တံတားဦးမြို့နယ်၌ ၂၀၂၅-၂၀၂၆ ပညာသင်နှစ် အခြေခံပညာကျောင်းများ စတင်ဖွင့်လှစ်ရာ ကျောင်းသား/ သူများအားလုံး အေးချမ်းပျော်ရွှင်စွာ ပညာသင်ကြားလျက်ရှိ

saceditor

News Image

  • တံတားဦးမြို့နယ်၌ ၂၀၂၅-၂၀၂၆ ပညာသင်နှစ် အခြေခံပညာကျောင်း များစတင်ဖွင့်လှစ်ရာ ကျောင်းသား/ သူများအားလုံး အေးချမ်းပျော်ရွှင်စွာ ပညာသင်ကြားလျက်ရှိ
  • တံတားဦးမြို့နယ်၌ ၂၀၂၅-၂၀၂၆ ပညာသင်နှစ် အခြေခံပညာကျောင်း များစတင်ဖွင့်လှစ်ရာ ကျောင်းသား/ သူများအားလုံး အေးချမ်းပျော်ရွှင်စွာ ပညာသင်ကြားလျက်ရှိ

မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် ၂၀၂၅-၂၀၂၆ ပညာသင်နှစ် အခြေခံပညာ ကျောင်းများအားလုံး ဇွန်လ ၂ ရက်နေ့၊ နံနက် (၇) နာရီခွဲ အချိန်မှစတင်ဖွင့်လှစ်ရာ ကျောင်းသား၊ ကျောင်းသူများ အေးချမ်းပျော်ရွှင်စွာဖြင့် စတင်တက်ရောက်ပညာသင်ကြားကြကြောင်းသိရသည် ။

တံတားဦးမြို့နယ်အနေဖြင့် မတ်လ ၂၈ ရက်နေ့တွင် လှုပ်ခတ် ခဲ့သည့်မန္တလေးငလျင်ကြီးကြောင့် အန္တရာယ် ရှိသော အဆောက်အဦအဖြစ် သတ်မှတ်ထားသည့် အချို့သော အခြေခံပညာကျောင်းများတွင် နံနက်(၇) နာရီခွဲ အချိန်မှ နေ့လယ် (၁၁)နာရီခွဲအချိန်ထိ KG တန်းမှ Grade-8 တန်းအထိ နံနက်ပိုင်း သင်ကြားပေးပြီး Grade-9တန်းမှ Grade -12တန်းအထိ မွန်းတည့်(၁၂)နာရီမှ ညနေ(၄)နာရီခွဲအချိန်ထိသင်ကြားပေးလျက်ရှိပါကြောင်း၊ ထိုအခြေခံပညာကျောင်းများမှာ အ.ထ.က - တံတားဦး ၊ အ.ထ.က-တောင်ဘီလူ ၊ အ.ထ.က-မြင်းသည်၊ အ.ထ.က(ခွဲ)စကားအင်း ၊ အထ.က(ခွဲ) အေးကြည်ကုန်းနှင့်မူလတန်းလွန် လက်ဆောင်ယူကျောင်းတို့ ဖြစ်ကြောင်း မြို့နယ်ပညာရေးမှူးရုံးမှသိရသည် ။

တံတားဦးမြို့နယ်တွင် အထက (၈) ကျောင်း ၊ အထက-ခွဲ (၉) ကျောင်း ၊ အလက (၁၀) ကျောင်း ၊ အလက-ခွဲ (၈) ကျောင်း ၊ မူလွန် (၁၇) ကျောင်း ၊ အမက (၆၈) ကျောင်း ၊ အမက-ခွဲ (၁) ကျောင်း ၊ ဘုန်းတော်ကြီးသင် ပညာရေးကျောင်း (၉) ကျောင်း ၊ စုစုပေါင်း (၁၃၀) ကျောင်းသည် ၂၀၂၅-ခုနှစ် ဇွန်လ (၂) ရက်နေ့မှ စတင်ကာ ဖွင့်လှစ်ပညာကြားလျက်ရှိကြောင်းသိရသည်။

ပေးပို့သူ- ဦးရဲတင့် (ပြန်/ဆက်)

 

MM-News-Category
