ဗဟိုဘဏ်အတိုးနှုန်းများကို အမေရိကန်ဗဟိုဘဏ်ဥက္ကဌ Jerome Powell က တည်ငြိမ်အောင် ထိန်းထားဆဲဖြစ်

saceditor

News Image

  • ဗဟိုဘဏ်အတိုးနှုန်းများကို အမေရိကန်ဗဟိုဘဏ်ဥက္ကဌ Jerome Powell က တည်ငြိမ်အောင် ထိန်းထားဆဲဖြစ်

အမေရိကန်ဗဟိုဘဏ်ဥက္ကဌ Jerome Powell က ၂၀၂၅ ခုနှစ်၊ မတ်လ ၁၉ ရက် (ဗုဒ္ဓဟူးနေ့) တွင် သမ္မတထရမ့်၏ အမေရိကန်သို့ သွင်းကုန်များအပေါ် အကောက်ခွန်နှုန်းထား တိုးမြှင့်သတ်မှတ်မှုသည် အမေရိကန် နိုင်ငံ၏ စီးပွားရေးဖွံ့ဖြိုးတိုးတက်မှုကို နှေးစေပြီး နိုင်ငံတွင်း ငွေကြေးဖောင်းပွမှု ယာယီဖြစ်ပေါ်လျက်ရှိကြောင်း ပြောကြားထားပါသည်။

Powell က ဗဟိုဘဏ်အတိုးနှုန်းများကို ၄.၂၅ % မှ ၄.၅၀% အတွင်း တည်ငြိမ်အောင် ထိန်းထားနိုင်သည်ဟု ကြေညာပြီးနောက်တွင် သမ္မတ ထရမ့်သည် အမေရိကန်၏ စီးပွားရေးမိတ်ဖက်နိုင်ငံများမှ သွင်းကုန်များကို အကောက်ခွန်နှုန်းထား တိုးမြှင့်ကောက်ခံလျက်ရှိသည့်အတွက် ဈေးကွက်အတွင်း ဈေးနှုန်းမြင့်တက်မှုမြန်ဆန်နေကြောင်း ပြောကြားထားပါသည်။ သို့သော် တစ်ဖက်တွင် Powell ၏ မူဝါဒဆိုင်ရာ အကြံပေးများက ၂၀၂၅ ခုနှစ်၊ ဒုတိယ သုံးလပတ်တွင် အတိုးနှုန်းများကို လျှော့ချရန် မျှော်လင့်နေကြောင်း သတင်းရရှိပါသည်။ 

Powell က နိုင်ငံ၏ စီးပွားရေးဆိုင်ရာ အချက်အလက်များသည် ခိုင်မာလျက်ရှိသည်ကို နိုင်ငံ၏ လက်ရှိ အလုပ်လက်မဲ့နှုန်းသည် ၄.၁  ရာခိုင်နှုန်း ဖြစ်နေခြင်း၊  အလုပ်အကိုင်ဈေးကွက်သည် အကြမ်းဖျင်းအားဖြင့် မျှတလျက်ရှိနေခြင်းတို့ကို ကြည့်ပါက သိရှိနိုင်ပါကြောင်း ပြောကြားထားပါသည်။  သို့သော် ငွေကြေးဖောင်းပွမှုကြောင့် အလုပ်လက်မဲ့နှုန်းများ တိုးမြင့်လာခြင်း ရှိ၊ မရှိကို ဆက်လက်စောင့်ကြည့်သွားမည်ဟုလည်း  Powell က ဆက်လက်ပြောကြားထားပါသည်။ 

အဆိုပါကိစ္စရပ်များနှင့် စပ်လျဉ်း၍ သမ္မတထရမ့်က အမေရိကန်၏ အကောက်ခွန်မူဝါဒအသစ်ကို အထောက်အပံ့ဖြစ်စေရန် Powell အနေဖြင့် အတိုးနှုန်းများကို ပြင်ဆင်သတ်မှတ်သင့်ကြောင်း ၎င်း၏ Truth ဆိုရှယ်မီဒီယာပလက်ဖောင်းတွင် ရေးသားထားကြောင်း သိရှိရပါသည်။ 

