ဟေတီနိုင်ငံ၌ ထိပ်တန်းဆေးရုံတစ်ရုံ လုံခြုံရေးပြဿနာများကြောင့် ပိတ်ထားရ

saceditor

News Image

  • ဟေတီနိုင်ငံ၌ ထိပ်တန်းဆေးရုံတစ်ရုံ လုံခြုံရေးပြဿနာများကြောင့် ပိတ်ထားရ

ပေါ်တိုပရင့်စ်   ဧပြီ ၂၃

ဟေတီနိုင်ငံ၏ ထိပ်တန်းဆေးရုံတစ်ရုံဖြစ်သည့် မိုင်ရီဘယ်လစ်တက္ကသိုလ်ဆေးရုံကြီးမှာ လုံခြုံရေးအခြေအနေယိုယွင်းမှု ဆိုးရွားလာခြင်းကြောင့် ပိတ်ထားလိုက်ရပြီဖြစ်ကြောင်း ဧပြီ ၂၂ ရက်သတင်းများတွင် ဖော်ပြထားသည်။

လက်နက်ကိုင် ဂိုဏ်းအုပ်စုများက မိုင်ရီဘယ်လစ်မြို့အတွင်း တိုက်ခိုက်မှုများ ပြုလုပ်ခဲ့ပြီးနောက် မိုင်ရီဘယ်လစ်တက္ကသိုလ်ဆေးရုံကြီးကို ပိတ်ထားခဲ့ရခြင်းဖြစ်သည်။

၎င်းဆေးရုံသည် ဧပြီလအစောပိုင်းမှာပင် ပိတ်ထားခဲ့ရခြင်းဖြစ်ကြောင်း ဆေးရုံတာဝန်ရှိသူများက ထုတ်ဖော်ပြောကြားထားသည်။

ဆေးရုံကိုမပိတ်မီ ဆေးရုံပေါ်ရှိ လူနာအားလုံးကို အခြားဆေးရုံများသို့ တာဝန်ရှိသူများက ခွဲဝေပို့ဆောင်ပေးထားကြောင်း သိရသည်။

မိုင်ရီဘယ်လစ် တက္ကသိုလ် ဆေးရုံကြီးပိတ်ထားရမှုကြောင့် ဟေတီနိုင်ငံ၏ ယိုယွင်းနေသော ကျန်းမာရေးစောင့်ရှောက်မှုစနစ်မှာ အခြေအနေပိုဆိုးလာနိုင်သည်။

၎င်းဆေးရုံသည် ခုတင် ၃၀၀ ဆံ့ ဆေးရုံဖြစ်ပြီး နေ့စဉ် နိုင်ငံတစ်ဝန်းမှ လူနာဦးရေ ၈၅၀ တို့ကို နေ့စဉ် ကျန်းမာရေးစောင့်ရှောက်မှုပေးခဲ့သည့် ဆေးရုံတစ်ရုံဖြစ်ကြောင်း သိရသည်။

Source: ရတနာပုံသတင်းစာ

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဂျပန်ကအဆင့်မြှင့်တင်ထားသည့်  လျှပ်စစ်သံလိုက်လှိုင်းသုံး Rail Gun ကို ထုတ်ဖော်ပြသ
ဂျပန်ကအဆင့်မြှင့်တင်ထားသည့်  လျှပ်စစ်သံလိုက်လှိုင်းသုံး Rail Gun ကို ထုတ်ဖော်ပြသ
