တန်ဖိုးမြှင့်သနပ်ခါး ထုတ်ကုန်များ ဈေးကွက်ကောင်းမွန်နေ

saceditor

News Image

  • တန်ဖိုးမြှင့်သနပ်ခါး ထုတ်ကုန်များ ဈေးကွက်ကောင်းမွန်နေ

ခေတ်နှင့်အညီပြောင်းလဲလာမှုကြောင့် သနပ်ခါးအတုံးသွေးလိမ်းခြင်းအပြင် သနပ်ခါးဖြင့်ပြုလုပ်သော သနပ်ခါး ပေါင်ဒါမှုန့်၊ သနပ်ခါးလိုးရှင်း၊ သနပ်ခါးဆပ်ပြာ စသည့် တန်ဖိုးမြှင့် သနပ်ခါးထုတ်ကုန်များကိုဈေးကွက်အတွင်း ဝယ်ယူသုံးစွဲမှုများပြားလာကြောင်း သနပ်ခါးတန်ဖိုးမြှင့်ထုတ်ကုန်အဖြစ် ထုတ်လုပ် ရောင်းချသည့်လုပ်ငန်းရှင်များထံမှသိသည်။
လက်ရှိတွင် တန်ဖိုးမြှင့် သနပ်ခါးထုတ်ကုန်များကို လူငယ်နှင့်လူလတ်ပိုင်းများမှ သုံးစွဲမှုများပြားနေပြီး သနပ်ခါးအတုံးကိုမူလူကြီးပိုင်းများမှ သုံးစွဲမှုများပြားကြောင်းသိရသည်။ အဆိုပါ သနပ်ခါးထုတ်ကုန်များအား ပြည်တွင်းတွင် သာမက အိမ်နီးချင်းပြည်ပနိုင်ငံများသို့ တင်ပို့နေရပြီး နွေရာသီကာလမှာ အရောင်းအဝယ် အကောင်းဆုံးဖြစ်ကြောင်းသိရသည်။
“မြန်မာ့သနပ်ခါး၏ ‌လက်ရှိဈေးကွက် အနေအထားကတော့ အရင်ကာလတွေထက် အခုလို နွေရာသီ ကာလက ပိုပြီးတော့ ရောင်းရကြောင်း ပြောနိုင်ပါတယ်။ သနပ်ခါးကိုအတုံးလိုက် သွေးလိမ်းသည့်သူ ရှိသလို တန်ဖိုးမြှင့် ထုတ်ကုန်ဖြစ်သည့် သနပ်ခါးခဲ၊ အမှုန့်တို့ကိုလည်းသုံးသည့်သူများတယ်။ အထူးသဖြင့် လူငယ်တွေ အသုံးများတယ်။ သနပ်ခါးကုန်ချောထဲမှာအရောင်းရဆုံးကတော့ ရှင်မတောင်သနပ်ခါးခဲရယ်၊ သနပ်ခါးအမှုန့်ရယ်ဖြစ်ပါတယ်” ဟု သနပ်ခါးကိုအဆင့်မြှင့်ထုတ်ကုန်အဖြစ်ထုတ်လုပ်နေသည့် လုပ်ငန်းရှင် တစ်ဦးမှပြောကြားသည်။
သနပ်ခါးထုတ်ကုန်များအား အိမ်နီးချင်းနိုင်ငံများသို့ တင်ပို့မှုသည် ဈေးကွက်အနေအထား ကောင်းမွန် နေသည့်အပြင် ပြည်တွင်း၌လည်းအထူးသဖြင့် နွေဦးကာလနှင့်နွေရာသီတွင် အရောင်းရဆုံး ဖြစ်ကြောင်း၊ လက်ရှိကာလတွင် တန်ဖိုးမြှင့်သနပ်ခါးထုတ်ကုန်များကို ပိုမိုတိုးချဲ့ထုတ်လုပ်နိုင်ရန် ဆောင်ရွက် နေကြောင်းသိရသည်။
