တောင်ခမ်းမှဆုတ်ခွာနေရသော TNLA က ဗမာ PDF များကို နောင်ချို သို့ ပို့၍ ခံစစ်ပြင်နေ

saceditor

News Image

  • တောင်ခမ်းမှဆုတ်ခွာနေရသော TNLA က ဗမာ PDF များကို နောင်ချို သို့ ပို့၍ ခံစစ်ပြင်နေ

တောင်ခမ်းမှဆုတ်ခွာနေရသော TNLA များသည် ဗမာ PDF များကို နောင်ချိုမြို့နယ်သို့ ပို့ကာ ခံစစ်ဆင်ရန်ပြင်ဆင်နေကြောင်းဖြစ်စဉ်နှင့် ပတ်သက်၍သိရှိသူ ရှမ်းပြည်နယ်မြောက်ပိုင်းမှ ဒေသခံသတင်းရင်းမြစ် တစ်ဦးက NP News သို့ပြောသည်။

ဗမာ PDF များနှင့် ဓနု PDF များသည် TNLA နှင့်ပူးပေါင်းကာ တောင်ခမ်းကို တိုက်ခိုက်ရာတွင် ထိုးစစ်လှိုင်းများကို အသုံးပြုခဲ့ရာ TNLA တို့က နောက်တွင်ကွပ်ကဲပြီး PDF များကိုရှေ့တွင်ထားသောကြောင့် PDF ဘက်တွင် သေဆုံးသူများပြားခဲ့သော ဖြစ်စဉ်များလည်း ရှိခဲ့သည်။ လက်ရှိတွင် တပ်မတော်က တောင်ခမ်းကိုအပြည့်အဝ ထိန်းချုပ်နိုင်ခဲ့ပြီးနောက် တပ်မတော်စစ်ကြောင်းသည် နောင်ချိုမြို့ကို စိုးမိုးနိုင်ရန်အတွက် ဦးတည်ကာ ဆက်လက်၍ထိုးစစ်ဆင်နေရာ တပ်မတော်ကို ခံစစ်ဆင်ရန်အတွက် ဗမာ PDF များကို အသုံးချလာခြင်းဖြစ်ပြီး မြေပြင်အနေအထားနှင့်စိတ်ဓာတ်ပိုင်းအရ တပ်မတော်ကသာလွန်နေရာ TNLA ပူးပေါင်းအဖွဲ့ဘက်တွင် သေဆုံးသူများနေကြောင်း သိရသည်။

“နောင်ချိုမှာ တတ်ညီလက်ညီထိုးနေတယ်၊ တစ်ဖက်က ထိုးတဲ့အဖွဲ့ကလည်း (၁၀) ကုန်း ရတယ်၊ (၆) လောင်းနှင့် (၄) လက် ရသည်၊တပ်မ ၁၁ အဖွဲ့နှင့် မနေ့ကတွေ့တယ်။ (၉) ကုန်း ရတယ်၊ တပ်မ ၁၁ အဖွဲ့က တစ်ရက်တည်း (၅)ကုန်းသိမ်းလိုက်တယ်” ဟု ယခုကာလ တပ်မတော်၏ ထိုးစစ်အခြေအနေနှင့်ပတ်သက်၍ စစ်ရေးသတင်းရင်းမြစ်တစ်ဦးက NP News သို့ပြောသည်။

အဆိုပါ အခြေအနေတွင် TNLA တို့က ၎င်းတို့နှင့်ပူးပေါင်းနေသော PDF များကို ခံစစ်အတွက်အားဖြည့်မှုကို အတင်းအကြပ် လုပ်ဆောင်နေကြောင်း လည်း သိရသည်။ “PDF နှင့် TNLA တို့က သိပ်ပြီးအဆင်မပြေသည့် အနေအထားတွေက ကြားတော့ကြားတယ်ပေါ့နော်၊ အခုလည်း PDF တွေကို ကွက်ခိုင်-သိန္နီ-လားရှိုးလမ်းကနေ ကားဖြင့်ဆင်းသွားတာကို တွေ့တယ်လို့တော့ သိရတယ်ပေါ့နော်၊ နောင်ချိုဘက်ကို ရှေ့တန်း ဝင်ခိုင်းချင်သည့် သဘောပေါ့၊ ခေါ်သွားသည့်အချိန်မှာလည်း ထိုးကြိတ်ထားသည့် ပုံစံလေးတွေ တွေ့ရတယ်။ လက်ရှိမှာလည်း TNLA က နောင်ချိုဘက်မှာ အထိအခိုက်များတော့ တောင်ခမ်းမှာလည်း အကျအဆုံးများနေသည့် အချိန်မှာ PDF တွေကို ထုတ်ပြီးသုံးလာတာတွေ့ရတယ်” ’ဟု အထက်ပါ ဒေသခံသတင်းရင်းမြစ်က ဆိုသည်။

