Yangwang U9 sports supercar သို့မဟုတ် အတားအဆီးများ၊ ချိုင့်များကို ခုန်ကျော်မောင်းနှင်နိုင်သည့် BYD ကုမ္ပဏီ၏ ပထမဆုံးသောစူပါပြိုင်ကား

sacadmin

News Image

  • Yangwang U9 sports supercar သို့မဟုတ် အတားအဆီးများ၊ ချိုင့်များကို ခုန်ကျော်မောင်းနှင်နိုင်သည့် BYD ကုမ္ပဏီ၏ ပထမဆုံးသောစူပါပြိုင်ကား

တရုတ်ကားကုမ္ပဏီကြီးတစ်ခုဖြစ်သည့်BYD မှ ထုတ်လုပ်ထားသည့် Yangwang U9 စူပါပြိုင်ကားသည်   တရုတ်နိုင်ငံရှိဈေးကွက်အတွင်းသို့ ဝင်ရောက်လာပြီးနောက်ငါးလအတွင်း အစီးပေါင်း ၁၀၀ ရောင်းချခဲ့ပြီးဖြစ်ကြောင်း အဆိုပါကုမ္ပဏီက ယခုရက်သတ္တပတ်အတွင်း ထုတ်ပြန် သည်။

အဆိုပါ Yangwang U9 စူပါ ပြိုင်ကားသည် BYD ကုမ္ပဏီမှ ပထမဆုံးထုတ်လုပ်ခဲ့သည့်ပြိုင်ကားဖြစ်ပြီး ကမ္ဘာ့ပထမဆုံး အဆင့်မြင့် ဟိုက်ဒရောလစ်စနစ်ကားကိုယ်ထည်ထိန်းချုပ်မှုနည်းပညာတပ်ဆင်ထားသည့် ပြိုင်ကားလည်းဖြစ်သည်။

Yangwang U9 လျှပ်စစ်ပြိုင်ကားသည် တရုတ်ဈေးကွက်အတွင်းသို့   ၂၀၂၄ ခုနှစ် ဖေဖော်ဝါရီလအတွင်း  ဝင်ရောက်လာခဲ့ခြင်းဖြစ်ပြီး   ယင်းနှစ် စက်တင်ဘာလတွင် ၁၆  စီး၊  အောက်တိုဘာလတွင်  ၁၇  စီး၊ နိုဝင်ဘာလတွင်    ၂၄  စီးနှင့်ဒီဇင်ဘာလတွင်  ၂၄ စီးရောင်းချနိုင်ခဲ့ခြင်းဖြစ်ကြောင်း     BYD   ကုမ္ပဏီက  ဇန်နဝါရီလ ၂၁  ရက်တွင် ထုတ်ပြန်ခဲ့ခြင်းဖြစ်သည်။

အဆိုပါပြိုင်ကားတွင် အလိုအလျောက်ထိန်းချုပ်မောင်းနှင်နိုင်သည့် နည်းပညာတပ်ဆင်ထားပြီး   တစ်နာရီလျှင် ၇၅ မိုင်နီးပါးမောင်းနှင်နိုင်သည့်အပြင် မောင်းနှင်နေစဉ်   လမ်းခရီးတွင်အတားအဆီးများ၊ ချိုင့်များနှင့်တွေ့ကြုံရပါက ၎င်းအတားအဆီးနှင့်ချိုင့်များကို ခုန်ကျော်၍မောင်းနှင်နိုင်သည်။ ထို့ပြင်  ကားတွင် ၃၆၀ ဒီဂရီပတ်လည်ကြည့်ရှုနိုင်သည့်   ကင်မရာ၊ အာရုံခံစနစ်၊   ရေဒါနှင့် အင်တာနက်ချိတ်ဆက်မှုများကိုပါ   တပ်ဆင်ထားသည်။

