ဒီပဲယင်းမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ နေကြာ ဧက ၅၀၀၀ ကျော် စိုက်ပျိုးမည်

saceditor

News Image

  • ဒီပဲယင်းမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ နေကြာ ဧက ၅၀၀၀ ကျော် စိုက်ပျိုးမည်

ရေဦး   မေ ၁၃

စစ်ကိုင်းတိုင်းဒေသကြီး ရေဦးခရိုင် ဒီပဲယင်းမြို့နယ်တွင် ဆောင်းသီးနှံစိုက်ပျိုးရာသီ၌ နေကြာဧက ၅၀၀၀ ကျော် စိုက်ပျိုးမည်ဖြစ်ကြောင်း ရေဦးခရိုင် စိုက်ပျိုးရေးဦးစီးဌာနမှ သိရသည်။

မိုးသီးနှံစိုက်ပျိုးရာသီ၌ ဒီပဲယင်းမြို့နယ်တွင် နေကြာ ၅၁၆၃ ဧက စိုက်ပျိုးရန်လျာထားပြီး ယခုလက်ရှိ နေကြာစိုက်ပျိုးနိုင်ရေးအတွက် လယ်ယာမြေများ ထွန်ယက်လျက်ရှိကြောင်း သိရသည်။

“ဒီနှစ် ဒီပဲယင်းမြို့နယ် မိုးသီနှံစိုက်ပျိုးရာသီမှာ နေကြာ ဧက ၅၀၀၀ ကျော် စိုက်ပျိုးဖို့ လျာထားပါတယ်။ လျာထားဧက ပြည့်မီအောင် စိုက်ပျိုးနိုင်ဖို့အတွက် ဆောင်ရွက်ပေးသွားမယ်။ ပြည်ပကနေတင်သွင်းတဲ့ စားအုန်းဆီကို လျှော့ချနိုင်ဖို့အတွက် ဆီထွက်သီးနှံဖြစ်တဲ့နေကြာကို တိုးချဲ့စိုက်ပျိုးဖို့ ဆောင်ရွက်ပေးသွားမယ်။ ဆီထွက်သီးနှံဖြစ်တဲ့ နေကြာဟာ တစ်ဧက ဆီထွက်ရှိမှုက ကျန်တဲ့ မြေပဲ၊ နှမ်းတွေထက်များတယ်” ဟု ရေဦးခရိုင် စိုက်ပျိုးရေးဦးစီးဌာန ခရိုင်ဦးစီးမှူး ဦးဇော်မြင့်ထွန်းက ပြောပြသည်။

ယခုနှစ် ဒီပဲယင်းမြို့နယ်တွင် နေကြာစိုက်တောင်သူများကို မျိုးစေ့များပံ့ပိုးပေးနိုင်ရေး၊ ယူရီးယားဓာတ်မြေဩဇာများ ချိုသာသောဈေးနှုန်းဖြင့် ရောင်းချပေးနိုင်ရေးစီမံထားခြင်း၊ ထွက်ရှိလာသော နေကြာမျိုးများကို တောင်သူမှ တောင်သူဖလှယ်သည့် နည်းစနစ်များဖြင့် ဖြန့်ဖြူးပေးသွားမည်ဖြစ်ကြောင်း သိရသည်။

နေကြာကို အထွက်နှုန်းကောင်းမွန်အောင် စိုက်ပျိုးနိုင်မည်ဆိုပါက ဒေသတွင်းဆီစားသုံးမှုဖူလုံစေမည့်အပြင် ပိုလျှံမှုကို ရောင်းချနိုင်သဖြင့် ဝင်ငွေရရှိကာ လူမှုစီးပွားဘဝများ ပိုမိုဖွံ့ဖြိုးတိုးတက်လာမည်ဖြစ်၍ နေကြာကို တိုးချဲ့စိုက်ပျိုးနိုင်ရန် ဒေသမရွေးကြိုးပမ်းကြရမည်ဖြစ်ကြောင်း ခရိုင်ဦးစီးမှူး ဦးဇော်မြင့်ထွန်းက ပြောပြ၍ သိရသည်။

