အိန္ဒိယ၏ Sindoor စစ်ဆင်ရေး ၂၅ မိနစ်အတွင်း အကြမ်းဖက် ၇၀ ကျော် ကို သုတ်သင်

saceditor

News Image

  • အိန္ဒိယ၏ Sindoor စစ်ဆင်ရေး ၂၅ မိနစ်အတွင်း အကြမ်းဖက် ၇၀ ကျော် ကို သုတ်သင်

မေလ ၇ ရက်တွင် အိန္ဒိယစစ်တပ်က Operation Sindoor လုပ်ငန်းစဉ်၏ ၂၅ မိနစ်တာ ကာလအတွင်း ပစ်မှတ်ကိုးခုကို ဒုံးကျည် ၂၄ စင်းဖြင့် တိုက်ခိုက်ခဲ့ပြီး အကြမ်းဖက်သမား ၇၀ ကျော်ကို သုတ်သင်နိုင်ခဲ့ကြောင်း အိန္ဒိယ အခြေစိုက် NDTV ရုပ်မြင်သံကြားလိုင်းက ကြေညာလိုက်ပါသည်။

ရုပ်သံလိုင်း၏ဖော်ပြချက်အရ အိန္ဒိယ၏တိုက်ခိုက်မှုကြောင့် အကြမ်းဖက်သမား ၇၀ ကျော်သေဆုံးခဲ့ပြီး ၆၀ ကျော်ဒဏ်ရာရရှိခဲ့သည်။ ထိုတိုက်ခိုက်မှုကို မြေပြင်အခြေစိုက်နှင့် လေကြောင်းပစ်ဒုံးကျည်များဖြင့် ဆင်နွှဲခဲ့ခြင်း ဖြစ်ပါသည်။

“စောင့်ကြည့်ဒရုန်းများမှ တစ်ချိန်လုံးစောင့်ကြည့်မှုဖြင့် ပစ်မှတ်များ ဖျက်ဆီးခံရခြင်းကို အတည်ပြုနိုင်ခဲ့ပြီး အရပ်သား အသေအပျောက် အနည်းဆုံးဖြစ်စေခဲ့သည်” ဟု အစိုးရအရင်းအမြစ်များကို ကိုးကား၍ ရုပ်သံလိုင်းက ဖော်ပြထားပါသည်။

မေလ ၇ ရက် ဒေသစံတော်ချိန် မွန်းလွဲ ၁:၀၅ အချိန်မှ ၁:၃၀ အချိန်အထိ ၂၅ မိနစ်ကြာမြင့်ခဲ့သော တိုက်ခိုက်မှုကို အိန္ဒိယတပ်မတော်ကြီး၏ ကြည်း၊ ရေ၊ လေ တပ်ဖွဲ့များက ပူးပေါင်းဆောင်ရွက်ခဲ့ကြောင်း ရုပ်သံလိုင်းက သတင်းကြေညာထားပါသည်။

ကိုးကား- TASS

Photo: Elite News World

ဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃

MM-News-Category
လုံခြုံရေးကဏ္ဍသတင်းများ
လုံခြုံရေး-နိုင်ငံတကာသတင်း

ဆက်စပ်သတင်းများ

ဘူးသီးတောင်မြို့နယ်၊ အတွင်းငှက်သေကျေးရွာအုပ်စု ထန်းရှောက်ခံကျေးရွာမှ ဒေသခံဘင်္ဂါလီရွာသား ၆၀၀ ကျော်ကို AA အကြမ်းဖက်သောင်းကျန်းသူများက လူမျိုးတုံးသတ်ဖြတ်ခဲ့မှုနှင့် ပတ်သက်၍ အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြောကြားချက်
ဘူးသီးတောင်မြို့နယ်၊ အတွင်းငှက်သေကျေးရွာအုပ်စု ထန်းရှောက်ခံကျေးရွာမှ ဒေသခံဘင်္ဂါလီရွာသား ၆၀၀ ကျော်ကို AA အကြမ်းဖက်သောင်းကျန်းသူများက လူမျိုးတုံးသတ်ဖြတ်ခဲ့မှုနှင့် ပတ်သက်၍ အမျိုးသားကာကွယ်ရေးနှင့်လုံခြုံရေးကောင်စီ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်း၏ ပြောကြားချက်
