အမေရိကန်သမ္မတဒေါ်နယ်ထရမ့်သည် အိန္ဒိယနိုင်ငံ အပေါ် ၂၅% အခွန် ကောက်ခံရန် ရည်ရွယ်ထားကြောင်း ပြောကြား

sacadmin

News Image

  • အမေရိကန်သမ္မတဒေါ်နယ်ထရမ့်သည် အိန္ဒိယနိုင်ငံ အပေါ် ၂၅% အခွန် ကောက်ခံရန် ရည်ရွယ်ထားကြောင်း ပြောကြား

ဝါရှင်တန်၊ ဇူလိုင် ၃၀ ရက် 

အမေရိကန်ပြည်ထောင်စုသည် အိန္ဒိယနိုင်ငံမှ တင်သွင်းလာသော ကုန် ပစ္စည်းများအပေါ် ၂၅% သွင်းကုန်ခွန်များ ချမှတ်ရန် ရည်ရွယ်ထားကြောင်း အမေရိကန်သမ္မတ ဒေါ်နယ်ထရမ့် က ပြောကြားခဲ့ပါသည်။

အဘာဒင်း (Aberdeen) မှ ဝါရှင်တန်သို့ ပြန်လာစဉ် ၎င်း၏ လေယာဉ် ပေါ်တွင် သတင်းထောက်များနှင့် စကားပြောဆိုရာ၌ သမ္မတထရမ့်က "အိန္ဒိယ က ၂၅% ပေးဆောင်ရလိမ့်မည်" ဟု ပြောကြားခဲ့ပါသည်။ အမေရိကန်နှင့် အိန္ဒိယတို့အကြား ကုန်သွယ်ရေးသဘောတူညီချက် ပြင်ဆင်မှု ပြီးစီးပြီ လားဟု မေးမြန်းသောအခါ အိမ်ဖြူတော်အကြီးအကဲက "မိမိ သိသလောက် တော့ မပြီးသေးကြောင်း" ပြန်လည်ဖြေကြားခဲ့ပါသည်။

"အိန္ဒိယသည် ကောင်းမွန်သည့် မိတ်ဆွေတစ်ဦးဖြစ်ခဲ့သော်လည်း ၎င်းတို့က တခြားမည်သည့်နိုင်ငံနှင့်မဆို နှိုင်းယှဉ်ပါက အခြေခံအားဖြင့် ပိုမိုမြင့်မားသည့် အခွန်တွေကို ကောက်ခံခဲ့ကြောင်း၊ သို့သော် ယခု မိမိ အာဏာရချိန်တွင် ယခုလို ဆက်လက်ဆောင်ရွက်ရန် မဖြစ်နိုင်တော့ ကြောင်း" အမေရိကန်သမ္မတက အလေးပေးပြောကြားခဲ့ပါသည်။

အစောပိုင်းတွင် The Indian Express သတင်းစာက သတင်းရင်းမြစ် များကို ကိုးကား၍ အိန္ဒိယနှင့် အမေရိကန်တို့အကြား ကုန်သွယ်ရေး သဘောတူညီချက်အသစ်အတွက် ဆွေးနွေးမှုများသည် တိုးတက်မှု မရှိခြင်းကြောင့် ရပ်ဆိုင်းနေကြောင်း ဖော်ပြခဲ့ပါသည်။ 

ထိုထုတ်ပြန်ချက်အရ အမေရိကန်အစိုးရက အမေရိကန် ကုန်ပစ္စည်းများ ကို အိန္ဒိယဈေးကွက်သို့ အခွန်လွတ်ဝင်ရောက်ခွင့်ပေးရန် တောင်းဆို နေပြီး အိန္ဒိယကမူ အိန္ဒိယကုန်ပစ္စည်းများအပေါ် အမေရိကန်က ချမှတ် သည့် အခွန်နှုန်းသည် ၁၅% ထက် မပိုရန် တောင်းဆိုနေကြောင်း သိရှိ ရပါသည်။