လူမှုရေးကဏ္ဍသတင်း
လူမှုရေး-ပညာရေး

ဆက်စပ်သတင်းများ

စိမ်းလန်းစိုပြည်မှုရှိသည့် ပတ်ဝန်းကျင်က လူသားများ၏ စိုးရိမ်ကြောင့်ကြမှုနှင့် စိတ်ဖိစီးမှုတို့ကို ဖြေဖျောက်ရာတွင် အထောက်အကူပြုဟုဆို
စိမ်းလန်းစိုပြည်မှုရှိသည့် ပတ်ဝန်းကျင်က လူသားများ၏ စိုးရိမ်ကြောင့်ကြမှုနှင့် စိတ်ဖိစီးမှုတို့ကို ဖြေဖျောက်ရာတွင် အထောက်အကူပြုဟုဆို
ဇီဝမျိုးကွဲများ ပေါကြွယ်ဝပြီး စိမ်းလန်းစိုပြည်မှုရှိသည့်    ပတ်ဝန်းကျင်တို့သည် စိတ်ကျန်းမာရေးကို ပိုမိုတိုးတက် ကောင်းမွန်စေနိုင်ပြီး  လူသားများတွင် ဖြစ်ပွားတတ်သည့် စိုးရိမ်ကြောင့်ကြမှုနှင့် စိတ်ဖိစီးမှုကဲ့သို့သော အခြေအနေများကို     ဖြေဖျောက်ရာတွင် အထောက်အကူပြုကြောင်း လေ့လာမှုတစ်ရပ်တွင် ဖော်ပြသည်။ဇီဝမျိုးစုံမျိုးကွဲသည့်ဒေသများ သို့မဟုတ် စိမ်းလန်းစိုပြည်သည့် သစ်တောများနှင့် ပန်းခြံများကဲ့သို့သော နေရာများသည် စိတ်ကြောင့်ဖြစ်ပေါ်သည့်  အပြုသဘောမဆောင်‌သော အခြေအနေများကို  ဟန့်တားပေးနိုင်ပြီး သဘာဝတရားကြီးသည်   လူသားများ၏ စိတ်ကျန်းမာရေးအပေါ် လွှမ်းမိုးမှုရှိသည်ဟု Nature Cities တွင်ဖော်ပြထားသည်။ကျွမ်းကျင်သူများသည် ဇီဝမျိုးကွဲစုံလင်သည့် နေရာဒေသများကို အမျိုးအစား သုံးမျိုးခွဲခြား၍ ဖော်ပြထားသည်။ ၎င်းတို့မှာ အပန်းဖြေနိုင်သည့် နေရာများ၊ အဓိကကျသည့် ဇီဝမျိုးစုံလင်သော နေရာဒေသများနှင့် သဘာဝပတ်ဝန်းကျင် ပျက်စီးမှုမရှိသေးသည့် သစ်တောဧရိယာများ ပါဝင်သည်။စိတ်ကျန်းမာရေးသည် ယခုအခါ ကမ္ဘာတစ်ဝန်းရှိ လူသားများအတွက် ဝန်ထုပ်ဝန်ပိုး တစ်ခုဖြစ်လာပြီး စိတ်ကျန်းမာရေး ချို့တဲ့မှုကြောင့် ၂၀၁၀ ပြည့်နှစ်အတွင်းမှာပင် ကမ္ဘာ့စီးပွားရေးအား ဒေါ်လာ ၂ ဒသမ ၅ ထရီလီယံ ဆုံးရှုံးနစ်နာစေခဲ့ကြောင်း၊ လူသားများတွင် အဖြစ်အများဆုံး စိတ်ကျန်းမာရေး ချို့တဲ့မှုမှာ စိုးရိမ်ကြောင့်ကြမှုနှင့် စိတ်ဖိစီးမှုတို့ဖြစ်ကြောင်း လေ့လာမှုတွင် ဆက်လက် ဖော်ပြထားသည်။MWD Web Portal
Fri, 6-Jun-2025
ခန္ဓာကိုယ်အလေးချိန်ကို လျော့ကျစေသည့် နာမည်ကြီးဆေးဝါးက ကင်ဆာရောဂါ ဖြစ်ပွားမှုကို မြင့်တက်စေနိုင်