ဒီနေ့မှာတော့ နိုင်ငံခြားမီဒီယာများအပါအဝင် မီဒီယာတွေမေးမြန်းနေတဲ့ ဘူးသီးတောင်မြို့နယ်၊ အတွင်းငှက်သေကျေးရွာအုပ်စု ထန်းရှောက်ခံကျေးရွာမှာ ဒေသခံဘင်္ဂါလီရွာသား ၆၀၀ ကျော်ကို AA အကြမ်းဖက်သောင်းကျန်းသူတွေက လူမျိုးတုံးသတ်ဖြတ်ခဲ့မှုဖြစ်စဉ်နဲ့ပတ်သက်ပြီး ပြောကြားသွားမှာ ဖြစ်ပါတယ်။ ထန်းရှောက်ခံရွာဆိုတာ မေယုမြစ်ရဲ့ အရှေ့ဘက်ခြမ်းဘူးသီးတောင် - ရသေ့တောင် ကားလမ်းဘေးမှာရှိတဲ့ ဘင်္ဂါလီကျေးရွာဖြစ်ပြီး ဒေသအခေါ် ဟိုယာဆီးရီးလို့လည်း ခေါ်ကြပါတယ်။AA အကြမ်းဖက်သောင်းကျန်းသူတွေဟာ ၂၀၂၃ ခုနှစ် နိုဝင်ဘာလ ၁၃ ရက်နေ့ကစပြီး ရခိုင်ပြည်နယ်အတွင်းမှာရှိတဲ့ လုံခြုံရေးစခန်းများနဲ့ မြို့/ရွာများကို စတင်တိုက်ခိုက်ခဲ့တာဖြစ်ပါတယ်။ ရခိုင်ပြည်နယ်မြောက်ပိုင်းက မြို့ရွာတွေမှာ တိုက်ပွဲတွေဖော်ဆောင်လာတဲ့အတွက် ဒေသတည်ငြိမ်အေးချမ်းမှုကိုလိုလားတဲ့ ဒေသခံတွေဟာ AA အကြမ်းဖက်သောင်းကျန်းသူတွေကို အလိုမရှိကြောင်း ငြိမ်းချမ်းစွာဆန္ဒပြဖော်ထုတ်မှုတွေ ဆောင်ရွက်ခဲ့ကြပါတယ်။ ၂၀၂၄ ခုနှစ် မတ်လ ၁၉ ရက်နေ့ ညနေ ၃ နာရီမှာ ဘူးသီးတောင်မြို့ ရပ်ကွက်ကျေးရွာတွေမှာရှိတဲ့ ဒေသတည်ငြိမ်အေးချမ်းရေးကို လိုလားတဲ့ ဘင်္ဂါလီလူမျိုး အင်အား ၂၀၀၀ ကျော်၊ ၂၀၂၄ ခုနှစ် မတ်လ ၂၁ ရက်နေ့မှာ စစ်တွေမြို့၊ အောင်မင်္ဂလာရပ်ကွက်၊ ကသဲရပ်ကွက်၊ သန်တော်နီရပ်ကွက်များက ဒေသတည်ငြိမ်အေးချမ်းရေးကို လိုလားတဲ့ ဘင်္ဂါလီများ၊ ၂၀၂၄ ခုနှစ် မတ်လ ၂၃ ရက်နေ့မှာ စစ်တွေမြို့နယ်၊ ဘုမေကျေးရွာနဲ့ ဘာဆာရာ ကျေးရွာတို့က ဘင်္ဂါလီလူမျိုးများ၊ ၂၀၂၄ ခုနှစ် ဧပြီလ ၂၀ ရက်နေ့မှာ စစ်တွေမြို့နယ်၊ ဘုမေကျေးရွာနှင့် ပတ်ဝန်းကျင်ကျေးရွာများမှ ဘင်္ဂါလီလူမျိုးများဟာ ရခိုင်ပြည်နယ်က မြို့ရွာများမှာ တိုက်ပွဲဖော်ဆောင်နေတဲ့ AA သောင်းကျန်းသူ အလိုမရှိကြောင်း ဆန္ဒဖော်ထုတ်မှုတွေ ဆောင်ရွက်ခဲ့ကြတာကို တွေ့ရှိ ရပါတယ်။AA အကြမ်းဖက်သောင်းကျန်းသူတွေဟာ ၂၀၂၄ ခုနှစ် မတ်လ ၂၂ ရက်နေ့မှာ ဘူးသီးတောင်မြို့နယ်က ဒေသခံလုံခြုံရေးတပ်စခန်းတစ်ခုကို စတင်တိုက်ခိုက်ခဲ့ပြီး ကျန်တဲ့လုံခြုံရေးတပ်စခန်းတွေကိုလည်း ဝိုင်းပတ်ပိတ်ဆို့တိုက်ခိုက်ခဲ့ပါတယ်။ အဲဒီအချိန်ကစပြီး မေယုမြစ်ရဲ့ အရှေ့ဘက်ခြမ်းမှာရှိတဲ့ လုံခြုံရေးတပ်စခန်းတွေက တပ်ဖွဲ့ဝင်တွေအနေနဲ့ တပ်အပြင်ကို မထွက်နိုင်တော့ပါဘူး။ ဒီဖြစ်စဉ်ဖြစ်ပွားတဲ့ ၂၀၂၄ ခုနှစ် မေလ ၂ ရက်နေ့ဟာ နယ်မြေခံစစ်ဆင်ရေးကွပ်ကဲမှုဌာနချုပ်ကို