ပြင်သစ်သမ္မတ Emmanuel Macron ၏ ပြောကြားချက်အပေါ် ကရင်မလင် တုန့်ပြန်

saceditor

News Image

  • ပြင်သစ်သမ္မတ Emmanuel Macron ၏ ပြောကြားချက်အပေါ် ကရင်မလင် တုန့်ပြန်

ပြင်သစ်သမ္မတ Emmanuel Macron က မတ်လ ၅ ရက်နေ့တွင် EU အဆင့်မြင့်ပုဂ္ဂိုလ်များအရေးပေါ်အစည်းအဝေး၌ ပြောကြားခဲ့သော မိန့်ခွန်းတွင် မော်စကိုသည် EU အတွက် ကြီးမားသည့်ခြိမ်းခြောက်မှုကို လုပ်ဆောင် နေသည်ဟု စွပ်စွဲပြောဆိုခဲ့ပြီး ယင်းကဲ့သို့ ခြိမ်းခြောက်မှုမှ တုန့်ပြန် ကာကွယ်နိုင်ရန် ကာကွယ်ရေးအသုံးစရိတ် သိသိသာသာ တိုးမြှင့်ရန် တောင်းဆိုခဲ့သည်။

ပဋိပက္ခညှိနှိုင်းမှုများပြီးဆုံးပါက ယူကရိန်းသို့ ပြင်သစ်တပ်ဖွဲ့ဝင်များ စေလွှတ်ရန် အသင့်ရှိကြောင်းလည်း ၎င်းကပြောကြားခဲ့သည်။

ကရင်မလင်ပြောရေးဆိုခွင့်ရှိသူ ပက်စ်ကော့ဗ်က Macron သည် ငြိမ်းချမ်းရေး ဆွေးနွေးပွဲများဆီသို့ ဦးတည်စေမည့် သတင်းစကားများကို ပြောဆိုလိုခြင်းမရှိပဲ စစ်ပွဲများဆက်လက်ဖြစ်ပွားရေးဆီသို့ ရှေ့ရှုစေရေး လိုလားသည့်ပြောဆိုမှုများကို ပြောဆိုလုပ်ဆောင်နေသည်ဟုဆိုသည်။

မော်စကိုက ပဋိပက္ခပြီးဆုံးရေးနှင့်ပတ်သက်သည့် ဖြစ်သင့်ဖြစ်ထိုက်သော အကြံပြုတိုက်တွန်းချက်သဘောထားများကို အကြိမ်ကြိမ် ဖော်ပြခဲ့သော်လည်း EU သည် လိုရာဆွဲ၍ ငြိမ်းချမ်းရေးလမ်းစဉ်ကို သွေဖည် စေရန် ဦးတည်လုပ်ဆောင်နေကြောင်း ပက်စ်ကော့ဗ်က ဆိုသည်။

ပဋိပက္ခကို စတင်စေသူသည် မည်သူဖြစ်သည်ကို ထင်ရှားစွာ သိနေနိုင် သော်လည်း EU ၏ သမားရိုးကျ ဇာတ်ညွှန်းများအတိုင်း ပုံဖော်ဝါဒဖြန့်ကာ မော်စကိုက ကိယက်ဗ်ကို သိမ်းပိုက်လိုခြင်းနှင့် EU ကို ခြိမ်းခြောက် နေသည်ဟူသော ၎င်း၏ပြောကြားချက်ကို ကန့်ကွက်ကြောင်းနှင့် Macron သည် ပဋိပက္ခအားမပြီးဆုံးစေရန် အလိုရှိနေသူဖြစ်သည် ဟု ပက်စကော့ဗ်က ဆိုသည်။

