အမေရိကန်-တရုတ်ကုန်သွယ်ရေးစစ်ပွဲဖြစ်လာက ရုရှားပါ ထိခိုက်မည် ဟု ကျွမ်းကျင်သူ ပြောကြား

News Image

  • အမေရိကန်-တရုတ်ကုန်သွယ်ရေးစစ်ပွဲဖြစ်လာက ရုရှားပါ ထိခိုက်မည် ဟု ကျွမ်းကျင်သူ ပြောကြား

အမေရိကန်နှင့် တရုတ်တို့အကြား ဖြစ်ပွားလာနိုင်သည့် ကုန်သွယ်ရေး စစ်ပွဲမှာ တရုတ်-ရုရှားကုန်သွယ်မှုကို ထိခိုက်စေနိုင်ကြောင်း အမေရိကန် အခြေစိုက် Navigator Principal Investors ၏ အမှုဆောင်အရာရှိချုပ် Kyle Shostak က TASS ကို ပြောပြထားပါသည်။

အမေရိကန်က ကနေဒါ၊ မက္ကဆီကို၊ တရုတ်နှင့် အီးယူတို့မှ တင်သွင်းသည့် ပစ္စည်းများအတွက် အခွန်တိုးမြှင့်လိုက်ပါက အပြန်အလှန် အနေဖြင့် အဆိုပါနိုင်ငံများအနေဖြင့် အမေရိကန်မှ တင်သွင်းလာသော ပစ္စည်းများကို ပြန်လည်အခွန်ကောက်ခံကြပါမည်။ ထိုအခွန်များက အဆိုပါနိုင်ငံများ၏ ဘဏ္ဍာငွေများကို တိုးမြှင့်ရန် အသုံးပြုနိုင်သော်လည်း ဈေးနှုန်းမြင့်တက်လာပြီး ငွေကြေးဖောင်းပွမှု ပိုမိုဆိုးရွားလာနိုင်ကြောင်း ကျွမ်းကျင်သူက ဆိုထားပါသည်။

တရုတ်စီးပွားရေးကျဆင်းလာပါက ၎င်းသည် ရုရှားထံမှ ဆီနှင့် သဘာဝ ဓာတ်ငွေ့ တင်သွင်းမှုကို လျော့ချလာနိုင်သဖြင့် ရုရှားစီးပွားရေး ထိခိုက်လာနိုင်သလို ရုရှားရင်းနှီး မြှုပ်နှံမှုများ နှောင့်နှေးလာနိုင်ပြီး ရုရှား ငွေကြေး ရူဘီတန်ဖိုး ကျဆင်းသွားနိုင်ကြောင်း ထပ်လောင်းရှင်းပြထားပါသည်။

ကိုးကား- TASS

Photo: The Diplomat

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