(၅၈)ကြိမ်မြောက် လူ့အခွင့်အရေးကောင်စီအစည်းအဝေးတွင် မြန်မာ့အရေးနှင့်ပတ်သက်၍ ကုလသမဂ္ဂလူ့အခွင့်အရေးဆိုင်ရာ မဟာမင်းကြီး က နှုတ်အားဖြင့် အစီရင်ခံတင်ပြရန်ရှိခြင်း

(၅၈)ကြိမ်မြောက် လူ့အခွင့်အရေးကောင်စီအစည်းအဝေးကို ဆွစ်ဇာလန်နိုင်ငံ၊ ဂျီနီဗာမြို့တွင် ၂၀၂၅ ခုနှစ်၊ ဖေဖော်ဝါရီလ ၂၄ ရက်မှ ဧပြီလ ၄ ရက်နေ့အထိ ကျင်းပလျက်ရှိပါသည်။ 

အဆိုပါအစည်းအဝေးအစီအစဉ်(၁)၏ အမှတ်စဉ်(၂) “ကုလသမဂ္ဂလူ့အခွင့်အရေးဆိုင်ရာ မဟာမင်းကြီး၏ နှစ်စဉ်အစီရင်ခံစာနှင့် မဟာမင်းကြီးရုံးနှင့် ကုလသမဂ္ဂအတွင်းရေးမှူးချုပ်တို့၏ အစီရင်ခံစာများကဏ္ဍ”တွင် “မြန်မာနိုင်ငံ၏လူ့အခွင့်အရေးအခြေအနေ”နှင့်စပ်လျဉ်း၍

• မြန်မာနိုင်ငံဆိုင်ရာလွတ်လပ်သည့် အချက်အလက် ရှာဖွေရေးအဖွဲ့၏ အကြံပြုချက်များအပေါ် လေ့လာစောင့်ကြည့်ပေးရေးနှင့် ဆက်လက်အကောင်အထည်ဖော် ဆောင်ရွက်ရေးတို့အတွက် လူ့အခွင့်အရေး ကောင်စီမှ မဟာမင်းကြီးအား တိုက်တွန်းတောင်းဆိုခြင်း။

• မြန်မာနိုင်ငံ၏ လူ့အခွင့်အရေးဆိုင်ရာအခြေအနေများအပေါ် နှုတ်အားဖြင့် အစီရင်ခံတင်ပြခြင်း၊  အပြန်အလှန် ဆွေးနွေးခြင်း စသည့်အချက်များ ဖော်ပြပါရှိကြောင်း UNHCR ၏ သတင်းစာမျက်နှာတွင် ရေးသားဖော်ပြထားပါသည်။

ကိုးကား- https://www.mofa.gov.mm 

Photo: ISHR