အမေရိကန်သည် အကောက်ခွန်နှုန်းထားသစ်များကြောင့် ဘဏ္ဍာရေးလိုငွေပြမှု အနည်းငယ်လျှော့ချနိုင်မည်ဟု IMF အစီရင်ခံစာ ခန့်မှန်း

saceditor

News Image

  • အမေရိကန်သည် အကောက်ခွန်နှုန်းထားသစ်များကြောင့် ဘဏ္ဍာရေးလိုငွေပြမှု အနည်းငယ်လျှော့ချနိုင်မည်ဟု IMF အစီရင်ခံစာ ခန့်မှန်း

၂၀၂၅ ခုနှစ်တွင် အမေရိကန်သည် အကောက်ခွန်များမှ အခွန်ဝင်ငွေများတိုးလာမှုကြောင့် ဘဏ္ဍာရေးလိုငွေပြမှု အနည်းငယ်ကျဆင်းနိုင်မည်ဖြစ်ကြောင်း နိုင်ငံတကာငွေကြေးရန်ပုံငွေအဖွဲ့ (IMF) အစီရင်ခံစာမှ ခန့်မှန်းချက်အရ သိရပါသည်။ သို့ရာတွင် အခွန်တိုးမြှင့်ကောက်ခံမှုကြောင့်ကုန်သွယ်ရေးစစ်ပွဲ ပိုမိုပြင်းထန်လာသဖြင့် စီးပွားရေးတိုးတက်မှုနှင့် ငွေကြေးဖောင်းပွမှုအခြေအနေ ပိုမိုဆိုးရွားလာမည်ဟု အစီရင်ခံစာတွင် ဆက်လက်ဖော်ပြထားပါသည်။

အမေရိကန်ပြည်ထောင်စု၏ ဘဏ္ဍာရေးလိုငွေပြမှုမှာ ၂၀၂၄ ခုနှစ်တွင် GDP ၏ ၇.၃ ရာခိုင်နှုန်း ရှိခဲ့ရာမှ ၂၀၂၅ ခုနှစ်တွင်မူ ၆.၅ ရာခိုင်နှုန်းအထိ လျော့ကျမည်ဟု မျှော်မှန်းထားပါသည်။ ထို့နောက် ၅.၆ ရာခိုင်နှုန်းတိုင်အောင် ဆက်လက်ကျဆင်းမည်ဟု ဖော်ပြထားပါသည်။ ထိုသို့ လိုငွေပြမှုကျဆင်းရသည့်အကြောင်းအရင်းမှာ ဒေါ်နယ်ထရမ့်၏ အကောက်ခွန် တိုးမြှင့်မှုကြောင့် အခွန်ဝင်ငွေတိုးတက်လာခြင်း ဖြစ်ပါသည်။ 

တစ်ဖက်တွင်လည်း ကုန်သွယ်ရေးစစ်ပွဲများကြောင့် အမေရိကန်စီးပွားရေးနှင့် ငွေကြေးဖောင်းပွမှုကို သက်ရောက်စေမည်ဖြစ်သောကြောင့် ဈေးနှုန်းတက်လာပြီး ကုန်ထုတ်လုပ်မှုများလည်း နှေးကွေးလာနိုင်ကြောင်း ဆိုထားပါသည်။

အမေရိကန်သမ္မတ ဒေါ်နယ်ထရမ့်သည် ဧပြီ ၂ ရက်က နိုင်ငံပေါင်း ၁၈၅ နိုင်ငံအပေါ် အကျိုးသက်ရောက်မည့်အကောက်ခွန်နှုန်းထားသစ်ကိုကြေညာခဲ့သည်။

အကောက်ခွန်များသည် အစိုးရဘဏ္ဍာရေးကို ယာယီ ထောက်ပံ့ပေးနိုင်သော်လည်း ကုန်သွယ်ရေးစစ်ပွဲများကြောင့် ရေရှည်တွင် အကျိုးဆက်များက စီးပွားရေးကို ပိုမိုထိခိုက်စေနိုင်လာပါသည်။

