ယူကရိန်းပဋိပက္ခကို အဆုံးသတ်နိုင်မည့် ငြိမ်းချမ်းရေးသဘောတူညီချက်တစ်ရပ် ချမှတ်နိုင်ရန် နီးစပ်လာပြီဟု အမေရိကန်ပြော

sacadmin

News Image

  • ယူကရိန်းပဋိပက္ခကို အဆုံးသတ်နိုင်မည့် ငြိမ်းချမ်းရေးသဘောတူညီချက်တစ်ရပ် ချမှတ်နိုင်ရန် နီးစပ်လာပြီဟု အမေရိကန်ပြော

ဝါရှင်တန်၊ စစ်ရေး

ယူကရိန်းပဋိပက္ခကို အဆုံးသတ်နိုင်မည့် ငြိမ်းချမ်းရေးသဘောတူညီချက်တစ်ရပ်ချမှတ်နိုင်ရေးသည် နီးသထက် နီးစပ်လာပြီဖြစ်ကြောင်း အမေရိကန်အိမ်ဖြူတော်မှ ပြန်ကြားရေး အတွင်းဝန် ကာရိုလိုင်းလေဗစ်က ပြောကြားလိုက်ကြောင်းသိရသည်။

အိမ်ဖြူတော်၏အဆိုပါထုတ်ပြန်ချက်သည် အမေရိကန်သမ္မတ ဒေါ်နယ်ထရမ့်နှင့် ရုရှားသမ္မတ ဗလာဒီမာပူတင်တို့ကြား ယူကရိန်းတွင်   အပစ်အခတ်ရပ်စဲရေးသဘောတူညီချက်ချမှတ်နိုင်ရန် တယ်လီဖုန်းမှတစ်ဆင့် ဆွေးနွေးမှုမစတင်မီ မတ်လ၁၇ ရက်တွင် ထွက်ပေါ်လာခြင်းဖြစ်သည်။

အမေရိကန်သမ္မတဒေါ်နယ်ထရမ့်သည် ယူကရိန်းတွင်   အပစ်အခတ်ရပ်စဲရေး သဘောတူညီချက်ချမှတ်နိုင်ရေးအတွက် လုပ်ဆောင်ရန်ဆုံးဖြတ်ထားကြောင်း ကာရိုလိုင်းလေဗစ်က ဆက်လက်ပြောကြားထားကြောင်း သိရသည်။

နှစ်နိုင်ငံခေါင်းဆောင်နှစ်ဦးကြား ပြုလုပ် မည့်ဆွေးနွေးပွဲတွင် နယ်နိမိတ်ထိန်းချုပ်ရေးနှင့် နယ်မြေပိုင်ဆိုင်မှုအချို့အားခွဲခြမ်းရေးတို့ကို အဓိကထားဆွေးနွေးမည်ဖြစ်ပြီး ကနဦးအနေဖြင့် ယူကရိန်းတွင် ရက်ပေါင်း၃၀  ကြာ  အပစ်အခတ်ရပ်စဲရေးသဘောတူညီချက်ကို ချမှတ်နိုင်မည်ဟု နှစ်နိုင်ငံခေါင်းဆောင်များက မျှော်လင့်ထားသည်။

ယူကရိန်းအစိုးရသည် အမေရိကန်ကအဆိုပြုသည့် ယာယီအပစ်အခတ်ရပ်စဲရေး အဆိုပြုချက်ကို သဘောတူလက်ခံထားသော်လည်း ခရိုင်းမီးယားဒေသနှင့် ရုရှားက၎င်းတို့ပိုင်အဖြစ်  ကြေညာထားသည့် နယ်နိမိတ်များကို စွန့်လွှတ်ရန်တွန့်ဆုတ်လျက်ရှိကြောင်းသိရသည်။   

Source: https://myawady.net.mm/ 

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး , လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး
လုံခြုံရေးတပ်ဖွဲ့ဝင်များအဖြစ် အယောင်ဆောင်ကာ ဓားပြတိုက်၊ လုယက်မှုများကျူးလွန်နေသော ဂိုဏ်းအား ဖော်ထုတ်ဖမ်းဆီး
