ကဘော်ချိုင့်ဝှမ်းကို အိန္ဒိယက ပိုင်သည့် သဘောပြောခြင်းမှာ မဖြစ်သင့်သော ကိစ္စဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေးအဖွဲ့ ဖြေကြား

saceditor

News Image

  • ကဘော်ချိုင့်ဝှမ်းကို အိန္ဒိယက ပိုင်သည့် သဘောပြောခြင်းမှာ မဖြစ်သင့်သော ကိစ္စဖြစ်ကြောင်း နိုင်ငံတော်စီမံအုပ်ချုပ်ရေးကောင်စီ သတင်းထုတ်ပြန်ရေး အဖွဲ့ ဖြေကြား

BJP ပါတီမှ လွှတ်တော်အမတ်ပြောသည့် ကဘော်ချိုင့်ဝှမ်းကို အိန္ဒိယက ပိုင်သည့် သဘောပြောခြင်းမှာ မဖြစ်သင့်သောကိစ္စဖြစ်ကြောင်း နိုင်ငံတော်စီမံအုပ်ချုပ်ရေးကောင်စီက ထုတ်ပြန်ချက်တွင် ထည့်သွင်းပြောကြားထားသည်။ “မြန်မာ-အိန္ဒိယ နယ်နိမိတ်ကိစ္စသည် နှစ်နိုင်ငံအစိုးရများအကြားမှာ တရားဝင်ဆွေးနွေးတိုင်းတာ အတည်ပြုပြီး ဆောင်ရွက်နေသည့် နိုင်ငံတော်အဆင့်ကိစ္စများ ဖြစ်ပါသည်။ ၎င်းကို မဏိပူရပြည်နယ်မှ အချို့သော နိုင်ငံရေးပါတီများနှင့် လွှတ်တော်အမတ်များသည် ၎င်းတို့၏ နိုင်ငံရေးမဲဆွယ်ရန် စကားလုံးတစ်ခုအဖြစ် မကြာခဏ ပြောဆိုနေသည်ကို စိတ်မကောင်းဖွယ်တွေ့ရှိနေရသည်” ဟု ထုတ်ပြန်ချက်တွင် ရေးသားထားသည်။ ၂၀၁၁ ခုနှစ်က မဏိပူရပြည်နယ် BJP ပါတီခေါင်းဆောင် ရှန်တီကူးမားက ကဘော်ချိုင့်ဝှမ်းကို မဏိပူရက ပိုင်သင့်ကြောင်း ပြောခဲ့ပြီး၊ ၂၀၁၃ ခုနှစ် မဲဆွယ်မှုတွင်လည်း အဆိုပါ ပါတီကပင် ၎င်းတို့ပါတီကို မဲပေးလျှင် ကဘော်ချိုင့်ဝှမ်းကို ပြန်တောင်းပေးမည်ဆိုပြီး မဲဆွယ်ခဲ့ကာ ယခုတွင်လည်း BJP ပါတီ၏ မဏိပူရပြည်နယ် ပါလီမန်လွှတ်တော်အမတ်က ကဘော်ချိုင့်ဝှမ်းဒေသကို အိန္ဒိယက ပိုင်သည်ဆိုသည့်သဘော ပြောဆိုခြင်းသည် မဖြစ်သင့်သည့်ကိစ္စဖြစ်ကြောင်း ထုတ်ပြန်ချက်တွင် ရေးသားထားသည်။ “အိန္ဒိယနိုင်ငံက တာဝန်ရှိသူများအနေနှင့် နိုင်ငံတော်အဆင့် သဘောတူဆောင်ရွက်နေသော ကိစ္စများကို ပြည်နယ်တစ်ခု၊ ပါတီ တစ်ခုက ဖျက်လိုဖျက်ဆီး ပြောဆိုနေမှုများကို လိုအပ်သလို ထိန်းကြောင်းတည့်မတ်ပေးရန် လိုအပ်ပါတယ်။ ကဘော်ချိုင့်ဝှမ်းဒေသသည် သမိုင်းနှင့်ယှဉ်ပြီး မြန်မာနိုင်ငံပိုင်ဖြစ်သလို လက်ရှိတွင်လည်း နှစ်နိုင်ငံအစိုးရများက လက်ခံအတည်ပြုထားသော မြန်မာနိုင်ငံ၏ ပိုင်နက် နယ်မြေများ ဖြစ်ပါသည်” ဟု ထုတ်ပြန်ချက်တွင် ဖော်ပြထားသည်။ အိန္ဒိယနိုင်ငံနှင့် မြန်မာနိုင်ငံ အကြားတည်ရှိနေသော အိမ်နီးချင်းကောင်း မိတ်ဆွေကောင်း ဆက်ဆံရေးများကို မြန်မာနိုင်ငံဘက်က အမြဲရပ်တည် ထိန်းသိမ်းဆောင်ရွက်လျက်ရှိသကဲ့သို့ အိန္ဒိယနိုင်ငံအနေနှင့်လည်း ရှိရင်းစွဲ ချစ်ကြည်ရင်းနှီးသည့် နှစ်နိုင်ငံဆက်ဆံရေးကို တန်ဖိုးထားပြီး မြန်မာနိုင်ငံ၏ အချုပ်အခြာအာဏာနယ်မြေပိုင်ဆိုင်မှုကို လေးစားသင့်သည့်အတွက် နှစ်နိုင်ငံ ဆက်ဆံရေးကို ထိခိုက်ပျက်ပြားစေမည့် ပြုမူပြောဆိုမှုများနှင့်ပတ်သက်၍ နိုင်ငံတော်အစိုးရအနေဖြင့် လိုအပ်သလို ထိန်းသိမ်းဆောင်ရွက်သင့်ကြောင်း ပြောကြားလိုပါသည်ဟု ဆက်သွယ်မေးမြန်းသည့်အပေါ် သတင်းထုတ်ပြန်ရေးအဖွဲ့က ဖြေကြားထားသည်။

ကိုးကား-NP News

MM-News-Category
နိုင်ငံရေးကဏ္ဍသတင်းများ
နိုင်ငံရေး-ပြည်တွင်းသတင်းများ

ဆက်စပ်သတင်းများ

ယူကရိန်းက ရုရှားသို့နယ်မြေများပေးရန်ဆန္ဒရှိဟု ထရမ့်ကိုယ်စားလှယ်ပြော
ယူကရိန်းက ရုရှားသို့နယ်မြေများပေးရန်ဆန္ဒရှိဟု ထရမ့်ကိုယ်စားလှယ်ပြော
ဝါရှင်တန်၊ နိုင်ငံရေးယူကရိန်းက ရုရှားနိုင်ငံသို့ နယ်မြေများကိုပေးရန်ဆန္ဒရှိနေသည်ဟု အမေရိကန် သမ္မတ ဒေါ်နယ်ထရမ့်၏ အထူးကိုယ်စားလှယ် ကိပ်ကဲလော့ကပြောကြောင်းသိရသည်။ယူကရိန်းအစိုးရအနေဖြင့် ရုရှားနိုင်ငံက ထိန်းချုပ်ထားသော ခရိုင်းမီးယားဒေသ အပါအဝင် အခြားသော ဒေသလေးခုကိုပါ ရုရှားနိုင်ငံပိုင်အဖြစ် သဘောထားပေးလိုကြောင်း၊ သို့သော်တရားဝင်ထုတ်ပြန်မှုကိုမူ လုပ်ဆောင်မည်မဟုတ်ကြောင်းကိပ်ကဲလော့ကဆက်ပြောသည်။ထို့ပြင် ရုရှားထိန်းချုပ်ထားသောနယ်မြေများကို ယူကရိန်းကစွန့်လွှတ်ကြောင်း ရုရှား၏တောင်းဆိုချက်အပေါ် အမေရိကန်ကလက်ခံနိုင်ခြင်းရှိ၊ မရှိနှင့်ပတ်သက်၍ Fox News သတင်းဌာနက