ယူကရိန်း၏ နေတိုးအိပ်မက် စွန့်လွှတ်ရန် ထရမ့်ပြော

saceditor

News Image

  • ယူကရိန်း၏ နေတိုးအိပ်မက် စွန့်လွှတ်ရန် ထရမ့်ပြော

ယူကရိန်-ရုရှား စစ်ပွဲဖြစ်ပွားရသည့် အဓိကအကြောင်းအရင်းသည် ယူကရိန်းအနေဖြင့် မြောက်အတ္တလန် တစ်စာချုပ်အဖွဲ့ NATO သို့ဝင်ရန် လုပ်ဆောင်ခဲ့သည့် အတွက်ကြောင့်ဖြစ်ပြီး စစ်ပွဲကိုရပ်တန့်ရန်အတွက် တစ်ခုတည်းသော လုပ်ဆောင်ရမည့်အချက်သည် ယူကရိန်းအနေဖြင့် နေတိုးအဖွဲ့သို့ဝင်မည်ဆိုသည့် အိပ်မက်ကို ဆက်မမက်ရန် လိုအပ်မည်ဟု အမေရိကန်သမ္မတ ဒေါ်နယ်ထရမ့်က ပြောကြားခဲ့သည်။ 

ယူကရိန်း နေတိုးအဖွဲ့သို့ဝင်လိုက်ခြင်းသည် ရုရှား၏ အနောက်တံခါး ခြိမ်းခြောက်မှု ကြီးမားစွာ ဖြစ်လာနိုင်ခြင်းဖြစ်၍ အမေရိကန် ဦးဆောင်သည့် နေတိုးအဖွဲ့သို့ ယူကရိန်းဝင်ရောက်မည့်အရေးကို ရုရှားက အစဉ်တစိုက် ကန့်ကွက်ခဲ့ခြင်းဖြစ်သည်။ ယူကရိန်းပဋိပက္ခနှင့်ပတ်သက်၍ ထရမ့်က ယခင်သမ္မတ ဘိုင်ဒန်၏ ထောက်ခံလုပ်ဆောင်ခဲ့မှုများကို အမြဲအပြစ်တင်ခဲ့ပြီး လက်ရှိ ၎င်း၏လက်ထက်တွင် မည်သည့်အခါမျှ အဖြစ်ခံမည် မဟုတ်ဟုလည်းဆိုသည်။ လွန်ခဲ့သော သီတင်းပတ်တွင် ရုရှားသမ္မတ ဗလာဒီမာပူတင်နှင့် ကြာရှည်စွာ ဖုန်းပြောဆိုပြီးနောက် ထရမ့်က ဖေဖော်ဝါရီ ၂၆ ရက်နေ့ အိမ်ဖြူတော်၌ ပြုလုပ်သော သတင်းစာရှင်းလင်းပွဲတွင် အဆိုပါ ကိစ္စရပ်ကို ထပ်လောင်းပြောကြားခဲ့ပါသည်။ 

ကိုးကား-Myanmar National Post

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အမေရိကန်သမ္မတ၏ VOA သတင်းဌာနပိတ်သိမ်းခြင်းကို ကမ္ဘောဒီးယား ကြိုဆို
အမေရိကန်သမ္မတ၏ VOA သတင်းဌာနပိတ်သိမ်းခြင်းကို ကမ္ဘောဒီးယား ကြိုဆို
ကမ္ဘောဒီးယား အထက်လွှတ်တော်ဥက္ကဋ္ဌနှင့် ၀န်ကြီးချုပ်ဟောင်း Hun Sen က အမေရိကန်အသံ (VOA) သတင်းဌာနနှင့် လွတ်လပ်သော အာရှအသံ (RFA) သတင်းဌာနများကို ဖျက်သိမ်းရန် အမေရိကန်သမ္မတ Donald Trump ၏ ဆုံးဖြတ်ချက်ကို ကြိုဆိုလိုက်ပါသည်။ အဆိုပါသတင်းဌာနများသည် ဖယ်ဒရယ်အစိုးရရန်ပုံငွေနှင့် နိုင်ငံတကာသတင်းများကို ဖြန့်ဝေနေသည် အမေရိကန် သတင်းဌာနများ ဖြစ်သည်။Hun Sen က “သတင်းတုများကို တိုက်ဖျက်ရာတွင် ကမ္ဘာကို