ရေမြှုပ်မိုင်းများကို ရှင်းမယ့် ရဟတ်ယာဉ်မှ ပစ်နိုင်တဲ့ ဒုံးကျည်များ

sacadmin

News Image

  • ရေမြှုပ်မိုင်းများကို ရှင်းမယ့် ရဟတ်ယာဉ်မှ ပစ်နိုင်တဲ့ ဒုံးကျည်များ

အမေရိကန်ရေတပ်က သူတို့ရဲ့ရေမြှုပ်မိုင်း ရှင်းလင်းရေးလုပ်ငန်းကို ပိုမိုအောင်မြင်စွာ လုပ်ဆောင်နိုင်စေဖို့ BAE Systems ကုမ္ပဏီကို ဒေါ်လာ ၁၀ သန်းခွဲတန်ဖိုးရှိတဲ့ ကန်ထရိုက်တစ်ခု ပေးလိုက်ပါတယ်။ အဲဒီ ကန်ထရိုက်က ဝေဟင်မှနေပြီးမိုင်းများကို ရှင်းလင်းမယ့်စနစ်ကိုဖန်တီးဖို့ပါ။ အဲဒီစနစ်ကိုတော့ Archerfish လို့အမည်ပေးထားပါတယ်။

ဒီစနစ်က ဗြိတိန်တော်ဝင်ရေတပ်မှာ အသုံးပြုဖို့ BAE Systems ကဖန်တီးပေးထားတဲ့စနစ်ဖြစ်ပြီး အခုစနစ်မှာတော့ မူလကထက် အမြန်နှုန်းနဲ့တိကျမှုနှုန်း ၄ ဆကျော်ပိုမြင့်တဲ့ ရေမြှုပ်မိုင်းဖျက်ဆီးရေး ဒုံးကျည်များ ပါဝင်မှာ ဖြစ်ပါတယ်။ အဲဒီ ဒုံးကျည်များကို  ရဟတ်ယာဉ်ပေါ်မှာ တင်ဆောင်ကာ ပစ်ခတ်နိုင်မှာဖြစ်ပြီး ၂၀၂၇ ခုနှစ်မှာ အပြီးသတ်နိုင်ဖို့ မျှော်မှန်းထားပါတယ်။     

နည်းပညာသတင်း

MWD Web Portal

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ဖူဂျီတောင်ခြေမှာထွက်ပေါ်လာတော့မယ့် ကမ္ဘာ့ပထမဆုံးသော စက်ရုပ်မြို့တော်
ဖူဂျီတောင်ခြေမှာထွက်ပေါ်လာတော့မယ့် ကမ္ဘာ့ပထမဆုံးသော စက်ရုပ်မြို့တော်
ဖူဂျီတောင်ဆိုတာ ဂျပန်နိုင်ငံအတွက်အထင် ကရအဖြစ်ဆုံးသောနေရာတစ်ခုအဖြစ် လူသိများပါတယ်။ အဲဒီလိုနေရာမှာ နောက်ထပ် အထင်ကရဖြစ်စေမယ့်အရာတစ်ခု ထွက်ပေါ်လာတော့မှာဖြစ်ပါတယ်။ သိပ်မကြာလှတဲ့အချိန်မှာပေါ့။ အဲဒီအရာကဘာလဲဆိုရင် ကမ္ဘာပေါ်မှာပထမဆုံးဖြစ် လာမယ့် စက်ရုပ်မြို့ တော်ပါပဲ။ တိုယိုတာကုမ္ပဏီက ဖန်တီးတည်ဆောက်ထားတာဖြစ်ပါတယ်။အခုလိုမျိုးအကောင်အထည်ပေါ်လာစေဖို့စိတ်ကူးနဲ့ပုံဖော်မှုကို ဆယ်စုနှစ်တစ်ခုကျော်ကြာလုပ်ခဲ့ရတာပါ။ တည်ဆောက်မှုအတွက်ကိုတော့  အချိန်ငါးနှစ်ယူခဲ့တာဖြစ်ပါတယ်။ သူ့ကိုပေးထားတဲ့အမည် က "Woven City"ပါ။ ဧရိယာ ၁၇၅ ဧကမှာတည်ဆောက်ထားတဲ့စက်ရုပ်မြို့တော်က အနာဂတ်ကာလမှာ ကြုံတွေ့ရမယ့်သွားလာလှုပ်ရှားမှု၊ စမတ်ဖြစ်တဲ့အခြေခံအဆောက်အဦနဲ့ ရေရှည်ထိန်းသိမ်းနိုင်မယ့် နေထိုင်မှုပုံစံတို့ကို လက်တွေ့စမ်းသပ်မှုလုပ်နိုင်စေမယ့်နေရာတစ်ခုလည်းဖြစ်ပါတယ်။တိုယိုတာကုမ္ပဏီက