မေးမြန်းရာ ၎င်းတို့အနေဖြင့်လက်ခံနိုင်ကြောင်း ကိပ်ကဲလော့က ပြောသည်ဟုသတင်းဌာနကဖော်ပြထားသည်။ထို့ပြင် ယူကရိန်းဘက်က လက်ရှိရုရှား ထိန်းချုပ်ခံနယ်မြေများတွင် ရုရှားကိုနေရာယူစေပြီး အပစ်အခတ်ရပ်စဲရေးကို အလိုရှိနေကြောင်း ၎င်းကပြောသည်။      Ref: RTSource: https://myawady.net.mm/ 
Fri, 2-မေလ-2025
ကက်ရှ်မီးယားဒေသ တင်းမာမှုများကို လျှော့ချကြရန် အိန္ဒိယနှင့် ပါကစ္စတန်ကို ကုလသမဂ္ဂ တိုက်တွန်း
ကက်ရှ်မီးယားဒေသ တင်းမာမှုများကို လျှော့ချကြရန် အိန္ဒိယနှင့် ပါကစ္စတန်ကို ကုလသမဂ္ဂ တိုက်တွန်း
အိန္ဒိယက ထိန်းချုပ်ထားသည့် ဂျမူးနှင့် ကက်ရှ်မီးယားဒေသတွင် ပြီးခဲ့သည့် သီတင်းပတ်အတွင်း သေနတ်သမားများက ကမ္ဘာလှည့် ခရီးသွားများအပေါ် ပစ်ခတ်တိုက်ခိုက်မှုအတွင်း လူပေါင်း ၂၆ ဦး သေဆုံးခဲ့သည့် ဖြစ်စဉ်ကြောင့်အိန္ဒိယနှင့် ပါကစ္စတန်တို့အကြား တင်းမာမှုများ ဆက်လက် ဖြစ်ပွားခဲ့သည်။ ကုလသမဂ္ဂက နှစ်နိုင်ငံအနေဖြင့် ထိန်းထိန်းသိမ်းသိမ်း ဆောင်ရွက်ကြရန် တိုက်တွန်းတောင်းဆိုလျက်ရှိသည်။ယခုကဲ့သို့ ကမ္ဘာလှည့်ခရီးသွားများအား ပစ်မှတ်ထားတိုက်ခိုက်မှုအပေါ် အိန္ဒိယရဲတပ်ဖွဲ့က စုံစမ်းစစ်ဆေးလျက်ရှိသော်လည်း မည်သူ့၌ တာဝန်ရှိသည်ဆိုသည်မှာ ရှင်းရှင်းလင်းလင်း မသိရှိရသေးပေ။ ယခုဖြစ်စဉ်တွင် နောက်ကွယ်မှ ပါကစ္စတန်က ပါဝင်ပတ်သက်မှုရှိကြောင်းနှင့် လက်တုန့်ပြန် တိုက်ခိုက်မှုဖြစ်နိုင်ကြောင်း အိန္ဒိယ အစိုးရက စွပ်စွဲထားသော်လည်း ပါကစ္စတန်ဘက်ကမူ အိန္ဒိယ၏ စွပ်စွဲချက်ကို ငြင်းဆိုထားသည်။နှစ်နိုင်ငံတပ်ဖွဲ့များသည် နယ်စပ်တစ်လျှောက် တိုက်ခိုက်မှုများဖြစ်ပွားလျက်ရှိပြီး သံတမန်လမ်းကြောင်းမှတစ်ဆင့် ညှိနှိုင်းဆောင်ရွက်လျက်ရှိသကဲ့သို့ နှစ်နိုင်ငံလေကြောင်းခရီးစဉ်များကို ရပ်နားထားကြောင်းလည်း သိရှိရပါသည်။ကုလသမဂ္ဂအထွေထွေအတွင်းရေးမှူးချုပ် Antonio Guterres က ပါကစ္စတန်ဝန်ကြီးချုပ် Shehbaz Sharif နှင့် အိန္ဒိယနိုင်ငံခြားရေးဝန်ကြီး