PDF အမည်ခံ အကြမ်းဖက်သမားများက အပြစ်မဲ့ အရပ်သားပြည်သူများအား အကြောင်းမဲ့ လုပ်ကြံသတ်ဖြတ်

sacadmin

News Image

  • pdf attack

တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားလွှမ်းမိုးစေရန်လည်းကောင်း၊ ၎င်းတို့နှင့် အမြင်အယူအဆမတူသူ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍လည်းကောင်း၊ “ငါနှင့် မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင်အကြမ်းဖက်သမားများက ဓား၊ သေနတ်များအသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။  
ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဇန်နဝါရီ ၁၉ ရက် ညနေ ၅ နာရီ ၅၅ မိနစ်တွင် မကွေးတိုင်းဒေသကြီး၊ နတ်မောက်မြို့နယ်၊ န-လက်ခုပ်ပင်ကျေးရွာ၌ သေနတ်ဖြင့် ပစ်ခတ်ခံရ၍ အမျိုးသား တစ်ဦး သေဆုံးသွားကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါကျေးရွာနေ ဦးနေလင်း(၇၅)နှစ်သည် ၎င်း၏နေအိမ်၌ သေဆုံးသွားသည့် သားဖြစ်သူ၏ရက်လည်ဆွမ်းသွတ်အား ပြုလုပ်ပေးနေစဉ် PDF အမည်ခံ အကြမ်းဖက်သမား ၁၀ ဦး (စိစစ်ဆဲ)က ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ဦးနေလင်းတွင် ကျည်ထိမှန် ဒဏ်ရာများရရှိကာ သေဆုံးသွားခဲ့ခြင်းဖြစ်ကြောင်း သိရသည်။
အလားတူ ည ၉ နာရီတွင် ကချင်ပြည်နယ်၊ မိုးညှင်းပြည်သူ့ဆေးရုံ၌ ကျည်ထိမှန် ဒဏ်ရာများဖြင့် အမျိုးသား တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ မိုးညှင်းမြို့နယ်၊ ဟဲလုံကျေးရွာနေ ကိုကြည်သာတော(၂၃)နှစ်သည် ၎င်း၏နေအိမ်မှ မိုးညှင်းမြို့သို့ ထွက်ခွာလာစဉ် မိုးညှင်းမြို့၊ အရှေ့စုရပ်ကွက်ရှိ ဒေသအခေါ် ကျားဖြူကန်အနီးအရောက် PDF အမည်ခံ အကြမ်းဖက် သမား နှစ်ဦး(စိစစ်ဆဲ)က ဆိုင်ကယ် တစ်စီးဖြင့် ရောက်ရှိလာပြီး သေနတ်ဖြင့် ပစ်ခတ်သတ်ဖြတ်သွားခဲ့သဖြင့် ၎င်းတွင် ကျည်ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။
ထိုသို့ အပြစ်မဲ့ အရပ်သားပြည်သူများအား “ငါနှင့် မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ အကြောင်းမဲ့ လုပ်ကြံသတ်ဖြတ်မှု ကျူးလွန်ခဲ့သူများအား ဖော်ထုတ်ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိကြောင်း သတင်းရရှိသည်။

