ကမ္ဘာလုံးဆိုင်ရာ ကာကွယ်ရေးအသုံးစရိတ် ၂၀၂၄ ခုနှစ်တွင် စံချိန်တင် ခဲ့ကြောင်း ဗြိတိန် ပညာရှင်အဖွဲ့ဆို

sacadmin

News Image

  • ကမ္ဘာလုံးဆိုင်ရာ ကာကွယ်ရေးအသုံးစရိတ် ၂၀၂၄ ခုနှစ်တွင် စံချိန်တင် ခဲ့ကြောင်း ဗြိတိန် ပညာရှင်အဖွဲ့ဆို

ယူကရိန်း-ရုရှား ပဋိပက္ခဖြစ်စဉ်အတွင်း ယခင်နှစ်၏ ကမ္ဘာလုံးဆိုင်ရာ ကာကွယ်ရေးအသုံးစရိတ်သည် အမြင့်ဆုံးပမာဏကို ရောက်ရှိခဲ့ကြောင်း ဗြိတိန် ပညာရှင်အဖွဲ့တစ်ဖွဲ့က ဆိုပါသည်။

International Institute for Strategic Studies က ၎င်းတို့၏ နှစ်ပတ်လည် စစ်ရေးအသုံးစရိတ်နှိုင်းယှဉ်မှုဆိုင်ရာ အစီရင်ခံစာကို ဖေဖော်ဝါရီ ၁၂ ရက်နေ့တွင် ထုတ်ပြန်ခဲ့ပြီး ကမ္ဘာ့ကာကွယ်ရေး အသုံးစရိတ် သည် ၂၀၂၄ ခုနှစ်တွင် အမေရိကန်ဒေါ်လာ ၂.၄၆ ထရီလီယံအထိ ရှိလာခဲ့ကာ ယခင်နှစ်ကထက် ၇.၄ ရာခိုင်နှုန်း တိုးလာသည်ဟု အဆိုပါ သုတေသန ဌာနက ဆိုပါသည်။

အမေရိကန်ပြည်ထောင်စုသည် စုစုပေါင်းကာကွယ်ရေးအသုံးစရိတ်၏ ၄၀ ရာခိုင်နှုန်းခန့် သုံးစွဲခဲ့ပြီး အမေရိကန်ဒေါ်လာ ၉၆၈ ဘီလီယံ၊ တရုတ် က အမေရိကန်ဒေါ်လာ ၂၃၅ ဘီလီယံနှင့် ရုရှားက ၁၄၅.၉ ဘီလီယံ ရှိကြောင်း အဆိုပါအစီရင်ခံစာ၌ ဖော်ပြထားပါသည်။

ဂျပန်၏ အသုံးစရိတ်သည် အမေရိကန်ဒေါ်လာ ၅၃ ဘီလီယံနှင့် နဝမ နေရာ၌ ရှိနေပြီး အသုံးစရိတ်မြင့်တက်သည့်နှုန်းအနေဖြင့် ၁၆.၅ ရာခိုင်နှုန်း ရှိကာ တရုတ်၏ ၇.၄ ရာခိုင်နှုန်းကို ကျော်လွန်ခဲ့ပါသည်။

တရုတ်၏ ကာကွယ်ရေးအသုံးစရိတ်သည် အာရှနိုင်ငံစုစုပေါင်း၏ ၄၄ ရာခိုင်နှုန်းအထိရှိကြောင်း အစီရင်ခံစာတွင်ဖော်ပြထားပြီး တရုတ်သည် ၎င်း၏တပ်အင်အား ချဲ့ထွင်ဖွဲ့စည်းရန်နှင့် ခေတ်မီစေရန် တွန်းအားပေး ဆောင်ရွက်နေကြောင်း အစီရင်ခံစာ၌ ဖော်ပြထားပါသည်။

မြောက်ကိုရီးယားနှင့်ပတ်သက်၍ ၎င်းသည် နျူကလီးယား လက်နက် စွမ်းရည်တိုးတက်မှုများကို ဆက်လက်ပြသနေပြီး နောက်ထပ် နျူကလီးယား စမ်းသပ်မှုများ လုပ်ဆောင်လာနိုင်ကာ စိုးရိမ်စရာများ ရှိနေဆဲ ဖြစ်ကြောင်း အစီရင်ခံစာတွင် ဖော်ပြထားပါသည်။

