နှစ်နိုင်ငံကြားကုန်သွယ်မှုကို နှစ်ဆတိုးမြှင့်နိုင်ရန် အိန္ဒိယနှင့် ကာတာတို့ ရည်မှန်းထား

saceditor

News Image

  • နှစ်နိုင်ငံကြားကုန်သွယ်မှုကို နှစ်ဆတိုးမြှင့်နိုင်ရန် အိန္ဒိယနှင့် ကာတာတို့ ရည်မှန်းထား

အိန္ဒိယနှင့်ကာတာနိုင်ငံတို့သည် နှစ်နိုင်ငံကြားဆက်ဆံရေးကို ကုန်သွယ်ရေး၊ ရင်းနှီးမြှုပ်နှံမှု၊နည်းပညာ၊စွမ်းအင်နှင့် ပြည်သူအချင်းချင်းဆက်ဆံရေးကို အဓိကအာရုံစိုက်သည့် မဟာဗျူဟာမြောက်မိတ်ဖက်ဆက်ဆံရေးအဖြစ် မြှင့်တင်ခဲ့သည်ဟု သိရှိရပါသည်။

ထို့အပြင် နှစ်နိုင်ငံစလုံးသည် ၂၀၃၀ ပြည့်နှစ်တွင် ကုန်သွယ်မှု နှစ်ဆတိုးမြှင့်ရန် ရည်မှန်းထားကြောင်းလည်း သိရပါသည်။ ကာတာနိုင်ငံ မင်းသား Sheikh Tamim bin Hamad Al Thani သည် အိန္ဒိယနိုင်ငံ၊ နယူးဒေလီမြို့သို့ သွားရောက်လည်ပတ်စဉ်အချိန်အတွင်း အဆိုပါ သဘောတူညီချက်များကို လက်မှတ်ရေးထိုးခဲ့ခြင်း ဖြစ်သည်ဟုလည်း သိရပါသည်။

ဖေဖော်ဝါရီ ၁၇ ရက် ညပိုင်း၌ နယူးဒေလီမြို့သို့ Sheikh Tamim bin Hamad Al Thani ရောက်ရှိလာသည့် အချိန်တွင် အိန္ဒိယဝန်ကြီးချုပ်မိုဒီ ကိုယ်တိုင် ကြိုဆိုခဲ့သည်ဟုလည်း သိရပါသည်။ မိုဒီနှင့် Sheikh Tamim bin Hamad Al Thani တို့သည် စီးပွားရေးပူးပေါင်းဆောင်ရွက်မှု၊ စွမ်းအင် ပူးပေါင်းဆောင်ရွက်မှုနှင့် အာကာသနည်းပညာများ အပါအဝင် အဓိက ပူးပေါင်းဆောင်ရွက်မှုကဏ္ဍများကို ဖေဖော်ဝါရီ ၁၈ ရက်တွင် ဆွေးနွေးခဲ့ ကြကြောင်းလည်း သိရပါသည်။ လက်ရှိအချိန်၌ ကာတာနှင့် အိန္ဒိယ နိုင်ငံကြားကုန်သွယ်မှုသည် အမေရိကန်ဒေါ်လာ ၂၀ ဘီလီယံ ဝန်းကျင်ရှိပြီး လာမည့် ၅ နှစ်အတွင်း နှစ်နိုင်ငံကြားကုန်သွယ်မှုသည် အမေရိကန် ဒေါ်လာ ၂၈ ဘီလီယံ ဝန်းကျင်ထိ ရှိလာနိုင်သည်ဟု အိန္ဒိယနိုင်ငံခြားရေး ဝန်ကြီးဌာနက ထုတ်ပြန်ပြောကြားခဲ့ပါသည်။ အိန္ဒိယနှင့် ကာတာနိုင်ငံ တို့သည် အခွန်နှစ်ဆကောက်ခံခြင်းကို ရှောင်ရှားရန်နှင့် အခွန်နှင့် ပတ်သက်သော ဘဏ္ဍာရေးဆိုင်ရာရှောင်လွှဲမှုများကို တားဆီးရန်အတွက် ပြန်လည်ပြင်ဆင်သည့် သဘောတူညီချက်တစ်ရပ်ကိုလည်း လက်မှတ်ရေးထိုးခဲ့ကြသည်ဟုလည်း သိရှိရပါသည်။

ကိုးကား-NP News

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

ပူတင်-ထရမ့် ဖုန်းဆက်သွယ်ဆွေးနွေးမှုမှ သတင်းကောက်နှုတ်ချက်များ
ပူတင်-ထရမ့် ဖုန်းဆက်သွယ်ဆွေးနွေးမှုမှ သတင်းကောက်နှုတ်ချက်များ
ရုရှားသမ္မတ ဗလာဒီမာပူတင်နှင့် အမေရိကန်သမ္မတ ဒေါ်နယ်ထရမ့်တို့သည် မတ်လ ၁၇ ရက် (အင်္ဂါ) နေ့တွင် ရလဒ်ကောင်းများ ရရှိမည်ဟု မျှော်လင့်ထားသည့် ဖုန်းဆက်သွယ်မှုတစ်ခု ပြုလုပ်ခဲ့ပြီး ယူကရိန်းပဋိပက္ခကို ဖြေရှင်းနိုင်မည့် အလားအလာကို ဆွေးနွေးခဲ့ကြသည်။ ထိုဆွေးနွေးမှုသည် အချိန် ၂ နာရီနှင့် မိနစ် ၃၀ ခန့်ကြာမြင့်ခဲ့ပြီး အိမ်ဖြူတော်နှင့် ကရင်မလင်တို့က အပြုသဘော ဆောင်သည့်ရလဒ်များရရှိခဲ့သည်ဟု ဖော်ပြခဲ့သည်။ ဆွေးနွေးမှုမှ သတင်းကောက်နှုတ်ချက်များမှာ အောက်ပါအတိုင်းဖြစ်သည်-စစ်ပြေငြိမ်းရေး အလားအလာပူတင်နှင့် ထရမ့်တို့သည် ထရမ့်၏ ၃၀ ရက်ကြာ စစ်ပြေငြိမ်းရေးအကြံပြုချက်ကို ဆွေးနွေးခဲ့ပြီး ရုရှားဘက်မှ အကောင်အထည်ဖော်မှုမတိုင်မီ ဖြေရှင်းရမည့် ပြဿနာများစွာကို ရှင်းပြခဲ့သည်ဟု ကရင်မလင်ပြောရေးဆိုခွင့်ရှိသူက ဖုန်းဖြင့်ဆက်သွယ်ဆွေးနွေးမှုအပြီး ထုတ်ပြန်ချက်တွင် ဖော်ပြခဲ့သည်။ ပူတင်က အပစ်အခတ်ရပ်စဲရေး ဖြစ်နိုင်သမျှ အလားအလာကို စနစ်တကျစောင့်ကြည့်ရန် အစီအစဉ်တစ်ခုရေးဆွဲရန် လိုအပ်သလို ယူကရိန်းတွင် တပ်ဖွဲ့များ၏ စစ်ရေးလှုပ်ရှားမှုများနှင့် လက်နက်ပြန်လည်ဖြည့်တင်း တပ်ဆင်မှုများကို ရပ်တန့်ရန်လိုအပ်ကြောင်းလည်း ရှင်းပြခဲ့သည်။“ကိယက်ဗ်အစိုးရ၏ ညှိနှိုင်းဆွေးနွေးနိုင်စွမ်းအားနည်းခြင်းနှင့်အတူ ရရှိပြီးသောသဘောတူညီချက်များကို အကြိမ်ကြိမ် ချိုးဖောက်ဖျက်ဆီးခဲ့မှုများကြောင့် ပိုမိုဆိုးရွားသည့် အခြေအနေကို ရောက်ရှိစေခဲ့ကြောင်း” ကရင်မလင်ပြောရေးဆိုခွင့်ရှိသူက ပြောကြားခဲ့ပြီး၊ ပူတင်က “Kursk ဒေသ၏ ပြည်သူများအပေါ် ယူကရိန်းတပ်ဖွဲ့ဝင်များမှ ကျူးလွန်ခဲ့သည့် ရက်စက်ကြမ်းကြုတ်သော အကြမ်းဖက်မှုများ” ကလည်း ထရမ့်၏ စိတ်ဝင်စားမှုကိုမြင့်တက်စေခဲ့ကြောင်း ဖြည့်စွက်ပြောကြားခဲ့သည်။အခြေခံအဆောက်အဦများကို တိုက်ခိုက်မှုရပ်ဆိုင်းခြင်းထရမ့်က မော်စကိုနှင့် ကိယက်ဗ်တို့သည် စွမ်းအင်အခြေခံအဆောက်အဦများကို ၃၀ ရက်ကြာ ပစ်ခတ်တိုက်ခိုက်မှုကို ရပ်ဆိုင်းရန် အဆိုပြုခဲ့ပြီး ပူတင်က ထိုအကြံပြုချက်ကို ထောက်ခံခဲ့ကာ ရုရှားတပ်ဖွဲ့များအား လိုက်နာဆောင်ရွက်ရန်အမိန့်ကို ချက်ချင်းထုတ်ပြန်ပေးခဲ့သည်။“ခေါင်းဆောင်များအနေဖြင့် ငြိမ်းချမ်းရေးလမ်းစဉ်၏အစသည် စွမ်းအင်ဆိုင်ရာအခြေခံ အဆောက် အဦများကို တိုက်ခိုက်မှုရပ်စဲခြင်းဖြင့်စတင်မည်ဖြစ်ပြီး ပင်လယ်နက်တွင် စစ်ရေးလှုပ်ရှားမှု သဘော တူညီချက် အကောင်အထည်ဖော်မှုဆိုင်ရာ ညှိနှိုင်းဆွေးနွေးမှု နည်းလမ်းများကိုလည်း ဆွေးနွေးမည်ဖြစ်ကာ အဆိုပါဆွေးနွေးမှုများကို အရှေ့အလယ်ပိုင်း၌ ချက်ချင်းစတင်မည်ဖြစ်သည်” ဟု အိမ်ဖြူတော် က ထုတ်ပြန်ချက်တွင် ဖော်ပြခဲ့သည်။အကျဉ်းသားများ လဲလှယ်ခြင်းရုရှားသမ္မတက အမေရိကန်သမ္မတအား လာမည့် မတ်လ ၁၉ ရက်နေ့တွင် ယူကရိန်းနှင့် အကျဉ်းသား လဲလှယ်ရန် စီစဉ်ထားရှိမှု ပြောကြားခဲ့ကြောင်း ကရင်မလင်ပြောရေးဆိုခွင့်ရှိသူ က ဖော်ပြခဲ့သည်။ နှစ်ဖက်စလုံးသည် အကျဉ်းသား ၁၇၅ ဦးစီ လဲလှယ်မည်ဖြစ်သည်။ ထို့အပြင် မော်စကိုသည် ၎င်း၏ ပဋိပက္ခအဆုံးသတ်ရေးလုပ်ငန်းစဉ်အပေါ် ထားရှိသည့်သဘောထားကို ပြသရန် ဒဏ်ရာပြင်းထန်စွာ ရထားသည့် ယူကရိန်းတပ်ဖွဲ့ဝင် ၂၃ ဦးကို ပြန်လည်ပေးပို့မည်ဖြစ်ကြောင်း ပြောရေးဆိုခွင့်ရှိသူက ထုတ်ဖော်ပြောကြားခဲ့သည်။တည်မြဲသော ငြိမ်းချမ်းရေး လိုအပ်ချက်ပူတင်နှင့် ထရမ့်တို့သည် ယူကရိန်းပဋိပက္ခကို ယာယီဖြေရှင်းချက်ထက် “ရေရှည်တည်တံ့ခိုင်မြဲသည့် ငြိမ်းချမ်းရေး” ရရှိရန် ကတိကဝတ်ပြုခဲ့ကြသည်။ မော်စကိုက “ပဋိပက္ခ၏ အရင်းခံအကြောင်း အရင်းများကို အဆုံးသတ်ရန်” လိုအပ်သကဲ့သို့ “လုံခြုံရေးနယ်ပယ်တွင် ရုရှား၏ တရားဝင် အကျိုးစီးပွားများ (Russia’s Legitimate Interests)” ရရှိစေရန်နှင့် “ကိယက်ဗ်သို့ နိုင်ငံခြားစစ်ရေးအကူအညီနှင့် ထောက်လှမ်းရေးသတင်းအချက်အလက်များပံ့ပိုးမှုများ လုံးဝ ရပ်တန့်ရန်” လိုအပ်ကြောင်း ကရင်မလင်ပြောရေးဆိုခွင့်ရှိသူက ထုတ်ဖော်ပြောကြားခဲ့သည်။နှစ်နိုင်ငံပူးပေါင်းဆောင်ရွက်မှုရုရှားနှင့် အမေရိကန်အကြား ဆက်ဆံရေးကိုလည်း ဆွေးနွေးခဲ့ပြီး နှစ်နိုင်ငံစလုံးက အပြန်အလှန် အကျိုးပြုမည့်စီမံကိန်းများကို လုပ်ဆောင်ရန် သဘောတူညီခဲ့ကြသည်။ “ဝါရှင်တန်နှင့် မော်စကို တို့သည် နှစ်နိုင်ငံပူးပေါင်းဆောင်ရွက်နိုင်သည့် နယ်ပယ်များစွာကိုစဉ်းစားနေကြသည်” ဟု ကရင်မလင် ပြောရေး ဆိုခွင့်ရှိသူက ပြောကြားခဲ့သည်။“အမေရိကန်နှင့် ရုရှားအကြား နှစ်နိုင်ငံဆက်ဆံရေး တိုးတက်ကောင်းမွန်လာမည့် အနာဂတ်တွင် အပြုသဘောဆောင်သည့် အကျိုးအမြတ်များ ရရှိစေမည့် အခွင့်အလမ်းများ (Huge Upside) ရှိကြောင်း ခေါင်းဆောင်နှစ်ဦးက သဘောတူခဲ့ကြသည်။ ယင်းအခွင့်အလမ်းများတွင် ငြိမ်းချမ်းရေးရရှိပြီးနောက် စီးပွားရေးလုပ်ငန်းများစွာနှင့် ပထဝီနိုင်ငံရေးတည်ငြိမ်မှုတို့ ပါဝင်သည်” ဟု အိမ်ဖြူတော် က ပြောကြားခဲ့သည်။ကိုးကား-RTSource: https://www.rt.com/russia/614453-putin-trump-talks-takeaways/
USAID ဖျက်သိမ်းရေး DOGE ကြိုးပမ်းနေခြင်းကို ရပ်တန့်ရန် အမေရိကန် ဖယ်ဒရယ်တရားရုံး၏ တရားသူကြီး တားမြစ်မိန့်ထုတ်ပြန်
USAID ဖျက်သိမ်းရေး DOGE ကြိုးပမ်းနေခြင်းကို ရပ်တန့်ရန် အမေရိကန် ဖယ်ဒရယ်တရားရုံး၏ တရားသူကြီး တားမြစ်မိန့်ထုတ်ပြန်
အမေရိကန်သမ္မတ Donald Trump ဦးဆောင်သည့် အစိုးရအနေဖြင့် အမေရိကန်နိုင်ငံတကာဖွံ့ဖြိုးရေးအေဂျင်စီ (USAID) ကို ဖျက်သိမ်းရန်အတွက် ထပ်မံကြိုးပမ်းနေခြင်းကိုရပ်တန့်ရန် ဖက်ဒရယ်တရားရုံး တစ်ရုံးက အမိန့်ချမှတ်လိုက်ပါသည်။Maryland ပြည်နယ်မှ တရားရုံးသည် မတ်လ ၁၈ ရက်တွင် ပဏာမ တားမြစ်မိန့်ကို ထုတ်ပြန်ခဲ့ကြောင်း