လာမည့်နှစ်အတွက် အမျိုးသားလုံခြုံရေးဘဏ္ဍာငွေ ဒေါ်လာ ၁.၀၁ ထရီလီယံ တောင်းခံမည်ဟု ထရမ့် ပြောကြား

saceditor

News Image

  • လာမည့်နှစ်အတွက် အမျိုးသားလုံခြုံရေးဘဏ္ဍာငွေ ဒေါ်လာ ၁.၀၁ ထရီလီယံ တောင်းခံမည်ဟု ထရမ့် ပြောကြား

အမေရိကန်သမ္မတ ဒေါ်နယ်ထရမ့်သည် အောက်တိုဘာလ ၁ ရက်မှ စတင်မည့် ဘဏ္ဍာရေးနှစ်အတွက် သမိုင်းတွင်မည့် အမျိုးသားလုံခြုံရေးဘဏ္ဍာငွေ ဒေါ်လာ ၁.၀၁ ထရီလီယံကို ကွန်ဂရက်မှ တောင်းခံမည်ဟု အိမ်ဖြူတော်အရင်းမြစ်များကို ကိုးကား၍ Bloomberg က ဖော်ပြထား ပါသည်။

၎င်းတို့အဆိုအရ သတ်မှတ်ထားသောဘဏ္ဍာငွေများကို Golden Dome ဒုံးပျံကာကွယ်ရေးစနစ်၊ သင်္ဘောတည်ဆောက်ရေးနှင့် နျူကလီးယား စွမ်းအင်အခြေခံအဆောက်အအုံများ ခိုင်မာအားကောင်းလာစေရန်အတွက် အသုံးပြုရန် စီစဉ်ထားသည်ဟု သိရပါသည်။ ထို့အပြင် ယခုဘဏ္ဍာငွေတွင် အမေရိကန်စစ်မှုထမ်းများ၏ လစာကို ၃.၈% တိုးမြှင့်ပေးရန်လည်း ပါဝင်ပါသည်။

ဧပြီလ ၈ ရက်က ထရမ့်က ၎င်း၏အစိုးရအဖွဲ့သည် ဒေါ်လာ ၁ ထရီလီယံ ခန့်ရှိသော ကာကွယ်ရေးဘဏ္ဍာငွေကို ပြင်ဆင်ထားပြီးဖြစ်ကြောင်း ပြောကြားခဲ့ပါသည်။ ပြီးခဲ့သည့် ၂၀၂၄ ခုနှစ်က အမေရိကန်၏ အမျိုးသားလုံခြုံရေးဘဏ္ဍာငွေ ဒေါ်လာ ၈၄၁ ဘီလီယံ ဖြစ်ပါသည်။