သနပ်ခါးကို တန်ဖိုးမြှင့်ထုတ်ကုန်များအဖြစ် ပြောင်းလဲထုတ်လုပ်ခြင်းဖြင့် လူငယ်များအကြား သုံးစွဲမှုအား ပိုမိုကောင်းမွန်လာမှာဖြစ်ကြောင်း၊ ယင်းသို့ တန်ဖိုးမြှင့်ထုတ်ကုန်များတွင်ကျယ်စွာ ထုတ်လုပ်လာနိုင်ရန်အတွက်ကိုလည်း ထုတ်ကုန်ထုတ်လုပ်သည့် လုပ်ငန်းရှင်များနှင့် မြန်မာနိုင်ငံသနပ်ခါးအသင်းတို့ ပူးပေါင်း ဆောင်ရွက်နေကြောင်းသိရသည်။

ကိုးကား- NP News

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

ဖျာပုံမြို့နယ်မှ ရန်ကုန်ဈေးကွက်သို့ မတ်လအတွင်း ကဏန်းပျော့ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့
ဖျာပုံမြို့နယ်မှ ရန်ကုန်ဈေးကွက်သို့ မတ်လအတွင်း ကဏန်းပျော့ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့
ဖျာပုံ   ဧပြီ ၂၄ဧရာဝတီတိုင်းဒေသကြီး ဖျာပုံမြို့နယ်မှ ရန်ကုန်ဈေးကွက်သို့ မတ်လအတွင်း ကဏန်းပျော့ ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း ဖျာပုံမြို့နယ် ရေထွက်ကုန်ပစ္စည်းများရောင်းဝယ်ရေး ပွဲရုံပိုင်ရှင် ဒေါ်သူသူဝင်းက ပြောပြ၍ သိရသည်။ဖျာပုံမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း ကဏန်းပျော့ ပိဿာချိန် ၅၂၀၀၀ သာ တင်ပို့ရောင်းချနိုင်ခဲ့ပြီး မတ် ၁ ရက်မှ ၃၁ ရက်ထိ ကဏန်းပျော့ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။ “ကဏန်းပျော့တွေကို ရန်ကုန်ဈေးကွက်က အရင်ကထက် ပိုမိုဝယ်ယူခဲ့တာဖြစ်ပါတယ်။ မတ်လအတွင်း ကဏန်းပျော့ ပိဿာချိန် ၇၅၀၀၀ ထိ တင်ပို့ရောင်းချခဲ့ရပါတယ်။ ဖျာပုံမြို့နယ်ကထွက်ရှိတဲ့ ကဏန်းပျော့တွေကို ရန်ကုန်ဈေးကွက်ကို အဓိကတင်ပို့ရောင်းချနေပါတယ်” ဟု ဖျာပုံမြို့နယ် ရေထွက်ကုန်ပစ္စည်းများရောင်းဝယ်ရေး ပွဲရုံပိုင်ရှင် ဒေါ်သူသူဝင်းက ပြောပြသည်။ဖျာပုံမြို့နယ်မှ တင်ပို့ရောင်းချခဲ့သည့် ကဏန်းပျော့ တစ်ပိဿာလျှင် ငွေကျပ် ၁၇၅၀၀ မှ ၃၅၀၀၀ ထိ ပေါက်ဈေးရှိကြောင်း၊ အဆိုပါ ကဏန်းများ တင်ပို့ရောင်းချနေရသည့်အတွက် ရေလုပ်သားများ၊ ပွဲရုံပိုင်ရှင်များ၊ ကုန်သည်များ၊ ကုန်တင်ယာဉ် အငှားလိုက်သူများ အဆင်ပြေလျက်ရှိကြောင်း သိရသည်။ကျော်ကျော်လင်းSource: ရတနာပုံသတင်းစာ  
Fri, 25-Apr-2025
