမ္ဘောဒီးယားနိုင်ငံတို့  ကြားနယ်စပ်ဒေသအရေးတင်းမာမှုဖြစ်ပွားနေစဉ်တွင် ထိုင်းနိုင်ငံရှိ ကမ္ဘောဒီးယားနိုင်ငံမှ ရွှေ့ပြောင်းလုပ်သားများအားလုံးကို ပြန်ခေါ်နိုင်ရေးအတွက် လိုအပ်သည်များကို အသင့်ပြင်ဆင်ထားသည်ဟု ကမ္ဘောဒီးယား နိုင်ငံဝန်ကြီးချုပ် ဟွန်မာနတ်က ဇွန်လ ၁၄ ရက်တွင်ပြောသည်။ထို့ပြင် သက်ဆိုင်ရာဝန်ကြီးဌာနများ အနေဖြင့် ထိုင်းနိုင်ငံနှင့်နယ်စပ်ဂိတ်ခုနစ်ခုမှပြန်ဝင်လာမည့် ကမ္ဘောဒီးယား နိုင်ငံသားများကို ကြိုဆိုလက်ခံနေရာချထား ရေးအတွက် လိုအပ်သည်များပြင်ဆင်ထားပြီးဖြစ်ကြောင်း ၎င်းကပြောသည်။ လက်ရှိ ထိုင်း-ကမ္ဘောဒီးယား ပူးတွဲ နယ်ခြားကော်မရှင်က ဇွန်လ ၁၄ ရက်တွင် ဖနွမ်းပင်မြို့၌တွေ့ဆုံ၍ မကြာသေးမီကဖြစ်ပွားခဲ့သည့် နှစ်နိုင်ငံကြားနယ်စပ် ပဋိပက္ခများနှင့်ပတ်သက်၍ ဆွေးနွေးမှု များလုပ်ဆောင်နေကြောင်း သတင်းဌာန များကထုတ်ပြန်ထားသည်။Ref: XinhuaPhoto - Khmer Times
Sun, 15-Jun-2025
အင်ဒိုနီးရှားသမ္မတ ရုရှားသို့ သွားရောက်၍ ဗလာဒီမာပူတင်နှင့် တွေ့ဆုံမည်
အင်ဒိုနီးရှားသမ္မတ ရုရှားသို့ သွားရောက်၍ ဗလာဒီမာပူတင်နှင့် တွေ့ဆုံမည်
အင်ဒိုနီးရှားသမ္မတ ပရာဘိုဝါ ဆူဘီယန်တိုသည် ယခုဩဂုတ်လအတွင်း ရုရှားသို့ တရားဝင်ခရီးစဉ် သွားရောက်မည်ဖြစ်ပြီး ရုရှားသမ္မတ ဗလာဒီမာ ပူတင်နှင့် တွေ့ဆုံ၍ နှစ်နိုင်ငံအကြား ရှိရင်းစွဲ ပူးပေါင်းဆောင်ရွက်မှုများ မြှင့်တင်ရန် ဆွေးနွေးမည်ဖြစ်ကြောင်း သိရပါသည်။ထိုခရီးစဉ်မှာ အင်ဒိုနီးရှားသမ္မတ ပရာဘိုဝါ ဆူဘီယန်တိုက ၎င်း၏ သမ္မတ ရာထူးစတင်တာဝန်ယူချိန်မှစ၍ ရုရှားသို့ ပထမဆုံးအကြိမ်အဖြစ် သွားရောက်မည့်ခရီးစဉ်လည်း ဖြစ်ပါသည်။ အင်ဒိုနီးရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဇွန် ၁၈ မှ ၂၀ ရက်အတွင်း ပရာဘိုဝါ၏ ခရီးစဉ်အတွင်း ခေါင်းဆောင်နှစ်ဦးသည်နှစ်နိုင်ငံကြား ပူးပေါင်းဆောင်ရွက်မှုများ မြှင့်တင်ရန်နှင့် ကမ္ဘာ့နှင့် ဒေသတွင်း အရေးကိစ္စများအပေါ် အမြင်များဖလှယ်ရန် ဆွေးနွေးမည်ဟု ကြာသပတေးနေ့ (ဇွန် ၁၂) က အတည်ပြုပြောကြားထားပါသည်။ထို့ပြင် ပရာဘိုဝါသည် စိန့်ပီတာစဘတ် အပြည်ပြည်ဆိုင်ရာ စီးပွားရေး ဖိုရမ်သို့လည်း တက်ရောက်ရန် စီစဉ်ထားပါသည်။ ၎င်းသည် သမ္မတ ရာထူး စတင်တာဝန်ယူချိန်ကတည်းက ရုရှားအကြံပေး Sergei Shoigu အပါ အဝင် ရုရှားအရာရှိကြီးများနှင့် အကြိမ်ကြိမ်တွေ့ဆုံဖူးပါသည်။ ပရာဘိုဝါ သည် ယမန်နှစ် ဇူလိုင်က သမ္မတရွေးကောက်ပွဲတွင် အနိုင်ရပြီးနောက် ဗလာဒီမာပူတင်နှင့် နောက်ဆုံးတွေ့ဆုံထားပါသည်။ကိုးကား- Bloombergဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 12-Jun-2025
G7 တွင် ဘရာဇီးသမ္မတနှင့် တွေ့ဆုံရန် ဇီလန်စကီး တောင်းဆို
G7 တွင် ဘရာဇီးသမ္မတနှင့် တွေ့ဆုံရန် ဇီလန်စကီး တောင်းဆို
ယူကရိန်းသမ္မတ ဇီလန်စကီးသည် ဇွန် ၁၅ မှ ၁၇ ရက်အထိ ကနေဒါနိုင်ငံ အယ်လ်ဘာတာပြည်နယ်တွင် ကျင်းပမည့် G7 ထိပ်သီးအစည်းအဝေးအတွင်း ဘရာဇီးသမ္မတ လူအစ် အိုင်နာစီယို လူလာဒါဆီလဗာနှင့်တွေ့ဆုံရန် တောင်းဆိုထားကြောင်း ဘရာဇီးအစိုးရ၏ အရင်းအမြစ်များကို ကိုးကား၍ GloboNews ရုပ်သံလိုင်းက ဖော်ပြခဲ့ပါသည်။ဘရာဇီးသမ္မတအနေဖြင့် ဇီလန်စကီးနှင့် တွေ့ဆုံရန် သဘောတူခဲ့ခြင်း ရှိ၊ မရှိ အတိအကျ ဖော်ပြခြင်းမရှိသော်လည်း ယူကရိန်းဘက်မှ တွေ့ဆုံရန် တောင်းဆိုမှုများ ပြုလုပ်ခဲ့ကြောင်း အရင်းအမြစ်များက အတည်ပြုခဲ့ကြ ပါသည်။ဇွန်လမတိုင်မီက Metropoles သတင်းစာတွင် ဇီလန်စကီးသည် တစ်နှစ်ခွဲကျော်ကြာ လူလာ ဒါ ဆီလဗာထံသို့ တွေ့ဆုံရန် တောင်းဆိုသည့် စာများ ပေးပို့ခဲ့သော်လည်း ၎င်းထံမှ အကြောင်းပြန်ချက် တစ်စုံတစ်ရာ မရရှိခဲ့ကြောင်း ဖော်ပြခဲ့ပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 12-Jun-2025
© Copyright 2024 SAC All Rights Reserved.