Quad အဖွဲ့ဝင်နိုင်ငံများမှ နိုင်ငံခြားရေး၀န်ကြီး ၄ ဦး ဝါရှင်တန်တွင် တွေ့ဆုံဆွေးနွေး

saceditor

News Image

  • Quad အဖွဲ့ဝင်နိုင်ငံများမှ နိုင်ငံခြားရေး၀န်ကြီး ၄ ဦး ဝါရှင်တန်တွင် တွေ့ဆုံဆွေးနွေး

ဂျပန်၊ အမေရိကန်၊ သြစတြေးလျနှင့်အိန္ဒိယတို့မှ နိုင်ငံခြားရေးဝန်ကြီးများသည် Quad မူဝါဒဆိုင်ရာ အစည်းအဝေးကို ဝါရှင်တန်၌ ပြုလုပ်ခဲ့ကြသည်။

ဇန်နဝါရီ ၂၁ ရက်နေ့တွင် အမေရိကန် နိုင်ငံခြားရေးဝန်ကြီးဌာန၌ အဆိုပါအစည်းအဝေးကျင်းပခဲ့ပြီး ဒေါ်နယ်ထရမ့်ဦးဆောင်သော အစိုးရအဖွဲ့မှ နိုင်ငံခြားရေးဝန်ကြီး Marco Rubio က အဓိကပါဝင်ဆွေးနွေးခဲ့သည်။

အစည်းအဝေးတွင် ပါဝင်သော အခြား နိုင်ငံခြားရေး ဝန်ကြီး ၃ ဦးမှာ ဂျပန်နိုင်ငံခြားရေးဝန်ကြီး Iwaya Takeshi၊ သြစတြေးလျ နိုင်ငံခြားရေးဝန်ကြီး Penny Wong နှင့် အိန္ဒိယနိုင်ငံခြားရေးဝန်ကြီး Subrahmanyam Jaishankar တို့ဖြစ်ပါသည်။

ဇန်နဝါရီ ၂၀ ရက်နေ့တွင် အမေရိကန်သမ္မတအဖြစ် Donald Trump စတင်တာဝန်ထမ်းဆောင်ပြီးနောက် Quad နိုင်ငံ ၄ နိုင်ငံ သဘောတူထားသည့် လွတ်လပ်ပွင့်လင်းသော အင်ဒို-ပစိဖိတ်ဒေသကို အားကောင်းစေမည့်ကတိကဝတ်ကို ၎င်းတို့က ထပ်လောင်း အတည်ပြုခဲ့ကြပါသည်။

ဝန်ကြီးများသည် ဒေသဆိုင်ရာကိစ္စရပ်များအပေါ် အမြင်ချင်းဖလှယ်ခဲ့ကြပြီး လက်ရှိအနေအထားကို ပြောင်းလဲရန်ကြိုးပမ်းနေသည့် တစ်ဖက်သတ် ဖိအားပေးလုပ်ဆောင်မှုမှန်သမျှကို ပြင်းပြင်းထန်ထန် ကန့်ကွက်ခြင်းကို သဘောတူခဲ့ကြပါသည်။ ဆိုလိုသည်မှာ အရှေ့တရုတ်ပင်လယ်နှင့် တောင်တရုတ်ပင်လယ်တို့တွင် တရုတ်၏ တိုးမြှင့်လုပ်ဆောင်လာနေသော လှုပ်ရှားမှုများကို ရည်ညွှန်းခြင်းဖြစ်သည်ဟု သုံးသပ်ကြပါသည်။

ဆွေးနွေးပွဲအပြီး၌ ထုတ်ပြန်သည့် ပူးတွဲကြေညာချက်တွင် Quad နိုင်ငံ ၄ နိုင်ငံသည် ယခုနှစ်အတွင်း အိန္ဒိယနိုင်ငံတွင် ကျင်းပမည့် Quad ခေါင်းဆောင်များ၏ ထိပ်သီးအစည်းအဝေးအတွက် ကြိုတင်ပြင်ဆင်ရန် နိုင်ငံခြားရေးဝန်ကြီးများ ပုံမှန်တွေ့ဆုံဆွေးနွေးကြမည်ဖြစ်ကြောင်း ဖော်ပြထားပါသည်။