Source: www.moha.gov.mm
 

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ဂါဇာကမ်း‌မြောင်တွင် အပစ်အခတ်ရပ်စဲရေး သက်တမ်းတိုးရန် အမေရိကန် သံတမန်က အဆိုပြုချက်တစ်ရပ်တင်ပြ
ဂါဇာကမ်း‌မြောင်တွင် အပစ်အခတ်ရပ်စဲရေး သက်တမ်းတိုးရန် အမေရိကန် သံတမန်က အဆိုပြုချက်တစ်ရပ်တင်ပြ
ဂါဇာကမ်းမြောင်၌ အမြဲတမ်းအပစ်အခတ်ရပ်စဲရေးဆိုင်ရာ သဘောတူညီချက်နှင့်ပတ်သက်ပြီး စေ့စပ်ညှိနှိုင်းနိုင်ရေး အချိန်ရရှိရန်အတွက် အပစ်အခတ်ရပ်စဲရေးကို ဧပြီလ ၂၀ ရက် ဝန်းကျင်အထိ သက်တမ်းတိုးနိုင်ရေးအဆိုပြုချက်ကို အရှေ့အလယ်ပိုင်းဆိုင်ရာ အမေရိကန် အထူးသံတမန်က တင်ပြခဲ့ပါသည်။အစ္စရေးနှင့်ဟားမက်တို့အကြား အပစ်အခတ်ရပ်စဲရေး သဘောတူညီချက်၏ ဒုတိယအဆင့်အတွက် သဘောထားကွဲလွဲမှုများရှိနေဆဲဖြစ်ပြီး ပထမ အဆင့်သည် မတ်လ ၁ ရက်နေ့တွင် ပြီးဆုံးခဲ့ပါသည်။အမေရိကန် အထူးသံတမန် Steve Witkoff ၏ ရုံးနှင့် အမျိုးသား လုံခြုံရေးကောင်စီတို့က မတ်လ ၁၄ ရက်(သောကြာ)နေ့က ကြေညာချက် တစ်ရပ်ထုတ်ပြန်ခဲ့ပြီး ကာတာနိုင်ငံ၊ ဒိုဟာ၌ တင်ပြခဲ့သော အဆိုပြုချက်တွင် Ramadan ကာလနှင့်ပသခါပွဲ နေ့ရက် ကျော်လွန်သည်အထိ ဂါဇာ တွင် အပစ်အခတ်ရပ်စဲရေးသက်တမ်းတိုးရန်၊ ယခင်သဘောတူညီချက်နှင့်အညီ အသက်ရှင်နေသည့် ဓားစာခံများကို ဟားမက်က လွှတ်ပေးရန် နှင့် ဂါဇာကမ်းမြောင်ဒေသခံများအတွက် အရေးပါသော လူသားချင်း စာနာထောက်ထားမှု အကူအညီများ ထောက်ပံ့နိုင်ရေး ပြန်လည် စတင်နိုင်ရန် အချက်များပါဝင်သည်။“ဟားမက်အနေဖြင့် ပျော့ပြောင်းမှုရှိကြောင်း လူသိရှင်ကြား ပြောဆိုနေသော်လည်း အမြဲတမ်း အပစ်အခတ်ရပ်စဲရေးအတွက် အကောင်အထည်ဖော်ရန် လုံးဝလက်တွေ့မကျသည့် တောင်းဆိုမှုများကိုရွေး ချယ်ခဲ့သည်” ဟုလည်း ကြေညာချက်တွင် ဖော်ပြထားပါသည်။“ဟားမက်သည် နောက်ဆုံးသတ်မှတ်ရက်ကို ကောင်းစွာသိရှိထားကြောင်း နှင့် ယင်းသတ်မှတ်ရက်ကျော်လွန်ပါက လိုအပ်သလိုတုံ့ပြန်မည်ကို သိထား သင့်သည်” ဟုလည်း ကြေညာချက်၌ ပါဝင်သည်။အမေရိကန်လူမျိုး အစ္စရေးစစ်သားတစ်ဦးနှင့် အခြားဓားစာခံ ၄ ဦး၏ ရုပ်ကြွင်းများကို လွှဲပြောင်းပေးရန် ဟားမက်ဘက်က မတ်လ ၁၄ ရက် တွင် ကမ်းလှမ်းခဲ့ပြီး မည်သည့်အချိန်၌ လုပ်‌ဆောင်မည်ဟူသည့် အချက် အပါအဝင် အသေးစိတ်အချက်အလက်များကို ထပ်မံထုတ်ပြန်ခြင်း မရှိသေးပေ။ မစ္စတာ Witkoff က အဆိုပါစစ်သားကို ချက်ချင်း လွှဲပြောင်း ပေးရန် ဟားမက်ကို တောင်းဆိုခဲ့ပါသည်။ဒုတိယအဆင့်အနေဖြင့် ဂါဇာကမ်းမြောင်မှ အစ္စရေးတပ်ဖွဲ့ဝင်များ အပြီးအပိုင် ဆုတ်ခွာရန်နှင့် တိုက်ပွဲများ အပြီးတိုင်အဆုံးသတ်နိုင်ရေး ရည်ရွယ်ထားပါသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
ISIS ဒုတိယခေါင်းဆောင် အီရတ်၌ သေဆုံးခဲ့ဟု အမေရိကန် စစ်ဘက် ပြော
ISIS ဒုတိယခေါင်းဆောင် အီရတ်၌ သေဆုံးခဲ့ဟု အမေရိကန် စစ်ဘက် ပြော
အီရတ်အနောက်ပိုင်း လေကြောင်းတိုက်ခိုက်မှုတစ်ခုအတွင်း Islamic State စစ်သွေးကြွအဖွဲ့၏ ဒုတိယခေါင်းဆောင် သေဆုံးခဲ့သည်ဟု အမေရိကန်စစ်တပ်က ပြောပါသည်။အဆိုပါတိုက်ခိုက်မှုကြောင့် Abdallah Makki Muslih al-Rifai ခေါ် Abu Khadijah နှင့် အခြား ISIS အဖွဲ့ဝင်တစ်ဦး သေဆုံးခဲ့ကြောင်း အမေရိကန် စစ်ဌာနချုပ်က မတ်လ ၁၄ ရက်(သောကြာ)နေ့က ကြေညာခဲ့ပါသည်။အမေရိကန်တပ်ဖွဲ့များသည် အီရတ်ထောက်လှမ်းရေးနှင့် လုံခြုံရေးဝန်ထမ်းများနှင့်ပူးပေါင်းကာ အီရတ်နိုင်ငံ Anbar ပြည်နယ်၌ အဆိုပါ တိုက်ခိုက်မှုကို ပြုလုပ်ခဲ့သည်ဟု ဆိုပါသည်။Abu Khadijah သည် ကမ္ဘာတစ်ဝန်းမှ ISIS ၏ စစ်ဆင်ရေး၊ ထောက်ပံ့ပို့ဆောင်ရေးနှင့် စီစဉ်မှုများအတွက် တာဝန်ယူဆောင်ရွက်ခဲ့သည်ဟု အမေရိကန်စစ်ဘက်က ဆိုသည်။ ၎င်းသည် ISIS ၏ ကမ္ဘာလုံးဆိုင်ရာ အဖွဲ့ဝင်များအတွက် ဘဏ္ဍာရေးလုပ်ငန်းပိုင်းတွင် အဓိက ညွှန်ကြား ဆောင်ရွက်ခဲ့သူ ဖြစ်သည်။အမေရိကန်သမ္မတ Donald Trump ကလည်း အဆိုပါသတင်းနှင့် ပတ်သက်ပြီး လူမှုကွန်ရက်၌ ရေးသားဖော်ပြခဲ့ပါသည်။ISIS သည် ၂၀၁၄ ခုနှစ်တွင် ဆီးရီးယားနှင့် အီရတ်၏နယ်မြေ အများ အပြားပါဝင်သည့် ဒေသများတွင် အစ္စလာမစ်အုပ်ချုပ်ရေး ထူထောင်ရန်အတွက် တစ်ဖက်သတ်ကြေညာခဲ့ကာ အမေရိကန်နှင့် ပူးပေါင်း တပ်ဖွဲ့ များ၏ စစ်ဆင်ရေးများကြောင့် ယင်းနယ်မြေအများစုကို