ခန္ဓာကိုယ်အလေးချိန်ကို လျော့ကျစေသည့် နာမည်ကြီးဆေးဝါးက ကင်ဆာရောဂါ ဖြစ်ပွားမှုကို မြင့်တက်စေနိုင်
ခန္ဓာကိုယ်အလေးချိန်ကို လျော့ကျစေသည့် နာမည်ကြီးဆေးဝါးသည် သုံးစွဲသူများတွင် ကင်ဆာရောဂါဖြစ်ပွားမှုကို မြင့်တက်စေနိုင်ကြောင်း သုတေသနအသစ် တစ်ခုတွင် ဖော်ပြထားသည်။ကိုယ်အလေးချိန်လျော့ကျစေသည့် နာမည်ကြီးဆေးဝါး တစ်မျိုးဖြစ်သော Ozempic နှင့် အလားတူဆေးဝါးများသည် သုံးစွဲသူများတွင် ကျောက်ကပ်ကင်ဆာ ဖြစ်ပွားနိုင်ခြေကို ၃၃ ရာခိုင်နှုန်းမြင့်တက်စေနိုင်ကြောင်း အမေရိကန်ကုခန်းဆိုင်ရာ ဆေးဝါးအဖွဲ့အစည်းက ကျင်းပသည့်ကွန်ဖရင့်၌ တင်သွင်းသည့် သုတေသနစာတမ်းတွင် ဖော်ပြထားသည်။သုတေသနပညာရှင်များသည် အမေရိကန်ပြည်ထောင်စု ဖလော်ရစ်ဒါပြည်နယ်ရှိ ရောဂါဝေဒနာရှင်ပေါင်း ၈၆၀၀၀ ကျော်ကို ၁၀ နှစ်ကာလအတွင်းလေ့လာခဲ့ရာ ၎င်းတို့အနက်မှ ၈၃ ဦးသည် ကိုယ်အလေးချိန် လျော့ကျစေသည့် ဆေးဝါးများကို သုံးစွဲခဲ့ကြောင်း တွေ့ရှိခဲ့ရသည်။ကင်ဆာရောဂါသည် အစောပိုင်းအဆင့်တွင် ရောဂါလက္ခဏာပြသမှုမရှိဘဲ ရောဂါလက္ခဏာ ပြသချိန်များတွင် ရောဂါမှာပျံ့နှံ့သွားနိုင်သောကြောင့် ယင်းအခြေအနေမျိုးတွင် ရောဂါအား ကုသရန် ခက်ခဲစေတတ်ကြောင်း အင်ဒီယာနာ တက္ကသိုလ်မှ သုတေသနအဖွဲ့ခေါင်းဆောင် ဒေါက်တာဟောင်တိုင်ကပြောသည်။ ထို့ကြောင့် ယခုတွေ့ရှိမှုသည် စိုးရိမ်ဖွယ်ဖြစ်သည်ဟု ၎င်းကဆက်လက် ပြောကြားသည်။MWD Web Portal
Fri, 6-Jun-2025
မကြောက်ကြသည့် လူ့ဘောင်အဖွဲ့အစည်းအား ပညာကမ္ဘာနှင့်သာ တည်ဆောက်ရမည်ဟု IBEC ဆရာတော်မိန့်ကြား
မကြောက်ကြသည့် လူ့ဘောင်အဖွဲ့အစည်းအား ပညာကမ္ဘာနှင့်သာ တည်ဆောက်ရမည်ဟု IBEC ဆရာတော်မိန့်ကြား
မကြောက်ကြသည့် လူ့ဘောင်အဖွဲ့အစည်းအားတည်ဆောက်ကြမည်ဆိုပါက ပညာကမ္ဘာနှင့်တည်ဆောက်ရမည်ဟု IBEC ဆရာတော်မှ ဇွန် ၃ ရက်နံနက်ပိုင်းက စစ်ကိုင်းတိုင်း၊ စစ်ကိုင်းတောင်ရိုးပေါ်ရှိ အပြည်ပြည်ဆိုင်ရာဗုဒ္ဓဘာသာပညာရေးစင်တာ၌ ကျင်းပသည့် ၂၀၂၅-၂၀၂၆ ပညာသင်နှစ်၏ ကျောင်းဖွင့်ပွဲအခမ်းအနား၌ မိန့်ကြားတော်မူခဲ့ခြင်းဖြစ်သည်။” ဥပဒေ၊ စည်းကမ်း၊ နည်းဥပဒေဆိုတာ တိုင်းသူ ပြည်သားတွေလိုက်နာကြရမယ့် ကျင့်ဝတ်စည်း ကမ်းတွေဖြစ်တယ်။ ကျောင်းတော်သူ၊ ကျောင်းတော်သားတွေဟာ စည်းမဲ့ကမ်းမဲ့နဲ့ ပညာသင်ကြမယ်ဆိုရင် တိုင်းပြည်ရဲ့အနာဂတ်ဟာ ပရမ်းပတာတိုင်းပြည်သာဖြစ်လာလိမ့်မယ်။ IBEC ကျောင်းတော်ကြီးဟာ နိုင်ငံတော်အစိုးရကချမှတ်ထားတဲ့ တည်ဆဲဥပဒေတွေကိုလေးစားလိုက်နာတဲ့ ကျောင်းတော်ကြီးဖြစ်သလို ပညာရေးဝန်ကြီးဌာနက ချမှတ်ထားတဲ့ စည်းမျဥ်းစည်းကမ်းတွေကို ချိုးဖေ-ာက်တဲ့ကျောင်းတွေထဲမှာလည်း IBEC ကျောင်းတော်ကြီးမပါဝင်ဘူး”ဟု IBEC ဆရာတော်က မိန့်ကြားတော်မူခဲ့သည်။ထို့ပြင် ကြောက်နေရသည့် လောကကြီးထဲမှ မကြေ-ာက်ကြသည့် လူ့ဘောင်အဖွဲ့အစည်းကို တည်ဆောက်ကြမည်ဆိုပါက ပညာကမ္ဘာဖြင့် တည်ဆောက်ရမည်ဖြစ်ပြီး ဥပဒေများ၊ စည်းကမ်းများ၊ ဓလေ့ထုံးတမ်းစဥ်လာများကို တန်ဖိုးထားလိုက်နာကျင့်သုံး၍လည်း တည်ဆောက်ကြရမည်ဟု မိန့်ကြားသည်။” နိုင်ငံရေးစစ်ရေးဆိုတာ ကျောင်းသားတွေနဲ့ လားလားမှမဆိုင်ပါဘူး။ ကျောင်းသားတွေရဲ့အနာဂတ်ကမ္ဘာကို ကျောင်းသားတွေ ကိုယ်တိုင်ပိုင်ဆိုင်တာကြောင့် ပညာကမ္ဘာတည်ဆောက်ပြီးချိန်ကြမှသာ တိုင်းပြည်ရဲ့နိုင်ငံ့သားကောင်းတွေအနေနဲ့ နိုင်ငံတော်ကိုဆက်လက်အုပ်ချုပ်နိုင်ဖို့ ကြိုးစားကြပါ”ဟု IBEC ဆရာတော်ကမိန့်ကြားသည်။ထို့အတူ စာသင်ကျောင်းများ၌ စနစ်တကျပညာသင်ကြားပြီးမှသာ နိုင်ငံတော်နှင့်ကမ္ဘာကြီး၏ တည်ဆဲဥပဒေ၊ စည်းကမ်းနည်းလမ်းများကို စနစ်တကျသင်ယူကြရမည်ဖြစ်ကာ ပညာနှင့်သာ အရာရာကိုပြောင်းလဲနိုင်မည်၊ ကိုယ်ကျင့်တရားနှင့်သာ အရာရာကိုပြောင်းလဲနိုင်မည်၊ ဆင်ခြင်တုံတရားဖြင့်သာ အနာဂတ်ကိုပြောင်းလဲနိုင်မည်ဟု မိန့်ကြားသည်။ထို့ပြင် ‌သေနတ်ကိုင်ကာ ကမ္ဘာလောကကြီးအား ပြောင်းလဲ၍ရသည့်နိုင်ငံအား မိမိအနေဖြင့်မတွေ့ဘူးခဲ့ဘဲ ပြောင်းလဲ၍ရပါကလည်း ယင်းနိုင်ငံများသည် ကြေမွပျက်စီးပြီး နိုင်ငံသူ၊ နိုင်ငံသားများ၏ ဘဝများမှာလည်း ဆုံးရှုံးခြင်းမကဆုံးရှုံးကြရလိမ့်မည်ဟု IBEC ဆရာတော်က မိန့်ကြားတော်မူခဲ့သည်။Source: Popular Myanmar
Fri, 6-Jun-2025
ထရမ့်က ဟားဗတ်အပြည်ပြည်ဆိုင်ရာကျောင်းသားအသစ်များအတွက် ဗီဇာထုတ်ပေးမှုကို ဆိုင်းငံ့ရန် ကြေညာချက်ကို လက်မှတ်ရေးထိုး