Source: ရတနာပုံသတင်းစာ

MM-News-Category
စီးပွားရေးကဏ္ဍသတင်း
စီးပွားရေး-ပြည်တွင်းသတင်း

ဆက်စပ်သတင်းများ

စီးပွားရေး သဘောတူညီချက်များအတွက် ဆော်ဒီအာရေဗျသို့ အမေရိကန် သမ္မတရောက်ရှိ
စီးပွားရေး သဘောတူညီချက်များအတွက် ဆော်ဒီအာရေဗျသို့ အမေရိကန် သမ္မတရောက်ရှိ
အမေရိကန်သမ္မတ ဒေါ်နယ်ထရမ့်က နှစ်နိုင်ငံကြားစီးပွားရေး သဘောတူညီချက်များအတွက် ၎င်း၏ ဒုတိယသက်တမ်း ပထမဆုံးပြည်ပ ခရီးစဉ်အဖြစ် မေလ ၁၃ ရက်တွင် ဆော်ဒီအာရေဗျနိုင်ငံသို့ရောက်ရှိလာပြီဖြစ်ကြောင်း သိရသည်။ဒေါ်နယ်ထရမ့်သည် ၎င်း၏ပထမဆုံး ပြည်ပခရီးစဉ်အဖြစ် ပင်လယ်ကွေ့နိုင်ငံများသို့ လေးရက်ကြာခရီး သွားရောက်ခြင်းဖြစ်ပြီး ဆော်ဒီအာရေဗျနိုင်ငံသို့ ပထမဆုံးရောက်ရှိခြင်းဖြစ်သည်။ ယင်းနောက်တွင် ၎င်းသည် ကာတာနှင့် ယူအေအီးနိုင်ငံတို့သို့ဆက်သွားမည်ဖြစ်သည်။ဒေါ်နယ်ထရမ့်အနေဖြင့် ရီယတ်မြို့၌ ကျင်းပမည့် ရင်းနှီးမြှုပ်နှံမှု ဖိုရမ်သို့တက်ပြီး မိန့်ခွန်းပြောရန် စီစဉ်ထားသည်။ ၎င်းနှင့်အတူ အီလွန်မတ်အပါအဝင် ထိပ်တန်းစီးပွားရေးလုပ်ငန်းရှင်များ လိုက်ပါသွားသည်။ထရမ့်က ၎င်း၏ပထမဆုံး ခရီးစဉ်အဖြစ် ပင်လယ်ကွေ့နိုင်ငံများကို ရွေးချယ်ခြင်းသည် ဒေသတွင်း၌ ယင်းနိုင်ငံများ၏ ပထဝီနိုင်ငံရေး အခန်းကဏ္ဍ၌ အရေးပါလာမှုကို ဖော်ပြနေကြောင်း သိရသည်။Source: https://myawady.net.mm/ 
Wed, 14-မေလ-2025
ဒီပဲယင်းမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ နေကြာ ဧက ၅၀၀၀ ကျော် စိုက်ပျိုးမည်
ဒီပဲယင်းမြို့နယ်တွင် ယခုနှစ် မိုးသီးနှံစိုက်ပျိုးရာသီ၌ နေကြာ ဧက ၅၀၀၀ ကျော် စိုက်ပျိုးမည်
ရေဦး   မေ ၁၃စစ်ကိုင်းတိုင်းဒေသကြီး ရေဦးခရိုင် ဒီပဲယင်းမြို့နယ်တွင် ဆောင်းသီးနှံစိုက်ပျိုးရာသီ၌ နေကြာဧက ၅၀၀၀ ကျော် စိုက်ပျိုးမည်ဖြစ်ကြောင်း ရေဦးခရိုင် စိုက်ပျိုးရေးဦးစီးဌာနမှ သိရသည်။မိုးသီးနှံစိုက်ပျိုးရာသီ၌ ဒီပဲယင်းမြို့နယ်တွင် နေကြာ ၅၁၆၃ ဧက