AA အကြမ်းဖက်သောင်းကျန်းသူတွေက သိမ်းပိုက်ခဲ့တဲ့ အချိန်ဖြစ်ပါတယ်။ ဒါကြောင့် ထန်းရှောက်ခံရွာဖြစ်စဉ်ဖြစ်ပွားတဲ့အချိန်မှာ မေယုမြစ်ရဲ့ အရှေ့ဘက်ခြမ်းမှာ မြန်မာ့တပ်မတော်နဲ့ မြန်မာနိုင်ငံရဲတပ်ဖွဲ့က လုံခြုံရေးအဖွဲ့ဝင်တွေမရှိတော့ပါဘူး။ AA အကြမ်းဖက်သောင်းကျန်းသူတွေအနေနဲ့ ဒီဖြစ်စဉ်နဲ့ပတ်သက်ပြီး ဖြေရှင်းရာမှာ ပထမပိုင်းက တပ်မတော်ကလုပ်ကြောင်း လွှဲချခဲ့ပါတယ်။ နောက်ပိုင်းပြောတဲ့ အချိန်ကျတော့ ဒီအလောင်းတွေဟာ တပ်မတော်က အလောင်းတွေဖြစ်တယ်လို့ ပြောပြန်ပါတယ်။ သူတို့ဘက်က ပြောဆိုမှုတွေဟာ ရှေ့နောက်မညီမှုကိုကြည့်ရင် ဒီဖြစ်စဉ်ကို AA အကြမ်းဖက်သောင်းကျန်းသူတွေက ဒေသခံဘင်္ဂါလီတွေအပေါ် လူမျိုးတုံးသတ်ဖြတ်မှုကို ကျူးလွန်ခဲ့တယ်ဆိုတာ ပိုပြီးသိသာထင်ရှားစေပါတယ်။ ပိုပြီးသိသာစေတဲ့အထောက်အထားများကတော့ အစုလိုက်အပြုံလိုက် သေဆုံးသူတွေထဲမှာ အမျိုးသမီးနဲ့ ကလေးငယ်အများအပြား ပါဝင်နေတာကိုလည်း တွေ့ရမှာဖြစ်ပါတယ်။၂၀၂၄ ခုနှစ် မေလ ၄ ရက်နေ့ ညနေပိုင်းမှာတော့ ဘူးသီးတောင်မြို့ရဲ့ မြို့ပေါ်ရပ်ကွက်များက ဒေသတည်ငြိမ်အေးချမ်းရေးနဲ့ ငြိမ်းချမ်းရေးကိုလိုလားတဲ့ ဘင်္ဂါလီလူမျိုးတွေဟာ AA အကြမ်းဖက်သောင်းကျန်းသူအဖွဲ့ရဲ့ အကြမ်းဖက်လုပ်ရပ်တွေကို လုံးဝလက်မခံဘဲ ဆန့်ကျင်ကန့်ကွက်ကြောင်း ဆန္ဒဖော်ထုတ်ခဲ့ကြတာကိုလည်း တွေ့ရှိရပါတယ်။မြန်မာ့တပ်မတော်ရဲ့ နောက်ဆုံးကျန်ခဲ့တဲ့ လုံခြုံရေးအဖွဲ့ဟာ ၂၀၂၄ ခုနှစ် မေလ ၁၄ ရက်နေ့ မနက်အစောပိုင်းမှာ ဘူးသီးတောင်မြို့ကနေ ဆုတ်ခွာခဲ့ပါတယ်။ ဒီလိုဆုတ်ခွာသွားပြီးနောက်ပိုင်း မေလ ၁၆ ရက်နေ့ ည ၉ နာရီ အချိန်လောက်မှာ AA အကြမ်းဖက်သောင်းကျန်းသူအဖွဲ့တွေ ဘူးသီးတောင်မြို့ထဲ ဝင်ရောက်လာပြီး ဘင်္ဂါလီတွေကို “အိမ်တွေကနေမထွက်ရင် မီးထဲသေမယ်” ဆိုပြီး ခြိမ်းခြောက်ပြောဆိုခဲ့မှုများရှိသလို ဘူးသီးတောင်မြို့က ရပ်ကွက် ၇ ခုနဲ့ ကျင်လတ်ကျေးရွာတို့က နေအိမ်တွေကို မီးစတင်ရှို့ခဲ့ကြောင်း ဒေသခံဘင်္ဂါလီများအပါအဝင် ဒေသခံတိုင်းရင်းသားလူမျိုးများရဲ့ ပြောကြားချက်များအရ သိရှိရပါတယ်။၂၀၂၄ ခုနှစ် မေလ ၁၇ ရက်နေ့မှာတော့ AA အကြမ်းဖက်သောင်းကျန်းသူတွေဟာ ဒရုန်းတွေသုံးပြီး ဘူးသီးတောင်မြို့ပေါ်က ဘင်္ဂါလီဒုက္ခသည်များရှိနေတဲ့ စာသင်ကျောင်းကို ဗုံးချတိုက်ခိုက်ခဲ့တဲ့အတွက်ကြောင့် ကံပြင်၊ ဇော်ဘော်၊ ကကျက်ဘက်၊ မြောင်းနား၊ အလယ်ချောင်း၊ ကွန်တိုင်ဘကုံးနား၊ ဘကုံးနားတောင်ရွာ၊ လက်ဝဲဒက်နဲ့ ရွက်ညိုတောင်ရွာတွေကနေ လာရောက်ခိုလှုံနေကြတဲ့ ဒေသခံဘင်္ဂါလီ၂၀၀ နီးပါး ထိခိုက်ဒဏ်ရာတွေရရှိခဲ့ကြောင်းလည်း သိရှိရပါတယ်။ ကျွန်တော်တို့အနေနဲ့လည်း သူတို့ကို ဘူးသီးတောင်မြို့မှာရှိတဲ့ တပ်မတော်ဆေးရုံတွေမှာ ဆေးရုံတက်ရောက်ကုသလျက်ရှိကြောင်း သတင်းထုတ်ပြန်ခဲ့တာတွေ ရှိပါတယ်။ မေလ ၁၈ ရက်နေ့မှာတော့ ဘူးသီးတောင်မြို့ကို သိမ်းပိုက်နိုင်ခဲ့ကြောင်း AA အကြမ်းဖက်သောင်းကျန်းသူတွေက ထုတ်ပြန်ခဲ့တာကို တွေ့ရှိရပါတယ်။ရခိုင်ပြည်နယ်မြောက်ပိုင်းက မြို့ရွာတွေမှာနေထိုင်တဲ့ ဘင်္ဂါလီတွေဟာ ဒေသတည်ငြိမ်အေးချမ်းမှုကိုလိုလားတဲ့အတွက် AA အကြမ်းဖက် သောင်းကျန်းသူတွေရဲ့ လုပ်ရပ်တွေကို လုံးဝလက်မခံကြောင်း ကန့်ကွက်ဆန္ဒပြခဲ့ကြတာဖြစ်လို့ ဘင်္ဂါလီတွေအပေါ် AA အကြမ်းဖက်သောင်းကျန်းသူတွေက အငြိုးအတေးထားပြီး လူမျိုးရေးမုန်းတီးမှုကို ရှေ့တန်းတင်ကာ ထန်းရှောက်ခံရွာက အပြစ်မဲ့ဒေသခံတွေကို ဥပဒေမဲ့ အစုလိုက် အပြုံလိုက် သတ်ဖြတ်မီးရှို့မှုကို လုပ်ဆောင်ခဲ့ကြောင်း တွေ့ရှိရပါတယ်။AA အကြမ်းဖက်သောင်းကျန်းသူတွေဟာ ရခိုင်ပြည်နယ်က တိုက်ပွဲတွေထဲမှာ ဘင်္ဂါလီတွေ အပေါ်အငြိုးထားပြီး အကြောင်းမဲ့သတ်ဖြတ်မှုတွေကို ဆက်တိုက်လုပ်ဆောင်ခဲ့တာကို တွေ့ရှိနိုင်ပါတယ်။ ဒီလိုလုပ်ဆောင်ခဲ့မှုတွေထဲက ဘင်္ဂါလီရာနှင့်ချီ သေဆုံးအောင်တိုက်ခိုက်မှု နောက်တစ်ခုအနေနဲ့ ၂၀၂၄ ခုနှစ် ဩဂုတ်လ ၅ ရက်နေ့မှာ မောင်တောမြို့အနောက်ဘက် နတ်မြစ်ကမ်းမှာ စစ်ဘေးရှောင်ဖို့ လှေစောင့်နေတဲ့ ဘင်္ဂါလီတွေကို AA အကြမ်းဖက်သောင်းကျန်းသူ ထိန်းချုပ်ထားတဲ့ ရွှေဇားကျေးရွာဘက်ကနေဒရုန်းနဲ့ Drop Bomb တွေ အဆက်မပြတ်ချပြီး တိုက်ခိုက်ခဲ့တဲ့အတွက် ဘင်္ဂါလီ၂၀၀ ကျော်သေဆုံးခဲ့ကြောင်းလည်း တွေ့ရှိရပါတယ်။နိုင်ငံတော်အစိုးရနဲ့ တပ်မတော်အနေနဲ့ စစ်တွေနဲ့ ရန်ကုန်တို့ကို စစ်ဘေးတိမ်းရှောင်လာတဲ့ ဘင်္ဂါလီတွေကို တတ်နိုင်သမျှ လူသားချင်းစာနာထောက်ထားမှုအကူအညီများ ပေးအပ်ဆောင်ရွက်ပေးလျက်ရှိပါတယ်။ ဘူးသီးတောင် မောင်တောအပါအဝင် ရခိုင်ပြည်နယ်မှာ ဖြစ်ပျက်ခဲ့တဲ့ AA ရဲ့ လူမဆန်မှုတွေနဲ့ ပတ်သက်ပြီး စစ်ဘေးရှောင်တွေမှာ မျက်မြင်ကိုယ်တွေ့ တွေ့ကြုံခဲ့ရတာလည်း အထောက်အထားတွေ အများကြီးရှိပါတယ်။ရခိုင်ပြည်နယ်မှာနေထိုင်ကြတဲ့ လူမျိုးစုတွေအကြားမှာ နဂိုကတည်းက လူမျိုးရေးပဋိပက္ခတွေ ဖြစ်ပေါ်လေ့ရှိတာတွေ့ရှိနိုင်ပါတယ်။ အထူးသဖြင့် ရခိုင်တိုင်းရင်းသားနဲ့ ဘင်္ဂါလီတွေကြားက ပဋိပက္ခဟာ ပိုပြီးကြီးမားတာကို တွေ့ရှိနိုင်ပါတယ်။ အခုလိုအခြေအနေမျိုးမှာ AA အကြမ်းဖက်သောင်းကျန်းသူတွေအနေနဲ့ ဘင်္ဂါလီတွေအပေါ်လူမျိုးရေးအရ အငြိုးထားပြီး အစုလိုက်အပြုံလိုက် သတ်ဖြတ်မှုတွေကို ရည်ရွယ်ချက်ရှိရှိနဲ့ ကျူးလွန်နေခြင်းဖြစ်ကြောင်း ပြောကြားလိုပါတယ်။ အားလုံးကို ကျေးဇူးတင်ပါတယ်။MOI
Sat, 16-Aug-2025
ရှမ်းပြည်နယ်၊ ကွန်ဟိန်းမြို့နယ်၌ လက်နက်ကိုင် အကြမ်းဖက်အဖွဲ့က သေနတ်ဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူနှစ်ဦးထိခိုက်ဒဏ်ရာရရှိမှု မှတ်တမ်းဓာတ်ပုံ။ , ရှမ်းပြည်နယ်၊ ကွန်ဟိန်းမြို့နယ်၌ လက်နက်ကိုင် အကြမ်းဖက်အဖွဲ့က သေနတ်ဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူနှစ်ဦးထိခိုက်ဒဏ်ရာရရှိမှု မှတ်တမ်းဓာတ်ပုံ။
ရှမ်းပြည်နယ်၊ ကွန်ဟိန်းမြို့နယ်၌ လက်နက်ကိုင် အကြမ်းဖက်အဖွဲ့က သေနတ်ဖြင့် ပစ်ခတ်ခဲ့မှုကြောင့် အပြစ်မဲ့ အရပ်သားပြည်သူနှစ်ဦး ထိခိုက်ဒဏ်ရာရရှိ
16 August 2025တိုင်းဒေသကြီးနှင့် ပြည်နယ်များရှိ မြို့နယ်အချို့တွင် အပြစ်မဲ့ အရပ်သားပြည်သူများအား ပြည်သူလူထုအတွင်း အကြောက်တရားလွှမ်းမိုးစေရန် လည်းကောင်း၊ ၎င်းတို့နှင့်အမြင် အယူအဆ မတူသူ အပြစ်မဲ့ အရပ်သားပြည်သူများအား “သူလျှို၊ သတင်းပေး၊ ဒလန်” ဟုစွပ်စွဲ၍ လည်းကောင်း၊ “ငါနှင့်မတူ၊ ငါ့ရန်သူ” ဟူသည့် တစ်ဖက်သတ်အစွန်းရောက် ဂိုဏ်းဂဏစွဲအပေါ် အခြေခံကာ လက်နက်ကိုင် အကြမ်းဖက်သမားများက ဓား၊ သေနတ်များအသုံးပြု၍ ရက်စက်စွာ လုပ်ကြံတိုက်ခိုက်၊ သတ်ဖြတ်ခြင်းများ ပြုလုပ်လျက်ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၁၅ ရက် မွန်းလွဲ ၃ နာရီ ၃၀ မိနစ်တွင် ရှမ်းပြည်နယ်၊ တောင်ကြီးမြို့ရှိ စဝ်စံထွန်းဆေးရုံကြီးသို့ ကျည်ထိမှန်ဒဏ်ရာဖြင့် အမျိုးသားတစ်ဦးနှင့် အမျိုးသမီးတစ်ဦးတို့ ရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ ဩဂုတ် ၁၄ ရက် ည ၇ နာရီတွင် ကွန်ဟိန်းမြို့နယ်၊ ကာလိမြို့၊ အမှတ်(၂)ရပ်ကွက်နေ ဦးစိုင်းဦး (၃၇)နှစ်နှင့် ၎င်း၏ ဇနီး ဒေါ်နန်းမြသူ(၃၅)နှစ်တို့သည် ၎င်းတို့၏နေအိမ်၌ ရှိနေစဉ် လက်နက်ကိုင် အကြမ်းဖက်အဖွဲ့ အင်အား(စိစစ်ဆဲ)ရောက်ရှိလာပြီး သေနတ်ဖြင့် ပစ်ခတ်ထွက်ပြေးသွားခဲ့သဖြင့် ဦးစိုင်းဦးနှင့် ဒေါ်နန်းမြသူတို့တွင် ကျည်ထိမှန် ဒဏ်ရာများရရှိခဲ့ခြင်းဖြစ်ကြောင်း သိရသည်။ထိုသို့ အပြစ်မဲ့ အရပ်သားပြည်သူများအား “ငါနှင့်မတူ၊ ငါ့ရန်သူ” ဟူသည့် တစ်ဖက်သတ် အစွန်းရောက်ဂိုဏ်းဂဏစွဲအပေါ် အခြေခံကာ သေနတ်ဖြင့် ပစ်ခတ်မှုကျူးလွန်ခဲ့သူများအား ဖော်ထုတ် ဖမ်းဆီး၍ ဥပဒေနှင့်အညီ အရေးယူနိုင်ရေး လုံခြုံရေးတပ်ဖွဲ့ဝင်များက ဆက်လက်ဆောင်ရွက်လျက်ရှိ ကြောင်း သတင်းရရှိသည်။MOHA
Sat, 16-Aug-2025
စစ်ကိုင်းတိုင်းဒေသကြီး၊ ခင်ဦးမြို့နယ်၌ PDF အမည်ခံ အကြမ်းဖက်အဖွဲ့ထောင်ထားသည့် မိုင်းတစ်လုံးပေါက်ကွဲမှုကြောင့် အပြစ်မဲ့ အရပ်သားပြည်သူတစ်ဦးထိခိုက်ဒဏ်ရာရရှိမှု မှတ်တမ်းဓာတ်ပုံ။
စစ်ကိုင်းတိုင်းဒေသကြီး၊ ခင်ဦးမြို့နယ်၌ PDF အမည်ခံ အကြမ်းဖက်အဖွဲ့ထောင်ထားသည့် မိုင်းတစ်လုံး ပေါက်ကွဲမှုကြောင့် အပြစ်မဲ့ အရပ်သားပြည်သူတစ်ဦး ထိခိုက်ဒဏ်ရာရရှိ
16 August 2025အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေး ထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေး ပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက် ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၁၅ ရက် နံနက် ၁၀ နာရီ ၅၀ မိနစ်တွင် စစ်ကိုင်းတိုင်းဒေသကြီး၊ ရွှေဘိုမြို့နယ်ပြည်သူ့ဆေးရုံသို့ မိုင်းပေါက်ကွဲစထိမှန်ဒဏ်ရာများဖြင့် အမျိုးသမီးတစ်ဦးရောက်ရှိနေကြောင်း သတင်းအရ လုံခြုံရေးတပ်ဖွဲ့ဝင်များက သွားရောက်စစ်ဆေးခဲ့ရာ နံနက် ၈ နာရီတွင် ခင်ဦးမြို့နယ်၊ မြနန္ဒာရပ်ကွက်နေ မနွေးသဇင်ထွန်း(ခ)နွေးနွေး (၂၄)နှစ်သည် ခင်ဦးမြို့မဈေးမှ ၎င်း၏နေအိမ်သို့ ပြန်လာစဉ် အောင်ချမ်းသာရပ်ကွက်ရှိ မြို့လယ်ဓမ္မာရုံရှေ့အရောက် လမ်းဘေးမှ PDF အမည်ခံ အကြမ်းဖက်အဖွဲ့ထောင်ထားသည့် မိုင်းတစ်လုံး ပေါက်ကွဲခဲ့မှုကြောင့် ၎င်းတွင် မိုင်းပေါက်ကွဲစထိမှန်ဒဏ်ရာများရရှိခဲ့ခြင်းဖြစ်ကြောင်း သိရသည်။အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိသည်။MOHA
Sat, 16-Aug-2025
ကယားပြည်နယ်၊ လွိုင်ကော်မြို့နယ်၌ PDF အမည်ခံ အကြမ်းဖက်အဖွဲ့ထောင်ထားသည့် မိုင်းတစ်လုံး ပေါက်ကွဲမှုကြောင့် အပြစ်မဲ့ အရပ်သားပြည်သူတစ်ဦး ထိခိုက်ဒဏ်ရာရရှိ