ကိုးကား-NKK World

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

တရုတ်၏ အာကာသမစ်ရှင်များအား အထောက်အကူပြုစေရန် အာကာသစက်ရုပ်နည်းပညာနှင့် စွမ်းအင်စင်တာက လကမ္ဘာပေါ်သို့ ဆင်းသက်နိုင်သည့် စက်ရုပ်များထုတ်လုပ်မည်
တရုတ်နိုင်ငံ၏   အာကာသမစ်ရှင်များအတွက်   အထောက်အကူပြုစေရန် ဟောင်ကောင်အခြေစိုက်အာကာသစက်ရုပ်နည်းပညာနှင့်   စွမ်းအင်စင်တာအား တည်ထောင်ဖွဲ့စည်းလိုက်ပြီဖြစ်ကြောင်းဟောင်ကောင်အထူးဒေသကြီးက ထုတ်ပြန်သည်။အာကာသစက်ရုပ်နည်းပညာနှင့်စွမ်းအင်စင်တာအနေဖြင့် တရုတ်နိုင်ငံ၏ Change-8 မစ်ရှင်တွင် အဓိကအခန်းကဏ္ဍမှပါဝင်မည်ဖြစ်ပြီး ထိုသို့ပါဝင်နိုင်ရန်အတွက် လကမ္ဘာပေါ်သို့ ဆင်းသက်နိုင်သည့် စက်ရုပ်များကို နိုင်ငံတကာနှင့် ပူးပေါင်းဆောင်ရွက်သည့် လုပ်ငန်းစဉ်၏ တစ်စိတ်တစ်ဒေသအဖြစ် ထုတ်လုပ်မည်ဖြစ်ကြောင်း  ဟောင်ကောင်သိပ္ပံနှင့်နည်းပညာတက္ကသိုလ်မှ ညွှန်ကြားရေးမှူး ယုဟုန်ယုက ပြောသည်။ထို့ပြင် အာကာသစက်ရုပ်နည်းပညာနှင့် စွမ်းအင်စင်တာက ထုတ်လုပ်မည့်စက်ရုပ်များတွင် နှစ်မျိုးအသုံးပြုနိုင်သည့် စက်ရုပ်လက်များကို တပ်ဆင်ထားမည်ဖြစ်သောကြောင့်  လကမ္ဘာ၏  မျက်နှာပြင်ပေါ်ရှိ နမူနာများကို စုဆောင်းနိုင်မည်ဖြစ်သည်။အလားတူပင်လကမ္ဘာပေါ်ရှိ ကမ္ဘာမြေကြီး၏ ဆွဲငင်အားနည်းပါးမှုနှင့်ပတ်ဝန်းကျင်အခြေအနေပြင်းထန်မှုတို့ကို တုံ့ပြန်နိုင်ရေးအတွက်  စက်ရုပ်များအနေဖြင့်  ပတ်ဝန်းကျင်အခြေအနေပြောင်းလဲမှုအပေါ် အခြေခံ၍ ၎င်းတို့ကိုယ်တိုင် အလိုအလျောက် ထိန်းချုပ်လုပ်ဆောင်နိုင်မည့်  ဆော့ဝဲလ်များကိုလည်း  အာကာသစက်ရုပ်နည်းပညာနှင့် စွမ်းအင်စင်တာက ထုတ်လုပ်လျက်ရှိသည်။                   Ref: XinhuaSource: https://myawady.net.mm/ 
ဖင်လန်နိုင်ငံက အမေရိကန်၏ ကြက်ဥတင်ပို့ပေးရန်တောင်းဆိုမှုကို ငြင်းဆို
ဖင်လန်နိုင်ငံက အမေရိကန်၏ ကြက်ဥတင်ပို့ပေးရန်တောင်းဆိုမှုကို ငြင်းဆို