နေပြည်တော်   မေ   ၁၅မန္တလေးတိုင်းဒေသကြီးနယ်မြေအတွင်း မန္တလေးမြို့ပေါ် အမရပူရမြို့နယ်၊ ကျောက်ဆည်မြို့နယ်နှင့် မြစ်ငယ်မြို့တို့အတွင်း ပြောက်ကျားဝတ်စုံများဝတ်ဆင်၍ လုံခြုံရေးတပ်ဖွဲ့ဝင်များ  အယောင်ဆောင်ကာ ဂိုဏ်းဖွဲ့၍ ဓားပြတိုက်ခြင်း၊  လုယက်ခြင်းများ မကြာခဏကျူးလွန်ဖြစ်ပွားလာသဖြင့် ကျူးလွန်သူ တရားခံများအား ဖမ်းဆီးရမိရေး မြန်မာနိုင်ငံရဲတပ်ဖွဲ့ဝင်များမှ စုံစမ်းဖော်ထုတ်ဖမ်းဆီးခဲ့ရာ ၂၀၂၅ ခုနှစ် မေလ ၅ ရက်တွင် ဓားပြတိုက်၊ လုယက်မှုများ ကျူးလွန်မှုများတွင် ဦးဆောင်ကျူးလွန်ခဲ့သည့် ချမ်းမြသာစည်မြို့နယ်၊ မြရည်နန္ဒာရပ်ကွက်နေ နေထက်လင်း (၂၉)နှစ် (ဘ) ဦးသံချောင်းအား ဖော်ထုတ်ဖမ်းဆီးရမိခဲ့သည်။ဖမ်းဆီးရမိတရားခံ နေထက်လင်း၏ ထွက်ဆိုချက်အရ ကွင်းဆက်တရားခံများ ဖမ်းဆီးရမိရေး ဆက်လက်ဖော်ထုတ်ဖမ်းဆီးခဲ့ရာ ဓားပြတိုက်၊  လုယက်မှုများတွင် ပူးပေါင်းပါဝင်ခဲ့သူများဖြစ်သည့်    ၎င်း၏ဇနီး မေမီမီကို (၃၁)နှစ် (ဘ) ဦးကိုကိုလွင်၊ စဉ့်ကိုင်မြို့နယ်၊ အရေးမဆိုကျေးရွာနေ ညီညီလွင်(ခ) ညီညီ(၂၉)နှစ်(ဘ)ဦးအေးကို၊ ချမ်းမြသာစည်မြို့နယ်၊ မြရည်နန္ဒာရပ်ကွက်နေ ကိုကိုလွင် (၆၅)နှစ် (ဘ)ဦးတင်မောင်လေး၊ အမရပူရမြို့နယ်၊ ရေကြည်ပေါက်ကျေးရွာနေသူများဖြစ်သည့်  ရဲနိုင်ဝင်း(ခ) ဖိုးသား (၃၇)နှစ်(ဘ)  ဦးခင်မောင်နှင့်၊ ဟိန်းမင်းသူ(ခ) ဟူစိန်(၂၂)နှစ် (ဘ)ဦးမြင့်စိုး၊ မကွေးတိုင်းဒေသကြီး၊ မင်းလှမြို့၊ အမှတ်(၁၀)ရပ်ကွက်နေ နေမင်းအောင်(ခ) ထက်လင်း(၂၆)နှစ် (ဘ)ဦးမြင့်မိုး၊ အမရပူရမြို့နယ်၊ စာတိုးကျေးရွာနေ မျိုးဇော် (၂၆)နှစ်(ဘ) ဦးမြင့်နောင်၊ ချမ်းမြသာစည်မြို့နယ်၊ အောင်ပင်လယ်ရပ်ကွက်နေသူများဖြစ်သည့် မင်းသက်နိုင်(ခ) ကျစ်ကျစ်(၂၈)နှစ် (ဘ) ဦးကိုကိုလွင်၊ ကျော်သီဟ(ခ) သီဟ (၂၄)နှစ် (ဘ)ဦးကျော်၊ မင်းသက်ကို(ခ) ချစ်ချစ်(၂၃)နှစ် (ဘ)ဦးကိုကိုလွင်၊ ပုသိမ်ကြီးမြို့နယ်၊ ကုလားကြီးကျေးရွာနေ ဇာနည်ထွန်း(ခ) ဇာနည် (၃၈)နှစ် (ဘ)ဦးကြည်လေး၊  နေပြည်တော်၊   သာဝတ္ထိမြို့၊  စက်ရုံစုရပ်ကွက်နေ ဉာဏ်ထက်လင်း(ခ) ကိုထက် (၃၁)နှစ် (ဘ) ဦးနေမျိုးလှိုင်၊ မုံရွာမြို့၊ မြဝတီရပ်ကွက်နေသူများဖြစ်သည့် သန်းသန်းမိုး(၅၁)နှစ် (ဘ) ဦးသံချောင်းနှင့် မြင့်မိုး (၅၁)နှစ် (ဘ)ဦးပေါရှိန်၊ အမရပူရမြို့နယ်၊ ဘနောကျေးရွာနေ ဖြူစွာမင်း (ခ) ကတုံး (၃၀)နှစ် (ဘ)ဦးချွတ်၊ ဟုမ္မလင်းမြို့နေ ဇော်မျိုးထက်(ခ) ကိုမျိုး (၃၃)နှစ် (ဘ) ဦးသံချောင်းတို့ ပါဝင်သော ဂိုဏ်းအဖွဲ့မှ တရားခံအမျိုးသား ၁၅ ဦး၊ အမျိုးသမီး ၂ ဦး၊ စုစုပေါင်း ၁၇ ဦးတို့အား ပြစ်မှုကျူးလွန်ရာတွင် အသုံးပြုသည့် ပစ္စတိုသေနတ် ၄ လက်၊ မော်တော်ယာဉ် ၃ စီး၊ ဆိုင်ကယ် ၁ စီး၊ ပြောက်ကျားဝတ်စုံ ၄ စုံတို့နှင့်အတူ ထပ်မံဖော်ထုတ်ဖမ်းဆီးရမိခဲ့ပါသည်။ဖမ်းဆီးရမိတရားခံများ၏ ထွက်ဆိုချက်များအရ နေထက်လင်း၊ ညီညီလွင်၊ ဖြူစွာမင်းတို့ ၃ ဦးသည် ၂၀၂၃ ခုနှစ် ဇူလိုင်လ ၁၃ ရက်နေ့က တံတားဦးမြို့နယ်၊ ခင်လူးလေးကျေးရွာနေ ကိုဟန်(ခ) ကိုသီဟန် မောင်းနှင်လာသည့် YGN 2R-xxxx  FORD DOUBLE CUB  မော်တော်ယာဉ်အား အကြမ်းဖက်လုယက်မှုကျူးလွန်ရာတွင်လည်းကောင်း၊ နေထက်လင်း၊ ညီညီလွင်၊ ဖြူစွာမင်းတို့ ၃ ဦးသည် ၂၀၂၃ ခုနှစ် ဇူလိုင်လ ၁၃ ရက်နေ့တွင် အမရပူရမြို့နယ်ရှိ “မောင်ဒိန်း” ရွှေဆိုင်အား လုယက်မှုကျူးလွန်ရာတွင်လည်းကောင်း၊ နေထက်လင်း၊ ရဲနိုင်ဝင်း၊ ဟိန်းမင်းသူ၊ နေမင်းအောင်တို့ ၄ ဦးသည် ၂၀၂၃ ခုနှစ် စက်တင်ဘာလ ၁၄ ရက်နေ့တွင် ချမ်းမြသာစည်မြို့နယ်ရှိ “Sky Star Mobile” ဖုန်းဆိုင်မှ ဖုန်း ၈၄ လုံးနှင့် ငွေ ၇ သိန်းကျော်အား လုယက်မှု ကျူးလွန်ရာတွင်လည်းကောင်း၊   နေထက်လင်း၊ ညီညီလွင်၊ ရဲနိုင်ဝင်း၊ ဟိန်းမင်းသူ၊ နေမင်းအောင်တို့ ၅ ဦးသည် ၂၀၂၄ ခုနှစ် ဇန်နဝါရီလ၁၁ ရက်နေ့တွင် ကျောက်ဆည်မြို့၊ မြို့မဈေးအတွင်းရှိ “ဦးသန်းထွန်း+ဒေါ်ခင်ရီ” ရွှေဆိုင်နှင့် “ဦးသန်းနိုင်+ဒေါ်သူဇာဝင်း”ရွှေဆိုင်တို့အား ဓားပြတိုက်မှုကျူးလွန်ရာတွင်လည်းကောင်း၊ နေထက်လင်း၊ မျိုးဇော်၊ နေမင်းအောင်၊ မင်းသက်နိုင်၊ ဇာနည်ထွန်း၊ သန်းသန်းမိုး၊ မြင့်မိုးတို့ ၇ ဦး သည် ၂၀၂၄ ခုနှစ် မေလ ၃၁ ရက်နေ့တွင် မဟာအောင်မြေမြို့နယ်၊ ၃၈x၃၉ လမ်းနှင့် ၈၄ x ၈၅ ကြားရှိ မန်းမြို့ဈေးအတွင်းရှိ “ဆယ်သန်း”ရွှေဆိုင်အား ဓားပြတိုက်မှုကျူးလွန်ရာတွင်လည်းကောင်း၊ နေထက်လင်းနှင့် ညီညီလွင်တို့ ၂ ဦးသည် ၂၀၂၅ ခုနှစ် မတ်လ ၁၇ ရက်နေ့တွင်  ချမ်းမြသာစည်မြို့နယ်၊  ထွန်တုံးရပ်ကွက်၊ ၅၄x၅၅ ကြား၊ (၁၁)F လမ်းနေ ဒေါ်ဆွေဇင်ထွန်း၏    နေအိမ်အတွင်း ဝင်ရောက်၍ ငွေစက္ကူရောရာ ကျပ် ၁၁၉ သိန်းကျော်အား လုယက်မှုကျူးလွန်ရာတွင် လည်းကောင်း၊ နေထက်လင်း၊ ညီညီလွင်၊ မင်းသက်ကို၊ ကျော်သီဟ၊ မေမီမီကို၊ ဉာဏ်ထက်လင်းတို့ ၆ ဦးသည် ၂၀၂၅ ခုနှစ် ဧပြီလ ၅ ရက်နေ့တွင် အမရပူရမြို့နယ်၊ ဆင်ရွာမြင်းမူကျေးရွာရှိ “မြသဇင်”အထည်ဆိုင်အား ဓားပြတိုက်မှုကျူးလွန်ရာ တွင်လည်းကောင်း၊ နေထက်လင်း၊ ညီညီလွင်၊ မင်းသက်ကို၊ ကျော်သီဟ၊ မေမီမီကို၊ ကိုကိုလွင်နှင့် ဉာဏ်ထက်လင်းတို့သည် ၂၀၂၅ ခုနှစ် ဧပြီလ ၂၈ ရက်နေ့တွင် ချမ်းမြသာစည်မြို့နယ်၊ အောင်ပင်လယ်ရပ်ကွက်၊ ၅၅ လမ်း၊ ၁၀၃x ၁၀၄ ကြားရှိ “ရွှေဇာမဏီ” ရွှေဆိုင်အား ဓားပြတိုက်မှုကျူးလွန်ရာတွင်လည်းကောင်း အသီးသီးပူးပေါင်းပါဝင်ကျူးလွန်ခဲ့ကြောင်း စစ်ဆေးဖော်ထုတ် သိရှိရပါသည်။ဖော်ထုတ်ဖမ်းဆီးရမိသည့် ဓားပြတိုက်ခြင်း၊ လုယက်မှုများအားကျူးလွန်ရာတွင်  လုံခြုံရေး တပ်ဖွဲ့ဝင်များအဖြစ် အယောင်ဆောင် ကျူးလွန်ခဲ့ကြကြောင်း အထောက်အထားများနှင့်တကွ စစ်ဆေးပေါ်ပေါက်ပြီး ဖမ်းဆီးရမိသည့် နေထက်လင်းအပါအဝင် အမျိုးသား ၁၅ ဦး၊ အမျိုးသမီး ၂ ဦး တို့အား ဥပဒေနှင့်အညီ ထိရောက်စွာ အရေးယူနိုင်ရေးဆက်လက်ဆောင်ရွက်လျက်ရှိကြောင်း၊ ပြစ်မှု ကျူးလွန်ရာတွင် ပူးပေါင်းပါဝင်ခဲ့ပြီး ဖမ်းဆီးရန် ကျန်တရားခံများနှင့် သိမ်းဆည်းရန် ကျန်လက် နက်ခဲယမ်းများအား အမြန်ဆုံးဖော်ထုတ်ဖမ်းဆီးရမိနိုင်ရေး၊  ဖြစ်စဉ်များတွင်ပါဆုံးခဲ့သည့်   သက်သေခံပစ္စည်းများအားပြန်လည်သိမ်းဆည်းနိုင်ရေး ဆက်လက်ဆောင်ရွက်လျက်ရှိကြောင်း မြန်မာနိုင်ငံရဲတပ်ဖွဲ့မှ သတင်းထုတ်ပြန်အပ်ပါသည်။Source: https://www.cincds.gov.mm 
Fri, 16-မေလ-2025
ရေပြင်အခြေပြု နျူကလီးယားထိပ်ဖူးတပ် အနိမ့်ပျံဒုံးကျည်အသစ် အမေရိကန်ဝယ်ယူမည်
ရေပြင်အခြေပြု နျူကလီးယားထိပ်ဖူးတပ် အနိမ့်ပျံဒုံးကျည်အသစ် အမေရိကန်ဝယ်ယူမည်
အမေရိကန်ရေတပ်က ၂၀၂၆ ခုနှစ် ဘဏ္ဍာနှစ်မှာ အရေးကြီးတဲ့စစ်လက်နက် ပစ္စည်းဝယ်ယူမှုအတွက် ဆုံးဖြတ်ချက် တစ်ခုကိုချမှတ်လိုက်ပါပြီ။ အဲဒီဆုံးဖြတ် ချက်ကတော့ ရေပြင်အခြေပြု နျူကလီးယားထိပ်ဖူးတပ် အနိမ့်ပျံဒုံးကျည်များကိုဝယ်ယူသွားဖို့ဖြစ်ပါတယ်။ အဲဒီဒုံးကျည်တွေကို ၂၀၃၄ ခုနှစ်အတွင်းမှာ ဖြန့်ကြက်အသုံးပြုသွားမှာပါ။ သူ့ကို Virginia အတန်းအစားတိုက်ခိုက်ရေး ရေငုပ်သင်္ဘောများမှာ တပ်ဆင်သွားမှာဖြစ်တယ်လို့ ရေတပ်ဒုတိယဗိုလ်ချုပ်ကြီးဂျွန်နီဝေါ့ကအတည်ပြုပြောထားပါတယ်။လက်ရှိမှာတော့ ဒီအစီအစဉ် က ဗိသုကာဒီဇိုင်းပိုင်းအဆင့်ကိုရောက်ရှိနေပြီဖြစ်ပြီး ဒုံးကျည်စနစ်၊ ပစ်လွှတ်ရေး ကိရိယာများ၊ ရေငုပ်သင်္ဘောနဲ့အံဝင်ခွင်ကျဖြစ်မှု၊ ထိပ်ဖူးဒီဇိုင်းနဲ့ လေ့ကျင့်ရေးနဲ့ ပတ်သက်တဲ့အခြေခံအဆောက်အဦများအတွက် အဓိကထား