လာဗရော့ဗ်နှင့် ရူဘီယိုတို့ မလေးရှားတွင် တွေ့ဆုံမည်ဟု ဝါရှင်တန် ကြေညာ

saceditor

News Image

  • လာဗရော့ဗ်နှင့် ရူဘီယိုတို့ မလေးရှားတွင် တွေ့ဆုံမည်ဟု ဝါရှင်တန် ကြေညာ

ရုရှားနိုင်ငံခြားရေးဝန်ကြီး ဆာဂျီ လာဗရော့ဗ်နှင့် အမေရိကန် နိုင်ငံ ခြားရေး ဝန်ကြီး မာကို ရူဘီယိုတို့သည် မလေးရှားနိုင်ငံတွင် ကျင်းပမည့် ASEAN ဖိုရမ်ဘေးတစ်ဘက်၌ ကြာသပတေးနေ့ (ဇူလိုင် ၁၀) ၌ တွေ့ဆုံ ကြမည်ဟု အမေရိကန်နိုင်ငံခြားရေးဝန်ကြီးဌာနက ကြေညာခဲ့သည်။

လာဗရော့ဗ်နှင့် ရူဘီယိုတို့သည် အမေရိကန်သမ္မတ ဒေါ်နယ်ထရမ့် ပြန်လည်အာဏာရသည့် ဇန်နဝါရီကတည်းက ဖုန်းဖြင့် အကြိမ်ကြိမ် ဆွေးနွေးခဲ့သော်လည်း၊ နိုင်ငံနှစ်ခုဆက်ဆံရေး ပုံမှန်ဖြစ်စေရန်အတွက် ဆော်ဒီအာရေဗျတွင် ဖေဖော်ဝါရီက တစ်ကြိမ်သာ တွေ့ဆုံခဲ့သည်။

အမေရိကန်နိုင်ငံခြားရေးဝန်ကြီးဌာန၏ ဝက်ဘ်ဆိုက်တွင် ထုတ်ပြန် ထားသော အစီအစဉ်အရ ရူဘီယိုနှင့် လာဗရော့ဗ်တို့သည် ကွာလာလမ်ပူ မြို့တွင် တွေ့ဆုံမည်ဖြစ်ပြီး နှစ်ဦးစလုံးသည် အရှေ့တောင် အာရှနိုင်ငံများ အသင်း (ASEAN) ၏ နှစ်ပတ်လည် ဒေသဆိုင်ရာဖိုရမ်သို့ တက်ရောက် မည်ဖြစ်သည်။

နိုင်ငံခြားရေးဝန်ကြီးဌာန၏ ပြောကြားချက်အရ ဒီပလိုမက်နှစ်ဦးတို့၏ ဆွေးနွေးပွဲသည် ဒေသစံတော်ချိန် ညနေ ၆ နာရီ (GMT နံနက် ၁၀ နာရီ) တွင် ကျင်းပမည်ဖြစ်သည်။

ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ မာရီယာ ဇာခါရိုဗာက “အစည်းအဝေးတစ်ခု စီစဉ်ဆောင်ရွက်နေကြောင်း အတည်ပြုနိုင်ပါသည်” ဟု TASS သို့ ကြာသပတေးနေ့ (ဇူလိုင် ၁၀) တွင် ပြောကြားခဲ့သည်။

ယခုသီတင်းပတ်အစောပိုင်းတွင် အမေရိကန်သမ္မတ ဒေါ်နယ်ထရမ့်က ရုရှားသမ္မတ ဗလာဒီမာ ပူတင်အား ယူကရိန်းပဋိပက္ခကို အဆုံးသတ်ရန် မလိုလားဟုစွပ်စွဲပြောဆိုခဲ့သည်။ မော်စကိုက ကိယက်ဗ်နှင့် သံတမန် နည်းလမ်းဖြင့် အဖြေရှာရန် အဆင်သင့်ဖြစ်ကြောင်း၊ သို့သော် ဥပဒေ အရ တရားဝင်ပြီး ပဋိပက္ခ၏ အရင်းခံအကြောင်းရင်းများကို ဖြေရှင်းပေးမည့် သဘောတူညီချက်ဖြစ်ရမည်ဟု ခိုင်ခိုင်မာမာရပ်တည်ထားသည်။