ကိုးကား- CNBC

ဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊ နစက-၃

MM-News-Category
စီးပွားရေးကဏ္ဍသတင်း
စီးပွားရေး-နိုင်ငံတကာသတင်း

ဆက်စပ်သတင်းများ

ကမ္ဘာလုံးဆိုင်ရာစီးပွားရေးသည် ယခုနှစ်တွင် တိုးတက်မှု နှေးကွေးလာ နိုင်ခြေရှိပြီး ငွေကြေးဖောင်းပွမှု မြင့်တက်လာမှုကို ရင်ဆိုင်ရနိုင်ကြောင်း နိုင်ငံတကာငွေကြေးရန်ပုံငွေအဖွဲ့ (IMF) က ပြောကြားခဲ့သည်။ ကမ္ဘာလုံး ဆိုင်ရာကုန်သွယ်မှု အနှောင့်အယှက်များနှင့် ပြည်တွင်းစက်မှု လုပ်ငန်း များကို ပြည်ပပြိုင်ဆိုင်မှုမှ အကာအကွယ်ပေးသည့် ကျင့်ထုံးများ မြင့်တက် လာမှုကို ကိုးကားပြီး (IMF) က ယခုကဲ့သို့ သတင်းထုတ်ပြန် ပြောဆို ခဲ့ခြင်း ဖြစ်သည်။ အမေရိကန်သမ္မတ ဒေါ်နယ်ထရမ့်က ချမှတ်ခဲ့သော အခွန်စည်းကြပ်မှုများသည် ဥရောပသမဂ္ဂနှင့် တရုတ်တို့ အ
ကမ္ဘာလုံးဆိုင်ရာစီးပွားရေး သတိပေးချက်ကို နိုင်ငံတကာ ငွေကြေးရန်ပုံငွေ အဖွဲ့ (IMF) ထုတ်ပြန်
ကမ္ဘာလုံးဆိုင်ရာစီးပွားရေးသည် ယခုနှစ်တွင် တိုးတက်မှု နှေးကွေးလာနိုင်ခြေရှိပြီး ငွေကြေးဖောင်းပွမှု မြင့်တက်လာမှုကို ရင်ဆိုင်ရနိုင်ကြောင်း နိုင်ငံတကာငွေကြေးရန်ပုံငွေအဖွဲ့ (IMF) က ပြောကြားခဲ့သည်။ ကမ္ဘာလုံး ဆိုင်ရာကုန်သွယ်မှု အနှောင့်အယှက်များနှင့် ပြည်တွင်းစက်မှု လုပ်ငန်း များကို ပြည်ပပြိုင်ဆိုင်မှုမှ အကာအကွယ်ပေးသည့် ကျင့်ထုံးများ မြင့်တက် လာမှုကို ကိုးကားပြီး (IMF) က ယခုကဲ့သို့ သတင်းထုတ်ပြန် ပြောဆိုခဲ့ခြင်းဖြစ်သည်။ အမေရိကန်သမ္မတ ဒေါ်နယ်ထရမ့်က ချမှတ်ခဲ့သော အခွန်စည်းကြပ်မှုများသည် ဥရောပသမဂ္ဂနှင့် တရုတ်တို့ အပါအဝင် ကုန်သွယ်ရေးမိတ်ဖက်နိုင်ငံများနှင့် အကွဲအပြဲများကို သိသိသာသာ ဖြစ်ပေါ် စေခဲ့ကြောင်း သိရသည်။ ထို့ပြင် အရေးပေါ် ပြုပြင်ပြောင်းလဲမှုများနှင့် ကမ္ဘာလုံးဆိုင်ရာပူးပေါင်းဆောင်ရွက်မှုကို အသစ်ပြန်လည် ပြုလုပ်ရန် IMF အဖွဲ့ မန်နေးဂျင်းဒါရိုက်တာ Kristalina Georgieva က တောင်းဆိုခဲ့ ကြောင်းလည်း သိရသည်။ Kristalina Georgieva က “ငွေကြေး မတည် ငြိမ်မှုများက သိသိသာသာမြင့်တက်နေပြီး