ထို့အပြင် အိန္ဒိယသည် အမေရိကန်လက်နက်များ၊ သဘာဝဓာတ်ငွေ့နှင့် နျူကလီးယားဓာတ်ပေါင်းဖိုများ ဝယ်ယူရန် ဆန္ဒရှိကြောင်းလည်း ဖော်ပြ ခဲ့ပါသည်။

ကိုးကား - tass

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ထရမ့်က ရုရှားနှင့်ကုန်သွယ်မှုကြောင့် အိန္ဒိယအပေါ် အကောက်ခွန် စည်းကြပ်မှုများ ချမှတ်
ထရမ့်က ရုရှားနှင့်ကုန်သွယ်မှုကြောင့် အိန္ဒိယအပေါ် အကောက်ခွန် စည်းကြပ်မှုများ ချမှတ်
အမေရိကန်သမ္မတ ဒေါ်နယ်ထရမ့်က ရုရှားနှင့်ဆက်လက်ကုန်သွယ်မှု ပြုနေခြင်းကြောင့် အိန္ဒိယအပေါ် လာမည့်ဩဂုတ်လမှစ၍ ၂၅% အကောက်ခွန်နှင့် အပိုဒဏ်ကြေးများ စည်းကြပ်မည်ဟု ကြေညာလိုက် သည်။ ပြီးခဲ့သည့် ရက်ပိုင်းတွင် ထရမ့်က ရုရှားအား ယူကရိန်းနှင့် ငြိမ်းချမ်းရေးသဘောတူညီချက်ရရန် ၁၀ ရက်အချိန် ပေးထားခဲ့ပြီးနောက် အဆိုပါကြေညာချက်ထွက်ပေါ်လာခြင်းဖြစ်သည်။ဇူလိုင် ၃၀ ရက်နေ့တွင် ၎င်း၏ Truth Social အကောင့်၌ ရေးသားရာ တွင် ထရမ့်က "အိန္ဒိယသည် မိမိတို့၏မိတ်ဆွေဖြစ်သည်" ဟု ဆိုသော် လည်း အမေရိကန်သည် ၎င်းတို့နှင့်ကုန်သွယ်မှု အနည်းငယ်သာ ရှိသည် ဟု ဖော်ပြခဲ့သည်။ ထို့အပြင် ၎င်းက ယူကရိန်းပဋိပက္ခကာလအတွင်း အိန္ဒိယသည် ရုရှားထံမှ စစ်လက်နက်ပစ္စည်းများနှင့် စွမ်းအင်ဝယ်ယူမှုကို ဆက်လက်ပြုလုပ်နေကြောင်း ထောက်ပြခဲ့သည်။ ထို့အတွက်ကြောင့် အိန္ဒိယသည် သြဂုတ်လ ၁ ရက်မှစတင်၍ ၂၅% အကောက်ခွန်အပြင် အပိုဒဏ်ကြေးများလည်း ပေးဆောင်ရမည်ဟု ထရမ့်က ရေးသား ခဲ့သည်။အမေရိကန်သည် ပြီးခဲ့သည့်မတ်လတွင် အိန္ဒိယကုန်ပစ္စည်းများအပေါ် ၂၆% အကောက်ခွန်စည်းကြပ်ခဲ့ဖူးပြီး ယင်းသည် ထရမ့်၏ 'Liberation Day' အကောက်ခွန်များတွင် ပါဝင်ကာ အလူမီနီယမ်၊ သံမဏိနှင့် အခြား ဆက်စပ်ကုန်ပစ္စည်းများ ပါဝင်ခဲ့သည်။ သို့သော် ယင်းအကောက်ခွန်များကို ယာယီရပ်ဆိုင်းထားခဲ့သည်။ နယူးဒေလီက အမေရိကန်နှင့် ကုန်သွယ်ရေးသဘောတူညီချက်တစ်ခုကို အားကောင်းသော အနေအထား မှသာ ချုပ်ဆိုမည်ဖြစ်ပြီး အချိန် သတ်မှတ်ချက် ပြုလုပ်ခြင်း သို့မဟုတ် "ညှိနှိုင်းရေးကိရိယာ" အဖြစ် အသုံးမပြုရန် ပြောကြားခဲ့သည်။ယခုသီတင်းပတ်အစောပိုင်းတွင် ထရမ့်က