လုံခြုံရေးပူးပေါင်းဆောင်ရွက်မှုများ ပိုမိုအားကောင်းစွာ လုပ်ဆောင်ရန် ဂျပန်နှင့် ဖိလစ်ပိုင်တို့ ကတိပြု

saceditor

News Image

  • လုံခြုံရေးပူးပေါင်းဆောင်ရွက်မှုများ ပိုမိုအားကောင်းစွာ လုပ်ဆောင်ရန် ဂျပန်နှင့် ဖိလစ်ပိုင်တို့ ကတိပြု

ဂျပန်နှင့် ဖိလစ်ပိုင်နိုင်ငံတို့သည် အဓိက ပင်လယ် ကုန်သွယ်လမ်းကြောင်းများတွင် တရုတ်၏ လုပ်ရပ်များကို လက်တုံ့ပြန်မှုများ လုပ်ဆောင်နိုင်ရန်အတွက် လုံခြုံရေး ပူးပေါင်းဆောင်ရွက်မှုများ ပိုမိုအားကောင်းစွာ လုပ်ဆောင်ရန် ဇန်နဝါရီလ၁၅ ရက်နေ့တွင် ကတိပြုခဲ့ကြကြောင်း သိရပါသည်။ အမေရိကန်သမ္မတဒေါ်နယ်ထရမ့်က အာရှတွင် လုံခြုံရေးဆိုင်ရာကတိဝတ်များကို လျှော့ချ လိမ့်မည်ဟု ထင်ကြေးပေးမှုများ ရှိနေသည့်အချိန်တွင် ဂျပန်နှင့်ဖိလစ်ပိုင်တို့၏ ကတိကဝတ်ပြုမှုများ ထွက်ပေါ် လာခြင်းဖြစ်ပါသည်။

ဂျပန်နိုင်ငံခြားရေးဝန်ကြီး တာကာရှီအိုင်ဝါယာသည် ဖိလစ်ပိုင်သမ္မတ ဖာဒီနန်မားကို့စ်ဂျူနီယာ၊ ဖိလစ်ပိုင် နိုင်ငံခြားရေးဝန်ကြီး အန်ရိမာနာလိုတို့နှင့် မနီလာမြို့တွင် တွေ့ဆုံခဲ့ပြီး လုံခြုံရေးဆိုင်ရာကတိကဝတ်များကို အတည်ပြုခဲ့ကြကြောင်းသိရပါသည်။

တာကာရှီအိုင်ဝါယာနှင့် အန်ရိမာနာလိုတို့သည် မဟာဗျူဟာမြောက် ကုန်သွယ်ရေးလမ်းကြောင်းဖြစ်သော တောင်တရုတ်ပင်လယ်ကို ထိန်းချုပ်ရန် ကြိုးပမ်းမှုများအပြင် အရှေ့တရုတ်ပင်လယ်၌ တရုတ်၏ နယ်မြေနှင့် အချုပ်အခြာအာဏာပိုင်ဆိုင်ခွင့် တောင်းဆိုမှုများကိုလည်း ဆွေးနွေးခဲ့ကြကြောင်း သိရပါသည်။

တာကာရှီအိုင်ဝါယာက “တောင်တရုတ်ပင်လယ်အတွင်း ဖြစ်ပေါ်နေသည့် အခြေအနေများကို လက်တုံ့ပြန်သည့်အနေဖြင့် ဂျပန်-ဖိလစ်ပိုင်မိတ်ဖက်ဆက်ဆံရေးကို ပိုမို အားကောင်းစေရေး ဆောင်ရွက်နိုင်ရန် သဘောတူညီ ခဲ့ကြကြောင်း” ပြောကြားခဲ့ပါသည်။

ထို့အပြင် တောင်တရုတ်ပင်လယ်အတွင်းရှိ အငြင်းပွား ကျွန်းများနှင့်ပတ်သက်၍ တရုတ်နှင့်တင်းမာသည့် ထိပ်တိုက်ရင်ဆိုင်မှုများဖြစ်ပွားနေသော ဖိလစ်ပိုင်၏ ရေကြောင်းဘေးကင်းလုံခြုံရေးစွမ်းရည်များ တိုးမြှင့်ရန်အတွက် အကူအညီများ ဆက်လက်ပေးအပ်သွားမည်ဟုလည်း တာကာရှီအိုင်ဝါယာက ကတိပြုပြောကြားခဲ့ပါသည်။

ကိုးကား-NP News

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

တရုတ်ရေတပ်က ရေယာဉ်၏ ကိုယ်ပျောက်စွမ်းရည် တိုးစေမည့် လေ့ကျင့်ခန်းကို AI အသုံးပြုဆောင်ရွက်
တရုတ်ရေတပ်က ရေယာဉ်၏ ကိုယ်ပျောက်စွမ်းရည် တိုးစေမည့် လေ့ကျင့်ခန်းကို AI အသုံးပြုဆောင်ရွက်
တရုတ်ပြည်သူ့ လွတ်မြောက်ရေး တပ်မတော်၏ ရေတပ်က ၎င်းတို့၏စစ်ရေယာဉ်များတွင် ကိုယ်ပျောက်စွမ်းရည်တိုးစေမည့်လေ့ကျင့်ခန်းကို AI အသုံးပြု၍ မေလ ၁၂ ရက်တွင် ဆောင်ရွက်ကြောင်း သိရသည်။အဆိုပါလေ့ကျင့်ခန်း၌ စစ်ရေယာဉ်၏ သံလိုက်အားဝင်မှုကို ပပျောက်အောင် လုပ်ဆောင်ရာတွင် AI နည်းပညာအသုံးပြုခဲ့ခြင်းဖြစ်ကြောင်း ရေတပ်၏ထုတ်ပြန်ချက်၌ဖော်ပြထားသည်။ယင်းနည်းပညာကိုအသုံးပြုပြီးနောက် စစ်ရေယာဉ်အနေဖြင့် ရေဒါစက်ကွင်းမှ ကင်းလွတ်စေနိုင်သည့်အတွက် ၎င်း၏ ကိုယ်ပျောက်စွမ်းရည်ကို ၆၀ ရာခိုင်နှုန်းပိုမိုမြင့်တက်လာစေကြောင်း တွေ့ရှိရသည်ဟု ထုတ်ပြန်ချက်တွင်  ဆက်လက်ဖော်ပြထားသည်။လေ့ကျင့်ခန်း၌အသုံးပြုသော AI စနစ်များသည် သံလိုက်လှိုင်းဖမ်း ကိရိယာများ၊ ပတ်ဝန်းကျင်ဆိုင်ရာ အာရုံခံကိရိယာများမှ အချက်အလက်များကို ရယူ၍ ရေပြင်အပူချိန်၊ ရေယာဉ်အမြန်နှုန်းနှင့် အခြားသောပြောင်းလဲနေသည့် အချက်အလက်များ အပေါ်အခြေခံကာ သံလိုက်အားဝင်မှုပပျောက်အောင် လုပ်ဆောင်သည့် ကွိုင်များတွင် လျှပ်စစ်စွမ်းအင်စီးဆင်းမှုကို အလိုအလျောက်ကိုက်ညှိပေးခြင်းဖြစ်သည်။ထိုလေ့ကျင့်ခန်းကို မြောက်ပိုင်းစစ်နယ်ဝန်း၏ ရေတပ်စခန်းဌာနချုပ်၌လုပ်ဆောင်ခြင်းဖြစ်သည်ဟု နိုင်ငံပိုင်သတင်းဌာနတစ်ခုဖြစ်သည့် CCTV သတင်းဌာနက ဖော်ပြထားကြောင်း သိရသည်။Source: https://myawady.net.mm/ 