ပုံစံဖော်နေပြီဖြစ်ပါတယ်။ဒါ့အပြင် အခုလိုရေပြင်အခြေပြုနျူကလီးယားထိပ်ဖူးတပ်အနိမ့်ပျံဒုံးကျည်ကို ဝယ်ယူသွားမှာဖြစ်ပေမယ့်လည်း လက်ရှိရေငုပ်သင်္ဘောရဲ့လုပ်ငန်းဆောင်တာများကို ထိခိုက်စေခြင်းမရှိစေဖို့ အထူးဂရုပြုဆောင်ရွက်သွားမယ်လို့ဆိုပါတယ်။ လက်ရှိမှာတော့ အမေရိကန်ရေတပ်က တိုက် ခိုက်ရေးသင်္ဘောများအပေါ်သက်ရောက်မှုနည်းပါးစေတဲ့ လုပ်ငန်းသဘောတရားများကိုအဆုံးသတ်နိုင်ဖို့ အမေရိကန် မဟာဗျူဟာကွပ်ကဲမှုဌာနချုပ် အပြင်အင်ဒို-ပစိဖိတ်ကွပ်ကဲမှုဌာနချုပ်နဲ့ပါ အနီးကပ်ပူးပေါင်းဆောင်ရွက်နေတယ်လို့ဆိုပါတယ်။ ဒီအစီအစဉ်အတွက် အသုံးစရိတ်အဖြစ် အမေရိကန်ဒေါ်လာ ၂ ဘီလီယံသတ်မှတ်ထားပြီး နျူကလီးယားထိပ်ဖူးအတွက်   ဒေါ်လာသန်း ၄၀၀ အသုံးပြု သွားမှာဖြစ်ပါတယ်။               Ref: IE K.HSource: https://myawady.net.mm/ 
Thu, 15-မေလ-2025
israel airstrike
ဂါဇာမြောက်ပိုင်းကို အစ္စရေးကဗုံးကြဲမှုများပြုလုပ် အနည်းဆုံးလူ ၆၅ ဦးသေဆုံး
အစ္စရေးက ဂါဇာဒေသမြောက်ပိုင်းရှိဂျာဘာလီယာဒုက္ခသည်စခန်းနှင့် အနီးရှိမြို့တို့မှ လူနေအိမ်ရာခြောက်ခုကို မေလ ၁၄ ရက်နံနက်ပိုင်းတွင် ဗုံးကြဲတိုက်ခိုက် မှုများလုပ်ဆောင်ရာ အနည်းဆုံးလူ ၆၅ ဦးသေဆုံးကြောင်း ပါလက်စတိုင်းတာဝန် ရှိသူများကပြောသည်။အစ္စရေး၏တိုက်ခိုက်မှုသည် အိပ်ပျော်နေသောပြည်သူများကိုထိမှန်သွားခြင်း ဖြစ်ကြောင်း၊ အများစုမှာ အမျိုးသမီးများ နှင့်ကလေးငယ်များဖြစ်ကြောင်း၊ ကယ် ဆယ်ရေးပစ္စည်းများနှင့် လူ၊ ပစ္စည်းအင်အားပြတ်လပ်မှုကြောင့် ကယ်ဆယ်ရေး လုပ်ငန်းများကို လုပ်ဆောင်နိုင်ခြင်းမရှိကြောင်း ဂါဇာအရပ်ဘက်ကာကွယ်ရေး အဖွဲ့မှ ပြောရေးဆိုခွင့်ရှိသူကပြောသည်။ ထို့ပြင် အရေးပေါ်ခွဲစိတ်ကုသမှုများ နှင့် လိုအပ်သောခြေ၊ လက်ဖြတ်တောက် ခွဲစိတ်မှုများကို စင်္ကြံများတွင်လုပ်နေရ ကြောင်း ဆေးရုံမှတာဝန်ရှိသူတစ်ဦးက ပြောသည်။ ဗုံးကြဲတိုက်ခိုက်မှုခံရသော နေအိမ်များသည် အရပ်သားများပိုင်ဆိုင် သောနေအိမ်များဖြစ်ပြီး ဒုက္ခသည်များနေ ထိုင်နေကြောင်းသိရသည်။ Ref: XinhuaSource: Myawady Daily Newspaper
Thu, 15-မေလ-2025
အစ္စရေးတပ်များက ဟားမက်ခေါင်းဆောင် Mohammed Sinwar ကို ပစ်မှတ်ထားကာ ဂါဇာတောင်ပိုင်းရှိ ဆေးရုံတစ်ခုကိုပစ်ခတ်