ဆုံးရှုံးခဲ့ရသည်။သို့သော် လွန်ခဲ့သောနှစ် ဒီဇင်ဘာလ၌ ဆီးရီးယားသမ္မတ Bashar al-Assad အစိုးရ ဖြုတ်ချခံရပြီးနောက် ISIS သည် ဆီးရီးယား၏ မငြိမ်မသက် ဖြစ်မှုကို အသုံးချပြီး ပြန်လည်အားကောင်းလာနိုင်ကြောင်း လေ့လာသူ အချို့က သတိပေးခဲ့သည်။Assad အစိုးရ ရုတ်တရက်ပြိုလဲသွားခြင်းကြောင့် ISIS သည် ဆီးရီးယား စစ်စခန်းများ၌ သိုလှောင်ထားသည့် လက်နက်အများအပြားကို သိမ်းယူနိုင်ရန်အခွင့်အရေးရခဲ့ကြောင်း အမေရိကန်အခြေစိုက် Institute for the Study of War က ပြောပါသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
မိုးကုတ်တွင် TNLA က အမျိုးသမီးပါမချန် လူသစ်စုသောကြောင့် ပလောင် များပင် ထွက်ပြေးနေရ
မိုးကုတ်တွင် TNLA က အမျိုးသမီးပါမချန် လူသစ်စုသောကြောင့် ပလောင် များပင် ထွက်ပြေးနေရ
မန္တလေးတိုင်းဒေသကြီးအတွင်းရှိ ရတနာနယ်မြေဖြစ်သော မိုးကုတ်တွင် TNLA က အမျိုးသမီးပါမချန် လူသစ်စုသောကြောင့် ပလောင်လူမျိုးများပင် ထွက်ပြေးတိမ်းရှောင်နေရကြောင်း ဒေသခံများထံ NP News က မေးမြန်းထားသည့် အချက်အလက်များအရ သိရသည်။TNLA က လူသစ်စုဆောင်းရာတွင် မြို့ခံတပ်ဖွဲ့ ဖွဲ့စည်းရန် ဟု ခေါင်းစဉ်တပ်ထားပြီး အသက် (၁၈) နှစ်မှ (၄၅) နှစ် အတွင်း မည်သည့် လူမျိုးကိုမဆို စုဆောင်းနေခြင်းဖြစ်ကြောင်း သိရသည်။“တော်တော်လေးစုတယ်။ ယောကျာ်းလေးတင်မဟုတ်ဘူး မိန်းကလေး ပါစုနေတာ။ ပလောင်အချင်းချင်းတောင် အဆင်မပြေဘူး။ မြို့စောင့်တပ်ဆိုတာက သူတို့မှာ PDF လည်းရှိတာပဲလေ။ PDF က TNLA ကို ကျေမှ မကျေနပ်တာ။ လူတော်တော်များများက TNLA ထက်စာရင် PDF ကိုပဲ အားပေးမှာပေါ့။TNLA ကတော့မိုးကုတ်မှာ လုပ်ကိုင်စားနေရတာက ရုပ်ပျက်ဆင်းပျက်တွေ ဖြစ်နေတာ။ သူတို့စည်းလုံးမှုမရှိပါဘူး။ ပွင့်ပွင့် လင်းလင်းပြောရရင် ပြည်သူမပါဘူး။ သူတို့နောက်မှာ ပြည်သူမပါဘူး” ဟု ဒေသခံအမျိုးသားတစ်ဦးက ပြောသည်။ထိုသို့ လူသစ်စုရာတွင် ပလောင်လူမျိုးများကပင် TNLA အဖွဲ့အတွင်း ဝင်ရောက်ရန် ဆန္ဒမရှိသည့်အတွက် ၎င်းတို့၏သားသမီးများကို ရရာ နည်းလမ်း ဖြင့် ရန်ကုန်၊ မန္တလေး၊ နေပြည်တော်နှင့် ပြည်ပနိုင်ငံများသို့ ပို့ဆောင် ပေးခြင်း