အမေရိကန်နှင့် နျူကလီးယားဆိုင်ရာ တိုက်ရိုက်ဆွေးနွေးမှုကို အီရန် အစိုးရပယ်ချ

saceditor

News Image

  • အမေရိကန်နှင့် နျူကလီးယားဆိုင်ရာ တိုက်ရိုက်ဆွေးနွေးမှုကို အီရန် အစိုးရပယ်ချ

အီရန်နိုင်ငံ၏ နျူကလီးယားအစီအစဉ်နှင့်ပတ်သက်ပြီး အမေရိကန်နှင့် တိုက်ရိုက်ဆွေးနွေးနိုင်ခြေများကို အီရန်နိုင်ငံခြားရေးဝန်ကြီး Abbas Araghchi မှ ဖေဖော်ဝါရီ ၂၅ ရက်မှာ ငြင်းဆန်ပယ်ချခဲ့ကြောင်း သိရသည်။

အီရန်၏ ရေနံရောင်းချမှု၊ တင်ပို့မှုများမှာ ပါဝင်ပတ်သက်နေသည်ဟု စွပ်စွဲပြောဆိုခံထားရသည့် ရေနံကုမ္ပဏီအကြီးအကဲအပါအဝင် သင်္ဘော များနှင့် လူပေါင်း (၃၀) ကျော်ကို ပစ်မှတ်ထားသည့် အီရန်အပေါ် ပိတ်ဆို့ အရေးယူမှုအသစ်ကို အမေရိကန်ကထုတ်ပြန်ကြေညာခဲ့ပြီး Abbas Araghchi ၏ မှတ်ချက်များထွက်ပေါ်လာပါသည်။ 

Abbas Araghchi မှ ယခုနည်းဖြင့် ဖိအားများပေးနေသရွေ့ နျူကလီးယား ပြဿနာနှင့်ပတ်သက်ပြီး အမေရိကန်နှင့် တိုက်ရိုက်ညှိနှိုင်း ဆွေးနွေးမှုများကို လုပ်ဆောင်မည် မဟုတ်ကြောင်း ပြောဆိုခဲ့ပါသည်။

ကိုးကား - NP News

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှုအပေါ် ပြင်းပြင်းထန်ထန် ပြစ်တင်ဝေဖန်ပြီးနောက် မြောက်ကိုရီးယားက ဒုံးကျည် စမ်းသပ်ပစ်ခတ်မှုလုပ်ဆောင်
အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှုအပေါ် ပြင်းပြင်းထန်ထန် ပြစ်တင်ဝေဖန်ပြီးနောက် မြောက်ကိုရီးယားက ဒုံးကျည် စမ်းသပ်ပစ်ခတ်မှုလုပ်ဆောင်
အမေရိကန်-တောင်ကိုရီးယားနှစ်နိုင်ငံပူးတွဲစစ်ရေးလေ့ကျင့်မှုအပေါ် ပြစ်တင်ဝေဖန်ပြီးနောက် နာရီအနည်းငယ်အကြာ၌ မြောက်ကိုရီးယားက ပဲ့ထိန်းဒုံးကျည်များကို စမ်းသပ်ပစ်ခတ်မှုကို လုပ်ဆောင်ခဲ့ပါသည်။ အဆိုပါပူးတွဲစစ်ရေး လေ့ကျင့်မှုသည် နှစ်နိုင်ငံထိပ်တိုက်ရင်ဆိုင်မှုကို ဖြစ်စေနိုင်ပြီး အန္တရာယ်ရှိသော ရန်စသည့်လုပ်ရပ်အဖြစ် မြောက်ကိုရီးယားက သတ်မှတ်ထားသည်။ဒုံးကျည်များကို မြောက်ကိုရီးယားနိုင်ငံ အနောက်ဘက်ခြမ်းမှ ပင်လယ်ဝါအတွင်း ပစ်လွှတ်ခဲ့ခြင်းဖြစ်ကြောင်း၊ ယခုကဲ့သို့ ပဲ့ထိန်းဒုံးကျည်များ ပစ်ခတ်စမ်းသပ်ခြင်းသည် အမေရိကန်သမ္မတ ဒေါ်နယ်ထရမ့် သမ္မတအဖြစ် စတင် တာဝန်ထမ်းဆောင်သည့် ဇန်နဝါရီလမှစ၍ ပထမဆုံးအကြိမ် လုပ်ဆောင်ခြင်းဖြစ်ကြောင်း၊ ယခုအကြိမ် ပစ်ခတ်ခဲ့မှုမှာ အကွာအဝေးမှာ ကီလိုမီတာ ၃၀၀ (၁၈၆)မိုင်အောက်သာ ရှိသည့်အတွက် စမ်းသပ်ပစ်ခတ်ခဲ့သည့် ဒုံးကျည် အမျိုးအစားများမှာ တာနီးပစ်ပဲ့ထိန်းဒုံးကျည်များဖြစ်နိုင်ကြောင်း တောင်ကိုရီးယားကာကွယ်ရေးဝန်ကြီးဌာန၏ အရာရှိတစ်ဦးက ထုတ်ဖော်ပြောကြားခဲ့မှုကို Reuters သတင်းစာမျက်နှာတွင် ရေးသားဖော်ပြထားပါသည်။ကိုးကား- Reutersအလွတ်သဘောဘာသာပြန်သူ-ဦးထက်ထက်အောင်(နစက-၄)
အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှုသည် အန္တရာယ် ရှိသည့် ရန်စမှုတစ်ရပ်ဖြစ်ကြောင်း မြောက်ကိုရီးယား ပြောကြား
အမေရိကန်-တောင်ကိုရီးယား ပူးတွဲစစ်ရေးလေ့ကျင့်မှုသည် အန္တရာယ် ရှိသည့် ရန်စမှုတစ်ရပ်ဖြစ်ကြောင်း မြောက်ကိုရီးယား ပြောကြား
အမေရိကန်-တောင်ကိုရီးယားပူးတွဲစစ်ရေးလေ့ကျင့်မှုသည် အန္တရာယ်ရှိသည့်ရန်စမှု လုပ်ရပ်တစ်ခုဖြစ်ကြောင်း မြောက်ကိုရီးယားနိုင်ငံခြားရေးဝန်ကြီးဌာနက မတ်လ (၁၀) ရက်နေ့တွင် နိုင်ငံပိုင်KCNရုပ်သံမှတစ်ဆင့် ထုတ်ပြန်ကြေညာ ခဲ့သည်။နှစ်စဉ်ကျင်းပမြဲ Freedom Shield ဟုအမည်ရသည့် အမေရိကန်-တောင်ကိုရီးယားပူးတွဲစစ်ရေးလေ့ကျင့်မှုကို မတ်လ(၁၀)ရက်မှ (၂၀)ရက်နေ့အထိ (၁၁)ရက်ကြာ ကျင်းပပြုလုပ်သွားမည်ဖြစ်ပါသည်။ယခုလေ့ကျင့်မှုသည် မြောက်ကိုရီးယားကဲ့သို့သောနိုင်ငံ၏ ခြိမ်းခြောက်မှုများကို တုံ့ပြန်ရာတွင် အသင့်ဖြစ်စေရန်အတွက် ရည်ရွယ်လုပ်ဆောင်ခြင်းဖြစ်ကြောင်း တောင်ကိုရီးယားစစ်ဘက်က ပြောကြားခဲ့ပါသည်။နှစ်စဉ်ကျင်းပသည့် နှစ်နိုင်ငံပူးတွဲစစ်ရေးလေ့ကျင့်မှုအား “ကျူးကျော်ရန်အစပျိုးခြင်း” ဟု မြောက်ကိုရီးယားက အမည်တပ်ပြီး လေ့ကျင့်မှုမလုပ်ဆောင်ရန် ပြောဆိုမြဲပင်ဖြစ်သည်။“အမေရိကန်-တောင်ကိုရီးယားပူးတွဲစစ်ရေးလေ့ကျင့်မှုသည် ကိုရီးယားကျွန်းဆွယ်၌ စိုးရိမ်ဖွယ်ရာ အခြေအနေကို ဖြစ်စေနိုင်သော အန္တရာယ်ရှိသည့် ကျူးကျော်ရန်စမှုတစ်ရပ်ပင်ဖြစ်ကြောင်း၊ ယင်းလုပ်ရပ်သည်မတော်တဆမှု တစ်ခုမှတစ်ဆင့် ကိုရီးယားနှစ်နိုင်ငံအကြား ပဋိပက္ခကိုအမှန်တကယ်ဖြစ်စေမည့် မီးစတစ်ခုဖြစ်လာနိုင်ကြောင်းနှင့် ယခုကဲ့သို့စစ်ရေးလေ့ကျင့်ခြင်းကြောင့် အမေရိကန်၏လုံခြုံမှုကို ထိခိုက်စေနိုင်ကြောင်း” မြောက်ကိုရီးယား နိုင်ငံခြားရေးဝန်ကြီးဌာနက ထပ်လောင်းပြောကြားခဲ့ပါသည်။ကိုးကား- NHK Worldအလွတ်သဘောဘာသာပြန်သူ-ဦးထက်ထက်အောင်(နစက-၄)