တောင်ခမ်းစစ်မြေပြင်မှ အခြေအနေများနှင့်ပတ်သက်၍ TNLA ကို ထောက်ခံသူ Mai A Naing အမည်ရှိ လူမှုကွန်ရက်အကောင့်က ပို့စ်တစ်ခု တင်ထားခဲ့ရာ ယင်းစာ အတွင်းတပ်မတော်၏ နိုင်လိုစိတ်မြင့်မားလာခြင်းကို တစ်ဖက်လှည့်ဖြင့် ဝန်ခံထားသည့်အပြင် တောင်ခမ်းကို လာရောက် တိုက်ခိုက်သော TNLA အတွင်း စစ်ပြေးများလာသည်ဟုလည်း ထည့်သွင်းရေးသားထားသည်ကို တွေ့မြင်ရသည်။ “တပ်မတော်၏ လုပ်ဆောင်ချက်များကို ဒီကောင်တွေ တော်တော်ထိတ်လန့် သွားပုံရသည်’ဟု စစ်ရေးသတင်းရင်းမြစ်က ဆိုသည်။

ကိုးကား-NP News

MM-News-Category
လုံခြုံရေးကဏ္ဍသတင်းများ
လုံခြုံရေး-ပြည်တွင်းသတင်း

ဆက်စပ်သတင်းများ

ပါကစ္စတန်က အပစ်အခတ်ရပ်စဲရေးကိုချိုးဖောက်မှုကြောင့်အိန္ဒိယဘက်က သင့်လျော်သလိုတုံ့ပြန်ရဟု ဆို
ပါကစ္စတန်က အပစ်အခတ်ရပ်စဲရေးကိုချိုးဖောက်မှုကြောင့်အိန္ဒိယဘက်က သင့်လျော်သလိုတုံ့ပြန်ရဟု ဆို
နယူးဒေလီ၊ စစ်ရေးအိန္ဒိယနိုင်ငံနှင့် ပါကစ္စတန်နိုင်ငံတို့က မေလ ၁၀ ရက်တွင် အပစ်အခတ်ရပ်စဲရေး သဘောတူညီချက် ရရှိပြီးနောက် မကြာမီမှာပင် ပါကစ္စတန်ဘက်က ထိုသဘောတူညီချက်ကိုချိုးဖောက်မှုကြောင့် အိန္ဒိယဘက်က သင့်လျော်သလိုတုံ့ပြန်လိုက်ရခြင်းဖြစ်သည်ဟု အိန္ဒိယနိုင်ငံခြားရေးဝန်ကြီးဌာနကထုတ်ပြန်ထားသည်။ထို့ပြင် ပါကစ္စတန်အနေဖြင့် အပစ်အခတ်ရပ်စဲရေးချိုးဖောက်မှုနှင့်ပတ်သက်၍ သင့်လျော်သလိုကိုင်တွယ် ဖြေရှင်းရန် တောင်းဆိုကြောင်း အိန္ဒိယနိုင်ငံခြားရေးဝန်ကြီးဌာနမှပြောရေးဆိုခွင့်ရှိသူကပြောသည်။အဆိုပါနှစ်နိုင်ငံကြားတွင် အမေရိကန် အစိုးရကကြားဝင်ဖျန်ဖြေပေးလိုက်သည့်အတွက် အပစ်အခတ် ရပ်စဲရေးသဘောတူညီချက်ရရှိခဲ့ခြင်းဖြစ်ပြီး ထိုသဘောတူညီချက်မှာ မေလ ၁၀ ရက် ညနေ ၅ နာရီတွင် စတင်အသက်ဝင်ခြင်းဖြစ်သည်။အိန္ဒိယကာကွယ်ရေးဝန်ကြီးဌာနက မေလ ၇ ရက်တွင် ဆင်းဒူးစစ်ဆင်ရေးကို စတင်ကြောင်း ကြေညာကာ ပါကစ္စတန် နိုင်ငံအတွင်းရှိ အကြမ်းဖက်သမားများ၏ ပစ်မှတ်များကို တိုက်ခိုက်မှုများလုပ်ဆောင်သည်။ အဆိုပါတိုက်ခိုက်မှုများအတွင်း အကြမ်းဖက်သမား ၇၀ သေဆုံးကြောင်း၊ ပါကစ္စတန်၏ စစ်ရေးပစ်မှတ်များအပေါ် ပစ်မှတ်ထားတိုက်ခိုက်ခြင်းမရှိကြောင်းအိန္ဒိယအစိုးရကထုတ်ပြန်ထားသည်။သို့သော် အိန္ဒိယ၏တိုက်ခိုက်မှုများကို ပါကစ္စတန်ကလက်တုံ့ပြန်သည့်အနေဖြင့် တိုက်ခိုက်မှုများလုပ်ဆောင်လာသည့်အတွက် နှစ်နိုင်ငံကြားတင်းမာမှုမြင့်တက်လာခြင်းဖြစ်သည်။              Ref: SputnikSource: https://myawady.net.mm/ 
