ရုရှားက အမေရိကန်နှင့် လက်နက်ဖျက်သိမ်းရေး ဆွေးနွေးပွဲများ ပြန်လည်စတင်လိုကြောင်းပြော

မော်စကိုက အမေရိကန်နှင့် လက်နက်ဖျက်သိမ်းရေးဆွေးနွေးပွဲများကို ဖြစ်နိုင်သမျှ အမြန်ဆုံးပြန်လည် စတင်လိုကြောင်း ကရင်မလင်ပြောရေးဆိုခွင့်ရှိသူ Dmitry Peskov က ဇန်နဝါရီ ၂၄ ရက်တွင် ပြောဆိုခဲ့ပါသည်။

အမေရိကန်သည် မော်စကိုနှင့် ဆွေးနွေးမှုများကို တစ်ဖက်သတ်ရပ်ဆိုင်းခဲ့ခြင်းသည် လက်နက်ထိန်းချုပ်မှုဆိုင်ရာမူဝါဒများအတွက် သိသာစွာအားနည်းစေခဲ့ပြီး ထိုအချင်းအရာကို ရုရှားကပြုမူခဲ့ခြင်းမဟုတ်ဘဲ အမေရိကန်ကလုပ်ဆောင်ခဲ့ခြင်းဖြစ်ကြောင်း ၎င်းက ပြောကြားခဲ့သည်။

တစ်ကမ္ဘာလုံးနှင့် ၎င်းတို့နိုင်ငံများ၏ အကျိုးစီးပွားများအတွက် စေ့စပ်ညှိနှိုင်းခြင်းလုပ်ငန်းစဉ်များကို တတ်နိုင်သမျှအမြန်ဆုံးပြန်လည်စတင်ရန် စိတ်အား ထက်သန်လျက်ရှိကြောင်း ၎င်းကပြောကြားခဲ့ပြီး လက်ရှိဖြစ်ပေါ်လျက်ရှိသည့် အခြေအနေများအရ နျူကလီးယားလက်နက်များကိစ္စကိုလည်း ထည့်သွင်းဆွေးနွေးသင့်ကြောင်း ထပ်လောင်းပြောဆိုခဲ့ပါသည်။

ဇန်နဝါရီ ၂၃ ရက်နေ့က Devos ၌ကျင်းပခဲ့သော ကမ္ဘာ့စီးပွားရေးဖိုရမ်တွင် ဒေါ်နယ်ထရမ့်က ရုရှား၊ တရုတ်တို့နှင့် တွေ့ဆုံဆွေးနွေးရန်မျှော်လင့်ကြောင်း ပြောဆိုခဲ့ပြီးနောက် Peskov က ယခုကဲ့သို့ ပြောဆိုခဲ့ခြင်း ဖြစ်သည်။

ရုရှားနှင့် အမေရိကန်တို့သည် ၎င်းတို့၏ တပ်ဖြန့်ချထားသော မဟာဗျူဟာမြောက် နျူကလီးယားထိပ်ဖူးများကို လျှော့ချရန်သဘောတူညီမှုဖြစ်သည့် New START ဟုခေါ်သော လက်နက်ထိန်းချုပ်ရေးစာချုပ်တွင် ယခင်က သဘောတူညီထားခဲ့သော်လည်း ယူကရိန်းအတွက် ဝါရှင်တန်၏ စစ်ရေးပံ့ပိုးမှုကြောင့် မော်စကိုက ၎င်း၏ ပါဝင်မှုကို ၂၀၂၃ ခုနှစ်တွင် ဆိုင်းငံ့ထားခဲ့သည်။ ရုရှား သည် စာချုပ်ပါကန့်သတ်ချက်များကို ဆက်လက် လိုက်နာသွားမည်ဟု ပြောကြားခဲ့ပြီး သမ္မတပူတင်က နျူလက်နက်အသုံးပြုမှုသည် နောက်ဆုံးနည်းလမ်းဖြစ်ကြောင်း အကြိမ်ကြိမ် အလေးပေး ပြောကြားခဲ့သည်။ 

ကိုးကား-RT