အမေရိကန်အပေါ် အမှီသဟဲပြုမည့်အစား ကိုယ်ပိုင် ကာကွယ်ရေး ယူနီယံ ထူထောင်ရေး အီးယူက ကြိုးပမ်းသင့်သည်ဟု  ဥရောပကော်မရှင် အကြီးအကဲပြော
အမေရိကန်အပေါ် အမှီသဟဲပြုမည့်အစား ကိုယ်ပိုင် ကာကွယ်ရေး ယူနီယံ ထူထောင်ရေး အီးယူက ကြိုးပမ်းသင့်သည်ဟု  ဥရောပကော်မရှင် အကြီးအကဲပြော
အမေရိကန်ပြည်ထောင်စုအပေါ် ဆက်လက် အမှီသဟဲပြုမည့်အစား ကိုယ်ပိုင်ကာကွယ်ရေး ယူနီယံတစ်ရပ်ထူထောင်နိုင်ရေးအတွက်   ကြိုးပမ်းသင့်သည်ဟု ဥရောပကော်မရှင် အကြီးအကဲ အူဆူလာ ဗွန်ဒါလေယန်က ပြောကြားလိုက်ကြောင်း သိရသည်။အီးယူအဖွဲ့သည် လက်ရှိတွင် ခက်ခဲသည့် ပထဝီနိုင်ငံရေး ပြိုင်ဆိုင်မှုများ ဖြစ်ပေါ်နေသည့် ကာလအတွင်းသို့ ဝင်ရောက်လာပြီဖြစ်ပြီး အကာအကွယ်ပေးမည် ဟူသော ကတိကဝတ်များသည် ယခုအခါ သံသယ ဖြစ်စရာအခြေအနေသို့ ရောက်ရှိလာပြီဖြစ်ကြောင်း ဗွန်ဒါလေယန်က ဘရပ်ဆဲမြို့၌ မတ်လ ၉ ရက်တွင်ကျင်းပသည့် သတင်းစာ ရှင်းလင်းပွဲတစ်ခု၌ ပြောကြားသည်။ထို့ကြောင့် အီးယူအဖွဲ့အနေဖြင့် မိမိတို့၏ ကိုယ်ပိုင်ကာကွယ်ရေး ယူနီယံတစ်ရပ် ထူထောင်နိုင်ရေး အခြေခံအုတ်မြစ်အဖြစ် ယူရို ၈၀၀ ဘီလီယံ (ဒေါ်လာ ၈၆၈ ဘီလီယံ)  မတည်မည့်အစီအစဉ်ကို ၎င်းကထုတ်ဖော် ပြောကြားခဲ့ကြောင်း သိရသည်။ ထို့ပြင် ဗြိတိန်၊   နော်ဝေနှင့်  ကနေဒါကဲ့သို့သော စိတ်တူသဘောတူ နိုင်ငံများနှင့်လည်း အီးယူအဖွဲ့က ပူးပေါင်းဆောင်ရွက် သွားမည်ဖြစ်ကြောင်း သိရသည်။ဥရောပကော်မရှင်အဖွဲ့သည်    အီးယူအပေါ် ကျရောက်လာနိုင်သည့် ခြိမ်းခြောက်မှုဆိုင်ရာ စိတ်မှန်းအခြေအနေများကို ခွဲခြမ်းစိတ်ဖြာထားသည့် စာတမ်းတစ်စောင်ကို မကြာမီ ထုတ်ပြန်သွားမည်ဖြစ်ပြီး ယင်းခြိမ်းခြောက်မှုများကို ရင်ဆိုင်ဖြေရှင်းနိုင်မည့် နည်းလမ်းများကိုလည်း အဆိုပြုသွားရန် စီစဉ်ထားကြောင်း သိရသည်။Source: https://myawady.net.mm/ 
မြောက်ကိုရီးယား၏ ပထမဆုံး နျူကလီးယားစွမ်းအင်သုံး ရေငုပ်သင်္ဘောကို ကင်ဂျုံအန်း မိတ်ဆက်