ကုန်သွယ်ရေးမူဝါဒများကလည်း အပြောင်းအလဲ ဖြစ်နေပါကြောင်း၊ အမေရိကန်၏ ထိရောက်သည့် အခွန် စည်းကြပ်မှုနှုန်းများသည် ယခင်က နောက်ဆုံး မြင်တွေ့ရခဲ့သည့်အကြိမ်နှင့် နှိုင်းယှဉ်ပါက သိသိသာသာ မြင့်တက်လာခဲ့ပါကြောင်း” ပြောခဲ့သည်။ ထို့ပြင် အမေရိကန်အစိုးရ၏ သွင်းကုန်အားလုံးအပေါ် အကောက်ခွန် (၁၀) ရာခိုင်နှုန်းနှင့် တရုတ်ကုန်ပစ္စည်းများအပေါ် မြင့်မားသော နှုန်းထားများ အပါအဝင် ဒေါ်နယ်ထရမ့်အစိုးရ၏ ကုန်သွယ်ရေးဆိုင်ရာ အရေးယူမှုများ မြင့်တက်လာခြင်းကြောင့် အချို့သောကုန်ပစ္စည်းများသည် အမြင့်ဆုံး ၁၄၅ ရာခိုင်နှုန်းအထိ အခွန်စည်းကြပ်မှုများနှင့်ရင်ဆိုင်နေရကြောင်း Kristalina Georgieva က ပြောကြားခဲ့သည်။ အဆိုပါလုပ်ရပ်များကို လက်တုံ့ပြန်သည့်အနေဖြင့် တရုတ်အစိုးရသည် အမေရိကန်၏သွင်းကုန် အားလုံးအပေါ် အခွန်ကောက်ခံမှုကို ၈၄ ရာခိုင်နှုန်းမှ ၁၂၅ရာခိုင်နှုန်းအထိ တိုးမြှင့်ခဲ့ပြီး လက်ရှိအချိန်အထိ အသိသာအထင်ရှားဆုံး လက်တုံ့ပြန်မှု တစ်ခု ဖြစ်ခဲ့ကြောင်း Kristalina Georgieva က ပြောခဲ့သည်။ကိုးကား-NP News
Mon, 28-Apr-2025
ကျိုက်လတ်မြို့နယ်မှ ရန်ကုန်ဈေးကွက်သို့ မတ်လအတွင်း ငါးဖယ်ပိဿာချိန်အများအပြား တင်ပို့ရောင်းချနိုင်ခဲ့
ကျိုက်လတ်မြို့နယ်မှ ရန်ကုန်ဈေးကွက်သို့ မတ်လအတွင်း ငါးဖယ်ပိဿာချိန်အများအပြား တင်ပို့ရောင်းချနိုင်ခဲ့
ကျိုက်လတ်  ဧပြီ ၂၆ဧရာဝတီတိုင်းဒေသကြီး ကျိုက်လတ်မြို့နယ်မှ ရန်ကုန်ဈေးကွက်သို့ ပြီးခဲ့သည့် မတ်လအတွင်း ငါးဖယ်ပိဿာချိန် အများအပြားတင်ပို့ရောင်းချနိုင်ခဲ့ကြောင်း ကျိုက်လတ်မြို့နယ် ရေထွက်ကုန်ရောင်းဝယ်ရေးပွဲရုံပိုင်ရှင် ဒေါ်ဇာဇာဌေးက ပြောပြ၍ သိရသည်။ကျိုက်လတ်မြို့နယ်မှ ရေထွက်ကုန်ရောင်းဝယ်ရေး ပွဲရုံပိုင်ရှင်များသည် ငါးဖယ်များကို စနစ်တကျထုပ်ပိုးပြီး ရန်ကုန်ဈေးကွက်သို့ တင်ပို့ရောင်းချနေကြောင်း၊ ယခုနှစ် ဖေဖော်ဝါရီလအတွင်းက ငါးဖယ်ပိဿာချိန် ၅၀၀၀၀ သာ တင်ပို့ရောင်းချနိုင်ခဲ့ပြီး မတ် ၁ ရက်မှ ၃၁ ရက်ထိ ငါးဖယ်ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။“ပြီးခဲ့တဲ့မတ်လ ပထမပတ်လောက်ကတည်းက ရန်ကုန်ဈေးကွက်ကို ငါးဖယ်တွေတင်ပို့ရောင်းချအားကောင်းခဲ့ပါတယ်။ ပြီးခဲ့တဲ့ တစ်လအတွင်း ငါးဖယ်ပိဿာချိန် ၇၅၀၀၀ ထိ တင်ပို့ရောင်းချခဲ့ရပါတယ်။ ရန်ကုန်ဈေးကွက်က ဒီလထဲမှာလဲ ငါးဖယ်တွေ မှာယူမှုအားကောင်းနေပါတယ်။ အခုလို ငါးဖယ်တွေ ကုန်ချိန်များများ တင်ပို့လာရတာကြောင့် ငါးလုပ်ငန်းနဲ့ ဆက်စပ်သူတွေအကုန်လုံး အဆင်ပြေလာတာတွေ့ရပါတယ်” ဟု ကျိုက်လတ်မြို့နယ် ရေထွက်ကုန်ရောင်းရေး ပွဲရုံပိုင်ရှင် ဒေါ်ဇာဇာဌေးက ပြောပြသည်။ကျိုက်လတ်မြို့နယ်မှ ရန်ကုန်ဈေးကွက်သို့ မတ်လအတွင်း တင်ပို့ရောင်းချခဲ့သည့်ဒေသထွက် ငါးဖယ်တစ်ပိဿာလျှင် ငွေကျပ် ၁၅၅၀၀ မှ ၂၂၀၀၀ ထိ ပေါက်ဈေးရှိကြောင်း၊ အဆိုပါဒေသမှ ရန်ကုန်ဈေးကွက်သို့ ရေထွက်ကုန်များ ပိုမိုတင်ပို့ရောင်းချနေရခြင်းကြောင့် ငါးမွေးမြူရေးလုပ်ငန်းရှင်များ၊ ရေထွက်ကုန် ရောင်းဝယ်ရေးပွဲရုံပိုင်ရှင်များ၊ ကုန်တင်ယာဉ်အငှားလိုက်သူများ၊ ကုန်တင်ကုန်ချလုပ်သားများ အဆင်ပြေကြောင်း သိရသည်။ကျော်ကျော်လင်းSource: ရတနာပုံသတင်းစာ
Mon, 28-Apr-2025
နိုင်ငံပေါင်း ၁၈ နိုင်ငံနှင့် အခွန်ညှိနှိုင်းမှု ချောမွေ့စေရေး လမ်းပြမြေပုံ ထရမ့်အစိုးရအဖွဲ့ ရေးဆွဲ
နိုင်ငံပေါင်း ၁၈ နိုင်ငံနှင့် အခွန်ညှိနှိုင်းမှု ချောမွေ့စေရေး လမ်းပြမြေပုံ ထရမ့်အစိုးရအဖွဲ့ ရေးဆွဲ
အမေရိကန်သည် ကုန်သွယ်ရေးညှိနှိုင်းမှုများအတွက် မူဘောင်သစ်တစ်ရပ်ကို ရေးဆွဲနေပြီး ထိုမူဘောင်တွင် ကနေဒါ၊ တရုတ်၊ မက္ကဆီနိုင်ငံတို့သည် ပါဝင်နိုင်ခြေနည်းပါးနိုင်ကြောင်း သတင်းအရင်းမြစ်များကို ကိုးကား၍ The Wall Street Journal (WSJ) က ပြောကြားထားပါသည်။အမေရိကန်အရာရှိများသည် သမ္မတ ဒေါ်နယ်ထရမ့်၏ “တန်ပြန် အကောက်ခွန်” မူဝါဒနှင့်စပ်လျဉ်း၍ ညှိနှိုင်းမှုများကို ပိုမိုထိရောက်စေရန် ရည်ရွယ်ကာ ဘုံအခြေခံသဘောတူညီချက်များပါဝင်သည့် စံနမူနာသစ် ကို အသုံးပြု၍ အဆင့်ဆင့်ညှိနှိုင်းသွားရန် စီစဉ်နေကြောင်း WSJ က ဖော်ပြသည်။အမေရိကန်ကုန်သွယ်ရေးကိုယ်စားလှယ်ရုံး (USTR) မှ ပြင်ဆင်ထားသော