အစ္စရေးတပ်များက ဟားမက်ခေါင်းဆောင် Mohammed Sinwar ကို ပစ်မှတ်ထားကာ ဂါဇာတောင်ပိုင်းရှိ ဆေးရုံတစ်ခုကိုပစ်ခတ်
အစ္စရေးတပ်များသည် အင်္ဂါနေ့ (မေ ၁၃) ညနေပိုင်းတွင် ဂါဇာ တောင်ပိုင်းရှိ ဆေးရုံတစ်ခုကို ပစ်ခတ်ခဲ့ပြီး ဟားမက်ခေါင်းဆောင် Mohammed Sinwar အား ပစ်မှတ်ထားတိုက်ခိုက်ခဲ့ကြောင်း အစ္စရေးအကြီးတန်း အရာရှိကြီးတစ်ဦး၏ ပြောကြားချက်အရသိရှိရသည်။Mohammed Sinwar သည် ယခင်နှစ် အောက်တိုဘာလတွင် အစ္စရေး စစ်တပ်က သတ်ဖြတ်ခဲ့သည့် ၎င်း၏အစ်ကို Yahya Sinwar ၏ နေရာတွင် ဟားမက်အဖွဲ့၏ ခေါင်းဆောင်အဖြစ်ဆက်ခံခဲ့သူဖြစ်သည်။ပါလက်စတိုင်းကျန်းမာရေးဝန်ကြီးဌာန၏ ထုတ်ပြန်ချက်အရ အဆိုပါ တိုက်ခိုက်မှုကြောင့် ပါလက်စတိုင်း ၆ ဦး သေဆုံးပြီး အနည်းဆုံး ၄၀ ခန့် ဒဏ်ရာရရှိခဲ့သည်။အစ္စရေးကာကွယ်ရေးတပ် (IDF) က ၎င်းတို့သည် ခန်းယူးနစ်စ်မြို့ရှိ ဥရောပဆေးရုံအား ပစ်ခတ်ခဲ့ကြောင်း၊ ဆေးရုံအောက်ရှိ မြေအောက် အခြေစိုက်စခန်းတွင် ဟားမက်အကြီးအကဲများ၏ ထိန်းချုပ်ရေးစင်တာကို ပစ်မှတ်ထားခဲ့ကြောင်း ပြောကြားခဲ့သည်။ သို့သော် IDF က ပစ်မှတ်အတိအကျကို ဖော်ပြခဲ့ခြင်းမရှိပါ။ဆေးရုံအတွင်းမှ တာဝန်ခံ Dr. Saleh Al Hams ၏ ပြောကြားချက်အရ ဆေးရုံဝင်းအတွင်း ဒုံးလက်နက်များစွာ ထိမှန်ခဲ့ပြီး အချို့လူများသည် အပျက်အစီးများအောက်တွင်ပိမိနေပြီး ဆိုးရွားသော ကပ်ဘေးတစ်ခုကို ကြုံတွေ့နေရသည်ဟု ဖော်ပြခဲ့သည်။ ဆေးရုံဝန်ထမ်းများက လူနာများအား အန္တရာယ်ကင်းရှင်းသော နေရာများသို့ ရွှေ့ပြောင်းရန် ကြိုးစားနေ ကြသည်။မကြာသေးမီက ရိုက်ကူးထားသည့် ဗီဒီယိုများတွင် ဂါဇာမှ မီးခိုးနှင့် ဖုန်မှုန့်များ မြင့်တက်လာသည်ကို မြင်တွေ့ရပြီး ယခုကဲ့သို့ ပြင်းထန်သော တိုက်ခိုက်မှုမျိုးသည် ပြီးခဲ့သည့် ရက်သတ္တပတ်အနည်းငယ်အတွင်း အကြီးမားဆုံးသော တိုက်ခိုက်မှုများထဲမှ တစ်ခုဖြစ်သည်ဟု သိရသည်။ဟားမက်အဖွဲ့က အစ္စရေး၏ Sinwar နှင့်ပတ်သက်သည့် ပြောကြားချက်မှန်သမျှကို ငြင်းပယ်ခဲ့ပြီး “ပါလက်စတိုင်းမှထုတ်ပြန်သော သတင်းအချက် အလက်များကိုသာ အတည်ပြုနိုင်သည်” ဟု ထုတ်ပြန်ခဲ့သည်။မေလ ၁၃ ရက်(အင်္ဂါနေ့) ညပိုင်းတွင် IDF က ဂါဇာမှ ပစ်လွှတ်သည့် ဒုံးကျည် ၂ စင်း ကို ပစ်ချခဲ့ကြောင်း ပြောကြားခဲ့ပြီး ၎င်းသည် လတ်တလောတွင် ပိတ်ဆို့ခံထားရသည့် ဂါဇာမှ တစ်လအတွင်း ပထမဆုံးအကြိမ် ဒုံးပစ်လွှတ်မှုဖြစ်နိုင်သည်။ တတိယဒုံးကျည်တစ်စင်းသည် ကွင်းပြင်တစ်ခုတွင် ကျရောက်ခဲ့သည်။ ပါလက်စတိုင်း အစ္စလာမ်မစ် ဂျီဟာဒ်အဖွဲ့၏ စစ်ရေးဌာနက အဆိုပါတိုက်ခိုက်မှုအတွက် တာဝန်ယူခဲ့ပြီး ဂါဇာအနီးရှိ အစ္စရေးမြို့များကို ပစ်ခတ်ခဲ့ကြောင်း ပြောကြားခဲ့သည်။ထိုသို့ ထုတ်ပြန်ခဲ့ပြီး အချိန်အနည်းငယ်အကြာတွင် အစ္စရေးက ဂါဇာ မြောက်ပိုင်းရှိ ဂျဘာလီယာ ဒုက္ခသည်စခန်းနှင့် အနီးတဝိုက်ရှိ နေရာများအား ဖယ်ရှားရန် သတိပေးချက် ထုတ်ပြန်ခဲ့ပြီး IDF သည် “ဒုံးကျည် ပစ်လွှတ်သည့် မည်သည့်နေရာကိုမဆို တိုက်ခိုက်မည်” ဟု ပြောကြားခဲ့သည်။ကိုးကား- CNNဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 14-မေလ-2025
ယူအေအီးထံ အမေရိကန်ဒေါ်လာ (၁.၄) ဘီလီယံ တန်ဖိုးရှိ စစ်လက်နက်ပစ္စည်းများရောင်းချရန် အမေရိကန်ခွင့်ပြု
ယူအေအီးထံ အမေရိကန်ဒေါ်လာ (၁.၄) ဘီလီယံ တန်ဖိုးရှိ စစ်လက်နက်ပစ္စည်းများရောင်းချရန် အမေရိကန်ခွင့်ပြု
ယူအေအီးနိုင်ငံကို အမေရိကန်ဒေါ်လာ (၁.၄) ဘီလီယံတန်ဖိုးရှိ စစ်ဘက်ဆိုင်ရာလေယာဉ်များနှင့် စက်ပစ္စည်းကိရိယာများရောင်းချရန် အမေရိကန် နိုင်ငံခြားရေးဝန်ကြီးဌာနက ခွင့်ပြုလိုက်သည်ဟု အမေရိကန်အရာရှိ တစ်ဦးက ပြောကြားခဲ့ပါသည်။ယူအေအီးနိုင်ငံကို ရောင်းချရန်ခွင့်ပြုခဲ့သည့် ပစ္စည်းများထဲတွင် အမေရိကန်၏နိုင်ငံခြားရေးမူဝါဒနှင့် အမျိုးသားလုံခြုံရေးကို ပံ့ပိုးပေးမှုများ လုပ်ဆောင်ပေးမည့် အမေရိကန်ဒေါ်လာ(၁.၃၂)ဘီလီယံ တန်ဖိုးရှိ CH-47F Chinook ရဟတ်ယာဉ်(၆)စင်းနှင့် အခြားစက်ပစ္စည်းများပါဝင်သည်ဟု အမေရိကန် နိုင်ငံခြားရေးဝန်ကြီးဌာနအရာရှိတစ်ဦးက ပြောကြားခဲ့ပါသည်။ အမေရိကန်အရာရှိက “ယူအေအီးနိုင်ငံသည် အဆိုပါ ပစ္စည်းများကို ရှာဖွေကယ်ဆယ်ရေး၊ ဘေးအန္တရာယ် ကယ်ဆယ်ရေး၊ လူသားချင်းစာနာထောက်ထားမှုဆိုင်ရာ အထောက်အပံ့နှင့် အကြမ်းဖက်မှု တန်ပြန်ရေးလုပ်ငန်းများတွင် အသုံးပြုသွားပါမည်။ ယူအေအီးနိုင်ငံသည် အရှေ့ အလယ်ပိုင်းဒေသတွင် နိုင်ငံရေးတည်ငြိမ်မှုနှင့် စီးပွားရေးတိုးတက်မှုတို့အတွက် အရေးပါသည့် အမေရိကန်၏ မိတ်ဖက်နိုင်ငံဖြစ်ပါသည်” ဟု ပြောဆိုခဲ့ပါသည်။ယူအေအီးနိုင်ငံကို အမေရိကန်သမ္မတဒေါ်နယ်ထရမ့် သွားရောက်မလည်ပတ်မီ ရက်ပိုင်းအလိုတွင် အမေရိကန်နိုင်ငံခြားရေးဝန်ကြီးဌာန၏ ယူအေအီးကို စစ်လက်နက်ပစ္စည်းရောင်းချရန်ခွင့်ပြုချက် ထွက်ပေါ် လာခြင်းလည်း ဖြစ်ပါသည်။ကိုးကား- NP News