Woven City ကို CES 2020 မှာစတင်ကြေညာခဲ့တာဖြစ်ပြီး ဒီနှစ်ဆောင်းရာသီမှာတော့ ဖွင့်လှစ်တော့မှာဖြစ်ပါတယ်။ တိုယိုတာဆိုတာ တော်ကားထုတ်လုပ်သူအဖြစ်သာရပ်တည်ခဲ့ရာမှ အခုအချိန်မှာတော့ သွားလာလှုပ်ရှားမှုအခြေခံတဲ့ နည်းပညာကုမ္ပဏီအဖြစ်ကို ပြောင်းလဲလာပြီဆိုတာ Woven City တည်ဆောက်မှုမှာ မြင်တွေ့လာရပါတယ်။ကမ္ဘာ့ပထမဆုံးသော စက်ရုပ်မြို့တော်ဖြစ်လာတဲ့ Woven City မှာ ကနဦးအနေနဲ့ လူအယောက် ၁၀၀ ကိုနေထိုင်ခွင့်ပြုသွားမှာပါ။ အဲဒီမှာနေထိုင်သွားမယ့် သူတွေက တိုယိုတာကုမ္ပဏီရဲ့ အင်ဂျင်နီယာတွေ၊ ဝန်ထမ်းတွေနဲ့ သူတို့ရဲ့မိသားစုတွေဖြစ်ပါတယ်။ရေရှည်မှာတော့ လူဦးရေ ၂၀၀၀ အထိကိုလက်ခံသွားမှာဖြစ်ပြီး လက်ရှိပထမအဆင့်မှာလူဦးရေ ၃၆၀ ကို နေထိုင်ခွင့်ပြုသွားမှာပါ။လတ်တလောမှာ အဓိကနေထိုင်သူအုပ်စုနှစ်ခုနဲ့ စက်ရုပ်မြို့တော်ကိုပုံဖော်သွားမှာဖြစ်ပါတယ်။ ပထမ အုပ်စုက တီထွင်သူများဖြစ်ပြီး ဒုတိယအုပ်စုကအသုံး ပြုသူများဖြစ်ပါတယ်။ တီထွင်သူများအုပ်စုက နည်းပညာအသစ်တွေကို စိတ်ကူးပုံဖော်ဖန်တီးမယ်။ အဲဒီအချိန်မှာပဲ အသုံးပြုသူများက တီထွင်သူများ ဖန်တီးထားတဲ့နည်းပညာအသစ်တွေကို နေ့စဉ်ဘဝမှာအသုံးပြုပြီး လိုအပ်ချက်တွေနဲ့တုံ့ပြန်မှုတွေကို တီထွင်သူများဆီပြန်ပြောပေးရမှာဖြစ်ပါတယ်။မြေပြင်မှာရှိတဲ့လမ်းတွေကိုလည်း အမျိုးအစား သုံးမျိုးခွဲခြားသွားမှာပါ။ တစ်မျိုးက လမ်းသွားလမ်းလာများအတွက်၊ ဒုတိယတစ်မျိုးက စက်ဘီးတို့၊ စကူ တာတို့လိုမျိုး အနှေးယာဉ်များအတွက်နဲ့ တတိယတစ်မျိုးက မောင်းသူမဲ့ယာဉ်များအတွက်ဆိုပြီးဖြစ်ပါတယ်။ ဒီလိုမျိုးခွဲခြားဖန်တီးရတဲ့ရည်ရွယ်ချက်က အလိုအလျောက်သုံးစနစ်တွေကို ထိန်းချုပ်ထားတဲ့ နေရာမှာစမ်းသပ်မှာဖြစ်ပေမယ့်လည်း မြို့ပြပုံစံကို အပြည့်အဝပုံဖော်ပြီး စမ်းသပ်သွားမှာဖြစ်ပါတယ်။“ကျွန်တော်တို့အနေနဲ့တည်ဆောက်သွားမယ့်မြို့တော်က လူအားလုံး၊ အဆောက်အအုံအားလုံး၊ ယာဉ်အားလုံးနဲ့  အရာအားလုံးကို အာရုံခံကိရိယာတွေ၊  AI တွေနဲ့ချိတ်ဆက်မယ့်မြို့ဖြစ်ပါတယ်”လို့ တိုယိုတာ ရဲ့ ဒါရိုက်တာအဖွဲ့ဥက္ကဋ္ဌ အာကီယိုတိုယိုဒါက ပြောထားပါတယ်။                    Ref: IEကိုထက်MWD Web Portal
Thu, 12-Jun-2025
လျှပ်စစ်စွမ်းအင်သာသီးသန့်သုံးမယ့် ကမ္ဘာ့အကြီးဆုံး လူတင်-ကားသယ်သင်္ဘော