ဂျပန်နိုင်ငံက အသံနှုန်းလွန်ဒုံးကျည်များကို ကြားဖြတ်ပစ်ချနိုင်ရေးအတွက်ရည်ရွယ်၍အဆင့်မြှင့်တင်ထားသည့် လျှပ်စစ်သံလိုက်လှိုင်းသုံး  Rail Gun ကိုထုတ်ဖော်ပြသလိုက်ကြောင်း သိရသည်။ဂျပန်ကာကွယ်ရေးဝန်ကြီးဌာနက စစ်ရေယာဉ်တစ်စင်းပေါ် တင်ဆောင်ထားသည့် Rail Gun ၏ဓာတ်ပုံကိုထုတ်ဖော် ပြသခဲ့ခြင်းဖြစ်သည်။ ထို့နောက် လေ့လာသူများက ဂျပန်နိုင်ငံသည် လေကြောင်းရန်ကာကွယ်ရေးအတွက်အဆင့်မြင့်လက်နက်စနစ်ကိုအသုံးပြုနိုင်သော ရေတပ်များအနက်တစ်ခုဖြစ်လာပြီဖြစ်ကြောင်းပြောထားသည်။ယခုထုတ်ဖော်ပြသသော Rail Gun သည် ၂၀၂၃ ခုနှစ် အောက်တိုဘာလတွင်  စမ်းသပ်ပစ်ခတ်မှုလုပ်ဆောင်စဉ် မြင်တွေ့ခဲ့ရသော ရှေ့ပြေးပုံစံထက် များစွာသောပြုပြင်ပြောင်းလဲအဆင့်မြှင့်တင်မှုများ လုပ်ထားသည်ကိုတွေ့ရကြောင်း လေ့လာသူများကဆက်ပြောသည်။သမားရိုးကျအမြောက်စနစ်များနှင့်နှိုင်းယှဉ်ပါက Rail Gun အတွက်အသုံးပြုသည့် ကျည်များသည် သေးငယ်ပြီးအသံနှုန်းလွန် ဒုံးကျည်များနှင့်အပြိုင်လိုက်ပါနိုင်သော အမြန်နှုန်းရှိကာ ဒုံးကျည်များထက် ကုန်ကျစရိတ်နည်းပါး၍ လျှပ်စစ်သံလိုက်စက်ကွင်းများကို   အသုံးပြုပစ်ခတ်ခြင်းဖြစ်သည်။ဂျပန်နိုင်ငံက ယခုကဲ့သို့အဆင့်မြင့်မားသည့် Rail Gun ကိုတီထွင်ဖန်တီးအသုံးပြု လာမည်ဆိုပါက ဂျပန်နိုင်ငံသည်တိုက်စစ် မဟာဗျူဟာလမ်းကြောင်းနောက်သို့လိုက်နေသည်ဟုဆိုနိုင်သောကြောင့်အခြားနိုင်ငံများအတွက် အန္တရာယ်ရှိနိုင်ကြောင်း လေ့လာသူတစ်ဦးကပြောသည်။Ref: SCMPSource: https://myawady.net.mm/ 
Fri, 25-Apr-2025
ဥရောပသည် စေ့စပ်ညှိနှိုင်းမှုကို မလိုလားဘဲစစ်ကိုသာ လိုလားနေကြောင်း ကရင်မလင်ပြောကြား
ဥရောပသည် စေ့စပ်ညှိနှိုင်းမှုကို မလိုလားဘဲစစ်ကိုသာ လိုလားနေကြောင်း ကရင်မလင်ပြောကြား
ဥရောပသည် စေ့စပ်ညှိနှိုင်းမှုကိုမဟုတ်ဘဲ စစ်ကိုသာလိုလားနေပါကြောင်း၊ လက်ရှိအချိန်အထိ ရုရှားနှင့် သဘောထားကိုက်ညီမှု မရှိပါကြောင်း ကရင်မလင်၏ ပြောရေးဆိုခွင့်ရှိသူ ဒီမီထရီပက်စကိုဗ်က ပြင်သစ် သတင်းစာ Le Point ကို ပြောကြားလိုက်ပါသည်။ “ဥရောပက စစ်ကိုသာ လိုလားနေပြီး ညှိနှိုင်းမှုကို မလိုလားပါ။ မိမိတို့ဘက်ကလည်း ၎င်းတို့ကို အတင်းအကျပ် ဆွဲခေါ်ထားမည်မဟုတ်ပါ” ဟု ၎င်းက ဆိုသည်။ ဥရောပတစ်ခုလုံးသည် ဘိုင်ဒင်အစိုးရအတွက် အလုပ်လုပ်နေသကဲ့သို့ ဖြစ်နေပါကြောင်း၊ ဥရောပသည် အချုပ်အခြာအာဏာပိုင် မဟုတ်ဘဲ၊ဘိုင်ဒင်အစိုးရ၏ အမိန့်အတိုင်း လိုက်နာဆောင်ရွက်နေခြင်းသာ ဖြစ်ကြောင်း၊ ထို့အတူ သမ္မတတိုင်း၊ ဝန်ကြီးချုပ်တိုင်းသည် ဘိုင်ဒင်၏ အကြံပေးများ သဖွယ် ဖြစ်နေပါကြောင်း၊ ယခုအချိန်အထိ ဝါရှင်တန်ကသာ အဓိက အခန်းကဏ္ဍမှဝင်နေပါကြောင်း ပက်စကိုဗ်က ထောက်ပြထားပါသည်။ ကိုးကား- ကရင်မလင်ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 24-Apr-2025
ပူတင်၏ ယူကရိန်းစစ်သားများအပေါ် ဝေဖန်ချက်
ပူတင်၏ ယူကရိန်းစစ်သားများအပေါ် ဝေဖန်ချက်
ရုရှားသမ္မတဗလာဒီမာ ပူတင်က ယူကရိန်းစစ်သားများသည် စားသောက်ဆိုင်များတွင် အရက်သေစာသောက်စားပျော်ပါးခြင်းကို ပြုလုပ်နေပါက ၎င်း နေရာများသည် စစ်ရေးပစ်မှတ်များဖြစ်လာနိုင်ကြောင်း သတင်းထောက် များအား ပြောကြားခဲ့သည်။ “ပြစ်ဒဏ်ချမှတ်ခံရန် အလားအလာအရှိဆုံးပုဂ္ဂိုလ်များမှာ စားသောက်ဆိုင်များတွင် ဗော်ကာအရက်များ သောက်စား၍ ညီလာခံများ၊ အစည်းအဝေး များ ပြုလုပ်နေသူများ ဖြစ်ကြပါကြောင်း၊ ထိုနေရာများကို တစ်ခါ ပစ်ခတ် ခဲ့ဖူးပါကြောင်း၊ ထိုကဲ့သို့နေရာက အရပ်သားနေရာဖြစ်သော်လည်း ပစ်မှတ် အနေဖြင့် စစ်ရေးပစ်မှတ်ဖြစ်သွားပါကြောင်း၊ ထိုကိစ္စကို နှစ်နိုင်ငံညှိနှိုင်းမှုများဖြင့် ဖြေရှင်းရန် လိုအပ်ပါကြောင်း၊ ယင်းအချက်ကို စိစစ်ပြီး သင့်လျော်သည့် ဆုံးဖြတ်ချက်များ ချမှတ်ရမည်ဖြစ်ပါကြောင်း” ပူတင်က ပြောကြားခဲ့ပါသည်။ ဧပြီ ၄ ရက်က ရုရှားတပ်များသည် ခရီဗွိုင်ရော့မြို့ရှိ စားသောက်ဆိုင် တစ်ခုကို ပစ်ခတ်ခဲ့ရာ ကရိန်းစစ်ဗိုလ်များနှင့် အနောက်နိုင်ငံမှ လေ့ကျင့် သင်ကြားပေးသူ ၈၅ ဦးခန့် သေဆုံးခဲ့ပြီး ယာဉ် ၂၀ ခန့် ပျက်စီးခဲ့သည်ဟု ရုရှားကာကွယ်ရေးဝန်ကြီးဌာနက ထုတ်ပြန်ထားပါသည်။ ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Thu, 24-Apr-2025