များလည်းရှိနေကြောင်း အထက်ပါဒေသခံက ဆိုသည်။“လီဆူးတွေဘာတွေလည်း အကုန်ပါတာဆိုတော့ လီဆူးတွေကတော့ မတတ်သာတဲ့ လူတွေကတော့ PDF တွေ လုပ်လိုက်တယ်။ ပလောင်ထဲ မဝင်ရရင်ပြီးရောပေါ့။ ပလောင်ထဲမဝင်ရင်ပြီးရောဆိုတော့ သူတို့ဟာ သူတို့ သီးခြားလုပ်လိုက်တာ။ မိုးကုတ်မှာ လူမျိုးပေါင်းစုံပဲ။ မိုးကုတ်မှာ စီးပွားရေးမြို့ဆိုတော့ ကိုယ့်ဘာသာကိုယ် အလုပ်ကိုပဲအေးဆေး လုပ်ချင်နေတာလေ။ လုပ်ချင်နေတဲ့အချိန်ကျတော့ လုပ်လို့မရတော့ဘူး။ ပလောင်က သူ့အထဲကို ယောကျာ်းလေးရော မိန်းကလေးရော ဝင်ရ တော့မယ်ဆိုတော့ တချို့ မတတ်သာတဲ့လူက PDF ထဲဝင်တယ်။ များသောအားဖြင့်တော့ ရှောင်ထွက်သွားတယ်ပေါ့။ ပလောင် အချင်းချင်း ကိုက အဲဒီဟာကို လက်မခံဘူး။ ပလောင်အချင်းချင်းကို သူတို့သားသမီး ကို ရန်ကုန်၊ မန္တလေး၊ နေပြည်တော်ပို့တယ်။ တချို့ဆို နယ်စပ်ကို ပို့တယ်။ တချို့ဆို နိုင်ငံခြားပို့လို့ရတယ်ဆို နိုင်ငံခြားပို့တယ်” ဟု အထက်ပါ သတင်းရင်းမြစ်ကပြောသည်။ ထို့ပြင် TNLA က ပြီးခဲသည့် ဖေဖော်ဝါရီလ နှင့် ယခုမတ်လအတွင်း မိုးကုတ်မြို့ရှိ ရပ်ကွက်တချို့တွင် အိမ်ထောင်စု စာရင်းကောက်ယူခြင်းလုပ်ငန်းများလုပ်ဆောင်ခဲ့ကြောင်း သိရသည်။ ထို့ နောက် TNLA ၏ လူသစ်စုဆောင်းခြင်းအစီအစဉ် စတင်လိုက်သည့် အချိန်မှစ၍ အဝေးပြေးကားလိုင်းအချို့ မိုးကုတ်မြို့မှ ထွက်ခွာခွင့် အပိတ်ခံထားရသည့်အတွက် မြို့ခံများစွာ အခက်အခဲဖြစ်နေကြောင်းလည်း အခြားသောဒေသခံအမျိုးသမီးတစ်ဦးက ဆိုသည်။ TNLA သည် မိုးကုတ် မြို့အပါအဝင် ရှမ်းမြောက်ဒေသရှိမြို့(၁၁)မြို့ကို ထိန်းချုပ်ထားပြီး ယင်း ဒေသများတွင်လည်း လူသစ်စုဆောင်းခြင်းများအရှိန်မြှင့်လုပ်ဆောင်လျက် ရှိနေကြောင်း သိရသည်။အလားတူ KIA နှင့် MNDAA တို့ကလည်း ၎င်းတို့ထိန်းချုပ်ထားရာဒေသ များတွင် ခေါင်းစဉ်အမျိုးမျိုးတပ်ကာ လူသစ်စုဆောင်းခြင်းများကို ယခင်ထက် ပိုမိုလုပ်ဆောင်နေသည့်အပြင် AA လည်း ရခိုင်ပြည်နယ်၊ ဘူးသီးတောင်၊ မောင်တော ဒေသတွင် လူသစ်စုဆောင်းခြင်းများ လုပ်ဆောင်နေလျက်ရှိသည်။ကိုးကား-NP News
ထရမ့်ကြောင့် နေတိုးနိုင်ငံအချင်းချင်း စစ်ဖြစ်သွားနိုင်သည်ဟု ဒိန်းမတ် ကာကွယ်ရေးကော်မတီ ဥက္ကဋ္ဌ ဆို