Wed, 14-မေလ-2025
ရဟတ်ယာဉ်မှ လွှတ်နိုင်တဲ့ လှိုင်းဖျက်၊ ထောက်လှမ်း၊ တိုက်ခိုက်ရေးဒရုန်း
ရဟတ်ယာဉ်မှ လွှတ်နိုင်တဲ့ လှိုင်းဖျက်၊ ထောက်လှမ်း၊ တိုက်ခိုက်ရေးဒရုန်း
ဗြိတိန်တော်ဝင်လေတပ်က ရဟတ်ယာဉ်ပေါ်ကနေ ဒရုန်းတစ်မျိုးကို လွှတ်လိုက်တဲ့ ဗီဒီယိုတစ်ခုက အင်တာနက်ပေါ် တက်လာပါတယ်။ အဲဒီဗီဒီယိုတက်လာခြင်းက ခေတ်သစ်ဒရုန်းစစ်ပွဲမှာ ကဏ္ဍသစ်တစ်ခုကို ဖွင့်လှစ်လိုက်တာနဲ့ အတူတူပါပဲ။သူတို့က FPV ဒရုန်းတွေကို CH-47 Chinook ရဟတ်ယာဉ်ပေါ်ကနေ လွှတ်လိုက်တာပါ။ အဲဒီဒရုန်းတွေက လှိုင်းနှုန်းတွေကို ဖိဖျက်နိုင်တယ်။ ထောက်လှမ်းရေးလည်းလုပ်နိုင်မယ်။ နောက်ဆုံးမှာ တိုက်ခိုက်ရေးကိုပါ လုပ်ဆောင်နိုင်မယ့်ဒရုန်းတွေဖြစ်ပါတယ်။ အခုလိုရဟတ်ယာဉ်ကို အသုံးပြုခြင်းကြောင့် ဒရုန်းအစင်းရေများစွာကို တစ်ပြိုင်နက်တည်း လွှတ်နိုင်မှာဖြစ်ပါတယ်။Source: https://myawady.net.mm/ 
Wed, 14-မေလ-2025
ကမ္ဘာပေါ်ရှိ ဘယ်ပစ်မှတ်ကိုမဆို မိနစ် ၃၀ အတွင်းထိမှန်မယ့် တရုတ်ရဲ့ အသံနှုန်းလွန် ဒုံးကျည်
ကမ္ဘာပေါ်ရှိ ဘယ်ပစ်မှတ်ကိုမဆို မိနစ် ၃၀ အတွင်းထိမှန်မယ့် တရုတ်ရဲ့ အသံနှုန်းလွန် ဒုံးကျည်
အသံနှုန်းလွန်ဒုံးကျည်နည်းပညာတစ် ခေတ်ဆန်းသစ်လာချိန်မှာ တရုတ်နိုင်ငံကလည်း အသံနှုန်းလွန်ဒုံးကျည်အတွက် နောက်ထပ် အာမခံချက်တစ်ခုကိုပေးနိုင်ပြီဖြစ်ပါတယ်။ သူပေးတဲ့ အာမခံချက်ကတော့ ကမ္ဘာပေါ်မှာရှိတဲ့ ဘယ်ပစ်မှတ်ကိုမဆို မိနစ် ၃၀ အတွင်းရောက်ရှိထိမှန်စေမယ့် ဒုံးကျည်တစ်မျိုးကို ထုတ်ဖော်ပြသလိုက်ပါတယ်။အဲဒီဒုံးကျည်က အသံရဲ့အမြန်နှုန်းထက် အဆ ၂၀ ပိုမြန်တဲ့နှုန်းနဲ့သွားနိုင်မှာဖြစ်တယ်လို့ တရုတ်ပြည်သူ့လွတ်မြောက်ရေး တပ်မတော်ဒုံးတပ်ဖွဲ့မှ သုတေသနပညာရှင်များက ပြောပါတယ်။ ဒါ့အပြင် အဲဒီဒုံးကျည်ကို အာကာသကနေ ပစ်လွှတ်နိုင်မှာ ဖြစ်တဲ့အတွက်  ရန်သူရဲ့ ဘယ်လိုမျိုးကြိုတင် သတိပေးစနစ်ကမှ အလုပ်ဖြစ်မှာ မဟုတ်ပေမယ့် သူတို့မှာ အားနည်းချက်ရှိနေသေးတယ်လို့ ထုတ်ပြန်ထားတာတွေ့ ရပါတယ်။Source: https://myawady.net.mm/ 