စိုက်ပျိုးရန်လျာထားပြီး ယခုလက်ရှိ နေကြာစိုက်ပျိုးနိုင်ရေးအတွက် လယ်ယာမြေများ ထွန်ယက်လျက်ရှိကြောင်း သိရသည်။“ဒီနှစ် ဒီပဲယင်းမြို့နယ် မိုးသီနှံစိုက်ပျိုးရာသီမှာ နေကြာ ဧက ၅၀၀၀ ကျော် စိုက်ပျိုးဖို့ လျာထားပါတယ်။ လျာထားဧက ပြည့်မီအောင် စိုက်ပျိုးနိုင်ဖို့အတွက် ဆောင်ရွက်ပေးသွားမယ်။ ပြည်ပကနေတင်သွင်းတဲ့ စားအုန်းဆီကို လျှော့ချနိုင်ဖို့အတွက် ဆီထွက်သီးနှံဖြစ်တဲ့နေကြာကို တိုးချဲ့စိုက်ပျိုးဖို့ ဆောင်ရွက်ပေးသွားမယ်။ ဆီထွက်သီးနှံဖြစ်တဲ့ နေကြာဟာ တစ်ဧက ဆီထွက်ရှိမှုက ကျန်တဲ့ မြေပဲ၊ နှမ်းတွေထက်များတယ်” ဟု ရေဦးခရိုင် စိုက်ပျိုးရေးဦးစီးဌာန ခရိုင်ဦးစီးမှူး ဦးဇော်မြင့်ထွန်းက ပြောပြသည်။ယခုနှစ် ဒီပဲယင်းမြို့နယ်တွင် နေကြာစိုက်တောင်သူများကို မျိုးစေ့များပံ့ပိုးပေးနိုင်ရေး၊ ယူရီးယားဓာတ်မြေဩဇာများ ချိုသာသောဈေးနှုန်းဖြင့် ရောင်းချပေးနိုင်ရေးစီမံထားခြင်း၊ ထွက်ရှိလာသော နေကြာမျိုးများကို တောင်သူမှ တောင်သူဖလှယ်သည့် နည်းစနစ်များဖြင့် ဖြန့်ဖြူးပေးသွားမည်ဖြစ်ကြောင်း သိရသည်။နေကြာကို အထွက်နှုန်းကောင်းမွန်အောင် စိုက်ပျိုးနိုင်မည်ဆိုပါက ဒေသတွင်းဆီစားသုံးမှုဖူလုံစေမည့်အပြင် ပိုလျှံမှုကို ရောင်းချနိုင်သဖြင့် ဝင်ငွေရရှိကာ လူမှုစီးပွားဘဝများ ပိုမိုဖွံ့ဖြိုးတိုးတက်လာမည်ဖြစ်၍ နေကြာကို တိုးချဲ့စိုက်ပျိုးနိုင်ရန် ဒေသမရွေးကြိုးပမ်းကြရမည်ဖြစ်ကြောင်း ခရိုင်ဦးစီးမှူး ဦးဇော်မြင့်ထွန်းက ပြောပြ၍ သိရသည်။Source: ရတနာပုံသတင်းစာ
Wed, 14-မေလ-2025
အမေရိကန်နှင့်တရုတ်တို့က ကုန်သွယ်ခွန်များ တိုးမြှင့်မှုကို ယာယီရပ်ဆိုင်းရန် သဘောတူညီချက်ရ
အမေရိကန်နှင့်တရုတ်တို့က ကုန်သွယ်ခွန်များ တိုးမြှင့်မှုကို ယာယီရပ်ဆိုင်းရန် သဘောတူညီချက်ရ