ကိုးကား-RT

ဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊နစက-၂

MM-News-Category
နိုင်ငံရေးကဏ္ဍသတင်းများ
နိုင်ငံရေး-နိုင်ငံတကာသတင်း

ဆက်စပ်သတင်းများ

အိန္ဒိယ-ပါကစ္စတန် အခြေအနေကို စေ့စပ်ညှိနှိုင်းပေးလိုကြောင်း ကုလသမဂ္ဂ အထွေထွေအတွင်းရေးမှူးချုပ် ပြောကြား
အိန္ဒိယ-ပါကစ္စတန် အခြေအနေကို စေ့စပ်ညှိနှိုင်းပေးလိုကြောင်း ကုလသမဂ္ဂ အထွေထွေအတွင်းရေးမှူးချုပ် ပြောကြား
ကုလသမဂ္ဂအထွေထွေအတွင်းရေးမှူးချုပ် ဂူတာရက်စ်က ၎င်းအနေဖြင့် နှစ်နိုင်ငံအစိုးရအတွက် စေ့စပ် ညှိနှိုင်းမှုများပံ့ပိုးပေးကာ ငြိမ်းချမ်းရေးမြှင့်တင်သွားလိုကြောင်း မေ ၅ ရက်တွင် အိန္ဒိယနှင့် ပါကစ္စတန် လက်ရှိ အခြေအနေတင်းမာမှုများနှင့်စပ်လျဉ်း၍ ပြောကြားခဲ့သည်။အိန္ဒိယနှင့်ပါကစ္စတန်အကြား အခြေအနေတင်းမာမှုများသည် နှစ်ပေါင်းများစွာတွင် “အမြင့်ဆုံး” သို့ ရောက်ရှိနေကြောင်း၊ ထို့အပေါ် ၎င်းအနေဖြင့် နက်နက်ရှိုင်းရှိုင်း ကြေကွဲရကြောင်း ဂူတာရက်စ်က ယင်းနေ့တွင် ကျင်းပသည့် သတင်းစာရှင်းလင်းပွဲ၌ ပြောကြားခဲ့သည်။ ဧပြီ ၂၂ ရက်က အိန္ဒိယ ထိန်းချုပ်သည့် ကက်ရှ်မီးယား ဒေသတွင် ဖြစ်ပွားသည့် အကြမ်းဖက်တိုက်ခိုက်မှုကို ၎င်းက ထပ်မံအပြင်းအထန်ပြစ်တင်ရှုတ်ချခဲ့ပြီး သေဆုံးသူများ၏ မိသားစုဝင်များအား နှစ်သိမ့်စကားပြောကြားခဲ့သည်။ အရပ်သားများအား ဦးတည်သည့် တိုက်ခိုက်ရေး လှုပ်ရှားမှုသည် လက်ခံ၍မရကြောင်း၊ ယုံကြည်ရပြီး တရားဝင်နည်းလမ်းဖြင့် အကြမ်းဖက်မှု ကျူးလွန်သူများအား တရားဥပဒေနှင့်အညီ မုချမသွေ အရေးယူသွားရမည် ဖြစ်ကြောင်း ၎င်းက အလေးထားပြောကြားခဲ့သည်။“စစ်ရေးနည်းလမ်းသည် ဖြေရှင်းသည့်နည်းလမ်းမဟုတ်” ကြောင်း၊ လက်ရှိ ယခုလို အရေးကြီးအချိန်အခါ၌ အရေးကြီးဆုံးမှာ “ထိန်းချုပ်မှုအလွယ်တကူလွတ်သွားနိုင်” သည့် စစ်ရေးထိပ်တိုက် ရင်ဆိုင်မှုကို ရှောင်ကြဉ်ရန်ဖြစ်ကြောင်း ဂူတာရက်စ်က အလေးထားပြောကြားခဲ့သည်။ အိန္ဒိယ-ပါကစ္စတန် နှစ်ဖက်အနေဖြင့် “အတတ် နိုင်ဆုံး ထိန်းထိန်းသိမ်းသိမ်း” ဆောင်ရွက်ကြရန် ၎င်းကတိုက်တွန်းခဲ့သည်။ကုလသမဂ္ဂအနေဖြင့် အခြေအနေဖြေလျှော့ခြင်း၊ သံတမန်ရေး တွန်းအားပေးခြင်းနှင့် ငြိမ်းချမ်းရေး အဆိုပြုချက်ကို တစ်ဖန်ပြန်လည်အားထုတ်ခြင်းအား အထောက်အကူဖြစ်စေသည့် မည်သည်ကိုမဆို ထောက်ခံအားပေးသွားမည်ဖြစ်ကြောင်း၊ ၎င်းအနေဖြင့် နှစ်နိုင်ငံအစိုးရအတွက် စေ့စပ်ညှိနှိုင်းမှုများ ပံ့ပိုးပေးကာ ငြိမ်းချမ်းရေးမြှင့်တင်သွားလိုကြောင်း ဂူတာရက်စ်က ပြောကြားခဲ့သည်။ဧပြီ ၂၂ ရက်တွင် အိန္ဒိယထိန်းချုပ်သည့် ကက်ရှ်မီးယားဒေသ၌ ခရီးသွားဧည်သည့်များအား ပစ်မှတ်ထားသည့် သေနတ်ပစ်ခတ်မှုဖြစ်ပွားခဲ့ရာ သေဆုံးဒဏ်ရာရမှုအများအပြား ဖြစ်ပွားခဲ့သည်။ ထို့နောက် အိန္ဒိယနှင့် ပါကစ္စတန်တို့က တင်းမာသည့်အစီအမံများဆောင်ရွက်ခဲ့ရာ အခြေအနေများ အရှိန်အဟုန် မြင့်တက်လာခဲ့သည်။ ကိုးကား- ဆင်ဟွာ
Wed, 7-မေလ-2025
ဆိုဗီယက်တို့၏ ရဲရင့်မှုက နာဇီဘေးမှ လူသားတို့အား ကယ်တင်ခဲ့
ဆိုဗီယက်တို့၏ ရဲရင့်မှုက နာဇီဘေးမှ လူသားတို့အား ကယ်တင်ခဲ့
ဆိုဗီယက်ပြည်သူတို့၏ အားထုတ်မှုနှင့် ရဲရင့်မှုတို့သည် နာဇီဝါဒမှ ဥရောပနှင့် တစ်ကမ္ဘာလုံးကို ကယ်တင်ရာတွင် အထောက်အကူပြုခဲ့ကြောင်း ဗင်နီဇွဲလားသမ္မတ Nicolas Maduro က ရုရှားသမ္မတ Vladimir Putin နှင့် မေ ၇ တွင် ကျင်းပသော ဆွေးနွေးပွဲတွင် ပြောကြားလိုက်ပါသည်။“ကြီးမြတ်သော အမိမြေကို ကာကွယ်သည့်စစ်ပွဲ (Great Patriotic War) ၏အောင်ပွဲအထိမ်းအမှတ် နှစ် ၈၀ ပြည့်နှင့်စပ်လျဉ်း၍ ဗင်နီဇွဲလား ပြည်သူတို့၌ရှိသော ချီးကျူးဂုဏ်ပြုမှုခံစားချက်ကို သင့်ထံအပ်နှင်းလိုပါသည်၊ တပ်နီတော် (Red Army) အောင်ပွဲ၏ ကြီးမြတ်သောအောင်ပွဲနှင့် ဆိုဗီယက်ပြည်သူတို့၏ စွန့်လွှတ်အနစ်နာခံမှုတို့သည် ဥရောပနှင့် လူသားမျိုးနွယ်တစ်ရပ်လုံးကို ကယ်တင်နိုင်ခဲ့ပါသည်” ဟု ၎င်းက ပြောကြားထားပါသည်။Maduro က ဆိုဗီယက်ပြည်ထောင်စု ပြည်သူတို့သည် စစ်ပွဲအဆုံးသတ်ရန် အလွန်ကြီးမားသော စွန့်လွှတ်မှုများ ပြုလုပ်ခဲ့ရသည်ဟု ဆက်လက် ပြောကြားခဲ့သည်။ထိုသို့မပြောကြားမီက