ထရမ့်ကြောင့် နေတိုးနိုင်ငံအချင်းချင်း စစ်ဖြစ်သွားနိုင်သည်ဟု ဒိန်းမတ် ကာကွယ်ရေးကော်မတီ ဥက္ကဋ္ဌ ဆို
ဂရင်းလန်းကိုသိမ်းပိုက်ရန် အမေရိကန်သမ္မတ ဒေါ်နယ်ထရမ့်၏ အစီအစဉ်သည် အမေရိကန်နှင့် ဒိန်းမတ်ကြား စစ်ပွဲဖြစ်လာနိုင်သည်ဟု ဒိန်းမတ်လွှတ်တော်အမတ်နှင့် ကာကွယ်ရေးကော်မတီဥက္ကဋ္ဌ ရက်စ်မက်စ် ဂျာလော့ဗ်က သတိပေးလိုက်ပါသည်။ ဂရင်းလန်းကျွန်းကို အမေရိက သို့ ပေးအပ်ရန်ဆိုသည်မှာ ဒိန်းမတ်အစိုးရအတွက် မေးခွန်းထုတ်ရန် မလိုသည့် မေးခွန်းဖြစ်သည်ဟု ၎င်းကဆိုပါသည်။ ထရမ့်နှင့် နေတိုးအထွေထွေအတွင်းရေးမှူး မက်ခ်ရက်တီတို့ တွေ့ဆုံ ပြီးနောက် ဂရင်းလန်းကိစ္စအပေါ် ဆွေးနွေးခဲ့ကြပြီး ထရမ့်က ဖြစ်နိုင် ဖွယ်ရာရှိကြောင်း အကြံပြုခဲ့ပြီး နေတိုး၏ ကာကွယ်ရေးအတွက်လည်း အရေးကြီးသည်ဟု ပြောခဲ့ပါသည်။ ရက်တီက အဆိုပါအကြံကို မထောက် ခံသော်လည်း အာတိတ်ဒေသအတွင်း၌ တိုးပွားလာသည့် တရုတ်နှင့် ရုရှားတို့၏ ခြေဆန့်မှုသည် ဥရောပနှင့် အမေရိကား၏ လုံခြုံရေး ဆိုင်ရာ စိုးရိမ်မှုကို မြင့်တက်လာစေခြင်းကို လက်ခံခဲ့ပါသည်။ ဂျာလောဗ်က ဒိန်းမတ်အနေဖြင့် ဂရင်းလန်းအားထိန်းချုပ်မှုကို စွန့်လွှတ် ရန်မှာ မဖြစ်နိုင်ကြောင်း အကြိမ်ကြိမ်ငြင်းဆိုခဲ့ပြီး နေတိုးနိုင်ငံနှစ်ခုကြား စစ်ပွဲဖြစ်လာနိုင်သည်ကို နားလည်ရန်လိုသည်ဟု ပြောသည်။ ဂရင်းလန်း အတွက် “အမေရိကန်နှင့်ပူးပေါင်းခြင်းသည် မေးခွန်းထုတ်စရာ မရှိကြောင်း” နှင့် “အမေရိကန်က စစ်ရေးအရ ကျူးကျော်မှု လုပ်ဆောင်လာနိုင်သည်” ဟု ၎င်း၏ X မီဒီယာတွင် ရေးသားခဲ့ပါသည်။ဂရင်းလန်းကျွန်း၌ အဖိုးတန်တွင်းထွက်သယံဇာတများနှင့် စစ်ရေးအရ မဟာဗျူဟာကျသည့် အနေအထားရှိခြင်းကြောင့် ထရမ့်က လွန်ခဲ့သော ကာလများစွာကပင် စိတ်ဝင်စားခဲ့သည်။ ဒိန်းမတ်ကိုလိုနီဟောင်း ဂရင်းလန်းသည် ၁၉၇၉ ခုနှစ်တွင် ကိုယ်ပိုင်အုပ်ချုပ်ခွင့် ရရှိခဲ့သော်လည်း နိုင်ငံခြားရေးမူဝါဒ၊ ကာကွယ်ရေးနှင့် ငွေကြေးမူဝါဒဆိုင်ရာ ကိစ္စရပ်များတွင် ကိုပင်ဟေဂင်၏ ထိန်းချုပ်မှုအောက်တွင် ရှိနေသေးသည်။ ဒိန်းမတ်လွှတ်တော်တွင်း မဲခွဲမှုများတွင် ထရမ့်၏ အစီအစဉ်များကို