ကိုးကား - CNA 

Photo: The Jakarta Post

ဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊ နစက-၃

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

စွမ်းအင်ဆိုင်ရာအခြေခံ အဆောက်အဦများအပေါ် ယူကရိန်း၏ တိုက်ခိုက်မှုသည် အပစ်အခတ်ရပ်စဲရေး အဆိုပြုချက်ကို ချိုးဖောက်ခြင်း ဖြစ်ကြောင်း ရုရှားပြော
စွမ်းအင်ဆိုင်ရာအခြေခံ အဆောက်အဦများအပေါ် ယူကရိန်း၏ တိုက်ခိုက်မှုသည် အပစ်အခတ်ရပ်စဲရေး အဆိုပြုချက်ကို ချိုးဖောက်ခြင်းဖြစ်ကြောင်း ရုရှားပြော
ရုရှား၏စွမ်းအင်ဆိုင်ရာအခြေခံအဆောက်အဦများအပေါ်တိုက်ခိုက်မှုသည် ရက်ပေါင်း ၃၀ အပစ်ရပ်ရေး အဆိုပြုချက်ကို ယူကရိန်းဘက်က စတင်ချိုးဖောက်လိုက်ခြင်းဖြစ်ကြောင်း ရုရှားနိုင်ငံခြားရေးဝန်ကြီးဌာနက မတ်လ ၂၀ ရက်နေ့ တွင် ထုတ်ဖော်ပြောကြားခဲ့ပါသည်။ယခုလုပ်ရပ်နှင့်ပတ်သက်၍ ယူကရိန်းအား တာဝန်ယူမှုရှိအောင် ထိန်းချုပ်ဆောင်ရွက်ရန်မှာ ယာယီ အပစ်ရပ်ရန် အဆိုပြုချက်အတွက် ကြားဝင်ဆောင်ရွက်ပေးခဲ့သည့် အမေရိကန်၌ တာဝန်ရှိကြောင်း ရုရှားနိုင်ငံခြားရေးဝန်ကြီးဌာန၏ ပြောရေးဆိုခွင့်ရှိသူ Maria Zakharova က Channel One သတင်းဌာနသို့ ပြောကြားခဲ့သည်။ယူကရိန်းဘက်ကလည်း “ရုရှားအနေဖြင့် သဘောတူညီချက်ကို ချိုးဖောက်ခဲ့ကြောင်း” ပြန်လည် စွပ်စွဲခဲ့သည့်အပြင် ပူတင်နှင့် ထရမ့်တို့ တယ်လီဖုန်းဖြင့် ဆက်သွယ်ပြောဆိုပြီး နာရီပိုင်းအကြာတွင် “ရုရှားက Sumy မြို့ရှိ ဆေးရုံတစ်ခု အပါအဝင် အရပ်ဘက်အဆောက်အဦများကို အဓိကပစ်မှတ်ထား တိုက်ခိုက်ခဲ့ကြောင်း” ဇီလန်စကီးက တုံ့ပြန် ပြောကြားခဲ့ပါသည်။ထို့အပြင် ရုရှားတပ်ဖွဲ့များက မတ်လ ၂၀ ရက်နှောင်းပိုင်းတွင် ယူကရိန်းရှိ Odesa မြို့သို့ ပြင်းထန်သည့် ဒရုန်း တိုက်ခိုက်မှုတစ်ခုပြုလုပ်ခဲ့ကြောင်း၊ အဆိုပါတိုက်ခိုက်မှုကြောင့် လူ(၃)ဦး ဒဏ်ရာရရှိခဲ့ပြီး နေအိမ်အဆောက်အဦ (၁)လုံးနှင့် ဈေးဝယ်စင်တာ(၁)ခုကို ထိခိုက်ပျက်စီးစေခဲ့ကြောင်း Odesa မြို့တော်ဝန်က ပြောကြားခဲ့မှုကို XINHUA သတင်းစာမျက်နှာတွင် ရေးသားဖော်ပြထားပါသည်။ကိုးကား-ဆင်ဟွာအလွတ်သဘောဘာသာပြန်ဆိုသူ-ဦးထက်ထက်အောင်(နစက-၄)