ဗင်နီဇွဲလားခေါင်းဆောင်က နာဇီဂျာမနီ၏ ကျူးကျော်စစ်ကို တားဆီးခဲ့သော ဆိုဗီယက်ပြည်ထောင်စုအား ဥရောပက ကျေးဇူးတင်ရမည်ဖြစ်ကြောင်း ကြိုတင်ပြောကြားခဲ့ပါသည်။Maduro သည် မေလ ၈ ရက် (ဗုဒ္ဓဟူးနေ့) တွင် မြို့တော်မော်စကိုသို့ ရောက်ရှိခဲ့ပါသည်။ ယခုခရီးစဉ်မှာ ၎င်း၏ ရုရှားသို့ (၈) ကြိမ်မြောက် ခရီးစဉ်ဖြစ်ပါသည်။ ရုရှားသမ္မတ Vladimir Putin နှင့် ဆွေးနွေးပွဲပြီးနောက် နှစ်နိုင်ငံအကြား နိုင်ငံရေးအရ မဟာမိတ်ဖွဲ့ခြင်းနှင့် ပူးပေါင်းဆောင်ရွက်ရေး သဘောတူညီချက်ကို လက်မှတ်ရေးထိုးရန် မျှော်မှန်းထားပါသည်။ကိုးကား- TASSPhoto: China Daily HKဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 7-မေလ-2025
အိန္ဒိယ-ပါကစ္စတန် တင်းမာမှု မော်စကို လွန်စွာစိတ်ပူ
အိန္ဒိယ-ပါကစ္စတန် တင်းမာမှု မော်စကို လွန်စွာစိတ်ပူ
အိန္ဒိယ-ပါကစ္စတန် တင်းမာမှုမြင့်တက်လာမှုကို မော်စကိုက လွန်စွာ စိတ်ပူနေကြောင်း ရုရှားနိုင်ငံခြားရေးဝန်ကြီးဌာန ပြောရေးဆိုခွင့်ရှိသူ Maria Zakharova က ထုတ်ဖော်ပြောကြားလိုက်ပါသည်။ရုရှားနိုင်ငံသည် အကြမ်းဖက်မှုပုံစံအားလုံးကို ကန့်ကွက်ပြီး အပြတ်အသတ် ရှုတ်ချပါကြောင်း၊ ၎င်းကို ထိရောက်စွာတိုက်ဖျက်ရန် တစ်ကမ္ဘာလုံး ပူးပေါင်း ဆောင်ရွက်မှုလိုအပ်ကြောင်း သံတမန်က ပြောကြားခဲ့ပါသည်။“ဒေသတွင်းအခြေအနေပိုမိုဆိုးရွားမလာစေရန် သက်ဆိုင်ရာနိုင်ငံများအနေဖြင့် သည်းခံစိတ်ထားရှိရန် တိုက်တွန်းလိုပါသည်” ဟု သူမက ပြောကြားခဲ့သည်။ “၁၉၇၂ ဆင်းမလာ သဘောတူညီချက်နှင့် ၁၉၉၉ လာဟို ကြေညာစာတမ်းပါ ပြဋ္ဌာန်းချက်များနှင့်အညီ နယူးဒေလီနှင့် အစ္စလာမာဘတ်ကြား ယခု အငြင်းပွားမှုများကို ငြိမ်းချမ်းစွာဖြေရှင်းနိုင်မည်ဟု မျှော်လင့်ပါသည်” ဟု သူမက ပြောကြားခဲ့သည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 7-မေလ-2025
တရုတ်နိုင်ငံနှင့် ဥရောပပါလီမန်တို့က အပြန်အလှန် ကူးလူးဖလှယ်မှုဆိုင်ရာ ကန့်သတ်ချက်များကို တစ်ပြိုင်နက်တည်း ဘက်စုံရုပ်သိမ်းရန် ဆုံးဖြတ်ခဲ့ကြကြောင်း တရုတ်နိုင်ငံ နိုင်ငံခြားရေးဝန်ကြီးဌာနက ဆို