ကိုးကား-NHK World

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အစ္စရေးက ဂါဇာရှိ ဟားမက်တို့အား လေကြောင်းမှတိုက်ခိုက်ရာ အနည်းဆုံး လူ (၂၀၀ )ဦး သေဆုံး
အစ္စရေးက ဂါဇာရှိ ဟားမက်တို့အား လေကြောင်းမှတိုက်ခိုက်ရာ အနည်းဆုံး လူ (၂၀၀ )ဦး သေဆုံး
မတ်လ (၁၈) ရက်နေ့ နံနက်အစောပိုင်းတွင် ဂါဇာကမ်းမြောင်ဒေသရှိ ဟားမက်တို့ကို ပစ်မှတ်ထားကာ ကြီးမားသည့် လေကြောင်းတိုက်ခိုက်မှုများ လုပ်ဆောင်ခဲ့ကြောင်း အစ္စရေးတပ်ဖွဲ့က ထုတ်ဖော်ပြောကြား ခဲ့သည်။အစ္စရေး၏ အဆိုပါလေကြောင်းတိုက်ခိုက်မှုအတွင်း အနည်းဆုံး လူ (၂၀၀) ဦး သေဆုံးခဲ့ပြီး အများစုမှာ ကလေးသူငယ်များဖြစ်ကြောင်းပါလက်စတိုင်းကျန်းမာရေးဝန်ကြီးဌာန တာဝန်ရှိသူများက အတည်ပြုပြောကြားခဲ့သည်။ယခုတိုက်ခိုက်မှုသည် ဇန်နဝါရီလမှစ၍ ယာယီအပစ်အခတ်ရပ်စဲထားသည့် ကာလအတွင်း အကြီးမားဆုံး လေကြောင်းတိုက်ခိုက်မှုဟု ဆိုနိုင်ပေသည်။ယခုလေကြောင်းတိုက်ခိုက်မှုသည် ဂါဇာမြောက်ပိုင်းအပါအဝင် ဂါဇာမြို့နှင့် Deir al-Balah မြို့၊ ဂါဇာ အလယ်ပိုင်းရှိ Khan Younis မြို့နှင့် Rafah မြို့နှင့် တောင်ပိုင်းဂါဇာကမ်းမြောင်ဒေသစသည့်နေရာစုံကို တိုက်ခိုက်ခဲ့ခြင်း ဖြစ်ကြောင်း Reuters သတင်းစာမျက်နှာတွင် ရေးသားဖော်ပြထားပါသည်။ကိုးကား- Reutersအလွတ်သဘောဘာသာပြန်သူ-ဦးထက်ထက်အောင်(နစက-၄)
ဟူသီလက်နက်ကိုင်များအား ဆက်လက်နှိမ်နင်းမည်ဟု အမေရိကန် နိုင်ငံခြားရေးဝန်ကြီး ပြောကြား
ဟူသီလက်နက်ကိုင်များအား ဆက်လက်နှိမ်နင်းမည်ဟု အမေရိကန် နိုင်ငံခြားရေးဝန်ကြီး ပြောကြား
