ကျောက်ဆည်မြို့၌ ပြည်သူ့သက်သာဈေးရောင်းချမှုဖြင့် အခြေခံ စားသောက်ကုန်များ ရောင်းချပေး
News Image
ကျောက်ဆည်၊ ဇွန်-၂၃
မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြိုနယ် စီမံအုပ်ချုပ်ရေးအဖွဲ့ဦးဆောင်မှုဖြင့် မြို့နယ် စည်ပင်သာယာရေးအဖွဲ့၊ စားသုံးသူရေးရာဦးစီးဌာနနှင့် သက်ဆိုင်ရာတာဝန်ရှိသူများပူးပေါင်း၍ ပြည်သူများ စားဝတ်နေရေးအဆင်ပြေစေရေး အထူးဈေးနှုန်းများဖြင့် ပြည်သူ့သက်သာဈေး ဖွင့်လှစ်ကာ ရောင်းချပေးလျက် ရှိရာ ယမန်နေ့နံနက်(၈)နာရီက ကျောက်ဆည်မြို့ အမှတ်(၂)အခြေခံပညာအထက်တန်း ကျောင်းဝန်းတွင် အခြေခံ စားသောက်ကုန်များ ရောင်းချပေးခဲ့ကြောင်း သိရသည်။
အခြေခံစားသောက်ကုန်များရောင်းချရာ၌ ဝက်သားတစ်ပိဿာ ငွေ(၂၆၀၀၀)ကျပ်နှုန်းဖြင့် (၂၀) ပိဿာ၊ အမဲသားတစ်ပိဿာ ငွေ(၂၅၀၀၀)ကျပ်နှုန်းဖြင့် (၂၅)ပိဿာ၊ ဆိတ်သားတစ်ပိဿာ ငွေ(၂၈၀၀၀)ကျပ်နှုန်းဖြင့် (၁၅)ပိဿာ၊ စားအုန်းဆီတစ်ပိဿာ ငွေ(၇၂၀၀)ကျပ်နှုန်းဖြင့် (၁၁၀)ပိဿာ ရောင်းချပေးခဲ့ကြောင်း သိရသည်။
ပေးပို့သူ- သက်မောင်၊ကျောက်ဆည်
MM-News-Category
, 
, 