ကယားပြည်နယ်၊ လွိုင်ကော်မြို့နယ်၌ PDF အမည်ခံ အကြမ်းဖက်အဖွဲ့ထောင်ထားသည့် မိုင်းတစ်လုံး ပေါက်ကွဲမှုကြောင့် အပြစ်မဲ့ အရပ်သားပြည်သူတစ်ဦး ထိခိုက်ဒဏ်ရာရရှိ
16 August 2025အစွန်းရောက်အကြမ်းဖက်သမားများသည် အေးချမ်းစွာ နေထိုင်လျက်ရှိသော ပြည်သူများနှင့် တရားဥပဒေစိုးမိုးရေးအတွက် ဝိုင်းဝန်းဆောင်ရွက်နေသော အုပ်ချုပ်ရေးပိုင်းဆိုင်ရာ တာဝန်ရှိသူများအား ထိခိုက်ဒဏ်ရာရရှိစေရန် ရည်ရွယ်ချက်များဖြင့် အကြမ်းဖက်ဖောက်ခွဲရေးလုပ်ရပ်များအား ငွေကြေး ထောက်ပံ့ကာ နောက်ကွယ်မှ သွေးထိုးမြှောက်ပင့်လှုံ့ဆော်မှုများဖြင့် အများပြည်သူသွားလာအသုံးပြုသော လမ်းမကြီးများ၊ ရထားလမ်းများ၊ ဌာနဆိုင်ရာ ရုံးအဆောက်အအုံများနှင့် လူနေအိမ်များအား ဖောက်ခွဲရေး ပစ္စည်းကိရိယာများအသုံးပြု၍ မိုင်းထောင်ဖောက်ခွဲခြင်း၊ အဝေးမှ ပစ်ခတ်ဖောက်ခွဲခြင်းများ ပြုလုပ်လျက် ရှိပါသည်။ထိုသို့ လုပ်ဆောင်လျက်ရှိရာ ၂၀၂၅ ခုနှစ်၊ ဩဂုတ် ၁၅ ရက် နံနက် ၁၀ နာရီ ၄၀ မိနစ်တွင် ကယားပြည်နယ်၊ လွိုင်ကော်မြို့နယ်၊ နမ့်ဘော်ဝမ်(က)ရပ်ကွက်နေ ဦးမြင့်ဝေ(၃၂)နှစ်သည် ဒေါဥခူ ရပ်ကွက်ရှိ လူနေထိုင်ခြင်းမရှိသည့် နေအိမ်ခြံဝင်းအတွင်း သံတိုသံစအဟောင်းပစ္စည်းများ ဝင်ရောက် ကောက်ယူစဉ် PDF အမည်ခံ အကြမ်းဖက်အဖွဲ့ထောင်ထားသည့် မိုင်းတစ်လုံးအား နင်းမိပေါက်ကွဲ ခဲ့မှုကြောင့် ၎င်းတွင် မိုင်းပေါက်ကွဲစထိမှန်ဒဏ်ရာများရရှိခဲ့၍ ဆေးကုသနိုင်ရေး လွိုင်ကော်မြို့နယ် ပြည်သူ့ဆေးရုံသို့ ပို့ဆောင်ထားရှိကြောင်း သိရသည်။အထက်ပါဖြစ်စဉ်မှ အကြမ်းဖက်မှုကျူးလွန်ခဲ့သူများအား ဥပဒေနှင့်အညီ ထိရောက်စွာ အရေးယူနိုင်ရေး လုံခြုံရေးတပ်ဖွဲ့ဝင်များက စုံစမ်းဖော်ထုတ်လျက်ရှိကြောင်း သတင်းရရှိသည်။MOHA
Sat, 16-Aug-2025
တရားခံ တိုးတက်အောင်(ခ)မဲလုံး၊ အောင်ခန့်ဇော်(ခ)အောင်ကြီးနှင် ဝင်းကိုကို(ခ)အဲကို တို့အား ဖမ်းဆီးရမိသည့် မူးယစ်ဆေးဝါးများနှင့်အတူ တွေ့ရစဉ်။
စစ်ကိုင်းတိုင်းဒေသကြီး၊ ကလေးမြို့နယ်တွင် ငွေကျပ် ၂ ဒသမ ၇ ဘီလီယံကျော်တန်ဖိုးရှိ မူးယစ်ဆေးဝါးများ ဖမ်းဆီးရမိ