ဟူသီလက်နက်ကိုင်များအနေဖြင့် အခြားနိုင်ငံ၏ သင်္ဘောများနှင့် အမေရိကန်ရေတပ်အား တိုက်ခိုက်နိုင်စွမ်း မရှိတော့ သည့်တိုင်အောင် ယီမင်ရှိ ဟူသီလက်နက်ကိုင်များကို အမေရိကန်နိုင်ငံက ဆက်လက်နှိမ်နင်းမည် ဖြစ်ကြောင်း အမေရိကန် နိုင်ငံခြားရေးဝန်ကြီး မာကိုရူဘီယိုက မတ် ၁၆ ရက်တွင် ပြောကြားခဲ့သည်။ လက်ရှိတွင် အမေရိကန်နိုင်ငံအနေဖြင့် ဟူသီလက်နက်ကိုင်များအပေါ် မြေပြင် စစ်ရေးလှုပ်ရှားမှုများစတင်ရန် ဆွေးနွေးခြင်း မရှိသေးကြောင်း ၎င်းက ထပ်မံပြောကြားခဲ့သည်။ဟူသီလက်နက်ကိုင်တပ်ဖွဲ့သည် လွန်ခဲ့သည့် တစ်နှစ်ခွဲအတွင်း အမေရိကန် စစ်သင်္ဘောများကို ၁၇၄ ကြိမ်တိုင် တိုက်ခိုက်မှုများ ပြုလုပ်ခဲ့ရာ အမေရိကန်စစ်တပ်အနေဖြင့် ယခုအကြိမ်တွင် ဟူသီလက်နက်ကိုင်အဖွဲ့ကို တိုက်ခိုက် နိုင်စွမ်းမရှိတော့သည့်တိုင်အောင် အခိုင်အမာ ဆက်လက်တိုက်ခိုက်သွားမည်ဖြစ်ကြောင်း မာကိုရူဘီယိုက CBS သတင်း ကုမ္ပဏီ၏ “Face the Nation” အစီအစဉ် မေးမြန်းမှု လက်ခံဖြေကြားရာတွင် ပြောကြားခဲ့သည်။မာကိုရူဘီယိုက အမေရိကန်နိုင်ငံအနေဖြင့် မြေပြင် စစ်ရေးလှုပ်ရှားမှုများစတင်ရန် ဆွေးနွေးခြင်း မရှိသေးကြောင်း၊ “လောလောဆယ် မလိုအပ်သေးဘူး” ဟု ၎င်းက ယူဆကြောင်း ပြောကြားခဲ့သည်။အမေရိကန် က မတ် ၁၅ ရက်တွင် ယီမင်ရှိ ဟူသီလက်နက်ကိုင်များအပေါ် လေကြောင်းတိုက်ခိုက်မှုများ ကျယ်ကျယ် ပြန့်ပြန့် စတင်လုပ်ဆောင်ခဲ့ရာ ယင်းနောက်တွင် ဟူသီလက်နက်ကိုင်များက အမေရိကန် လေယာဉ်တင်သင်္ဘောနှင့် ၎င်းအတူ လိုက်ပါလာသည့် သင်္ဘောများကို တိုက်ခိုက်ခဲ့သည်။ အမေရိကန် စစ်တပ်၏ လေကြောင်းတိုက်ခိုက်မှုကြောင့် လူ ၅၃ ဦးသေဆုံးကာ အခြားသူ ၉၈ ဦး ဒဏ်ရာရရှိခဲ့ကြောင်း ယီမင်ရှိ ဟူသီလက်နက်ကိုင်များက မတ် ၁၆ ရက်တွင် ကြေညာချက်ထုတ်ပြန်ခဲ့သည်။ ကိုးကား- ဆင်ဟွာ
ထားဝယ်၌ ဒေသခံများနှင့် PDF များအကြား မကျေနပ်သည့်အဆင့်မှ တင်းမာမှုအထိဖြစ်လာနေ
ထားဝယ်၌ ဒေသခံများနှင့် PDF များအကြား မကျေနပ်သည့်အဆင့်မှ တင်းမာမှုအထိဖြစ်လာနေ