Subrahmanyam Jaishankar တို့ကို ဧပြီလ ၃၀ ရက်နေ့က တွေ့ဆုံခဲ့ပြီး နှစ်နိုင်ငံ ထိပ်တိုက်ရင်ဆိုင်မှုသည် ကမ္ဘာ့နိုင်ငံများအတွက် ဆိုးကျိုးကို ဖြစ်နိုင်သဖြင့် နှစ်ဖက်၏တင်းမာမှုကို ဖြေလျှော့ရန် တိုက်တွန်းပြောကြားခဲ့ပါသည်။ကိုးကား-NHK Worldဘာသာပြန်ဆိုသူ-ဦးထက်ထက်အောင်၊ ဒုတိယဦးစီးမှူး၊ နစက-၄
Fri, 2-မေလ-2025
Victory Day အိန္ဒိယဝန်ကြီးချုပ် တက်ရောက်မည်မဟုတ်
Victory Day အိန္ဒိယဝန်ကြီးချုပ် တက်ရောက်မည်မဟုတ်
အိန္ဒိယဝန်ကြီးချုပ်မိုဒီသည် မေလ ၉ ရက်တွင် မော်စကိုမြို့၌ ကျင်းပမည့် Victory Day အောင်ပွဲနေ့အခမ်းအနားသို့ တက်ရောက်မည် မဟုတ်ကြောင်း ကရင်မလင် ပြောခွင့်ရ ဒီမီထရီ ပက်စ်ကော့ဗ်က ဧပြီ ၃၀ ရက် (ဗုဒ္ဓဟူးနေ့) တွင် ပြောကြားလိုက်ပါသည်။“အိန္ဒိယခေါင်းဆောင်မလာဖြစ်ပါ။ ယခုအခမ်းအနားကို အိန္ဒိယက အမြင့်ဆုံးအဆင့် ကိုယ်စားမပြုတော့ပါ” ဟု ၎င်းက ပြောကြားထား ပါသည်။လတ်တလော အိန္ဒိယ- ပါကစ္စတန်အကြား တင်းမာနေမှုကြောင့် ထိုသို့ ဆုံးဖြတ်လိုက်ရပြီး အိန္ဒိယဘက်မှ အခြားအဆင့် ကိုယ်စားလှယ်အဖွဲ့တစ်ဖွဲ့ ကိုသာ ကိုယ်စားစေလွှတ်တော့မည်ဖြစ်သည်ဟု သိရပါသည်။ကိုးကား- ကရင်မလင်Photo: Mintဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
အိန္ဒိယနှင့် ပါကစ္စတန်တို့ တင်းမာမှု လျှော့ချရန် မာကို ရူဘီယို တိုက်တွန်း
အိန္ဒိယနှင့် ပါကစ္စတန်တို့ တင်းမာမှု လျှော့ချရန် မာကို ရူဘီယို တိုက်တွန်း
အမေရိကန် နိုင်ငံခြားရေးဝန်ကြီး မာကိုရူဘီယိုသည် ပါကစ္စတန် ဝန်ကြီးချုပ် မိုဟာမက်ရှာဘတ်ရှာရစ်နှင့် အိန္ဒိယနိုင်ငံခြားရေးဝန်ကြီး ဆူဘရာမန်ယမ် ဂျိုင်ရှန်ကားတို့နှင့် ဖုန်းဆက်ပြောဆိုကာ နှစ်နိုင်ငံအကြား တင်းမာမှုများ လျှော့ချရန် တိုက်တွန်းခဲ့ကြောင်း အမေရိကန်နိုင်ငံခြားရေးဝန်ကြီးဌာန၏ ထုတ်ပြန်ချက်အရ သိရပါသည်။တောင်အာရှတွင် တင်းမာမှုလျှော့ချရန်နှင့် ငြိမ်းချမ်းရေး ထိန်းသိမ်းရန်အတွက် ပါကစ္စတန်နှင့်အတူ လုပ်ဆောင်ရန် ဝန်ကြီး ရူဘီယိုက အိန္ဒိယ ကို တိုက်တွန်းထားကြောင်း သီးသန့်ထုတ်ပြန်ချက်တစ်ခုတွင် ဖော်ပြ ထားသည်။ကိုးကား- TASSPhoto: The Financial Expressဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