Yangwang U9 လျှပ်စစ်ပြိုင်ကားတစ်စီး၏ ဈေးနှုန်းမှာ တရုတ်ဈေးကွက်တွင် ယွမ် ၁ ဒသမ ၆၈ သန်း (ဒေါ်လာ၂၂၉၇၀၀ ခန့်) ရှိပြီး   ဇိမ်ခံလျှပ်စစ်ကားထုတ်လုပ်မှုတွင်   Tesla  ကုမ္ပဏီအားယှဉ်ပြိုင်နိုင်ရေးကြိုးပမ်းသည့်  BYD ၏ဆန်းသစ်မှုတစ်ရပ်ဖြစ်လာခဲ့သည်။  

Source: Myawady Web Portal

 

MM-News-Category
အထွေထွေသတင်း
အထွေထွေ-နိုင်ငံတကာသတင်း

ဆက်စပ်သတင်းများ

ရှမ်းပြည်နယ်(တောင်ပိုင်း)၊ ပင်လောင်းမြို့နယ်၊ ပင်တီးကျေးရွာအနီး ဘိန်းခင်းများဖျက်ဆီးမှု မှတ်တမ်းဓာတ်ပုံ။ , ရှမ်းပြည်နယ်(တောင်ပိုင်း)၊ လွိုင်လင်မြို့နယ်၊ ဟဲနန်းကျေးရွာအနီး ဘိန်းခင်းများဖျက်ဆီးမှု မှတ်တမ်းဓာတ်ပုံ။
ရှမ်းပြည်နယ်(တောင်ပိုင်း)၊ ပင်လောင်းမြို့နယ်နှင့် လွိုင်လင်မြို့နယ်တို့၌ ဘိန်းခင်းများဖျက်ဆီး
၂၀၂၅ ခုနှစ်၊ မတ် ၁၅ ရက်တွင် ရှမ်းပြည်နယ်(တောင်ပိုင်း)၊ ပင်လောင်းမြို့နယ်နှင့် လွိုင်လင်မြို့နယ်တို့၌ ရဲတပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့မှ ဘိန်းခင်းဖျက်ဆီးခြင်းများ ဆောင်ရွက်ခဲ့ကြောင်း သိရသည်။ပင်လောင်းမြို့နယ်ရဲတပ်ဖွဲ့မှတပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့သည် မတ် ၁၅ ရက် နံနက် ၈ နာရီ ၃၅ မိနစ်တွင် ပင်လောင်းမြို့နယ်၊ ပင်တီးကျေးရွာ၏မြောက်ဘက် ခြောက်ဖာလုံခန့်အကွာ၌ အမြင့် သုံးပေခန့်ရှိ ဘိန်းခင်း ၂၅ ဧကခန့်အား ဖျက်ဆီးခြင်းများ ဆောင်ရွက်ခဲ့ကြောင်း သိရှိရသည်။အလားတူ နံနက် ၇ နာရီ ၅၀ မိနစ်တွင် လွိုင်လင်မြို့နယ်ရဲတပ်ဖွဲ့မှ တပ်ဖွဲ့ဝင်များ၊ နယ်မြေခံတပ်မတော်သားများ၊ ဌာနဆိုင်ရာဝန်ထမ်းများပါဝင်သော ပူးပေါင်းအဖွဲ့သည် လွိုင်လင်မြို့နယ်၊ ဟဲနန်းကျေးရွာ၏အရှေ့မြောက်ဘက် ခြောက်မိုင်ခွဲခန့်အကွာ၌ အမြင့် သုံးပေခန့်ရှိ ဘိန်းခင်း ခုနစ်ဧကခန့်၊ ဟဲနန်းကျေးရွာ၏အရှေ့ဘက် ခြောက်မိုင်ခွဲခန့်အကွာ၌ အမြင့် သုံးပေခန့်ရှိ ဘိန်းခင်း ခြောက်ဧကခန့်၊ စုစုပေါင်း ဘိန်းခင်း ၁၃ ဧကခန့်အား ဖျက်ဆီးခြင်းများ ဆောင်ရွက်ခဲ့ကြောင်း သတင်းရရှိသည်။Source: www.moha.gov.mm 