တနင်္သာရီတိုင်းဒေသကြီး၊ ထားဝယ်မြို့နယ်တွင် အကြောင်းသိလာသော ဒေသခံများနှင့် PDF များအကြား မကျေနပ်သည့်အဆင့်မှ တင်းမာမှု အထိဖြစ်လာနေကြောင်း ဒေသခံသတင်းရင်းမြစ်တစ်ဦးက NP News သို့ပြောသည်။PDF အဖွဲ့၏ တိုက်ပွဲဖော်ဆောင်မှုကြောင့် ထားဝယ်မြို့နယ် အတွင်း‌ ကျေးရွာများမှ ဒေသခံများစွာ နေရပ်စွန့်ခွာတိမ်းရှောင်နေရသည့်အတွက် ဒေသခံများနှင့် PDF လက်နက်ကိုင်တို့အကြား တင်းမာမှုများ ရှိလာ နေကြောင်း အဆိုပါဒေသခံကဆိုသည်။ လက်ရှိတွင် နယ်မြေ မငြိမ်မသက် မှုများကြောင့် ဒေသခံသောင်းနှင့်ချီကာ ထားဝယ်မြို့ပေါ်သို့နေရပ်စွန့်ခွာ တိမ်းရှောင်နေထိုင်နေရကြောင်း သိရသည်။“အဓိကတော့ ရွာသားတွေလည်း တော်တော်လေးသိလာကြပြီ ဖြစ်ကြောင်း၊ PDF လက်နက်ကိုင်များပေါ်လာသည့် အခါကျတော့မှ နေစရာမရှိ၊ စားစရာ မရှိ ဖြစ်ရကြောင်း၊ နောက်တစ်ချက်က PDF တွေက ရန်တောင်ရွာက ရွာသားများကိုမကျေနပ်ဟုဆိုပြီး ရန်တောင်ရွာမှာ စစ်ကြောင်း ရောက်နေ ချိန်မှာ Drop ဗုံးလာချကြောင်း၊ အဲဒီမှာ ရွာသားများက ၎င်းတို့အား ပြောသည်မှာ “မင်းတို့ကောင်တွေ နန့်နန့် လာလုပ်နေသောကြောင့် စစ်ကြောင်းလာထိုးရင် တိုက်ပွဲဖြစ်ပြီး ရွာပျောက်မည်” ဟု ပြောကြား သည်ကို PDF များက ဘာပြောလဲဆိုပါက “ငါတို့ရွာတောင် ပြေးနေ ရကြောင်း၊ မင်းတို့ရွာတွေက မပြေးရတော့ မကျေနပ်ကြောင်း၊ မင်းတို့ ရွာလည်း မပြေး ပြေးရအောင် PDF တို့က လုပ်မည်ဖြစ်ကြောင်း၊ ထို့ကြောင့် ရွာသားတွေလည်း  PDF တွေကို မကျေနပ်တော့ကြကြောင်း” အဆိုပါဒေသခံက ပြောသည်။ထို့အပြင် ဒေသခံထောက်ခံမှုအားနည်းလာသည့် ထားဝယ်ဒေသရှိ PDF လက်နက်ကိုင်များသည် လက်ရှိကာလတွင် အနေအစားကျပ်တည်း ခက်ခဲလာပြီဖြစ်ကြောင်းလည်း အထက်ပါသတင်းရင်းမြစ်ကဆိုသည်။“အရင်တုန်းကထောက်ခံသည့် ရွာသားတွေလည်းမထောက်ခံတော့ဘူး။ မြင်နေရတာလည်းရှိတယ်။ လိုင်းပေါ်မှာထောက်ပို့အကြီးစားကြီး တစ်ယောက် တောင်မှ ဆီအုန်းတောထဲမှာထအော်နေပြီ။ ဘယ်သူမှမထောက်ပံ့တော့ဘူးဆိုပြီး။ စီးပွားရေးဘက်လိုက်သည့်ကောင်တွေကတော့ အဆင်ပြေ တာပေါ့။ အဲဒီဘက်မလိုက်သည့်ကောင်တွေကတော့ ကျပ်တည်းတာပေါ့။ နောက်ပိုင်း