မြောက်ကိုရီးယား၏ ပထမဆုံး နျူကလီးယားစွမ်းအင်သုံး ရေငုပ်သင်္ဘောကို ကင်ဂျုံအန်း မိတ်ဆက်
မြောက်ကိုရီးယားနိုင်ငံ၏ ပထမဆုံး နျူကလီးယားစွမ်းအင်သုံး ရေငုပ်သင်္ဘောကို မြောက်ကိုရီးယားခေါင်းဆောင် ကင်ဂျုံအန်းက မိတ်ဆက် ပြသလိုက်ကြောင်း နိုင်ငံပိုင်သတင်းမီဒီယာမှ မတ်လ ၈ ရက်နေ့(စနေနေ့)တွင် သတင်း ထုတ်ပြန်ခဲ့ပါသည်။ ကင်ဂျုံအန်းအနေဖြင့် အဆိုပါရေငုပ်သင်္ဘော တည်ဆောက်မှုလုပ်ငန်းစဉ်အကြောင်းကို အသေးစိတ်ရှင်းလင်းပြောကြားခဲ့သော်လည်း တည်ဆောက် ခဲ့သည့်နေရာနှင့် နည်းပညာဆိုင်ရာအချက်အလက်များကို အသေးစိတ် ပြောကြားခဲ့ခြင်း မရှိပါ။ Nuclear Threat Initiative ၏ အချက်အလက်များအရ မြောက်ကိုရီးယားသည် ကမ္ဘာ့အကြီးဆုံး ရေငုပ်သင်္ဘောတပ်ဖွဲ့များမှ တစ်ခုဖြစ်ပြီး ပျမ်းမျှ အစီး ၇၀ မှ ၉၀ အထိ ပိုင်ဆိုင်ထားပါသည်။ သို့ရာတွင် စစ်ရေးကျွမ်းကျင်သူများက မြောက်ကိုရီးယား၏ ရေငုပ်သင်္ဘောအများစုသည် ခေတ်မမီတော့ကြောင်း၊ စစ်ဆင်ရေးများတွင် ထိထိရောက်ရောက် အသုံးပြုနိုင်ခြင်း မရှိခြင်း ၊ ဒုံးကျည်များ ပစ်လွှတ်ရာတွင် တိကျစွာ အသုံးပြုနိုင်စွမ်းမရှိကြောင်း သုံးသပ်ထားကြပါသည်။ ကိုးကား- RTဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃
နောင်ချိုမြို့နယ်၊ တောင်ခမ်းစစ်မြေပြင်မှ အောင်ပွဲဖြင့် ပြန်လည် ရောက်ရှိလာသော တပ်မတော်သားများအား ဂုဏ်ပြုကြိုဆို
နောင်ချိုမြို့နယ်၊ တောင်ခမ်းစစ်မြေပြင်မှ အောင်ပွဲဖြင့် ပြန်လည် ရောက်ရှိလာသော တပ်မတော်သားများအား ဂုဏ်ပြုကြိုဆို
နောင်ချိုမြို့နယ်၊ တောင်ခမ်းဒေသမှ TNLA, PDF အကြမ်းဖက် အဖွဲ့များက ဒေသတည်ငြိမ်အေးချမ်းမှု ပျက်ပြားစေရန် အကြမ်းဖက်လုပ်ရပ်များ စဉ်ဆက်မပြတ် ကျူးလွန်နေသည့်အတွက် တပ်မတော်သား များက နှိမ်နင်းဆောင်ရွက်ခဲ့ရသည်။အကြမ်းဖက်သမား၏ လုပ်ရပ်ကြောင့် ဒေသခံပြည်သူများ အတိဒုက္ခရောက် ခဲ့ရပြီး ပြောင်းရွှေ့နေထိုင်ခဲ့ကြရသူများလည်း ရှိသည်။တောင်ခမ်းစစ်မြေပြင်တွင် တပ်မတော်သားများအနေဖြင့် TNLA, PDF အကြမ်းဖက်အဖွဲ့များကို ပြင်းပြင်းထန်ထန် နှိမ်နင်းဆောင်ရွက်ခဲ့ရသည်။အကြမ်းဖက် TNLA, PDF အဖွဲ့များ၏ ဆင်ခြင်ဉာဏ်မဲ့စွာ လုပ်ဆောင်မှု များကြောင့် ဒေသခံများ၏ လူမှုဘဝအလုံးစုံပျက်စီးခဲ့ရကာ နိုင်ငံတော်၏ ဘဏ္ဍာငွေ အရင်းမြစ်များဖြင့် တည်ဆောက်ထားခဲ့သော နိုင်ငံပိုင် အဆောက်အဦများ၊ လမ်းတံတားများလည်း ပျက်စီးခဲ့ရသည်။တပ်မတော်အနေဖြင့် အကြမ်းဖက်မှုများအား အစွမ်းကုန် တိုက်ထုတ်သွားမည်ဖြစ်ကြောင်း သိရှိရပါသည်။ကိုးကား-Myanmar National Post
ကရင်မလင်က ဆီးရီးယားရှိ အကြမ်းဖက်မှုများကို ထိန်းချုပ်ရန် အမြန်ဆုံးလုပ်ဆောင်ရေး တောင်းဆို
ကရင်မလင်က ဆီးရီးယားရှိ အကြမ်းဖက်မှုများကို ထိန်းချုပ်ရန် အမြန်ဆုံးလုပ်ဆောင်ရေး တောင်းဆို
ဆီးရီးယား၌ မြင့်တက်လာနေသည့် အကြမ်းဖက်မှုဖြစ်စဉ်များအပေါ် နိုင်ငံတကာမှ အမြန်ဆုံးဝင်ရောက်ဖြေရှင်းရန် လိုအပ်နေကြောင်း ကရင်မလင် ပြောရေးဆိုခွင့်ရှိသူ Dmitry Peskov က မတ်လ ၁၀ ရက်(တနင်္လာ)နေ့တွင် ပြောကြားခဲ့သည်။ သတင်းများအရ လာတာ ကီးယား (Latakia) နှင့် တာတူးစ် (Tartus) မြို့များတွင် သုံးရက်အတွင်း လူပေါင်း ၁,၃၀၀ ခန့် သေဆုံးခဲ့ပြီး ၎င်းတို့ထဲတွင် ပြည်သူ ၈၀၀ ကျော် ပါဝင်ကြောင်း သိရသည်။ရုရှားနှင့် အမေရိကန်တို့က ကုလသမဂ္ဂလုံခြုံရေးကောင်စီ၏ အရေးပေါ် အစည်းအဝေးတစ်ရပ်ခေါ်ယူရန် တောင်းဆိုခဲ့ပြီး အကြမ်းဖက်မှုများကို ဆွေးနွေးရန်ဖြစ်သည်။ဆီးရီးယားအစိုးရသစ်၏မဟာမိတ် လက်နက်ကိုင်အဖွဲ့များ၏ တိုက်ခိုက်မှုများကို ရင်ဆိုင်နေရသည့် အချို့သောပြည်သူများသည် ရုရှားစစ်စခန်းအတွင်း ခိုလှုံနေကြသည်ဟု ဆိုသည့် အချက်အလက် များနှင့် ပတ်သက်၍ ရုရှားအရာရှိက မှတ်ချက်ပြုရန် ငြင်းဆိုခဲ့သည်။ဆီးရီးယားအစိုးရသည် ၂၀၂၄ နှစ်ကုန်ပိုင်းတွင် ဖြုတ်ချခံခဲ့ရပြီး ထိုစဉ်က သမ္မတ Bashar Assad ကို ဆန့်ကျင်သည့် လက်နက်ကိုင်တပ်ဖွဲ့များက ဒမားစကတ်ကို ထိန်းချုပ်ခဲ့သည်။ အာဆာ့ဒ်မိသားစုသည် အစ္စလာမ် ဘာသာ၏ အလာဝီဂိုဏ်းဝင်ဖြစ်ပြီး အုပ်ချုပ်သူအသစ်ခေါင်းဆောင် Ahmed al-Sharaa ကို ထောက်ခံသည့် အစွန်းရောက် အစ္စလာမ် ဘာသာဝင်များက အလာဝီများနေထိုင်ရာဒေသရှိ ပြည်သူများကို အကြမ်းဖက်မှုများ ကျူးလွန်နေကြကြောင်း သိရှိရပါသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.