တောင်ကိုရီးယားတွင် ဆေးရုံ ၁၃ ရုံ၏ ကုသမှုပေးရန် ငြင်းဆိုခြင်းကြောင့် ကိုယ်ဝန်ဆောင်အမျိုးသမီးတစ်ဦး လူနာတင်ယာဉ်ပေါ်တွင် ကလေးမီးဖွားခဲ့ရ
တောင်ကိုရီးယားတွင် ဆေးရုံ ၁၃ ရုံ၏ ကုသမှုပေးရန် ငြင်းဆိုခြင်းကြောင့် ကိုယ်ဝန်ဆောင်အမျိုးသမီးတစ်ဦး လူနာတင်ယာဉ်ပေါ်တွင် ကလေးမီးဖွားခဲ့ရ
တောင်ကိုရီးယားနိုင်ငံတွင် ကိုယ်ဝန်ဆောင်အမျိုးသမီးတစ်ဦးသည် ဆေးရုံ ၁၃ ရုံ၏ ငြင်းဆိုမှုကြောင့်   လူနာတင်ယာဉ်တစ်စီးအတွင်း၌ ကလေးမီးဖွားခဲ့ရကြောင်း အင်ချုန်ကယ်ဆယ်ရေး အာဏာပိုင်အဖွဲ့က မတ်လ  ၁၇ ရက်တွင် ပြောသည်။အဆိုပါကိုယ်ဝန်ဆောင်အမျိုးသမီးမှာအသက် ၃၀ ကျော်အရွယ်ရှိ ဗီယက်နမ်နိုင်ငံသား တစ်ဦးဖြစ်ပြီး မတ်လ  ၁၆ ရက် သန်းခေါင်ယံကျော်တွင် အင်ချုန်အပြည်ပြည်ဆိုင်ရာ လေဆိပ်အတွင်း၌ မေ့လဲသွားခြင်းကြောင့် ကျန်းမာရေးအာဏာပိုင်အဖွဲ့သို့ အကြောင်းကြားခဲ့သည်။ယင်းနောက်  ကယ်ဆယ်ရေးအဖွဲ့များသည် ၎င်းအား အင်ဟာတက္ကသိုလ်ဆေးရုံသို့ ပို့ဆောင်ရန် ကြိုးပမ်းခဲ့သော်လည်း ဆေးရုံမှ ဝန်ထမ်းများက ၎င်းအမျိုးသမီးအား ကုသမှုပေးအပ်ရန် ငြင်းဆိုခဲ့ကြောင်းသိရသည်။ထို့ပြင်  အနီးအနားရှိ  ဆေးရုံများကလည်း ၎င်းအား ကုသပေးရန် ငြင်းဆိုခဲ့ရာမှ  ကယ်ဆယ်ရေးအဖွဲ့ဝင်များက ၎င်းအမျိုးသမီးအား လူနာတင်ယာဉ်တစ်စီးအတွင်းသို့ ပို့ဆောင်ပေးခဲ့ရခြင်းဖြစ်သည်။ ယင်းနောက် ၂ နာရီအကြာတွင် ၎င်းအမျိုးသမီးသည် ကျန်းမာသန်စွမ်းသည့် ကလေးငယ်တစ်ဦးကို အောင်မြင်စွာမွေးဖွားနိုင်ခဲ့ကြောင်းသိရသည်။ယင်းနောက် ဆေးရုံတစ်ရုံက ကလေးမွေးဖွားပြီးချိန်မှသာ ၎င်းအမျိုးသမီးအား ဆေးကုသမှုပေးရန် လက်ခံခဲ့ခြင်းဖြစ်ကြောင်းသိရသည်။Ref: KT,STSource: https://myawady.net.mm/ 
အပူချိန်မြင့်တက်မှုက နှလုံးရောဂါဖြစ်ပွားရသည့် အဓိက အကြောင်းရင်းတစ်ခုဖြစ်သည်ဟု လေ့လာမှုသစ်တစ်ရပ်တွင်ဖော်ပြ
အပူချိန်မြင့်တက်မှုက နှလုံးရောဂါဖြစ်ပွားရသည့် အဓိက အကြောင်းရင်းတစ်ခုဖြစ်သည်ဟု လေ့လာမှုသစ်တစ်ရပ်တွင်ဖော်ပြ