ကိုးကား- TASS 

Photo: CNBC TV 18

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊နစက-၃

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

OIC အဖွဲ့အစည်းသည် တောင်အာရှဒေသတွင် တင်းမာမှုများ မြင့်တက် လာခြင်းကို သတိပေးပြီး ထိန်းထိန်းသိမ်းသိမ်း ဆောင်ရွက်ရန်နှင့် ဆွေးနွေးညှိနှိုင်းရန် တိုက်တွန်း
OIC အဖွဲ့အစည်းသည် တောင်အာရှဒေသတွင် တင်းမာမှုများ မြင့်တက်လာခြင်းကို သတိပေးပြီး ထိန်းထိန်းသိမ်းသိမ်း ဆောင်ရွက်ရန်နှင့် ဆွေးနွေးညှိနှိုင်းရန် တိုက်တွန်း
အစ္စလာမ္မစ် ပူးပေါင်းဆောင်ရွက်ရေးအဖွဲ့ (OIC) သည် တောင်အာရှဒေသရှိ လုံခြုံရေးအခြေအနေ ဆိုးရွားလာခြင်းအတွက် ပြင်းထန်စွာ စိုးရိမ်လျက်ရှိကြောင်း ထုတ်ဖော်ပြောကြားခဲ့ပြီး အိန္ဒိယ၏ ပါကစ္စတန်အပေါ် အကြောင်းမဲ့စွပ်စွဲချက်များသည် ပျက်ယွင်းနေသော ဒေသတွင်းအခြေအနေကို ပိုမိုတင်းမာစေကြောင် သတိပေးခဲ့ပါသည်။နယူးယောက်မြို့ရှိ ကုလသမဂ္ဂဌာနချုပ်တွင် OIC အဖွဲ့က ထုတ်ပြန်သော ပူးတွဲကြေညာချက်တွင် အဖွဲ့ဝင်နိုင်ငံများသည် မကြာသေးမီက ဖြစ်ပေါ် တိုးတက်မှုများကို ပြင်းထန်စွာ ဝေဖန်ရှုတ်ချပြီး သက်ဆိုင်သူအားလုံးကို အတတ်နိုင်ဆုံး ထိန်းထိန်းသိမ်းသိမ်း ဆောင်ရွက်ရန် တိုက်တွန်းခဲ့ပါသည်။OIC အဖွဲ့သည် အိန္ဒိယ၏ ရန်လိုသော စကားလုံးများနှင့် ပါကစ္စတန်အပေါ် အခြေအမြစ်မရှိသော စွပ်စွဲချက်များသည် တောင်အာရှဒေသတွင် မတည်ငြိမ်မှုများကို တိုးပွားလာစေကြောင်း ထောက်ပြခဲ့ပါသည်။OIC အဖွဲ့သည် ၎င်း၏ မူဝါဒအရ ခိုင်မာသောရပ်တည်ချက်ကို အတည်ပြုပြီး အကြမ်းဖက်သမား မည်သူဖြစ်ပါစေ အကြမ်းဖက်မှုအားလုံးကို ရှုတ်ချ ကြောင်း ပြောကြားခဲ့သည်။ သို့သော် အကြမ်းဖက်ဝါဒကို သီးခြားနိုင်ငံ၊ ဘာသာရေး၊ လူမျိုးရေး သို့မဟုတ် ယဉ်ကျေးမှုတစ်ခုခုနှင့် ဆက်စပ်ရန် ကြိုးပမ်းမှုများကို ပြင်းပြင်းထန်ထန် ကန့်ကွက်ကြောင်းလည်း ပြောကြားခဲ့ပါသည်။“OIC သည် မည်သည့်နေရာတွင်ဖြစ်စေ၊ မည်သည့်ပုံစံဖြင့်ဖြစ်စေ အကြမ်းဖက်ဝါဒကို ရှုတ်ချပါသည်။ သို့သော် အကြမ်းဖက်ဝါဒကို သီးခြားနိုင်ငံ သို့မဟုတ် လူ့အဖွဲ့အစည်းတစ်ခုခုနှင့် ဆက်စပ်ရန် ကြိုးပမ်းမှုအားလုံးကို ပယ်ချသည်” ဟု ကြေညာချက်တွင် ဖော်ပြထားပါသည်။OIC