လျှပ်စစ်စွမ်းအင်သာသီးသန့်သုံးမယ့် ကမ္ဘာ့အကြီးဆုံး လူတင်-ကားသယ်သင်္ဘော
ဖင်လန်ပင်လယ်ကွေ့တစ်လျှောက် အစိမ်းရောင်ရေကြောင်းစင်္ကြံတစ်ခုကိုဖန်တီးဖို့အတွက် ဖင်လန် သင်္ဘောကုမ္ပဏီတစ်ခုက လျှပ်စစ်စွမ်းအင်တစ်ခုတည်းကိုသာအသုံးပြုတဲ့ ကမ္ဘာ့အကြီးဆုံးသော လူတင်-ကားသယ်သင်္ဘောကို ထုတ်ဖော်ပြသလိုက်ပါတယ်။Helios လို့အမည်ပေးထားတဲ့ သယ်ယူပို့ဆောင်ရေးသင်္ဘောကို Viking Line ဆိုတဲ့သင်္ဘောကုမ္ပဏီက ဟယ်ဆင်ကီမြို့နဲ့ တယ်လင်းမြို့တို့ကြားမှာ ကာဗွန်ဒိုင်အောက်ဆိုက်ဓာတ်ငွေ့ထုတ်လွှတ်မှုကင်းစင်တဲ့ လမ်းကြောင်းတစ်ခုကိုဖော်ဆောင်ဖို့ရည်မှန်းကာ ထုတ်ဖော်ပြသလိုက်တာဖြစ်ပါတယ်။ သူ့ရဲ့အမှန်တကယ်လုပ်ငန်းဆောင်တာများကိုတော့ ၂၀၃၀ ပြည့်နှစ်အလွန်ကာလများမှာ စတင်လုပ်ဆောင်သွားမယ်လို့သိရပါတယ်။အလျားက ပေ ၆၄၀၊ ဗြက်က ၉၈ ပေရှိတဲ့ Helios သယ်ယူပို့ဆောင်ရေးသင်္ဘောဟာ ခရီးသည်ဦးရေ ၂၀၀၀၊ မော်တော်ကားအစီးရေ ၆၅၀ တို့ကိုတင်နိုင်မှာဖြစ်ပြီး သူ့ကိုမောင်းနှင်နိုင်ဖို့အတွက် မဂ္ဂါဝပ်နာရီ ၈၅ မှ ၁၀၀ ကြားထွက်ရှိတဲ့ ဘက်ထရီစနစ်တစ်ခုမှ စွမ်းအင်ရယူထားတာဖြစ်ပါတယ်။ဒီလိုများပြားလှတဲ့ဘက်ထရီစွမ်းအင်ပမာဏက ဟယ်ဆင်ကီနဲ့ တယ်လင်းမြို့ကြား ကီလိုမီတာ ၈၀ ကျော်ရှိတဲ့ ခရီးလမ်းကြောင်းကို အမြန်နှုန်းအဖြစ် ရေမိုင် ၂၃ မိုင်နှုန်းနဲ့ အချိန် ၂ နာရီဝန်းကျင်ကြာခုတ် မောင်းနိုင်စေဖို့လုံလောက်ပါတယ်။ ဘက်ထရီအားသွင်းခြင်းကိုတော့ ဆိပ်ကမ်းမှာဆိုက်ကပ်တဲ့အချိန် တိုင်းလုပ်ဆောင်သွားမှာဖြစ်တယ်လို့ဆိုပါတယ်။Helios ဆိုတာက ကမ္ဘာ့အကြီးဆုံးသော လျှပ်စစ်စွမ်းအင်သုံးသယ်ယူပို့ဆောင်ရေးရေယာဉ်ဖြစ်ပေမယ့် Viking Line ကုမ္ပဏီအတွက်တော့ ပထမဆုံးသော ပင်လယ်ရေကြောင်းဆန်းသစ်တီထွင်မှုမဟုတ်ခဲ့ပါဘူး။ ၂၀၁၃ ခုနှစ်တုန်းက Viking Grace ဆိုတဲ့အမည်နဲ့ သင်္ဘောတစ်စင်းကိုစတင်အသုံးပြုခဲ့ပါတယ်။ အဲဒီ သင်္ဘောက သဘာဝဓာတ်ငွေ့အရည်နဲ့ ဇီဝဓာတ်ငွေ့တို့ကိုအသုံးပြုထားတာပါ။ ၂၀၂၂ ခုနှစ်မှာတော့ Viking Glory ဆိုတဲ့သင်္ဘောနဲ့ ခရီးစဉ်များကိုပြေးဆွဲခဲ့ပါသေးတယ်။ ဒီသင်္ဘောမှာဇီဝလောင်စာကိုအသုံး ပြုခဲ့တာဖြစ်တာကြောင့် ခရီးစဉ်သွားလာမှုမှကာဗွန်ဒိုင်အောက်ဆိုက်ဓာတ်ငွေ့ထုတ်လွှတ်မှုကို ၉၀ ရာခိုင် နှုန်းအထိလျှော့ချနိုင်ခဲ့ပါတယ်။ဟယ်ဆင်ကီမှ တယ်လင်းဆိပ်ကမ်းအကြားခရီး သွားလာသူအရေအတွက်ဟာ ၂၀၂၄ ခုနှစ်မှာ ငါးသန်းခွဲသာရှိရာမှ ၂၀၄၀ ပြည့်နှစ်အရောက်မှာ ၁၁ ဒသမ ၆ သန်းအထိရောက်လာမယ်လို့မျှော်မှန်းပြီး အခုလိုဆန်းသစ်မှုတွေလုပ်လာတာဖြစ်ပါတယ်။Ref: IEကိုထက်
