မွန်ဂိုလီးယား၌ ဝက်သက်ရောဂါကြောင့် သေဆုံးသူ ခြောက်ဦးရှိလာ

saceditor

News Image

  • မွန်ဂိုလီးယား၌ ဝက်သက်ရောဂါကြောင့် သေဆုံးသူ ခြောက်ဦးရှိလာ

မွန်ဂိုလီးယားနိုင်ငံ၌    ဝက်သက်ရောဂါဖြစ်ပွားမှုကြောင့်  နောက်ထပ်တစ်ဦး   သေဆုံးပြီးနောက် သေဆုံးသူပေါင်း ခြောက်ဦးအထိရှိလာကြောင်း   နိုင်ငံ၏ကူးစက်ရောဂါဆိုင်ရာ အမျိုးသားဗဟိုဌာန (အင်န်စီစီဒီ) က ဇွန် ၁၆ ရက်တွင် ထုတ်ပြန်ထားသည်။

ဆက်လက်ပြီး ဆေးရုံတွင် တက်ရောက်နေသူများမှာ  အပြင်းဖျားသည့် ကလေးငါးဦးအပါအဝင် လူနာ   ၆၉၃   ဦးရှိကြောင်း အင်န်စီစီဒီက  ထုတ်ပြန်ချက်တွင် ပြောကြားသည်။

ဝက်သက်ရောဂါဖြစ်ပွားသူ ထက်ဝက်ကျော်မှာ ဝက်သက်ရောဂါကာကွယ်ဆေး တစ်ကြိမ်သာ ထိုးနှံထားသည့် ကျောင်းနေအရွယ်ကလေးများဖြစ်ကြောင်း မွန်ဂိုလီးယားဆရာဝန်များ၏      ပြောကြားချက်အရ   သိရသည်။                        

Source: Myanmar Digital News

MM-News-Category
လူမှုရေးကဏ္ဍသတင်း
လူမှုရေး-ကျန်းမာရေး

ဆက်စပ်သတင်းများ

ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ထိခိုက်ပျက်စီးမှုကို ကာကွယ်နိုင်
ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ထိခိုက်ပျက်စီးမှုကို ကာကွယ်နိုင်
နယူးယောက်   ဇွန် ၁၇ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ထိခိုက်ပျက်စီးမှုကို ကာကွယ်ပေးနိုင်ဖွယ်ရှိကြောင်း အမေရိကန် သုတေသနပညာရှင်များ၏ အဆိုအရ ဇွန် ၁၆ ရက်သတင်းများတွင် ရေးသားတင်ပြထားသည်။အမေရိကန် သုတေသနပညာရှင်များ၏ လေ့လာတွေ့ရှိချက်အရ ဆေးရုံတက်ကုသမှုခံယူနေရသည့် ကိုဗစ်-၁၉ လူနာများအနေဖြင့် ကာကွယ်ဆေးထိုးနှံထားပြီးဖြစ်ပါက ကျောက်ကပ်ပျက်စီးနိုင်ခြေ နည်းပါးကြောင်း သိရသည်။ဆေးရုံတက် ကိုရိုနာဗိုင်းရပ်လူနာများအနေဖြင့် ကျောက်ကပ်ထိခိုက်ပျက်စီးခဲ့ပါက အဆက်မပြတ် ကျောက်ကပ်ဆေးပေးရန် လိုအပ်ကြောင်း၊ သို့ရာတွင် အမေရိကန် သုတေသနပညာရှင်များ၏ လေ့လာတွေ့ရှိချက်အရ ဆေးရုံတက်လူနာများအနေဖြင့် ကိုဗစ်-၁၉ ကာကွယ်ဆေးထိုးနှံထားပါက ကျောက်ကပ်ပျက်စီးနိုင်ခြေ နည်းပါးကြောင်း သိရသည်။မိမိတို့၏ လေ့လာတွေ့ရှိချက်အရ ဆေးရုံတက်လူနာများအနက် ကာကွယ်ဆေးမထိုးထားသူများအစုတွင် ကျောက်ကပ်ပျက်စီးမှုကြောင့် ကျောက်ကပ်ဆေးနေရသူ ၁၆ ရာခိုင်နှုန်းထိ ရှိသော်လည်း ကာကွယ်ဆေးထိုးနှံထားသူများအစုတွင် ၁၁ ရာခိုင်နှုန်းသာ တွေ့ရကြောင်း၊ အမေရိကန် သုတေသနပညာရှင်များသည် ဆေးရုံတက် ကိုဗစ်-၁၉ လူနာ ၃၅၀၀ ခန့်တို့၏ ကျန်းမာရေးအချက်အလက်များကို လေ့လာပြီးနောက် ၎င်းတို့၏ တွေ့ရှိချက်ကို တင်ပြခဲ့ကြခြင်းဖြစ်ကြောင်း သိရသည်။Source: ရတနာပုံသတင်းစာ
Wed, 18-Jun-2025
ဂျပန်နိုင်ငံ၌ တိရစ္ဆာန်မှ လူသို့ SFTS ဗိုင်းရပ်ကူးစက်မှုကြောင့် ပထမဆုံး လူတစ်ဦး သေဆုံးမှုဖြစ်ပွား
ဂျပန်နိုင်ငံ၌ တိရစ္ဆာန်မှ လူသို့ SFTS ဗိုင်းရပ်ကူးစက်မှုကြောင့် ပထမဆုံး လူတစ်ဦး သေဆုံးမှုဖြစ်ပွား
ဂျပန်၌ တိရစ္ဆာန်မှလူသို့ SFTS ဗိုင်းရပ်ကူးစက်မှုကြောင့် ပထမဆုံးလူတစ်ဦး သေဆုံးမှုဖြစ်ပွားကြောင်းနှင့် ထိုသို့သေဆုံးမှု ဖြစ်ပွားပြီးနောက် ဂျပန်တိရစ္ဆာန် ဆေးကုဆရာဝန်များအသင်းက အဖွဲ့ဝင်ဆရာဝန်များအနေဖြင့် တိရစ္ဆာန်များကို ကုသပေးရာတွင်  သတိထားရန် တိုက်တွန်းချက်တစ်ခု ထုတ်ပြန်လိုက်ကြောင်း သိရသည်။ဗိုင်းရပ်ကူးစက်ခံရသော တိရစ္ဆာန်ဆေးကုဆရာဝန်သည် ကြောင်တစ်ကောင်ကို ဆေးကုသမှုပေးပြီးနောက် SFTS ဗိုင်းရပ် ကူးစက်ခံရခြင်းဖြစ်ကြောင်း၊ ဗိုင်းရပ်ကူးစက်ခံရပြီးနောက် ဆေးရုံတက်ရောက်ကုသမှု ခံယူခဲ့သော်လည်း ရက်အနည်းငယ်အကြာတွင် သေဆုံးသွားရကြောင်း ထုတ်ပြန်ချက်တွင် ဖော်ပြထားသည်။အဆိုပါဗိုင်းရပ်သည် တိရစ္ဆာန်များတွင်ရှိသော မွှားကောင်မှတစ်ဆင့်ကူးစက်ခြင်း ဖြစ်ကြောင်း၊ ဗိုင်းရပ်ကူးစက်ခံရပြီးနောက် ရောဂါလက္ခဏာအနေဖြင့် ကိုယ်အပူချိန် အလွန်မြင့်တက်လေ့ရှိကြောင်း သိရသည်။MWD Web Portal
Wed, 18-Jun-2025
မွန်ဂိုလီးယား၌ ဝက်သက်ရောဂါကြောင့် သေဆုံးသူ ခြောက်ဦးရှိလာ
မွန်ဂိုလီးယား၌ ဝက်သက်ရောဂါကြောင့် သေဆုံးသူ ခြောက်ဦးရှိလာ
မွန်ဂိုလီးယားနိုင်ငံ၌    ဝက်သက်ရောဂါဖြစ်ပွားမှုကြောင့်  နောက်ထပ်တစ်ဦး   သေဆုံးပြီးနောက် သေဆုံးသူပေါင်း ခြောက်ဦးအထိရှိလာကြောင်း   နိုင်ငံ၏ကူးစက်ရောဂါဆိုင်ရာ အမျိုးသားဗဟိုဌာန (အင်န်စီစီဒီ) က ဇွန် ၁၆ ရက်တွင် ထုတ်ပြန်ထားသည်။ဆက်လက်ပြီး ဆေးရုံတွင် တက်ရောက်နေသူများမှာ  အပြင်းဖျားသည့် ကလေးငါးဦးအပါအဝင် လူနာ   ၆၉၃   ဦးရှိကြောင်း အင်န်စီစီဒီက  ထုတ်ပြန်ချက်တွင် ပြောကြားသည်။ဝက်သက်ရောဂါဖြစ်ပွားသူ ထက်ဝက်ကျော်မှာ ဝက်သက်ရောဂါကာကွယ်ဆေး တစ်ကြိမ်သာ ထိုးနှံထားသည့် ကျောင်းနေအရွယ်ကလေးများဖြစ်ကြောင်း မွန်ဂိုလီးယားဆရာဝန်များ၏      ပြောကြားချက်အရ   သိရသည်။                        Source: Myanmar Digital News
Wed, 18-Jun-2025
တံတားဦးမြို့နယ်တွင် ပြန်လည်ကျင်းပသည့် ၂၀၂၅ ခုနှစ် တက္ကသိုလ်ဝင်တန်းစာမေးပွဲ (Grade -12) ဒုတိယနေ့ အင်္ဂလိပ်စာ ဘာသာရပ် ဆက်လက်ဖြေဆို
တံတားဦးမြို့နယ်တွင် ပြန်လည်ကျင်းပသည့် ၂၀၂၅ ခုနှစ် တက္ကသိုလ်ဝင်တန်းစာမေးပွဲ (Grade -12) ဒုတိယနေ့ အင်္ဂလိပ်စာ ဘာသာရပ် ဆက်လက်ဖြေဆို
တံတားဦး ၊ ဇွန် - ၁၇မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်တွင် ပြန်လည်ကျင်းပသည့် ၂၀၂၅ ခုနှစ် တက္ကသိုလ် ဝင်တန်း Grade – 12 ဒုတိယနေ့ အင်္ဂလိပ်စာဘာသာရပ်ကို ဇွန်လ ၁၇ ရက်နေ့၊နံနက် (၉) နာရီအချိန်က စတင်၍ တံတားဦးမြို့နယ်အတွင်းရှိ စာစစ်ဌာနအသီးသီးတွင် အေးချမ်းပျော်ရွှင်စွာ ဖြေဆိုလျက်ရှိကြောင်းသိရသည် ။တံတားဦးမြို့နယ်တွင် ပြန်လည်ကျင်းပသည့်  ၂၀၂၅ ခုနှစ် တက္ကသိုလ်ဝင်တန်းစာမေးပွဲ (Grade-12)တွင် တံတားဦး မြို့နယ်အနေဖြင့် အထက-တံတားဦးစာစစ်ဌာနနှင့် ချောင်းခွစာစစ်ဌာနတို့ဖြစ်ပါကြောင်း အထက-တံတားဦး စာစစ်ဌာနတွင် ဖြေဆိုရန်ကျောင်းသား(၂၃၁)ဦး၊ ကျောင်းသူ(၂၃၈)ဦး စုစုပေါင်း (၄၆၉)ဦး စာရင်းပေးထား သော်လည်း ၊ အဆိုပါစာစစ်ဌာနတွင် ကျောင်းသား(၂၂၇) ဦး၊ ကျောင်းသူ (၂၃၈)ဦး စုစုပေါင်း(၄၆၅)ဦး ဖြေဆိုသူအားဖြင့် (၉၉.