Mon, 12-မေလ-2025
အီရန်-အမေရိကန် နျူကလီးယားကိစ္စ ၄ ကြိမ်မြောက် ဆွေးနွေးပွဲ မေ ၁၉ တွင် အိုမန်၌ ပြုလုပ်မည်
အီရန်-အမေရိကန် နျူကလီးယားကိစ္စ ၄ ကြိမ်မြောက် ဆွေးနွေးပွဲ မေ ၁၉ တွင် အိုမန်၌ ပြုလုပ်မည်
အီရန်-အမေရိကန်တို့၏ နျူကလီးယားအစီအစဉ်ဆိုင်ရာ စတုတ္တအကြိမ် ဆွေးနွေးပွဲကို ၂၀၂၅ ခုနှစ်၊ မေလ ၁၉ ရက်တွင် အိုမန်နိုင်ငံတွင် ကျင်းပရန် စီစဉ်ထားကြောင်း၊ အချိန်နှင့်နေရာကို သက်ဆိုင်ရာ အိမ်ရှင်နိုင်ငံက သတ်မှတ်ပေးမည်ဖြစ်ကြောင်း အီရန်နိုင်ငံခြားရေးဝန်ကြီး Abbas Araghchi က ၎င်း၏ Telegram မှတစ်ဆင့် ပြောကြားလိုက်ပါသည်။ကိုးကား-TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 11-မေလ-2025
ပါကစ္စတန်က အပစ်ရပ်ရေး သဘောတူညီချက်ကို ချိုးဖောက်ဟု အိန္ဒိယစွပ်စွဲ
ပါကစ္စတန်က အပစ်ရပ်ရေး သဘောတူညီချက်ကို ချိုးဖောက်ဟု အိန္ဒိယစွပ်စွဲ
အပစ်အခတ်ရပ်စဲရေး သဘောတူညီပြီး နာရီပိုင်းအတွင်း ပါကစ္စတန် သည် ဂျမူးနှင့် ကက်ရှ်မီးယားပြည်နယ်ရှိ ဆရီနာဂါမြို့ရှိ ပစ်မှတ်များကို မောင်းသူမဲ့လေယာဉ်ဖြင့် ပစ်ခတ်တိုက်ခိုက်ခဲ့သည်ဟု အိန္ဒိယက စွပ်စွဲလိုက် ပါသည်။ “အပစ်အခတ်ရပ်စဲရေးက ဘာဖြစ်သွားသနည်း။ ဆရီနာဂါ မှာ ပေါက်ကွဲသံတွေ ကြားလိုက်ရသည်!!!” ဟု ဂျမူးနှင့်ကက်ရှ်မီးယား ဝန်ကြီးချုပ် အိုမာအဘ်ဒူလာ က ၎င်း၏ X မီဒီယာ အကောင့်တွင်ရေးသားခဲ့ပါသည်။ “ထိန်းချုပ်ရေးမျဉ်းတစ်လျှောက် ပစ်ခတ်ခြင်းကို ပါကစ္စတန်တပ်ဖွဲ့များ စနေနေ့ (မေ ၁၀) က ပြုလုပ်ခဲ့ပြီး နာရီပိုင်းအတွင်း အပစ်အခတ်ရပ်စဲရေး သဘောတူညီချက်ကို ချိုးဖောက်ခဲ့သည်။ ထို့နောက် အပြန်အလှန် ပစ်ခတ်မှုများ စတင်ခဲ့ပါသည်” ဟု အိန္ဒိယတူဒေး သတင်းဌာနက စနေနေ့ (မေ ၁၀ ရက်) ညနေပိုင်းတွင် သတင်းထုတ်ပြန်ခဲ့ပါသည်။ “အပစ်အခတ်ရပ်စဲရေး မရှိပါ” ဟု အဘ်ဒူလာက ပြောခဲ့ပြီး “ဆရီနာဂါ မြို့အလယ်တွင် လေကြောင်းရန် ကာကွယ်ရေးတပ်ဖွဲ့များကို အသင့်အနေအထား တပ်လှန့်ထားသည်” ဟု ဆိုပါသည်။ အိန္ဒိယ - ပါကစ္စတန် အပစ်ရပ်ရေးနှင့်ပတ်သက်ပြီး အမေရိကန်သမ္မတ ဒေါ်နယ်ထရမ့်က စနေနေ့ (မေ ၁၀) အစောပိုင်းတွင် “အပစ်အခတ်ရပ်စဲရေး ချက်ချင်းသဘောတူညီခဲ့ကြသည်” ဟု ကြေညာထားပါသည်။ကိုးကား- MNP
Sun, 11-မေလ-2025
အိန္ဒိယက ရုရှားနှင့်ပူးပေါင်း၍ အသံထက်မြန်သော ခရုဇ်ဒုံး ထုတ်လုပ်သည့် စက်ရုံဖွင့်လှစ်
အိန္ဒိယက ရုရှားနှင့်ပူးပေါင်း၍ အသံထက်မြန်သော ခရုဇ်ဒုံး ထုတ်လုပ်သည့် စက်ရုံဖွင့်လှစ်