တရုတ်နိုင်ငံနှင့် ဥရောပပါလီမန်တို့က အပြန်အလှန် ကူးလူးဖလှယ်မှုဆိုင်ရာ ကန့်သတ်ချက်များကို တစ်ပြိုင်နက်တည်း ဘက်စုံရုပ်သိမ်းရန် ဆုံးဖြတ်ခဲ့ကြကြောင်း တရုတ်နိုင်ငံ နိုင်ငံခြားရေးဝန်ကြီးဌာနက ဆို
နှစ်ဖက်ညှိနှိုင်းသဘောတူညီချက်အရ တရုတ်နိုင်ငံနှင့် ဥရောပ ပါလီမန်တို့သည် အပြန်အလှန်ကူးလူးဖလှယ်မှုဆိုင်ရာ ကန့်သတ်ချက်များကို တစ်ပြိုင်နက်တည်း ဘက်စုံရုပ်သိမ်းရန် ဆုံးဖြတ်ခဲ့ကြကြောင်း တရုတ် နိုင်ငံ၊ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လျင်ကျန့်က ပုံမှန် သတင်းစာ ရှင်းလင်းပွဲတွင် မေးမြန်းမှုများအား ဖြေကြားရာတွင် မိတ်ဆက် ပြောကြားခဲ့သည်။လွန်ခဲ့သည့်နှစ်များတွင် တရုတ်-ဥရောပ ဥပဒေပြု အဖွဲ့အစည်းများအကြား ကူးလူးဖလှယ်ရေးသည် လူအများသိပြီးသားဖြစ်သော အကြောင်းရင်း များကြောင့် အခက်အခဲတစ်ချို့နှင့် ကြုံတွေ့ခဲ့ရကြောင်း လျင်ကျန့်က ပြောကြားခဲ့သည်။ လက်ရှိအခြေအနေတွင် တရုတ်-ဥရောပ ဆွေးနွေးမှု၊ ပူးပေါင်းဆောင်ရွက်မှု အားဖြည့်ရေးသည် လွန်စွာအရေးပါသည်ဟု နှစ်ဖက်စလုံးက ယူဆကြကြောင်း၊ သို့ဖြစ်၍ နှစ်ဖက်ညှိနှိုင်း သဘော တူညီချက်အရ တရုတ်နိုင်ငံနှင့် ဥရောပပါလီမန်တို့သည် အပြန်အလှန် ကူးလူးဖလှယ်မှုဆိုင်ရာ ကန့်သတ်ချက်များကို တစ်ပြိုင်နက်တည်း ဘက်စုံရုပ်သိမ်းရန် ဆုံးဖြတ်ခဲ့ကြကြောင်း လျင်က ပြောကြားခဲ့သည်။“တရုတ်-ဥရောပ ဥပဒေပြုအဖွဲ့အစည်းတွေအကြား ကူးလူးဖလှယ်ရေး ဘက်စုံ ပြန်လည်ကောင်းမွန်လာခြင်းနှင့်အတူ နှစ်ဖက်ကူးလူးဖလှယ်မှုနှင့် အပြန် အလှန်နားလည်မှု ပိုမိုနက်ရှိုင်းလာမည်၊ ထိုအချက်များသည် တရုတ်-ဥရောပ ဆက်ဆံရေး စဉ်ဆက်မပြတ်ကောင်းမွန်ရေး၊ တည်ငြိမ်ရေး၊ ဖွံ့ဖြိုးတိုးတက်ရေးအတွက်လည်း စွမ်းအားအသစ်များ ဖြည့်တင်းသွားမည်ဖြစ်သည်ဟု မိမိ ယုံကြည်ပြီး မျှော်လင့်ပါသည်” ဟု လျင်ကျန့်က ပြောကြားခဲ့သည်။ ကိုးကား- Xinhua
Wed, 7-မေလ-2025
တရုတ်က CIA ၏ “နိုင်ငံရေးသွေးဆောင်မှု” ကို ပြင်းပြင်းထန်ထန် ရှုတ်ချ