ယူကရိန်းသို့ ယူရို ၅ ဘီလီယံတန်ဖိုးရှိ စစ်လက်နက်ပစ္စည်းများ ထောက်ပံ့မည့်အစီအစဉ် ဥရောပကောင်စီ အစည်းအဝေး၌ ဆုံးဖြတ် နိုင်ခဲ့ခြင်းမရှိ
ယူကရိန်းသို့ ယူရို ၅ ဘီလီယံတန်ဖိုးရှိ စစ်လက်နက်ပစ္စည်းများ ထောက်ပံ့မည့်အစီအစဉ် ဥရောပကောင်စီ အစည်းအဝေး၌ ဆုံးဖြတ်နိုင်ခဲ့ခြင်းမရှိ
မတ်လ ၂၀ ရက်နေ့တွင် ကျင်းပခဲ့သည့် ဥရောပကောင်စီအစည်းအဝေး၌ ယူကရိန်းအစိုးရသို့ စစ်လက်နက်ပစ္စည်း အကူအညီများ ထပ်မံပေးအပ်ရေးအတွက် လက်တွေ့ကျသည့်ဆုံးဖြတ်ချက် တစ်စုံတစ်ရာမျှချမှတ်နိုင်ခဲ့ခြင်းမရှိခဲ့ကြောင်း သတင်းရရှိပါသည်။အစည်းအဝေး၏ အပြီးသတ်ဆုံးဖြတ်ချက်တွင် ယူရို ၅ ဘီလီယံသို့ လျှော့ချပြီး အကူအညီပေးမည့်အစီအစဉ်နှင့်ပတ်သက်၍ တစ်စုံတစ်ရာ ဆွေးနွေးပြောကြားခဲ့ခြင်းမရှိသကဲ့သို့ ဥရောပသဂ္ဂ၏ နိုင်ငံခြားရေးမူဝါဒဆိုင်ရာ အကြီးအကဲ ဖြစ်သူ Kaja Kallas က ယခင်တင်သွင်းခဲ့သည့် ယူရို ၄၀ ဘီလီယံတန်ဖိုးရှိ စစ်လက်နက်ပစ္စည်း အကူအညီပေးရေး အစီအစဉ်ကိုလည်း ဆွေးနွေးခဲ့ခြင်းမရှိပေ။ယူကရိန်းသို့ ယူရို ၅ ဘီလီယံအကူအညီပေးရေးအစီအစဉ်ကို အီးယူအဖွဲ့ဝင် (၂၆) နိုင်ငံက သဘောတူ လက်မှတ်ရေးထိုးခဲ့သော်လည်း ဟန်ဂေရီနိုင်ငံက လက်မှတ်ရေးထိုးခဲ့ခြင်းမရှိသဖြင့် အဆိုပါကိစ္စကို လာမည့် ဇွန်လ နှောင်းပိုင်းတွင် ကျင်းပမည့်အစည်းအဝေးမှသာ ထည့်သွင်းဆွေးနွေးသွားနိုင်လိမ့်မည်ဖြစ်ကြောင်း TASS သတင်းစာမျက်နှာတွင် ရေးသားဖော်ပြထားပါသည်။ကိုးကား-TASSအလွတ်သဘောဘာသာပြန်သူ-ဦးထက်ထက်အောင်(နစက-၄)
ယူကရိန်းပဋိပက္ခအတွင်း ရုရှားစစ်သည် ၂၅၀,၀၀၀ ခန့်အထိ သေဆုံး ခဲ့ကြောင်း ဗြိတိန်ကာကွယ်ရေးဝန်ကြီးဌာနပြော
ယူကရိန်းပဋိပက္ခအတွင်း ရုရှားစစ်သည် ၂၅၀,၀၀၀ ခန့်အထိ သေဆုံးခဲ့ကြောင်း ဗြိတိန်ကာကွယ်ရေးဝန်ကြီးဌာနပြော
