လူသားနည်းတူ ကျိုးကြောင်းဆင်ခြင်နိုင်စွမ်းရှိသည့် o3 mini AI model အသစ် OpenAI မကြာမီ မိတ်ဆက်မည်

News Image

  • လူသားနည်းတူ ကျိုးကြောင်းဆင်ခြင်နိုင်စွမ်းရှိသည့်   o3 mini AI model အသစ် OpenAI မကြာမီ မိတ်ဆက်မည်

ChatGPT ထုတ်လုပ်သူ OpenAI သည် လူသား များကဲ့သို့ ကျိုးကြောင်းဆင်ခြင်နိုင်စွမ်းရှိသော AI မော်ဒယ်အသစ်ဖြစ်သည့်  o3 mini ဗားရှင်းအသစ်ကို ဇန်နဝါရီလ ကုန်ပိုင်းခန့်တွင် စတင်ဖြန့်ချိမည်ဖြစ်ကြောင်း  CEO Sam Altman ကပြောကြားထားသည်။

သုံးစွဲသူများ၏ တုံ့ပြန်ချက်များကို ထည့်သွင်းစဉ်းစားပြီး အကျိုးဆက်အနေဖြင့် ကြားခံဆက်သွယ်ပေးနိုင်မည့် ကွန်ပျူတာနည်းစနစ်များဖြစ်သည့်  (API)နှင့်ChatGPT ကိုလည်း  တစ်ပြိုင်နက် မိတ်ဆက်ရန်  စီစဉ်နေကြောင်း Altman က ဆိုရှယ်မီဒီယာ ပလက်ဖောင်း X  တွင် ပြောကြားထားပါသည်။

o3 mini AI model အသစ်၌ ပိုမိုအားကောင်းသော ဘာသာစကားမော်ဒယ်သစ် အမျိုးအစားများစွာ ပါဝင်မည်ဖြစ်သကဲ့သို့  နည်းပညာပိုင်းဆိုင်ရာတွင်လည်း အဆင့်မြှင့်တင်မှုများ ဆောင်ရွက်ထားခြင်းကြောင့် ရင်းနှီးမြှုပ်နှံသူများနှင့်သုံးစွဲသူများကို ဆွဲဆောင်နိုင်မည် ဖြစ်ကြောင်း Sam Altmanက မျှော်မှန်းထားပါသည်။

OpenAI သည်လွန်ခဲ့သော ၂၀၂၄ခုနှစ် စက်တင်ဘာလကတည်းက  ရှုပ်ထွေးသည့် အလုပ်များကို  ဆင်ခြင်နိုင်စွမ်းရှိပြီး ပိုမိုခက်ခဲသော သိပ္ပံ၊ ကုဒ်နှင့်  သင်္ချာအပိုင်းများကို တွက်ဆဖြေရှင်းနိုင်စွမ်းရှိသော  o1 AI မော်ဒယ် များ  မိတ်ဆက်ခဲ့ခြင်းဖြစ်ပါသည်။

o3နှင့် o3 mini မော်ဒယ်အသစ်များသည် ယခင်ထွက်ရှိထားသော o1 မော်ဒယ်များထက် နည်းပညာပိုင်းတွင်သာမက စွမ်းဆောင်ရည်ပိုင်းများတွင်ပါ ပိုမို အားကောင်းလာမည်ဖြစ်ကြောင်း CEO Sam Altman က ပြောကြားထားပါသည်။

ကိုးကား-Reuters