အဖွဲ့သည် ဂျမူးနှင့် ကက်ရှ်မီးယားအငြင်းပွားမှုနှင့်ပတ်သက်၍ ကုလသမဂ္ဂ လုံခြုံရေးကောင်စီ၏ ကြာရှည်စွာရှိနေသော ဆုံးဖြတ်ချက်များကို တစ်ဖန်ပြန်လည် ထောက်ပြခဲ့ပြီး ယင်းအငြင်းပွားမှုကို ဒေသတွင်းငြိမ်းချမ်းရေးနှင့် တည်ငြိမ်ရေးကို ခြိမ်းခြောက်နေသည့် အဓိကပြဿနာအဖြစ် ဖော်ပြခဲ့ပါသည်။“ဂျမူးနှင့် ကက်ရှ်မီးယား ပြဿနာသည် တောင်အာရှ ငြိမ်းချမ်းရေးအတွက် အခြေခံကျသော အဟန့်အတားဖြစ်နေဆဲဖြစ်ပါသည်။ ဂျမူးနှင့် ကက်ရှ်မီးယား ပြည်သူများသည် ၎င်းတို့၏မိမိကိုယ်ကိုဆုံးဖြတ်ပိုင်ခွင့်ကို ငြင်းပယ်ခံနေရဆဲဖြစ်သည်” ဟု ကြေညာချက်တွင် ဖော်ပြထားပါသည်။ ပူးတွဲကြေညာချက်တွင် စိန်ခေါ်မှုများကို ရင်ဆိုင်ရာတွင် ပါကစ္စတန်၏ သည်းခံဆက်ဆံမှုနှင့် ငြိမ်းချမ်းစွာပဋိပက္ခဖြေရှင်းရေးအတွက် ကတိကဝတ်ကို ချီးကျူးဂုဏ်ပြုခဲ့ပါသည်။ “OIC သည် ပါကစ္စတန်၏ ရင့်ကျက်သော ချဉ်းကပ်မှုနှင့် ထိပ်တိုက်တွေ့ဆုံလိုခြင်းမရှိ ဟူသော ၎င်း၏ တစ်သမတ်တည်းသော သတင်းစကားကို အသိအမှတ်ပြုပြီး ချီးကျူးထိုက်သည်ဟု သတ်မှတ်ပါသည်” ဟု အဖွဲ့က ပြောကြားခဲ့ပါသည်။OIC သည် အပြည်ပြည်ဆိုင်ရာအသိုင်းအဝိုင်း၊ အထူးသဖြင့် ကုလသမဂ္ဂ လုံခြုံရေးကောင်စီနှင့် ဩဇာကြီးမားသောနိုင်ငံများသည် အခြေအနေကို လျှော့ချရန်အတွက် ချက်ချင်းနှင့် ယုံကြည်စိတ်ချရသော အစီအမံများ ချမှတ်ရန်အတွက် တိုက်တွန်းခဲ့ပါသည်။ ပါကစ္စတန်နှင့်အိန္ဒိယအကြား ဆက်လက်၍ ဆက်ဆံရေး ယိုယွင်းလာမှုကို တားဆီးရန်နှင့် သဘောထားညှိနှိုင်းမှုကို မြှင့်တင်ရန်အတွက် သံတမန်နည်းလမ်းဖြင့် အားထုတ်မှုပြုရန် ပြောကြားခဲ့ပါသည်။ကိုးကား - samaa
Mon, 5-မေလ-2025
ရန်ကုန်-မော်လမြိုင်ကားလမ်းပေါ်ရှိ မိုးကောင်းတံတား ဒုတိယကြိမ်မိုင်းခွဲခံရပြန်
ရန်ကုန်-မော်လမြိုင်ကားလမ်းပေါ်ရှိ မိုးကောင်းတံတား ဒုတိယအကြိမ်မိုင်းခွဲခံရပြန်
မွန်ပြည်နယ်၊ သထုံမြို့နယ်၊ မော်လမြိုင် – သထုံ – ရန်ကုန် ပြည်ထောင်စုကားလမ်းမပေါ်ရှိ မိုးကောင်းတံတားသည် ယမန်နေ့ (မေသုံးရက်) ညက မိုင်းခွဲခံရပြန်သည်။လက်ရှိတွင် တံတားမှာ ပြိုကျပျက်စီးသွားပြီး အိမ်စီးကားများအနေဖြင့် ရွာလမ်းထဲမှ ဖြတ်၍ရသော်လည်း ကုန်ကားကြီးများအနေဖြင့် ရှေ့ဆက်၍မရဘဲ လမ်းပေါ်တွင် ပိတ်မိနေကြခြင်းဖြစ်ကြောင်း သိရသည်။မိုးကောင်းတံတားသည် မော်လမြိုင် – သထုံ – ရန်ကုန် လမ်းမကြီးပေါ်တွင် တည်ရှိပြီး ယခု မိုင်းခွဲခံရမှုမှာ ဒုတိယအကြိမ် မိုင်းခွဲမှုဖြစ်ပြီး ၂၀၂၄ ခုနှစ် ဖေဖော်ဝါရီလ ၂၈ ရက်နေ့တွင်လည်း မိုင်းခွဲခံရ၍ မိုးကောင်းတံတား ပျက်စီးခဲ့ကြောင်း သိရသည်။Source: Popular Myanmar
Mon, 5-မေလ-2025
ရုရှားက ပင်လယ်နက်၌ အနောက်အုပ်စု၏ဒုံးကျည်များကိုပစ်ချနိုင်
ရုရှားက ပင်လယ်နက်၌ အနောက်အုပ်စု၏ဒုံးကျည်များကိုပစ်ချနိုင်
မော်စကို၊ စစ်ရေးရုရှားနိုင်ငံ၏ လေကြောင်းရန်ကာကွယ်ရေးတပ်ဖွဲ့က ပင်လယ်နက်ဒေသအတွင်း အနောက်အုပ်စုက ယူကရိန်းသို့ထောက်ပံ့ပေးထားသော ဒုံးကျည်ရှစ်စင်းကိုပစ်ချလိုက်နိုင်ကြောင်း၊ အလားတူ ဒေသအများအပြား၌ ဒရုန်းအစင်းရေ ၁၇၀ ကိုလည်း ပစ်ချလိုက်နိုင်ကြောင်း ရုရှားကာကွယ်ရေးဝန်ကြီးဌာနက မေလ ၃ ရက်တွင်ထုတ်ပြန် ထားသည်။ရုရှား၏လေကြောင်းရန်ကာကွယ်ရေးတပ်ဖွဲ့က ဗြိတိန်နိုင်ငံကထုတ်လုပ်သည့် Storm Shadow ဒုံးကျည်ရှစ်စင်း၊ ယူကရိန်း ၏ Neptune-MD ပဲ့ထိန်းဒုံးကျည်သုံးစင်း၊ ပင်လယ်နက်ရေယာဉ်စုက မောင်းသူမဲ့ရေယာဉ် ၁၄ စင်းတို့ကိုပစ်ချဖျက်ဆီးလိုက်နိုင်ကြောင်း ရုရှားကာကွယ်ရေးဝန်ကြီး ဌာန၏လူမှုကွန်ရက်စာမျက်နှာတွင်ဖော်ပြထားသည်။ဒရုန်းဖြင့်တိုက်ခိုက်မှုအများအပြားကို ခရိုင်းမီးယားဒေသ၌လုပ်ဆောင်ခြင်းဖြစ်ပြီး ထိုသို့တိုက်ခိုက်မှုဖြစ်ပွားစဉ်အတွင်း ခရိုင်းမီးယားတံတားကို လေးနာရီကြာ ပိတ်ထားရကြောင်း၊ ယူကရိန်းတပ်ဖွဲ့များ က ရုရှားနယ်မြေအတွင်းသို့အသေခံဒရုန်းများဖြင့်တိုက်ခိုက်မှုများလုပ်ဆောင်လေ့ရှိကြောင်းသိရသည်။                  Ref: RTSource: https://myawady.net.mm/ 
Sun, 4-မေလ-2025
ပါကစ္စတန်က အပစ်အခတ်ရပ်စဲရေးသဘောတူညီချက်ကို ထပ်မံချိုးဖောက်ဟု အိန္ဒိယပြော
ပါကစ္စတန်က အပစ်အခတ်ရပ်စဲရေးသဘောတူညီချက်ကို ထပ်မံချိုးဖောက်ဟု အိန္ဒိယပြော