Associated Press နှင့် အခြားမီဒီယာများ၌ ဖော်ပြခဲ့ကြသည်။USAID ကို အစိုးရစွမ်းဆောင်ရည်စစ်ဆေးရေးအဖွဲ့ (DOGE) က ဖျက်သိမ်းခြင်းသည် ဖွဲ့စည်းပုံအခြေခံဥပဒေကို ချိုးဖောက်ရာရောက်နိုင်သည် ဟု တရားသူကြီးကဆုံးဖြတ်ခဲ့ပါသည်။Elon Musk ဦးဆောင်သော DOGE သည် USAID ၏ အစီအစဉ်များစွာကို ရပ်ဆိုင်းခဲ့ပြီး ဝန်ထမ်းအင်အား လျှော့ချရေးကြိုးပမ်းမှုများ၏ တစ်စိတ် တစ်ပိုင်းအဖြစ် ဝန်ထမ်းအများအပြားကို အလုပ်မှအနားပေးခဲ့သည်။လွှတ်တော်က ဖွဲ့စည်းထားသည့် အဖွဲ့အစည်းကို ဖျက်သိမ်းသင့်/ မသင့်၊ မည်သည့်အချိန်၌ ဖျက်သိမ်းသင့်သည်၊ မည်ကဲ့သို့ဖျက်သိမ်းမည် စသည်တို့နှင့်ပတ်သက်၍ ရွေးကောက်တင်မြှောက်ခံထားရသည့် လွှတ်တော်အမတ်များ၏ ဖွဲ့စည်းပုံအခြေခံဥပဒေအရသာ ဆုံးဖြတ်နိုင်သည့် အခွင့်အာဏာကို DOGE နှင့် Elon Musk က ဖယ်ရှားခဲ့သည်ဟု အဆိုပါ တရားသူကြီးက ဆိုပါသည်။နိုင်ငံတကာထောက်ပံ့ရေးအစီအစဉ်များကိုကြီးကြပ်သည့် ၎င်းအေဂျင်စီကို ဖြိုခွင်းရန် Musk နှင့် DOGE တွင် အခွင့်အာဏာမရှိကြောင်း USAID ဝန်ထမ်းများနှင့် အခြားသူများက တရားစွဲဆိုခဲ့ခြင်း ဖြစ်ပါသည်။စီရင်ချက်ချသည့် မတ်လ ၁၈ ရက်နေ့၌ပင် သမ္မတ Trump က အယူခံ ဝင်မည့်ကိစ္စအတွက် အမြန်ဆုံးဆောင်ရွက်သွားမည်ဟု FOX News သို့ ပြောကြားခဲ့ပါသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
အီတလီက ယူကရိန်းသို့ တပ်ဖွဲ့ဝင်များစေလွှတ်ရန် ပြင်သစ်-ဗြိတိန် အစီအစဉ်ကို ငြင်းပယ်
အီတလီက ယူကရိန်းသို့ တပ်ဖွဲ့ဝင်များစေလွှတ်ရန် ပြင်သစ်-ဗြိတိန် အစီအစဉ်ကို ငြင်းပယ်
အီတလီဝန်ကြီးချုပ် ဂျော်ဂျီအာမီလိုနီသည် ယူကရိန်းသို့တပ်ဖွဲ့ဝင်များ စေလွှတ်ရန် အကြံပြုချက်ကို ငြင်းပယ်လိုက်ပြီး ပြင်သစ်နှင့် ဗြိတိန်တို့က ကိယက်ဗ်နှင့် မော်စကိုအကြား နောက်ဆုံးတွင် စစ်ပြေငြိမ်းရေး အာမခံချက်ရရှိရန် ငြိမ်းချမ်းရေးတပ်ဖွဲ့များစေလွှတ်နိုင်ရေး အကြံပြုခဲ့ခြင်းဖြစ်သည်။မီလိုနီသည် မတ်လ ၁၈ ရက်နေ့က အီတလီအထက်လွှတ်တော်သို့ ပြောကြားချက်တစ်ခုတွင် သူမ၏ကန့်ကွက်မှုကိုထည့်သွင်းဖော်ပြခဲ့ပြီးဤသီတင်းပတ်အတွင်း ဘရပ်ဆဲလ်၌ကျင်းပမည့် ဥရောပကောင်စီအစည်းအဝေးတွင် ယူကရိန်းပဋိပက္ခကိုဆွေးနွေးမည်ဟု မျှော်လင့် ထားသည်။ပြင်သစ်နှင့် ဗြိတိန်တို့သည် EU နိုင်ငံများ မဟာမိတ်အဖွဲ့ ဖွဲ့စည်းရန် ကြိုးပမ်းမှုများကို ဦးဆောင်နေပြီး ပြင်သစ်သမ္မတ မက်ခရွန်က နိုင်ငံတစ်နိုင်ငံလျှင်တပ်ဖွဲ့ဝင်ဦးရေ ထောင်ဂဏန်းခန့်ကို ယူကရိန်း၏ အဓိက နေရာများတွင်တပ်စွဲထားမည်ဟု အဆိုပြုထားသည်။မီလိုနီက အီတလီအစိုးရသည် အဆိုပြုချက်ကို လေးစားသော်လည်း အဆိုပြုချက်၏ အကျိုုးရလဒ်အပေါ် ယုံကြည်စိတ်ချမှုမရှိကြောင်း ပြောကြားခဲ့သည်။ဝန်ကြီးချုပ်က ပြင်သစ်-ဗြိတိန် အဆိုပြုချက်ကို “ပဋိပက္ခကို ပိုမို ရှုပ်ထွေးစေနိုင်ကာ စွန့်စားရာကျပြီး ထိရောက်မှုမရှိသောရွေးချယ်မှု” အဖြစ် ဖော်ပြခဲ့သည်။ ထို့အပြင် အီတလီသည် အမေရိကန်သမ္မတဒေါ်နယ်ထရမ့်၏ ငြိမ်းချမ်းရေးကြိုးပမ်းမှုကို ထောက်ခံကြောင်း ပြောကြားခဲ့သည်။မော်စကိုသည် နေတိုးအဖွဲ့ဝင် နိုင်ငံများမှ တပ်ဖွဲ့များကို ယူကရိန်းတွင် တပ်စွဲထားရန် အကြံပြုချက်ကို ထပ်ခါတလဲလဲ ငြင်းပယ်ခဲ့ပြီး ၎င်းသည် ရုရှားနှင့် အမေရိကန်ဦးဆောင်သော စစ်ရေးမဟာမိတ်အဖွဲ့အကြား ထိပ်တိုက်ရင်ဆိုင်မှုကို ဖြစ်ပေါ်စေနိုင်ကြောင်း သတိပေးခဲ့သည်။ပါရီနှင့်လန်ဒန်တို့သည် ဝါရှင်တန်က ရုရှားနှင့် ငြိမ်းချမ်းရေး သဘောတူညီချက်ရရှိရန် ဖိအားပေးဆောင်ရွက်နေစဉ်တွင် ယူကရိန်းအတွက် စစ်ရေးထောက်ပံ့မှုများကိုစုစည်းရန် အလျင်အမြန် ဆောင်ရွက်နေကြသည်။ ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
အစ္စရေးဝန်ကြီးချုပ် နေတန်ယာဟုက ပြည်တွင်းလုံခြုံရေးဌာန အကြီးအကဲအား ရာထူးမှထုတ်ပယ်ရန် စတင်လုပ်ဆောင်
အစ္စရေးဝန်ကြီးချုပ် နေတန်ယာဟုက ပြည်တွင်းလုံခြုံရေးဌာန အကြီးအကဲအား ရာထူးမှထုတ်ပယ်ရန် စတင်လုပ်ဆောင်