အပူချိန်မြင့်တက်မှုသည် ဩစတြေးလျနိုင်ငံရှိပြည်သူများ၌ နှလုံးရောဂါဖြစ်ပွားရသည့် အဓိကအကြောင်းရင်းတစ်ခုဖြစ်သည်ဟု လေ့လာမှုသစ်တစ်ရပ်က မတ်လ ၁၇ရက်တွင် ဖော်ပြထားသည်။လက်ရှိတွင် နိုင်ငံအတွင်းရှိ နှလုံးရောဂါဖြစ်ပွားမှုစုစုပေါင်း၏ ၇ ဒသမ ၃ ရာခိုင်နှုန်းသည် အပူချိန်မြင့်တက်မှုကြောင့်ဖြစ်သည်ဟု အဆိုပါလေ့လာမှုသစ်တွင် ဆက်လက်ဖော်ပြထားသည်။ ၂၀၀၃ ခုနှစ်မှ ၂၀၁၈ ခုနှစ်အတွင်း  အပူချိန်မြင့်တက်လာမှုကြောင့် နှစ်စဉ် လူထောင်ပေါင်းများစွာ သေဆုံးခဲ့ရကြောင်း အက်ဒဲလေးတက္ကသိုလ်နှင့် ဩစတြေးလျသုတေသနကောင်စီမှရှာဖွေလေ့လာမှုအစီအစဉ်က ထောက်ပံ့ပေးထားသည့်လေ့လာမှုတွင် ဖော်ပြထားသည်။နိုင်ငံအတွင်း၌  အပူချိန်မြင့်တက်မှုအများဆုံးဒေသမှာ တောင်ပိုင်းဒေသဖြစ်ပြီး မြောက်ပိုင်းနယ်မြေများသည်  အပူချိန်မြင့်တက်မှုအနိမ့်ဆုံးဖြစ်ကြောင်း လေ့လာမှုအတွင်းဖော်ပြထားသည်။ထို့ကြောင့်  လာမည့်အနာဂတ်တွင် အပူချိန်ဆက်လက်မြင့်တက်လာပါက နိုင်ငံအတွင်း၌  နှလုံးရောဂါဖြစ်ပွားသူအရေအတွက်မှာ ဆက်လက်မြင့်တက်လာဖွယ်ရှိပြီး ၂၀၅၀ ပြည့်နှစ်ခန့်တွင် နှစ်ဆခန့်မြင့်တက်လာနိုင်သည်ဟု သုတေသီများ ကခန့်မှန်းထားသည်။ရာသီဥတုပူပြင်းချိန် သို့မဟုတ် အပူချိန်မြင့်တက်ချိန်တွင်  လူသားများ၏နှလုံးသည်  လူသားများအေးစေရန်အတွက် ပိုမိုအလုပ်လုပ်ဆောင်ရလေ့ရှိပြီး ထိုသို့လုပ်ဆောင်ရခြင်းသည်   အန္တရာယ်ရှိကြောင်း၊  အထူးသဖြင့်  နှလုံးရောဂါရှိသူများအတွက် ပိုမိုအန္တရာယ်ရှိနိုင်ကြောင်းအက်ဒဲလေးတက္ကသိုလ် ပြည်သူ့ကျန်းမာရေးနှင့် ပတ်ဝန်းကျင်ဆိုင်ရာဆေးဝါးဌာနမှ သုတေသီတစ်ဦးဖြစ်သူ ဘိုင်ပန်ကပြောကြားထားသည်။ထို့ကြောင့် ကမ္ဘာ့နိုင်ငံများအနေဖြင့် ရာသီဥတုပြောင်းလဲမှုကို လျှော့ချနိုင်ရေး ပိုမိုလုပ်ဆောင်နိုင်မည်ဆိုပါက လာမည့်အနာဂတ်ကာလတွင်  နှလုံးရောဂါနှင့် သက်ဆိုင်သည့်   လူသေဆုံးမှုများကို ကမ္ဘာ့နိုင်ငံများ၌ လျှော့ချနိုင်မည့်အလားအလာရှိသည်ဟု ဘိုင်ပန်က ဆက်လက် ပြောကြားထားသည်။         Ref: XinhuaSource: https://myawady.net.mm/ 