နယူးဒေလီ၊ စစ်ရေးပါကစ္စတန်နိုင်ငံက နှစ်နိုင်ငံကြားရှိ နယ်စပ်ထိန်းချုပ်မျဉ်းတစ်လျှောက်တွင် အပစ်အခတ်ရပ်စဲရေးသဘောတူညီချက်ကို ထပ်မံချိုးဖောက်ကြောင်း    အိန္ဒိယကြည်းတပ်အရာရှိများက မေလ ၃ ရက်တွင် ပြောသည်။အိန္ဒိယကထိန်းချုပ်ထားသော ကက်ရှ်မီးယားဒေသရှိ ပါဟယ်ဂမ်မြို့၌ အကြမ်းဖက်သမားများ၏တိုက်ခိုက်မှုများကြောင့် ခရီးသွားပြည်သူ ၂၆ ဦးသေဆုံးပြီးနောက် အိန္ဒိယနိုင်ငံနှင့်ပါကစ္စတန်နိုင်ငံတို့ကြား တင်းမာမှုများမြင့်တက်လာစဉ် နယ်စပ် ဒေသ၌ တစ်ဖက်နှင့်တစ်ဖက်အပြန်အလှန် ပစ်ခတ်မှုဖြစ်ပွားသည်မှာ ကိုးညတိုင်တိုင် ရှိလာပြီဖြစ်သည်။မေလ ၂ ရက်ညနှင့် ၃ ရက်အစောပိုင်းတို့တွင် ပါကစ္စတန်စစ်ဘက်က ကူဝါရာ၊ ယူရီနှင့် အက်ခနောအပိုင်းတို့တွင် လက်နက်ငယ်များဖြင့်ပစ်ခတ်လာခြင်းဖြစ်သောကြောင့်  အိန္ဒိယစစ်ဘက်ကလည်း သင့်လျော်သလိုလျင်မြန်စွာတုံ့ပြန်ပစ်ခတ်မှုများ  လုပ်ဆောင်ခဲ့ရခြင်းဖြစ်ကြောင်းတာဝန်ရှိသူများ၏ပြောဆိုချက်ကိုကိုးကား၍ ANI သတင်းဌာနကဖော်ပြထားသည်။ဧပြီလ ၂၂ ရက်တွင်  ဖြစ်ပွားခဲ့သည့် အကြမ်းဖက်တိုက်ခိုက်မှုကို လုပ်ဆောင်သူများသည် ပါကစ္စတန်နိုင်ငံ၌အခြေစိုက်နေသည့် အကြမ်းဖက်အဖွဲ့တစ်ဖွဲ့နှင့်ဆက်စပ်နေသောကြောင့် ယင်းအကြမ်းဖက်တိုက်ခိုက်မှုတွင် ပါကစ္စတန်နိုင်ငံက ပါဝင်ပတ်သက်နေကြောင်း အိန္ဒိယအစိုးရကအခိုင်အမာပြောထားသည်။ သို့သော် အိန္ဒိယ၏ ပြောဆိုချက်များကို  ပါကစ္စတန်ဘက်က ငြင်းဆိုထားကြောင်းသိရသည်။Ref: RTSource: https://myawady.net.mm/
Sun, 4-မေလ-2025
အမေရိကန်အတွက် ခြိမ်းခြောက်မှုဖြစ်လာစေမယ့် မိုင် ၆၀၀၀ သွားဒုံးကျည်ပါ ရေငုပ်သင်္ဘော
အမေရိကန်အတွက် ခြိမ်းခြောက်မှုဖြစ်လာစေမယ့် မိုင် ၆၀၀၀ သွားဒုံးကျည်ပါ ရေငုပ်သင်္ဘော
တရုတ်နိုင်ငံရဲ့ မဟာဗျူဟာမြောက် နျူကလီးယားလက်နက်များအနက်တစ်ခုရဲ့အသေးစိတ်အကြောင်းအရာများကို ပထမဆုံးအနေနဲ့ ထုတ်ပြန်လာပါတယ်။ အဲဒီနျူကလီးယားလက်နက်ကတော့ Type 094 နျူကလီးယားစွမ်းအင်သုံး အမြင့်ပျံ ဒုံးကျည်တင် ရေငုပ်သင်္ဘောအကြောင်းပဲ ဖြစ်ပါတယ်။ လက်ရှိတရုတ်နိုင်ငံက ဒီလို ရေငုပ်သင်္ဘောအစင်းရေခြောက်စင်းကို ရေတပ်မှာအသုံးပြုနေပါတယ်။ Type 096 ဆိုတဲ့ မျိုးဆက်သစ်ရေငုပ်သင်္ဘောကိုလည်း တည်ဆောက်နေပါတယ်။ဒီရေငုပ်သင်္ဘောက နျူကလီးယားစွမ်းအင်သုံး ရေငုပ်သင်္ဘောတွေဖြစ်တဲ့အတွက် ပြင်ပအောက်ဆီဂျင်ကိုမှီခိုမှုမရှိဘဲ ပင်လယ် ရေနက်ပိုင်းထဲမှာ လပေါင်းများစွာကြာ နေနိုင်ပါတယ်။ သူ့မှာ JL-2 လို့ခေါ်တဲ့ အမြင့်ပျံဒုံးကျည် ၁၂ စင်းပါဝင်ပါတယ်။ အားလုံးက  နျူကလီးယားထိပ်ဖူးတပ်ဒုံးကျည်တွေချည်းပါပဲ။ သူ့ရဲ့ရောက်ရှိနိုင်မှု အကွာအဝေးက မိုင်ပေါင်း ၄၃၅၀ ပါ။ ဒီ ပမာဏက အမေရိကန်ပြည်မကြီးကိုပင် တိုက်ခိုက်နိုင်ပါတယ်။အခုလက်ရှိအသုံးပြုနေတဲ့ နျူကလီး ယားစွမ်းအင်သုံးရေငုပ်သင်္ဘောတွေထဲမှာType 094A ဆိုတဲ့ရေငုပ်သင်္ဘောလည်း အပါအဝင်ဖြစ်ပါတယ်။ သူ့မှာတော့ JL-3 ဆိုတဲ့ အဆင့်မြင့်ဒုံးကျည်ကိုတင်ဆောင် ထားတာပါ။ အဲဒီဒုံးကျည်က မိုင်ပေါင်း ၆၀၀၀ အထိရောက်နိုင်ပါတယ်။ ဒါကြောင့် ဒီရေငုပ်သင်္ဘောတွေဟာ အမေရိကန်အတွက်တော့ အန္တရာယ်များတဲ့စစ်လက်နက်ပစ္စည်းတွေဖြစ်ပါတယ်။Ref: IEK.HSource: https://myawady.net.mm/ 
Sun, 4-မေလ-2025
ရန်သူ့တင့်များကို ထိရောက်စွာဟန့်တားမယ့် လေပေါ်ကွဲမိုင်းအသစ်များ
ရန်သူ့တင့်များကို ထိရောက်စွာဟန့်တားမယ့် လေပေါ်ကွဲမိုင်းအသစ်များ
Textron System Corporation က အမေရိကန်ကြည်းတပ်အတွက် XM204 ဆိုတဲ့ လေပေါ်ကွဲမိုင်းအသစ်များကိုထုတ်လုပ်ပေးလိုက်ပါပြီ။ မကြာသေးမီက အဲဒီမိုင်းတွေကို လက်တွေ့စမ်းသပ်မှုအောင်မြင်စွာလုပ်ဆောင်ပြီး‌နောက် အခုလိုမျိုး ထုတ်လုပ်ခွင့်ရရှိလာတာဖြစ်ပါတယ်။XM204 ဆိုတဲ့မိုင်းမျိုးက အဓိကအားဖြင့် တင့်ဖျက်မိုင်း သဘောမျိုးအသုံးဝင်မယ့်မိုင်းဖြစ်ပါတယ်။ တင့်ဖျက်မိုင်းဖြစ်ပေမယ့် မြေထဲမှာမြှုပ်ထားခြင်းအားဖြင့် တင့်များရဲ့ချိန်းကြိုးကိုပျက်စီးစေမယ့် မိုင်းမျိုးမဟုတ်ပါဘူး။ တင့်ရဲ့အရေးပါတဲ့  ဆုံလည်လိုနေရာမျိုးကိုတိကျမှုရှိစွာထိမှန်စေမယ့်မိုင်းမျိုးဖြစ်ပါတယ်။ဒါ့အပြင်သူ့ရဲ့ထူးခြားချက်နောက်တစ်ခုက  XM204 ဟာ ပစ်မှတ်တွေကိုဖျက်ဆီးရုံသာမက ရန်သူရဲ့လှုပ်ရှားမှုကိုပါ ထိန်းချုပ်နိုင်စွမ်းရှိစေမယ့် မိုင်းအမျိုးအစားတစ်မျိုးဖြစ်ပါတယ်။ အထူးသဖြင့် ရန်သူတွေအနေနဲ့ လမ်းကြောင်းပေါ်ကနေဖြတ်သန်းမလာအောင်၊ တောင်တန်းတွေကနေပတ်ပြီးမသွားအောင်၊ ပြောရမယ်ဆိုရင် သတ်ကွင်းထဲကနေသာသွားရအောင် စွမ်းဆောင်ပေးနိုင်မယ့် လက်နက်တစ်မျိုးဖြစ်တာကြောင့် တိုက်ပွဲအလှည့်အပြောင်းဖြစ်စေမှာဖြစ်ပါတယ်။Ref: IE K.HSource: https://myawady.net.mm/ 
Sun, 4-မေလ-2025
© Copyright 2024 SAC All Rights Reserved.