ပြည်တွင်းလုံခြုံရေးဌာန (Shin Bet) နှင့် တင်းမာမှုများ ကြီးထွားနေစဉ် အစ္စရေးဝန်ကြီးချုပ် ဘန်ဂျမင် နေတန်ယာဟုက ၎င်းဌာန၏ အကြီးအကဲဖြစ်သူ ရိုနန်ဘားအား ရာထူးမှထုတ်ပယ်မည့် လုပ်ထုံးလုပ်နည်းများကို စတင်လုပ်ဆောင်နေပြီဖြစ်ကြောင်း မတ် ၁၆ ရက်က ကြေညာခဲ့သည်။ရိုနန်ဘားအား ရာထူးမှထုတ်ပယ်ရေးအတွက် အဆိုပြုချက်တစ်ရပ်ကို ယခုသီတင်းပတ်အတွင်း အစိုးရအဖွဲ့ထံ တင်သွင်းမည်ဖြစ်ကြောင်း အစည်းအဝေးတစ်ခုသို့ ဆင့်ခေါ်၍ ၎င်းအား အသိပေးခဲ့ကြောင်း အစ္စရေး ဝန်ကြီးချုပ်ရုံး၏ ထုတ်ပြန်ချက်အရသိရသည်။ ဘားအပေါ် အယုံအကြည်မရှိတော့သဖြင့် ယင်းကဲ့သို့ ဆုံးဖြတ်ခဲ့ခြင်းဖြစ်ကြောင်း အစ္စရေးပြည်သူများကို ဗီဒီယိုရုပ်သံမှတစ်ဆင့် ပြောကြားခဲ့သည် မိန့်ခွန်း၌ နေတန်ယာဟုက ထည့်သွင်းပြောကြားခဲ့သည်။ လတ်တလောတွင် ရှင်းဘတ် (Shin Bet) အဖွဲ့ကရော ရိုနန်ဘားကပါ ယင်းနှင့်ပတ်သက်၍ တုံ့ပြန်ပြောကြားခြင်း မရှိသေးပေ။ အစ္စရေးအနေဖြင့် စစ်ပွဲအတွင်း ပါဝင်ပတ်သက်နေဆဲဖြစ်သလို နိုင်ငံရေးအရ သဘောထားကွဲလွဲမှုများလည်း ဖြစ်ပေါ်နေချိန်တွင် နေတန်ယာဟုနှင့် အစ္စရေးလုံခြုံရေး အသိုင်းအဝိုင်းကြား တင်းမာမှုများ ကြီးထွားလာခြင်းကို အဆိုပါလုပ်ရပ် က မီးမောင်းထိုးပြလျက်ရှိသည်။ ကိုးကား- ဆင်ဟွာ 
ဗင်နီဇွဲလားနိုင်ငံသားများအား ပြည်နှင်ဒဏ်ပေးသည့်ကိစ္စနှင့် ပတ်သက်၍ အကြောင်းပြန်ကြားပေးရန် ပြည်ထောင်စု တရားသူကြီးက ထရမ့်အစိုးရအား တောင်းဆို
ဗင်နီဇွဲလားနိုင်ငံသားများအား ပြည်နှင်ဒဏ်ပေးသည့်ကိစ္စနှင့် ပတ်သက်၍ အကြောင်းပြန်ကြားပေးရန် ပြည်ထောင်စုတရားသူကြီးက ထရမ့်အစိုးရအား တောင်းဆို
သမ္မတ၏လုပ်ပိုင်ခွင့်ကို ကျော်လွန်လုပ်ဆောင်မှုတစ်ခုဖြစ်သည့် ပြည်နှင်ဒဏ်ပေးခြင်းခံရသော ဗင်နီဇွဲလားနိုင်ငံသားများ၏ လေယာဉ်တင်ဆောင်မှုဆိုင်ရာ အသေးစိတ်အချက်အလက်များအား မတ်လ ၁၈ ရက် နောက်ဆုံးထား ပြန်ကြားပေးရန် ပြည်ထောင်စုတရားသူကြီးက ထရမ့်အစိုးရအား မတ်လ ၁၇ ရက်နေ့တွင် တောင်းဆိုခဲ့ပါသည်။အဆိုပါပြည်နှင်ဒဏ်ပေးခံရသည့် ဗင်နီဇွဲလားနိုင်ငံသားများသည် ပြည်ပအကြမ်းဖက်အဖွဲ့အစည်းတစ်ခု