အိန္ဒိယနိုင်ငံ မြောက်ပိုင်း အက်တာပရာဒေ့ရှ် ပြည်နယ်တွင် ဘရာမို အသံ ထက်မြန်သော ခရုဇ်ဒုံးကျည် ထုတ်လုပ်ရေးစက်ရုံကို ဖွင့်လှစ်လိုက်ပြီဖြစ်ကြောင်း အိန္ဒိယကာကွယ်ရေးဝန်ကြီးဌာန တာဝန်ရှိသူများက ပြောကြား ခဲ့ပါသည်။ ကာကွယ်ရေးဝန်ကြီး ရာဇနတ်သ်ဆင်းဂ်က ဖွင့်လှစ်လိုက်သည့် အဆိုပါစက်ရုံသည် အကွာအဝေး ၂၉၀ - ၄၀၀ ကီလိုမီတာနှင့် အမြန်နှုန်း မက်ချ် ၂.၈ အထိရှိသည့် ကမ္ဘာ့အမြန်ဆုံး အသံထက်မြန်သော ခရုဇ် ဒုံးကျည်များ ထုတ်လုပ်မည်ဖြစ်ကြောင်း ပြောကြားခဲ့ပါသည်၊၊ဘရာမို အာကာသသိပ္ပံ သည် ၂၀၀၅ ခုနှစ်တွင် စတင်ခဲ့သော အိန္ဒိယ - ရုရှား ဖက်စပ်လုပ်ငန်းတစ်ခုဖြစ်ပြီး အိန္ဒိယရှိ ဗြဟ္မပုတ္တရမြစ်နှင့် ရုရှားရှိ မိုစကာဗာမြစ်များကို အစွဲပြု၍ အမည်ပေးထားခြင်းဖြစ်သည်။ အိန္ဒိယ၏ ကာကွယ်ရေး သုတေသနနှင့် ဖွံ့ဖြိုးတိုးတက်ရေးအဖွဲ့သည် ကုမ္ပဏီတွင် ရှယ်ယာ ၅၀.၅% ရှိပြီး ရုရှား မှ ၄၉.၅% ပိုင်ဆိုင်ထားသည်။ ဒုံးပျံများ စမ်းသပ်ခြင်းနှင့် တပ်ဆင်ခြင်းအတွက် အဆိုပါစက်ရုံသည် အရေးကြီးကြောင်း ကာကွယ်ရေးဝန်ကြီးဌာနမှ တာဝန်ရှိသူများက ပြောကြားခဲ့သည်။အဆိုပါ အခမ်းအနားတွင် ကာကွယ်ရေးဆိုင်ရာ ထုတ်ကုန်များကို စမ်းသပ်ရန်နှင့် အသိအမှတ်ပြုရန်အတွက် ယူနစ်တွင်တီထွင်မည့် ကာကွယ်ရေးစမ်းသက်မှု အခြေခံအဆောက်အအုံ ယူနစ် (DTIS) အတွက် အုတ်မြစ်ချခြင်းကိုလည်း တွေ့မြင်ခဲ့ရပါသည်။ လက်ခ်နောင်းရှိ ဘရာမို ထုတ်လုပ်မှုယူနစ်အား ဒေါ်လာ ၃၅ သန်း အကုန်အကျခံ တည်ဆောက်ခဲ့ပြီး သုံးနှစ်ခွဲအတွင်း ပြီးစီးခဲ့ကြောင်း တာဝန်ရှိသူများက ပြောကြားခဲ့ ပါသည်။ အိန္ဒိယစစ်တပ်မှ ထုတ်လုပ်ပြီး ခရုဇ် ဒုံး ၂၅၀ ကို ဝယ်ယူပြီး ကြောင်းလည်း သိရပါသည်။ ဘရာမို ဒုံးကျည်သည် အိန္ဒိယစစ်တပ် လက်နက်တိုက်၏ အရေးကြီးသော အစိတ်အပိုင်းတစ်ခု ဖြစ်လာပြီး ၎င်းသည် မြေပြင်ပစ်မှတ်များကို တိကျ သေချာသော တာဝေးပစ်တိုက်ခိုက်မှုများအတွက် ဒီဇိုင်းထုတ်ထားပြီး ကုန်းမြေ၊ ပင်လယ်နှင့် ရေအောက် ခြိမ်းခြောက်မှုများကို ထိတွေ့ကိုင်တွယ်နိုင်မည်ဖြစ်သည်။ကိုးကား- MNP
Sun, 11-မေလ-2025
ရင်ပြင်နီသို့ရောက်လာကြတဲ့ စစ်လက်နက်ပစ္စည်းမျာ
ရင်ပြင်နီသို့ရောက်လာကြတဲ့ စစ်လက်နက်ပစ္စည်းများ