ယူကရိန်းပဋိပက္ခကို ဖြေရှင်း ရန် အချိန်ကာလကို ၅၀ ရက်မှ ၁၀ ရက်သို့ ပြောင်းလဲသတ်မှတ်ခဲ့ပြီး မော်စကိုသည် ကိယက်ဗ်နှင့် ငြိမ်းချမ်းရေးသဘောတူညီချက်မရရှိပါက ရုရှားနှင့် ၎င်း၏ကုန်သွယ်ဖက်နိုင်ငံများအပေါ် ၁၀၀% အထိ အကောက်ခွန် များစည်းကြပ်မည်ဟု ခြိမ်းခြောက်ခဲ့သည်။ရုရှားဘက်မှ ယူကရိန်းပဋိပက္ခကို ငြိမ်းချမ်းစွာဖြေရှင်းရန် ညှိနှိုင်း ဆွေးနွေးရန် အဆင်သင့်ရှိကြောင်း ထပ်ခါတလဲလဲပြောဆိုခဲ့သော်လည်း ထရမ့်၏နောက်ဆုံးသတ်မှတ်ချက်ကို ငြင်းဆန်ခဲ့ပြီး ယင်းသည် ငြိမ်းချမ်းရေး အားထုတ်မှုများကို ထိခိုက်စေသည်ဟု ဆိုခဲ့သည်။ ရုရှားအရာရှိများက မည်သည့်ညှိနှိုင်းမှုမဆို မြေပြင်အခြေအနေများနှင့်ကိုက်ညီရမည်ဖြစ်ပြီး ပဋိပက္ခ၏မူလအကြောင်းရင်းများကို ဖြေရှင်းရမည်ဟု အတိအလင်း ပြောဆိုခဲ့သည်။ရုရှားနိုင်ငံခြားရေး ဒုတိယဝန်ကြီး Sergey Ryabkov က “ဖိအားများ သည် ရုရှား၏ အမျိုးသားအကျိုးစီးပွားနှင့် လွတ်လပ်ပြီး အချုပ်အခြာ အာဏာပိုင်သည့် ကိုယ်ပိုင်လမ်းကြောင်းပေါ် ခရီးဆက်လှမ်းမှုကို မတား ဆီးနိုင်” ဟု လွန်ခဲ့သောလအတွင်းက ပြောကြားခဲ့သည်။ ထရမ့်ကလည်း ရုရှားနှင့် ၎င်း၏ကုန်သွယ်ဖက်နိုင်ငံများအပေါ် ထပ်ဆောင်း ကန့်သတ်မှု များ အလုပ်ဖြစ်၊ မဖြစ်ကို မသေချာကြောင်း ဝန်ခံခဲ့သည်။ ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
ထရမ့်က အိန္ဒိယနှင့် ကုန်သွယ်ရေးသဘောတူညီချက် မပြီးဆုံးသေးဘဲ အကောက်ခွန်များ တိုးမြှင့်နိုင်သည်ဟု သတိပေး
ထရမ့်က အိန္ဒိယနှင့် ကုန်သွယ်ရေးသဘောတူညီချက် မပြီးဆုံးသေးဘဲ အကောက်ခွန်များ တိုးမြှင့်နိုင်သည်ဟု သတိပေး
အမေရိကန်သမ္မတ ဒေါ်နယ်ထရမ့်က အိန္ဒိယနှင့် ကုန်သွယ်ရေး သဘော တူညီချက်ကို ဩဂုတ်လ ၁ ရက်နေ့ နောက်ဆုံးရက် သတ်မှတ်ချက်မတိုင်မီ အပြီးသတ်ရန် မလွယ်ကူသေးကြောင်း ပြောကြားခဲ့သည်။ ၎င်း၏ ပြောကြားချက်များသည် Reuters ၏ ဖော်ပြချက်တစ်ခုနှင့် ဆက်စပ် နေပြီး အိန္ဒိယသည် ကုန်သွယ်ရေးသဘောတူညီချက်မရှိပါက အမေရိကန် သို့ တင်ပို့မည့် ကုန်ပစ္စည်းများအတွက် ၂၀%-၂၅% အထိ အကောက်ခွန် များ တိုးမြှင့်ကျခံရမည်ဖြစ်ကြောင်း ဖော်ပြထားသည်။ထရမ့်က "အိန္ဒိယသည် မိတ်ဆွေကောင်းတစ်ဦးဖြစ်သော်လည်း အခြား နိုင်ငံများထက် ပိုမိုမြင့်မားသော အကောက်ခွန်များ ကောက်ခံခဲ့သည်" ဟု ပြောကြားခဲ့ပြီး ၎င်းကိစ္စသည် မကြာမီ အဆုံးသတ် သွားမည် ဖြစ်ကြောင်း ဖြည့်စွက်ပြောကြားခဲ့သည်။ အိန္ဒိယသည် သြဂုတ်လလယ် တွင် အမေရိကန်ကိုယ်စားလှယ်အဖွဲ့ လာရောက်မည့်အချိန်တွင် ပိုမို ကျယ်ပြန့်သော ကုန်သွယ်ရေးဆွေးနွေးပွဲများ ပြန်လည်စတင်ရန် စီစဉ် နေပြီး အောက်တိုဘာလတွင် နှစ်နိုင်ငံအကြား ကျယ်ပြန့်သော ကုန်သွယ်ရေး သဘောတူညီချက်တစ်ရပ် ရရှိရန် မျှော်လင့်ထားကြောင်း အိန္ဒိယ အရာရှိ များက ပြောကြားခဲ့သည်။အိန္ဒိယသည် ကုန်ပစ္စည်းများစွာတွင် အကောက်ခွန်များ လျှော့ချရန် ကမ်းလှမ်းထားပြီး အကောက်ခွန်မဟုတ်သော အဟန့်အတားများကို ဖြေလျှော့ရန် လုပ်ဆောင်နေသော်လည်း စိုက်ပျိုးရေးနှင့် နို့ထွက်ပစ္စည်း များတင်ပို့မှု ကန့်သတ်ချက်များကို ရင်ဆိုင်နေရဆဲဖြစ်သည်။ ၂၀၂၄ ခုနှစ် တွင် နှစ်နိုင်ငံအကြား ကုန်သွယ်မှုသည် အမေရိကန်ဒေါ်လာ ၁၂၉ ဘီလီယံ ခန့်ရှိခဲ့ပြီး အိန္ဒိယသည် အမေရိကန်ဒေါ်လာ ၄၆ ဘီလီယံခန့် ပိုလျှံမှု ရှိခဲ့သည်။အိန္ဒိယသည် BRICS နိုင်ငံများကို ပစ်မှတ်ထားသော အမေရိကန်၏ အကောက်ခွန်ခြိမ်းခြောက်မှုများကြားတွင် မဟာဗျူဟာကို ချိန်ညှိနေပြီး အိန္ဒိယတင်ပို့သူများအား အခြားနိုင်ငံများထက် ဦးစားပေး အခွင့်အရေး များ ရရှိစေမည့် သဘောတူညီချက်တစ်ရပ်ကို ရရှိရန် မျှော်လင့်နေကြောင်း အရာရှိများက ပြောကြားခဲ့သည်။ကိုးကား- Reutersဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
ထရမ့်၏ အကောက်ခွန်မူဝါဒကြောင့် အမေရိကန်ပြည်သူများ ဈေးနှုန်း မြင့်တက်မှုခံစားနေရ
ထရမ့်၏ အကောက်ခွန်မူဝါဒကြောင့် အမေရိကန်ပြည်သူများ ဈေးနှုန်း မြင့်တက်မှုခံစားနေရ