ဆန့်ကျင် နေဆဲဖြစ်သော်လည်း အခြေအနေပြောင်းလဲသွားနိုင်ကြောင်း ကျွမ်းကျင် သူများက သတိပေးထားသည်။ ဒိန်းမတ်ရွေးကောက်ပွဲ၌ ဒီမိုကရက်များ သည် အမတ်နေရာအများစုကို အနိုင်ရခဲ့သော်လည်း အစိုးရမဖွဲ့နိုင်ခြင်း ကြောင့် ညွန့်ပေါင်းအစိုးရဖွဲ့စည်းရန် လိုအပ်မည်ဖြစ်သည်။ ဒုတိယအင်အား အကြီးဆုံးပါတီဖြစ်သော နာလာရက်ပါတီက အမေရိကန်နှင့် ပိုမိုနီးကပ် သောဆက်ဆံရေးရှိနေခြင်းကြောင့် ဂရင်းလန်းက အမေရိကကို ရောက်သွား နိုင်ကြောင်း သုံးသပ်ထားပါသည်။ ကိုးကား-Myanmar National Post
ရက်(၃၀)ကြာ အပစ်အခတ်ရပ်စဲရေးသဘောတူညီချက်ကို လက်ခံရန် ရုရှားကို G7 အဖွဲ့ သတိပေး
ရက်(၃၀)ကြာ အပစ်အခတ်ရပ်စဲရေးသဘောတူညီချက်ကို လက်ခံရန် ရုရှားကို G7 အဖွဲ့ သတိပေး
ယူကရိန်းနှင့်အပစ်အခတ်ရပ်စဲရေးကို လက်မခံပါက ရုရှားအပေါ် ပိတ်ဆို့ အရေးယူမှုအသစ်များ ချမှတ်သွားမည်ဟု G7 အဖွဲ့က သတိပေး ပြောဆိုခဲ့ပါသည်။ဗြိတိန်၊ ကနေဒါ၊ ပြင်သစ်၊ ဂျာမနီ၊ အီတလီ၊ ဂျပန်နှင့် အမေရိကန် နိုင်ငံတို့ပါဝင်သော G7 အဖွဲ့သည် ယူကရိန်းစစ်ပွဲနှင့် ပတ်သက်၍ ရုရှားအပေါ် ပိတ်ဆို့အရေးယူမှု အများအပြားကို ချမှတ်ခဲ့ကြခြင်းလည်းဖြစ်သည်။ ထုတ်ပြန်ချက်၌ “ယူကရိန်းက လက်ခံထားသည့် အမေရိကန် ဦးဆောင်သော ရက်ပေါင်း (၃၀) ကြာ အပစ်အခတ်ရပ်စဲရေးသဘောတူညီချက်ကို G7 အဖွဲ့က ထောက်ခံပြီး အပစ်အခတ်ရပ်စဲရေးကို တန်းတူညီမျှသည့် စည်းကမ်းချက်များနှင့်အတူ အပြည့်အဝအကောင်အထည်ဖော်ရန် ရုရှား ကို မိမိတို့တောင်းဆိုပါသည်” ဟု ရေးသားဖော်ပြထားပါသည်။ထို့အပြင် ရုရှားအနေဖြင့် အပစ်အခတ်ရပ်စဲရေးသဘောတူညီချက်ကို လက်မခံပါက ရုရှားအပေါ် နောက်ထပ် ပိတ်ဆို့အရေးယူမှုများ ချမှတ်ရန် G7 အဖွဲ့က ဆွေးနွေးခဲ့ကြောင်းလည်း သိရပါသည်။ နောက်ထပ် ပိတ်ဆို့ အရေးယူမှုများတွင် ရေနံဈေးနှုန်းများကိုကန့်သတ်ခြင်းနှင့် ရုရှား၏ ပိုင်ဆိုင်မှုများကိုအသုံးပြုပြီး ယူကရိန်းအတွက် နောက်ထပ် ထောက်ပံ့ပေးမှုများ လုပ်ဆောင်ပေးခြင်းများ ပါဝင်သည်ဟု သိရပါသည်။ယူကရိန်းနှင့်ရက်ပေါင်း (၃၀) ကြာ အပစ်အခတ်ရပ်စဲရေး သဘောတူညီချက်ကို အကောင်အထည်ဖော်ဆောင်ရန်နှင့်ပတ်သက်၍ လိုချင်သည့် အာမခံချက်များကို ရုရှားသမ္မတပူတင်က ထုတ်ဖော်ပြောဆိုခဲ့ပြီးနောက် ရက်ပိုင်းအကြာတွင် G7 အဖွဲ့၏ သတိပေးမှုထွက်ပေါ်လာခြင်းဖြစ်ပါသည်။ကိုးကား-NP News