အမေရိကန်နိုင်ငံနှင့် တရုတ်နိုင်ငံတို့မှ အဆင့်မြင့်တာဝန်ရှိသူများက  ၎င်းတို့နှစ်နိုင်ငံကြား ဆွေးနွေးမှုများ လုပ်ဆောင်ပြီးနောက်  တစ်နိုင်ငံက တစ်နိုင်ငံအပေါ်ချမှတ်ထားသည့် သွင်းကုန်စည်းကြပ်အခွန်များ တိုးမြှင့်ကောက်ခံမှုကို ခေတ္တရပ်ဆိုင်းရန် သဘောတူလိုက်ပြီဖြစ်ကြောင်း သိရသည်။အဆိုပါနှစ်နိုင်ငံကြား ကုန်သွယ်ရေး ပဋိပက္ခများ ဖြစ်ပွားလာပါက နှစ်နိုင်ငံစလုံးတွင် စီးပွားရေးကျဆင်းမှုသာမက ဘဏ္ဍာရေးဈေးကွက်ကိုလည်း   ကမောက်ကမ ဖြစ်သွားစေနိုင်သည်။အမေရိကန်နိုင်ငံသည် တရုတ်နိုင်ငံမှ သွင်းကုန်များအပေါ် ကောက်ခံမည့် အခွန်နှုန်းထားကို ၁၄၅ ရာခိုင်နှုန်းအထိ သတ်မှတ်ထားသော်လည်း ၃၀ ရာခိုင်နှုန်းအထိ လျှော့ချပေးသွားမည်ဖြစ်ကြောင်း၊ အလားတူ တရုတ်နိုင်ငံကလည်း   အမေရိကန်မှ သွင်းကုန်များအပေါ် သတ်မှတ်ထားသည့်သွင်းကုန်အခွန် ၁၂၅ ရာခိုင်နှုန်းကို  ၁၀ ရာခိုင်နှုန်းအထိ  လျှော့ချပေးသွားမည်ဟု နှစ်ဖက်စလုံးက မေလ ၁၂ ရက်တွင်ပြောထားသည်။ အဆိုပါနှစ်နိုင်ငံကြား ဆောင်ရွက်ချက်အသစ်သည် ရက်ပေါင်း ၉၀ ကြာအထိ အသက်ဝင်မည်ဖြစ်သည်။ဆွေးနွေးပွဲတွင် နှစ်နိုင်ငံစလုံးက ကိုယ်စီအမျိုးသား အကျိုးစီးပွားအတွက် ဆောင်ကြဉ်းနိုင်ကြောင်း၊   နှစ်နိုင်ငံကြား ညီမျှမှုရှိသော ကုန်သွယ်ရေး ရှိလာပြီဖြစ်ကြောင်း၊ အမေရိကန်အနေဖြင့် ဖြစ်ပေါ်လာသည့် ထိုအခြေအနေအတိုင်း ဆက်လက်လျှောက်လှမ်းသွားမည်ဖြစ်ကြောင်း အမေရိကန်ဘက်က ပြောထားသည်။Source: https://myawady.net.mm/ 
Tue, 13-မေလ-2025
အမေရိကန် ဆေးဝါးနှင့် ဆေးပစ္စည်းဈေးနှုန်းများကို ၃၀% မှ ၈၀% အထိ လျှော့ချသွားမည်
အမေရိကန် ဆေးဝါးနှင့် ဆေးပစ္စည်းဈေးနှုန်းများကို ၃၀% မှ ၈၀% အထိ လျှော့ချသွားမည်
အမေရိကန်သမ္မတ ဒေါ်နယ်ထရမ့်သည် မေလ ၁၂ ရက် (တနင်္လာနေ့) တွင် အမေရိကန်ရှိ ဆေးဝါးစျေးနှုန်းများကို ၃၀% မှ ၈၀% အထိ လျှော့ချရန် အမိန့်ညွှန်ကြားချက်တစ်ရပ်ကို လက်မှတ်ရေးထိုးရန် ရည်ရွယ်ထားကြောင်း မေလ ၁၁ ရက်က ပြောကြားလိုက်ပါသည်။“မေ ၁၂ ရက် နံနက် ၉ နာရီတွင် အိမ်ဖြူတော်၌ မိမိတို့နိုင်ငံ၏ သမိုင်းတစ်လျှောက် အရေးပါဆုံး