ဦးဆောင်နိုင်သည့်သတ္တိအတွက် သမ္မတ Donald Trump ကို အထူးကျေးဇူးတင်သင့်သည်” ဟု ၎င်း၏ Facebook စာမျက်နှာတွင် ရေးသားခဲ့ပါသည်။အဆိုပါသတင်းဌာန ၂ ခု၏ ပင်မအေဂျင်စီ အစိတ်အပိုင်းများနှင့် လုပ်ဆောင်ချက်များကို လျှော့ချရန်သမ္မတအမိန့်ကို Trump က လက်မှတ်ရေးထိုးထုတ်ပြန်ခဲ့ပါသည်။အဆိုပါသမ္မတအမိန့်ကို တုံ့ပြန်သည့်အနေဖြင့် VOA ဒါရိုက်တာ Michael Abramowitz က ထိုစီမံချက်သည် လုံခြုံပြီးလွတ်လပ်သည့် ကမ္ဘာကို ဖန်တီးရန် လုပ်ဆောင်နေသည့် အေဂျင်စီ၏ စွမ်းရည်ကို အကြီးအကျယ် ထိခိုက်စေသည်ဟု ဝေဖန်ခဲ့ပါသည်။ကမ္ဘောဒီးယားအစိုးရသည် ၎င်းနိုင်ငံ၏အကျိုုးကိုထိခိုက်စေနိုင်သည့် အခြေအမြစ်မရှိသော သတင်းမှားများ ထိန်းချုပ်နိုင်ရေးဆောင်ရွက်လျက်ရှိပြီး အမေရိကန်၏ ယခုလုပ်ဆောင်မှုကြောင့် ကမ္ဘောဒီးယားနိုင်ငံတွင်သာမက အခြားနိုင်ငံများအတွက်ပါ လွန်စွာကောင်းမွန်သော လုပ်ဆောင်ချက်ဖြစ်ကြောင်း ဒေသတွင်းနိုင်ငံများက ထောက်ခံကြိုဆိုခဲ့ကြသည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
EU ထိပ်တန်းသံတမန် Kallas သည် စပိန်ဝန်ကြီးချုပ်၏ အကြံပြုချက်အပေါ် အမျက်ဒေါသဖြစ်ဟုဆို
EU ထိပ်တန်းသံတမန် Kallas သည် စပိန်ဝန်ကြီးချုပ်၏ အကြံပြုချက်အပေါ် အမျက်ဒေါသဖြစ်ဟုဆို
အီးယူ၏ ထိပ်တန်းသံတမန် Kaja Kallas သည် ယူကရိန်း ငြိမ်းချမ်းရေး သဘောတူညီချက်အတွက် ညှိနှိုင်းဆွေးနွေးနိုင်ရေး အထူးကိုယ်စားလှယ် တစ်ဦးခန့်အပ်ရန် စပိန်၏အဆိုပြုချက်ကို အမျက်ဒေါသထွက်ကာ ပယ်ချလိုက်ကြောင်း အီးယူတာဝန်ရှိသူများ၏ ပြောကြားချက်ကို ကိုးကား၍ သတင်းဌာနများစွာက ဖော်ပြခဲ့သည်။မတ်လ ၂၀ ရက်နေ့က ဘရပ်ဆဲလ်မြို့၌ ကျင်းပသော ထိပ်သီးအစည်းအဝေး တစ်ခုအတွင်း စပိန်ဝန်ကြီးချုပ် Pedro Sanchez က ယခင်က ဖင်လန် နှင့်ခရိုအေးရှားတို့က ထောက်ခံခဲ့သော ယူကရိန်းကိုယ်စားလှယ်တစ်ဦး ကို ခန့်အပ်ရန် အကြံပြုခဲ့သည်။“အီးယူ၏ညှိနှိုင်းဆွေးနွေးရေးအဖွဲ့နှင့် ဆွေးနွေးနိုင်ရန်အတွက် ကိုယ်စားလှယ်တစ်ဦးလိုအပ်သည်” ဟု Sanchez က သတင်းထောက်များအား ပြောကြားခဲ့သည်။ဝန်ကြီးချုပ်၏ မှတ်ချက်များက Kallas ကို အမျက်ဒေါသဖြစ်စေခဲ့ပြီး