စိန့်ပီတာစဘတ် အပြည်ပြည်ဆိုင်ရာစီးပွားရေးဖိုရမ် (SPIEF) တွင် နိုင်ငံ နှင့်နယ်မြေ ၉၂ ခုကျော် တက်ရောက်မည်ဟု အတည်ပြု
စိန့်ပီတာစဘတ် အပြည်ပြည်ဆိုင်ရာစီးပွားရေးဖိုရမ် (SPIEF) တွင် နိုင်ငံနှင့် နယ်မြေ ၉၂ ခုကျော် တက်ရောက်မည်ဟု အတည်ပြု
စိန့်ပီတာစဘတ် အပြည်ပြည်ဆိုင်ရာစီးပွားရေးဖိုရမ် (SPIEF) တွင် နိုင်ငံနှင့် နယ်မြေ ၉၂ ခု ကျော် တက်ရောက်မည်ဟု ရော့စ်ကွန်ဂရက်စ် ဖောင်ဒေးရှင်း မှ အတည်ပြုဖော်ပြချက်အရ သိရပါသည်။ထို့အပြင် အာရှ၊ အာဖရိက နှင့် လက်တင်အမေရိကနိုင်ငံများမှ ယခုနှစ် ဖိုရမ်၏ ဆွေးနွေးအစီအစဉ်များအပေါ် အထူးစိတ်ဝင်စားမှုရှိကြောင်း ၎င်းက ဖြည့်စွက်ပြောကြားခဲ့သည်။ ရုရှား၏ အရှေ့အလယ်ပိုင်းဒေသ မိတ်ဖက်အရေးပါသည့် ဘာရိန်း နိုင်ငံတော်သည် SPIEF-2025 ၏ ဧည့်သည်နိုင်ငံအဖြစ် ပါဝင်မည်ဖြစ်သည်။ SPIEF 2025 ဖိုရမ်ကို ၂၀၂၅ ခုနှစ်၊ ဇွန်လ ၁၈ ရက်မှ ၂၁ ရက်အထိ ကျင်းပမည် ဖြစ်ပါသည်။ ကိုးကား-TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 24-Apr-2025
ကုန်သွယ်ရေး အကန့်အသတ် ချမှတ်ရန် စဉ်းစားနေသောနိုင်ငံများအား တရုတ် သတိပေးချက် ထုတ်ပြန်
ကုန်သွယ်ရေး အကန့်အသတ် ချမှတ်ရန် စဉ်းစားနေသောနိုင်ငံများအား တရုတ် သတိပေးချက် ထုတ်ပြန်
အမေရိကန်နိုင်ငံမှ အကောက်ခွန်သက်သာခွင့် ရရှိစေရန် ရည်ရွယ်၍ တရုတ်နိုင်ငံနှင့် ကုန်သွယ်ရေး အကန့်အသတ်ချမှတ်ရန် စဉ်းစားနေသော နိုင်ငံများအား ပြန်လည်အရေးယူမည်ဟု ပေကျင်း အစိုးရက သတိပေး လိုက်ပါသည်။အမေရိကန်သမ္မတဒေါ်နယ်ထရမ့်သည်အခြားနိုင်ငံများအား တရုတ်နိုင်ငံ နှင့် ကုန်သွယ်ရေးအကန့်အသတ်ချမှတ်ရန် ဖိအားပေးလျက်ရှိပြီး ငွေကြေး ဆိုင်ရာ ဒဏ်ခတ်မှုများ ပါဝင်နိုင်ကြောင်း သတင်းများက ဖော်ပြထား ပါသည်။တရုတ်၏ အကျိုးစီးပွားကို ထိပါးစေသည့် မည်သည့် သဘောတူညီချက်ကိုမဆို တင်းတင်းမာမာ ကန့်ကွက်ကြောင်း၊ တုံ့ပြန်အရေးယူမှုများ ပြုလုပ် သွားမည်ဖြစ်ကြောင်း တရုတ်ကုန်သွယ်ရေးဝန်ကြီးဌာနက ထုတ်ဖော် ပြောကြား ထားပါသည်။အမေရိကန်သည် တရုတ်နိုင်ငံအပေါ် ကုန်သွယ်ရေးစစ်ပွဲတွင် ကုန်ပစ္စည်းများအား