ကရင်မလင်ပြောရေးဆိုခွင့်ရှိသူ ဒီမီထရီ ပက်စကော့ဗ်က ဗုဒ္ဓဟူးနေ့ (ဇူလိုင် ၉) တွင် ရုရှားအာဏာပိုင်များသည် ထရမ့်၏ ထုတ်ဖော် ပြောဆိုချက် များကို “အေးဆေးတည်ငြိမ်စွာ လက်ခံထားကြောင်း” ရှင်းပြခဲ့ပြီး အမေရိကန် သမ္မတ၏ ပြောဟန်သည် “၎င်းသုံးနှုန်းသည့် စကားလုံးများသည် ယေဘုယျ အားဖြင့် အတော်အတန် ကြမ်းတမ်းသည့် ပုံစံရှိသည်” ဟု ဖြည့်စွက် ပြောကြားခဲ့သည်။

“ဝါရှင်တန်နှင့် ဆက်လက်ဆွေးနွေးညှိနှိုင်းရန်နှင့် ဆိုးရွားစွာ ပျက်စီး နေသော နှစ်နိုင်ငံဆက်ဆံရေးကို ပြန်လည်ကောင်းမွန်စေရန် မိမိတို့၏ မူဝါဒကို ဆက်လက်အကောင်အထည်ဖော်သွားမည်” ဟု ပက်စကော့ဗ် က မှတ်ချက်ပြုခဲ့သည်။