အဖြစ် သတ်မှတ်ထားသည့် Tren de Aragua ဂိုဏ်းအဖွဲ့ဝင်များဖြစ်ကြောင်း ထရမ့်က အခိုင်အမာ ပြောဆိုခဲ့သည်။ အဆိုပါအဖွဲ့အား အမေရိကန်အပေါ် သာမန်မဟုတ်သည့် စစ်ဆင်မှုများ လုပ်ဆောင်လျက်ရှိသည့် အဖွဲ့အဖြစ် ကြေညာရန်အတွက် ၁၇၉၈ ခုနှစ် နိုင်ငံခြားရန်သူများအက်ဥပဒေကို ကိုးကားထားသည့် အစိုးရအဖွဲ့၏ ကြေညာချက် တစ်ရပ်ကို အိမ်ဖြူတော်က မတ်လ ၁၅ ရက်နေ့တွင် ထုတ်ပြန်ခဲ့ခြင်းဖြစ်ကြောင်း Reuters သတင်းစာမျက်နှာတွင် ရေးသားဖော်ပြထားပါသည်။ကိုးကား-Reutersအလွတ်သဘောဘာသာပြန်သူ-ဦးထက်ထက်အောင်(နစက-၄)
လက်လီရောင်းချမှုများ အမေရိကန်တွင် ရောင်းအားတက်
လက်လီရောင်းချမှုများ အမေရိကန်တွင် ရောင်းအားတက်
ဖေဖော်ဝါရီလမှစ၍ အမေရိကန်၏ လက်လီရောင်းချမှုများသည် စားသုံးသူများ၏ လိုအပ်ချက်အရ ဝယ်ယူမှု (discretionary spending) များကြောင့် အနည်းငယ် အရောင်းသွက်လာပါသည်။ ထိုကဲ့သို့ အရောင်းသွက်လာခြင်းသည် အမေရိကန်သမ္မတထရမ့်၏ အကောက်ခွန်နှုန်း တိုးမြှင့်ကောက်ခံခြင်းနှင့် အစိုးရဝန်ထမ်းများအား အလုပ်ထုတ်ပစ်ခြင်း များကြောင့် နိုင်ငံ့စီးပွားရေးတည်ငြိမ်မှုမရှိခြင်းကို ပိုမိုထင်ဟပ်နေပါသည်။  သို့သော်မတ်လ ၁၇ ရက်(တနင်္လာနေ့)တွင်ထုတ်ပြန်ခဲ့သည့် အမေရိကန်၊ စီးပွားရေးဌာန၏ အစီရင်ခံစာအရ အမေရိကန်၏ စီးပွားရေးသည် ပထမ သုံးလပတ်တွင် အတန်အသင့် တိုးတက်မှုရှိကြောင်း၊ ဖေဖော်ဝါရီလတွင် လက်လီရောင်းချမှုများမှာ ၀.၂% မြင့်တက်ခဲ့ကြောင်း  ထုတ်ပြန်ထားပါသည်။ Kohl’s, Macy’s နှင့် Walmart ကဲ့သို့သော လက်လီ အရောင်းဆိုင်ကြီး များက ၎င်းတို့၏ မတ်လအတွက် ရောင်းအားသတ်မှတ်ချက်ကို မြှင့်ထား ကြပါသည်။ ထို့အပြင် စားသောက်ဆိုင်များနှင့် ဘားများ၏ ရောင်းအား သည် လွန်ခဲ့သည့် ၁၃ လနှင့် နှိုင်းယှဉ်ပါက ရောင်းအားကျသွားကြောင်း သိရှိရပါသည်။ ကိုးကား-Reutersဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊ နစက-၃
© Copyright 2024 SAC All Rights Reserved.