ဒီနှစ်မေလ ၉ ရက်မှာကျင်းပတဲ့ မဟာမျိုးချစ် စစ်ပွဲကြီးအောင်ပွဲ နှစ်(၈၀)ပြည့်အထိမ်းအမှတ်စစ်ရေးပြအခမ်းအနားက တကယ့်ကို ပဲကြီးကျယ်ခမ်းနားပြီး စိတ်ဝင်စားဖို့အကောင်းဆုံး စစ်ရေးပြအခမ်းအနားလို့ ဆိုရပါလိမ့်မယ်။ ဒီစစ်ရေး ပြအခမ်းအနားကြီးမှာ   ကြည်း၊  ရေ၊  လေ တပ်ဖွဲ့များမှ ဂုဏ်ပြုတပ်ဖွဲ့တွေ၊    ခြေလျင်စစ်သည်တွေ၊ ဗိုလ်လောင်းတွေ  အစရှိသည်ဖြင့်    လူသူလက်နက်အင်အား ပြည့်ပြည့်စုံစုံမြိုင်မြိုင်ဆိုင်ဆိုင်နဲ့ တကယ်ကိုကြည့်လို့ကောင်းလှပါတယ်။ဒါ့အပြင် ဒီနှစ်အတွက်ထူးခြားမှုတစ်ခုက ဘယ်လာရုစ်၊ ကာဇက်စတန်၊ အာမေးနီးယား၊ အဇာဘိုင်ဂျန်၊ တာဂျီကစ္စတန်၊ ဥဇဘက်ကစ္စတန်၊ ကာဂျစ္စတန်၊ တာ့မင်နစ္စတန်၊ ဗီယက်နမ်၊ အီဂျစ်၊ တရုတ်၊ လာအို နဲ့ မြန်မာနိုင်ငံတို့မှ ကိုယ်စားပြုစစ်ရေးပြတပ်ခွဲများ ကပါ လာရောက်ပါဝင်စစ်ရေးပြခြင်းဖြစ်ပါတယ်။ဒါပေမဲ့ ပွဲကြည့်ပရိသတ်များ၊ ကမ္ဘာ့လေ့လာသူများကို အဆွဲဆောင်နိုင်ဆုံးသောအရာက စစ်ရေးပြအခမ်းအနားမှာပါဝင်တဲ့ စစ်လက်နက်ပစ္စည်းများဖြစ်တယ်ဆိုတာ မလွဲဧကန်ပါပဲ။ ဒါကြောင့် ရင်ပြင်နီပေါ်ကနေ ဖြတ်သန်းသွားတဲ့ စစ်လက်နက်ပစ္စည်းတွေထဲမှာ ဘာတွေပါဝင်တယ်ဆိုတာရယ်၊ သူတို့ရဲ့သမိုင်းရယ် အစရှိတာတွေကို ရှာဖွေဖော်ထုတ်တင်ပြလိုက်ရပါတယ်။Tigr-M သံချပ်ကာယာဉ်ခေတ်သစ်စစ်ပွဲမှာ ရွေ့လျားနိုင်စွမ်းနဲ့ကာကွယ်နိုင်စွမ်းတို့က အလွန်ကိုအရေးကြီးတဲ့အချက်တွေဖြစ်ပါတယ်။ ဒီလိုမျိုးစွမ်းဆောင်ရည်ကိုပေးစွမ်းနိုင်သူက Tigr-M သံချပ်ကာယာဉ်ပါပဲ။ ရုရှားတပ်မတော်က လက်ရှိအသုံးပြုနေတဲ့ Tigr-M သံချပ်ကာယာဉ်က ပစ်အား၊ သံချပ်ကာခုခံနိုင်မှု၊ ကြမ်းတမ်းတဲ့စစ်မြေပြင်အတွင်း စစ်သည်များကိုအမြန်ဆုံးသယ်ယူပို့ ဆောင်ပေးနိုင်မှုဆိုတဲ့အရည်အချင်းတွေနဲ့ပေါင်းစပ်ထားတာပါ။ စစ်ဘက်စက်မှုလုပ်ငန်းကုမ္ပဏီကထုတ်လုပ်ထားတဲ့ အဲဒီသံချပ်ကာယာဉ်က အဆင့် ၅ ရှိတဲ့ ၇ ဒသမ ၆၂ မီလီမီတာ သံချပ်ကာဖောက်ကျည်များကို တားဆီးနိုင်စွမ်းရှိပါတယ်။ တီအန်တီယမ်း ၂ ကီလို ဂရမ်ပေါက်ကွဲအားကိုခံနိုင်ရည်ရှိစေဖို့ တည်ဆောက်ထားပါတယ်။ သူ့ရဲ့ကိုယ်ထည်ကိုတော့ သံမဏိနဲ့ကြွေသားတို့ပေါင်းစပ်ထားတာကြောင့် ကြံ့ကြံ့ခံနိုင်မှုနဲ့အလေးချိန်တို့က ဟန်ချက်ညီမျှမှုရှိပါတယ်။သူ့ရဲ့အသုံးပြုနိုင်ဖို့အတွက် မြင်းကောင်ရေ ၂၁၅ ကောင်အားရှိတဲ့ ဒီဇယ်အင်ဂျင်တပ်ဆင်ထားပြီး တစ်နာရီကို ကီလိုမီတာ ၁၂၀ နှုန်းနဲ့သွားနိုင်ကာ ကီလိုမီတာ ၁၀၀၀ အကွာအဝေးအထိ စစ်ဆင်နိုင်စွမ်းရှိပါတယ်။ သူသယ်ဆောင်နိုင်တဲ့ပမာဏက စစ်လက်နက်ပစ္စည်းအလေးချိန် ၁၅၀၀ ကီလိုဂရမ်အပြင် ယာဉ်မောင်းနှစ်ဦးနဲ့ စစ်သည်ရှစ်ဦးတို့ကိုတင်ဆောင်နိုင်ပါတယ်။ သူ့ကိုအသုံးပြုမယ့်နေရာအပေါ်မူတည် ပြီး