ကိုးကား- RT

ဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ကြား တွေ့ဆုံဆွေးနွေးမှု သဘောတူညီချက် မရသော်လည်း တိုးတက်မှုများရရှိ
ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့ကြား တွေ့ဆုံဆွေးနွေးမှု သဘောတူညီချက် မရသော်လည်း တိုးတက်မှုများရရှိ
အန်ကားရေ့၊ ချစ်ကြည်ရေးရုရှားသမ္မတဗလာဒီမာပူတင်နှင့် အမေရိကန်သမ္မတဒေါ်နယ်ထရမ့်တို့က ဩဂုတ် လ ၁၅ ရက်တွင် အမေရိကန်နိုင်ငံ အလက်စကာပြည်နယ် အန်ကားရေ့မြို့ရှိစစ်အခြေ စိုက်စခန်းတစ်ခု၌ တွေ့ဆုံဆွေးနွေးမှုများ လုပ်ဆောင်ရာ နှစ်နိုင်ငံခေါင်းဆောင်များ ကြား သဘောတူညီချက် တစ်စုံတစ်ရာမရရှိသော်လည်း နှစ်နိုင်ငံကြား ဆက်ဆံရေးနှင့် ပတ်သက်၍ တိုးတက်မှုများ ရရှိခဲ့ကြောင်း သိရသည်။ယခုဆွေးနွေးပွဲသို့   ဗလာဒီမာပူတင် တက်ရောက်မှုသည် ရုရှားနိုင်ငံ၏ အကြီး အကဲတစ်ဦးအနေဖြင့်    ဆယ်စုနှစ်တစ်ခုနီးပါးကြာပြီးမှ အမေရိကန်သို့သွားရောက် ခြင်းဖြစ်သကဲ့သို့ ၂၀၂၁ ခုနှစ်နောက်ပိုင်း နှစ်နိုင်ငံသမ္မတများကြား ပထမဆုံးမျက်နှာချင်းဆိုင် တွေ့ဆုံမှုလည်းဖြစ်သည်။မူလက    သမ္မတနှစ်ဦးတည်း တွေ့ဆုံဆွေးနွေးမည်ဟု ခန့်မှန်းထားသော်လည်း တကယ်တမ်းတွင်    တစ်ဖက်သုံးဦးစီဖြင့် ဆွေးနွေးမှုကို စတင်ခဲ့ခြင်းဖြစ်သည်။ ရုရှား ကိုယ်စားလှယ်အဖွဲ့က သမ္မတအပြင် နိုင်ငံခြားရေးဝန်ကြီး ဆာဂျီလက်ရော့၊ သမ္မတရုံးမှ တာဝန်ရှိသူ      ယူရီယူရှာကော့တို့တက်ရောက်ပြီး အမေရိကန် ကိုယ်စားလှယ်အဖွဲ့က ထရမ့်အပြင် နိုင်ငံခြားရေးဝန်ကြီးမာ ကိုရူဘီယိုနှင့် သမ္မတ၏ အထူးကိုယ်စားလှယ် စတိဝစ်ကော့တို့ တက်ရောက်သည်။ထို့နောက် နှစ်နိုင်ငံတာဝန်ရှိသူများက ဆွေးနွေးမှုများ လုပ်ဆောင်မှုအပြီးတွင် ပူတင်နှင့်ထရမ့်တို့က     ပူးတွဲသတင်းစာ ရှင်းလင်းပွဲတစ်ရပ် ကျင်းပသည်။ ထိုသတင်း စာရှင်းလင်းပွဲတွင် ထရမ့်က ယခုဆွေးနွေး မှု၌ မည်သည့်တရားဝင် သဘောတူညီချက် မျှရရှိခြင်းမရှိသော်လည်း ကောင်းမွန်သော တိုးတက်မှုများရရှိပြီး အချက်အလက်များ စွာနှင့်ပတ်သက်၍ အပြန်အလှန်နားလည် မှုများရရှိခဲ့ကြောင်းပြောသည်။ယင်းနောက် ပူတင်က ယူကရိန်းနိုင်ငံ အနေဖြင့် လုံခြုံရေးစိုးရိမ်မှု မရှိသင့်သည် ကိုသဘောတူကြောင်း၊     ယခုရရှိသည့်နားလည်မှုသည် ငြိမ်းချမ်းရေးဆီသို့ဦးတည် နိုင်စေမည်ဖြစ်ကြောင်း ပြောထားသည်။ထို့ပြင် လက်ရှိဖြစ်ပျက်နေသောအရာ အားလုံးသည် အဖြစ်ဆိုးတစ်ခုဖြစ်သည့် အပြင် ဆိုးရွားလှသည့် ဒဏ်ရာတစ်ခုလည်း ဖြစ်ကြောင်းနှင့် ထိုအဖြစ်ဆိုးကြီးပြီးဆုံး စေရန်  ရုရှားနိုင်ငံကစိတ်ရင်းဖြင့် အမှန်တကယ်ဆန္ဒရှိကြောင်း၊   ထို့ကြောင့် ပဋိ ပက္ခဖြစ်ပွားရသည့် အခြေခံအကြောင်းရင်းများကို     ကိုင်တွယ်ဖြေရှင်းရမည် ဖြစ်ကြောင်းနှင့် ယူကရိန်းနိုင်ငံနှင့် ဥရောပရှိ နိုင်ငံများအနေဖြင့် အခွင့်အရေးကိုအမိ အရဆုပ်ကိုင်သင့်ကြောင်း     ပူတင်ကဆက်ပြောထားသည်။အလားတူ ယခုလုပ်ဆောင်သည့် ဆွေးနွေးမှုသည် ယူကရိန်းပဋိပက္ခကို ဖြေရှင်း ရေးအတွက်သာမက ရုရှားနိုင်ငံနှင့် အမေရိကန်နိုင်ငံတို့ကြား လက်တွေ့ဆန်ကာ အကျိုးရှိသော ဆက်ဆံရေးကို  ပြန်လည် ထိန်းသိမ်းနိုင်ရေးအတွက် စမှတ်တစ်ခုဖြစ်ကြောင်း၊ ရုရှားနှင့် အမေရိကန်နိုင်ငံတို့ကြား ကုန်သွယ်ရေး၊ အဆင့်မြင့်နည်းပညာ၊ အာကာသလေ့လာရေးနှင့်     အာတိတ်ဒေသဆိုင်ရာ ကိစ္စရပ်များတွင် ပူးပေါင်းမှုများ   လုပ်ဆောင်နိုင်မည်ဟု မျှော်လင့်ကြောင်း ပူတင်ကပြောသည်။ရုရှားနှင့်အမေရိကန်တာဝန်ရှိသူများ ကြား ဆွေးနွေးမှုသည်   အချိန်အားဖြင့် သုံးနာရီကြာမြင့်ပြီး သတင်းစာ ရှင်းလင်းပွဲကို ၁၂ မိနစ်ကြာ လုပ်ဆောင်ခဲ့ခြင်းဖြစ်သည်။ သို့သော် ပူတင်နှင့်ထရမ့်တို့သည် သတင်း ထောက်များကို မေးခွန်းများ မေးခွင့်မပြု ခဲ့ကြောင်းသိရသည်။ ခေါင်းဆောင်နှစ်ဦး အနေဖြင့် အချိန်ကြာမြင့်စွာ ဆွေးနွေးမှုများ လုပ်ဆောင်ထားကြောင်း၊၎င်းတို့ပြောသွားသည့် အချက်များသည် ဆွေးနွေးပွဲ၏ အနှစ်ချုပ်များဖြစ်သောကြောင့် သတင်းထောက်များကို မေးခွန်းမေးခွင့်မပြုခြင်း ဖြစ်ကြောင်း    ရုရှားသမ္မတရုံးမှပြောရေးဆိုခွင့်ရှိသူ   ဒီမီထရီပက်စကော့က ပြောသည်။ထရမ့်က ပူတင်နှင့်ဆွေးနွေးပွဲ အပြီး၌ Fox News သတင်းဌာနနှင့် အင်တာဗျူး လက်ခံဖြေကြားစဉ် အပစ်အခတ်ရပ်စဲရေး သဘောတူညီချက်ရရှိရေးသည် ယူကရိန်း သမ္မတ ဇီလန်စကီအပေါ်တွင်သာ မူတည်တော့ကြောင်း၊ ရုရှားနှင့် ယူကရိန်းတို့ကြား နယ်မြေလဲလှယ်မှု၊    လုံခြုံရေးအာမခံမှုတို့နှင့် ပတ်သက်၍     ပူတင်နှင့်တွေ့ဆုံစဉ် ထည့်သွင်းဆွေးနွေးခဲ့ကြောင်း ပြောသည်။ထို့အတူ မကြာမီအချိန်တွင် ပူတင်၊ ဇီလန်စကီနှင့် ၎င်းကိုယ်တိုင်ပါဝင်သည့် ဆွေးနွေးပွဲတစ်ရပ် ပေါ်ထွက်လာမည်ဖြစ်ကြောင်း ထရမ့်က အင်တာဗျူးတွင် ပြောထားသည်။အမေရိကန်နိုင်ငံအနေဖြင့် ရုရှားအစိုးရ အဆင့်မြင့်ကိုယ်စားလှယ်အဖွဲ့ကို ဧည့်ဝတ် ကျေပွန်လွန်းစွာ ဧည့်ခံကြောင်း၊ အတိုက်အခံများ ရှိနေသည့်ကြားမှ နှစ်နိုင်ငံကြား ဆက်ဆံရေးကို ဆက်လက်တည်ဆောက် သွားမည်ဖြစ်ကြောင်း    ရုရှားတိုက်ရိုက် ရင်းနှီးမြှုပ်နှံမှုရန်ပုံငွေအဖွဲ့  အမှုဆောင်အရာရှိချုပ် ကီရေးမီထရိကပြောထားသည်။နှစ်နိုင်ငံ ခေါင်းဆောင်များသည် ဆွေးနွေးမှုများ လုပ်ဆောင်ပြီးနောက် အလက်စကာပြည်နယ်မှ ကိုယ်စီပြန်လည် ထွက်ခွာသွားကြောင်း သိရသည်။MWD
Sun, 17-Aug-2025
