အစ္စရေးနိုင်ငံမြောက်ပိုင်း ဟိုင်ဖာမြို့အား ဟစ်ဇ်ဘိုလာအဖွဲ့ တိုက်ခိုက်
News Image
ဟစ်ဇ်ဘိုလာအဖွဲ့သည် အစ္စရေးနိုင်ငံမြောက်ပိုင်း ဟိုင်ဖာမြို့ကို ဒုံးကျည်အမြောက်အမြားဖြင့် အောက်တိုဘာ ၇ ရက်က တိုက်ခိုက်ခဲ့ကြောင်း သိရသည်။
ဂါဇာကမ်းမြောင်ရှိ မြို့၊ ရွာများနှင့် အရပ်သားများအား အစ္စရေးတို့၏ ကျူးကျော်မှုကို တုံ့ပြန်သည့် အနေဖြင့် ဟစ်ဇ်ဘိုလာတိုက်ခိုက်ရေးသမားများက ဟိုင်ဖာမြို့မြောက်ဖက်အား ဒုံးကျည်များဖြင့် တိုက်ခိုက်ခဲ့သည်ဟု ဟစ်ဇ်ဘိုလာအဖွဲ့က ထပ်လောင်းပြောကြားသည်။
အစ္စရေးသည် အောက်တိုဘာ ၇ ရက်တွင် လက်ဘနွန်တောင်ပိုင်းရှိ ဒေသများတွင် လေကြောင်း တိုက်ခိုက်မှု ၃၀ ပြုလုပ်ခဲ့ကြောင်း လက်ဘနွန်တပ်မတော် သတင်းရင်းမြစ်များက ဆင်ဟွာသို့ ပြောကြားသည်။
လက်ဘနွန်နိုင်ငံတောင်ပိုင်းရှိ ဆရီဖာမြို့တွင် လူနေအိမ်တစ်လုံးအား အစ္စရေးတပ်မတော်က လေကြောင်းမှ တိုက်ခိုက်ခဲ့ရာ လေးဦးသေဆုံးကြောင်း သိရသည်။
ကိုးကား- ဆင်ဟွာ
Source- မြန်မာ့အလင်း
MM-News-Category