ထရမ့်က ဟားဗတ်အပြည်ပြည်ဆိုင်ရာကျောင်းသားအသစ်များအတွက် ဗီဇာထုတ်ပေးမှုကို ဆိုင်းငံ့ရန် ကြေညာချက်ကို လက်မှတ်ရေးထိုး
ထရမ့်အစိုးရက ဟားဗတ်တက္ကသိုလ်မှ အပြည်ပြည်ဆိုင်ရာ ကျောင်းသားအသစ်များအတွက် ဗီဇာထုတ်ပေးမှုကို ဆိုင်းငံ့ရန် ကြေညာချက်ကို ဗုဒ္ဓဟူးနေ့ (ဇွန် ၄) က လက်မှတ်ရေးထိုးလိုက်ကြောင်း အိမ်ဖြူတော်က ကြေညာခဲ့သည်။ အဆိုပါဆုံးဖြတ်ချက်သည် အဆင့်အတန်းမြင့် တက္ကသိုလ် ဖြစ်သည့် ဟားဗတ်တက္ကသိုလ်သို့ နိုင်ငံခြားသားများ ဝင်ရောက်ခြင်းကို တားဆီးရန် အစိုးရ၏ ကြိုးပမ်းမှုများကို ပိုမိုထိရောက်စွာ မြှင့်တင်လိုက်ခြင်း ဖြစ်သည်။ထိုကြေညာချက်အရ အမေရိကန်ပြည်ထောင်စုရှိ တက္ကသိုလ်များတွင် ပညာသင်ကြားရန် သို့မဟုတ် ပညာရေးဖလှယ်ရေးအစီအစဉ်များတွင် ပါဝင်ရန် အသုံးပြုသည့် F ၊ M နှင့် J ဗီဇာများဖြင့် ဟားဗတ်တက္ကသိုလ်မှ ကျောင်းသားအသစ်များ၏ ဝင်ရောက်ခွင့်ကို ယာယီရပ်ဆိုင်းလိုက်သည်။ထို့အပြင် လက်ရှိဟားဗတ်ကျောင်းသားများအနက် အဆိုပါ ကြေညာချက်၏ သတ်မှတ်ချက်များနှင့်ကိုက်ညီသူများ၏ ဗီဇာများကို ပယ်ဖျက်ရန် ချိန်ဆသွားမည်ဟု နိုင်ငံခြားရေးဝန်ကြီးအား ညွှန်ကြားထားကြောင်း အိမ်ဖြူတော်၏ ကြေညာချက်တွင် ဖော်ပြထားသည်။အဆိုပါဆုံးဖြတ်ချက်သည် အမေရိကန်၏ သက်တမ်းအရင့်ဆုံးနှင့် အချမ်းသာဆုံးတက္ကသိုလ်ဖြစ်သည့် ဟားဗတ်တွင် နိုင်ငံခြား ကျောင်းသားများကို ပစ်မှတ်ထားသည့် အစိုးရ၏ ယခင်ကြိုးပမ်းမှုကို ဖက်ဒရယ် တရားသူကြီးက ရပ်တန့်လိုက်ပြီး ရက်ပိုင်းအတွင်းမှာပင် ဟားဗတ်၏ အပြည်ပြည်ဆိုင်ရာကျောင်းသားများ (စုစုပေါင်းကျောင်းသား၏ ၂၇% ခန့်) ကို လက်ခံနိုင်မှုအပေါ် ထပ်မံသံသယဖြစ်စေခဲ့သည်။ဟားဗတ်တက္ကသိုလ်၏ ပြောရေးဆိုခွင့်ရှိသူက ယင်းတက္ကသိုလ်အနေဖြင့် “အပြည်ပြည်ဆိုင်ရာကျောင်းသားများကို ကာကွယ်ရန် ဆက်လက် ကြိုးပမ်းသွားမည်” ဟု ပြောကြားခဲ့သည်။“ဤသည်မှာ ဟားဗတ်၏ ပထမပြင်ဆင်ချက်အခွင့်အရေးကို ချိုးဖောက်သည့် အုပ်ချုပ်ရေးအဖွဲ့၏ နောက်ထပ်တရားမဝင် လက်တုံ့ပြန်သည့်ခြေလှမ်းတစ်ခုပါ” ဟု ဟားဗတ်ပြောရေးဆိုခွင့်ရှိသူက CNN သို့ ထုတ်ပြန်ချက်တွင် ပြောကြားခဲ့သည်။အိမ်ဖြူတော်က ထိုဆုံးဖြတ်ချက်သည် အမျိုးသားလုံခြုံရေးကို