တရုတ်၏ အာကာသမစ်ရှင်များအား အထောက်အကူပြုစေရန် အာကာသစက်ရုပ်နည်းပညာနှင့် စွမ်းအင်စင်တာက လကမ္ဘာပေါ်သို့ ဆင်းသက်နိုင်သည့် စက်ရုပ်များထုတ်လုပ်မည်
တရုတ်၏ အာကာသမစ်ရှင်များအား အထောက်အကူပြုစေရန် အာကာသစက်ရုပ်နည်းပညာနှင့် စွမ်းအင်စင်တာက လကမ္ဘာပေါ်သို့ ဆင်းသက်နိုင်သည့် စက်ရုပ်များထုတ်လုပ်မည်
တရုတ်နိုင်ငံ၏   အာကာသမစ်ရှင်များအတွက်   အထောက်အကူပြုစေရန် ဟောင်ကောင်အခြေစိုက်အာကာသစက်ရုပ်နည်းပညာနှင့်   စွမ်းအင်စင်တာအား တည်ထောင်ဖွဲ့စည်းလိုက်ပြီဖြစ်ကြောင်းဟောင်ကောင်အထူးဒေသကြီးက ထုတ်ပြန်သည်။အာကာသစက်ရုပ်နည်းပညာနှင့်စွမ်းအင်စင်တာအနေဖြင့် တရုတ်နိုင်ငံ၏ Change-8 မစ်ရှင်တွင် အဓိကအခန်းကဏ္ဍမှပါဝင်မည်ဖြစ်ပြီး ထိုသို့ပါဝင်နိုင်ရန်အတွက် လကမ္ဘာပေါ်သို့ ဆင်းသက်နိုင်သည့် စက်ရုပ်များကို နိုင်ငံတကာနှင့် ပူးပေါင်းဆောင်ရွက်သည့် လုပ်ငန်းစဉ်၏ တစ်စိတ်တစ်ဒေသအဖြစ် ထုတ်လုပ်မည်ဖြစ်ကြောင်း  ဟောင်ကောင်သိပ္ပံနှင့်နည်းပညာတက္ကသိုလ်မှ ညွှန်ကြားရေးမှူး ယုဟုန်ယုက ပြောသည်။ထို့ပြင် အာကာသစက်ရုပ်နည်းပညာနှင့် စွမ်းအင်စင်တာက ထုတ်လုပ်မည့်စက်ရုပ်များတွင် နှစ်မျိုးအသုံးပြုနိုင်သည့် စက်ရုပ်လက်များကို တပ်ဆင်ထားမည်ဖြစ်သောကြောင့်  လကမ္ဘာ၏  မျက်နှာပြင်ပေါ်ရှိ နမူနာများကို စုဆောင်းနိုင်မည်ဖြစ်သည်။အလားတူပင်လကမ္ဘာပေါ်ရှိ ကမ္ဘာမြေကြီး၏ ဆွဲငင်အားနည်းပါးမှုနှင့်ပတ်ဝန်းကျင်အခြေအနေပြင်းထန်မှုတို့ကို တုံ့ပြန်နိုင်ရေးအတွက်  စက်ရုပ်များအနေဖြင့်  ပတ်ဝန်းကျင်အခြေအနေပြောင်းလဲမှုအပေါ် အခြေခံ၍ ၎င်းတို့ကိုယ်တိုင် အလိုအလျောက် ထိန်းချုပ်လုပ်ဆောင်နိုင်မည့်  ဆော့ဝဲလ်များကိုလည်း  အာကာသစက်ရုပ်နည်းပညာနှင့် စွမ်းအင်စင်တာက ထုတ်လုပ်လျက်ရှိသည်။                   Ref: XinhuaSource: https://myawady.net.mm/ 