၁၅)ရာခိုင်နှုန်း ရှိပါကြောင်း၊ ထို့အပြင်  ချောင်းခွစာစစ်ဌာနတွင်  ဖြေဆိုရန်ကျောင်းသား(၆၈)ဦး ၊ ကျောင်းသူ(၁၂၉)ဦး စုစုပေါင်း (၁၉၇)ဦး စာရင်းပေးထားသော်လည်း အဆိုပါစာစစ်ဌာနတွင် ကျောင်းသား(၆၈) ဦး၊ ကျောင်းသူ (၁၂၉)ဦး စုစုပေါင်း (၁၉၇)ဦး ဖြေဆိုသူအားဖြင့် (၁၀၀.၀၀)ရာခိုင်နှုန်း ရှိပါကြောင်း၊ တံတားဦး မြို့နယ်အနေဖြင့် ပြန်လည်ကျင်းပသည့် ၂၀၂၅-ခုနှစ် တက္ကသိုလ်ဝင်တန်း Grade - 12  တွင် လာရောက်ဖြေ ဆိုသည့် ကျောင်းသား(၂၉၅)ဦး ၊ ကျောင်းသူ(၃၆၇)ဦး စုစုပေါင်း(၆၆၂)ဦး ၊ ရာခိုင်နှုန်းအားဖြင့် (၉၉.၄၀) ရာခိုင်နှုန်းရှိကြောင်း မြို့နယ်ပညာရေးမှူးရုံးမှသိရသည် ။အဆိုပါစာမေးပွဲဖြေဆိုရာတွင် ကျောင်းသား/သူများ စိတ်အေးချမ်းပျော်ရွှင်စွာ ဖြေဆိုနိုင်ရန် တံတားဦးခရိုင် စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်ငြိမ်းနှင့် တာဝန်ရှိသူများ ၊ မြို့နယ်စီမံအုပ်ချုပ်ရေးအဖွဲ ဥက္ကဋ္ဌ ဦးဖြိုးဇော်ကိုကို နှင့်တာဝန်ရှိသူများ၊ ဌာနဆိုင်ရာများ၊ လုံခြုံရေးတပ်ဖွဲ့ဝင်များ ၊ မြန်မာနိုင်ငံရဲတပ်ဖွဲ့ဝင်များနှင့် ရပ်ကွက် အုပ်ချုပ် ရေးမှူးများနှင့် တာဝန်ရှိသူများက ပူးပေါင်းဆောင်ရွက်ပေးလျက်ရှိကြောင်းသိရသည်။ပေးပို့သူ- ဦးရဲတင့်(ပြန်/ဆက်)
Tue, 17-Jun-2025
တံတားဦးမြို့နယ်၌ ၂ဝ၂၅ ခုနှစ်၊ တက္ကသိုလ်ဝင်စာမေးပွဲ ပြန်လည် ဖြေဆိုရမည့် Grade 12 ကျောင်းသား/ ကျောင်းသူများ မြန်မာစာ ဘာသာရပ် စတင်ဖြေဆို
တံတားဦးမြို့နယ်၌ ၂ဝ၂၅ ခုနှစ်၊ တက္ကသိုလ်ဝင်စာမေးပွဲ ပြန်လည် ဖြေဆိုရမည့် Grade 12 ကျောင်းသား/ ကျောင်းသူများ မြန်မာစာ ဘာသာရပ် စတင်ဖြေဆို