ကာကွယ်ရန် အားထုတ်မှုတစ်ရပ်ဖြစ်ကြောင်းပြောကြားကာ ဟားဗတ် တက္ကသိုလ် အား “စိုးရိမ်ဖွယ်ရာ ပြည်ပဆက်နွှယ်မှုများနှင့် အစွန်းရောက်ဝါဒ” ရှိသည် ဟု စွပ်စွဲခဲ့သည်။ ထို့အပြင် ကြေညာချက်တွင် ဟားဗတ်တက္ကသိုလ်သည် နိုင်ငံခြားကျောင်းသားများနှင့်ပတ်သက်သည့် လုံလောက်သော အချက်အလက်များကို မပေးနိုင်ခြင်းနှင့် ကျောင်းသားသုံးဦး၏ ချွတ်ယွင်းနေသော အချက်အလက်များကိုသာတင်ပြခြင်း တို့ကြောင့်လည်း ဖြစ်သည် ဟု ဖော်ပြထားသည်။“ဟားဗတ်တက္ကသိုလ်သည် နိုင်ငံခြားကျောင်းသားများအတွက် ၎င်း၏ စည်းကမ်းချက်မှတ်တမ်းများကို အပြည့်အဝ အစီရင်ခံမှုမပြု သို့မဟုတ် ၎င်း၏နိုင်ငံခြားကျောင်းသားများကို စနစ်တကျ ကြပ်မတ်မှုမရှိ” ဟု အိမ်ဖြူတော်က ပြောကြားခဲ့သည်။ ထို့အပြင် Ivy League တက္ကသိုလ် အား ကျောင်းဝင်းအတွင်း ဂျူးဆန့်ကျင်ရေးဝါဒကို ကိုင်တွယ်ဖြေရှင်းရန် ပျက်ကွက်ခြင်းနှင့် မတူကွဲပြားမှု၊ တရားမျှတမှုနှင့် ပါဝင်မှု (DEI) တို့ကို ဦးစားပေးလုပ်ဆောင်ရန် ပျက်ကွက်ခဲ့ကြောင်းလည်း စွပ်စွဲခဲ့သည်။အမိန့်ကြေညာချက်အသစ်တွင် “ဝင်ရောက်လာသူသည် အမျိုးသား အကျိုးစီးပွားအတွက် အရေးပါသည်ဟု သတ်မှတ်ခံရသူများကို ခြွင်းချက် ထုတ်ထားသည်” ဟု ဖော်ပြထားပြီး SEVP အစီအစဉ်မှတစ်ဆင့်အမေရိကန်ရှိ အခြားတက္ကသိုလ်များတက်ရောက်နေသူများနှင့် သက်ဆိုင်မည် မဟုတ်ပေ။သမ္မတ၏ အမိန့်သည် ဆက်လက်တိုးမြှင့်ခြင်းမရှိပါက ခြောက်လကြာ မြင့်မည်ဖြစ်ပြီး ဆက်လက်၍ သက်တမ်းတိုးမြှင့်သင့်၊ မသင့်နှင့်ပတ်သက်၍ အမေရိကန်ရှေ့နေချုပ်နှင့် ပြည်ထဲရေးဝန်ကြီးတို့အား ရက် ၉၀ အတွင်း အကြံပြုချက်တင်ပြရန် ညွှန်ကြားထားသည်။ကိုးကား-CNNဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Thu, 5-Jun-2025
ကျန်းမာရေးဝန်ကြီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာနသည် အရည်အသွေးစစ်မှန်ကောင်းမွန်ပြီး ဘေးအန္တရာယ်ကင်းရှင်းသော အစားအသောက်များကိုအများပြည်သူတို့ စားသုံး နိုင်ရန် စဉ်ဆက်မပြတ် စိစစ်ဆောင်ရွက်လျက်ရှိပါသည်။ ထိုင်းဘာသာစကားဖြင့် ကပ်နှိပ်ထားသော Sprite အမှတ်တံဆိပ် အစိမ်းရောင်အချိုရည်ဘူးများသည် အစားအသောက်နှင့် ဆေးဝါးကွပ်ကဲရေးဦးစီးဌာန (FDA) ၏ ထောက်ခံချက်မရှိဘဲ ဈေးကွက်များတွင် တရားမဝင်တုပထုတ်လုပ်ဖြန့်ဖြူးရောင်းချနေကြောင်း စိစစ်တွေ့ရှိရပါသည်။ သို့ဖြစ်ပါ၍စားသုံးသူပြည်သူများ၏ ကျန်းမာရေးကို ထိခိုက်စေနိုင်ပြီး အရည်