မူဘောင်တွင် အကောက်ခွန်နှင့် ကုန်သွယ်မှုကန့်သတ်ချက်များ၊ အမေရိကန် ကုန်ပစ္စည်းများအပေါ် စည်းမျဉ်းကန့်သတ်ချက်ကဲ့သို့သော အကောက်ခွန် မဟုတ်သည့် ကုန်သွယ်ရေးအဟန့်အတားများ၊ ဒစ်ဂျစ်တယ် ကုန်သွယ်ရေး၊ ကုန်ပစ္စည်းများ၏ မူလထုတ်လုပ်ရာနိုင်ငံစည်းမျဉ်း (Rules of Origin) ၊ စီးပွားရေးလုံခြုံရေးနှင့် အခြားစီးပွားရေးဆိုင်ရာကိစ္စရပ်များ ပါဝင်သည် ဟု မူဘောင်မူကြမ်းနှင့် ရင်းနှီးသူများထံမှ သိရသည်။ထရမ့်အစိုးရအဖွဲ့အနေဖြင့် ၂၀၂၅ ခုနှစ်၊ ဇူလိုင် ၈ ရက်မတိုင်မီတွင် အဓိက ကုန်သွယ်ဖက်နိုင်ငံ ၁၈ နိုင်ငံနှင့် တန်ပြန်အကောက်ခွန် သဘောတူညီချက်များ ရရှိရန် မျှော်မှန်းထားပါသည်။ကိုးကား- TASSPhoto: Investing.comဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Sun, 27-Apr-2025
လွတ်လပ်စွာကုန်သွယ်ရေးဇုန်များနှင့် အကောက်ခွန်ကင်းလွတ်ခွင့်ပြုသည့် ဆိပ်ကမ်းများ တည်ဆောက်ရန် ဗီယက်နမ်ဝန်ကြီးချုပ်တိုက်တွန်း
လွတ်လပ်စွာကုန်သွယ်ရေးဇုန်များနှင့် အကောက်ခွန်ကင်းလွတ်ခွင့်ပြုသည့် ဆိပ်ကမ်းများ တည်ဆောက်ရန် ဗီယက်နမ်ဝန်ကြီးချုပ်တိုက်တွန်း
ဗီယက်နမ်နိုင်ငံအနေဖြင့်   ပြည်ပမှ ရင်းနှီးမြှုပ်နှံမှုများကို ဆွဲဆောင်နိုင်ရန်နှင့် နိုင်ငံ၏ ယှဉ်ပြိုင်နိုင်စွမ်းကို တိုးမြှင့်နိုင်ရန်အတွက် နိုင်ငံအတွင်းရှိ အဓိကစီးပွားရေးဒေသများအတွင်း၌ လွတ်လပ်စွာ ကုန်သွယ်ရေးဇုန်များနှင့် အကောက်ခွန်ကင်းလွတ်ခွင့်ပြုသည့် ဆိပ်ကမ်းများ တည်ဆောက်ရန် ဝန်ကြီးချုပ် ဖန်မင်းချင်က  တိုက်တွန်းလိုက်ကြောင်း ဗီယက်နမ်သတင်းအေဂျင်စီက ဧပြီလ ၂၆ ရက်တွင် ဖော်ပြသည်။လွတ်လပ်စွာကုန်သွယ်ရေးဇုန်များနှင့် အကောက်ခွန်ကင်းလွတ်ခွင့်ပြုသည့် ဆိပ်ကမ်းများ တည်ဆောက်ခြင်းသည် ကုန်ပစ္စည်းများကို ဖြန့်ချိရာတွင် ပိုမိုတိုးတက်ကောင်းမွန်စေရန်နှင့် နိုင်ငံတကာဈေးကွက်တွင် ဗီယက်နမ်နိုင်ငံ၏ရပ်တည်မှုကို ပိုမိုအားကောင်းလာစေရန်အတွက် ရည်ရွယ်ခြင်း ဖြစ်ကြောင်း ဖန်မင်းချင်က ဆက်လက်ပြောကြားသည်။ဗီယက်နမ်နိုင်ငံသည် လက်ရှိဒစ်ဂျစ်တယ်ခေတ်တွင် ဒေသတွင်းကုန်ပစ္စည်း