တရုတ်က CIA ၏ “နိုင်ငံရေးသွေးဆောင်မှု” ကို ပြင်းပြင်းထန်ထန် ရှုတ်ချ
တရုတ်နိုင်ငံခြားရေးဝန်ကြီးဌာနက CIA မှ တရုတ်နိုင်ငံသားများနှင့် အစိုးရဝန်ထမ်းများကို ရည်ရွယ်သည့် စည်းရုံးရေးဗီဒီယိုများ ထုတ်ဝေခြင်းအား “နိုင်ငံရေးသွေးဆောင်မှု” အဖြစ် စွပ်စွဲခဲ့သည်။နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ လင်ကျန့်က အမေရိကန်သည် “နှစ်ပေါင်းများစွာ အခြားနိုင်ငံများ၏ လျှို့ဝှက်ချက်များကို ခိုးယူရန်၊ ၎င်းတို့၏ ကိစ္စရပ်များတွင် ဝင်ရောက်စွက်ဖက်ရန် နှင့် အစိုးရများကို ဖြုတ်ချရန် အဓမ္မနည်းလမ်းများ အသုံးပြုခဲ့သည်” ဟု ပြောကြားခဲ့သည်။လင်ကျန့်က အမေရိကန်၏ အဆိုပါလုပ်ရပ်များသည် “နိုင်ငံတကာဥပဒေနှင့် အခြေခံအပြည်ပြည်ဆိုင်ရာ ဆက်ဆံရေးစံနှုန်းများကို ချိုးဖောက်ခြင်း” ဖြစ်သည်ဟု ဆိုသည်။“အမေရိကန်သည် တရုတ်နိုင်ငံအား မကောင်းသောနည်းလမ်းဖြင့် နာမည်ဖျက်ရုံသာမက၊ တရုတ်နိုင်ငံသားများနှင့် အစိုးရဝန်ထမ်းများကိုပါ ၎င်းတို့၏ သတင်းပေးသူများအဖြစ် ဖြားယောင်းသွေးဆောင်နေသည်” ဟု ၎င်းက ဖြည့်စွက်ပြောကြားခဲ့သည်။တရုတ်နိုင်ငံသည် “နိုင်ငံတော်အချုပ်အခြာအာဏာ၊ လုံခြုံရေးနှင့် ဖွံ့ဖြိုးရေးအကျိုးစီးပွားကို ကာကွယ်ရန် လိုအပ်သမျှသော အစီအမံများကို ခိုင်မာစွာ ဆောင်ရွက်သွားမည်” ဟု ကြေညာခဲ့သည်။CIA သည် ပြီးခဲ့သည့် သီတင်းပတ်က တရုတ်နိုင်ငံတွင်း စီးပွားရေး၊ ဘဏ္ဍာရေး၊ ကုန်သွယ်ရေးမူဝါဒများ သို့မဟုတ် ကာကွယ်ရေးလုပ်ငန်း၊ အမျိုးသားလုံခြုံရေး၊ နိုင်ငံခြားရေး၊ သိပ္ပံနှင့် အဆင့်မြင့်နည်းပညာကဏ္ဍများတွင် အလုပ်လုပ်ကိုင်နေသူများထံမှ လျှို့ဝှက်သတင်းအချက်အလက် များ ရယူရန် ဗီဒီယိုများထုတ်ဝေခဲ့သည်။အဆိုပါဗီဒီယိုများတွင် CIA က သတင်းပေးသူများ၏ ကိုယ်ရေးကိုယ်တာ အချက်အလက်များကို လုံခြုံစွာကာကွယ်ပေးမည် ဟု ကတိပြုကာ၊ ဘေးကင်းစွာ ဆက်သွယ်နည်းများကို လမ်းညွှန်ပေးထားသည်။ယင်းဖြစ်ရပ်သည် US-China ဆက်ဆံရေး၏ တင်းမာမှုကို ပိုမို မြင့်တက်စေနိုင်ပြီး