တရားမဝင်တုပထုတ်လုပ်ဖြန့်ဖြူးရောင်းချနေသော အစားအသောက်နှင့်ပတ်သက်၍ အများပြည်သူသိရှိရန် အသိပေးကြေညာချက်
ကျန်းမာရေးဝန်ကြီးဌာန၊ အစားအသောက်နှင့် ဆေးဝါးကွပ်ကဲရေးဦးစီးဌာနသည် အရည်အသွေးစစ်မှန်ကောင်းမွန်ပြီး ဘေးအန္တရာယ်ကင်းရှင်းသော အစားအသောက်များကိုအများပြည်သူတို့ စားသုံး နိုင်ရန် စဉ်ဆက်မပြတ် စိစစ်ဆောင်ရွက်လျက်ရှိပါသည်။ထိုင်းဘာသာစကားဖြင့် ကပ်နှိပ်ထားသော Sprite အမှတ်တံဆိပ် အစိမ်းရောင်အချိုရည်ဘူးများသည် အစားအသောက်နှင့် ဆေးဝါးကွပ်ကဲရေးဦးစီးဌာန (FDA) ၏ ထောက်ခံချက်မရှိဘဲ ဈေးကွက်များတွင် တရားမဝင်တုပထုတ်လုပ်ဖြန့်ဖြူးရောင်းချနေကြောင်း စိစစ်တွေ့ရှိရပါသည်။ သို့ဖြစ်ပါ၍စားသုံးသူပြည်သူများ၏ ကျန်းမာရေးကို ထိခိုက်စေနိုင်ပြီး အရည်အသွေးအာမခံချက်နှင့် တာဝန်ယူမှု၊တာဝန်ခံမှုမရှိနိုင်သည့် ၎င်းအစား အသောက်အမယ်အား စားသုံးသူများအနေဖြင့် ဝယ်ယူစားသုံးခြင်းမပြုရန် အသိပေးအပ်ပါသည်။ဖြန့်ဖြူး/ရောင်းချသူများအနေဖြင့် ၎င်းအစား အသောက်အမယ်အား ဈေးကွက်အတွင်း ဖြန့်ဖြူးရောင်းချခြင်းမပြုလုပ်ရန်နှင့် လိုက်နာဆောင်ရွက်ခြင်းမရှိပါကအမျိုးသားအစား အသောက်ဥပဒေပုဒ်မ၂၈ (က) အရအရေးယူဆောင်ရွက်သွားမည်ဖြစ်ကြောင်းအသိပေး ကြေညာလိုက်သည်။အစားအသောက်နှင့်ဆေးဝါးကွပ်ကဲရေးဦးစီးဌာနကျန်းမာရေးဝန်ကြီးဌာန
Thu, 5-Jun-2025
အသက်ရှူလမ်းကြောင်းဆိုင်ရာ ကူးစက်ရောဂါများဖြစ်သည့် ရာသီတုပ်ကွေးနှင့် ကိုဗစ်-၁၉ ရောဂါများ ကြိုတင်ကာကွယ်ရေး သတိပေးနှိုးဆော်ချက်
အသက်ရှူလမ်းကြောင်းဆိုင်ရာ ကူးစက်ရောဂါများဖြစ်သည့် ရာသီတုပ်ကွေးနှင့် ကိုဗစ်-၁၉ ရောဂါများ ကြိုတင်ကာကွယ်ရေး သတိပေးနှိုးဆော်ချက်