ဖင်လန်နိုင်ငံသည် ပို့ကုန်စည်းမျဉ်းစည်းကမ်းချက်များနှင့် ထောက်ပံ့ရေး ကန့်သတ်ချက်များကို အကြောင်းပြ၍ ကြက်ဥတင်ပို့ပေးရန် အမေရိကန်၏ တောင်းဆိုမှုကို ငြင်းဆိုလိုက်ကြောင်း ဒေသခံသတင်းဌာန Yle က ဖော်ပြသည်။ အမေရိကန်စိုက်ပျိုးရေးဌာန (USDA) မှ ပြည်တွင်း ကြက်ဥဈေးနှုန်း များမြင့်တက်လာမှုကြောင့် EU ထုတ်ကုန်ရှင်များထံ ကြက်ဥတင်ပို့ရေး ညှိနှိုင်းစဉ် ဖင်လန်ကငြင်းဆိုခဲ့ခြင်းဖြစ်သည်။ကြက်ငှက်တုပ်ကွေးရောဂါဖြစ်ပွားမှုကြောင့် ပြည်တွင်းထုတ်လုပ်မှု သိသာစွာလျော့ကျသွားပြီး အမေရိကန်ဈေးကွက်တွင် ကြက်ဥ ပြတ်လပ်မှု ဖြစ်ပေါ်ခဲ့ရကာ Bloomberg တွင်ဖော်ပြမှုအရ ဈေးနှုန်းများသည် လွန်ခဲ့သည့်နှစ်ကထက် ၂၀၀% တက်လာပြီး တစ်ဒါဇင်လျှင် ၈.၄၁ ဒေါ်လာဖြင့် အမြင့်ဆုံးသို့ ရောက်ရှိခဲ့သည်။ဈေးကွက်တည်ငြိမ်စေရန် USDA မှ ဖင်လန်၊ ဆွီဒင်နှင့် ဒိန်းမတ် အပါအဝင် ဥရောပနိုင်ငံများထံ သွင်းကုန်များအတွက် အကူအညီ တောင်းခံခဲ့သည်။ ဖင်လန်ကြက်မွေးမြူရေးအသင်းက ဆက်သွယ်ခံခဲ့ရကြောင်း အတည်ပြုခဲ့သော်လည်း လက်ရှိတွင်တင်ပို့မှုများ မဖြစ်နိုင်ကြောင်း ပြောကြားခဲ့သည်။ကြက်ငှက်တုပ်ကွေးရောဂါသည် အမေရိကန် ကြက်မွေးမြူရေးခြံများကို ထိခိုက်စေခဲ့ပြီး အထူးသဖြင့် Iowa နှင့် Ohio ကဲ့သို့သော အဓိက ကြက်ဥ ထုတ်လုပ်သည့်ပြည်နယ်များတွင် ပြင်းထန်စွာ ထိခိုက်စေခဲ့သည်။ Reuters ၏ ဖော်ပြချက်အရ USDA သည် ဇီဝလုံခြုံရေးအစီအမံများနှင့် ဆုံးရှုံးသွားသော ကြက်မွေးမြူရေးလုပ်ငန်းများအတွက် လျော်ကြေးပေးခြင်းများဖြင့် ထိခိုက်နစ်နာခဲ့သောလယ်သမားများကို ထောက်ပံ့ရန်နှင့် အဆိုပါ အကျပ်အတည်းကိုဖြေရှင်းရန် ဒေါ်လာ ၁ ဘီလီယံအထိသုံးစွဲမည့် အစီအစဉ်များကို ကြေညာခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂
၁၆၈ နာရီ ရုပ်ရှင်ဇာတ်ကားကို မတ်လတတိယပတ်တွင် နိုင်ငံတစ်ဝန်း အဆင့်မြင့်ရုပ်ရှင်ရုံကြီးများတွင် ပြသမည်
၁၆၈ နာရီ ရုပ်ရှင်ဇာတ်ကားကို မတ်လတတိယပတ်တွင် နိုင်ငံတစ်ဝန်း အဆင့်မြင့်ရုပ်ရှင်ရုံကြီးများတွင် ပြသမည်