Wed, 14-မေလ-2025
အမေရိကန်က ပံ့ပိုးပေးထားသည့် HIMARS ဒုံးကျည်စနစ် ပစ်ခတ် စမ်းသပ်မှုကို ပထမဆုံးအကြိမ်အဖြစ် ထိုင်ဝမ်လုပ်ဆောင်
အမေရိကန်က ပံ့ပိုးပေးထားသည့် HIMARS ဒုံးကျည်စနစ် ပစ်ခတ်စမ်းသပ်မှုကို ပထမဆုံးအကြိမ်အဖြစ် ထိုင်ဝမ်လုပ်ဆောင်
တရုတ်နိုင်ငံအား ထိန်းချုပ်ကိုင်တွယ်ရန် ရည်ရွယ်ချက်ဖြင့် အမေရိကန်နိုင်ငံက ပံ့ပိုးပေးထားသည့် HIMARS ဒုံးကျည်စနစ်သစ်၏ ပထမဆုံးအကြိမ် ပစ်ခတ်စမ်းသပ်မှုတစ်ရပ်ကို ထိုင်ဝမ်တပ်မတော်က မေလ ၁၂ ရက်နေ့တွင် လုပ်ဆောင်ခဲ့သည်။အဆိုပါ ပစ်ခတ်စမ်းသပ်မှုကို နိုင်ငံတောင်ပိုင်း Pingtung စစ်အခြေစိုက်စခန်းတွင် လုပ်ဆောင်ခဲ့ခြင်းဖြစ်ပြီး ပစ်ခတ်စမ်းသပ်ခဲ့သည့် ဒုံးကျည် ၃၃ လုံးမှာ ၁၂ ကီလိုမီတာအကွာရှိ ပစ်မှတ်များကို ထိမှန်ခဲ့ကြောင်း ထိုင်ဝမ် တပ်မတော်က ထုတ်ပြန်ပြောကြားခဲ့သည်။အဆိုပါ HIMARS ဒုံးကျည်ပစ်ခတ်မှုစနစ်ကို ယာဉ်ပေါ်တွင် တပ်ဆင်ထားခြင်းဖြစ်ပြီး ရွေ့လျားစစ်ကစားနိုင်မှုနှင့် တိကျမှုတို့ကို ပေါင်းစပ်ထားသည့် စနစ်ဖြစ်သည်။တရုတ်နိုင်ငံ၏ စစ်ရေးဆိုင်ရာဖိအားများ မြင့်တက်လာခြင်းကြောင့် ထိုင်ဝမ်က ပြီးခဲ့သည့်နှစ်အတွင်း HIMARS ဒုံးကျည်စနစ် ၁၁ ခုကို ပထမအကြိမ် အမေရိကန်နိုင်ငံထံမှ လက်ခံရရှိခဲ့ခြင်းဖြစ်ပြီး လာမည့်နှစ်အတွင်းတွင်လည်း ဆက်လက်မှာယူသွားမည်ဖြစ်ကြောင်း NHK သတင်းစာမျက်နှာတွင် ရေးသားဖော်ပြထားပါသည်။ကိုးကား- NHK Worldအလွတ်သဘောဘာသာပြန်သူ-ဦးထက်ထက်အောင်-နစက(၄)
Tue, 13-မေလ-2025
NATO ကို အားဖြည့်ရန် ဖြစ်နိုင်သမျှ နည်းလမ်းအားလုံး EU နိုင်ငံများ အသုံးပြုရန် စီစဉ်ထား
NATO ကို အားဖြည့်ရန် ဖြစ်နိုင်သမျှ နည်းလမ်းအားလုံး EU နိုင်ငံများ အသုံးပြုရန် စီစဉ်ထား