မိုးရာသီတွင် ရာသီတုပ်ကွေးရောဂါနှင့် ကိုဗစ်-၁၉ ရောဂါ စသည့် အသက်ရှူလမ်းကြောင်းဆိုင်ရာ ကူးစက်ရောဂါများပိုမိုကူးစက်ဖြစ်ပွားနိုင်ပါသည်။ ကိုဗစ်-၁၉ရောဂါအားကမ္ဘာ့ကပ်ရောဂါအဖြစ် သတ်မှတ်ထားခြင်းမရှိတော့ဘဲ ရာသီတုပ်ကွေးရောဂါကဲ့သို့ ဒေသတွင်းပုံမှန်ကူးစက်ဖြစ်ပွားတတ်သည့် ရောဂါအဖြစ်သာ သတ်မှတ်ထားပါသည်။ လတ်တလောတွင် မိမိတို့နိုင်ငံအတွင်း၌ အဆိုပါရောဂါများ ကူးစက်ဖြစ်ပွား/သေဆုံးမှုနှင့်စပ်လျဉ်း၍ စိုးရိမ်ဖွယ်ရာအခြေအနေမရှိသော်လည်း အဆိုပါရောဂါများ ဖြစ်ပွားမှုမှ ကြိုတင်ကာကွယ်နိုင်ရန် ပြည်သူလူထုအနေဖြင့် အောက်ပါတို့ကို သတိပြုလိုက်နာဆောင်ရွက်ကြရန် တိုက်တွန်းနှိုးဆော်အပ်ပါသည်-လတ်တလောအသက်ရှူလမ်းကြောင်းဆိုင်ရာ ရောဂါလက္ခဏာများဖြစ်သော ဖျားခြင်း၊ နှာစေးခြင်း၊ နှာချေခြင်း၊ ချောင်းဆိုးခြင်း၊ လည်ပင်းနာခြင်း စသည့်လက္ခဏာများ ရှိသူများအနေဖြင့် မိမိမှ အခြားသူများသို့ ကူးစက်မှုမရှိစေရေးအတွက်-(က) လူထူထပ်သောနေရာများသို့ သွားခြင်းမှ ရှောင်ကြဉ်ခြင်းနှင့် မဖြစ်မနေသွားရောက်ရန်ရှိပါက ပါးစပ်နှင့်နှာခေါင်းစည်း (Mask) အား စနစ်တကျ ဝတ်ဆင်ခြင်း၊(ခ) ပါးစပ်နှင့်နှာခေါင်းစည်း ဝတ်ဆင်ထားခြင်းမရှိချိန်၌ နှာချေ၊ ချောင်းဆိုးပါက လက်ကိုင် ပဝါ/တံတောင်ကွေးဖြင့် လုံအောင်အုပ်၍ နှာချေ၊ ချောင်းဆိုးခြင်း၊(ဂ) ရောဂါလက္ခဏာပြင်းထန်ပါက နီးစပ်ရာဆေးရုံ/ကျန်းမာရေးဌာနသို့ ချက်ချင်းပြသ၍ ဆေးကုသမှုခံယူခြင်း။တစ်ကိုယ်ရေကာကွယ်ရေး နည်းလမ်းများဖြစ်သည့် လက်ကို ရေနှင့်ဆပ်ပြာ သို့မဟုတ် ရေမလို လက်သန့်စင်ဆေးရည်(Hand sanitizer)ဖြင့် မကြာခဏ စနစ်တကျ ဆေးကြောခြင်း၊ကိုဗစ်-၁၉ ရောဂါကာကွယ်ဆေးများသည် ကိုဗစ်-၁၉ ရောဂါ မျိုးရိုးဗီဇကွဲများ ကူးစက်ဖြစ်ပွား ခြင်းနှင့် ရောဂါလက္ခဏာပြင်းထန်မှုနှင့် အသက်ဆုံးရှုံးမှုတို့မှ ထိရောက်စွာ ကာကွယ်ပေး သည့်အတွက် ရောဂါကူးစက်ခံရပါက ရောဂါပြင်းထန်နိုင်ခြေနှင့် အသက်ဆုံးရှုံးနိုင်ခြေမြင့်မား သည့် အသက်အရွယ်ကြီးသူများ၊ ဆီးချိုရောဂါ၊ နာတာရှည် အဆုတ်ရောဂါ၊ ကင်ဆာရောဂါ ရှိသူများ၊ကိုယ်ဝန်ဆောင်မိခင်များအနေဖြင့် ကိုဗစ်-၁၉ ရောဂါ ထပ်ဆောင်းကာကွယ်ဆေး ထိုးနှံမှုခံယူခြင်း။ကျန်းမာရေးဝန်ကြီးဌာန(၄-၆-၂ဝ၂၅)
Thu, 5-Jun-2025
© Copyright 2024 SAC All Rights Reserved.