စုစုပေါင်း ၁၄၅ ရာခိုင်နှုန်းအထိ အကောက်ခွန်တိုးမြှင့်ခဲ့ပြီး အခြားနိုင်ငံ ၉၀ အား ရက်ပေါင်း ၉၀ အတွင်း ကုန်သွယ်ရေးညှိနှိုင်းမှုများ ပြုလုပ်ရန် ခေတ္တဆိုင်းငံ့ထားသော်လည်း တရုတ်နိုင်ငံကိုမူ ထိုသက်သာခွင့်မှ ချန်လှပ်ထားပါသည်။ကိုးကား- RTဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Wed, 23-Apr-2025
တရုတ်၏ အကြီးဆုံးမော်တော်ကားပြပွဲတွင် BYD က New Luxury Sports ကားအသစ် ဖော်ပြ
တရုတ်၏ အကြီးဆုံးမော်တော်ကားပြပွဲတွင် BYD က New Luxury Sports ကားအသစ် ဖော်ပြ
တရုတ်နိုင်ငံ၏ အကြီးဆုံးမော်တော်ကားပြပွဲ (Beijing/ Guangzhou Auto Show) တွင် BYD ကုမ္ပဏီက နည်းပညာအဆင့်မြင့် New Luxury Sports ကား အသစ်တစ်စီးကို စတင်မိတ်ဆက်ခဲ့သည်။ ကုမ္ပဏီကြီးများ အချင်းချင်း ပြပွဲလာရောက်သူများကို အာရုံဆွဲဆောင်နိုင်ရေး ယှဉ်ပြိုင်မှု မြင့်မားနေချိန်တွင် BYD ၏ ကားအသစ်အပေါ် စိတ်ဝင်စားမှု မြင့်တက် ခဲ့ခြင်းဖြစ်သည်။BYD ၏ အဆိုပါဇိမ်ခံမော်တော်ကားအသစ်သည် ကုမ္ပဏီ၏ လျှပ်စစ်ကား နည်းပညာကဏ္ဍတွင် နောက်ထပ်တိုးတက်မှုတစ်ခုအဖြစ် မှတ်တမ်းတင် ခံရပြီး စျေးကွက်ရှိ Tesla နှင့် အခြားပြိုင်ဘက်များကို တိုက်ရိုက် စိန်ခေါ်မှုတစ်ရပ်လည်းဖြစ်သည်။ ကားမော်ဒယ်၏ အသေးစိတ် အချက် အလက်များနှင့် စျေးနှုန်းကို ယခုအချိန်တွင် တရားဝင် ထုတ်ပြန်ထားခြင်းမရှိသေးသော်လည်း ၎င်း၏ ဒီဇိုင်းနှင့် စွမ်းဆောင်ရည်သည် ပြပွဲသို့ ရောက်ရှိလာသူများ၏ အာရုံကို အကောင်းဆုံးဆွဲဆောင်နိုင်ခဲ့သည်။အဆိုပါပြပွဲသည် ကမ္ဘာ့မော်တော်ကားလုပ်ငန်း၏ အာရုံစိုက်မှုကို ရရှိ ထားပြီး တရုတ်နိုင်ငံသည် လျှပ်စစ်ကားနှင့် နည်းပညာမြင့် မော်တော် ယာဉ်များ ဖွံ့ဖြိုးတိုးတက်ရေးတွင် အရှိန်အဟုန်မြင့် ဦးဆောင်လျက် ရှိသည်။ BYD အပါအဝင် တရုတ်ကုမ္ပဏီများသည် နိုင်ငံတကာစျေးကွက် သို့ ချဲ့ထွင်နိုင်ရန် ရည်မှန်းချက်ဖြင့် ၎င်းတို့၏ နောက်ဆုံးပေါ် မော်ဒယ် များကို ထိုကဲ့သို့သော ပြပွဲများတွင် အခွင့်ကောင်းယူ၍ မိတ်ဆက်လေ့ရှိသည်။ကိုးကား-CNNဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 23-Apr-2025