ရန်ကုန်  မတ် ၁၇BO BO Film မှရိုက်ကူးထုတ်လုပ်သည့် ၁၆၈ နာရီအမည်ရှိ ရုပ်ရှင်ဇာတ်ကားကို မတ်လတတိယပတ်တွင် နိုင်ငံတစ်ဝန်းအဆင့်မြင့် ရုပ်ရုင်ရုံကြီးများတွင် ရုံတင်ပြသမည်ဖြစ်ကြောင်း အဆိုပါ ရုပ်ရှင်ဇာတ်ကားတွင် ပါဝင်သရုပ်ဆောင်ထားသူ သရုပ်ဆောင်ခင်လှိုင်ထံမှ သိရသည်။အဆိုပါ ၁၆၈ နာရီအမည်ရှိ ရုပ်ရှင်ဇာတ်ကား၏ ဝတ္ထုဇာတ်လမ်းနှင့် ဇာတ်ညွှန်းကို သက်ဦးမောင်က ရေးသားထားပြီး မင်းကိုစိုး(နတ်သံကွင်း)က ရိုက်ကွင်းဇတ်တ်ညွှန်း ရေးညွှန်းထားကာ ဒါရိုက်တာအိ (အရုဏ်ဦး) နှင့် ဒါရိုက်တာကိုဇော်(အရုဏ်ဦး)တို့က BO BO Film အတွက် တာဝန်ယူ ပုံဖော်ရိုက်ကူးထားကြောင်း သိရသည်။“ဒီဇာတ်ကားက သည်းထိတ်ရင်ဖို၊ အချစ်၊ စွန့်စားခန်း၊ ဟာသစသဖြင့် ရသစုံပေးမဲ့ဇာတ်ကားပါ။ ဒီဇာတ်ကားမှာတော့ ဦးခင်လှိုင်က ဘယ်နေရာက ပါဝင်ထားသလဲဆိုတော့ ဇင်မင်းထိုက်ဆိုတဲ့ ဇာတ်ကောင်အနေနဲ့ပါဝင်ထားပါတယ်။ အဲ့ဒီမှာ ဇင်မင်းထိုက်က ကိုယ့်ကိုယ်ကိုယ် သေလို့သေသွားမှန်းမသိတဲ့ ဝိညဉ်တစ်ကောင်ပေါ့။ ဇာတ်ကားနာမည်က ၁၆၈ နာရီဆိုတော့ နည်းနည်းလေးဆန်းတယ်ပေါ့။ ကျွန်တော်တို့မြန်မာတွေရဲ့အယူအဆပေါ့ လူတစ်ယောက်ဟာ သေသွားပြီးလို့ ခုနစ်ရက်ပြည့်ရင် နာရီပေါင်း ၁၆၈ နာရီပြည့်ရင် သူရဲ့အိမ်ကနေစွန့်ခွာသွားရတယ်ဆိုတာမျိုးကို ရိုက်ပြထားတာပါ။ ပညာပေးလေးပါ။ ထူးထူးခြားခြားလေးမို့ ပရိသတ်တွေ ကြိုက်ကြမှာပါ” စု သရုပ်ဆောင် ခင်လှိုင်က ပြောပြသည်။အဆိုပါ ၁၆၈ နာရီ ရုပ်ရှင်ဇာတ်ကားတွင် မြင့်မြတ်၊ ကောင်းမြတ်စံ၊ မင်းဘုန်းမြတ်၊ ခင်လှိုင်၊ ဂျိုကာ၊ မယ်လိုဒီ၊ ရတနာဗို၊ ဝေလာရီ၊ လှမျိုးသဉ္ဇာနွယ်နှင့် သရုပ်ဆောင်များစွာ ပါဝင်သရုပ်ဆောင်ထားကြောင်း သိရသည်။Source: ရတနာပုံသတင်းစာ
စစ်ရေးလေ့ကျင့်မှုတစ်ခုအတွင်း တရုတ်ရေတပ်တိုက်လေယာဉ်တစ်စင်း ပျက်ကျ
စစ်ရေးလေ့ကျင့်မှုတစ်ခုအတွင်း တရုတ်ရေတပ်တိုက်လေယာဉ်တစ်စင်း ပျက်ကျ