ကာ့စ်ခ် (Kursk) ဒေသ၏ နယ်မြေတစ်ခုလုံးကို မကြာမီကာလအတွင်း ရှင်းလင်းသုတ်သင်ပြီးဖြစ်မည်ဖြစ်ကြောင်း ရုရှားလုံခြုံရေးကောင်စီ အတွင်းရေးမှူး ဆာဂေးရှိုးဂူက ကြေညာ
ကာ့စ်ခ် (Kursk) ဒေသ၏ နယ်မြေတစ်ခုလုံးကို မကြာမီကာလအတွင်း ရှင်းလင်းသုတ်သင်ပြီးဖြစ်မည်ဖြစ်ကြောင်း ရုရှားလုံခြုံရေးကောင်စီ အတွင်းရေးမှူး ဆာဂေးရှိုးဂူက ကြေညာ
ကာ့စ်ခ်(Kursk)ဒေသ၌ ယူကရိန်းတိုက်ခိုက်ရေးသမားများကို ချေမှုန်းသုတ်သင်ခြင်းသည် နောက်ဆုံးအဆင့်သို့ ရောက်ရှိနေပြီဖြစ်ပါသည်။ မကြာမီကာလအတွင်း ထိုဒေသ၏နယ်မြေတစ်ခုလုံးကို ချေမှုန်းသုတ်သင်သွားမည်ဖြစ်ကြောင်း ရုရှားလုံခြုံရေးကောင်စီအတွင်းရေးမှူး ဆာဂေးရှိုးဂူ က TASS သတင်းဌာန နှင့်အင်တာဗျူးတွင် ပြောကြားခဲ့ပါသည်။ “အကြမ်းဖက် တိုက်ဖျက်ရေးစစ်ဆင်ရေး၏ မူဘောင်အတွင်း ကာ့စ်ခ်ဒေသရှိ တိုက်ခိုက်ရေး သမားများကို ချေမှုန်းသုတ်သင်ခြင်းသည် ပြီးဆုံးလုနီးပါးဖြစ်နေပြီ ဖြစ် ပါသည်။  မဟာဗျူဟာမြောက်ဓာတ်ငွေ့ပိုက်လိုင်း အူရင်ဂွိုင်း-ပိုမာရီ-ဥဇ်ဂိုရော့ဒ် အပိုင်းကို အသုံးပြုကာ ‘ပိုတော့’ စစ်ဆင်ရေးကို ထူးချွန်စွာ ဆောင်ရွက်ခဲ့ပါသည်။ရုရှားလုံခြုံရေးကောင်စီအတွင်းရေးမှူးက အထူးစစ်ဆင်ရေးဇုန်ရှိ အခြေအနေများသည် နိုင်ငံတကာနှင့် ရုရှားအတွင်းရှိအခြေအနေများကို အများဆုံးသက်ရောက်နေသည့် အဓိကအချက်ဖြစ်ကြောင်း မှတ်ချက်ပြု ခဲ့ပါသည်။ “ယနေ့အချိန်တွင် ရုရှားဖက်ဒရေးရှင်း၏ ကာကွယ်ရေးတပ်ဖွဲ့များသည် လူဂန့်ပြည်သူ့သမ္မတနိုင်ငံ၏ နယ်မြေ ၉၉% ကျော်နှင့် ခါဆွန်ဒေသ၊ ဒိုနက်ဇ်ပြည်သူ့သမ္မတနိုင်ငံနှင့် ဇာပေါ်ရိုရှီယာဒေသ၏ သုံးပုံနှစ်ပုံခန့်ကို လွတ်မြောက်စေခဲ့ပြီးဖြစ်ပါသည်။ လက်ရှိတွင် ရုရှားတပ်ဖွဲ့များသည် တိုက်ခိုက်ရေးထိတွေ့မှုမျဉ်းတစ်ခုလုံးတွင် တက်ကြွစွာ ထိုးစစ်ဆင် တိုက်ခိုက် နေကြပြီး မြို့ရွာအသစ်များကို လွတ်မြောက်စေလျက်ရှိပါသည်။ “အခြေ အနေများသည် နေ့စဉ်မိမိတို့ဘက်သို့ အကျိုးရှိစေပြီး ပြောင်းလဲနေ ပါသည်” ဟု ၎င်းကဆက်လက်ပြောကြားခဲ့ပါသည်။ယူကရိန်းနှင့် အခြားနိုင်ငံများမှ အကြမ်းဖက်သမားများက ကျူးလွန်ခဲ့သော ရာဇဝတ်မှုများအပြင် ၎င်းတို့က ဖြစ်ပေါ်စေခဲ့သော ထိခိုက် ပျက်စီးမှုများကို ချက်ချင်းမှတ်တမ်းတင်ရန် အရေးကြီးကြောင်း ရုရှား လုံခြုံရေးကောင်စီအတွင်းရေးမှူးက အလေးအနက်ပြောကြားခဲ့ပါသည်။ “ကာ့စ်ခ်နယ်မြေတွင် တိုက်ခိုက်ရေးသမားများက ရက်စက် ကြမ်းကြုတ်စွာ ပြုလုပ်ခဲ့သော လုပ်ရပ်များကိုထောက်ရှု၍ မည်သူ့ကိုမျှ သက်ညှာခွင့် ပေးမည်မဟုတ်ပါ။ အသက်ရှင်ကျန်ရစ်သူများကို အကြမ်းဖက်သမားများအဖြစ် တရားစီရင်မည်ဖြစ်ပြီး ၎င်းတို့တစ်ဦးစီသည် ထိုက်တန်သော ပြစ်ဒဏ်ကို ခံယူရမည်ဖြစ်ပါသည်” ဟု  ရုရှားလုံခြုံရေးကောင်စီ အတွင်းရေးမှူး ဆာဂေးရှိုးဂူက ကောက်ချက်ချပြောဆိုခဲ့သည်။ကိုးကား - Tass
Thu, 24-Apr-2025
ကမ္ဘာ့စစ်တပ်များသည် ရုရှားထံမှ သင်ယူနေကြကြောင်း ရုရှားသမ္မတ ဗလာဒီမာပူတင်က ပြောကြား
ကမ္ဘာ့စစ်တပ်များသည် ရုရှားထံမှ သင်ယူနေကြကြောင်း ရုရှားသမ္မတ ဗလာဒီမာပူတင်က ပြောကြား
ယူကရိန်းပဋိပက္ခသည် စစ်မြေပြင်အတွေ့အကြုံ၏ အဖိုးတန်ရင်းမြစ် ဖြစ်သည်ဟု ရုရှားသမ္မတ ဗလာဒီမာ ပူတင်က ပြောကြားခဲ့ပါသည်။ကမ္ဘာ့စစ်တပ်အားလုံးသည် ယူကရိန်းပဋိပက္ခတွင် ရုရှားအသုံးပြုခဲ့သော နည်းဗျူဟာများနှင့် နည်းပညာများကို နီးကပ်စွာလေ့လာနေကြောင်း သမ္မတပူတင်က ဗုဒ္ဓဟူးနေ့ (ဧပြီ ၂၃ရက်) တွင် ရုရှား၏ စစ်မှုထမ်းဆောင်ရေး ကော်မရှင်အစည်းအဝေး၌ ထုတ်ဖော်ပြောကြားခဲ့သည်။ ရုရှားသည် ၎င်း၏စစ်မှုထမ်းဆောင်ရေးနယ်ပယ်တွင်အောင်မြင်မှုများကို အခြေခံ၍ ရှေ့ဆက်လုပ်ဆောင်ရမည်ဟု ၎င်းကအလေးထားပြောကြားခဲ့သည်။ ရုရှား၏စစ်မြေပြင်အတွေ့အကြုံသည် ကမ္ဘာလုံးဆိုင်ရာစိတ်ဝင်စားမှုကို ရရှိနေကြောင်း၊ “မိမိတို့၏အထူးစစ်ဆင်ရေးလုပ်ငန်းသည် နည်းဗျူဟာရေးရာနှင့် လက်နက်ဖွံ့ဖြိုးရေးအရ ကမ္ဘာ့စစ်တပ်အားလုံး၊ အကြီးဆုံး လက်နက်ထုတ်လုပ်ရေးလုပ်ငန်းရှင်များနှင့် နည်းပညာကုမ္ပဏီများက လေ့လာနေကြသည်” ဟု သမ္မတ ဗလာဒီမာပူတင်က နိုင်ငံ၏ စစ်ဘက်ဆိုင်ရာစက်မှုလုပ်ငန်းကော်မရှင် အစည်းအဝေးပွဲ၌ ဖွင့်ဟပြောကြားခဲ့ ပါသည်။ ရုရှားသည် “တစ်ဆင့်ပို၍သာလွန်နေရမည်” ဟု ၎င်းက ပြောကြား ခဲ့သည်။ ရုရှားသမ္မတ ဗလာဒီမာပူတင်က ရုရှား၏စစ်အင်အားကို အဓိက ထောက်ပံ့ပေးနေသော လုပ်ငန်းများမှဝန်ထမ်းများအား ကျေးဇူးတင်ကြောင်း ပြောကြားရင်း၊ ယခုနှစ်တွင် ၂၀၂၄ ခုနှစ်ထက် ပိုမိုစိန်ခေါ်မှုများ ရင်ဆိုင် ရနိုင်ကြောင်း ထောက်ပြခဲ့ပါသည်။ ၂၀၂၄ ခုနှစ်အတွင်း ရုရှားတပ်များသည် ဒရုန်း ၁.၅ သန်းကျော်နှင့် သံချပ်ကာယာဉ် ၄,၀၀၀ ကျော်ရရှိခဲ့သော်လည်း၊ ယူကရိန်းပဋိပက္ခတွင် အဓိကအရေးပါလာသော FPV (first person view) ဒရုန်းများ လိုအပ် နေဆဲဖြစ်ကြောင်း သမ္မတက ဖော်ပြခဲ့ပါသည်။ ထို့ပြင် ရုရှားသည် မောင်းသူမဲ့သင်္ဘောများ၊ စက်ရုပ်များနှင့် စစ်သုံးလေဆာများ ဖွံ့ဖြိုးရေးကို ဦးစားပေးသင့်ကြောင်း၊ ယခုအခါ ထိုနယ်ပယ်များတွင် တိုးတက်မှုအချို့ရှိလာပြီဖြစ်ကြောင်း ၎င်းကအလေးထား ပြောကြား ခဲ့သည်။ ၂၀၂၄ ခုနှစ် အမေရိကန်စစ်တက္ကသိုလ်၏ စစ်ပွဲဆိုင်ရာအစီရင်ခံစာတွင် အီလက်ထရောနစ်စစ်ပွဲ၏အရေးပါမှုနှင့် စောင့်ကြည့်ရေးစနစ်များကြောင့် ဖြစ်ပေါ်လာသော စစ်မြေပြင်အမြင်သာမှု စိန်ခေါ်ချက်များအပါအဝင် ယူကရိန်းပဋိပက္ခမှသင်ခန်းစာများကို ဖော်ပြထားသည်။ တစ်ချိန်တည်းတွင် ယူကရိန်း၌ တိုက်ခိုက်မှုများ ဆက်လက်ပြင်းထန်နေချိန်၌ ရုရှားသည် နည်းပညာဆိုင်ရာ ထိုးထွင်းသိမြင်မှုများကို ထုတ်ယူပြီး ၎င်း၏ ကိုယ်ပိုင်စစ်မြေပြင်စွမ်းဆောင်ရည်ကို တိုးတက်ကောင်းမွန်လာစေရန် လေ့လာသုံးသပ်ရန်အတွက် တင့်ကားများ၊ သံချပ်ကာယာဉ်များ၊ သယ်ဆောင်ရလွယ်သော ဒုံးကျည်စနစ်များနှင့် နေတိုးစံချိန်စံညွှန်းမီဆက်သွယ်ရေးစနစ်များအပါအဝင် အနောက်နိုင်ငံများက ပံ့ပိုးပေးထားသော ကိရိယာအမြောက်အမြားကို သိမ်းပိုက်နိုင်ခဲ့ပါသည်။ကိုးကား - RT