အမျိုးအစားအမျိုးမျိုးနဲ့ထုတ်လုပ်ထားပါတယ်။သူ့ကိုရုရှားရဲ့လက်ရှိအထူးစစ်ဆင်ရေးမှာအသုံးပြု နေတာဖြစ်ပြီး    ရုရှားရဲ့ခေတ်သစ်တိုက်ခိုက်ရေးအင်အားစုအတွက် အရေးကြီးတဲ့အလှည့်အပြောင်းတစ်ခုဖြစ်လာတာ တွေ့ရပါတယ်။VPK-Ural သံချပ်ကာယာဉ်VPK-Ural သံချပ်ကာယာဉ်က ဒွန်းဘတ်ဒေသမှ သည် ဆီးရီးယားသဲကန္တာရအထိ ခြေဆန့်ပြီးတိုက်ပွဲဝင်ခဲ့တဲ့စစ်မြင်းကြီးတစ်ကောင်ဖြစ်ပါတယ်။ သူ့ကို လူသယ်ယာဉ်အဖြစ်သာမက အမြောက်တွေ၊ လက်နက်ခဲယမ်းတွေ၊ စစ်လက်နက်ပစ္စည်းတွေကို ရန်သူရဲ့ပစ်ခတ်မှုအောက်မှနေပြီး မိမိတပ်ဖွဲ့များထံရောက်ရှိအောင်ပို့ဆောင်ပေးနိုင်တဲ့ စစ်သုံးယာဉ်တစ်စီးဖြစ်ပါတယ်။ သူ့ရဲ့ကိုယ်ထည်က တင့်ဖျက်မိုင်းတွေရဲ့ပေါက်ကွဲမှုအားကိုခံနိုင်ရည်ရှိသလို သံချပ်ကာတွေကလည်း ၁၂ ဒသမ ၇ မီလီမီတာကျည်တွေရဲ့ဖောက်ထွင်းမှုကို အန်တုနိုင်ပါတယ်။ မြင်းကောင်ရေ ၆၀၀ အားရှိတဲ့ ဒီဇယ်အင်ဂျင်ကိုတပ်ဆင်ထားတာကြောင့် လေးလံတဲ့ ဝန်စည်စလွယ်တွေကိုတင်ပြီး ခရီးကြမ်းကြီးကိုမြန်ဆန်စွာဖြတ်ကျော်နိုင်ကာ အပူချိန်အနုတ် ၄၅ ဒီဂရီမှသည် အပေါင်း ၅၅ ဒီဂရီအထိရှိတဲ့ ပြင်းထန်လှသော ရာသီဥတုအောက်မှာလည်း စစ်ဆင်နိုင်စွမ်းရှိပါတယ်။ သူ့ကိုတော့ အလုံးစုံပြုပြင်မှုမလုပ်ဘဲ ကီလိုမီတာငါးသိန်းအထိ အသုံးပြုနိုင်အောင်ဖန်တီးထားတာဖြစ်ပါတယ်။S-400 Triumfလေယာဉ်ကိုချေမှုန်းနိုင်သူလို့နာမည်ရတဲ့ S-400 Triumf လေကြောင်းရန်ကာကွယ်ရေးစနစ်ကလည်း ရုရှားနိုင်ငံက  လက်ရှိအသုံးပြုနေတဲ့  အဆင့်မြင့်လေကြောင်းရန်ကာကွယ်ရေးလက်နက်များအနက်တစ်ခုအပါအဝင်ဖြစ်ပါတယ်။ သူ့ရဲ့ရေဒါက ကီလိုမီတာ ၄၀၀ အကွာမှာရှိတဲ့ ရန်သူ့လေယာဉ် ဒါမှမဟုတ် ဒုံး ကျည်များကိုထောက်လှမ်းနိုင်ပြီး အမြင့် ၅ မီတာမှ သည် ၃၀ ကီလိုမီတာအတွင်းပျံသန်းလာတဲ့ ပစ်မှတ်များကိုခြေရာခံနိုင်စွမ်းရှိပါတယ်။ သူ့အတွက်အသုံးပြုထားတဲ့ဒုံးကျည်က တာဝေးပစ် 40N6 ဒုံးကျည်ဖြစ် ပြီးလေယာဉ်နဲ့အမြင့်ပျံဒုံးကျည်များကို ပစ်မှတ်ထားကာ  တစ်စက္ကန့်ကို ၄ ဒသမ ၈ ကီလိုမီတာနှုန်းနဲ့ပျံသန်းနေတဲ့ပစ်မှတ်များကိုပါ ပစ်ချနိုင်စွမ်းရှိပါတယ်။ဒါ့အပြင် တစ်ချိန်တည်းတစ်ပြိုင်တည်းမှာပစ်မှတ်ပေါင်း ၃၆ ခုကိုခြေရာခံပစ်ခတ်နိုင်စွမ်းရှိတဲ့ S-400 Triumf က ယူကရိန်းစစ်မြေပြင်မှာ အမေရိကန်နိုင်ငံကထောက်ပံ့ပေးထားတဲ့ ATACMS ဒုံးကျည်များကို ထိရောက်မှုရှိစွာကြားဖြတ်ဟန့်တားနိုင်ခြင်းဖြင့် သူ့ရဲ့စွမ်းဆောင်ရည်ကိုပြသထားပါတယ်။ သူ့ကို BAZ နဲ့ MZKT