စားခွက်ပျောက်သည့်အနေအထားထိဖြစ်လာလိမ့်မယ်" ဟု အဆိုပါသတင်းရင်းမြစ်က ပြောသည်။ထားဝယ်ဒေသတွင် ကော်လဖိုးဦး ဦးဆောင်သည့် KNU တပ်မဟာ (၄) ခွဲထွက်အဖွဲ့အပါ အဝင် PDF အဖွဲ့ပေါင်း (၂၀) ထက်မနည်းရှိနေပြီး နိုင်ငံတော်ပိုင် သဘာဝတွင်းထွက်များကို လက်ဝါးကြီးအုပ်ကာ စီးပွားရှာ နေသောအဖွဲ့များလည်း များစွာရှိနေကြောင်းသိရသည်။ကိုးကား-NP News
တောင်ကိုရီးယားနှင့်ယူကရိန်းတို့အကြား မြောက်ကိုရီးယား စစ်သုံ့ပန်းများကို ကိုင်တွယ်ဖြေရှင်းမှုနှင့်ပတ်သက်၍ ဆွေးနွေး
တောင်ကိုရီးယားနှင့်ယူကရိန်းတို့အကြား မြောက်ကိုရီးယား စစ်သုံ့ပန်းများကို ကိုင်တွယ်ဖြေရှင်းမှုနှင့်ပတ်သက်၍ ဆွေးနွေး
တောင်ကိုရီးယား နိုင်ငံခြားရေးဝန်ကြီး Cho Tae-yul သည် ယူကရိန်း နိုင်ငံခြားရေးဝန်ကြီး Andrii Sybiha နှင့် ဖုန်းခေါ်ဆိုစဉ်အချိန်အတွင်း မြောက်ကိုရီးယားစစ်သုံ့ပန်းများကို ကိုင်တွယ်မှုနှင့်ပတ်သက်၍ ယူကရိန်း၏ ပူးပေါင်းဆောင်ရွက်မှုများကို တောင်းဆိုခဲ့သည်ဟု တောင်ကိုရီးယား နိုင်ငံခြားရေးဝန်ကြီးဌာနက ပြောကြားခဲ့ပါသည်။မြောက်ကိုရီးယားအစိုးရသည် ရုရှားနှင့်ယူကရိန်းအကြား ဖြစ်ပွားနေသည့် စစ်ပွဲတွင် ရုရှားဘက်မှ ပါဝင်တိုက်ခိုက်ပေးရန်အတွက် ၎င်း၏တပ်ဖွဲ့ဝင် ထောင်နှင့်ချီ၍ စေလွှတ်ဖြန့်ကြက်ချထားခဲ့သည်ဟု အမေရိကန်၊ တောင်ကိုရီးယားနှင့် ယူကရိန်းတို့က စွပ်စွဲပြောဆိုခဲ့ခြင်းလည်း ဖြစ်ပါ သည်။သို့သော်လည်း အမေရိကန်၊ တောင်ကိုရီးယားနှင့် ယူကရိန်းတို့၏ စွပ်စွဲပြောဆိုချက်များကို ရုရှားနှင့် မြောက်ကိုရီးယားအစိုးရတို့က ငြင်းဆန်ပယ်ချခဲ့ကြောင်းလည်း သိရပါသည်။ ထို့အပြင် ယူကရိန်းပြည်သူများကို ထောက်ခံရန်အတွက် တောင်ကိုရီးယား၏ ကြိုးပမ်းမှုများကို Cho Tae-yul က ထပ်မံအတည်ပြုပြောဆိုခဲ့ပြီး ယူကရိန်း၌ ဖမ်းဆီးခံထားရသည့် မြောက်ကိုရီးယားစစ်သားအားလုံးအနေဖြင့် တောင်ကိုရီးယားသို့ လာရောက်ရန် ဆန္ဒရှိပါက လက်ခံသွားမည်ဟုလည်း တောင်ကိုရီးယား