အမေရိကန်နိုင်ငံ၌ မွေးရာပါနိုင်ငံသားဖြစ်ခွင့်ကို ရုပ်သိမ်းရန် သမ္မတ ဒေါ်နယ်ထရမ့်၏ အမိန့်အပေါ် ပြည်နယ်အချို့က တရားစွဲဆို

saceditor

News Image

  • အမေရိကန်နိုင်ငံ၌ မွေးရာပါနိုင်ငံသားဖြစ်ခွင့်ကို ရုပ်သိမ်းရန် သမ္မတ ဒေါ်နယ်ထရမ့်၏ အမိန့်အပေါ် ပြည့်နယ်အချို့က တရားစွဲဆို

ဝါရှင်တန်   ဇန်နဝါရီ ၂၃

အမေရိကန်ပြည်ထောင်စုရှိ ဒီမိုကရက်တစ်ဦးဆောင်သော ပြည်နယ် ၂၂ ခုနှင့် အခြားပြည်နယ်များသည် မွေးရာပါနိုင်ငံသားဖြစ်ခွင့်ကို ရုပ်သိမ်းရန် သမ္မတ ဒေါ်နယ်ထရမ့်၏ အမိန့်အပေါ် တရားစွဲဆိုခဲ့ကြောင်း သိရသည်။

လက်ရှိတွင် အမေရိကန်နိုင်ငံအတွင်း မွေးဖွားသူတိုင်းသည် ၎င်းတို့၏ မိဘများ မည်သည့်နိုင်ငံသားဖြစ်စေ အမေရိကန်နိုင်ငံသားအဖြစ် ခံယူခွင့်ရှိသည်။

လက်မှတ်ရေးထိုး

သို့သော် ၎င်းတို့၏ မိခင်များသည် နိုင်ငံအတွင်း တရားမဝင် သို့မဟုတ် ခေတ္တနေထိုင်သူများဖြစ်ပါက ၎င်းတို့၏ ဖခင်များသည် အမေရိကန်နိုင်ငံသား သို့မဟုတ် တရားဝင်အမြဲတမ်းနေထိုင်သူများ မဟုတ်ပါက အမေရိကန်နိုင်ငံ၌ မွေးဖွားသော ကလေးများအား အလိုအလျောက် နိုင်ငံသားအဖြစ် ခံယူခွင့်မပြုသည့် အမိန့်တစ်ရမ်ကို ထရမ့်က ဇန်နဝါရီ ၂၀ ရက်က လက်မှတ်ရေးထိုးခဲ့သည်။

သမ္မတထရမ့်သည် အမေရိကန်ဖွဲ့စည်းပုံအခြေခံဥပဒေကို ချိုးဖောက်ပြီး တရားရုံးချုပ်မှ အမိန့်စာတစ်ရပ်ထုတ်ပြန်ရန် တောင်းခံခဲ့ကြောင်း ဒီမိုကရက်တစ်ဦးဆောင်သော ပြည်နယ် ၂၂ ခု အပါအဝင် ကိုလံဘီယာခရိုင်နှင့် ဆန်ဖရန်စစ္စကိုမြို့တို့က ပြောကြားသည်။

နယူးဂျာစီပြည်နယ် ရှေ့နေချုပ် မတ်သရူးပလတ်ကင်က အမေရိကန်ပြည်ထောင်စုတွင် မွေးဖွားသူအားလုံးသည် အမေရိကန်၏ တရားစီရင်ပိုင်ခွင့်အောက်တွင် ရှိသူများဖြစ်ပြီး အမေရိကန်နိုင်ငံသားများဖြစ်ကြောင်း ဖွဲ့စည်းပုံအခြေခံဥပဒေ၏ အဆိုပါဥပဒေဆိုင်ရာ ၁၄ ကြိမ်မြောက် ပြင်ဆင်ချက်နှင့် နောက်ဆက်တွဲ တရားရုံးချုပ်၏ စီရင်ထုံးများကို ကိုးကားပြီး ပြောကြားသည်။

