ဆီးရီးယားရှိ ရုရှား၏ အခြေခံအဆောက်အအုံများကို အနီးကပ်စောင့်ကြည့်နေကြောင်း ရုရှားနိုင်ငံခြားရေးပြောကြား

မော်စကိုသည် ဆီးရီးယားနယ်နိမိတ်အတွင်းနေထိုင်သည့် ရုရှားနိုင်ငံသားများ၏ ဘေးကင်းလုံခြုံရေးအပြည့်အဝရရှိစေရန်၊ အထူးသဖြင့် သံတမန်ရေးရာနှင့် စစ်ဘက်ဆိုင်ရာအဆောက်အအုံများ၊ ရုရှားစက်ရုံများ၊ ကုမ္ပဏီများကိုကာကွယ်ရန် ဆီးရီးယား၏ ဖြစ်ပေါ်တိုးတက်မှုအခြေအနေကို အနီးကပ်ဂရုတစိုက်စောင့်ကြည့်နေကြောင်း ရုရှားနိုင်ငံခြားရေးဌာနပြောခွင့်ရ Maria Zakharova က ပြောကြားလိုက်ကြောင်း ရုရှားနိုင်ငံပိုင် TASS သတင်းဌာနက ၁၁-၁၂-၂၀၂၄ ရက်တွင် ဖော်ပြထားပါသည်။ 

ဆီးရီးယားပြည်သူများအနေဖြင့် ဖြစ်ပေါ်လာသည့် အခြေအနေတွင် တွေ့ကြုံနေရသော အတားအဆီးအခက်အခဲများကို ကျော်လွှားနိုင်ရန်  အမှန်တကယ် ဆန္ဒရှိပါကြောင်း၊ ဆီးရီးယား၏ အချုပ်အခြာအာဏာ၊ စည်းလုံးညီညွတ်မှုနှင့်နယ်မြေစိုးမိုးရေးအတွက် ရုရှား၏  ခိုင်မာသည့် ကတိကဝတ်များကို ထပ်လောင်းပြောကြားပါကြောင်း၊ ကုလသမဂ္ဂလုံခြုံရေးကောင်စီဆုံးဖြတ်ချက် ၂၂၅၄ နှင့်အညီ ဆီးရီးယားနိုင်ငံသားများ ကိုယ်တိုင် ဦးဆောင်သည့်အားလုံးပါဝင်နိုင်သော နိုင်ငံရေးလုပ်ငန်းစဉ်အတွက် အမြန်ညှိနှိုင်းဆောင်ရွက်ကြရန် ထောက်ခံပါကြောင်း သူမက ပြောကြားလိုက်ပါသည်။

ကိုးကား -TASS

Photo- ASIA-PACIFIC