သမ္မတ ဒေါ်နယ်ထရမ့်၏ ကုန်သွယ်ရေးအကောက်ခွန်များ တိုးမြှင့်မှုကြောင့် အမေရိကန်ကုမ္ပဏီကြီးများက ကုန်ကျစရိတ်ကို စားသုံးသူများထံသို့ လွှဲပြောင်းရန် စီစဉ်နေသည်။ Procter & Gamble (P&G) အပါအဝင် ကုမ္ပဏီများက ၂၀၂၅ ခုနှစ်အတွက် စျေးနှုန်းများ မြှင့်တင်မည်ဟု ကြေညာ ခဲ့ပြီး အကောက်ခွန်များ၏ သက်ရောက်မှုကို ခံစားရမည်ဖြစ်သည်။ထရမ့်၏ အကောက်ခွန်မူဝါဒကြောင့် P&G၊ Nestle၊ Kimberly-Clark၊ PepsiCo စသည့် ကုမ္ပဏီများ၏ စတော့ရှယ်ယာများ ကျဆင်းခဲ့ပြီး၊ စားသုံးသူများက စျေးကြီးသော အမှတ်တံဆိပ်ပစ္စည်းများကို ဝယ်ယူရန် လျှော့ချလာကြသည်။ Walmart၊ Amazon၊ Best Buy ကဲ့သို့သော ကုမ္ပဏီများကလည်း စျေးနှုန်းများ မြှင့်တင်ရန် ဖိအားခံစားနေရသည်။အကောက်ခွန်များ၏ သက်ရောက်မှုကို ၂၀၂၅ ခုနှစ် နှစ်ကုန်ပိုင်းတွင် ပိုမို သိသာစွာ ခံစားရမည်ဟု ခန့်မှန်းထားသည်။ အချို့သော ကုမ္ပဏီများက စျေးနှုန်းများကို လက်ရှိတွင်ပင် မြှင့်တင်လိုက်ပြီဖြစ်သည်။ ဥပမာ Swatch က နာရီဈေးနှုန်းကို ၅% မြှင့်တင်ခဲ့သော်လည်း အရောင်းအ၀ယ်အပေါ် သက်ရောက်မှု မရှိဟု ဆိုသည်။အဆိုပါအခြေအနေသည် အမေရိကန်စီးပွားရေးနှင့် စားသုံးသူများအတွက် စိန်ခေါ်မှုတစ်ရပ်ဖြစ်လာမည်ဟု ကျွမ်းကျင်သူများက သုံးသပ်ထား ကြသည်။ကိုးကား- Reutersဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 30-Jul-2025
ကျောက်ဆည်မြို့နယ် မှိုင်းပန်ကျေးရွာတွင် ပဲတီစိမ်းစိုက်ခင်းများ အောင်မြင်ဖြစ်ထွန်း , ကျောက်ဆည်မြို့နယ် မှိုင်းပန်ကျေးရွာတွင် ပဲတီစိမ်းစိုက်ခင်းများ အောင်မြင်ဖြစ်ထွန်း
ကျောက်ဆည်မြို့နယ် မှိုင်းပန်ကျေးရွာတွင် ပဲတီစိမ်းစိုက်ခင်းများ အောင်မြင်ဖြစ်ထွန်း
ကျောက်ဆည်၊ဇူလိုင်-၃၀မန္တလေးတိုင်းဒေသကြီး၊ ကျောက်ဆည်ခရိုင်၊ ကျောက်ဆည်မြို့နယ်၌ မိုးပဲတီစိမ်းသီးနှံများကို ယာမြေများတွင် နေရာဒေသအလိုက် မေလလယ်မှဩဂုတ်လအလယ်ချိန်အထိ စိုက်ပျိုးလျက်ရှိရာ မှိုင်းပန် ကျေးရွာတွင် စိုက်ပျိုး ထားသော ပဲတီစိမ်းသီးနှံစိုက်ခင်းများ အောင်မြင်ဖြစ်ထွန်းလျက်ရှိကြောင်း သိရသည်။ပဲတီစိမ်းသီးနှံများ စိုက်ပျိုးရာ၌ အောင်မြင်ဖြစ်ထွန်းရေး