ယီမင်အခြေစိုက် ဟူသီသူပုန်အဖွဲ့ကို အမေရိကန်က လေကြောင်းတိုက်ခိုက်မှုများပြုလုပ်
ယီမင်အခြေစိုက် ဟူသီသူပုန်အဖွဲ့ကို အမေရိကန်က လေကြောင်းတိုက်ခိုက်မှုများပြုလုပ်
ယီမင်အခြေစိုက် ဟူသီသူပုန်များ၏ အခြေစိုက်နေရာများကို အမေရိကန် က လေကြောင်းတိုက်ခိုက်မှုအများအပြား ပြုလုပ်ခဲ့ကြောင်း အမေရိကန် သမ္မတ ဒေါ်နယ်ထရမ့်က ၎င်း၏ Truth ဆိုရှယ်ပလက်ဖောင်းတွင် ရေးသားပါသည်။ဟူသီအဖွဲ့ ထိန်းချုပ်ထားသည့် ယီမင်နိုင်ငံ မြို့တော် ‌ဆာနာနှင့် အခြား ဟူသီအဖွဲ့ အခြေစိုက်စခန်းများကို မတ်လ ၁၅ ရက်က အမေရိကန်၏ လေကြောင်းတိုက်ခိုက်မှုများကြောင့် အနည်းဆုံး လူ ၂၃ ဦး သေဆုံးပြီး လူ ၂၀ ဒဏ်ရာရခဲ့ကြောင်း ဟူသီအဖွဲ့၏ ကျန်းမာရေးအာဏာပိုင်များက ပြောကြားခဲ့ပါသည်။အမေရိကန်၏ စီးပွားရေးကို မည်သူမျှ ရပ်တန့်နိုင်စေမည်မဟုတ်သလို အမေရိကန်၏ ရေတပ်သင်္ဘောများ ကမ္ဘာ့ပင်လယ်ပြင်များတွင် ရွက်လွှင့်နေခြင်းကို မည်သည့်အကြမ်းဖက်အဖွဲ့ကမျှ တားဆီးနိုင်မည်မဟုတ်ကြောင်း ‌အမေရိကန် သမ္မတ ဒေါ်နယ်ထရမ့်က ဆိုပါသည်။အီရန် ကျောထောက်နောက်ခံပေးထားသော ဟူသီအဖွဲ့သည် ယီမင် မြို့တော် ဆာနာနှင့် ယီမင်နိုင်ငံ အနောက်မြောက်ပိုင်းကို ထိန်းချုပ်ထားခြင်းဖြစ်ပြီးအစ္စရေး-ဟားမက် စစ်ပွဲဖြစ်ပွားပြီးနောက် ပါလက်စတိုင်းများနှင့်အတူ ရပ်တည်ကြောင်း ပြခဲ့ပါသည်။ဟူသီအဖွဲ့သည် ပြီးခဲ့သည့် ၂၀၂၃ ခုနှစ်၊ နိုဝင်ဘာလမှစ၍ ပင်လယ်နီ ထဲက သင်္ဘောများကို တိုက်ခိုက်မှုများ ပြုလုပ်နေခြင်း ဖြစ်ပါသည်။အမေရိကန်သမ္မတ ဒေါ်နယ်ထရမ့်က ဟူသီအဖွဲ့ကို ထောက်ပံ့ပေးမှုကို ချက်ချင်းရပ်တန့်ရန် အီရန်ကိုလည်း သတိပေးလိုက်ပါသည်။ဟူသီအဖွဲ့ကတော့ အမေရိကန်၏ ယခုကဲ့သို့တိုက်ခိုက်မှုကြောင့် ယီမင် ပြည်သူများနှင့် ဂါဇာကမ်းမြောင်က လူများအပေါ် ထောက်ခံမှု ပျက်စီးသွားမည်မဟုတ်ကြောင်း တုံ့ပြန်ထားပါသည်။ကိုးကား- Onenews Myanmar Channel
© Copyright 2024 SAC All Rights Reserved.