Thu, 24-Apr-2025
John(Palmistry) , John(Palmistry) , John(Palmistry) , John(Palmistry) , John(Palmistry)
မြေငလျင်ကြီးမားစွာလှုပ်ခတ်မည်ဖြစ်ကြောင်း Tiktok အကောင့်မှတစ်ဆင့် မဟုတ်မမှန်သတင်းအမှားဖြန့်ဝေခဲ့သူ John(Palmistry) အကောင့်ပိုင်ရှင် ဂျွန်မိုးသဲအား ဖမ်းဆီးရမိမှု
၂၀၂၅ ခုနှစ်၊ ဧပြီလ ၂၁ ရက်တွင် မြေငလျင်ကြီးမားစွာလှုပ်ခတ်မည်ဟု Tiktok အကောင့်မှတစ်ဆင့် မဟုတ်မမှန်သတင်းအမှားဖြန့်ဝေနေကြောင်းသတင်းအရ ဧပြီလ ၂၂ ရက် ၁၀:၀၀ နာရီတွင် လုံခြုံရေးတပ်ဖွဲ့ဝင်များမှ မုံရွာမြို့၊ မြဝတီရပ်ကွက်၊ တိုးချဲ့ကွက်သစ်ရပ်၊ နယ်မြေ (၂၁)၊ ရွှေညောင်ပင်လမ်းရှိ နေအိမ်သို့သွားရောက်ရှာဖွေခဲ့ရာ တရားခံ John(Palmistry) အကောင့်ပိုင်ရှင် ဂျွန်မိုးသဲအား ဖမ်းဆီးရမိခဲ့ပါသည်။ဖမ်းဆီးရမိတရားခံအား စိစစ်ဖော်ထုတ်ချက်အရ ၎င်းသည် ၂၀၂၁ ခုနှစ်၊ ဖေဖော်ဝါရီလ ၁ ရက်နောက်ပိုင်း မုံရွာမြို့ပေါ်၌ပြုလုပ်သည့် ဆန္ဒပြပွဲများတွင် ၂၀ ကြိမ်ခန့် လိုက်ပါဆောင်ရွက်ခဲ့သဖြင့် မုံရွာနယ်မြေရဲစခန်းမှ ရာဇသတ်ကြီးဥပဒေပုဒ်မ ၅၀၅-က ဖြင့် အမှုဖွင့်အရေးယူခဲ့သော်လည်း အသက်မပြည့်သူ ကလေးသူငယ်ဖြစ်သဖြင့် မိဘအုပ်ထိန်းမှုအောက်တွင် ကောင်းမွန်စွာနေထိုင်ရန် မုံရွာခရိုင်တရားရုံးမှ အမိန့်ချမှတ်ခြင်းခံခဲ့ရသူဖြစ်ကြောင်း သိရှိရပါသည်။၎င်းအပြင် ၂၀၂၁ ခုနှစ်၊ မေလ ၂၈ ရက်တွင် ကော့ကရိတ်မြို့မှတစ်ဆင့် KNDO တပ်ရင်း(၆)သို့ သွားရောက်ခဲ့ပြီး အဆိုပါ KNDO တပ်ရင်း(၆)၌ဖွင့်လှစ်သည့် အကြမ်းဖက်သင်တန်းအား သင်တန်းသား ၇၅ ဦးနှင့်အတူ တက်ရောက်ခဲ့ကြောင်း၊ ၎င်းနောက် အကြမ်းဖက်အဖွဲ့အစည်းများအတွက် အွန်လိုင်းမှတစ်ဆင့် အလှူငွေများ ကောက်ခံထောက်ပံ့ပေးခဲ့ကြောင်း သိရှိရပါသည်။ထို့နောက် ၂၀၂၁ ခုနှစ်၊ စက်တင်ဘာလ၊ တတိယပတ်ခန့်တွင် မုံရွာမြို့သို့ ပြန်လည်ရောက်ရှိနေထိုင်စဉ် အောက်တိုဘာလ ၃၀ ရက်တွင် လုံခြုံရေးတပ်ဖွဲ့ဝင်များ၏ ဖမ်းဆီးထိန်းသိမ်းခြင်းခံခဲ့ရကြောင်း၊ ၎င်းနောက် နိုဝင်ဘာလ ၁၄ ရက်တွင် မုံရွာမြို့၊ အမှတ်(၁)ရဲစခန်း၌ အကြမ်းဖက်မှုတိုက်ဖျက်ရေးဥပဒေ ပုဒ်မ-၅၀(ည)/၅၂(က)တို့ဖြင့် အမှုဖွင့်လှစ်ခဲ့ပြီး မုံရွာခရိုင်တရားရုံးမှ ၂၀၂၂ ခုနှစ်၊ အောက်တိုဘာလတွင် ထောင်ဒဏ် ၂ နှစ် ပြစ်ဒဏ်ချမှတ်ခဲ့သည့်အတွက် မန္တလေးမြို့ရှိ လူငယ်ထိန်းသိမ်းရေးသင်တန်းကျောင်း၌ ထိန်းသိမ်းစောင့်ရှောက်ခြင်းခံခဲ့ရကာ ၂၀၂၃ ခုနှစ်၊ ဇွန်လတွင် ပြန်လည်လွတ်မြောက်လာခဲ့ကြောင်း သိရှိရပါသည်။ဂျွန်မိုးသဲအနေဖြင့် ထောင်မှလွတ်မြောက်ပြီးနောက် ဗေဒင်လက္ခဏာပညာအား အသုံးချ၍ ပြည်သူလူထု ထင်ယောင်ထင်မှားဖြစ်စေရန် ရည်ရွယ်ချက်ဖြင့် ၂၀၂၄ ခုနှစ်၊ ဖေဖော်ဝါရီလတွင် Johnmoe5.t အမည်ဖြင့် Tiktok အကောင့်ဖွင့်လှစ်ကာ အကြမ်းဖက်အဖွဲ့အစည်းများနှင့်ပတ်သက်သည့် Post များအားလည်းကောင်း၊ မြေငလျင်နှင့်ပတ်သက်သည့် Post များအားလည်းကောင်း၊ အများပြည်သူ အထိတ်တလန့်ဖြစ်စေရန်ရည်ရွယ်၍ မဟုတ်မမှန်ရေးသားဖော်ပြခဲ့ကြောင်း စိစစ်တွေ့ရှိရသဖြင့် ၎င်းအား ဥပဒေအရ ထိထိရောက်ရောက် အရေးယူသွားမည်ဖြစ်ပြီး နောင်အလားတူ မဟုတ်မမှန်သတင်းအမှားများ ရေးသားဖြန့်ဝေသူများကိုလည်း စိစစ်ဖော်ထုတ်၍ ထိထိရောက်ရောက် အရေးယူဆောင်ရွက်သွားမည်ဖြစ်ကြောင်း၊ မိဘပြည်သူများအနေဖြင့်လည်း သဘာဝဘေးအန္တရာယ်နှင့်ပတ်သက်၍ သတင်း အတုသတင်းအမှားများကို မသမာသူများမှ ဖြန့်ဝေရေးသားဖော်ပြလျက်ရှိသဖြင့် ယုံကြည်မှုမရှိရန်နှင့် သဘာဝဘေးအန္တရာယ်နှင့်ပတ်သက်သည့်သတင်းများအား သက်ဆိုင်ရာ မိုးလေဝသနှင့်ဇလဗေဒညွှန်ကြားမှုဦးစီးဌာနမှ အချိန်နှင့်တစ်ပြေးညီ တိကျစွာထုတ်ပြန်ပေးလျက်ရှိကြောင်း အသိပေးသတင်းထုတ်ပြန်အပ်ပါသည်။Source: www.moi.gov.mm 
Thu, 24-Apr-2025
© Copyright 2024 SAC All Rights Reserved.