၂၀၂၂ ခုနှစ်က စတင်ဖြစ်ပွားခဲ့သည့် ယူကရိန်းကျူးကျော်စစ်အတွင်း ရုရှားဘက်မှ စစ်သည် ၉၀၀,၀၀၀ ခန့် ထိခိုက်ဒဏ်ရာရရှိခဲ့ပြီး စစ်သည် ၂၀၀,၀၀၀ မှ ၂၅၀,၀၀၀ ခန့်အထိ သေဆုံးခဲ့ကြောင်းနှင့် ဤသည်မှာ ဒုတိယကမ္ဘာစစ်ကာလမှစ၍ ယနေ့အချိန်အထိ ရုရှားနိုင်ငံ၏ စစ်သည်သေဆုံးမှု ပမာဏအမြင့်ဆုံးအခြေအနေတစ်ရပ်ဖြစ်ကြောင်း ဗြိတိန်ကာကွယ်ရေးဝန်ကြီးဌာနက မတ်လ (၂၀) ရက်နေ့တွင် လူမှုကွန်ယက် စာမျက်နှာတွင် ရေးသားဖော်ပြခဲ့ ပါသည်။ရုရှားသမ္မတ ပူတင်နှင့် ၎င်း၏ စစ်ဘက်ခေါင်းဆောင်ပိုင်းများသည် ယူကရိန်းစစ်ပွဲအတွက် ပြည်သူလူထုနှင့် အဓိက ပံ့ပိုးပေးသည့်နိုင်ငံများ၏ ထောက်ခံအားပေးမှုကို ထိခိုက်မှုမရှိစေဘဲ သေဆုံးမှုနှုန်းကို ကာမိစေရန်အတွက် အင်အားပြန်လည်ဖြည့်တင်းရန် အသေအချာ ပြင်ဆင်ထားရှိကြောင်း၊ သို့သော် ဖွံ့ဖြိုးမှုနိမ့်ကျပြီး ဆင်းရဲနွမ်းပါးသည့် ဒေသများမှ တိုင်းရင်းသားလူနည်းစုများ၏အသက်များအား တန်ဖိုးထားမှု လွန်စွာနည်းပါးကြောင်း၊ အဆိုပါဒေသများကို အဓိကထား၍ စစ်သည်စုဆောင်းမှုများကို လုပ်ဆောင်ကြကြောင်း၊ မော်စကိုကဲ့သို့သော မြို့ပြဒေသမှ ဆလပ်လူမျိုးများသည် ဆင်းရဲနွမ်းပါးကြသည့် အခြားသောလူနည်းစုတိုင်းရင်းသားများထက် စစ်သားစုဆောင်းခံရမှုနှုန်းမှာ လွန်စွာ နည်းပါးလှကြောင်း ဗြိတိန်ကာကွယ်ရေးဝန်ကြီးဌာနက ရေးသားဖော်ပြခဲ့ပါသည်။ကိုးကား- NHK Worldအလွတ်သဘောဘာသာပြန်သူ-ဦးထက်ထက်အောင်(နစက-၄)
အစ္စရေးလေဆိပ်နှင့် အမေရိကန် လေယာဉ်တင်သင်္ဘောအဖွဲ့အား တိုက်ခိုက်ခဲ့ကြောင်း ယီမင်ဟူသီ လက်နက်ကိုင်များ ကြေညာ
အစ္စရေးလေဆိပ်နှင့် အမေရိကန် လေယာဉ်တင်သင်္ဘောအဖွဲ့အား တိုက်ခိုက်ခဲ့ကြောင်း ယီမင်ဟူသီ လက်နက်ကိုင်များ ကြေညာ
ကူဝိတ်စီးတီး၊ မတ် ၂၀ ရက် ယီမင်ဟူသီလက်နက်ကိုင်များက မတ် ၂၀ ရက်က အစ္စရေးနိုင်ငံ တဲလ်အဗစ်မြို့ရှိ Ben Gurion အပြည်ပြည်ဆိုင်ရာ လေဆိပ်နှင့် ပင်လယ်နီ တောင်ပိုင်း ရေပြင်ရှိ အမေရိကန်ရေတပ် “USS Harry S. Truman” လေယာဉ်တင် သင်္ဘောနှင့် ၎င်း၏ ရေယာဉ်စုကို တိုက်ခိုက်ခဲ့ကြောင်း ဆန်နားသတင်းအရ သိရသည်။ဟူသီလက်နက်ကိုင်များက မတ် ၂၀ ရက်တွင် Ben Gurion အပြည်ပြည်ဆိုင်ရာလေဆိပ်ကို “ပါလက်စတိုင်း ၂” အမျိုးအစား ဟိုက်ပါဆိုးနစ် ပဲ့ထိန်းဒုံးကျည်တစ်စင်း ပစ်လွှတ်ခဲ့ကြောင်း၊ ထို့အပြင် ဟူသီလက်နက်ကိုင်များက