ထောက်ပံ့ပို့ဆောင်ရေးကဏ္ဍတွင် အဓိကကျသည့် ဒေသတစ်ခုဖြစ်လာစေရန် ရည်ရွယ်လုပ်ဆောင်လျက်ရှိသည်။အစိုးရသည် နိုင်ငံအတွင်းရှိ တောင်ပိုင်း ဒွန်နိုင်ပြည်နယ်၊ အလယ်ပိုင်း ဒါနန်းမြို့နှင့် မြောက်ပိုင်းဗင်ဖူပြည်နယ်ရှိ ဒေသအများအပြား၌ လွတ်လပ်စွာကုန်သွယ်ရေးဇုန်များတည်ထောင်ရန် အဆိုပြုထားကြောင်းသိရသည်။                     Ref: XinhuaSource: https://myawady.net.mm/ 
Sun, 27-Apr-2025
ဖျာပုံမြို့နယ်မှ ရန်ကုန်ဈေးကွက်သို့ မတ်လအတွင်း ကဏန်းပျော့ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့
ဖျာပုံမြို့နယ်မှ ရန်ကုန်ဈေးကွက်သို့ မတ်လအတွင်း ကဏန်းပျော့ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့
ဖျာပုံ   ဧပြီ ၂၄ဧရာဝတီတိုင်းဒေသကြီး ဖျာပုံမြို့နယ်မှ ရန်ကုန်ဈေးကွက်သို့ မတ်လအတွင်း ကဏန်းပျော့ ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း ဖျာပုံမြို့နယ် ရေထွက်ကုန်ပစ္စည်းများရောင်းဝယ်ရေး ပွဲရုံပိုင်ရှင် ဒေါ်သူသူဝင်းက ပြောပြ၍ သိရသည်။ဖျာပုံမြို့နယ်မှ ရန်ကုန်ဈေးကွက်သို့ ဖေဖော်ဝါရီလအတွင်း ကဏန်းပျော့ ပိဿာချိန် ၅၂၀၀၀ သာ တင်ပို့ရောင်းချနိုင်ခဲ့ပြီး မတ် ၁ ရက်မှ ၃၁ ရက်ထိ ကဏန်းပျော့ပိဿာချိန် ၇၅၀၀၀ ထိ တင်ပို့ရောင်းချနိုင်ခဲ့ကြောင်း သိရသည်။ “ကဏန်းပျော့တွေကို ရန်ကုန်ဈေးကွက်က အရင်ကထက် ပိုမိုဝယ်ယူခဲ့တာဖြစ်ပါတယ်။ မတ်လအတွင်း ကဏန်းပျော့ ပိဿာချိန် ၇၅၀၀၀ ထိ တင်ပို့ရောင်းချခဲ့ရပါတယ်။ ဖျာပုံမြို့နယ်ကထွက်ရှိတဲ့ ကဏန်းပျော့တွေကို ရန်ကုန်ဈေးကွက်ကို အဓိကတင်ပို့ရောင်းချနေပါတယ်” ဟု ဖျာပုံမြို့နယ် ရေထွက်ကုန်ပစ္စည်းများရောင်းဝယ်ရေး ပွဲရုံပိုင်ရှင် ဒေါ်သူသူဝင်းက ပြောပြသည်။ဖျာပုံမြို့နယ်မှ တင်ပို့ရောင်းချခဲ့သည့် ကဏန်းပျော့ တစ်ပိဿာလျှင် ငွေကျပ် ၁၇၅၀၀ မှ ၃၅၀၀၀ ထိ ပေါက်ဈေးရှိကြောင်း၊ အဆိုပါ ကဏန်းများ တင်ပို့ရောင်းချနေရသည့်အတွက် ရေလုပ်သားများ၊ ပွဲရုံပိုင်ရှင်များ၊ ကုန်သည်များ၊ ကုန်တင်ယာဉ် အငှားလိုက်သူများ အဆင်ပြေလျက်ရှိကြောင်း သိရသည်။ကျော်ကျော်လင်းSource: ရတနာပုံသတင်းစာ  