ယာဉ်များပေါ်မှာတင်ဆောင်နိုင်တဲ့အတွက် မိနစ်ပိုင်းအတွင်းဖြန့်ကြက်နိုင်စွမ်းလည်းရှိပါတယ်။ လက်ရှိမှာတော့ S-400 Triumf ကို တရုတ်၊ အိန္ဒိယ၊ တူကီယဲနဲ့ အယ်ဂျီးရီးယားအပါအဝင် ကမ္ဘာ့နိုင်ငံ အချို့က ဝယ်ယူအသုံးပြုထားပါတယ်။Tornado-S အတွဲလိုက်ပစ်ဒုံးကျည်စနစ်Tornado-S အတွဲလိုက်ပစ်ဒုံးကျည်စနစ်ဆိုတာ ကျယ်ပြန့်တဲ့ ပစ်မှတ်နယ်နိမိတ်ကိုသာမက ဆံခြည်မျှင်မလွဲတိကျတဲ့ပစ်မှတ်ကိုပါ ထိမှန်အောင်ပစ်ခတ်နိုင်စွမ်းရှိတဲ့ စစ်လက်နက်ပစ္စည်းတစ်မျိုးပါ။ တစ်နည်းဆိုရရင် သူ့ကို သမားရိုးကျအမြောက်တွေနဲ့ တိကျပဲ့ထိန်းလက်နက်များကြားက ကွာဟမှုကိုဖြည့်ဆည်းပေးသူလို့ဆိုနိုင်ပါတယ်။ အကွာအဝေးအားဖြင့် ကီလို မီတာ ၁၂၀ အထိရောက်ရှိနိုင်ပြီး   အရွေ့စွမ်းအင်လမ်းညွှန်စနစ်နဲ့ ဂြိုဟ်တုလမ်းညွှန်စနစ်တို့ပါဝင်တဲ့သူ့ရဲ့ဒုံးကျည်များက တိကျမှုအားဖြင့် ၅ မီတာမှ ၇ မီတာ အတွင်းဖြစ်ပါတယ်။ အဲဒီဒုံးကျည်ထဲမှာ ပေါက်ကွဲမှု အားပြင်းထန်တဲ့ လက်နက်အပိုင်းအစတွေ၊ ပဒေသာ ခဲယမ်းတွေ အစရှိတဲ့ခဲယမ်းတွေကိုထည့်သွင်းထားတာကြောင့် ဆက်သွယ်ရေးမြောင်းထဲမှခြေလျင်စစ်သည်တွေမှသည် သံချပ်ကာနဲ့အမာခံဘန်ကာများကိုပါချေမှုန်းနိုင်စွမ်းရှိပါတယ်။ သူ့ကိုရွေ့လျားသွားလာမှုမြန်ဆန်တဲ့ယာဉ်များပေါ်မှာ   တင်ဆောင်ထားတာကြောင့် စစ်သည်သုံးဦးတည်းလိုက်ပါရုံနဲ့ သုံးမိနစ် အတွင်းမှာ တိုက်ပွဲဝင်အသင့်ဖြန့်ကြက်နိုင်စွမ်းရှိပါတယ်။Yars တိုက်ချင်းပစ်ဒုံးကျည်များYars တိုက်ချင်းပစ်ဒုံးကျည်များဆိုတာ ရုရှားနိုင်ငံရဲ့မဟာဗျူဟာမြောက်ဟန့်တားမှုနဲ့ နည်းပညာပိုင်း ဆိုင်ရာထိပ်တန်းရောက်ရှိနေတဲ့ တိုက်ချင်းပစ်ဒုံးကျည် တစ်မျိုးဖြစ်ပါတယ်။ သူ့ကိုယာဉ်ပေါ်တင်ထားထာ ကြောင့် စစ်မြေပြင်တစ်ဝန်းမှာ လိုအပ်သလိုသွားလာ နိုင်စွမ်းရှိပြီး သူ့ကိုခြေရာခံမိဖို့ ဒါမှမဟုတ် ပစ်ခတ် နိုင်ဖို့ဆိုတာ တော်တော်လေးကိုအလှမ်းဝေးတဲ့အရာ တစ်ခုဖြစ်တယ်လို့ဆိုရပါမယ်။ Yars မှာ MIRV လို့ ခေါ်တဲ့ ထိပ်ဖူးတပ်ဆင်ထားပါတယ်။ အဲဒီထိပ်ဖူးမှာ သာမိုနျူကလီးယားခြောက်လုံးအထိ  သယ်ဆောင် ထားပြီး ကီလိုမီတာ ၁၂၀၀၀ အထိရောက်ရှိနိုင်စွမ်း ရှိပါတယ်။ အခုဆိုရင် ရုရှားနိုင်ငံက Yars ဒုံးကျည် စနစ်ပေါင်း  ၂၀၀ ကျော်ကို ရွေ့လျားစနစ်အနေနဲ့သာမက မြေအောက်အခြေစိုက်စနစ်နဲ့ပါဖြန့်ကြက်ထားတာဖြစ်ပါတယ်။Lancet ဒရုန်းရုရှားနိုင်ငံက ဒရုန်းတပ်ဖွဲ့ကို ဒီနှစ်စစ်ရေးပြအခမ်း အနားမှာမှ ပထမဆုံးထုတ်ဖော်ပြသခဲ့တာဖြစ်ပါတယ်။ အဲဒီဒရုန်းတပ်ဖွဲ့ထဲမှာ Lancet ဒရုန်းဆိုတာလည်းအပါအဝင်ဖြစ်ပါတယ်။ Lancet ဒရုန်းဆိုတာ ရုရှားနိုင်ငံရဲ့ ဒရုန်းစစ်ပွဲမဟာဗျူဟာကိုကြီးစွာသော အလှည့်အပြောင်းဖြစ်သွားစေတဲ့ ဒရုန်းအမျိုးအစားပါ။ သူ့ကိုအသေခံဒရုန်းအနေနဲ့ထုတ်လုပ်ထားတာဖြစ်ပြီး ယာဉ်များ၊ ခံစစ်နေရာများနဲ့ လေကြောင်းရန်ကာကွယ်ရေးနေရာများကို တိကျမှုရှိစွာထိမှန်အောင် ဒီဇိုင်းဆွဲထားတာပါ။ သူ့မှာပုံစံနှစ်မျိုးရှိပါတယ်။ ပထမတစ်ခုက ကီလိုမီတာ ၄၀ အထိပျံသန်းနိုင်ပြီး ဖောက်ခွဲရေးပစ္စည်း ၁-၃ ကီလိုဂရမ်သယ်နိုင်တဲ့ Product 52 ဖြစ်ပါတယ်။ ဒုတိယတစ်ခုက ကီလိုမီတာ ၆၀ အထိပျံသန်းနိုင်ပြီး ဖောက်ခွဲရေးပစ္စည်း ၃-၅ ကီလိုဂရမ်သယ်ဆောင်နိုင်တဲ့  Product 51 ဖြစ်ပါ တယ်။ သူ့ကိုလောက်လွှဲပုံစံမျိုးနဲ့ပစ်လွှတ်ရတာဖြစ်ပြီး ပျံသန်းချိန်က မိနစ် ၃၀ မှ ၄၀ ကြားရှိကာ ယူကရိန်းနိုင်ငံရှိ သံချပ်ကာများနဲ့လေကြောင်းရန်ကာကွယ် ရေးစနစ်များကို ချေမှုန်းထားနိုင်တာကိုလည်းတွေ့ ရှိရပါတယ်။Ref: RTSource: https://myawady.net.mm/ 
Sat, 10-မေလ-2025
အိန္ဒိယ-ပါကစ္စတန် စစ်ရပ်စဲရန် သဘောတူ
အိန္ဒိယ-ပါကစ္စတန် စစ်ရပ်စဲရန် သဘောတူ
အိန္ဒိယနှင့် ပါကစ္စတန်တို့သည် အပြည့်အဝ စစ်ရပ်စဲရန် သဘောတူညီမှု ရရှိသွားပြီဖြစ်ကြောင်း အမေရိကန်သမ္မတ ဒေါ်နယ်ထရမ့် က မေလ ၁၀ ရက်တွင် ကြေညာလိုက်ပါသည်။ပါကစ္စတန်ဒုဝန်ကြီးချုပ်နှင့် နိုင်ငံခြားရေးဝန်ကြီး အစ်ရှာ့ဒါးက အိန္ဒိယနှင့် စစ်ရပ်စဲရေးသဘောတူညီမှု ရရှိကြောင်း အတည်ပြု ပြောကြားလိုက်ပါသည်။ထရမ့်က ၎င်းက X လူမှုကွန်ရက်တွင် “ပါကစ္စတန်နှင့် အိန္ဒိယတို့သည် ချက်ချင်းအကျိုးသက်ရောက်မည့် စစ်ရပ်စဲရေးကို သဘောတူညီခဲ့ကြသည်။ ပါကစ္စတန်သည် နယ်မြေအချုပ်အခြာအာဏာကို မထိပါးစေဘဲ ဒေသတွင်း ငြိမ်းချမ်းရေးနှင့် လုံခြုံရေးအတွက် အမြဲကြိုးပမ်းခဲ့သည်” ဟု ရေးသားခဲ့ပါသည်။“အမေရိကန်အကူအညီဖြင့် ညအချိန် အကြာကြီး ဆွေးနွေးပြီးနောက် အိန္ဒိယနှင့် ပါကစ္စတန်တို့ ချက်ချင်းစစ်ရပ်စဲရေးကို သဘောတူညီခဲ့ကြောင်း ဝမ်းမြောက်စွာ ကြေညာပါသည်” ဟု ထရမ့်က ၎င်း၏ Truth Social ကွန်ရက်တွင် ရေးသားခဲ့ပါသည်။ “အသိဉာဏ်နှင့် ကောင်းစွာ ဆင်ခြင်နိုင်မှုအတွက် နိုင်ငံနှစ်နိုင်ငံကို ဂုဏ်ပြုပါသည်” ဟု အမေရိကန် ခေါင်းဆောင်က ဖြည့်စွက်ပြောကြားထားပါသည်။ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sat, 10-မေလ-2025
© Copyright 2024 SAC All Rights Reserved.