အမိန့်ညွှန်ကြားချက်တစ်ရပ်ကို လက်မှတ်ရေးထိုးမည်ဖြစ်ကြောင်း ကြေညာလိုက်ပါသည်။ ဆေးဝါးနှင့် ဆေးပစ္စည်းစျေးနှုန်းများမှာ ၃၀% မှ ၈၀% အထိ လျင်မြန်စွာ လျော့ကျသွားပါလိမ့်မည်” ဟု ထရမ့်က ၎င်း၏ Truth Social မီဒီယာပေါ်တွင် ပြောကြားထားပါသည်။အမေရိကန်တွင် ဆေးဝါးစျေးနှုန်းများ မြင့်မားနေမှုကို နှစ်ပေါင်းများစွာ စိုးရိမ်နေခဲ့ကြောင်း ထရမ့်က ထပ်လောင်းပြောကြားခဲ့ပါသည်။ကိုးကား- TASSဘာသာပြန်ဆိုသူ-ဦးကျော်ဇေယျ၊ ဒုတိယညွှန်ကြားရေးမှူး၊ နစက-၃
Mon, 12-မေလ-2025
တရုတ်-အမေရိကန် ဂျီနီဗာ စီးပွားရေးနှင့် ကုန်သွယ်ရေး တွေ့ဆုံဆွေးနွေးမှု ပူးတွဲကြေညာချက်
တရုတ်-အမေရိကန် ဂျီနီဗာ စီးပွားရေးနှင့် ကုန်သွယ်ရေး တွေ့ဆုံဆွေးနွေးမှု ပူးတွဲကြေညာချက်
တရုတ်ပြည်သူ့သမ္မတနိုင်ငံ အစိုးရ (“တရုတ်”) နှင့် အမေရိကန် ပြည်ထောင်စု အစိုးရ (“အမေရိကန်”) တို့သည် နှစ်နိုင်ငံ ကုန်သွယ်စီးပွားကဏ္ဍ ဆက်ဆံရေးက နှစ်နိုင်ငံနှင့် ကမ္ဘာ့စီးပွားရေးအပေါ် အရေးပါမှုကို နားလည်သိရှိ၍ လည်းကောင်း၊ စဉ်ဆက်မပြတ်တည်တံ့သော၊ ရေရှည်ဖြစ်သော၊ အပြန်အလှန် အကျိုးပြုသော နှစ်နိုင်ငံ ကုန်သွယ်စီးပွားကဏ္ဍ ဆက်ဆံရေး၏ အရေးပါမှုကို နားလည်သိရှိ၍လည်းကောင်း၊ နှစ်ဖက်အကြား လတ်တလော ဆွေးနွေးမှုများအား ထည့်သွင်းစဉ်းစားသောအားဖြင့် စဉ်ဆက်မပြတ် ညှိနှိုင်းဆွေးနွေးမှုများသည် ကုန်သွယ်စီးပွားကဏ္ဍ နှစ်ဖက်စလုံးက စိုးရိမ်သောကိစ္စများကို ဖြေရှင်းရာ၌ အထောက်အကူပြုသည်ကို ယုံကြည်၍လည်းကောင်း၊ အပြန်အလှန် တံခါးဖွင့်မှု၊ စဉ်ဆက်မပြတ် ညှိနှိုင်းဆွေးနွေးမှု၊ ပူးပေါင်းဆောင်ရွက်မှုနှင့် အပြန်အလှန်လေးစားမှုရှိသော စိတ်ဓာတ်ကို အခြေခံကာ သက်ဆိုင်ရာလုပ်ငန်းများကို ဆက်လက်တွန်းအားပေးသည့် အနေဖြင့်လည်းကောင်း နှစ်ဖက်အနေဖြင့် အောက်ပါအစီအမံများကို ၂၀၂၅ ခုနှစ်၊ မေ ၁၄ ရက်မတိုင်မီ ချမှတ်ဖော်ဆောင်ရန် ကတိပြုသည်။အမေရိကန်နိုင်ငံအနေဖြင့် – (က) ၂၀၂၅ ခုနှစ်၊ ဧပြီ ၂ ရက်က