နိုင်ငံခြားရေးဝန်ကြီးဌာနကပြောကြားခဲ့ပါသည်။၂၀၂၅ ခုနှစ်၊ ဇန်နဝါရီလအစောပိုင်းမှစတင်ပြီး ရုရှားနှင့် ဖြစ်ပွားနေသည့် စစ်ပွဲအတွင်း မြောက်ကိုရီးယားစစ်သား ၃၀၀၀ ကျော် သေဆုံး/ ထိခိုက် ဒဏ်ရာရရှိခဲ့သည်ဟု ယူကရိန်းအစိုးရကပြောကြားခဲ့ပါသည်။ကိုးကား-NP News
ဟူသီလက်နက်ကိုင်အဖွဲ့၏ တိုက်ခိုက်မှုတွေအားလုံးအတွက် အီရန်က တာဝန်ယူရမည်ဟု အမေရိကန်သမ္မတပြော
ဟူသီလက်နက်ကိုင်အဖွဲ့၏ တိုက်ခိုက်မှုတွေအားလုံးအတွက် အီရန်က တာဝန်ယူရမည်ဟု အမေရိကန်သမ္မတပြော
ယီမင်အခြေစိုက် ဟူသီလက်နက်ကိုင်အဖွဲ့၏ နောက်ထပ် တိုက်ခိုက်မှု များအတွက် အီရန်က တာဝန်ယူရမည်ဖြစ်ပြီး ဆိုးရွားသည့် အကျိုးဆက်များကို ရင်ဆိုင်ရလိမ့်မည်ဟု အမေရိကန်သမ္မတဒေါ်နယ်ထရမ့်က သတိပေး ပြောဆိုခဲ့ပါသည်။ဟူသီလက်နက်ကိုင်အဖွဲ့၏ ကုန်တင်သင်္ဘောများအပေါ် တိုက်ခိုက်မှုများကို တားဆီးရန် ကြိုးပမ်းမှု တစ်စိတ်တစ်ပိုင်းအနေဖြင့် စစ်ဘက်ဆိုင်ရာစစ်ဆင်ရေးတစ်ရပ်ကို အမေရိကန်က စတင်ခဲ့ပြီးနောက် တစ်ရက် အကြာတွင် ဒေါ်နယ်ထရမ့်က ယခုကဲ့သို့ သတိပေးပြောဆိုခဲ့ခြင်း ဖြစ်ပါသည်။ဒေါ်နယ်ထရမ့်က “ဟူသီလက်နက်ကိုင်အဖွဲ့၏ နောက်ထပ် တိုက်ခိုက်မှု များအားလုံးအတွက် အီရန်ကတာဝန်ယူရမည်ဖြစ်ပြီး နောက်ဆက်တွဲ အကျိုးဆက်များကိုလည်း တာဝန်ယူရမည်၊ ဤအကျိုးဆက်များက အလွန်ဆိုးရွားနိုင်ကြောင်းနှင့် ဟူသီလက်နက်ကိုင်အဖွဲ့၏ တိုက်ခိုက်မှု များအားလုံးသည် အီရန်၏ကျောထောက်နောက်ခံပြုမှုများ ပါဝင်သည်” ဟု သတိပေးပြောဆိုခဲ့ပါသည်။ထို့အပြင် ဟူသီလက်နက်ကိုင်အဖွဲ့အား စစ်လက်နက်ပစ္စည်းပေးပို့ခြင်းများ၊ ငွေကြေးထောက်ပံ့ခြင်းများနှင့် ထောက်လှမ်းရေး အချက်အလက်များ ပေးပို့ခြင်းအားလုံးကို အီရန်က လုပ်ဆောင်နေခြင်းဖြစ်သည်ဟု ဒေါ်နယ် ထရမ့်က စွပ်စွဲပြောဆိုခဲ့ပါသည်။လွန်ခဲ့သောရက်ပိုင်းက အမေရိကန်စစ်တပ်သည် ယီမင်အခြေစိုက် ဟူသီ လက်နက်ကိုင်အဖွဲ့ကို လေကြောင်းမှတိုက်ခိုက်မှုများ လုပ်ဆောင်ခဲ့ပြီးနောက် ဒေါ်နယ်ထရမ့်က ယခုကဲ့သို့ သတိပေးပြောဆိုလိုက်ခြင်းဖြစ်ပါသည်။ကိုးကား-NP News