16 August 2025၂၀၂၅ ခုနှစ်၊ ဩဂုတ် ၆ ရက် မွန်းလွဲ ၃ နာရီတွင် လုံခြုံရေးတပ်ဖွဲ့ဝင်များပါဝင်သော ပူးပေါင်း အဖွဲ့သည် သတင်းအရ စစ်ကိုင်းတိုင်းဒေသကြီး၊ ကလေးမြို့နယ်၊ ကျောင်းတိုက်ကျေးရွာအုပ်စု၊ ဆည်ကြီးကျေးရွာအနီး၌ ကလေးမြို့မှ လက်ပံချောင်းကျေးရွာဘက်သို့ ဝင်းကိုကို(ခ)အဲကိုမှ ဆိုင်ကယ် ဆိုက်တွဲဖြင့် သယ်ဆောင်လာသည့် ဂျပ်ဖာများဖြင့်ထည့်လျက် ဘိန်းဖြူ ၁၅ ဒသမ ၀၇ ကီလို (တစ်ကီလိုလျှင် သိန်း ၅၀၀ ကျပ်နှုန်းဖြင့် ၎င်းဒေသ တန်ဖိုးငွေကျပ် ၇,၅၃၅ သိန်း)နှင့် စိတ်ကြွရူးသွပ်ဆေးပြား ၉ ဒသမ ၉၂ သိန်း (တစ်ပြားလျှင် ၂,၀၀၀ ကျပ်နှုန်းဖြင့် ၎င်းဒေသတန်ဖိုးငွေကျပ် ၁ ဒသမ ၉၈၄ ဘီလီယံ) တို့အား ဖမ်းဆီးရမိခဲ့ပြီး ကွင်းဆက်စစ်ဆေးဖော်ထုတ်ချက်အရ ဩဂုတ် ၇ ရက် မွန်းလွဲ ၁ နာရီတွင် မန္တလေးမှ ကလေးသို့ မူးယစ်ဆေးဝါးများ သယ်ဆောင်လာပြီး လွှဲပြောင်းပေးအပ်ခဲ့သည့် တိုးတက်အောင် (ခ)မဲလုံးနှင့် အောင်ခန့်ဇော်(ခ)အောင်ကြီးတို့အား ကလေးမြို့၊ မင်္ဂလာဥယျာဉ်ရပ်ကွက်၊ နယ်မြေ(၅)၊ သတိပဌာန်လမ်းသွယ်ရှိနေအိမ်၌ မန္တလေးမှ ကလေးသို့ မူးယစ်ဆေးဝါးများ တင်ဆောင်ခဲ့သည့် HINO ၁၂ ဘီးယာဉ်နှင့်အတူ ဆက်လက်ဖမ်းဆီးရမိခဲ့သဖြင့် ဝင်းကိုကို(ခ) အဲကို (၄၀)နှစ်၊ တိုးတက်အောင် (ခ)မဲလုံး (၂၆)နှစ်နှင့် အောင်ခန့်ဇော်(ခ)အောင်ကြီး (၂၃)နှစ်တို့အား မူးယစ်ဆေးဝါးနှင့် စိတ်ကိုပြောင်းလဲ စေသောဆေးဝါးများဆိုင်ရာဥပဒေအရ အရေးယူထားရှိပြီး ကွင်းဆက်ပြစ်မှု ကျူးလွန်သူများအား ဆက်လက်ဖော်ထုတ်လျက်ရှိကြောင်း သတင်းရရှိသည်။MOHA
Sat, 16-Aug-2025
တရားခံ ကိုကိုအောင် အား ဖမ်းဆီးရမိသည့် စိတ်ကြွရူးသွပ်ဆေးပြားများနှင့်အတူ တွေ့ရစဉ်။
ဧရာဝတီတိုင်းဒေသကြီး၊ ညောင်တုန်းမြို့နယ်တွင် စိတ်ကြွရူးသွပ်ဆေးပြားများ ဖမ်းဆီးရမိ
16 August 2025၂၀၂၅ ခုနှစ်၊ ဩဂုတ် ၁၄ ရက် နံနက် ၉ နာရီ ၄၅ မိနစ်တွင် မူးယစ်ဆေးဝါးတားဆီးနှိမ်နင်းရေး ရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ဧရာဝတီတိုင်းဒေသကြီး၊ ညောင်တုန်း မြို့နယ်၊ အရွဲကျေးရွာအုပ်စု၊ အရွဲကျေးရွာအနီး၌ ရန်ကုန်မှ ပုသိမ်ဘက်သို့ မောင်းနှင်လာသော SUNLONG အမျိုးအစား ခရီးသည်တင်မော်တော်ယာဉ်အား ရပ်တန့်စစ်ဆေးရှာဖွေခဲ့ရာ ယာဉ်ပေါ်ပါခရီးသည် ကိုကိုအောင်ထံမှ စိတ်ကြွရူးသွပ်ဆေးပြား ၅,၉၂၀ ပြား (တစ်ပြားလျှင် ၂,၅၀၀ ကျပ်နှုန်းဖြင့် ၎င်းဒေသ တန်ဖိုးငွေကျပ် ၁၄၈ သိန်း) ဖမ်းဆီးရမိသဖြင့် ကိုကိုအောင် (၃၄)နှစ်အား မူးယစ်ဆေးဝါးနှင့်စိတ်ကို ပြောင်းလဲစေသောဆေးဝါးများဆိုင်ရာဥပဒေအရ အရေးယူထားကြောင်း သတင်းရရှိသည်။MOHA
Sat, 16-Aug-2025
© Copyright 2024 SAC All Rights Reserved.