ဥရောပသမဂ္ဂခေါင်းဆောင်နိုင်ငံများနှင့် ဥရောပကော်မရှင်တို့သည် လန်ဒန်တွင် ကျင်းပသည့် အစည်းအဝေးအပြီးတွင် NATO ၏ အခန်းကဏ္ဍနှင့် အဖွဲ့၏ စစ်ရေးစွမ်းရည်များကို မြှင့်တင်ရန် အပြည့်အဝ အားထုတ် သွားမည်ဟု ကြေညာလိုက်ပါသည်။ပြင်သစ်၊ ဂျာမနီ၊ အီတလီ၊ ပိုလန်၊ စပိန်နှင့် ဗြိတိန် နိုင်ငံခြားရေးဝန်ကြီးများနှင့် ဥရောပသမဂ္ဂ၏ အဆင့်မြင့်ဆုံး သံတမန်တို့က “မိမိတို့၏ စုပေါင်း ကာကွယ်ရေးစွမ်းရည်၊ ထုတ်လုပ်မှုနှင့် ဥရောပ၏နည်းပညာနှင့် စက်မှုအခြေခံအဆောက်အအုံများကို အားဖြည့်ရန် ဖြစ်နိုင်သမျှ နည်းလမ်းအားလုံးကို အသုံးပြုသွားမည်” ဟု ဆွေးနွေးပွဲအပြီး ထုတ်ပြန်ချက်တွင် ဖော်ပြထားပါသည်။ထုတ်ပြန်ချက်တွင် “ဥရောပနိုင်ငံများသည် မိမိတို့၏ လုံခြုံရေးအတွက် ပိုမိုအရေးပါသော အခန်းကဏ္ဍမှ ပါဝင်ရမည်။ ဥရောပ-အတ္တလန္တိတ် ဒေသတစ်ခုလုံးတွင် ခြိမ်းခြောက်မှုများကို တားဆီးကာကွယ်ရန်နှင့် ကာကွယ်ရေးအတွက် လိုအပ်ချက်များကို ဖြည့်ဆည်းနိုင်ရေး လုံခြုံရေး နှင့်ကာကွယ်ရေးဘတ်ဂျက် စိုက်ထုတ်မှုတိုးမြှင့်ခြင်းဖြင့် NATOနှင့် ဥရောပမဟာမိတ်နိုင်ငံတို့၏ ပံ့ပိုးမှု ပိုမိုအားကောင်းစေမည်” ဟု ဖော်ပြ ထားပါသည်။ထို့အပြင် အဖွဲ့ဝင်နိုင်ငံများသည် ယူကရိန်းသို့ လက်နက်များ ဆက်လက်ထောက်ပံ့ရန်၊ ကာကွယ်ရေးလုပ်ငန်းစွမ်းရည်ကို မြှင့်တင်ရန်နှင့် ကြည်း၊ ရေ၊ လေလုံခြုံရေးအင်အားစုများ၏ မဟာမိတ်အဖွဲ့ ဖွဲ့စည်းရန် စဉ်းစားနေကြောင်း၊ ယူကရိန်း၏ လက်နက်ကိုင်တပ်ဖွဲ့များ ပြန်လည် အားကောင်းလာရေးကိုလည်း ထောက်ခံနိုင်ကြောင်း စာတမ်းတွင် ထပ်လောင်းဖော်ပြ ထားပါသည်။NATO နိုင်ငံများမှ နိုင်ငံခြားရေးဝန်ကြီးများသည် မေလ ၁၄ ရက်မှ ၁၅ ရက်အထိ တူရကီတွင် စုဝေးရန် စီစဉ်ထားသည်။ကိုးကား- TASSPhoto: CSISဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Tue, 13-မေလ-2025