ရွေးကောက်ပွဲဝင်ရန် တောင်ကိုရီးယားဝန်ကြီးချုပ် ရာထူးမှ နုတ်ထွက်
ရွေးကောက်ပွဲဝင်ရန် တောင်ကိုရီးယားဝန်ကြီးချုပ် ရာထူးမှ နုတ်ထွက်
တောင်ကိုရီးယားဝန်ကြီးချုပ်နှင့် ယာယီသမ္မတ ဟန်ဒက်ဆူသည် ဇွန်လ ၃ ရက်တွင် ကျင်းပမည့် သမ္မတရွေးကောက်ပွဲ၌ ဝင်ရောက်ယှဉ်ပြိုင်ရန် ရာထူးမှ နုတ်ထွက်လိုက်ပြီဖြစ်ကြောင်း ယွန်ဟတ်သတင်းဌာန ဖော်ပြချက် အရ သိရပါသည်။“မိမိတို့ရင်ဆိုင်နေရသည့် အကျပ်အတည်းကို ကျော်လွှားရန် မိမိ လုပ်နိုင်သည်များဆောင်ရွက်ရန် ယခုလို ရာထူးမှ နုတ်ထွက်ရန် ဆုံးဖြတ်ခဲ့ခြင်းဖြစ်ပါသည်” ဟု ဟန်က ယွန်ဟတ်သတင်းဌာနကို ပြောကြားခဲ့ပါသည်။ ရွေးကောက်ပွဲတွင် ဝင်ရောက်ယှဉ်ပြိုင်နိုင်ရန် ဟန်အနေဖြင့် မေလ ၄ ရက်နေ့မတိုင်မီ နုတ်ထွက်ရန် လိုအပ်ခဲ့ပါသည်။ ကိုးကား- TASSဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
Mike Waltz ကို ကုလသမဂ္ဂဆိုင်ရာ အမေရိကန်သံအမတ်ကြီးနှင့် ရူဘီယို ကို အမျိုးသားလုံခြုံရေးအကြံပေးအဖြစ် ထရမ့် အဆိုပြု
Mike Waltz ကို ကုလသမဂ္ဂဆိုင်ရာ အမေရိကန်သံအမတ်ကြီးနှင့် ရူဘီယို ကို အမျိုးသားလုံခြုံရေးအကြံပေးအဖြစ် ထရမ့် အဆိုပြု
Mike Waltz အား ကုလသမဂ္ဂဆိုင်ရာ အမေရိကန်သံအမတ်ကြီးအဖြစ် အဆိုပြုလိုက်ပြီး ၎င်း၏ အမျိုးသားလုံခြုံရေးဆိုင်ရာ အကြံပေးတာဝန်ကို နိုင်ငံခြားရေးဝန်ကြီး Marco Rubio အား ယာယီပူးတွဲတာဝန်ပေးမည်ဖြစ်ကြောင်း အမေရိကန်သမ္မတဒေါ်နယ်ထရမ့်က မေလ ၁ ရက်တွင် ၎င်း၏ Truth Social လူမှုကွန်ရက်စာမျက်နှာ၌ ကြေညာချက်ထုတ်ပြန်ခဲ့ပါသည်။ကိုးကား- The Guardianဘာသာပြန်ဆိုသူ- ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Fri, 2-မေလ-2025
© Copyright 2024 SAC All Rights Reserved.