ထို့ပြင် အမေရိကန်သမ္မတများတွင် လုပ်ပိုင်ခွင့်အာဏာအပြည့်အဝရှိသော်လည်း ဖွဲ့စည်းပုံအခြေခံဥပဒေကို တစ်ဖက်သတ်ပြန်ရေးနိုင်သည့် အခွင့်အာဏာမရှိကြောင်း မတ်သရူးပလတ်ကင်က ပြောကြားသည်။ 

Source: ကြေးမုံသတင်းစာ

 

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ဥရောပသမဂ္ဂကောင်စီက ယူကရိန်းကို ယူရို ၃.၅ ဘီလီယံ ပေးချေရန် အတည်ပြု
ဥရောပသမဂ္ဂကောင်စီက ယူကရိန်းကို ယူရို ၃.၅ ဘီလီယံ ပေးချေရန် အတည်ပြု
မတ်လ ၁၇ ရက်တွင် ဘယ်ဂျီယံနိုင်ငံမြို့တော် ဘရပ်ဆဲလ်၌ ကျင်းပလျက်ရှိသည့် ဥရောပသမဂ္ဂအစည်းအဝေးတွင် ဥရောပသမဂ္ဂကောင်စီသည် (Macro-Financial Assistance- MFA) အစီအစဉ်အရ ယူကရိန်းကို ယူရို ၃.၅ ဘီလီယံ ပေးချေရန် အတည်ပြုလိုက်ပါသည်။ယခုတတိယအကြိမ်ငွေပေးချေမှုအပါအဝင်   ဥရောပသမဂ္ဂသည် ယူကရိန်းကို Ukraine Facility ခေါင်းစဉ်အောက်မှ ယူရို ၂၀ ဘီလီယံနီးပါး ပေးဆောင်မည်ဟု ကြေညာချက်တွင် ဖော်ပြထားပါသည်။ Ukraine Facility ဆိုသည်မှာ ယူကရိန်းနိုင်ငံ၏ စီးပွားရေးနှင့် ဘဏ္ဍာရေး တည်ငြိမ်မှုရှိစေရန်နှင့် ပြန်လည်တည်ဆောက်ရေး လုပ်ငန်းများအတွက် အထောက်အကူပြုစေရန် ဥရောပသမဂ္ဂ၏ ထောက်ပံ့သည့် အကူအညီအစီအစဉ်တစ်ခု ဖြစ်ပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
ယူကရိန်းစစ်တပ် အကြီးအကဲရာထူး အပြောင်းအလဲလုပ်
ယူကရိန်းစစ်တပ် အကြီးအကဲရာထူး အပြောင်းအလဲလုပ်
ယူကရိန်းသမ္မတ ဇီလန်စကီးသည် ယူကရိန်းစစ်တပ်ဦးစီးချုပ် (Chief of General Staff) ဖြစ်သူ Anatoly Bargilevich ၏ ရာထူးနေရာတွင် ဒုတိယဦးစီးချုပ် Andrey Gnatov အား မတ်လ ၁၆ ရက်တွင် အစားထိုး ခန့်အပ်လိုက်ကြောင်း ကြေညာလိုက်ပါသည်။ဦးစီးချုပ်ဟောင်း Bargilevich ကို ယူကရိန်းကာကွယ်ရေးဝန်ကြီးဌာန၏ စုံစမ်းစစ်ဆေးရေးအရာရှိချုပ်အဖြစ် ပြောင်းလဲခန့်အပ်လိုက်ပြီး အဆိုပါ ရာထူးအပြောင်းအလဲအတွက် အကြောင်းအရင်းကို ကြေညာချက်၌ ဖော်ပြ ထားခြင်းမရှိပါ။ထိုသို့ ယူကရိန်းစစ်တပ် အကြီးအကဲရာထူးအပြောင်းအလဲမှာ ကာ့ဒ်ဒေသ၌ ယူကရိန်းတပ်ဖွဲ့ဝင်များ ပိတ်ဆို့ဝန်းရံထားခံရသည့်အချိန်တွင် လုပ်ဆောင် လိုက်ခြင်းဖြစ်ပါသည်။“ကာ့ဒ်ဒေသရှိ ပိတ်မိနေသော ယူကရိန်းတပ်ဖွဲ့ဝင်များအနေဖြင့် လက်နက်ချလိုက်ပါက လူသားချင်းစာနာထောက်ထားမည်ဖြစ်ပြီး လိုအပ်သည့် ကျန်းမာရေးဝန်ဆောင်မှုနှင့် လုံခြုံမှု ဆောင်ရွက်ပေးသွားမည်ဖြစ်ကြောင်း” ရုရှားသမ္မတဗလာဒီမာပူတင်က ပြောကြားထားပြီးဖြစ်ပါသည်။ သို့ရာတွင် အဆိုပါတပ်ဖွဲ့ဝင်များအနေဖြင့် စစ်ဘက်နှင့်နိုင်ငံ့ခေါင်းဆောင်များ၏ တရားဝင်အမိန့်မရရှိဘဲ လက်နက်ချပေးရန် အခက်အခဲရှိနိုင်ကြောင်း ပူတင်က ထပ်မံ သတိပေးပြောကြားထားပါသည်။ ကိုးကား- TASSPhoto: 24 News HDဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
ရုရှားနှင့်ငြိမ်းချမ်းရေးရယူနိုင်ရန် ယူကရိန်းအနေဖြင့် ပိုင်နက်နယ်မြေများ ကိုစွန့်လွှတ်နိုင်ရေး ပြင်ဆင်ရမည်ဟု အမေရိကန်အစိုးရပြော
ရုရှားနှင့်ငြိမ်းချမ်းရေးရယူနိုင်ရန် ယူကရိန်းအနေဖြင့် ပိုင်နက်နယ်မြေများ ကိုစွန့်လွှတ်နိုင်ရေး ပြင်ဆင်ရမည်ဟု အမေရိကန်အစိုးရပြော
ယူကရိန်းအနေဖြင့် ရုရှားနှင့် ငြိမ်းချမ်းရေးရယူနိုင်ရေး ဆွေးနွေးရာတွင် ပိုင်နက်နယ်မြေအချို့ကို စွန့်လွှတ်နိုင်ရေး ပြင်ဆင်ထားရမည်ဟု အမေရိကန်သမ္မတ ဒေါ်နယ်ထရမ့်၏ လုံခြုံရေးအကြံပေး မိုက်ဝေါ့က ထုတ်ဖော်ပြောဆိုလိုက်ပါသည်။အမေရိကန်အစိုးရသည် လက်ရှိအချိန်တွင် ရုရှားနှင့်ယူကရိန်းနိုင်ငံကြား ရက် ၃ဝ ကြာ အပစ်ခတ်ရပ်စဲရေးရယူနိုင်ရန် ရုရှားကိုဖိအားပေးမှု ဆက်လက် လုပ်ဆောင်ရန် အဆင်သင့်ရှိနေသည်ဟု ၎င်းကပြောသည်။ ယူကရိန်းက ခရိုင်းမီးယားဒေသအပြင် ဒွန်းညက်စ်၊ လူဟန့်၊ ခါဆွန်၊ ဇာပိုရိုဟီ ဒေသ များသည် ၎င်းတို့ပိုင်နက်များဖြစ်ကြောင်း ပြောဆိုထားပြီး လက်ရှိအချိန်တွင် အဆိုပါဒေသများသည် ရုရှားထိန်းချုပ်မှုအောက်သို့ ရောက်ရှိနေသည်။ ခရိုင်းမီးယားဒေသသည် ၂၀၁၄ ခုနှစ် စစ်ပွဲဖြစ်လာခဲ့ပြီးနောက် ရုရှား ပိုင်နက်ဖြစ်ခဲ့ကာ ဒွန်းညက်စ်၊ လူဟန့်၊ ခါဆွန်၊ ဇာပိုရိုဟီ ဒေသများသည်လည်း ၂၀၂၂ ခုနှစ် စစ်ပွဲများအတွင်း ရုရှားထိန်းချုပ်မှုအောက် ထပ်မံ ရောက်ရှိခဲ့ခြင်းဖြစ်သည်။အမေရိကန် အမျိုးသားလုံခြုံရေး အကြံပေးဖြစ်သူက “ယူကရိန်းစစ်ပွဲ ငြိမ်းချမ်းရေးရယူနိုင်မည့် အလားလာများတွင် ယူကရိန်းအတွက် လုံခြုံရေး အာမခံချက်ပေးရမည့်အချက်များလည်းပါဝင်မည်ဖြစ်ပြီး ယူကရိန်း အနေဖြင့် နေတိုးအဖွဲ့ဝင်နိုင်ငံအဖြစ် ပါဝင်နိုင်ရေးအစီအစဉ်ကို လက်လျှော့ရမည် ဖြစ်ကြောင်း၊ ခရိုင်းမီးယားအပါအဝင် ယူကရိန်းပိုင်နက်များကို ပြန်ပေးရန် ကြိုးပမ်းမှုများသည် လက်တွေ့မဆန်ကြောင်းနှင့် အမေရိကန်အစိုးရသည် ယူကရိန်းစစ်ပွဲအဆုံးသတ်နိုင်ရန် မြေပြင်အခြေနေမှန်ကို အဓိကထားကာ ကြိုးပမ်းမည်” ဟု ပြောဆိုခဲ့သည်။ကိုးကား-NP News
အပစ်အခတ်ရပ်စဲရေးအတွက် ရုရှားနှင့်အမေရိကန်တို့က မကြာမီ သဘောတူညီချက်ချမှတ်နိုင်မည်ဟု အမေရိကန်အထူးသံတမန်ပြော
အပစ်အခတ်ရပ်စဲရေးအတွက် ရုရှားနှင့်အမေရိကန်တို့က မကြာမီ သဘောတူညီချက်ချမှတ်နိုင်မည်ဟု အမေရိကန်အထူးသံတမန်ပြော
ဝါရှင်တန်၊ အပစ်အခတ်ရပ်စဲရေးယူကရိန်းနိုင်ငံတွင် အပစ်အခတ်ရပ်စဲရေးအတွက် ရုရှားနှင့်အမေရိကန်တို့က မကြာမီ သဘောတူညီချက်ချမှတ်နိုင်မည်ဟု အမေရိကန်အထူးသံတမန် စတိဝှစ်တော့က ပြောကြားလိုက်ကြောင်း  သိရသည်။ယူကရိန်းအရေးနှင့်စပ်လျဉ်း၍ ရုရှားသမ္မတဗလာဒီမာပူတင်နှင့် အမေရိကန်သမ္မတဒေါ်နယ် ထရမ့်တို့ကြား တယ်လီဖုန်းမှတစ်ဆင့်   ပြောဆိုဆွေးနွေးမှုများကိုမတ်လ ၁၈ ရက်တွင် လုပ်ဆောင်နိုင်ဖွယ်ရှိသည်ဟု သမ္မတဒေါ်နယ်ထရမ့်၏ အထူးသံတမန် စတိဝှစ်တော့က အမေရိကန် မီဒီယာတစ်ခုသို့ မတ်လ   ၁၆ ရက်တွင် ပြောကြားခြင်းဖြစ်သည်။အပစ်အခတ်ရပ်စဲရေးနှင့်စပ်လျဉ်း၍ အမေရိကန်အမျိုးသားလုံခြုံရေးအကြံပေး မိုက်ဝေါ့၊ အမေရိကန် နိုင်ငံခြားရေးဝန်ကြီး မားကို့ရူဘီယိုတို့၏ ဆော်ဒီအာရေဗျနိုင်ငံအတွင်း ကျင်းပသည့် စေ့စပ်ဆွေးနွေးပွဲများမှလည်း  အပြုသဘောဆောင်သည့် ရလဒ်များထွက်ပေါ်လာခဲ့ကြောင်း ၎င်းက  