တံတားဦး ၊ ဇွန် - ၁၆မန္တလေးတိုင်းဒေသကြီး၊ တံတားဦးခရိုင်၊ တံတားဦးမြို့နယ်၌ ၂ဝ၂၅ ခုနှစ်၊ တက္ကသိုလ်ဝင်စာမေးပွဲ ပြန်လည် ဖြေဆိုရမည့် Grade 12 ကျောင်းသား/ ကျောင်းသူများသည် ဇွန်လ ၁၆ ရက်နေ့၊ နံနက် (၉) နာရီက မြန်မာစာ မေးခွန်းကို စတင်ဖြေဆို နေပြီဖြစ်ကြောင်း သိရသည် ။တံတားဦးမြို့နယ်တွင်  ၂၀၂၄-၂၀၂၅ ပညာသင်နှစ်တွင် တံတားဦး၊ စာစစ်ဌာန၊ ချောင်းခွစာစစ်ဌာနတို့ဖြင့်  ဖြေဆို လျက်ရှိပါကြောင်း  တံတားဦးမြို့နယ်ရှိ အခြေခံပညာအထက်တန်းကျောင်းနှင့် အထက်တန်းကျောင်း (ခွဲ)တို့မှ  မြန်မာစာကို အထက-တံတားဦး စာစစ်ဌာနတွင် ဖြေဆိုရန်ကျောင်းသား(၂၃၁)ဦး ၊ ကျောင်းသူ(၂၃၈)ဦး စုစုပေါင်း (၄၆၉)ဦး စာရင်းပေးထားသော်လည်း ၊ အဆိုပါစာစစ်ဌာနတွင် ကျောင်းသား(၂၂၈) ဦး ၊ ကျောင်းသူ (၂၃၈)ဦး စုစုပေါင်း(၄၆၆)ဦး ဖြေဆိုသူအားဖြင့် (၉၉.၃၆)ရာခိုင်နှုန်း ရှိပါကြောင်း ၊ ထို့အပြင် တံတားဦးမြို့နယ် ချောင်းခွ စာစစ်ဌာနတွင် ဖြေဆိုရန်ကျောင်းသား(၆၈)ဦး ၊ ကျောင်းသူ(၁၂၉)ဦး စုစုပေါင်း (၁၉၇)ဦး စာရင်းပေးထားကာအဆိုပါစာစစ်ဌာနတွင် ကျောင်းသား(၆၈) ဦး ၊ ကျောင်းသူ (၁၂၉)ဦး စုစုပေါင်း (၁၉၇)ဦး ဖြေဆိုသူအားဖြင့် (၁၀၀.၀၀)ရာခိုင်နှုန်းရှိပါကြောင်း ၊ တံတားဦးမြို့နယ်အနေဖြင့် Grade - 12  ပြန်ဖြေစာမေးပွဲတွင် လာရောက်ဖြေဆိုသည့်ကျောင်းသား(၂၉၆)ဦး ၊ ကျောင်းသူ(၃၆၇)ဦး စုစုပေါင်း(၆၆၃)ဦး ၊ ရာခိုင်နှုန်းအားဖြင့် (၉၉.၅၅)ရာခိုင်နှုန်း၊ ပျက်ကွက်သူစုစုပေါင်း(၃)ဦး ၊ ရာခိုင်နှုန်းအားဖြင့်(၀.၄၅)ရာခိုင်နှုန်း ရှိကြောင်းမြို့နယ်ပညာရေးမှူးရုံးမှသိရသည် ။ Grade - 12  ပြန်ဖြေစာမေးပွဲသို့ လာရောက်ဖြေဆိုကြသည့် ကျောင်းသား ၊ ကျောင်းသူများ ခဲတံ ၊ ပေတံ ၊ ခဲဖျက် တို့ကို လိုအပ်ပါက အခမဲ့ယူဆောင်နိုင်ကြောင်းစီစဉ်ဆောင်ရွက်ပေးပြီး တံတားဦးခရိုင်စီမံအုပ်ချုပ်ရေးအဖွဲ့ ဥက္ကဋ္ဌ ဦးကျော်ငြိမ်းနှင့် တာဝန်ရှိသူများ  မြို့နယ်စီမံအုပ်ရေးအဖွဲ့ ဥက္ကဋ္ဌ ဦးဖြိုးဇော်ကိုကိုနှင့် တာဝန်ရှိသူများ၊ ဌာန ဆိုင်ရာများ ၊ ရပ်ကွက်အုပ်ချုပ်ရေးမှူးများ ပူးပေါင်းပြီး  စာမေးပွဲဖြေဆိုမည့် ကတ်ပြားများပါ ၊ မပါစစ်ဆေးခြင်း ၊ ကျန်းမာရေးစောင့်ရှောက်မှုလုပ်ငန်းကိုပါ တစ်ပါတည်း ဆောင်ရွက်ထားပါကြောင်းနှင့် ယာဉ်အန္တရာယ် ကင်းရှင်းရေး နှင့် ကျောင်းဝင်းအပြင် လုံခြုံရေးခြင်းနှင့် လုံခြုံရေးလုပ်ငန်းများကိုလည်း ပူးပေါင်းဆောင်ရွက်ပေးကြကြောင်းနှင့် ခရိုင်စီမံအုပ်ချုပ်ရေးအဖွဲ့ ဥက္ကဋ္ဌနှင့် တာဝန်ရှိသူများသည် Grade - 12  ပြန်ဖြေစာမေးပွဲ ဖြေဆိုနေသည့် ကျောင်းသား/ သူများအား လှည့်လည်ကြည့်ရှုအားပေးကြကြောင်းသိရသည် ပေးပို့သူ- ဦးရဲတင့် (ပြန်/ဆက်)
Tue, 17-Jun-2025
ယခုနှစ် ဝင်ဘယ်ဒန်ပြိုင်ပွဲ၏ ဆုကြေးကို ၇ ရာခိုင်နှုန်း တိုးမြှင့် သွားမည်
ယခုနှစ် ဝင်ဘယ်ဒန်ပြိုင်ပွဲ၏ ဆုကြေးကို ၇ ရာခိုင်နှုန်း တိုးမြှင့်သွားမည်
ယခုနှစ် ဝင်ဘယ်ဒန်ပြိုင်ပွဲ၏ စုစုပေါင်း ဆုကြေးငွေကို ၇ ရာခိုင်နှုန်း တိုးမြှင့်သွားမည်ဖြစ်ပြီး စံချိန်တင် ပေါင် ၅၃ ဒသမ ၅ သန်းအထိ ရောက်ရှိသွားမည်ဖြစ်ကြောင်း သိရသည်။ ဆုကြေးငွေသည် ၂၀၂၄ ခုနှစ်တွင် ပေါင်သန်း ၅၀ ရှိကြောင်း၊ ယင်းမှာ ၂၀၁၅ ခုနှစ်ကထက် နှစ်ဆခန့် မြင့်တက်လာကြောင်း သိရ သည်။ပြီးခဲ့သည့်နှစ် အမျိုးသားတစ်ဦးချင်းပြိုင်ပွဲတွင် ကားလို့စ်အယ်ကာရက်ဇ်နှင့် အမျိုးသမီးတစ်ဦးချင်း ပြိုင်ပွဲတွင် ဘာဘိုရာခရီစီကိုဗာတို့သည် အသီးသီးဗိုလ်စွဲခဲ့ကြပြီး ပေါင် ၂ ဒသမ ၇ သန်းစီ ဆုကြေး ရရှိခဲ့သည်။ ယခုနှစ်တွင် အနိုင်ရဗိုလ်စွဲမည့်သူအနေဖြင့်  ၁၁ ရာခိုင်နှုန်းတိုးကာ ပေါင် သုံးသန်းအထိ ရရှိမည်ဖြစ်သည်။နှစ်ယောက်တွဲပြိုင်ပွဲတွင်   အနိုင်ရရှိမည့်သူများအနေဖြင့်  လေးရာခိုင်နှုန်းတိုးကာ ပေါင် ၆၈၀၀၀၀ ရရှိမည် ဖြစ်သည်။ ယခုနှစ် ဝင်ဘယ်ဒန်ပြိုင်ပွဲကို လာမည့် ဇွန် ၃၀ ရက်မှ ဇူလိုင် ၁၃ ရက် အထိ ကျင်းပသွားမည် ဖြစ်သည်။မိုးဇက် - စုစည်းရေးသားသည်Source: Myanmar Digital News
Tue, 17-Jun-2025
© Copyright 2024 SAC All Rights Reserved.