မတ်လ(၁၅)ရက်နေ့တွင် တရုတ်ရေတပ်တိုက်လေယာဉ်တစ်စင်းသည် လေ့ကျင့်မှုတစ်ခုအတွင်း ပျက်ကျသွားခဲ့ကြောင်း သိရှိရသည်။ လေယာဉ်မှူးသည် ပျက်ကျသွားသောလေယာဉ်မှ အသက်ကယ်ထိုင်ခုံ စနစ်နှင့်အတူ  အောင်မြင်စွာ လွတ်မြောက်ခဲ့ကြောင်းလည်း သိရပါသည်။ တရုတ်တောင်ပိုင်း စစ်ဒေသကွပ်ကဲမှုဌာနချုပ်က တိုက်လေယာဉ် တစ်စင်းသည် ဟိုင်နန်ပြည်နယ်ဧရိယာအတွင်း ပျက်ကျသွားခဲ့ခြင်း ဖြစ်ကြောင်း ရေတပ်၏ထုတ်ပြန်ချက်၌ ဖော်ပြထားသည်။ တရုတ်တောင်ပိုင်း စစ်ဒေသ ကွပ်ကဲမှုဌာနချုပ်သည် တောင်တရုတ်ပင်လယ်အပါအဝင် တရုတ်နိုင်ငံ ၏ စစ်ရေးအရ အရေးကြီးနယ်မြေဒေသအချို့ကို ကြီးကြပ်ကွပ်ကဲမှုများ လုပ်ဆောင်နေသောဌာန ဖြစ်သည်ဟုလည်း သိရပါသည်။ထုတ်ပြန်ချက်တွင် “တရုတ်ရေတပ် တိုက်လေယာဉ်တစ်စင်းသည် လေ့ကျင့်မှုတစ်ခုအတွင်း ပျက်ကျသွားခဲ့သော်လည်း လေယာဉ်မှူးက ခုံနှင့်အတူ အောင်မြင်စွာ ကန်ထွက်နိုင်ခဲ့ပြီး ယင်းဖြစ်ရပ်အတွင်း မြေပြင်၌ ထိခိုက်ပျက်စီးမှု မရှိခဲ့ကြောင်း” ရေးသားဖော်ပြထားပါသည်။ပျက်ကျရသည့် အကြောင်းရင်းများကို စုံစမ်းစစ်ဆေးမှုများ ဆက်လက် လုပ်ဆောင်နေကြောင်းသိရှိရပါသည်။ ကိုးကား-NP News
RFA နှင့် VOA သတင်းဌာနတို့၏ လုပ်ငန်းလည်ပတ်မှုကို အဟန့်အတားဖြစ်ပေါ်စေသည့် ညွှန်ကြားချက်တစ်ရပ် ထရမ့်ထုတ်ပြန်
RFA နှင့် VOA သတင်းဌာနတို့၏ လုပ်ငန်းလည်ပတ်မှုကို အဟန့်အတား ဖြစ်ပေါ်စေသည့် ညွှန်ကြားချက်တစ်ရပ် ထရမ့်ထုတ်ပြန်
VOA နှင့် RFA သတင်းဌာနတို့၏ မိခင်အေဂျင်စီဖြစ်သည့် United States Agency for Global Media (USAGM) အပါအဝင် အစိုးရဌာန ၇ ခုကို မလိုအပ်သည့်အဖွဲ့အစည်းအဖြစ် သတ်မှတ်ကာ လုပ်ငန်းများကို အဆုံး စွန်ဆုံးအထိ လျှော့ချပြီး ဝန်ထမ်းတွေကိုလည်း အနည်းဆုံးထားရန် ညွှန်ကြားထားသော သမ္မတ Donald Trump ၏ သမ္မတအမိန့်တစ်ရပ်ကို အိမ်ဖြူတော်က မတ်လ ၁၄ ရက်တွင် ထုတ်ပြန်လိုက်ကြောင်း သိရသည်။ယင်းထုတ်ပြန်ချက်တွင် ဥပဒေအရ လိုအပ်သည်ဟု ပြဋ္ဌာန်းထားသည့် ဌာနများရှိ လုပ်ငန်းနှင့် ဝန်ထမ်းများကို နည်းနိုင်သမျှ အနည်းဆုံးအထိ လျှော့ချရန်နှင့် ဥပဒေအရ လိုအပ်ချက်အဖြစ် ပြဋ္ဌာန်းမထားသော လုပ်ငန်း များကို ဖျက်သိမ်းရမည်ဖြစ်ကြောင်း ဖော်ပြထားသည်။ထို့ကြောင့် USAGM လက်အောက်ရှိ ဝါရှင်တန်အခြေစိုက် အမေရိကန်အသံ (VOA)နှင့် လွတ်လပ်တဲ့အာရှအသံ (RFA) သတင်းဌာနတို့တွင် လုပ်ငန်း လည်ပတ်ရန် အဟန့်တားများဖြစ်ပေါ်စေခဲ့သည်ဟု သိရပြီးလက်ရှိတွင် VOA က ၎င်းတို့ပုံမှန်တင်ဆက်နေကျဖြစ်သော ဗွီအိုအေ မြန်မာပိုင်း၏ တိုက်ရိုက် Live ထုတ်လွှင့်မှု အစီအစဥ်များကို ခေတ္တရပ်နားထားပြီး မကြာခင်ကာလမှာ ပြန်လည်ထုတ်လွှင့်သွားမည်ဖြစ်ကြောင်း အသိပေး ထားသည်။အလားတူ ဗွီအိုအေ မြန်မာပိုင်းတွင် အချိန်ပြည့် အစိုးရဝန်ထမ်းအဖြစ် လုပ်ကိုင်နေသူများထံသို့ အလုပ်မှ ချက်ခြင်းခွင့်ပေးကာ ရုံးသို့လာရောက် စရာမလိုသည့် ညွှန်ကြားချက် အီးမေးလ်များ ဝင်ရောက်ခဲ့သည်ဟု သိရပြီး ယင်းညွှန်ကြားချက်အရ ရုံးထဲတွင် ရှိနှင့်နေသူအနက် အီးမေးလ် လက်ခံရရှိသူ ဝန်ထမ်းများအနေဖြင့် ရုံးမှ ထွက်ခွာပေးရမည်ဖြစ်ကြောင်း ရိုက်တာသတင်းက ဖော်ပြထားသည်။အဆိုပါ သမ္မတ Trump ၏ အမိန့်အရ USAGM အပြင် အလုပ်ရှင် အလုပ်သမား အငြင်းပွားမှုနှင့် အလုပ်သမားရေး ဖြေရှင်းဆောင်ရွက်ပေးရေး ဌာနဖြစ်သည့် Federal Mediation and Conciliation Service, အိုးမဲ့အိမ်မဲ့အများအတွက်ဌာန US Interagency Council on Homelessness, လူနည်းစုပိုင် စီးပွားရေးလုပ်ငန်းများ ဖွံ့ဖြိုးရေးဌာန The minority Business Development Agency၊ ပြတိုက်နှင့်စာကြည့်တိုက်များဌာန၊ Woodrow Wilson International Center၊ ပညာရှင်နှင့်သုတေသနဌာန စသည့် ပြည်ထောင်စုအစိုးရဌာနများသည်လည်း လုပ်ငန်းနှင့် ဝန်ထမ်းများ လျှော့ချရမည့်အထဲတွင် ပါဝင်ခဲ့သည်ဟုဆိုသည်။ယင်းဌာနများ၏ အကြီးအကဲများအနေဖြင့် လျှော့ချမှုများ မည်သို့ လုပ်ဆောင်မည်ဆိုသည်ကို ၇ ရက်အတွင်း လိုက်နာဆောင်ရွက်ကြောင်း အစီရင်ခံစာကို အစိုးရလုပ်ငန်းများ စီမံခန့်ခွဲရေးနှင့် ဘတ်ဂျက်ရုံး ညွှန်ကြားရေးမှုးဆီသို့ ပေးပို့ရန်လည်း ညွှန်ကြားထားကြောင်း သိရသည်။ကိုးကား-Myanmar Hard Talk
မော်စကိုက အင်္ဂါဂြိုဟ်စူးစမ်းရေးလုပ်ငန်းတွင် ပူးပေါင်းဆောင်ရွက်ရန် အီလွန်မက် ကို ဖိတ်ခေါ်
မော်စကိုက အင်္ဂါဂြိုဟ်စူးစမ်းရေးလုပ်ငန်းတွင် ပူးပေါင်းဆောင်ရွက်ရန် အီလွန်မက် ကို ဖိတ်ခေါ်