ရုရှားအနေဖြင့် ယူကရိန်း ငြိမ်းချမ်းရေးသဘောတူညီချက်တွင် လုံခြုံရေးအာမခံချက်များ ထည့်သွင်းတောင်းခံမည်ဟု တာဝန်ရှိသူဆို
ရုရှားအနေဖြင့် ယူကရိန်း ငြိမ်းချမ်းရေးသဘောတူညီချက်တွင် လုံခြုံရေးအာမခံချက်များ ထည့်သွင်းတောင်းခံမည်ဟု တာဝန်ရှိသူဆို
ရုရှားအနေဖြင့် ယူကရိန်းနှင့် သက်ဆိုင်သည့် မည်သည့် သဘောတူညီချက်တွင်မဆို အမေရိကန်နှင့် နေတိုးအဖွဲ့ထံမှ ခိုင်မာသော လုံခြုံရေးအာမခံချက်များကို ထည့်သွင်းတောင်းခံမည်ဖြစ်ကြောင်း မတ် ၁၆ ရက် က ပြည်တွင်းမီဒီယာနှင့် အင်တာဗျူးတစ်ခု၌ ရုရှားဒုတိယ နိုင်ငံခြားရေးဝန်ကြီး အလက်ဇန်းဒါး ဂရက်ရှ်ကိုက ပြောကြားခဲ့သည်။ယူကရိန်း၏ ကြားနေအဖြစ်တည်ရှိရေး၊ ယူကရိန်းအား နေတိုးအဖွဲ့ဝင်အဖြစ် လက်မခံရေးတို့က အဆိုပါ အာမခံချက်များတွင် အဓိကပါဝင် ရမည်ဖြစ်ကြောင်း ဂရက်ရှ်ကိုက ဆိုသည်။နေတိုးအဖွဲ့၏ အရှေ့ဘက်စစ်နံရှိ တပ်ဖွဲ့ဝင်အရေအတွက်မှာ ၂၀၁၉ ခုနှစ်နောက်ပိုင်း နှစ်ဆတိုးလာသည့်အတွက် ရုရှားအပေါ် သိသိသာသာ ခြိမ်းခြောက်မှုဖြစ်စေကြောင်း၊ ဥရောပနိုင်ငံများ၏ လက်နက်ပြန်လည် တပ်ဆင်နေဆဲ အခြေအနေက ရုရှား၏ လုံခြုံရေးဆိုင်ရာ စိုးရိမ်မှုများကို မြင့်တက်စေကြောင်း ၎င်းက ဆက်လက်ပြောကြားခဲ့သည်။ပဋိပက္ခတွင် ပါဝင်ပတ်သက်သူများက လိုအပ်သည်ဟု ယူဆမှသာလျှင် ယူကရိန်း၌ ငြိမ်းချမ်းရေးထိန်းသိမ်းမှု တပ်ဖွဲ့ဝင်များ ဖြန့်ကြက်ချထားရေး အတွက် ဖြစ်နိုင်ခြေရှိလိမ့်မည်ဟု ၎င်းက ပြောကြားခဲ့သည်။ဥရောပသမဂ္ဂ (အီးယူ) ဘက်က ထိတွေ့ဆက်ဆံမှုများ ပြုလုပ်ရန် ဆန္ဒရှိကြောင်း အရိပ်အမြွက်ပြသမည်ဆိုလျှင် ရုရှားအနေဖြင့်လည်း သီးခြား ဆွေးနွေးမှုများအတွက် တံခါးဖွင့်ထားဆဲဖြစ်ကြောင်း ၎င်းက ထပ်လောင်း ပြောကြားခဲ့သည်။ကိုးကား-Myanmar National Post
© Copyright 2024 SAC All Rights Reserved.