နည်းပညာနှင့် လုံခြုံရေးကဏ္ဍများတွင် နှစ်နိုင်ငံအကြား ပဋိပက္ခကို ပိုမိုအားကောင်းစေနိုင်သည်။အချို့သော နိုင်ငံများက တရုတ်၏ စွပ်စွဲချက်များကို ထောက်ခံခဲ့ကြပြီး အချို့က အဆိုပါကိစ္စတွင် ဘက်လိုက်မှုမရှိဘဲ ဆက်လက် စောင့်ကြည့်သွားမည်ဟု ပြောကြားခဲ့သည်။ကိုးကား- RTဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 7-မေလ-2025
ရုရှား၏ ရင်ပြင်နီ စစ်ရေးပြပွဲသို့ နိုင်ငံ ၂၉ နိုင်ငံမှ ခေါင်းဆောင်များ တက်မည်
ရုရှား၏ ရင်ပြင်နီ စစ်ရေးပြပွဲသို့ နိုင်ငံ ၂၉ နိုင်ငံမှ ခေါင်းဆောင်များ တက်မည်
ရုရှားနိုင်ငံ၏ ၁၉၄၁-၁၉၄၅ မဟာမျိုးချစ် စစ်ပွဲကြီး‌အောင်ပွဲအဖြစ် နှစ်(၈၀)ပတ်လည် အထိမ်းအမှတ်ပွဲအတွက် နိုင်ငံတကာမှ ခေါင်းဆောင်များ ရုရှားသို့ တဖွဲဖွဲရောက်ရှိနေကြသည်။ထိုအထဲတွင်ကျူးဘားခေါင်းဆောင်လည်းပါဝင်သဖြင့် ယခင် ၁၉၆၃ မေလ က ဖီဒယ်ကတ်စထရို နှင့် သူ၏အဖော်များသည် Piskarevskoye Memorial Cemetery တွင် လွမ်းသူ့ပန်းခွေချကြပုံနှင့်ယခု ၂၀၂၅ မေလတွင် ကျူးဘားသမ္မတ Miguel Diaz-Canel Bermudez နှင့် ၎င်း၏အဖွဲ့ဝင်များ လွမ်းသူ့ပန်းခွေချကြပုံတို့ကိုယှဥ်တွဲပြထားသည်။နှစ် ၈၀ ပွဲ သို့တက်ရောက်ကြမည့်နိုင်ငံ့ ခေါင်းဆောင်များစာရင်းကိုလည်း RT က ထုတ်ပြန်ထားသည်။ အာရှမှ တရုတ်၊ မြန်မာ၊ ဗီယက်နမ်၊ လာအို တို့လည်း ပါဝင်သည်။ နိုင်ငံ ၂၉ နိုင်ငံစာရင်းအပြည့်အစုံမှာ အောက်ပါအတိုင်းဖြစ်သည်။အက်ခါဇဖီးယား၊ အဇာဘိုင်ဂျန်၊ အာမေးနီးယား၊ ဘယ်လာရုစ်၊ ဘရာဇီးဘာကီနာဖာဆို၊ ဗန်နီဇွဲလား၊ ဗီယက်နမ်၊ ကာဇက်စတန်၊ ကာဂျစ်စတန်၊ မွန်ဂိုးလီးယား၊ တရုတ်၊ ကျူးဘား၊ ပါလက်စတိုင်း၊ ဆာရပ်စကာသမတနိုင်ငံ၊ ဆာဗီးယား၊ ဆလိုဗက်ကီးယား၊ တာဂျစ်ကစ်စတန်၊ တတ်မန်နစ္စတန်၊ ဥဇဘက်ကစ္စတန်၊ မြန်မာ၊ ဂီနီယာဘစ်ဆိုး၊ ဘောစ်နီးယားဟာဇီဂိုးဗီးနား၊ ဇင်ဘာဘွေ၊ ပါပူးဝါးနူးဂီနီ၊ ကွန်ဂို၊ အီဂျစ်၊ လာအို၊ အီသီယိုးပီးယား၊ တောင်‌အော့ဆက်တီးယားတို့ဖြစ်သည်။Source: Popular Myanmar
Wed, 7-မေလ-2025
© Copyright 2024 SAC All Rights Reserved.