သက်ဆိုင်ရာဌာနများမှတာဝန်ရှိသူများက ဒေသ ရာသီ ဥတု နှင့်ကိုက်ညီဖြစ်ထွန်းပြီး ရောဂါပိုးမွှားဒဏ်ခံနိုင်သည့် ဈေးကွက်ဝင် အထွက်ကောင်းမျိုးများကို ရွေးချယ် စိုက်ပျိုးရေး၊ အပင်ပေါက်ရာခိုင်နှုန်း(၇၅-၈၅)ရှိသည့် မျိုးသန့်မျိုးစေ့များ ရွေးချယ်စိုက်ပျိုးရေး၊ မြေပြင်ချိန်မှစ၍ သွင်းအားစုများ စနစ်တကျထည့်သွင်းရေး၊ မြေအောင်းပိုးများနှင့်ပင်စည်ထိုးယင်များ ကာကွယ်နှိမ်နင်းရေး၊ ခူးဆွတ်ရိတ်သိမ်းရာ၌ သီးတောင့်များ အနက်ရောင်/ အဝါရောင်ပြောင်းလဲချိန်တွင် ခူးဆွတ်နေလှမ်း၍ သန့်စင်ပြီး စနစ်တကျရိတ်သိမ်းရေး နည်းပညာများကို ဖြန့်ဝေပေးလျက်ရှိကြောင်း သိရသည်။ပဲတီစိမ်းသီးနှံစိုက်ပျိုးရာ၌ (၁) ဧကကုန်ကျစရိတ်အနေဖြင့် မစိုက်ပျိုးမီ စက်ထယ်ဖြင့် မြေပြုပြင်ခြင်း၊ မျိုးစေ့၊ နွားရှဉ်းဖြင့်လူလုပ်အားသုံးစိုက်ပျိုးခြင်း၊ ပိုးမွှားနှိမ်နှင်းကာကွယ်ဆေးဖြန်းခြင်း၊ ပင်ကြား/တန်းကြား မြေဆွခြင်း၊ ပေါင်းမြက်ရှင်းလင်းခြင်း၊ပဲတီစိမ်း ရိတ်သိမ်းချွေလှေ့ခြင်း စသည့်အထွေထွေကုန်စရိတ်သည် နေရာဒေသအလိုက် ငွေ(၃)သိန်း(၃)သောင်းမှ (၃)သိန်း(၆)သောင်းအထိ အမျိုးမျိုးရှိပြီး(၁)ဧက အနည်းဆုံး(၁၀)တင်း ထွက်ရှိပြီး ရောင်းဈေးအနေဖြင့်ပဲတီစိမ်း(၁)တင်း(၉)သောင်းကျပ်ဖြင့်ရောင်းချရပါက တစ်ဧကအမြတ်ငွေကျပ် (၅)သိန်းကျော် ရရှိကြောင်း ပဲတီစိမ်းစိုက်တောင်သူများထံမှ သိရှိရသည်။သက်မောင်(ကျောက်ဆည်)
Wed, 30-Jul-2025
အမေရိကန်သမ္မတဒေါ်နယ်ထရမ့်သည် အိန္ဒိယနိုင်ငံ အပေါ် ၂၅% အခွန် ကောက်ခံရန် ရည်ရွယ်ထားကြောင်း ပြောကြား
အမေရိကန်သမ္မတဒေါ်နယ်ထရမ့်သည် အိန္ဒိယနိုင်ငံ အပေါ် ၂၅% အခွန် ကောက်ခံရန် ရည်ရွယ်ထားကြောင်း ပြောကြား
ဝါရှင်တန်၊ ဇူလိုင် ၃၀ ရက် အမေရိကန်ပြည်ထောင်စုသည် အိန္ဒိယနိုင်ငံမှ တင်သွင်းလာသော ကုန် ပစ္စည်းများအပေါ် ၂၅% သွင်းကုန်ခွန်များ ချမှတ်ရန် ရည်ရွယ်ထားကြောင်း အမေရိကန်သမ္မတ ဒေါ်နယ်ထရမ့် က ပြောကြားခဲ့ပါသည်။အဘာဒင်း (Aberdeen) မှ ဝါရှင်တန်သို့ ပြန်လာစဉ် ၎င်း၏ လေယာဉ် ပေါ်တွင် သတင်းထောက်များနှင့် စကားပြောဆိုရာ၌ သမ္မတထရမ့်က "အိန္ဒိယ က ၂၅% ပေးဆောင်ရလိမ့်မည်" ဟု ပြောကြားခဲ့ပါသည်။ အမေရိကန်နှင့် အိန္ဒိယတို့အကြား ကုန်သွယ်ရေးသဘောတူညီချက် ပြင်ဆင်မှု ပြီးစီးပြီ လားဟု မေးမြန်းသောအခါ အိမ်ဖြူတော်အကြီးအကဲက "မိမိ သိသလောက် တော့ မပြီးသေးကြောင်း" ပြန်လည်ဖြေကြားခဲ့ပါသည်။"အိန္ဒိယသည် ကောင်းမွန်သည့် မိတ်ဆွေတစ်ဦးဖြစ်ခဲ့သော်လည်း ၎င်းတို့က တခြားမည်သည့်နိုင်ငံနှင့်မဆို နှိုင်းယှဉ်ပါက အခြေခံအားဖြင့် ပိုမိုမြင့်မားသည့် အခွန်တွေကို ကောက်ခံခဲ့ကြောင်း၊ သို့သော် ယခု မိမိ အာဏာရချိန်တွင် ယခုလို ဆက်လက်ဆောင်ရွက်ရန် မဖြစ်နိုင်တော့ ကြောင်း" အမေရိကန်သမ္မတက အလေးပေးပြောကြားခဲ့ပါသည်။အစောပိုင်းတွင် The Indian Express သတင်းစာက သတင်းရင်းမြစ် များကို ကိုးကား၍ အိန္ဒိယနှင့် အမေရိကန်တို့အကြား ကုန်သွယ်ရေး သဘောတူညီချက်အသစ်အတွက် ဆွေးနွေးမှုများသည် တိုးတက်မှု မရှိခြင်းကြောင့် ရပ်ဆိုင်းနေကြောင်း ဖော်ပြခဲ့ပါသည်။ ထိုထုတ်ပြန်ချက်အရ အမေရိကန်အစိုးရက အမေရိကန် ကုန်ပစ္စည်းများ ကို အိန္ဒိယဈေးကွက်သို့ အခွန်လွတ်ဝင်ရောက်ခွင့်ပေးရန် တောင်းဆို နေပြီး အိန္ဒိယကမူ အိန္ဒိယကုန်ပစ္စည်းများအပေါ် အမေရိကန်က ချမှတ် သည့် အခွန်နှုန်းသည် ၁၅% ထက် မပိုရန် တောင်းဆိုနေကြောင်း သိရှိ ရပါသည်။ထို့အပြင် အိန္ဒိယသည် အမေရိကန်လက်နက်များ၊ သဘာဝဓာတ်ငွေ့နှင့် နျူကလီးယားဓာတ်ပေါင်းဖိုများ ဝယ်ယူရန် ဆန္ဒရှိကြောင်းလည်း ဖော်ပြ ခဲ့ပါသည်။ကိုးကား - tass
Wed, 30-Jul-2025
အမေရိကန်ပြည်ထောင်စုမှ Nvidia၏ နည်းပညာအဆင့်နိမ့်သော မိုက်ခရိုချစ်ပ်များကို တရုတ်နိုင်ငံသို့ ဆက်လက်တင်ပို့မည်
အမေရိကန်ပြည်ထောင်စုမှ Nvidia၏ နည်းပညာအဆင့်နိမ့်သော မိုက်ခရိုချစ်ပ်များကို တရုတ်နိုင်ငံသို့ ဆက်လက်တင်ပို့မည်