အမေရိကန်ရေတပ် “USS Harry S. Truman” လေယာဉ်တင်သင်္ဘောနှင့် ၎င်း၏ ရေယာဉ်စုကိုလည်း တိုက်ခိုက်ခဲ့သေးကြောင်း ယီမင်ဟူသီလက်နက်ကိုင်များ ထိန်းချုပ်ထားသော Al-Masirah ရုပ်သံလိုင်းက အဆိုပါနေ့တွင် ထုတ်ပြန်ခဲ့သည်။အထက်ဖော်ပြပါ တန်ပြန်တိုက်ခိုက်မှုများသည် ပါလက်စတိုင်း ဂါဇာကမ်းမြောင်ဒေသတွင် အစ္စရေးစစ်တပ်၏ လတ်တလော ဗုံးကြဲတိုက်ခိုက်မှုနှင့် အမေရိကန်စစ်တပ်၏ ယီမင်နိုင်ငံ ဆန်နားပြည်နယ် နေရာအများအပြားအပေါ် တိုက်ခိုက်မှုများကို တုံ့ပြန်ရန်ဖြစ်ကြောင်း ဟူသီလက်နက်ကိုင်များက ပြောကြားခဲ့သည်။အစ္စရေးအလယ်ပိုင်း နေရာအများအပြား၌ မတ် ၂၀ ရက် နံနက်ပိုင်းတွင် လေကြောင်းတိုက်ခိုက်မှု သတိပေးချက်အသံများ မြည်ခဲ့ကြောင်း အစ္စရေးရဲတပ်ဖွဲ့ သတင်းအရ သိရသည်။ ယီမင်ဘက်က ပစ်လွှတ်ခဲ့သော ဒုံးကျည်တစ်စင်းကို ပစ်ချနိုင်ခဲ့ကြောင်း အစ္စရေးစစ်တပ်က ဆိုခဲ့သည်။ ထို့အပြင် လက်ရှိတွင် သေဆုံး၊ ဒဏ်ရာရသူ မရှိသေးကြောင်း အရေးပေါ်ကယ်ဆယ်ရေးဌာန၏ သတင်းအရ သိရသည်။အမေရိကန်စစ်တပ်ဘက်ကမူ လက်ရှိအချိန်အထိ ထုတ်ဖော်ပြောဆိုခြင်း မရှိသေးပေ။ ကိုးကား-ဆင်ဟွာ
အမေရိကန်၏ Cloud ဝန်ဆောင်မှုနည်းပညာအပေါ် မှီခိုအားထားမှုကို လျှော့ချရန် နယ်သာလန် အောက်လွှတ်တော် တိုက်တွန်း
အမေရိကန်၏ Cloud ဝန်ဆောင်မှုနည်းပညာအပေါ် မှီခိုအားထားမှုကို လျှော့ချရန် နယ်သာလန် အောက်လွှတ်တော် တိုက်တွန်း
သည်ဟိတ်၊ မတ် ၂၀ ရက် နယ်သာလန်အောက်လွှတ်တော်က မတ် ၁၉ ရက်တွင် အဆိုပြုချက်များစွာကို အတည်ပြုခဲ့ပြီး နယ်သာလန် အစိုးရအား အမေရိကန် Cloud ဝန်ဆောင်မှုနည်းပညာအပေါ် မှီခိုအားထားမှုကို လျှော့ချရန်၊ တစ်ချိန်တည်းမှာပင် နယ်သာလန်နှင့် ဥရောပတို့အပေါ် အစားထိုး နည်းလမ်းများ၏ ရင်းနှီးမြှုပ်နှံမှုကို အရှိန်မြှင့်တင်ရန် တိုက်တွန်း ခဲ့သည်။အဆိုပါ အဆိုပြုချက်များကို နယ်သာလန်အောက်လွှတ်တော်ရှိ အာဏာရပါတီအနည်းငယ်နှင့် အတိုက်အခံပါတီတို့မှ အသီးသီး တင်ပြခြင်းဖြစ်သည်။ ဒစ်ဂျစ်တယ်နည်းပညာနယ်ပယ် အထူးသဖြင့် Cloud နည်းပညာကဏ္ဍတွင် နယ်သာလန်အစိုးရသည် လက်ရှိ၌ အမေရိကန်ကုမ္ပဏီကြီး အနည်းငယ်အပေါ် တစ်ဖက်သတ် မှီခိုအားထားနေရပြီး ယင်းအခြေအနေသည် အန္တရာယ်များ ဆောင်ကြဉ်းပေးနိုင်ကြောင်း နယ်သာလန် အာဏာရပါတီများ အနက် တစ်ခု ဖြစ်သော Nieuw Social Contract (NSC) ပါတီက အဆိုပြုချက်တွင် ထောက်ပြခဲ့သည်။ ယင်းအဆိုပြုချက်က အမေရိကန်ကုမ္ပဏီများအပေါ် မှီခိုအားထားမှုကို လျှော့ချရန် နယ်သာလန်အစိုးရအား နယ်သာလန်ပြည်တွင်း သို့မဟုတ် အနည်းဆုံးအနေဖြင့် ဥရောပနယ်ပယ်အတွင်းရှိ Cloud ဝန်ဆောင်မှုများ ပြောင်းလဲ အသုံးပြုရန် တိုက်တွန်းခဲ့သည်။အမေရိကန်၏ Cloud ဝန်ဆောင်မှုပေးသူများက ဥရောပဈေးကွက်တွင် ဦးဆောင်ကြီးစိုးနိုင်သည့် အနေအထားရှိပြီး အမေရိကန်၏ “ပြည်ပတွင်ဒေတာတရားဝင်သုံးစွဲမှုရှင်းလင်းရေးဥပဒေ” ကဲ့သို့သော ဥပဒေများက ဥရောပ နိုင်ငံသားများ၊ ကုမ္ပဏီလုပ်ငန်းနှင့် အစိုးရဒေတာများကို အမေရိကန်အစိုးရ ရရှိရန် ဖြစ်နိုင်ခြေရှိကြောင်း၊ ထို့ကြောင့် ဥရောပ အနေဖြင့် မဟာဗျူဟာမြောက် ဒစ်ဂျစ်တယ်အဆင့်တွင် ကိုယ်ပိုင်အုပ်ချုပ်ခွင့်သည် စီးပွားရေး၊ နည်းပညာနှင့် နိုင်ငံ့ လုံခြုံရေးအတွက်ပါ လွန်စွာအရေးကြီးကြောင်း နယ်သာလန်အတိုက်အခံပါတီက ဥရောပပါတီ၏ အဆိုပြုချက်တွင် ပြောကြားခဲ့သည်။ အဆိုပါ အဆိုပြုချက်က ဥရောပ ပူးပေါင်းဆောင်ရွက်မှု မိတ်ဖက်များနှင့်အတူ အမေရိကန် Cloud ဝန်ဆောင်မှုပေးသူများအား အစားထိုးမည့်နည်းလမ်းကို အတူရှာဖွေပြီး ဥရောပ Cloud အစားထိုးနည်လမ်းနှင့် ဒစ်ဂျစ်တယ်အခြေခံအဆောက်အအုံ ရင်းနှီးမြှုပ်နှံမှုများကို အရှိန်မြှင့်တင်ရန် တောင်းဆိုထားသည်။နယ်သာလန်နှင့် ဥရောပတို့သည် စွမ်းအင်၊ ကာကွယ်ရေး၊ သတင်းအချက်အလက်နှင့် ဆက်သွယ်ရေး နည်းပညာဆိုင်ရာ အခြေခံအဆောက်အအုံနယ်ပယ်များတွင် ကိုယ်တိုင်ရပ်တည်ရေးလမ်းကြောင်းသို့ မဖြစ်မနေသွားရမည်ကို အမေရိကန်အစိုးရ၏ လက်ရှိလုပ်ဆောင်မှုများက ပြသနေကြောင်း အခြားသော အတိုက်အခံပါတီတစ်ခုဖြစ်သော Democrats 66 ပါတီ၏ အဆိုပြုချက်တွင် ပြောကြားထားသည်။ အမေရိကန်နည်းပညာကုမ္ပဏီကြီးများအပေါ် မှီခိုအားထားမှုသည် နယ်သာလန်၏ ကိုယ်ပိုင်အုပ်ချုပ်ခွင့်နှင့် ဆိုက်ဘာလုံခြုံရေးကို ခြိမ်းခြောက်မှုဖြစ်စေမည်ဟု အတိုက်အခံပါတီရှိ GL-PvdA ပါတီကလည်း အဆိုပြုချက်တွင် အလေးအနက်ပြောကြားခဲ့သည်။ ကိုးကား-ဆင်ဟွာ
စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ လက်နက်ကိုင်အကြမ်းဖက်သမားများက ကျေးရွာအတွင်း လက်နက်ကြီးများဖြင့် ပစ်ခတ်တိုက်ခိုက်မှုကြောင့် သာသနာ့အနွယ်ဝင် သာမဏေ တစ်ပါး အပါအဝင် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိမှု မှတ်တမ်းဓာတ်ပုံ။ , စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ လက်နက်ကိုင်အကြမ်းဖက်သမားများက ကျေးရွာအတွင်း လက်နက်ကြီးများဖြင့် ပစ်ခတ်တိုက်ခိုက်မှုကြောင့် သာသနာ့အနွယ်ဝင် သာမဏေ တစ်ပါး အပါအဝင် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိမှု မှတ်တမ်းဓာတ်ပုံ။ , စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ လက်နက်ကိုင်အကြမ်းဖက်သမားများက ကျေးရွာအတွင်း လက်နက်ကြီးများဖြင့် ပစ်ခတ်တိုက်ခိုက်မှုကြောင့် သာသနာ့အနွယ်ဝင် သာမဏေ တစ်ပါး အပါအဝင် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိမှု မှတ်တမ်းဓာတ်ပုံ။
စစ်ကိုင်းတိုင်းဒေသကြီး၊ စစ်ကိုင်းမြို့နယ်၌ လက်နက်ကိုင်အကြမ်းဖက်သမားများက ကျေးရွာအတွင်း လက်နက်ကြီးများဖြင့် ပစ်ခတ်တိုက်ခိုက်မှုကြောင့် သာသနာ့အနွယ်ဝင် သာမဏေ တစ်ပါး အပါအဝင် အပြစ်မဲ့ အရပ်သားပြည်သူ နှစ်ဦး ထိခိုက်ဒဏ်ရာရရှိ
လက်နက်ကိုင်အကြမ်းဖက်သမားများသည် အပြစ်မဲ့ အရပ်သားပြည်သူများ နေထိုင်ရာ မြို့၊ ရပ်ကွက်၊ ကျေးရွာများအတွင်း၌ တိုက်ပွဲများဖော်ဆောင်ခြင်း၊ လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများအား လုပ်ဆောင်လျက်ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ မတ် ၂၀ ရက် ညနေ ၅ နာရီတွင် မန္တလေးတိုင်းဒေသကြီး၊ ချမ်းအေးသာစံမြို့နယ်ရှိ မန္တလေးပြည်သူ့ဆေးရုံကြီးသို့ ဗုံးသီးပေါက်ကွဲစ ထိမှန်ဒဏ်ရာများဖြင့် အမျိုးသား တစ်ဦးနှင့် အမျိုးသမီး တစ်ဦး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ ထန်းမြင့်ကျေးရွာသို့ PDF အမည်ခံ အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ လက်နက်ကြီးများဖြင့် ပစ်ခတ်တိုက်ခိုက်ခဲ့ရာ ကျေးရွာအတွင်း လက်နက်ကြီးဗုံးသီးများ ကျရောက်ပေါက်ကွဲခဲ့မှုကြောင့် အဆိုပါကျေးရွာနေ ဒေါ်ခင်မျိုးဦး (၄၂)နှစ်နှင့် ၎င်း၏သား မောင်မင်းခန့်ကို(၁၅)နှစ်တို့တွင် ဗုံးသီးပေါက်ကွဲစ ထိမှန်ဒဏ်ရာများရရှိခဲ့ခြင်းဖြစ်ကြောင်း သိရသည်။အလားတူ ညနေ ၅ နာရီ ၄၅ မိနစ်တွင် မန္တလေးတိုင်းဒေသကြီး၊ ချမ်းအေးသာစံမြို့နယ်ရှိ မန္တလေးပြည်သူ့ဆေးရုံကြီးသို့ ဗုံးသီးပေါက်ကွဲစ ထိမှန်ဒဏ်ရာများဖြင့် သာမဏေ တစ်ပါး ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ စစ်ကိုင်းတိုင်းဒေသကြီး၊ စစ်ကိုင်းမြို့နယ်၊ မင်းကွန်းကျေးရွာသို့ PDF အမည်ခံ အကြမ်းဖက်အဖွဲ့က အများပြည်သူထိခိုက်စေရန် ရည်ရွယ်၍ လက်နက်ကြီးများဖြင့် ပစ်ခတ်တိုက်ခိုက်ခဲ့ရာ ကျေးရွာအတွင်း လက်နက်ကြီးဗုံးသီးများ ကျရောက်ပေါက်ကွဲခဲ့မှုကြောင့် အဆိုပါကျေးရွာရှိ မင်းကွန်းမဟာစန္ဒိမာရာမဘုန်းကြီးကျောင်းမှ သာမဏေ ရှင်ပညာသီရိ(ခ)မိုးသက်နိုင် သက်တော် (၁၁)နှစ်၊ ဝါတော် (၄)ဝါတွင် ဗုံးသီးပေါက်ကွဲစ ထိမှန်ဒဏ်ရာများ ရရှိခဲ့ခြင်းဖြစ်ကြောင်း သိရသည်။ထိုသို့ အပြစ်မဲ့ အရပ်သားပြည်သူများ အေးချမ်းစွာ နေထိုင်လျက်ရှိသော မြို့၊ ရပ်ကွက်၊ ကျေးရွာအတွင်းသို့ အကြမ်းဖက်သမားများမှ တိုက်ပွဲများဖော်ဆောင်ခြင်းနှင့် လက်နက်ကြီး၊ ရှော့တိုက်ဒုံး၊ Drop Bomb များဖြင့် ပစ်ခတ်တိုက်ခိုက်ခြင်းများ လုပ်ဆောင်မှုကြောင့် သာသနာ့အနွယ်ဝင် သံဃာတော်များနှင့် အပြစ်မဲ့ အရပ်သားပြည်သူများ ထိခိုက်ဒဏ်ရာရရှိခဲ့မှုအပေါ် ဒေသခံပြည်သူများက လုံးဝလက်ခံနိုင်ခြင်းမရှိဘဲ ဆန့်ကျင်ကန့်ကွက်လျက်ရှိကြောင်းနှင့် လုံခြုံရေးတပ်ဖွဲ့ဝင်များက လိုအပ်သော လုံခြုံရေးလုပ်ငန်းများကို ပြည်သူလူထုနှင့်ပူးပေါင်းကာ တိုးမြှင့်လုပ်ဆောင်လျက်ရှိကြောင်း သတင်း ရရှိသည်။Source: www.moha.gov.mm 
© Copyright 2024 SAC All Rights Reserved.