ရုရှား-ယူကရိန်း ပဋိပက္ခရပ်စဲရေးအတွက် အီးယူကိုယ်စား ဆွေးနွေးညှိနှိုင်းရန် သူမသည်သာ သင့်လျော်သောသူဖြစ်ပြီး ကိုယ်စားလှယ်တစ်ဦး ထပ်မံခန့်အပ်ရန် မလိုအပ်ကြောင်း ပြောဆိုခဲ့သည်ဟု Euractiv နှင့် Politico Europe သတင်းဌာနတို့က အီးယူတာဝန်ရှိသူတစ်ဦး၏ ပြောဆိုချက်ကို ကိုးကား၍ဖော်ပြခဲ့ပါသည်။အမေရိကန်သမ္မတ ဒေါ်နယ်ထရမ့်က ရုရှား-ယူကရိန်းငြိမ်းချမ်းရေးသဘောတူညီချက်များအတွက် ရုရှားနှင့်ယူကရိန်းတို့နှင့် တိုက်ရိုက် ညှိနှိုင်းဆွေးနွေးမှုများလုပ်ဆောင်နေခြင်းသည် အီးယူ၏အခန်းကဏ္ဍကို မှေးမှိန်စေသည်ဟု အီယူတာဝန်ရှိသူများက သုံးသပ်လျက်ရှိသည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
ယူကရိန်းငြိမ်းချမ်းရေး အတွက် အမေရိကန်နှင့် ရုရှားတို့၏ စေ့စပ်ဆွေးနွေးမှုများကို ဆော်ဒီအာရေဗျတွင် ထပ်မံကျင်းပမည်
ယူကရိန်းငြိမ်းချမ်းရေး အတွက် အမေရိကန်နှင့် ရုရှားတို့၏ စေ့စပ်ဆွေးနွေးမှုများကို ဆော်ဒီအာရေဗျတွင် ထပ်မံကျင်းပမည်
ယူကရိန်းငြိမ်းချမ်းရေးနှင့် စပ်လျဉ်း၍ ဖြေရှင်းနိုင်ရန်အတွက် အမေရိကန်နှင့် ရုရှားနိုင်ငံတို့ကြား စေ့စပ်ဆွေးနွေးမှုများကို မတ်လ ၂၃ ရက်တွင် ဆော်ဒီအာရေဗျနိုင်ငံ၌ ထပ်မံ ကျင်းပမည်ဖြစ်ကြောင်း အမေရိကန် သံတမန်တစ်ဦးဖြစ်သူ စတိဝှစ်ကော့က ပြောသည်။ဆော်ဒီအာရေဗျနိုင်ငံ ဂျက်ဒါမြို့၌ ထပ်မံကျင်းပမည့် ဆွေးနွေးပွဲသို့ အမေရိကန် အမျိုးသားလုံခြုံရေး အကြံပေး မိုက်ဝေါ့၊ နိုင်ငံခြားရေးဝန်ကြီး  မားကို့ရူဘီယိုတို့ တက်ရောက်မည်ဖြစ်ပြီး ယူကရိန်းနှင့်ရုရှားတို့ကြား အပစ်အခတ်ရပ်စဲရေးနှင့် စပ်လျဉ်း၍ အသေးစိတ် အချက်အလက်များကို အပြီးသတ် ဆွေးနွေးမည်ဖြစ်ကြောင်း အမေရိကန်သမ္မတ   ဒေါ်နယ်ထရမ့်၏ အထူးသံတမန်ဝှစ်ကော့က Fox သတင်းဌာနနှင့် ပြုလုပ်သည့် တွေ့ဆုံမေးမြန်းခန်း၌ ပြောကြားခြင်းဖြစ်သည်။အမေရိကန်နှင့်  ရုရှားနိုင်ငံတို့သည် ပြီးခဲ့သည့်လအတွင်းကလည်း  ဆော်ဒီအာရေဗျနှင့် တူကီယဲနိုင်ငံတို့တွင် တွေ့ဆုံဆွေးနွေးမှုများ ကျင်းပခဲ့ပြီး နှစ်နိုင်ငံစလုံးအနေဖြင့် ယူကရိန်းပဋိပက္ခကို အဆုံးသတ်ရေး၊ အမေရိကန်နှင့် ရုရှားတို့ကြား သံတမန်ရေး၊ စီးပွားရေးဆက်ဆံမှုများ တိုးတက်လာစေရေး လုပ်ဆောင်ရန် သဘောတူညီခဲ့ကြကြောင်း သိရသည်။ဒေါ်နယ်ထရမ့်၏   အထူးသံတမန် ဝှစ်ကော့သည် ယူကရိန်းအရေးနှင့် စပ်လျဉ်း၍ ရုရှားသမ္မတ ဗလာဒီမာပူတင်နှင့် နှစ်ကြိမ်တိုင်တိုင်  တွေ့ဆုံဆွေးနွေး ထားပြီးဖြစ်သည်။Source: https://myawady.net.mm/ 
ရုရှား-အမေရိကန် ကျွမ်းကျင်သူအဖွဲ့ မကြာမီ အစည်းအဝေးကျင်းပမည်
ရုရှား-အမေရိကန် ကျွမ်းကျင်သူအဖွဲ့ မကြာမီ အစည်းအဝေးကျင်းပမည်
ရုရှားနှင့်အမေရိကန်ကျွမ်းကျင်သူအဖွဲ့တို့သည် လာမည့်ရက်များအတွင်း ဆွေးနွေးပွဲကျင်းပမည်ဖြစ်ပြီး ယူကရိန်းကိစ္စ ဖြေရှင်းရေးကဏ္ဍအချို့ကို ဆွေးနွေးမည်ဖြစ်ကြောင်း ကရင်မလင်က ထုတ်ပြန်ထားပါသည်။အမေရိကန်အထူးကိုယ်စားလှယ် စတိဝစ်ကော့ကလည်း အဆိုပါ ဆွေးနွေးပွဲကို အတည်ပြုပြောကြားထားပြီး ဆော်ဒီနိုင်ငံ ဂျပ်ဒါမြို့တွင် ကျင်းပရန် စီစဉ်ထားကြောင်း၊ ထိုဆွေးနွေးပွဲတွင် နှစ်ဖက်ခေါင်းဆောင်များ၏ ဆွေးနွေးမှုများအရ ပင်လယ်နက်ကိစ္စ ပြန်လည်စတင်ဆွေးနွေးမည်ဖြစ်ပြီး စွမ်းအင်အခြေခံအဆောက်အအုံများကို ရုရှားနှင့် ယူကရိန်းတို့ အပြန်အလှန်တိုက်ခိုက်မှုများ ရပ်ဆိုင်းရေးအတွက် စေ့စပ်ညှိနှိုင်းကြမည်ဖြစ်ကြောင်းပြောကြားထားပါသည်။ကိုးကား- TASS ဘာသာပြန်ဆိုသူ-ဦးကျော်ဇေယျ၊ဒုတိယညွှန်ကြားရေးမှူး၊နစက-၃ 
အီလွန်မက်က ဆန့်ကျင်ဘက် လက်ဝဲယိမ်းအစွန်းရောက်များက ၎င်းကို လုပ်ကြံရန်စီစဉ်နေဟုပြော
အီလွန်မက်က ဆန့်ကျင်ဘက် လက်ဝဲယိမ်းအစွန်းရောက်များက ၎င်းကို လုပ်ကြံရန်စီစဉ်နေဟုပြော
အမေရိကန်သမ္မတအဖြစ် ဒေါ်နယ်ထရမ့် ဒုတိယအကြိမ် တာဝန်ယူခဲ့သည့် အစိုးရအဖွဲ့တွင် အီလွန်မက် ဦးဆောင်သော DOGE က ဖက်ဒရယ် ရန်ပုံငွေသုံးစွဲမှုများနှင့်ပတ်သက်၍ စိစစ်လျှော့ချမှုများ ဆောင်ရွက်လျက် ရှိပြီး အမေရိကန်ပြည်သူများ၏ အခွန်ငွေများအပေါ် မလိုလားအပ်သော အဂတိမကင်းသည့် လုပ်ဆောင်ခဲ့မှုများ တွေ့ရှိခဲ့မှုနှင့်ပတ်သက်၍ ထုတ်ပြန်ခဲ့မှုများအပေါ် မကျေနပ်သူများက မက်ကို လုပ်ကြံရန် စီစဉ်နေ ကြသည်ဟု မက် ကပြောကြားခဲ့သည်။ဖက်ဒရယ်ရန်ပုံငွေသုံးစွဲမှုများကို စစ်ဆေးတွေ့ရှိချက်များအရ ယခင် အစိုးရ၏အတားအဆီးမဲ့သုံးစွဲမှုများအပေါ် DOGE