ဝါရှင်တန်ဒီစီ၊ ဇူလိုင် ၃၀ ရက်အမေရိကန်ပြည်ထောင်စုသည် Nvidia ၏ နည်းပညာအဆင့်နိမ့်သော မိုက်ခရိုချစ်ပ်များကို တရုတ်နိုင်ငံသို့ တင်ပို့ခွင့်ပြုရန် ဆုံးဖြတ်ခဲ့ကြောင်း အိမ်ဖြူတော်၏ အမျိုးသားစီးပွားရေးကောင်စီဥက္ကဋ္ဌ Kevin Hassett က ပြောကြားခဲ့ပါသည်။ သို့သော် အဆင့်မြင့်ဆုံး ပရိုဆက်ဆာများကိုမူအမေရိကန်ပြည်ထောင်စုတွင်သာ ထားရှိမည်ဖြစ်ကြောင်း ၎င်းက ဆိုပါသည်။"အချက်အလက်အားလုံးကို သေချာစွာလေ့လာသုံးသပ်ပြီးနောက် သမ္မတ ထရမ့်နှင့် ၎င်း၏အဖွဲ့သည် Nvidia ချစ်ပ်များကို တင်ပို့ရန် ခွင့်ပြုဖို့ ဆုံးဖြတ်ခဲ့ကြောင်း" Hassett က Fox News သို့ ပြောကြားခဲ့ပါသည်။ "တရုတ်နိုင်ငံကို မိမိတို့၏ နည်းပညာနိမ့် ချစ်ပ်တွေ ဝယ်ယူခွင့်ပြုပြီး အကောင်းဆုံးချစ်ပ်တွေကိုတော့ မိမိတို့ဆီမှာပဲ ထားရှိခြင်းသည် ဉာဏ် အမြော်အမြင်ရှိသည့် ဆုံးဖြတ်ချက်ဟု မိမိထင်မြင်မိကြောင်း" ၎င်းက ဖြည့်စွက်ပြောကြားခဲ့ပါသည်။အမေရိကန်အနေဖြင့် တရုတ်နိုင်ငံက ၎င်းတို့၏ ပြည်တွင်းဈေးကွက်တွင် တစ်ဦးတည်း ပိုင်ဆိုင်ခွင့် (monopoly) ရယူသွားခြင်းကို မလိုလား ကြောင်း Hassett က ပြောကြားခဲ့ပါသည်။ "ချစ်ပ်ထုတ်လုပ်မှု ပြိုင်ဆိုင်မှု မှာ ၎င်းတို့ (တရုတ်) ဦးဆောင်သွားခြင်း၊ တစ်ဦးတည်းပိုင်ဆိုင်ခွင့်ကနေ အကျိုးအမြတ်များ အားလုံး ရယူပြီး အဆိုပါအကျိုးအမြတ်များကနေ ရရှိသည့် ငွေကြေးများဖြင့် မိမိတို့ကို ကျော်တက်သွားရန် အသုံးချခြင်း မျိုးကို မိမိတို့ မလိုလားကြောင်း" ၎င်းက ထောက်ပြခဲ့သည်။ပြီးခဲ့သည့် ဧပြီလအစောပိုင်းတွင် အမေရိကန်အာဏာပိုင်များက Nvidia အား ၎င်းတို့၏ AI နည်းပညာအတွက် H20 ချစ်ပ်များကို တရုတ်နိုင်ငံသို့ အထူးလိုင်စင်မပါဘဲ တင်ပို့ခွင့်မပြုတော့ကြောင်း အကြောင်းကြားခဲ့သည်။ ဝါရှင်တန်က ယင်းလိုအပ်ချက်အသစ်ကို "အဆိုပါ ထုတ်ကုန်များသည် စူပါကွန်ပြူတာများတွင် အသုံးပြုနိုင်သောကြောင့်" ဟု ရှင်းပြခဲ့သည်။ Nvidia သည် ယခင်သမ္မတ ဘိုင်ဒင် အစိုးရမှ ချမှတ်ခဲ့သော မိုက်ခရိုချစ်ပ် တင်ပို့မှု ကန့်သတ်ချက်များ၏ စံနှုန်းများနှင့် ကိုက်ညီစေရန်အတွက် တရုတ်ဈေးကွက်အတွက် အထူးဒီဇိုင်းထုတ်ထားသော H20 မော်ဒယ်ကို ဖန်တီးခဲ့ခြင်းဖြစ်ပါသည်။ကိုးကား - tass
Wed, 30-Jul-2025
© Copyright 2024 SAC All Rights Reserved.