ဖင်လန်နိုင်ငံက အမေရိကန်၏ ကြက်ဥတင်ပို့ပေးရန်တောင်းဆိုမှုကို ငြင်းဆို
ဖင်လန်နိုင်ငံက အမေရိကန်၏ ကြက်ဥတင်ပို့ပေးရန်တောင်းဆိုမှုကို ငြင်းဆို
ဖင်လန်နိုင်ငံသည် ပို့ကုန်စည်းမျဉ်းစည်းကမ်းချက်များနှင့် ထောက်ပံ့ရေး ကန့်သတ်ချက်များကို အကြောင်းပြ၍ ကြက်ဥတင်ပို့ပေးရန် အမေရိကန်၏ တောင်းဆိုမှုကို ငြင်းဆိုလိုက်ကြောင်း ဒေသခံသတင်းဌာန Yle က ဖော်ပြသည်။ အမေရိကန်စိုက်ပျိုးရေးဌာန (USDA) မှ ပြည်တွင်း ကြက်ဥဈေးနှုန်း များမြင့်တက်လာမှုကြောင့် EU ထုတ်ကုန်ရှင်များထံ ကြက်ဥတင်ပို့ရေး ညှိနှိုင်းစဉ် ဖင်လန်ကငြင်းဆိုခဲ့ခြင်းဖြစ်သည်။ကြက်ငှက်တုပ်ကွေးရောဂါဖြစ်ပွားမှုကြောင့် ပြည်တွင်းထုတ်လုပ်မှု သိသာစွာလျော့ကျသွားပြီး အမေရိကန်ဈေးကွက်တွင် ကြက်ဥ ပြတ်လပ်မှု ဖြစ်ပေါ်ခဲ့ရကာ Bloomberg တွင်ဖော်ပြမှုအရ ဈေးနှုန်းများသည် လွန်ခဲ့သည့်နှစ်ကထက် ၂၀၀% တက်လာပြီး တစ်ဒါဇင်လျှင် ၈.၄၁ ဒေါ်လာဖြင့် အမြင့်ဆုံးသို့ ရောက်ရှိခဲ့သည်။ဈေးကွက်တည်ငြိမ်စေရန် USDA မှ ဖင်လန်၊ ဆွီဒင်နှင့် ဒိန်းမတ် အပါအဝင် ဥရောပနိုင်ငံများထံ သွင်းကုန်များအတွက် အကူအညီ တောင်းခံခဲ့သည်။ ဖင်လန်ကြက်မွေးမြူရေးအသင်းက ဆက်သွယ်ခံခဲ့ရကြောင်း အတည်ပြုခဲ့သော်လည်း လက်ရှိတွင်တင်ပို့မှုများ မဖြစ်နိုင်ကြောင်း ပြောကြားခဲ့သည်။ကြက်ငှက်တုပ်ကွေးရောဂါသည် အမေရိကန် ကြက်မွေးမြူရေးခြံများကို ထိခိုက်စေခဲ့ပြီး အထူးသဖြင့် Iowa နှင့် Ohio ကဲ့သို့သော အဓိက ကြက်ဥ ထုတ်လုပ်သည့်ပြည်နယ်များတွင် ပြင်းထန်စွာ ထိခိုက်စေခဲ့သည်။ Reuters ၏ ဖော်ပြချက်အရ USDA သည် ဇီဝလုံခြုံရေးအစီအမံများနှင့် ဆုံးရှုံးသွားသော ကြက်မွေးမြူရေးလုပ်ငန်းများအတွက် လျော်ကြေးပေးခြင်းများဖြင့် ထိခိုက်နစ်နာခဲ့သောလယ်သမားများကို ထောက်ပံ့ရန်နှင့် အဆိုပါ အကျပ်အတည်းကိုဖြေရှင်းရန် ဒေါ်လာ ၁ ဘီလီယံအထိသုံးစွဲမည့် အစီအစဉ်များကို ကြေညာခဲ့သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂
၁၆၈ နာရီ ရုပ်ရှင်ဇာတ်ကားကို မတ်လတတိယပတ်တွင် နိုင်ငံတစ်ဝန်း အဆင့်မြင့်ရုပ်ရှင်ရုံကြီးများတွင် ပြသမည်
၁၆၈ နာရီ ရုပ်ရှင်ဇာတ်ကားကို မတ်လတတိယပတ်တွင် နိုင်ငံတစ်ဝန်း အဆင့်မြင့်ရုပ်ရှင်ရုံကြီးများတွင် ပြသမည်
ရန်ကုန်  မတ် ၁၇BO BO Film မှရိုက်ကူးထုတ်လုပ်သည့် ၁၆၈ နာရီအမည်ရှိ ရုပ်ရှင်ဇာတ်ကားကို မတ်လတတိယပတ်တွင် နိုင်ငံတစ်ဝန်းအဆင့်မြင့် ရုပ်ရုင်ရုံကြီးများတွင် ရုံတင်ပြသမည်ဖြစ်ကြောင်း အဆိုပါ ရုပ်ရှင်ဇာတ်ကားတွင် ပါဝင်သရုပ်ဆောင်ထားသူ သရုပ်ဆောင်ခင်လှိုင်ထံမှ သိရသည်။အဆိုပါ ၁၆၈ နာရီအမည်ရှိ ရုပ်ရှင်ဇာတ်ကား၏ ဝတ္ထုဇာတ်လမ်းနှင့် ဇာတ်ညွှန်းကို သက်ဦးမောင်က ရေးသားထားပြီး မင်းကိုစိုး(နတ်သံကွင်း)က ရိုက်ကွင်းဇာတ်ညွှန်း ရေးညွှန်းထားကာ ဒါရိုက်တာအိ (အရုဏ်ဦး) နှင့် ဒါရိုက်တာကိုဇော်(အရုဏ်ဦး)တို့က BO BO Film အတွက် တာဝန်ယူ ပုံဖော်ရိုက်ကူးထားကြောင်း သိရသည်။“ဒီဇာတ်ကားက သည်းထိတ်ရင်ဖို၊ အချစ်၊ စွန့်စားခန်း၊ ဟာသစသဖြင့် ရသစုံပေးမဲ့ဇာတ်ကားပါ။ ဒီဇာတ်ကားမှာတော့ ဦးခင်လှိုင်က ဘယ်နေရာက ပါဝင်ထားသလဲဆိုတော့ ဇင်မင်းထိုက်ဆိုတဲ့ ဇာတ်ကောင်အနေနဲ့ပါဝင်ထားပါတယ်။ အဲ့ဒီမှာ ဇင်မင်းထိုက်က ကိုယ့်ကိုယ်ကိုယ် သေလို့သေသွားမှန်းမသိတဲ့ ဝိညဉ်တစ်ကောင်ပေါ့။ ဇာတ်ကားနာမည်က ၁၆၈ နာရီဆိုတော့ နည်းနည်းလေးဆန်းတယ်ပေါ့။ ကျွန်တော်တို့မြန်မာတွေရဲ့အယူအဆပေါ့ လူတစ်ယောက်ဟာ သေသွားပြီးလို့ ခုနစ်ရက်ပြည့်ရင် နာရီပေါင်း ၁၆၈ နာရီပြည့်ရင် သူရဲ့အိမ်ကနေစွန့်ခွာသွားရတယ်ဆိုတာမျိုးကို ရိုက်ပြထားတာပါ။ ပညာပေးလေးပါ။ ထူးထူးခြားခြားလေးမို့ ပရိသတ်တွေ ကြိုက်ကြမှာပါ” စု သရုပ်ဆောင် ခင်လှိုင်က ပြောပြသည်။အဆိုပါ ၁၆၈ နာရီ ရုပ်ရှင်ဇာတ်ကားတွင် မြင့်မြတ်၊ ကောင်းမြတ်စံ၊ မင်းဘုန်းမြတ်၊ ခင်လှိုင်၊ ဂျိုကာ၊ မယ်လိုဒီ၊ ရတနာဗို၊ ဝေလာရီ၊ လှမျိုးသဉ္ဇာနွယ်နှင့် သရုပ်ဆောင်များစွာ ပါဝင်သရုပ်ဆောင်ထားကြောင်း သိရသည်။Source: ရတနာပုံသတင်းစာ
© Copyright 2024 SAC All Rights Reserved.