ဆက်လက်ပြောကြားသည်။ထို့ပြင် စတိဝှစ်တော့၏  ရုရှားနိုင်ငံခရီးစဉ်တွင်လည်း ရုရှားသမ္မတပူတင်နှင့်တွေ့ဆုံ၍ အမေရိကန်နှင့် ယူကရိန်းအစိုးရတို့က သဘောတူထားသည့် အပစ်အခတ်ရပ်စဲရေးအဆိုပြုချက် အသေးစိတ်ကို ပူတင်ထံသို့ပေးအပ်ခဲ့သည်။အဆိုပါခရီးစဉ်တွင် စတိဝှစ်တော့နှင့် သမ္မတပူတင်တို့ကြားဆွေးနွေးမှုသည် ၃ နာရီခွဲ ခန့် ကြာမြင့်ခဲ့ပြီး ၎င်းဆွေးနွေးမှုသည် အပြုသဘောဆောင်သည့် အကျိုးဆက်များကို ထွက်ပေါ်လာစေခဲ့သည်ဟု စတိဝှစ်တော့က ပြောကြားခဲ့ကြောင်း   သိရသည်။                                  Ref: RTSource: https://myawady.net.mm/ 
ရုရှားနှင့်ပတ်သက်သည့် EU ဦးဆောင်စုံစမ်းစစ်ဆေးမှုအဖွဲ့မှ အမေရိကန် နုတ်ထွက်မည်
ရုရှားနှင့်ပတ်သက်သည့် EU ဦးဆောင်စုံစမ်းစစ်ဆေးမှုအဖွဲ့မှ အမေရိကန် နုတ်ထွက်မည်
အမေရိကန်သမ္မတ Donald Trump ၏ အစိုးရအဖွဲ့သည် ယူကရိန်း ပဋိပက္ခနှင့် ဆက်စပ်နေသော ရုရှားရာဇဝတ်မှုများကို စုံစမ်းစစ်ဆေးရန်နှင့် တရားစွဲဆိုရန် ရည်ရွယ်၍ဖွဲ့စည်းထားခဲ့သော ICPA မှ နုတ်ထွက်ရန် စီစဉ်နေကြောင်း New York Times က မတ်လ ၁၇ ရက်(တနင်္လာ)နေ့တွင်ဖော်ပြခဲ့သည်။အမေရိကန်တရားမျှတရေးဌာန (DOJ) သည် ရုရှား၊ ဘယ်လာရုစ်၊ မြောက်ကိုရီးယားနှင့် အီရန်တို့ကို စွပ်စွဲထားသော ရာဇဝတ်မှုများအတွက် စုံစမ်းစစ်ဆေးရန် ဖွဲ့စည်းထားသော EU ကြီးမှူးသည့် (ICPA) မှ နုတ်ထွက်မည်ဟု ဆိုသည်။အမေရိကန်သည် ၂၀၂၃ ခုနှစ်တွင် ICPA ၌ ဥရောပမဟုတ်သော တစ်ခုတည်းသော အဖွဲ့ဝင်ဖြစ်လာခဲ့သည်။ NYT ၏ သတင်းရင်းမြစ်များအရ ဝါရှင်တန်သည် တရားဝင်ကြေညာချက်မထုတ်ပြန်မီ ဥရောပ မိတ်ဖက်များအား ၎င်း၏နုတ်ထွက်မည့်အစီအစဉ်ကို အသိပေးထားကြောင်း ဆိုသည်။Trump ၏ အစိုးရအဖွဲ့ဝင်များက အစိုးရအသုံးစရိတ်များ ပိုမို လျှော့ချခြင်း အစီအစဉ်ကို ကိုးကား၍ နုတ်ထွက်ခြင်းကို မှန်ကန်ကြောင်း ပြောကြားခဲ့သည်။ DOJ သည် အမေရိကန်ပါဝင်မှုကို ကနဦးကြေညာစဉ်က ICPA ကို ဒေါ်လာ ၁ သန်း ထောက်ပံ့မည်ဟု ကတိပြုခဲ့သည်။ထို့အပြင် NYT