ထုတ်ပြန်သော အမှတ်စဉ် ၁၄၂၅၇ အမိန့် ကြေညာချက်တွင် ပြဋ္ဌာန်းထားသည့် တရုတ်ထုတ်ကုန် (ဟောင်ကောင် အထူးအုပ်ချုပ်ခွင့်ရဒေသနှင့် မကာအိုအထူးအုပ်ချုပ်ခွင့်ရဒေသမှ ထုတ်ကုန် များ အပါအဝင်) အပေါ် တိုးမြှင့်ကောက်ခံသော တန်ဖိုးအလိုက် စည်းကြပ်ခွန် များကို ပြင်ဆင်မည်ဖြစ်ရာ ၎င်းတို့အနက် ၂၄ ရာခိုင်နှုန်းရှိသော စည်းကြပ်ခွန် ကို ပထမ ၉၀ ရက်အတွင်း ဖော်ဆောင်ခြင်းကို ယာယီဆိုင်းငံ့ထားမည့် တစ်ချိန်တည်းမှာပင် ယင်းအမိန့်ကြေညာချက်၌ ပြဋ္ဌာန်းထားသည့်အတိုင်း ထိုထုတ်ကုန်များအပေါ် ကျန် ၁၀ ရာခိုင်နှုန်း စည်းကြပ်ခွန် တိုးမြှင့် ကောက်ခံခြင်းအား ဆက်လက်ထိန်းသိမ်းသွားမည်ဖြစ်သည်။(ခ) ၂၀၂၅ ခုနှစ်၊ ဧပြီ ၈ ရက်က ထုတ်ပြန်သော အမှတ်စဉ် ၁၄၂၅၉ အမိန့် ကြေညာချက်နှင့် ၂၀၂၅ ခုနှစ်၊ ဧပြီ ၉ ရက်က ထုတ်ပြန်သော အမှတ် ၁၄၂၆၆ အမိန့်ကြေညာချက်၌ ပြဋ္ဌာန်းထားသော ထိုထုတ်ကုန်များအပေါ် စည်းကြပ်ခွန်တိုးမြှင့်ကောက်ခံခြင်းကို ပယ်ဖျက်သည်။တရုတ်နိုင်ငံအနေဖြင့်- (က) အလားတူပြင်ဆင်သည့်အနေဖြင့် အခွန်ကော်မတီ၏ ၂၀၂၅ ခုနှစ် အမှတ်စဉ် ၄ ကြေညာချက်တွင် ပြဋ္ဌာန်းထားသော အမေရိကန်ထုတ်ကုန် များအပေါ် ကောက်ခံသည့် တန်ဖိုးအလိုက် စည်းကြပ်ခွန်များကို ပြင်ဆင်သည်။ ၎င်းတို့အနက် ၂၄ ရာခိုင်နှုန်းရှိသော စည်းကြပ်ခွန်ကို ပထမ ၉၀ ရက်အတွင်း ဖော်ဆောင်ခြင်းကို ယာယီဆိုင်းငံ့ထားမည့် တစ်ချိန်တည်းမှာပင် ထိုထုတ်ကုန်များအပေါ် ကျန် ၁၀ ရာခိုင်နှုန်း စည်းကြပ်ခွန်တိုးမြှင့် ကောက်ခံခြင်းအား ဆက်လက်ထိန်းသိမ်းသွားမည်ဖြစ်ပြီး အခွန်ကော်မတီ ၏ ၂၀၂၅ ခုနှစ် အမှတ်စဉ် ၅ နှင့် ၆ ကြေညာချက်များအရ ထိုထုတ်ကုန်များအပေါ် စည်းကြပ်ခွန်တိုးမြှင့်ကောက်ခံခြင်းကို ပယ်ဖျက်သည်။(ခ) လိုအပ်သော အစီအမံများ ချမျတ်သွား၍ ၂၀၂၅ ခုနှစ်၊ ဧပြီ ၂ ရက်မှစ၍ အမေရိကန်အပေါ် အခွန်စည်းကြပ်မှုမဟုတ်သော တန်ပြန်အစီအမံများကို ဆိုင်းငံ့ သို့မဟုတ် ပယ်ဖျက်သည်။ အထက်ဖော်ပြပါ အစီအမံများ ချမှတ်ပြီးနောက် နှစ်ဖက်သည် ယန္တရားထူထောင်ပြီး ကုန်သွယ်စီးပွားကဏ္ဍ ဆက်ဆံရေးနှင့် စပ်လျဉ်း၍ ဆက်လက်ညှိနှိုင်းဆွေးနွေးသွားမည်ဖြစ်သည်။ တရုတ်ကိုယ်စားလှယ်မှာ တရုတ်နိုင်ငံတော်ကောင်စီ ဒုတိယဝန်ကြီးချုပ် ဟယ်လိဖုန်းဖြစ်ပြီး အမေရိကန်ကိုယ်စားလှယ်မှာ အမေရိကန် ဘဏ္ဍာရေးဝန်ကြီး စကော့ဘက်ဆန့်နှင့် အမေရိကန် ကုန်သွယ်ရေးကိုယ်စားလှယ်မှာ Jamieson Greer ဖြစ်သည်။ ညှိနှိုင်းဆွေးနွေးမှုကို တရုတ်၊ အမေရိကန် သို့မဟုတ် နှစ်ဖက်က သဘောတူထားသည့် တတိယနိုင်ငံတွင် ပြုလုပ်နိုင်သည်။ လိုအပ်ချက်အရ နှစ်ဖက်သည် သက်ဆိုင်ရာ ကုန်သွယ်စီးပွားကဏ္ဍဆွေးနွေးရန် အကြောင်းအရာများနှင့်စပ်လျဉ်း၍ လုပ်ငန်းအဆင့် ညှိနှိုင်းဆွေးနွေးမှုများ ပြုလုပ်နိုင်သည်။ ကိုးကား- XinhuaPhoto: Erie News Now
Mon, 12-မေလ-2025
ပုံမှန်ထက်ဈေးသက်သာတဲ့ Tesla Model Y ထွက်ပေါ်လာ
ပုံမှန်ထက်ဈေးသက်သာတဲ့ Tesla Model Y ထွက်ပေါ်လာ
Tesla ကုမ္ပဏီက အမေရိကန်ပြည်မှာ သူတို့ရဲ့ Model Y အမျိုးအစားကိုမှ ဈေးသက်သာတဲ့အပြင် ခရီးဝေးသွားနိုင်တဲ့ မော်ဒယ်နဲ့ ထပ်မံမိတ်ဆက်လိုက်ပါပြီ။ နောက်ဘီးယက်  အမျိုးအစားဖြစ်တဲ့ ဒီမော်ဒယ်အတွက် အခြေခံဈေးနှုန်းကို ဒေါ်လာ ၄၄၉၉၀ သတ်မှတ်ပေးထားပါတယ်။အရင်တုန်းကဆိုရင် အမေရိကန်မှ Tesla ပရိသတ်များဟာ Model Y ကို ဝယ်ယူမယ်ဆိုရင် ဒေါ်လာ ၆၀၀၀၀ အထိ ပေးပြီးဝယ်ယူခဲ့ရတာပါ။ ဒါပေမဲ့  အဲဒီအမျိုးအစားမှာတော့ လေးဘီးယက်စနစ် ဖြစ်ပါတယ်။အခုမိတ်ဆက်လိုက်တဲ့ နောက်ဘီး ယက်အမျိုးအစားက တစ်ကြိမ်အားသွင်း ရုံနဲ့ အကွာအဝေး ၅၇၅ ကီလိုမီတာအထိ ခရီးပေါက်မှာပါ။ လေးဘီးယက်စနစ်နဲ့ ယှဉ်ရင်တော့ သူကနည်းနည်းလေး အထနှေးတယ်လို့ ဆိုရမှာဖြစ်ပါတယ်။ သုညကနေ တစ်နာရီ ၉၇ ကီလိုမီတာနှုန်းနဲ့ မောင်းနိုင်ဖို့ အချိန် ၅ ဒသမ ၄ စက္ကန့် ကြာတယ်လို့ဆိုပါတယ်။Source: https://myawady.net.mm/ 
Mon, 12-မေလ-2025
© Copyright 2024 SAC All Rights Reserved.