Thu, 12-Jun-2025
weather forecast
နေ့စဉ်မိုးလေဝသသတင်း
(၂၀၂၅ ခုနှစ်၊ ဇွန်လ ၁၁ ရက်နေ့ မွန်းလွဲ ၂:၀၀ နာရီအချိန် ထုတ်ပြန်ချက်)ယမန်နေ့နံနက် ၀၉:၃၀ နာရီအချိန်မှ ယနေ့နံနက် ၀၉:၃၀ နာရီအချိန်အထိ မိုးလေဝသတိုင်းထွာချက်အကျဉ်းချုပ်။ လွန်ခဲ့သော ၂၄ နာရီအတွင်းက ကယားပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်း)တို့တွင် နေရာကျဲကျဲ၊ နေပြည်တော်၊ မကွေးတိုင်းဒေသကြီးနှင့် ကချင်ပြည်နယ်တို့တွင် နေရာစိပ်စိပ်နှင့် ကျန် တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာခဲ့ပြီး၊ နေပြည်တော်၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်းနှင့် မွန်ပြည်နယ် တို့တွင် နေရာကွက်၍ မိုးကြီးခဲ့ပါသည်။ မှတ်သားဖွယ်ရာ မိုးရေချိန်များမှာ ဝမ်းတွင်းမြို့တွင် ၄.၃၀ လက်မ၊ စစ်ကိုင်းမြို့တွင် ၃.၆၆ လက်မ၊ ပုသိမ်ကြီး(ရွှေစာရံ)တွင် ၃.၆၃ လက်မ၊ ချောင်းဆုံမြို့တွင် ၃.၅၄ လက်မ၊ အမရပူရမြို့တွင် ၃.၂၆ လက်မ၊ ပုသိမ်ကြီးမြို့တွင် ၃.၀၃ လက်မ၊ ရေးမြို့တွင် ၂.၈၃ လက်မ၊ ပင်လုံမြို့တွင် ၂.၇၉ လက်မ၊ ဟိုင်းကြီးကျွန်းမြို့တွင် ၂.၆၈ လက်မနှင့် မအူပင်မြို့တွင် ၂.၆၄ လက်မတို့ ဖြစ်ကြပါသည်။ဘင်္ဂလားပင်လယ်အော်အ‌ခြေအနေ။ ကပ္ပလီပင်လယ်ပြင်နှင့် ဘင်္ဂလားပင်လယ်အော်အရှေ့တောင်ပိုင်းတို့တွင် မုတ်သုံလေ အားကောင်းနေပြီး၊ ကျန်ဘင်္ဂလားပင်လယ်အော်တွင် မုတ်သုံလေ အားအနည်းငယ်မှ အားအသင့်အတင့် ရှိနေပါသည်။ထူးခြားသည့်အခြေအနေ။ ယနေ့မြန်မာစံတော်ချိန် ၁၂:၃၀ နာရီအချိန်တိုင်းထွာချက်များအရ တောင်တရုတ်ပင်လယ်ပြင်တွင် ဖြစ်ပေါ်နေသော အပူပိုင်းမုန်တိုင်း “ဝူတစ်” (WUTIP)သည် အနောက်-အနောက်မြောက်ဘက်သို့ ရွေ့လျားလျက်ရှိပါသည်။ အဆိုပါ အပူပိုင်းမုန်တိုင်း“ဝူတစ်” သည် ကနဦးတွင် အနောက်မြောက်ဘက်သို့ ရွေ့လျား နိုင်ပြီး၊ ၁၃-၆-၂၀၂၅ ရက်နေ့တွင် တရုတ်နိုင်ငံ၊ ဟိုင်နန်ကျွန်းသို့ ဖြတ်ကျော်နိုင်သည်ဟု ခန့်မှန်းရပါသည်။မနက်ဖြန်နံနက်အထိခန့်မှန်းချက်။ ကချင်ပြည်နယ်တွင် နေရာကျဲကျဲ၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအထက်ပိုင်း၊ ရခိုင်ပြည်နယ်နှင့် ရှမ်းပြည်နယ် (မြောက်ပိုင်း)တို့တွင် နေရာစိပ်စိပ်နှင့် ကျန်တိုင်းဒေသကြီးနှင့် ပြည်နယ်တို့တွင် နေရာအနှံ့အပြား မိုးထစ်ချုန်းရွာပြီး၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်၊ မွန်ပြည်နယ်နှင့် ရှမ်းပြည်နယ်(တောင်ပိုင်း) တို့တွင် နေရာကွက်၍ မိုးကြီးနိုင်ပါသည်။ ရွာရန်ရာနှုန်းပြည့် ဖြစ်ပါသည်။မိုးတိမ်တောင်ဖြစ်ပေါ်မှုအခြေအနေ။ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ရခိုင်ပြည်နယ်နှင့် ရှမ်းပြည်နယ်(တောင်ပိုင်း)တို့တွင် မိုးတိမ်တောင်များ ဖြစ်ထွန်းလျက်ရှိပြီး၊ အဆိုပါ မိုးတိမ်တောင်များ ရွေ့လျားရာ နေရာ တစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုအပ်ပါသည်။မြန်မာ့ပင်လယ်ပြင်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံ မိုးသက်လေပြင်းများ ကျရောက်ပြီး လှိုင်းကြီးနိုင်ပါသည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၉ ပေမှ ၁၁ ပေခန့် ရှိနိုင်ပါသည်။ ကျန်မြန်မာ့ပင်လယ်ပြင်တွင် လှိုင်းအသင့်အတင့်ရှိမည်။ လှိုင်းအမြင့်မှာ ရခိုင်ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၆ ပေမှ ၈ ပေခန့် ရှိနိုင်ပါသည်။နောက် ၂ ရက်အတွက်ခန့်မှန်းချက်။ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ် တို့တွင် မိုးပိုလာမည်။နေပြည်တော်နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။                        မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။ရန်ကုန်မြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။                                           မိုးအသင့်အတင့် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။မန္တလေးမြို့နှင့်အနီးတစ်ဝိုက်အတွက်မနက်ဖြန်နံနက်အထိခန့်မှန်းချက်။                             မိုးတစ်ကြိမ်၊ နှစ်ကြိမ် ထစ်ချုန်းရွာမည်။ ရွာရန်ရာနှုန်းပြည့် ဖြစ်ပါသည်။မိုးဇလ
Wed, 11-Jun-2025
၂၀၂၅ ခုနှစ်၊ ဇွန်လ ဒုတိယ(၁၀)ရက်ပတ်အတွက် မိုးလေ၀သခန့်မှန်းချက်
၂၀၂၅ ခုနှစ်၊ ဇွန်လ ဒုတိယ(၁၀)ရက်ပတ်အတွက် မိုးလေ၀သခန့်မှန်းချက်
ဘင်္ဂလားပင်လယ်အော်အခြေအနေ၁။      ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် လေဖိအားနည်းရပ်ဝန်း (၁) ကြိမ် ဖြစ်ပေါ်နိုင်ပါသည်။ အနောက်တောင်မုတ်သုံလေသည် ကပ္ပလီပင်လယ်ပြင်နှင့် ဘင်္ဂလားပင်လယ်အော် တို့တွင် အားကောင်းနိုင်ပါသည်။မိုးအခြေအနေနှင့် မိုးရွာရက်၂။       မိုးရွာသွန်းမှုအ‌ခြေအနေမှာ နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေး တိုင်းဒေသကြီး၊ ဧရာဝတီတိုင်းဒေသကြီး၊ ကယားပြည်နယ်၊ ကရင်ပြည်နယ်၊ မွန်ပြည်နယ်နှင့် ရှမ်း ပြည်နယ်(တောင်ပိုင်း)တို့တွင် ရွာသွန်းမြဲထက် ပိုနိုင်ပြီး၊ မန္တလေးတိုင်းဒေသကြီး၊ စစ်ကိုင်းတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ချင်းပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် အရှေ့ပိုင်း)တို့တွင် ရွာသွန်းမြဲခန့် မိုးထစ်ချုန်းရွာနိုင်ပါသည်။၃။      နေပြည်တော်၊ ရန်ကုန်တိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်း တိုင်းဒေသကြီးအထက်ပိုင်း၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကရင် ပြည်နယ်၊ ချင်းပြည်နယ်၊ မွန်ပြည်နယ်၊ ရခိုင်ပြည်နယ်နှင့် ရှမ်းပြည်နယ်(မြောက်ပိုင်းနှင့် တောင်ပိုင်း) တို့တွင် ၇ ရက်မှ ၉ ရက်ခန့်နှင့် မန္တလေးတိုင်းဒေသကြီး၊ စစ်ကိုင်းတိုင်းဒေသကြီးအောက်ပိုင်း၊ ကယား ပြည်နယ်နှင့် ရှမ်းပြည်နယ်(အရှေ့ပိုင်း)တို့တွင် ၄ ရက်မှ ၆ ရက်ခန့် မိုးထစ်ချုန်းရွာနိုင်ပါသည်။မိုးဇလ
Wed, 11-Jun-2025
weather forecast , weather forecast , weather forecast
အထူးမိုးလေဝသသတင်း
၂၀၂၅ ခုနှစ်၊ ဇွန်လ ၁၀ ရက်နေ့၊ မြန်မာစံတော်ချိန် ၁၈:၀၀ နာရီအချိန် ထုတ်ပြန်ချက် ယနေ့မြန်မာစံတော်ချိန် ၁၆:၃၀ နာရီအချိန် တိုင်းထွာချက်များအရ ကပ္ပလီပင်လယ်ပြင်နှင့် ဘင်္ဂလားပင်လယ်အော်တို့တွင် မုတ်သုံ‌လေ အားကောင်းရာမှ အားအလွန်ကောင်းနေခြင်းကြောင့် လည်းကောင်း၊ အရှေ့ဘက်မှ ရွေ့လျားလာသော လေပွေလှိုင်းများ၏ အရှိန်ကြောင့်လည်းကောင်း ယနေ့ညနေမှ ၁၆-၆-၂၀၂၅ ရက်နေ့အတွင်း နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်း ဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ စစ်ကိုင်းတိုင်းဒေသကြီး၊ ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ကယားပြည်နယ်၊ ကရင်ပြည်နယ်၊ ချင်းပြည်နယ်၊ မွန် ပြည်နယ်၊ ရခိုင်ပြည်နယ်နှင့် ရှမ်းပြည်နယ်တို့တွင် နေရာစိပ်စိပ်မှ နေရာအနှံ့အပြား မိုးထစ်ချုန်း ရွာပြီး၊ အချို့ဒေသများတွင် ဒေသအလိုက်နှင့် နေရာကွက်၍ မိုးကြီးမည်။ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ရံဖန်ရံခါ မိုးသက်လေပြင်းများ ကျရောက်ပြီး လှိုင်းကြီးမည်။ မိုးသက်လေပြင်းကျစဉ် ရေပြင်/မြေပြင်လေသည် တစ်နာရီလျှင် မိုင် ၃၀ မှ ၃၅ မိုင်အထိ တိုက်ခတ်နိုင်ပါသည်။ လှိုင်းအမြင့်မှာ မြစ်ဝကျွန်းပေါ်၊ မုတ္တမကွေ့၊ မွန်-တနင်္သာရီကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် ၉ ပေ မှ ၁၁ ပေခန့်ရှိနိုင်ပါ သည်။အကြုံပြုချက်သို့ဖြစ်ပါ၍ မိုးသည်းထန်စွာရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုးပစ်ခြင်း၊ လျှပ်စီးလက်ခြင်း၊ မိုးသီးကြွေခြင်း၊ လျှပ်တစ်ပြက်ရေကြီးခြင်းနှင့် မြေပြိုခြင်းစသည့် သဘာဝဘေးအန္တရာယ်များ ဖြစ်ပေါ်နိုင်ပါသဖြင့် အဆိုပါဒေသများရှိ ကုန်းမြင့်ဒေသအနီးတွင် နေထိုင် ကြသူများအနေဖြင့် မြေပြိုမှုအန္တရာယ်၊ မြစ်ငယ်၊ ချောင်းငယ်များအနီးတွင် နေထိုင်ကြသူများအနေဖြင့် ရေကြီး၊ ရေလျှံမှုများကို ကြိုတင်သတိပြုရှောင်ရှားနိုင်ပါရန်နှင့် ပြည်တွင်းရေကြောင်းသွားလာရေးနှင့် လေကြောင်းပျံသန်းရေးအနေဖြင့်လည်း ကြိုတင်သတိပြုနိုင်ပါရန် သတိပေးနှိုးဆော်အပ်ပါသည်။မိုးဇလ
Wed, 11-Jun-2025
ရုရှားဖက်ဒရေးရှင်းနိုင်ငံ၏ အမျိုးသားနေ့အထိမ်းအမှတ် ဧည့်ခံပွဲအခမ်းအနားကျင်းပ နိုင်ငံတော်စီမံအုပ်ချုပ်ရေးကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေး တက်ရောက်
ရုရှားဖက်ဒရေးရှင်းနိုင်ငံ၏ အမျိုးသားနေ့အထိမ်းအမှတ် ဧည့်ခံပွဲအခမ်းအနားကျင်းပ နိုင်ငံတော်စီမံအုပ်ချုပ်ရေးကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေး တက်ရောက်
ရန်ကုန်မြို့အခြေစိုက် ရုရှားဖက်ဒရေးရှင်းနိုင်ငံသံရုံးက ကျင်းပသည့် ရုရှားဖက်ဒရေးရှင်းနိုင်ငံ၏ အမျိုးသားနေ့အထိမ်းအမှတ် ဧည့်ခံပွဲအခမ်းအနားကို ယနေ့ညပိုင်းတွင် ရန်ကုန်မြို့ Lotte Hotel ၌ ကျင်းပရာ နိုင်ငံတော်စီမံအုပ်ချုပ်ရေးကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေးနှင့် ဇနီးတို့ တက်ရောက်သည်။ဦးစွာ မြန်မာနိုင်ငံဆိုင်ရာရုရှားဖက်ဒရေးရှင်းနိုင်ငံ သံအမတ်ကြီး H.E. Mr. Iskander Azizovi စစ်သံမှူးနှင့် တာဝန်ရှိသူတို့က နိုင်ငံတော်စီမံအုပ်ချုပ်ရေးကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေးနှင့် ဇနီး၊ ဧည့်ခံပွဲအခမ်းအနားသို့ တက်ရောက်လာကြသူများအား ရင်းရင်းနှီးနှီးကြိုဆိုနှုတ်ဆက်ကြသည်။ထို့နောက် ပြည်ထောင်စုသမ္မတမြန်မာနိုင်ငံတော် နိုင်ငံတော်သီချင်းနှင့် ရုရှားဖက်ဒရေးရှင်းနိုင်ငံ နိုင်ငံတော်သီချင်းတို့ဖြင့် အခမ်းအနားကို စတင်ဖွင့်လှစ်ပြီး မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E. Mr. Iskander Azizov က နှုတ်ခွန်းဆက်စကားပြောကြားသည်။ဆက်လက်၍ ရုရှားဖက်ဒရေးရှင်းနိုင်ငံ၏ ယဉ်ကျေးမှုအမွေအနှစ်၊ သိပ္ပံပညာဆိုင်ရာအောင်မြင်မှုများ၊ စီးပွားရေးဖွံ့ဖြိုးတိုးတက်မှုနှင့် နိုင်ငံတကာရေးရာဆိုင်ရာအခန်းများအား ဗီဒီယိုဖြင့် ဖွင့်လှစ်ပြသပြီးနောက် ရုရှားဖက်ဒရေးရှင်းနိုင်ငံ၏ ယဉ်ကျေးမှုအဖွဲ့တို့က ရိုးရာယဉ်ကျေးမှုအကအလှများဖြင့် ကပြဖျော်ဖြေတင်ဆက်ကြသည်။ယင်းနောက် နိုင်ငံတော်စီမံအုပ်ချုပ်ရေးကောင်စီအတွင်းရေးမှူး ဗိုလ်ချုပ်ကြီး အောင်လင်းဒွေးနှင့် ဇနီး၊ မြန်မာနိုင်ငံဆိုင်ရာ ရုရှားဖက်ဒရေးရှင်းနိုင်ငံ သံအမတ်ကြီး H.E. Mr. Iskander Azizov တို့သည် ရုရှားဖက်ဒရေးရှင်းနိုင်ငံ၏ အမျိုးသားနေ့အထိမ်းအမှတ် ဧည့်ခံပွဲအခမ်းအနားသို့ တက်ရောက်လာကြသူများနှင့်အတူ စုပေါင်းမှတ်တမ်းတင်ဓာတ်ပုံရိုက်ကြသည်။ထို့နောက် ဧည့်ခံပွဲအခမ်းအနားသို့ တက်ရောက်လာကြသူများအား သံအမတ်ကြီးက ညစာစားပွဲဖြင့် တည်ခင်းဧည့်ခံသည်။အဆိုပါအခမ်းအနားသို့ နိုင်ငံတော်စီမံအုပ်ချုပ်ရေးကောင်စီအဖွဲ့ဝင်များဖြစ်ကြသည့် ဒေါက်တာ ဘရွှေ၊ ခွန်စံလွင်၊ ပြည်ထောင်စုဝန်ကြီးများနှင့် ဇနီးများ၊ ရန်ကုန်တိုင်းဒေသကြီးဝန်ကြီးချုပ်နှင့် ဇနီး၊ ညှိနှိုင်းကွပ်ကဲရေးမှူး (ကြည်း၊ ရေ၊ လေ) နှင့် ဇနီး၊ အဆင့်မြင့်တပ်မတော်အရာရှိကြီးများနှင့် ၎င်းတို့၏ ဇနီးများ၊ ရန်ကုန်မြို့ရှိ နိုင်ငံခြားသံရုံးများမှ သံအမတ်ကြီးများ၊ သံရုံးယာယီတာဝန်ခံများ၊ စစ်သံမှူးများနှင့် ဖိတ်ကြားထားသူများ တက်ရောက်ကြကြောင်း သတင်းရရှိသည်။MOI
Wed, 11-Jun-2025
© Copyright 2024 SAC All Rights Reserved.