အိန္ဒိယနိုင်ငံအနေဖြင့် နျူကလီးယားခြိမ်းခြောက်မှုကို သည်းခံမည်မဟုတ်ဟု မိုဒီပြောကြား
အိန္ဒိယနိုင်ငံအနေဖြင့် နျူကလီးယားခြိမ်းခြောက်မှုကို သည်းခံမည်မဟုတ်ဟု မိုဒီပြောကြား
အိန္ဒိယဝန်ကြီးချုပ် မိုဒီက တနင်္လာနေ့ (မေ ၁၂) တွင် “သင့်လျော်သော တုံ့ပြန်မှု” ပြုလုပ်မည်ဟု ကတိပြုလျက် အကြမ်းဖက်ဝါဒကို တိုက်ဖျက်ရန် ပြင်ဆင်နေကြောင်း၊ နျူကလီးယားစွမ်းအားရှိသည့် အိမ်နီးချင်း (ပါကစ္စတန်)၏ ခြိမ်းခြောက်မှုခံရပါက စစ်ရေးအရ တုံ့ပြန်မည်ဟု ညွှန်းဆိုသော ပြောကြားချက်များ ပြုလုပ်ခဲ့သည်။ပါကစ္စတန်နိုင်ငံအတွင်းနှင့်နယ်စပ်ရှိ ပစ်မှတ်များကို စင်ဒူးစစ်ဆင်ရေးဖြင့် တိုက်ခိုက်မှုစတင်ခဲ့ပြီးနောက် ဝန်ကြီးချုပ် မိုဒီက ပထမဆုံးအကြိမ်အဖြစ် အများပြည်သူကို ပြောကြားရာတွင် “နယ်စပ်ဖြတ်ကျော် အကြမ်းဖက်ဝါဒကို ပါကစ္စတန်က အားပေးနေပြီး နယူးဒေလီ၏ လုံခြုံရေးမူဝါဒ ပြောင်းလဲထားသည်” ဟု ရှင်းလင်းပြောကြားခဲ့သည်။မိုဒီက “စင်ဒူးစစ်ဆင်ရေးသည် အကြမ်းဖက်ဝါဒကို အိန္ဒိယ၏ တုံ့ပြန်မှု ဖြစ်သည်။ ၎င်းစစ်ဆင်ရေးသည် အကြမ်းဖက်ဝါဒကို တိုက်ဖျက်ရာတွင် ထိရောက်သော စံနမူနာပြ လုပ်ဆောင်မှုအသစ်ကို မှတ်သားတွေ့မြင်စေခဲ့ပြီး ထိုကဲ့သို့ ကျင့်သုံးသွားနိုင်စေရန် ဖော်ဆောင်ပေးခဲ့သည်” ဟု ပြောကြားခဲ့ပြီး “အကြမ်းဖက်သမားများနှင့် ၎င်းတို့ကို အားပေးထောက်ပံ့သော နိုင်ငံများအကြား ခွဲခြားသတ်မှတ်မှု မပြုတော့ပါ” ဟု ဖြည့်စွက် ပြောကြားခဲ့သည်။“မိမိတို့၏ လုံခြုံရေးမူဝါဒစံနှုန်းများအရ သင့်လျော်သောတုံ့ပြန်မှုများ ပြုလုပ်မည်။ အကြမ်းဖက်ဝါဒ၏ အရင်းအမြစ်များ ပေါ်ထွက်လာသည့် နေရာတိုင်းတွင် ထိုက်တန်ပြင်းထန်သော အရေးယူမှုများ ပြုလုပ်မည်” ဟု ၎င်းက ကတိပေးခဲ့ပြီး “နျူကလီးယား ခြိမ်းခြောက်မှုကို နောက်ထပ် သည်းမခံတော့ပါ” ဟု မိုဒီက ဆက်လက် ပြောကြားခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Tue, 13-မေလ-2025
© Copyright 2024 SAC All Rights Reserved.