Wed, 14-မေလ-2025
ထရီပိုလီအခြေစိုက် လစ်ဗျားအစိုးရမှ မြို့တော်ကို လုံခြုံစိတ်ချရပြီဟု ကြေညာ
ထရီပိုလီအခြေစိုက် လစ်ဗျားအစိုးရမှ မြို့တော်ကို လုံခြုံစိတ်ချရပြီဟု ကြေညာ
ထရီပိုလီအခြေစိုက် အမျိုးသားညီညွတ်ရေးအစိုးရ (GNU) လက်အောက်ရှိ လစ်ဗျားကာကွယ်ရေးဝန်ကြီးဌာနသည် အကြီးတန်းလုံခြုံရေး တပ်ဖွဲ့ဝင်တစ်ဦး လုပ်ကြံခံရသည်ဟု သတင်းထွက်ပေါပြီးနောက် တစ်ညတာတိုက်ပွဲများဖြစ်ပွားခဲ့ပြီး မြို့တော်တွင် စစ်ဆင်ရေးကို “အောင်မြင်စွာ ပြီးဆုံးခဲ့ကြောင်း” အင်္ဂါနေ့ (မေ ၁၃) က ပြောကြားခဲ့သည်။ဝန်ကြီးဌာန၏ ထုတ်ပြန်ချက်တွင် “ဒေသအတွင်း ရေရှည်တည်တံ့သော လုံခြုံရေးနှင့် တည်ငြိမ်မှုရှိစေရန်အတွက် ၎င်း၏ အစီအစဉ်ကို အပြီးသတ်ရန်” ညွှန်ကြားချက်များပေးခဲ့ကြောင်း ဖော်ပြထားသော်လည်း အသေးစိတ်အချက်အလက်များကိုမူ ဖော်ပြထားခဲ့ခြင်းမရှိပေ။တိုက်ပွဲများသည် ထရီပိုလီမြို့၏ နေရာများစွာတွင် မေ ၁၃ (အင်္ဂါနေ့) ည က စတင်ဖြစ်ပွားခဲ့ပြီး ယင်းမတိုင်မီက ကုလသမဂ္ဂထောက်ခံသည့် အစိုးရ၏ တည်ငြိမ်ရေးထောက်ပံ့မှုအဖွဲ့ (SSA) ၏ ခေါင်းဆောင် အဗ္ဗဒူဂါနီ အယ်လ်ကီကလီ (ဂါနီဝါဟုလည်း လူသိများ) လုပ်ကြံခံခဲ့ရသည်။ ၎င်းသည် မြို့၏တောင်ပိုင်းရှိ 444th တိုက်ခိုက်ရေး တပ်ရင်းဌာနချုပ်အတွင်း၌ ပစ်ခတ်ခံခဲ့ရပြီး ဒေသခံမီဒီယာများက ညှိနှိုင်းမှုများ မအောင်မြင်ခဲ့ကြောင်း ဖော်ပြခဲ့သည်။အယ်လ်ဂျာဇီရာ၏ ဖော်ပြချက်အရ မြို့၏ အဘူဆလင်နှင့် မာရှ်ရို အရပ်များတွင် သေနတ်သံများနှင့် ပေါက်ကွဲမှုများကြားခဲ့ရပြီး မျက်မြင်သက်သေများက 111th နှင့် 444th တပ်ရင်းများမှ လက်နက်ကိုင်တပ်ဖွဲ့ဝင်များသည် SSA ဌာနချုပ်ကို ဝင်ရောက်တိုက်ခိုက်ခဲ့ကြောင်း ပြောကြားခဲ့သည်။ အယ်လ်အာရေဗီးယားသတင်းဌာနက မိစ်ရာတာနှင့် အခြားမြို့ များမှ လူအုပ်များသည် မြို့တော်သို့ ချဉ်းကပ်လာနေကြောင်း ဖော်ပြခဲ့သည်။အွန်လိုင်းပေါ်တွင် ဖြန့်ဝေနေသည့် ဓာတ်ပုံများတွင် လူအများအပြား သေဆုံးဒဏ်ရာရရှိသည်ကို တွေ့ရသော်လည်း သေဆုံးဒဏ်ရာရသူ အရေအတွက်ကိုမူ အတိအကျမသိရသေးဘဲ အယ်လ်ဂျာဇီရာက အနည်းဆုံး ခြောက်ဦး ဒဏ်ရာရခဲ့ကြောင်း ဖော်ပြခဲ့သည်။ကိုးကား- RTဘာသာပြန်ဆိုသူ- ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 14-မေလ-2025
© Copyright 2024 SAC All Rights Reserved.