ပြည်ထောင်စုဝန်ကြီး ဦးသန်းဆွေ ကမ္ဘောဒီးယား ဒုတိယဝန်ကြီးချုပ်နှင့် နိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး၊ လာအိုနိုင်ငံခြားရေးဝန်ကြီးတို့နှင့် သီးခြားစီတွေ့ဆုံ
ပြည်ထောင်စုဝန်ကြီး ဦးသန်းဆွေ ကမ္ဘောဒီးယား ဒုတိယဝန်ကြီးချုပ်နှင့် နိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး၊ လာအိုနိုင်ငံခြားရေးဝန်ကြီးတို့နှင့် သီးခြားစီတွေ့ဆုံ
နေပြည်တော် ဩဂုတ် ၁၆နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေသည် တရုတ်ပြည်သူ့သမ္မတနိုင်ငံ အန်းနင်မြို့၌ (၁၀)ကြိမ်မြောက် မဲခေါင်-လန်ချန်း ပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးနှင့် ဆက်စပ်အစည်းအဝေးသို့ တက်ရောက်သည့်ကာလအတွင်း ကမ္ဘောဒီးယား ဒုတိယဝန်ကြီးချုပ်နှင့် နိုင်ငံခြားရေးနှင့် အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီး မစ္စတာပရက်ဆုတ်ခ်ခွန်းနှင့် ဩဂုတ် ၁၄ ရက် ညနေပိုင်းတွင်လည်းကောင်း၊ လာအိုနိုင်ငံခြားရေးဝန်ကြီး မစ္စတာထောင်ဆာဗန် ဖုန်ဗီဟေးနှင့် ဩဂုတ် ၁၅ ရက် မွန်းလွဲပိုင်းတွင်လည်းကောင်း သီးခြားစီတွေ့ဆုံသည်။တွေ့ဆုံမှုများအတွင်း သက်ဆိုင်ရာနိုင်ငံများနှင့် နှစ်နိုင်ငံအကြား ရှိရင်းစွဲချစ်ကြည်ရင်းနှီးမှု ပိုမိုခိုင်မာစေရေးကိစ္စရပ်များ၊ ပူးပေါင်းဆောင်ရွက်မှု မြှင့်တင်ရေးကိစ္စရပ်များကို ဆွေးနွေးခဲ့ကြသည်။လေကြောင်းခရီးဖြင့် မြန်မာနိုင်ငံသို့ ပြန်လည်ရောက်ရှိနိုင်ငံခြားရေးဝန်ကြီးဌာန ပြည်ထောင်စုဝန်ကြီး ဦးသန်းဆွေခေါင်းဆောင်သည့် မြန်မာကိုယ်စားလှယ်အဖွဲ့သည် တရုတ်ပြည်သူ့သမ္မတနိုင်ငံ အန်းနင်မြို့၌ ကျင်းပခဲ့သည့် (၁၀) ကြိမ်မြောက် မဲခေါင်-လန်ချန်း ပူးပေါင်းဆောင်ရွက်မှု နိုင်ငံခြားရေးဝန်ကြီးများ အစည်းအဝေးသို့တက်ရောက်ခဲ့ပြီး ယနေ့မွန်းလွဲပိုင်းတွင် လေကြောင်းခရီးဖြင့် မြန်မာနိုင်ငံသို့ ပြန်လည် ရောက်ရှိခဲ့ကြောင်း သိရသည်။MOI
Sun, 17-Aug-2025
၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကျင်းပမည့် မဲဆန္ဒနယ်မြေများ ထုတ်ပြန်ကြေညာ
၂၀၂၅ ခုနှစ် ပါတီစုံဒီမိုကရေစီအထွေထွေရွေးကောက်ပွဲကျင်းပမည့် မဲဆန္ဒနယ်မြေများ ထုတ်ပြန်ကြေညာ
နေပြည်တော် ဩဂုတ် ၁၅ပြည်ထောင်စုရွေးကောက်ပွဲကော်မရှင်သည် ၂၀၂၅ ခုနှစ်အတွင်း ကျင်းပမည့် ပါတီစုံဒီမိုကရေစီအထွေထွေရွေးကောက်ပွဲ၌ လွှတ်တော်မဲဆန္ဒနယ်များအဖြစ် ကြေညာချက်အမှတ် (၅၀ /၂၀၂၅) ဖြင့် ပြည်သူ့လွှတ်တော်မဲဆန္ဒနယ်များကိုလည်းကောင်း၊ ကြေညာချက်အမှတ် (၅၁ /၂၀၂၅) ဖြင့် အမျိုးသားလွှတ်တော်မဲဆန္ဒနယ်များကိုလည်းကောင်း၊ ကြေညာချက်အမှတ် (၅၂/၂၀၂၅) ဖြင့် တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်မဲဆန္ဒနယ်များကိုလည်းကောင်း၊ ကြေညာချက်အမှတ် (၅၃/၂၀၂၅) ဖြင့် တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်တိုင်းရင်းသားလူမျိုးမဲဆန္ဒနယ်များကိုလည်းကောင်း ၁၃၈၇ ခုနှစ်၊ ဝါခေါင်လပြည့်ကျော် ၇ ရက်၊ ၂၀၂၅ ခုနှစ် ဩဂုတ် ၁၅ ရက် ရက်စွဲဖြင့် သတ်မှတ်ထုတ်ပြန်ခဲ့သည်။အဆိုပါသတ်မှတ်ထုတ်ပြန်ချက်များအရ ယခုနှစ်အတွင်း ကျင်းပမည့် လွှတ်တော်အသီးသီးအတွက် မဲဆန္ဒနယ်များမှာ မဲအများဆုံးရသူအနိုင်ယူစနစ် (FPTP) ဖြင့် ကျင်းပမည့် ပြည်သူ့လွှတ်တော်မဲဆန္ဒနယ် ၃၃၀ နယ်၊ ရောနှောထားသော ကိုယ်စားလှယ်အချိုးကျစနစ် (MMP) ဖြင့် ကျင်းပမည့် အမျိုးသားလွှတ်တော်မဲဆန္ဒနယ်တွင် မဲအများဆုံးရသူအနိုင်ယူ စနစ် (FPTP) မဲဆန္ဒနယ် ၈၄ နယ်၊ အချိုးကျကိုယ်စားပြုစနစ် (PR) မဲဆန္ဒနယ် ၂၆ နယ် စုစုပေါင်းမဲဆန္ဒနယ် ၁၁၀ နယ်၊ ရောနှောထားသောကိုယ်စားလှယ် အချိုးကျစနစ် (MMP) ဖြင့် ကျင်းပမည့် တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော်မဲဆန္ဒနယ်တွင် မဲအများဆုံးရသူ အနိုင်ယူစနစ် (FPTP) မဲဆန္ဒနယ် ၃၂၂ နယ်နှင့် အချိုးကျကိုယ်စားပြုစနစ် (PR) မဲဆန္ဒနယ် ၄၂ နယ် စုစုပေါင်းမဲဆန္ဒနယ် ၃၆၄ နယ်၊ တိုင်းဒေသကြီးလွှတ်တော် သို့မဟုတ် ပြည်နယ် လွှတ်တော်တိုင်းရင်းသားလူမျိုး မဲဆန္ဒနယ် ၂၉ နယ်ဖြစ်ကြောင်း သိရသည်။ယင်းမဲဆန္ဒနယ်မြေ သတ်မှတ်ထုတ်ပြန်ချက်များနှင့် လွှတ်တော်အလိုက် မဲဆန္ဒနယ်တွင် ပါဝင်သည့် နယ်မြေများစာရင်းအသေးစိတ်ကို နေ့စဉ်ထုတ်သတင်းစာများတွင် ထည့်သွင်းဖော်ပြပေးသွားမည်ဖြစ်ပြီး ပြည်ထောင်စုရွေးကောက်ပွဲကော်မရှင်ရုံး Website ဖြစ်သည့် www.uec.gov.mm တွင် ဝင်ရောက်ကြည့်ရှုနိုင်ကြောင်း သတင်းရရှိသည်။
Sat, 16-Aug-2025
ပြည်သူ့လွှတ်တော်မဲဆန္ဒနယ်များ သတ်မှတ်ကြေညာခြင်း
ပြည်သူ့လွှတ်တော်မဲဆန္ဒနယ်များ သတ်မှတ်ကြေညာခြင်း
ဆက်လက်ဖတ်ရှုရန် https://sacministry.gov.mm/my/node/11312 
Sat, 16-Aug-2025
တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် တိုင်းရင်းသားလူမျိုးမဲဆန္ဒနယ်များ သတ်မှတ်ကြေညာခြင်း
တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် တိုင်းရင်းသားလူမျိုးမဲဆန္ဒနယ်များ သတ်မှတ်ကြေညာခြင်း
ဆက်လက်ဖတ်ရှုရန်https://sacministry.gov.mm/my/node/11318 
Fri, 15-Aug-2025
တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် မဲဆန္ဒနယ်များ သတ်မှတ်ကြေညာခြင်း
တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် မဲဆန္ဒနယ်များ သတ်မှတ်ကြေညာခြင်း
ဆက်လက်ဖတ်ရှုရန်https://sacministry.gov.mm/my/node/11316 
Fri, 15-Aug-2025
© Copyright 2024 SAC All Rights Reserved.