Fri, 25-Apr-2025
အမေရိကန်သည် အကောက်ခွန်နှုန်းထားသစ်များကြောင့် ဘဏ္ဍာရေးလိုငွေပြမှု အနည်းငယ်လျှော့ချနိုင်မည်ဟု IMF အစီရင်ခံစာ ခန့်မှန်း
အမေရိကန်သည် အကောက်ခွန်နှုန်းထားသစ်များကြောင့် ဘဏ္ဍာရေးလိုငွေပြမှု အနည်းငယ်လျှော့ချနိုင်မည်ဟု IMF အစီရင်ခံစာ ခန့်မှန်း
၂၀၂၅ ခုနှစ်တွင် အမေရိကန်သည် အကောက်ခွန်များမှ အခွန်ဝင်ငွေများတိုးလာမှုကြောင့် ဘဏ္ဍာရေးလိုငွေပြမှု အနည်းငယ်ကျဆင်းနိုင်မည်ဖြစ်ကြောင်း နိုင်ငံတကာငွေကြေးရန်ပုံငွေအဖွဲ့ (IMF) အစီရင်ခံစာမှ ခန့်မှန်းချက်အရ သိရပါသည်။ သို့ရာတွင် အခွန်တိုးမြှင့်ကောက်ခံမှုကြောင့်ကုန်သွယ်ရေးစစ်ပွဲ ပိုမိုပြင်းထန်လာသဖြင့် စီးပွားရေးတိုးတက်မှုနှင့် ငွေကြေးဖောင်းပွမှုအခြေအနေ ပိုမိုဆိုးရွားလာမည်ဟု အစီရင်ခံစာတွင် ဆက်လက်ဖော်ပြထားပါသည်။အမေရိကန်ပြည်ထောင်စု၏ ဘဏ္ဍာရေးလိုငွေပြမှုမှာ ၂၀၂၄ ခုနှစ်တွင် GDP ၏ ၇.၃ ရာခိုင်နှုန်း ရှိခဲ့ရာမှ ၂၀၂၅ ခုနှစ်တွင်မူ ၆.၅ ရာခိုင်နှုန်းအထိ လျော့ကျမည်ဟု မျှော်မှန်းထားပါသည်။ ထို့နောက် ၅.၆ ရာခိုင်နှုန်းတိုင်အောင် ဆက်လက်ကျဆင်းမည်ဟု ဖော်ပြထားပါသည်။ ထိုသို့ လိုငွေပြမှုကျဆင်းရသည့်အကြောင်းအရင်းမှာ ဒေါ်နယ်ထရမ့်၏ အကောက်ခွန် တိုးမြှင့်မှုကြောင့် အခွန်ဝင်ငွေတိုးတက်လာခြင်း ဖြစ်ပါသည်။ တစ်ဖက်တွင်လည်း ကုန်သွယ်ရေးစစ်ပွဲများကြောင့် အမေရိကန်စီးပွားရေးနှင့် ငွေကြေးဖောင်းပွမှုကို သက်ရောက်စေမည်ဖြစ်သောကြောင့် ဈေးနှုန်းတက်လာပြီး ကုန်ထုတ်လုပ်မှုများလည်း နှေးကွေးလာနိုင်ကြောင်း ဆိုထားပါသည်။အမေရိကန်သမ္မတ ဒေါ်နယ်ထရမ့်သည် ဧပြီ ၂ ရက်က နိုင်ငံပေါင်း ၁၈၅ နိုင်ငံအပေါ် အကျိုးသက်ရောက်မည့်အကောက်ခွန်နှုန်းထားသစ်ကိုကြေညာခဲ့သည်။အကောက်ခွန်များသည် အစိုးရဘဏ္ဍာရေးကို ယာယီ ထောက်ပံ့ပေးနိုင်သော်လည်း ကုန်သွယ်ရေးစစ်ပွဲများကြောင့် ရေရှည်တွင် အကျိုးဆက်များက စီးပွားရေးကို ပိုမိုထိခိုက်စေနိုင်လာပါသည်။ကိုးကား- CNBCဘာသာပြန်ဆိုသူ-ဒေါ်မေသူဌေး၊ ဦးစီးအရာရှိ၊ နစက-၃
Fri, 25-Apr-2025
© Copyright 2024 SAC All Rights Reserved.