က စစ်ဆေးထုတ်ပြန်ထားရှိခဲ့ပြီး မလိုလားအပ်သည့် ဝန်ထမ်းအင်အား ပိုလျှံနေမှုများကိုလည်း လျှော့ချမှုများ ဆောင်ရွက်လျက်ရှိသည်။သို့သော် ပြိုင်ဘက်ဒီမိုကရက်တို့က Trump အစိုးရအဖွဲ့၏ MAGA မူဝါဒ အရ ဆောင်ရွက်နေခြင်းကို ဝေဖန်တိုက်ခိုက်မှုများပြုလုပ်ခဲ့ပြီး DOGE ဦးဆောင်သူ မက်၏ ကိုယ်ပိုင်စီးပွားရေးလုပ်ငန်းများနှင့် ဆက်စပ်နေသည့် အရာများကို ဖျက်စီးခြင်းများ လုပ်ဆောင်ခဲ့ကြသည်။ယခုတွင်ဆန့်ကျင်ဘက်လက်ဝဲယိမ်းအစွန်းရောက်တို့က ၎င်းတို့၏ အယူအဆနှင့် ဆန့်ကျင်သည့်လုပ်ဆောင်မှုများကို အကောင်အထည်ဖော် ဆောင်ရွက်နေသည့် အီလွန်မက်ကို လုပ်ကြံရန်စီစဉ်နေမှုကို မက်က ထုတ်ဖော်ပြောဆိုခဲ့ခြင်းဖြစ်သည်။ကိုးကား-RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
အမေရိကန်-ရုရှား သဘောတူညီချက်နှင့်အညီ ရုရှားနှင့်ယူကရိန်းတို့ စစ်သုံ့ပန်းများလဲလှယ်ခဲ့
အမေရိကန်-ရုရှား သဘောတူညီချက်နှင့်အညီ ရုရှားနှင့်ယူကရိန်းတို့ စစ်သုံ့ပန်းများလဲလှယ်ခဲ့
ရုရှားသမ္မတ Vladimir Putin နှင့် အမေရိကန်သမ္မတ Donald Trump တို့အကြား သဘောတူညီချက်အရ ရုရှားနှင့်ယူကရိန်းတို့သည် စစ်သုံ့ပန်း အရေအတွက် ရာနှင့်ချီကာ အပြန်အလှန် လဲလှယ်ခဲ့ကြသည်။ရုရှားသည် ယူကရိန်းစစ်သုံ့ပန်း ၁၇၅ ဦးနှင့် အရေးပေါ်ဆေးကုသရန် လိုအပ်နေသော ပြင်းထန်ဒဏ်ရာရရှိထားသူ စစ်သည် ၂၂ ဦးကို လွှဲပြောင်းပေးခဲ့သည်ဟု ရုရှား ကာကွယ်ရေးဝန်ကြီးဌာနက မတ်လ ၁၉ ရက်နေ့၌ ပြောကြားခဲ့သည်။အပြန်အလှန်အားဖြင့် ရုရှားစစ်မှုထမ်း ၁၇၅ ဦးကို ယူကရိန်းက ပြန်လည် လွှဲပြောင်းပေးခဲ့ကြောင်း အဆိုပါဝန်ကြီးဌာနက ပြောသည်။Putin နှင့် Trump တို့ မတ်လ ၁၈ ရက်နေ့ တယ်လီဖုန်းဆက်သွယ်ဆွေးနွေးမှု၌ အဆိုပါလဲလှယ်မှုများအတွက် ဆွေးနွေးကာ သဘောတူညီခဲ့ကြခြင်း ဖြစ်သည်။ယူကရိန်းခေါင်းဆောင် ဇီလန်စကီးကလည်း ယင်းကဲ့သို့လဲလှယ်မှုကို ထောက်ခံအတည်ပြုခဲ့ကာ အပြန်အလှန်လဲလှယ်မှုများ ဆောင်ရွက်နိုင်ခဲ့ခြင်းဖြစ်သည်။ကိုးကား-NHK Worldဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂
© Copyright 2024 SAC All Rights Reserved.