ရုရှားနိုင်ငံ၏ နိုင်ငံပိုင်ငွေကြေးရန်ပုံငွေအဖွဲ့အကြီးအကဲ Kirill Dmitriev သည် Elon Musk ထံသို့ အင်္ဂါဂြိုဟ်စူးစမ်းရေးလုပ်ငန်းများတွင် အမေရိကန်- ရုရှား ပူးပေါင်းဆောင်ရွက်ရန် အဆိုပြုခဲ့သည်။ အမေရိကန် -ရုရှား ဆွေးနွေးပွဲများတွင် စီးပွားရေးသံတမန်အဖြစ် တာဝန်ထမ်းဆောင် နေသည့် Dmitriev က မတ်လ ၁၅ ရက်နေ့က X ၌ ရေးသားခဲ့သည့် ပို့စ် တစ်ခုတွင် နှစ်နိုင်ငံအကြား အာကာသပူးပေါင်းဆောင်ရွက်မှု၏ အရေးပါ ပုံကို “လူသားမျိုးနွယ်၏ ဂုဏ်သိက္ခာအတွက်” ဟု ဖော်ပြခဲ့သည်။Dmitriev ၏ မှတ်ချက်များသည် Musk ၏ ၂၀၂၆ ခုနှစ်တွင် အင်္ဂါဂြိုဟ်သို့ စူးစမ်းရေးခရီးစဉ် အစီအစဉ်များအပေါ် ပူးပေါင်းဆောင်ရွက်နိုင်ရေး ပြောကြားခဲ့ခြင်းဖြစ်သည်။ SpaceX တည်ထောင်သူ Musk က ကုမ္ပဏီ၏ Starship အာကာသယာဉ်သည် လာမည့်နှစ်တွင် အင်္ဂါဂြိုဟ်သို့ ထွက်ခွာ မည်ဖြစ်ပြီး Optimus ဟု အမည်ရသည့် Tesla ၏ လူသားပုံစံစက်ရုပ်ကို သယ်ဆောင်သွားမည်ဟု ပြောကြားခဲ့ပြီး Musk က လူသားများ အင်္ဂါဂြိုဟ် ပေါ်သို့ ၂၀၂၉ ခုနှစ်တွင် စတင်ဆင်းသက်နိုင်မည်ဟုလည်း ဆိုခဲ့သည်။“၂၀၂၉ ခုနှစ်ကို အမေရိကန်-ရုရှား အင်္ဂါဂြိုဟ်စူးစမ်းရေးခရီးစဉ် ပူးပေါင်းဆောင်ရွက်မှုနှစ်အဖြစ် သတ်မှတ်သင့်ကြောင်းနှင့် မိမိတို့၏နည်းပညာများ သည် လူသားမျိုးနွယ်၏ ဂုဏ်သိက္ခာအတွက် အသုံးပြုသင့်ပြီး ဖျက်ဆီးရန် အတွက်မဟုတ်” ဟု Dmitriev က ရေးသားခဲ့သည်။၎င်းက ၂၀၂၅ ခုနှစ် သည် Apollo-Soyuz Test Project ၏ ၅၀ နှစ်မြောက် နှစ်ပတ်လည် ဖြစ်ကြောင်းလည်း ဖော်ပြခဲ့သည်။ ထိုစီမံကိန်းသည် ၁၉၇၅ ခုနှစ် ဇူလိုင် လတွင် အမေရိကန်နှင့် ဆိုဗီယက်ယူနီယံတို့ ပူးပေါင်းဆောင်ရွက်ခဲ့သည့် ပထမဆုံးသော အပြည်ပြည်ဆိုင်ရာအာကာသစီမံကိန်းဖြစ်သည်။Musk သည် Dmitriev ၏ အဆိုပြုချက်ကိုတရားဝင်တုံ့ပြန်မှု မပြုသေးသော်လည်း ထိုအဆိုပြုချက်သည် X အသုံးပြုသူများထံမှ အပြုသဘော ဆောင်သော တုံ့ပြန်မှုများစွာကို ရရှိခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.