ထရမ့်က တရုတ်ကုန်ပစ္စည်းများအပေါ် စည်းကြပ်သည့် အကောက်ခွန် နှုန်းထားများ “သိသိသာသာ လျှော့ချသွားမည်” ဟု ပြောကြားရင်း မူဝါဒ ပြောင်းလဲနိုင်ကြောင်း အရိပ်အမြွက်ပြု
ထရမ့်က တရုတ်ကုန်ပစ္စည်းများအပေါ် စည်းကြပ်သည့် အကောက်ခွန် နှုန်းထားများ “သိသိသာသာ လျှော့ချသွားမည်” ဟု ပြောကြားရင်း မူဝါဒ ပြောင်းလဲနိုင်ကြောင်း အရိပ်အမြွက်ပြု
အမေရိကန်သမ္မတ ဒေါ်နယ်ထရမ့်သည် တရုတ်နှင့်ရင်ဆိုင်လျက်ရှိသည့် ကုန်သွယ်ရေးစစ်ပွဲတွင် မူဝါဒပြောင်းလဲနိုင်ကြောင်း အရိပ်အမြွက်ပြု လိုက်သည်။ စျေးကွက်မတည်ငြိမ်မှုများ ဆက်လက်ရှိနေချိန်တွင် တရုတ် ကုန်ပစ္စည်းများအပေါ် စည်းကြပ်နေသည့် မြင့်မားသော အကောက်ခွန် နှုန်းထားများ “သိသိသာသာ လျှော့ချသွားမည် ဖြစ်သော်လည်း သုည အထိတော့ မလျှော့ချနိုင်” ဟု ၎င်းက ပြောကြားခဲ့သည်။ထရမ့်က အိမ်ဖြူတော်တွင် အင်္ဂါနေ့ (ဧပြီ ၂၂) က ကျင်းပခဲ့သော သတင်းစာ ရှင်းလင်းပွဲတစ်ခုတွင် ပြောကြားခဲ့ခြင်းဖြစ်သည်။ ယခုလ အတွင်း တစ်ဘက်နှင့်တစ်ဘက် တင်းမာမှုများနှင့် အပြန်အလှန် အရေး ယူမှုများကြောင့် တရုတ်နိုင်ငံအပေါ် အကောက်ခွန်နှုန်းထား ၁၄၅% အထိ မြင့်တက်သွားခဲ့ပြီးနောက် ယခုအခါ ၎င်း၏ပြောဆိုမှုများတွင် ပျော့ပျောင်း မှုရှိလာသည်ကို တွေ့ရသည်။“၁၄၅% ဆိုသည်မှာ အလွန်မြင့်မားသောနှုန်းဖြစ်ပြီး လျှော့ချသွားမည်” ဟု Oval Office တွင် သတင်းထောက်များနှင့် တွေ့ဆုံရှင်းလင်းစဉ် ထရမ့် က ပြောကြားခဲ့သည်။ “ယခင်သတ်မှတ်ထားသည့် အလွန်မြင့်မားသော နှုန်းထားများကို သိသိသာသာ လျှော့ချသွားမှာဖြစ်ပေမယ့် သုညတော့ မဖြစ်နိုင်ဘူး” ဟု ဆက်လက်ပြောကြားခဲ့သည်။အမေရိကန်ဘဏ္ဍာရေးဝန်ကြီး Scott Bessent ၏ ဗုဒ္ဓဟူးနေ့ (ဧပြီ ၂၃) အစောပိုင်းက ထရမ့်၏ပြောဆိုချက်များနှင့်ပတ်သက်၍ ရှင်းလင်း ပြောကြားစဉ် ထွက်ပေါ်လာခြင်းဖြစ်သည်။ Bessent က အမေရိကန်နှင့် တရုတ်ကြား မြင့်မားသော အကောက်ခွန်နှုန်းထားများသည် စီးပွားရေး