သတင်းရင်းမြစ်များအရ ဝါရှင်တန်သည် စစ်ရာဇဝတ်မှုများအတွက် ရုရှားကိုတရားစွဲဆိုမှုများနှင့်ပတ်သက်၍ လေ့ကျင့်ပေးရန် ၂၀၂၂ ခုနှစ်တွင်ဖွဲ့စည်းထားသော WarCAT အဖွဲ့၏ လုပ်ငန်းတာဝန်များကို လျှော့ချနေသည်ဟုဆိုသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂
Trump က Putin နှင့် ဖုန်းဖြင့်ထပ်မံဆွေးနွေးမည့်ရက်အား ကြေညာ
Trump က Putin နှင့် ဖုန်းဖြင့်ထပ်မံဆွေးနွေးမည့်ရက်အား ကြေညာ
အမေရိကန်သမ္မတ Donald Trump က ရုရှားသမ္မတ Vladimir Putin နှင့် နှစ်နိုင်ငံဆက်ဆံရေးနှင့် ယူကရိန်းပဋိပက္ခတွင် ငြိမ်းချမ်းရေးသဘောတူညီချက်ရရှိရေး အလားအလာများကို မတ်လ ၁၈ ရက်(အင်္ဂါ)နေ့တွင် ဖုန်းဖြင့်ဆက်သွယ်ဆွေးနွေးမည်ဟု ပြောကြားခဲ့ပါသည်။Reuters သတင်းထောက် Jeff Mason ၏အဆိုအရ Trump က မတ်လ ၁၆ ရက်နေ့က Air Force One ပေါ်၌ သတင်းထောက်များကို ပြောကြားရာတွင် မတ်လ ၁၈ ရက်တွင် Putin နှင့် စကားပြောရန် စီစဉ်ထားပြီး ယူကရိန်းနှင့်ပဋိပက္ခ အဆုံးသတ်နိုင်ရေး၊ နယ်မြေပိုင်ဆိုင်မှုနှင့် ဓာတ်အားပေးစက်ရုံကိစ္စရပ်များအား ဆွေးနွေးကြမည်ဟု ဆိုသည်။အဆိုပါ သတင်းအပေါ် ကရင်မလင်ပြောရေးဆိုခွင့်ရှိသူ Dmitry Peskov ကလည်း အတည်ပြုခဲ့သည်။အမေရိကန်အထူးကိုယ်စားလှယ် Steve Witkoff က မော်စကို၌ Putin နှင့် တွေ့ဆုံဆွေးနွေးမှုများသည် အပြုသဘောဆောင်ကြောင်း ဖော်ပြခဲ့ပြီး ရုရှားနှင့် ယူကရိန်းနှစ်ဖက်စလုံးအနေဖြင့် ညှိနှိုင်းဆွေးနွေးမှုများတွင် ပိုမိုနီးစပ်လာသည်ဟု ဖော်ပြခဲ့ပါသည်။ မတ်လ ၁၅ ရက်နေ့တွင် အမေရိကန် နိုင်ငံခြားရေးဝန်ကြီး Marco Rubio နှင့် ရုရှားနိုင်ငံခြားရေးဝန်ကြီး Sergey Lavrov တို့ ဖုန်းဖြင့်ဆက်သွယ်ပြောဆိုဆွေးနွေးခဲ့ပြီး နှစ်နိုင်ငံအကြားသံတမန်လုပ်ငန်းများ ပြန်လည်ထူထောင်ရန်နှင့် နှစ်နိုင်ငံဆက်ဆံရေးတွင်အခြားအငြင်းပွားဖွယ်ရာကိစ္စရပ်များကိုဖြေရှင်းနိုင်ရေးဆွေးနွေးခဲ့ကြကြောင်း ဆိုသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.