နှစ်ရပ်ကြား ကုန်သွယ်မှုကို အထိရောက်ဆုံး တားမြစ်ပိတ်ပင်ထားသည့် သဘောဖြစ်နေကြောင်း ပြောကြားခဲ့သည်။JP Morgan Chase မှ ဦးဆောင်ကျင်းပသော ရင်းနှီးမြှုပ်နှံမှုညီလာခံတွင် Bessent က တရုတ်နှင့်ဖြစ်ပွားလျက်ရှိသည့် ကုန်သွယ်ရေးစစ်ပွဲသည် ရေရှည် တည်တံ့နိုင်စွမ်းမရှိကြောင်းနှင့် မကြာတော့သည့် အနာဂတ်တွင် ပဋိပက္ခ လျော့ပါးသွားမည်ဟု မျှော်လင့်ထားကြောင်း အဆိုပါကိစ္စနှင့် ရင်းနှီးသူ တစ်ဦးက CNN သို့ အတည်ပြုပြောကြားခဲ့သည်။အဆိုပါရင်းမြစ်က CNN သို့ ပြောကြားရာတွင် Bessent က ရင်းနှီးမြှုပ်နှံ သူများအား အမေရိကန်နှင့်တရုတ်ကြား လုံးဝကင်းကွာမှု (complete decoupling) သို့မဟုတ် ပြတ်ပြတ်သားသားကွဲထွက်မှု (hard break) မဖြစ်စေဘဲ ကုန်သွယ်ရေးပြန်လည်ချိန်ညှိမှု (rebalancing of trade) ရရှိရန်သာ ရည်မှန်းထားကြောင်း ပြောကြားခဲ့သည်။ကိုးကား-CNNဘာသာပြန်ဆိုသူ-ဦးဝင်းဇော်ထွန်း၊ ဒုတိယညွှန်ကြားရေးမှူး၊ နစက-၂
Wed, 23-Apr-2025
တရုတ်နိုင်ငံနှင့်ပတ်သက်၍ အခွန်များလျှော့ချပေးမည်ဟု အမေရိကန် သမ္မတ ဒေါ်နယ်ထရမ့်ကကြေညာ
တရုတ်နိုင်ငံနှင့်ပတ်သက်၍ အခွန်များလျှော့ချပေးမည်ဟု အမေရိကန် သမ္မတ ဒေါ်နယ်ထရမ့်ကကြေညာ
အမေရိကန်သမ္မတ ဒေါ်နယ်ထရမ့်က ၎င်း၏နိုင်ငံအနေဖြင့် တရုတ်ပြည်မှ ကုန်ပစ္စည်းများအား ကောက်ခံသည့် အကောက်ခွန်နှုန်းထားများကိုလျှော့ချမည်ဟု ကြေညာခဲ့သော်လည်း အခွန်နှုန်းများကို သုညအထိ လျှော့ချမည်မဟုတ်ကြောင်း ဖွင့်ဟပြောကြားခဲ့ပါသည်။ အိမ်ဖြူတော်တွင် သတင်းမီဒီယာများ၏မေးခွန်းများကို ပြန်လည်ဖြေကြားစဉ် “လက်ရှိတွင် တရုတ်ပြည်မှ ကုန်ပစ္စည်းများအား စုစုပေါင်း ၁၄၅% အကောက်ခွန်ကောက်ခံနေရာမှ ယခုလို မြင့်မားသောနှုန်းထား ဆက်မရှိနိုင်တော့ပါ” ဟု သမ္မတဒေါ်နယ်ထရမ့်က ပြောကြားခဲ့ပါသည်။ ၎င်းက “အခွန်နှုန်းများ အမှန်ပင် သိသိသာသာ လျော့ကျသွားမည် ဖြစ်သော်လည်း လုံးဝသုညအထိ ရောက်ရှိမည်မဟုတ်ပါ” ဟု ရှင်းလင်း ပြောကြားခဲ့ပါသည်။ကိုးကား - Tass
Wed, 23-Apr-2025
© Copyright 2024 SAC All Rights Reserved.